Одбележан 7-ми ноември – Денот на ослободувањето на Охрид

Со свечена академија „Охридска музичка антологија“ што се одржа во ЦК „Григор Прличев“ вчеравечер започнаа чествувањата по повод 7-ми Ноември, Денот на ослободувањето на Охрид.Пред своите сограѓани се обрати градоначалникот Кирил Пецаков.– Во предвечерието на 7 Ноември по 81 пат прославуваме за слободата на нашиот чудесен Охрид, славиме за едно големо време и едни големи луѓе кои со живот ја заработија слободата во која денес ние живееме.Чествувајќи го денешниот ден, како празник на нашиов Охрид, уште еднаш го исполнуваме аманетот со крв испишан од партизаните.Славејќи ја нивната жртва  за слободен  град , уште еднаш потврдуваме дека нашиот народ има сила да чекори кон вечноста! Денеска срцaтa на охриѓани  чукаат  посилно од кога и да е, кога можеме гордо, во слобода, да се сетиме на заветот на младите борци срочен во синтагмата: „СЛОБОДА ИЛИ СМРТ!“.Ваквиот цврст став на нашите борци е клучот за опстанокот и надминувањето на сите обиди за згаснување на македонскиот национален идентитет.Херојската и безрезервна борба за основни права и светла иднина не познава никакви граници.Денес славиме за хероите  на претходното, наше и идно време.  Јасна Ристеска, Андон Дуков, Петре Пирузе,  Момчило Јорданоски, Кирил Главинчев се само дел од плејадата млади охриѓани кои никогаш нема да бидат однесени во заборав, затоа што нив им ја должиме слободата. На овој ден, славиме и  за   оние без кои големите револуционери не би можеле да ја водат битката за Охрид. Тоа семажите, жените, па дури и децата, кои со својот придонес ја поддржале македонската борба за права и еднаквост со останатите народи, со кои рамо до рамо се боревме во антифашистичката војна.Само синови и ќерки на Македонија можат да истраат тогаш кога е тешко. Само тие можат да дадат се од себе, бидејќи станува збор за нивните домови и семејства, за нивната земја!Новото време раѓа нови борци кои со интелект и ителектуалност војуваат за подобар економски статус, живот и напредок на своите сограѓани.Денеска во слободен Охрид се бориме за подобар животен стандард  на сегашните и идни генерации. Инфраструктурно го разубвуваме градот. Градиме нови детски градинки, училишта плоштади. Се грижиме да го сочуваме и разубавиме она што во традиција се предавало од поколенија во поколенија.Нашиот чудесен Охрид, градот на УНЕСКО со прекрасното езеро, со климентова и самоилова традиција, одамна е мека за илјадници туристи од цел Свет, а работиме нивниот број постојано да расте.Ние сме еден прекрасен мозаик на добри луѓе со различна етничка и верска припадност кои негуваме прекрасен соживот и и уживаме во различностие кои ја градат нашата целина. Ншите херои од НОВ  се добар пример кој не води во животот. Сеќавајќи се за сите оние кои не прашувале за цена, за ризик или за смрт сваќаме во колку подобра положба сме биле од нив.Затоа на овој ден, им изразуваме почит и се поклонуваме  пред нивните дела, кои ја овозможија иднината која ние ја живееме, а за која тие сонуваа.На знајните и незнајни херои од епската ера од Народно ослободителната ера- Слава им!Нека е вечен и од Бога благословен нашиот убав град Охрид!- рече градоначалникот Пецаков.На свеченоста се обрати и Претседателот на охридскиот музички еснаф, Венко Пашоски по што следеше културно –уметничка програма. Актерот Жарко Спасовски изведе монолог „Гласот на борците“, а се одржа и концерт на охридскиот музички еснаф „Охридски музички времеплов“. Настапија музичките изведувачи Ефто Пупиноски, Митко Колјушевски, Мишко Србиноски, Ристе Наумовски, Петар Трајановски, Милован Секулоски, Кирил Белистојановски, Владо Костоски, Игор Бежаноски, придужувани од оркестарот на Ангел Трајковски –виолина, Ристе Довлев- Виолина, Бранко Тасески –виолина, Петар Паскали –виолина, Тони Вретоски –прим, Венко Пашоски –прим, Скендер Дучи –ут, Петар Кочовски –хармоника, Кирче Аслимоски-хармоника, Климент Петрески –гитара, Климент Малчески –контрабас, Јован Пазаркоски- акустична гитара, бас, Христијан Чавкоски –бас,  Вања Танкоски –перкусии, Оливер Костевски-перкусииВо рамки на свечената програма вчера попладне во куќата на Робевци беа отворени уметничките изложби на слики и мозаици од академските уметници Славко и Никола Упевче.Чествувањата за празникот продолжуваат денеска со полагање цвеќе пред спомен обележјата на борците во дворот на  СОСУ „Св. Кирил и Методиј“ и пред спомен обележјето на Јасна Ристеска во с. Рамне. Утре  со свеченост своите патрони празници ќе ги одбележат ЈП „Охридски Комуналец“ и детската градинка „Јасна Ристеска“.

