Разрешувањето на Меџити и Алиу утре пред пратениците
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2024/02/Screenshot-2024-02-06-at-19.17.17.png)
Техничкиот премиер Талат Џафери достави предлог до Собранието да ги разреши министрите за информатичко општество и администрација и за здравство, Азир Алиу и Фатмир Меџити.
Џафери за нови министри ги предлага кадрите кои вчера се номинирани од Алијанса за Албанците од крилото на Зијадин Села. Во расколот помеѓу актуелниот и поранешниот шеф на партијата, Таравари и Села, Меџити и Алиу застанаа зад Таравари.
Одлуката со која се бара разрешување на Меџити и Алиу, како што соопштија од Алијанса, е поради тоа што двајцата министри спровеле дејствија спротивни на етичкиот кодекс, уценувале и вршеле притисок врз членовите на Алијанса и врз вработените. Тие велат дека посочените министри јавно кокетирале со ВМРО-ДПМНЕ.
![](https://skopje1.mk/wp-content/uploads/2022/01/2222.png)