Утрово студено, преку ден сончево и температура до 9 степени
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2022/07/ladno_toplomer_termometar_sneg_3454-678x381-1.jpg)
Наутро студено, преку денот сончево со мала до умерена облачност, ова според прогнозата на Управата за хидрометеоролошки работи нè очекува денеска.
Најниска темпратура, -8 степени, утрово е измерена во Маврови Анови, Берово, Крива Паланка, Демир Капија, во Крушево -7, во Куманово, Штип и Скопје-Петровец – 6, во Тетово, Скопје-Зајчев Рид, Струмица, Виница, Прилеп – 5, во Кавадарци, Битола, Охрид и Претор -4, во Велес -3, во Дојран 0 и во Гевгелија еден степен.
Најмногу снег има на Попова Шапка шест сантиметри.
Во текот на денот времето ќе биде сончево со мала до умерена локална облачност. Ќе дува умерен, а долж Повардарието и во источните делови засилен ветер од северен до северозападен правец со брзина и над 60 km/h. Максималната температура ќе биде во интервал до 9 степени.
Во Скопје сончево со мала до умерена облачност и максимална температура до 4 степени.
![](https://skopje1.mk/wp-content/uploads/2022/01/2222.png)