ОО | пред 4 месеци

Сиљановска-Давкова прифати да биде покровителка на 60. издание на МТФ „Војдан Чернодрински“

Претседателката на државата, Гордана Сиљановска-Давкова, денеска ја прими Ана Стојаноска – уметничка директорка на Македонскиот театарски фестивал „Војдан Чернодрински“, театролог, писателка и редовна професорка на Факултетот за драмски уметности во Скопје.На средбата, Стојаноска детално ја запозна претседателката со програмата на 60. јубилејно издание на фестивалот, кое ќе се одржи во јуни следната година под мотото „Храбриот нов театар“.Импресионирана од иновативноста и концептот на фестивалот, Сиљановска-Давкова со задоволство прифати да биде покровителка на јубилејното издание.Во разговорот, двете соговорнички размениле мислења за современата македонска драматургија, значењето на актерите во нејзиниот развој, како и за хроничните проблеми со кои се соочуваат театрите во земјава – од просторните и техничките, до финансиските предизвици.И покрај тешкотиите, заеднички заклучиле дека театарот мора да остане жив и витален, со јасна мисија да ја поттикне љубовта кон уметноста кај младите и децата.Претседателката изразила уверување дека знаењето, професионалноста, храброста и ентузијазмот на Ана Стојаноска и нејзиниот тим се гаранција за незаборавен фестивал, кој заслужува институционална и финансиска поддршка.

Македонија | пред 5 месеци

Англичанец убил брачен пар, ги одвел нивните деца во McDonald's, а потоа отишол во полиција

Англичанец Дерек Мартин (67) е осуден на доживотен затвор за убиството на млад брачен пар – Џош и Клоуи Башфорд – во нивниот дом во Њухејвен, јуни 2023 година. По убиството, тој ги одвел нивните деца во McDonald’s, а потоа се предал во полиција и признал: „Убив двајца луѓе.“Мартин прво ја нападнал Клоуи со чекан и нож, а потоа го убил Џош кога се вратил дома. Судот дозна дека Мартин бил поранешен сопруг на мајката на Клоуи и дека често им помагал на семејството. На денот на злосторството избила расправија околу пари, по што „полудел“.Тој ќе мора да одлежи најмалку 29 години пред да може да бара условно ослободување. Според обвинителството, мотивот бил долг од 8.000 фунти поради коцкање. Семејството на жртвите изјави дека пресудата им донела олеснување и чувство дека конечно добиле правда.

Свет | пред 5 месеци

Конкурс за доделување општинска награда – Патрон на градот „Св. Климент Охридски“

Врз основа на член 16 и 18 од Одлуката за доделување општински награди и признанија бр.07-3394/6 од 28.10.2011 година, градоначалникот на Општина Охрид распишува:КОНКУРСЗА ДОДЕЛУВАЊЕ ОПШТИНСКА НАГРАДА – ПАТРОН НА ГРАДОТ „СВ.КЛИМЕНТ ОХРИДСКИ“ По повод 8-ми Декември – „Св. Климент Охридски“-градоначалникот на Општина Охрид распишува Конкурс за доделување на општинската награда – Патрон на градот „Св.Климент Охридски” за 2025 година.Наградата се доделува за животно дело, односно долгогодишни остварувања и врвни достигнувања во сите области од општествениот живот кои се од особено значење за Општина Охрид  и кои имаат голем придонес во нејзиниот развој, напредок и севкупна афирмација во Република Македонија и светот.Право на учество на Конкурсот  имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања и придонес станува збор.Исто така, кон пријавата потребно е да се достави и најмалку една препорака од релевантна институција или истакнат поединец од областа за која се конкурура.Наградата „Патрон на градот “Св. Климент Охридски” се доделува на еден добитник само еднаш и истата не може да се дели меѓу повеќе добитници.Конкурсот трае 15 календарски дена сметано од денот на објавувањето.Пријавите кои ќе бидат доставени по истекот на рокот нема да се разгледуваат.Пријавите да се достават на адреса: ул. „Димитар Влахов” бр.57, за градоначалник на Општина Охрид (со назнака: ЗА КОНКУРС ОПШТИНСКА НАГРАДА – ПАТРОН НА ГРАДОТ “СВ.КЛИМЕНТ ОХРИДСКИ”).ОПШТИНА ОХРИДГрадоначалник,Кирил Пецаков

ОО | пред 5 месеци

Конкурс за доделување повелба – Патрон на градот „Св. Климент Охридски“

Врз основа на член 36  од Законот за локална самоуправа и член 18 од Статутот, Советот на општина Охрид распишуваКОНКУРСЗА ДОДЕЛУВАЊЕ ПОВЕЛБА – ПАТРОН НА ГРАДОТ “СВ.КЛИМЕНТ ОХРИДСКИ” По повод 8-ми Декември – „Св.Климент Охридски”, Комисијата за одбележување празници и манифестации и доделување награди и признанија распишува Конкурс за доделување Повелба – Патрон на градот „Св.Климент Охридски” за 2025 година.Повелбите се доделуваат за остварувања и достигнувања во сите области од општествениот живот кои се од особено значење и имаат посебен придонес во равојот и севкупниот напредок и афирмација на Општина Охрид во Република Македонија и во светот, во период од една година.Право на учество на Конкурсот имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања се конкурира и најмалку барем една препорака од релевантна институција или истакнат поединец од областа во која се конкурира.Повелбата може да се додели максимум на пет добитници.Конкурсот трае 15 календарски дена од денот на објавувањето.Пријавите коишто ќе бидат доставени по истекот на рокот нема да се разгледуваат.Пријавите да се достават во затворен плик на адреса: ул.„Димитар Влахов” бр.57, со назнака:За Комисија за одбележување празници и манифестации и доделување награди и признанија (со назнака: ЗА КОНКУРСОТ ЗА ДОДЕЛУВАЊЕ ПОВЕЛБА – ПАТРОН НА ГРАДОТ „СВ.КЛИМЕНТ ОХРИДСКИ”.)                                               Совет на општина ОхридПретседател,Перчо Божиновски

