Свет

(Видео) Обилните дождови во Швајцарија доведоа до лизгање на земјиштето: oсум лица се водат како исчезнати

Avatar
Објавено на
(Видео) Невреме во Австрија и Швајцарија

Во Швајцарија неколку лица се водат како исчезнати во кантонот Тичино на југоисточниот дел на земјата, по свлечиштето предизвикано од обилните дождови што од вчера зафати голем дел од алпската земја, соопшти полицијата.

„Големата бура предизвика лизгање на земјиштето во регионот Фонтана, а луѓето се водат за исчезнати“, соопшти полицијата во соопштението за печатот, без дополнителни детали.

Повикот за евакуација на куќите во близина на реката Меги е упатен рано утринава до жителите на Прато-Сорница и долината Магија, каде што се трага по исчезнатите лица.

Патиштата се отсечени, а камповите лоцирани покрај реката се евакуирани, соопшти кантоналната полиција. Водата го однела мостот и бил блокиран кантоналниот пат.

Струјата беше прекината во делови од регионот, а дел од кантонот остана без вода за пиење, според федералниот систем за тревога во Швајцарија.

Поврзани вести преку ознаки:

Прочитајте и:

На почеток