Вооружен грабеж во меувачница во Тафталиџе: планирале, влегле, но не се знае со што излегле
Вооружени лица влегоа во менувачница во близина на студентскиот дом Гоце Делчев, односно на истата улица каде е и „Сити мол“, ја ограбиле. Настанот се случи доцна попладнево, среде бел ден. Според очевидците, сѐ се одвивало брзо, а дали грабежот бил успешен, засега не е познато.
Менувачницата се наоѓа на улицата „Московска“, во Тафалиџе, спроти истоименото пазарче. Сместена е во сутерен.
Вработените во соседните објекти кои биле сведоци на настанот, не сакаат да отирјат детали. На терен е излезена и полицијата која собира траги. Крадците биле добро организирани и успеале за избегаат.
Од МВР излегоа со кратка информација.
„Околу 13.50часот во СВР Скопје е пријавено дека во менувачница на подрачје на општина Карпош две лица со со закана со оружје од вработената одзеле пари. Се преземаат мерки за расчистување на случајот“, велат оттаму.