ОО | пред 5 месеци

Награден ученички литературен конкурс за најдобра поетска творба

По повод 8-ми Декември – Св.Климент Охридски – Патрон на градот, Општина Охрид распишува:НАГРАДЕН УЧЕНИЧКИ ЛИТЕРАТУРЕН КОНКУРС ЗА НАЈДОБРА ПОЕТСКА ТВОРБАТемата на Конкурсот треба да  се однесува на Охрид и животот и дејноста на Свети Климент ОхридскиПо овој Конкурс, Општина Охрид ќе додели три први награди за најдобра поетска творба во три различни категории:I За ученици од одделенска настава (од прво до петто одделение);II За ученици од предметна настава (од шесто до деветто одделение);III За ученици во средно образование (од прва до четврта година).Износот на наградата за првата категорија е 2.000,оо денари;Износот на наградата за втората категорија е 3.000,оо денари;Износот на наградата за третата категорија е 4.000,оо денари.Изборот на најдобрите поетски творби ќе го направи тричлена жири – комисија, формирана од градоначалникот  на Општина Охрид.Право на учество на овој Конкурс имаат сите редовни ученици  од основните и средните училишта на подрачјето на Општина Охрид.Творбите, во три примероци, во затворен плик, под шифра, најдоцна до 30.11.2025 година, треба да се доставуваат  на следната адреса: Општина Охрид, – ул.”Димитар Влахов“бр.57 (со назнака: За Конкурсот за наградени творби и со наведена категорија за која се конкурира).Творбите пристигнати по наведениот датум нема да се разгледуваат.Авторството се докажува со четвртиот примерок.Наградите ќе бидат врачени на една од свеченостите организирани по повод 8-ми Декември – Свети Климент Охридски – Патронот на Охрид.

ОО | пред 5 месеци

Јавен повик за членови на Локалното собрание на млади на Општина Охрид

Врз основа на член 74 став 2, 3 и 4 од Статутот на Општина Охрид, како и член 17 од законот за младинско учество и младински политики, Локалното младинско собрание на Општина Охрид објавува:ЈАВЕН ПОВИКЗА ЧЛЕНОВИ НА ЛОКАЛНОТО СОБРАНИЕ НА МЛАДИ НА ОПШТИНА ОХРИД1. ОПШТИ ИНФОРМАЦИИЗа остварување на јавните потреби и јавниот интерес на младите луѓе на територијата на општина Охрид, согласночлен 17 од Законот за младинско учество и младински политики објавен во Службен весник на РМ бр. 10 од 16.01.2020 година, се наметнува потреба од поголема функционалност на локално младинско собрание, како форма за зголемено учество на младите во локалната заедница.Целтта на реализација на оваа активност е вклучување на младите во спроведување на политиките и креирање на младинските програми. Тоа е можно единствено преку институционализирање во тело кое формално правно ќе ги претставува и застапува младите во Општина Охрид.Локалното Собрание на Млади ги известува заинтересираните дека објавува Повик за членови на Локално Собрание на Млади на Општина Охрид.2. ПРАВО НА УЧЕСТВО НА ЈАВНИОТ ПОВИКЈавниот повик е отворен за претставници на: младински организации, организации на млади, политички подмладоци, ученички и студентски организации и другиоблици на младинско здружување кои се активни на територијата на Општина Охрид кои ги исполнуваат следните критериуми:Да имаат активности на територијата на општина Охрид;Да се основани и активни најмалку една година пред отворањето на овој јавен повик;Делегатот и заменик делегатот кои ќе бидат номинирани требада се: жители на општина Охрид и да бидат на возраст од 15-29 години;3. НАЧИН НА АПЛИЦИРАЊЕ И РОК ЗА ПОДНЕСУВАЊЕ НА ПРИЈАВИТЕАплицирањето по однос на јавниот повик се врши електронски со поднесување на пријава која е составен дел на овој јавен повик во PDF формат на следната емаил адреса: sovetnamladiohrid@yahoo.comАпликантите задолжително треба да ги достават следните документи:Унифицирана пријава;Резиме од работата на организацијата; (не се однесува за политички подмладоци)Мотивационо писмо за учество во Локалното собрание на млади;Годишен извештај за работата од претходната година со кој се потврдува дека организацијата била активна изминатата година со активности спроведени за или со млади во Општина Охрид; (не се однесува за политички подмладоци)Доставените пријави нема да бидат разгледувани по истекот на рокот на Јавниот повик.Материјалите доставени со пријавите на Јавниот повик не се враќаат.Јавниот повик трае 10 дена од денот на објавувањето по што следува оддржување на седница на локалното собрание на млади.Апликациите ќе бидат разледани од членовите на постоечкото Локалното младинско собрание на Општина Охрид, а мандатите на делегатите ќе бидат верифицирани на самото Собрание.4. ДОПОЛНИТЕЛНИ ИНФОРМАЦИИДополнителни информаци и во врска со Јавниот повик може да се добијат на тел. 046 262 492/262 493 (во Одделение за млади и невладини организации).

