Што знаеме за жртвите во Иран?

Иран сè уште не го објави вкупниот број на жртви во земјата.Во петокот, кога Израел ги започна нападите, амбасадорот на Иран во ОН изјави дека 78 лица се убиени, а повеќе од 320 се ранети.Вчера, иранските власти соопштија дека 60 лица се убиени кога ракета погодила 14-катна станбена зграда во Техеран, вклучувајќи 29 деца.Одделно, гувернерот на северната покраина Источен Азербејџан изјави дека 30 војници и еден спасувач се убиени во нападите, додека 55 лица се ранети.Не е јасно дали овие бројки се вклучени во претходните бројки или претставуваат посебен број.Исто така, сè уште не е познато дали имало дополнителни жртви во новите напади во текот на ноќта.

Свет | пред 8 месеци

Израел испрати предупредување до Иранците за евакуација: Заминете веднаш и не се враќајте

Портпаролот на израелската војска издаде предупредување за евакуација до сите ирански цивили лоцирани во близина на воените погони за производство на оружје.Авичај Адрае објави „итно предупредување до сите ирански граѓани“ на социјалните мрежи.„На сите лица кои моментално се или наскоро ќе бидат во или околу воените погони за производство на оружје и поврзаните институции за поддршка им е наредено веднаш да ги напуштат овие области и да не се враќаат до понатамошно известување“, рече тој.

Свет | пред 8 месеци

Хеликоптер со аџии се урна во Индија, седум лица загинаа

Хеликоптер што превезувал хиндуистички аџии се урна во северната индиска држава Утаракханд, при што загинаа сите седум лица во него, потврдија локалните власти.Несреќата се случила само неколку минути по полетувањето од градот Кедарнат, познат по својот храм посветен на богот Шива, до Гупткаши, уште една важна дестинација за аџилак на Хималаите. Летот требало да трае околу десет минути.Властите започнаа истрага за причината за несреќата. Прелиминарните информации сугерираат дека условите за летање во планинската област можеби играле улога, но точната причина сè уште не е позната.Кедарнат и околните места привлекуваат илјадници аџии секоја година, а тешкиот терен значи дека многумина избираат да патуваат со хеликоптер.Трагедијата се случи во неделата кога Индија ја потресе уште една голема воздушна катастрофа. Боингот 787-8 Дримлајнер се урна кратко по полетувањето од Ахмедабад до Лондон, со 242 патници во него. Авионот се урна во зграда на студентски дом, при што загинаа повеќе од 290 лица, според извештаите. Еден патник чудесно преживеа.

Свет | пред 8 месеци

Балони на топол воздух се урнаа во Турција, еден загинат, 19 повредени

Два балони на топол воздух се урнаа во централна Турција, при што загина најмалку едно лице, а 19 други се повредени, објави државната телевизија ТРТ во неделата.Се наведува дека еден од пилотите на балон - загинал.Несреќата се случила за време на летот што започнал во живописната долина Ихлар, дел од регионот Кападокија, главна туристичка дестинација позната по своите драматични пејзажи и возења со балони што привлекуваат стотици илјади посетители секоја година.Причината за несреќата сè уште не е утврдена.

Свет | пред 8 месеци

(Видео) Со кои пари Мијалкови го градат хотелот во Охрид и што ќе се прави со него

Министерот за транспорт и врски, Александар Николоски, во поткастот „Претрес со Ландов“, рече дека хотелот, сопственот на семејството Мијалкови, бил мета на инспекциски контроли и утврдена е состојбата. Тој додаде дека ВМРО-ДПМНЕ расчистило со него.Отвори и прашање - како е можно толкави средства да се инвестираат во хотелот „Мериот“ на скопскиот плоштад и хотелот во Охрид.„Направија спогодба, ги легализираа финансиските средства“, рече меѓудругото Николоски.На самиот брег на Охридското Езеро, каде зеленилото од летувалиштето Горица се спушта кон водата, никнува нов хотел на парцела од 15.787 метри квадратни. Не би било ништо необично, доколку локацијата не беше дел од заштитено природно и културно наследство под УНЕСКО.Фирмата Дивелоп Груп, која сега е една третина во сопственост на Јордан Мијалков - синот на поранешниот шеф на тајната полиција Сашо Мијалков, во 2011 година победува на јавно наддавање за продажба на тогаш државното земјиште.Таа година Сашо Мијалков сè уште е директор на Управата за безбедност и контраразузнавање (УБК), а наддавањето за земјиштето го објавува Министерството за транспорт и врски предводено од неговиот сопартиец Миле Јанакиески.ЦЕЛ РАЗГОВОР:

