Тричковски до Пендаровски: Македонија треба да се справи со факторите кои формално се регистрирани како партија за македонско национално единство
Новинарот Бранко Тричковски преку социјалните мрежи му се обрати на претседателот Стево Пендаровски, кој побара организаторите на јавните собири во Тетово и во Чаир да бидат законски санкционирани за кршењето на законските одредби во однос на употребата на државното знаме и химна и знамињата и симболите на заедниците, со целосно игнорирање на симболите на државата.
„Куртизански претстави
Не, претседателе, Македонија не треба да брка големоалбански елементи по Чаир и во Тетово, тоа е така глупаво, туку треба да се справи со факторите кои систематски ја декапацитираат и десубјективизираат и ја прават згодна платфирма за куртизански претстави. Тие фактори се со сомнително потекло, но формално се регистрирани како партија за македонско национално единство. Би било убаво, уште повеќе, тоа е ваша, обврска, да кажете нешто на таа тема“, вели Тричковски.