ОО | пред 5 месеци

Орце влезе во Град Скопје: Од вечерва ќе чисти, за 72 часа треба градот да светне

Новoизбраниот градоначалник на Скопје, Орце Ѓорѓиевски, денес официјално го доби уверението за функцијата и најави дека веднаш започнува со првите активности во главниот град.„Денешното уверение е симбол на довербата што ми ја дадоа граѓаните на Скопје, но и голема обврска да работам одговорно, посветено и со јасна визија. Ќе бидам градоначалник на сите, без разлика на верска, национална или партиска припадност. За мене поделбите не постојат“, порача Ѓорѓиевски.Тој најави дека уште вечерва во 20:30 часот започнува првата голема акција за чистење на Скопје, со цел градот да се исчисти во рок од 72 часа.„Скопје го менуваме од корен. Почнуваме веднаш – прво со чистење, а од утре и со реорганизација на јавните претпријатија за градот конечно да функционира како што скопјани заслужуваат“, додаде тој.Ѓорѓиевски најави и нови инфраструктурни, еколошки и образовни проекти, како и целосна транспарентност во работата на Градот Скопје.„Скопје ќе биде отворен град. Благодарен сум на секој скопјанец што препозна искреност, посветеност и дела зад зборовите. Почнуваме!“, заврши градоначалникот.

Македонија | пред 5 месеци

Свикана втората седница на Советот на Општина Охрид – со дополнување

Врз основа на член 39 од Законот за локалната самоуправа („Сл.весник на РМ“ бр.5/02) и член 26 од Статутот на општина Охрид („Сл.гласник на општина Охрид“ бр. 8/2007, 01/08, 10/10, 05/11, 09/14,14/14, 10/19 и 15/20), Претседателот на Советот донесува:Р Е Ш Е Н И ЕЗА СВИКУВАЊЕ НА ВТОРАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ втората седница на Советот на општина Охрид на ден 12.11.2025 година (среда) со почеток во  09,00 часот.  Седницата ќе се одржи во зградата на општина Охрид.За седницата го предлагам следниот:Д Н Е В Е Н   Р Е ДУсвојување на Записникот од првата конститутивна седницаПредлог Решение за формирање Статутарно-правна Комисија.Предлог Решение за формирање Комисија за финансии и буџет.Предлог Решение за формирање Комисија за јавни и комунални дејности.Предлог Решение за формирање Комисија за урбанизам.Предлог Решение за формирање Комисија за општествени дејности.Предлог Решение за формирање Комисија за туризам и локален економски развој.Предлог Решение за формирање Комисија за заштита на животната средина.Предлог Решение за формирање Комисија за млади и спорт.Предлог Решение за формирање Комисија за месна самоуправа.Предлог Решение за формирање Комисија за одбележување празници и манифестации и доделување награди и признанија.Предлог Решение за формирање Комисија за еднакви можности меѓу мажите и жените.Дополнување на дневниот ред за 2-рата седница на Советот на општина Охрид со следните две точки:Предлог одлука за констатирање престанок на мандат на член во Советот на општина Охрид.Предлог одлука за верификација на мандат на член во Советот на општина Охрид.СОВЕТ НА ОПШТИНА ОХРИДПретседателПерчо БожиновскиОПШТИНА ОХРИДЛОКАЛНА САМОУПРАВАБрој 08-14956/105.11.2025 год.О х р и д

ОО | пред 5 месеци

Сиљановска-Давкова ја доби првата копија од Привилегијата од Светиот римски цар Леополд Први Хабзбуршки

Претседателката Гордана Сиљановска-Давкова денеска го прими професорот Георги Гоце Дуртаноски, кој ѝ ја врачи првата копија од Привилегијата дадена на Македонците од Светиот римски цар Леополд Први Хабзбуршки во 1690 година во Виена.Авторот на овој уникатен документ во калиграфски препис, проф. Дуртановски говореше за неговата важност за потврда на посебноста на македонскиот идентитет.Со него, царот Леополд го прифатил барањето за заштита на Македонците од турското ропство, барајќи од нив да се приклучат во борбата против заедничкиот непријател.Дуртаноски посочи дека оригиналниот записник бил пронајден во Воениот архив во Виена, а потем реконструиран во Центарот за ракописни студии при европската христијанска академија, со којшто раководи. Заблагодарувајќи се за копијата, Сиљановска-Давкова изрази почит кон неговата успешна работа во Летонија, кадешто предава христијанска палеографија, како и кон ангажманот ширум Европа. Во Привилегијата, таа препознава документ од особено значење за македонскиот народ и неговиот идентитет.„Документот го потврдува она што повеќепати е докажано, но добро е да имаме уште еден аргумент, соочени со обидите за негово оспорување“, додаде претседателката.Обајцата веруваат во важноста и ефикасноста на културната дипломатија, особено за малите држави.

