Приведено лице од Мала Речица, поставило знаме на Албанија на манастирот на Попова Шапка
![Приведено лице од Мала Речица, поставило знаме на Албанија на манастирот на Попова Шапка](https://skopje1.mk/wp-content/uploads/2023/11/Приведено-лице-од-Мала-Речица-поставило-знаме-на-Албанија-на.jpg)
Полициски службеници на СВР Тетово вчеравечер околу 23.30 часот, по преземени оперативни мерки, го идентификувале и го лишиле од слобода 33-годишниот Ј.А. од тетовска Мала Речица, извести МВР.
– Тој се сомничи дека два часа претходно од јарболот на манастирот „Свети Наум Чудотворец“ на Попова Шапка, додека немало никој во верскиот објект, го симнал црковното знаме на МПЦ-Охридска архиепископија и на негово место го поставил знамето на Република Албанија, соопшти МВР.
По документирање на случајот против Ј.А., кој при симнувањето на црковното знаме бил со уште едно лице по кое се трага, ќе следува соодветен поднесок.
![](https://skopje1.mk/wp-content/uploads/2022/01/2222.png)