Јулија Навалнa за Путин: „Тој не е легитимен претседател, не се важни изборните резултати“
Јулија Навални, вдовицата на рускиот опозициски лидер Алексеј Навални, денеска изјави дека Владимир Путин не е легитимен претседател на Русија, додавајќи дека ќе се обиде да ги убеди светските лидери да не преговараат со него.
Во видеото објавено на социјалните мрежи, таа го пофали учеството на, како што рече, илјадници луѓе низ Русија и во странство за време на протестите на денот на изборите, пренесува Ројтерс.
„Ние си докажавме себеси и на другите дека Путин не е наш претседател“, рече Навалња. Таа додаде дека „изборните резултати не се важни“.
„Ќе обезбедиме никој во светот да не го признае Путин како легитимен претседател. За никој да не седне со него на преговарачка маса“, рече Наваљна.
Владимир Путин освои 87,28 отсто од гласовите на претседателските избори одржани од 15 до 17 март, покажуваат прелиминарните податоци што ги објави руската Централна изборна комисија врз основа на 100 отсто обработени гласачки ливчиња.
Сопругот на Навални, Алексеј Навални, почина на 16 февруари во затвор во Русија, по што руските власти објавија дека лидерот на опозицијата починал од природна смрт. Навални го обвини рускиот претседател Владимир Путин за убиство на нејзиниот сопруг, но Кремљ ги отфрли обвинувањата.