Македонија | пред 5 месеци

Митева: ВМРО-ДПМНЕ повторно ја доби довербата од граѓаните, но колку е таа поголема, толку е поголема и одговорноста

Марија Митева, член на ИК на ВМРО-ДПМНЕ, во гостување во емисијата „За или против“ на Алфа телевизија изјави дека големата доверба што граѓаните ја дадоа на локалните избори претставува уште поголема одговорност.„Колку е поголема довербата, толку е поголема и одговорноста. Но, од друга страна, оваа победа некако може и многу други работи да ни покаже. Политичките кандидати на ВМРО-ДПМНЕ успеаја преку овие локални избори да покажат дека се идентификувале со очекувањата на граѓаните. Добивањето на довербата на локално ниво, особено на локални избори, секогаш значи дека граѓаните имаат очекувања од вас, и ако вие ги исполните нивните очекувања, или веруваат дека можете да ги исполните очекувањата, тогаш и директно ви ја даваат довербата“, истакна Митева.Митева нагласи дека резултатите од изборите покажуваат дека граѓаните веруваат во ВМРО-ДПМНЕ како партија што има јасен системски правец и реален пристап кон решавање на проблемите.„Овие избори покажуваат дека граѓаните веруваат дека ВМРО-ДПМНЕ е политичка партија која што има еден системски правец, а тоа е чесност, работа и посветеност. Веруваат дека можеме да го исполниме она што го ветуваме, веруваат во реториката која што ја имаме на работа и чесност, а не само на празни зборови коишто не се реализираат во реалноста“, додаде Митева.Митева изрази благодарност до сите граѓани кои ја дале својата доверба, нагласувајќи дека токму таа доверба претставува дополнителен мотив за уште посериозна работа и исполнување на ветеното.„Водевме реална политика, зборувавме за реалните проблеми. Јас благодарам на секој еден граѓанин којшто ја даде довербата, го даде својот глас и се разбира откако се ова ќе го сумираме веднаш следи одговорноста затоа што и довербата е голема“, вели Митева.

Македонија | пред 5 месеци

Лишен од слобода возачот кој денеска удри велосипедист на бул. „Гоце Делчев“ во Скопје и го напушти местото на настанот

„Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје, затоа што околу 12:30 часот на бул. „Гоце Делчев“ во Скопје со патничко возило „пасат“ со скопски регистерски ознаки, удрил во велосипед управуван од Ј.Ќ.(78) од Скопје, кој од здобиените повреди починал на местото на настанот.По несреќата, возачот на возилото „пасат“ го оставил возилото и заминал од местото на настанот, но по преземени мерки од страна на полициски службеници, тој е пронајден и лишен од слобода, а по документирање на случајот против него ќе биде поднесена соодветна пријава.“ велат од МВР.

Македонија | пред 5 месеци

Општинската изборна комисија му го врати уверението за вториот мандат на градоначалникот Кирил Пецаков

Претседателката на Општинската изборна комисија Антигона Сионов, денеска официјално му го врачи Уверението за избор на градоначалник на Општина Охрид, на досегашниот градоначалник Кирил Пецаков, за претстојниот четиригодишен мандат.– Од денeска започнува мојот втор мандат, заедно со мојот тим и администрацијата и секако на сите јавни претпријатија, основни и средни училишта, кои се дел од локалната самоуправа. Реализиравме многу проекти кои што значат за Охрид и стратешки го менуваат, а така продолжуваме и во вториот мандат. Имаме 10 нови капитални проекти на кои ќе се надополни и финиширањето на четири проекти, кои беа ветени во претходниот мандат. Станува збор за сериозна промена на сето она што ние го перцепираме во Охрид, првично за охриѓани и за сите оние кои што доаѓаат и уживаат во неговите убавини. Пред нас следува инвестициски период кој верувам дека ќе заврши успешно, односно за многу работи за кои што охриѓани разговарале, побарувале и било како насушна потреба во изнинативе 30 години, ќе се остварат, ќе се завршат и сметам дека Охрид не само што ќе изгледа поинаку, ќе има и многу подобри услови за сите жители и сите туристи кои го посетуваат, истакна градоначалникот Пецаков во својата изјава за медиумите.На свеченото доделување на Уверението за избор на градоначалник присуствуваа сите членови на Општинста изборна комисија од Охрид кои упатија искрени честитки до градоначалникот Пецаков.Изборна комисија – општина Охрид

ОО | пред 5 месеци

Општинската изборна комисија му го врачи уверението за вториот мандат на градоначалникот Кирил Пецаков

Претседателката на Општинската изборна комисија Антигона Сионов, денеска официјално му го врачи Уверението за избор на градоначалник на Општина Охрид, на досегашниот градоначалник Кирил Пецаков, за претстојниот четиригодишен мандат.– Од денeска започнува мојот втор мандат, заедно со мојот тим и администрацијата и секако на сите јавни претпријатија, основни и средни училишта, кои се дел од локалната самоуправа. Реализиравме многу проекти кои што значат за Охрид и стратешки го менуваат, а така продолжуваме и во вториот мандат. Имаме 10 нови капитални проекти на кои ќе се надополни и финиширањето на четири проекти, кои беа ветени во претходниот мандат. Станува збор за сериозна промена на сето она што ние го перцепираме во Охрид, првично за охриѓани и за сите оние кои што доаѓаат и уживаат во неговите убавини. Пред нас следува инвестициски период кој верувам дека ќе заврши успешно, односно за многу работи за кои што охриѓани разговарале, побарувале и било како насушна потреба во изнинативе 30 години, ќе се остварат, ќе се завршат и сметам дека Охрид не само што ќе изгледа поинаку, ќе има и многу подобри услови за сите жители и сите туристи кои го посетуваат, истакна градоначалникот Пецаков во својата изјава за медиумите.На свеченото доделување на Уверението за избор на градоначалник присуствуваа сите членови на Општинста изборна комисија од Охрид кои упатија искрени честитки до градоначалникот Пецаков.Изборна комисија – општина Охрид

ОО | пред 5 месеци

Мајката на загинатиот Стефан: Ќе штрајкувам со глад до крај, ако треба да умрам, ќе умрам чесно

Мајката на трагично загинатиот Стефан Хрка, Дијана Хрка, која вчера започна штрајк со глад пред Собранието, спроти „Чациленд“ во Белград, изјави дека нема намера да се премисли.,,Кој го уби моето дете.Ако треба да умрам, ќе умрам чесно,“ порача Дијана.Бара од надлежните да го завршат случајот, сите да бидат процесуирани, сите да бидат сослушани.,,Не сум терорист, не сум криминалец, јас сум мајка која бара правда. Три дена ме прогонуваа, денес ме бркаа по автопат, но нема да се откажам. Сакам сите студенти кои се уапсени да бидат ослободени”, изјави мајката на Стефан кој загина пред една година при падот на настрешницата во Белград.

Свет | пред 5 месеци

ЕК: Кога оние кои сакаат да ги замолчат новинарите се на слобода, стравот се шири, а вистината исчезнува

Денеска се одбележува Меѓународниот ден за ставување крај на неказнивоста за злосторства врз новинарите.Преку кампањата „Новинарите се важни“, Советот на Европа и државите-фокусни точки ја потврдуваат заедничката заложба за заштита на новинарите и за обезбедување на правда за сторителите на злосторства против нив.,,Секој напад врз новинар е напад врз слободата на изразување и пристапот на луѓето до информации. Тој ги лишува граѓаните од веродостојни информации, промовира дезинформации, ги ослабува демократските институции и шири страв меѓу оние што го штитат правото на јавноста да знае. Затоа, ставањето крај на неказнивоста за овие злосторства не е само за одбрана на новинарите, туку и за одбрана на вредностите на нашата демократија”, потенцирал Мухамед Исмаиљи, помошник на министерот за односи со јавноста во Министерството за внатрешни работи и фокусна точка на Македонија во Советот на Европа за кампањата „Новинарите се важни“.,,Кога оние кои се обидуваат да ги замолчат новинарите остануваат на слобода, стравот се шири, а вистината исчезнува. Поддржуваме новинари и соработуваме со партнери ширум светот за да обезбедиме слобода на говорот и слобода на печатот. Нека се каже вистината. Нека печатот биде слободен, стои во објавата на Европската Комисија.

Свет | пред 5 месеци

МВР апелира: Ако видите нарушувања на изборниот процес јавете се на 192

Според МВР, Локалните избори 2025 се одвиваат во мирна, фер и демократска атмосфера низ целата држава. Министерството за внатрешни работи презема мерки и активности во рамки на своите надлежности за непречено и безбедно спроведување на изборниот процес.,,До овој момент не се регистрирани посериозни нарушувања на јавниот ред и мир. Иако се забележани неколку пријави за агитирање при гласање на повеќе места, по преземени мерки на МВР, наводите не се потврдени.МВР апелира до граѓаните и политичките партии да придонесат за мирна и демократска атмосфера. Секоја информација за можни нарушувања на изборниот процес може да се пријави во најблиската полициска станица или на телефонските броеви 192 и 112”, информира МВР.

Македонија | пред 5 месеци

ДИК: Излезеноста до 13 часот е 18.05%

Излезноста на локалните избори во 13 часот е 18,05 посто на територија на целата држава.Најмала е излезноста во скопските општини Чаир и Сарај, каде излезноста е околу 5 односно 3 отсто до 13 часот.Излезноста во другите скопски општини се движи од 13,3 отсто во Бутел и околу 22 отсто во Центар и Карпош.Во останатите општини поголема е излезноста во јужните и источните општини, каде излезноста изнесува до 36 отсто.Во Кочани излезноста до 13 часот е нешто над 18 отсто, а послаба заинтересираност за гласање има и во Куманово, каде процентот е нешто над 13.Изкезноста во Крушево е 34 отсто, додека излезноста во Струга, Дебар, Боговиње, Тетово се движи од 13 до 18 отсто. Во Кичево до 13 часот излегле 28,25 отсто од гласачите.

Македонија | пред 5 месеци

Вучиќ: Ќе им излезам во пресрет на блокадерите, изборите ќе се одржат порано

Претседателот на Србија, Александар Вучиќ, изјави дека студентите кои се во блокада, односно, како што тој ги нарекува, „блокадери“, негативно реагирале на неговото извинување за тешките зборови што ги упатил кон нив, бидејќи, како што рече, „така младоста, во револуционерен занес, истрчува пред да размисли“.„Моето извинување беше искрено, не затоа што сакав некому да се додворам, ниту затоа што, како што некои мислат, се исплашив, туку од желба да ја сменам атмосферата во општеството“, изјави Вучиќ.Тој додаде дека на „ирационални навреди понекогаш реагирал емотивно“, но дека знае да го признае тоа — за разлика од политичките противници. „Мојата рака е подадена кон оние кои мислат поинаку“, порача Вучиќ, истакнувајќи дека има свои идеи, но дека е претседател на сите граѓани.„Среќен сум што сè помина мирно и достоинствено“Тој исто така изјави дека ќе им излезе во пресрет на „блокадерите“ и дека парламентарните избори ќе се одржат предвреме, за што ќе одлучат надлежните институции.Говорејќи за вчерашното одбележување на годишнината од трагедијата во која загинаа 16 лица при уривање на настрешница на железничката станица во Нови Сад, Вучиќ рече дека на врвот на собирот имало околу 40.000 луѓе, дека комеморација се одржала и во храмот Свети Сава во Белград, и дека е среќен што сè поминало „мирно и достоинствено“.На прашањето за апсењето на новосадскиот одборник Миша Бачулов, кој е обвинет дека се обидел да инсценира сопствено труење за да го обвини Вучиќ, претседателот на Србија изјави дека му е „скоро жал за тој човек, бидејќи помислил дека е важен“.

Свет | пред 5 месеци

ДИК: Излезеноста до 9 часот е 2,88 проценти на државно ниво, а 2,46 во Скопје

ДИК ја соопшти излезноста до 9 часот.Одѕивот на гласачите во вториот круг од локалните избори до 9 часот изнесува 2,88 отсто, при што своето право на глас го оствариле 22.379 граѓани, реле претседателот на Државната изборна комисија (ДИК), Борис Кондарко.Во Град Скопје, одѕивот за избор на градоначалник е 2,46 отсто. Во првиот кург, излезноста до 9 часот беше 3 отсто.„Гласачките места се отворени навремено и уредно, а гласањето се одвива во најдобар ред. Постапката тече непречено и досега немаме евидентирано никакви проблеми со изборниот материјал или со работата на избирачките одбори“, изјави Кондарко.Тој кажа дека единствено на избирачкото место 0385 во Дојран имало краток застој поради технички проблем со смарт картичка на уредот за биометриска идентификација, но проблемот е надминат и гласањето продолжило без прекин.Кондарко најави дека во текот на денот, тимови на ДИК ќе вршат ненајавени посети на одредени избирачки места и општински изборни комисии со цел да го надгледуваат текот на изборниот процес. По 19 часот, тимовите ќе го следат и процесот на броење на гласовите за да се обезбеди поголема транспарентност. ДИК останува на препораката целиот состав на избирачкиот одбор да биде присутен за време на броењето.Од Комисијата информираат дека се во постојана комуникација со Комисијата за следење на изборниот процес при Јавното обвинителство, со цел превентивно да се реагира доколку се појави потреба.Во вториот круг од локалните избори се гласа за градоначалници во 32 општини и во Градот Скопје. Право на глас на 1.771 избирачко место имаат 1.013.375 граѓани, од кои 474.304 се во Скопје.

Македонија | пред 5 месеци

Украина се соочува со сериозна криза на човечки ресурси

Сè повеќе млади Украинци ја напуштаат земјата, што претставува голем удар за напорите на Киев во војната со Русија. Откако владата дозволи на мажите од 18 до 22 години да заминат во странство, околу 100.000 преминале во Полска. Истовремено, армијата се обидува да мобилизира околу 30.000 војници месечно, но десетици илјади дезертираат, а има отворени околу 290.000 случаи за дезертерство.Недостигот на војници е толку голем што украинските единици на фронтот дејствуваат со само половина или третина од потребната бројност. Се проценува дека армијата има потреба од најмалку 200.000 нови војници. Присилните мобилизации предизвикуваат гнев и насилни инциденти низ земјата.Бегството на младите Украинци создава и политички проблем за претседателот Зеленски, но и притисок врз европските сојузници. Политичари во Полска, Германија и Литванија веќе бараат враќање на Украинците со воена возраст во татковината.Во меѓувреме, Русија со напади врз енергетската инфраструктура се обидува да предизвика нов бран бегалци. Германија е предупредена да се подготви за можен масовен прилив оваа зима.Пред Украина е најтешкиот период од почетокот на војната – загубите, студот и егзодусот на младите ја загрозуваат не само победата, туку и иднината на самата земја.

Свет | пред 5 месеци

Пукање во Крит, испукани илјадници куршуми: Двајца загинати, 14 ранети

Најмалку две лица загинаа во напад извршен од вооружена група која испукала илјадници куршуми кон куќи, автомобили и жители на едно село на островот Крит.Непознати напаѓачи рано утрово отвориле оган во селото Воризија, пренесува весникот Катимерини. Освен двете загинати лица, во нападот се повредени најмалку уште 14 лица, меѓу кои има и деца. Засега нема официјални информации за позадината на инцидентот, но локалните медиуми пренесуваат дека се претпоставува оти станува збор за семејна крвна одмазда.Полицијата ги пребара сите куќи во селотоТаквите одмазди на Крит биле честа појава до средината на минатиот век, но се присутни и денес. Затоа се сомнева дека нападот можеби е одмазда за бомбашкиот напад од претходната ноќ. Според полицискиот извештај, на градилиште во истото село била активирана експлозивна направа, која предизвикала значителна материјална штета.Во емисијата на ERT News беше кажано дека во селото има две завојувани семејства. Некои од повредените во пукањето биле пренесени со автомобили и трактори до локалната болница, бидејќи возилата на итната помош од безбедносни причини го одложиле пристигнувањето во селото, стои во извештајот.

Свет | пред 5 месеци

На РТС, наместо пренос од комеморацијата за 16 те загинати одат филмови и музика

Многуилјаден народ од цела Србија, но и од други земји, во Нови Сад присуствуваат на комеморацијата за жртвите од трагедијата на железничката станица во Нови Сад, која се случи пред една година. И додека ова е вест за некои домашни, но и странски медиуми, не е и за државната телевизија РТС. Уредништвото одлучило да не врши пренос.Јавноста остро ја осуди одлуката на РТС да не ја пренесува комеморацијата во чест на 16 жртви од трагичниот пад на настрешницата пред една година.РТС на своите програми емитуваше стари филмови и музички концерти, без да објават прилог од местото на настанот.Граѓаните, опозицијата и новинарските здруженија ја обвинуваат државната телевизија за цензура и игнорирање на настан од јавен интерес, со коментари дека ваквиот чин е ,,срам за јавниот сервис“ и дека РТС има законска обврска да известува за настани од значење за граѓаните. Ова, коментираат е политички притисок.

Свет | пред 5 месеци

Јордан и Германија: Мировните сили за Газа треба да имаат мандат од ОН

Јордан и Германија денес се согласија дека меѓународните сили, кои ќе бидат распоредени во Газа според мировниот план на американскиот претседател Доналд Трамп, треба да имаат мандат од Обединетите нации (ОН).„Меѓународни стабилизациски сили“ се предвидени со договорот кој на 10 октомври доведе до кревко примирје меѓу Израел и палестинскиот Хамас, по две години разорна војна предизвикана од нападот на Хамас врз Израел на 7 октомври 2023 година.„Мандатот мора да биде заснован на јасна правна основа во меѓународното право“Според условите на овој договор, коалицијата на стабилизациски сили ќе се состои главно од арапски и муслимански земји и ќе биде распоредена во Газа за да ја надгледува безбедноста и почитувањето на примирјето за време на повлекувањето на израелската војска.„За овие стабилизациски сили ефикасно да ја извршуваат својата мисија, сите се согласуваме дека тие мора да имаат мандат од Советот за безбедност“, изјави јорданскиот министер за надворешни работи Ајман Сафади на заедничката прес-конференција со неговиот германски колега Јохан Вадефул во Манама, главниот град на Бахреин.Вадефул исто така ја поддржа идејата за мандат на ОН за овие меѓународни сили, кој мора да биде заснован на „јасна правна основа во меѓународното право“. „Тоа е многу важно за земјите кои сакаат да испратат свои војници во Газа и за Палестинците. Германија, исто така, сака јасен мандат за оваа мисија“, рече тој.„Јордан нема да испрати војници во Газа“Јорданскиот претставник појасни дека неговата земја нема да испраќа војници во Газа. „Премногу сме вклучени во ова прашање и не можеме да распоредиме сили“, рече тој, додавајќи дека Јордан е подготвен да ги координира и да соработува со тие сили.Идејата за меѓународни сили без мандат на ОН предизвика контроверзии, а експертите минатиот месец предупредија дека тоа би значело „израелската окупација да се замени со окупација предводена од САД, што е спротивно на палестинското самоопределување“.ОН со децении издава мандати за меѓународни мировни сили во регионот, особено во Либан. Мисијата УНИФИЛ, со околу 10.000 мировници, делува како тампон-зона меѓу Израел и Либан од 1978 година, а нејзиниот мандат треба да заврши во 2027 година.

Свет | пред 5 месеци

Љутовац: Вучиќ ,,искрено”им се извини на сите „терористи“, „блокадери“ и „олош од дното”

Зоран Љутовац, опозиционен пратеник, на социјалните мрежи иронично го коментира извинувањето на претседателот Александар Вучиќ за се што направил за студентите и демонстрантите.,,Вучиќ искрено им се извини на сите „терористи“, „блокадери“ и „олош од дното ”.Додека претседателот им се извинувал на студентите и граѓаните кои ги навредил изминатата година, во исто време на неговиот телевизиски екран имаше пораки дека „блокадерите подготвуваат големо зло во Србија и дека сите се соочуваат со опасни негативци кои се подготвени”, напиша Љутовац.

Свет | пред 5 месеци