Македонија | пред 8 месеци

Иран им се заканува на САД, Трамп возвраќа: „Обидете се и ќе ве нападнеме со сила каква што никогаш досега не сте виделе!“

Доналд Трамп се закани дека ќе одговори на секој ирански напад врз САД со „целата сила и моќ на вооружените сили на САД“.Во објава на Truth Social, американскиот претседател рече дека САД „немаат никаква врска со нападот врз Иран вечерва“.Тој напиша: „Ако Иран нѐ нападне на кој било начин, целата сила и моќ на вооружените сили на САД ќе се спуштат врз вас на нивоа што не се видени досега“.„Сепак, лесно можеме да постигнеме договор меѓу Иран и Израел и да го завршиме овој крвав конфликт!!!“Неговите коментари дојдоа откако Иран и Израел разменија ракетни напади преку ноќ. Извештаите од Израел велат дека осум лица биле убиени во два напади врз станбени згради.Израел, исто така, продолжи со своите напади преку ноќ, велејќи на социјалните медиуми дека ги таргетирал седиштето на Министерството за одбрана во Техеран, локација за нуклеарен проект и „дополнителни цели“.Бројот на жртви од иранска страна во моментов е непознат.Израел инсистира дека неговите постапки се клучни за спречување на Иран да развие нуклеарно оружје во блиска иднина. Сепак, Иран долго време тврди дека неговата нуклеарна програма е исклучиво за мирни цели.Претходно, високи ирански воени претставници изјавија дека конфликтот нема да запре со сегашните дејствија.- Овој конфликт нема да заврши со ограничени потези. Иранските напади ќе продолжат, изјави неименуваниот висок претставник, пренесува агенцијата Фарс.Според истиот извор, Иран планира да го прошири конфликтот на американските бази во регионот во наредните денови.

Свет | пред 8 месеци

Русите претрпеа ужасна загуба: Украинците тврдат дека уништиле конвој полн со војници со ХИМАРС, објавена е снимка

Во нападот извршен во петокот, погоден е конвој од воени камиони и автобуси, кој, според украински извори и локални информатори од регионот Донецк, превезувал руски војници.Нападот претходно бил координиран со разузнавачките сили кои го лоцирале движењето на конвојот.Локалните извори зборуваат за голем број мртви и ранети. Видеата и фотографиите што подоцна се појавија на социјалните мрежи, а беа објавени од самите руски војници, покажуваат уништен автобус, оштетени камиони и остатоци од касетна муниција.Снимките прикажуваат униформирани војници и воени возила, што фрла сомнеж врз тврдењата на руските власти дека цивилите биле цел. Градот Макеевка, кој се наоѓа источно од Донецк, веќе некое време е важна логистичка точка за руските сили во окупираниот дел од Донбас.Употребата на системот HIMARS, кој Украина го доби од САД, им овозможува на украинските сили да извршуваат прецизни напади со долг дострел. Во комбинација со касетна муниција, се покажа како особено ефикасен против поголеми групи војници и воени возила.

Свет | пред 8 месеци

Се буди една од најбруталните милитантни групи? Почнаа да регрутираат борци и да дистрибуираат оружје, спречени со 12 големи акции

Терористичката група Исламска држава (ИСИС) почна да ги активира своите борци во Сирија и Ирак, да идентификува цели, да дистрибуира оружје, да шири пропаганда и да регрутира нови борци со цел да се обиде да го искористи падот на режимот на поранешниот сириски претседател Башар ал-Асад минатата година и да врати одредена територија на Блискиот Исток, пишува новинската агенција Ројтерс.Повеќе од 20 извори од Сирија, Ирак, Соединетите Американски Држави и Европа, вклучувајќи безбедносни и политички претставници, изјавија за Ројтерс дека овие напори досега не дале никакви резултати и дека безбедносните оперативци во Сирија и Ирак, кои со години ја следат Исламската држава, спречиле најмалку 12 големи операции планирани од групата во текот на изминатата година.За да се зајакнат аргументите за повторно оживување на исламистичката група - која за време на својот подем контролираше околу една третина од Сирија и Ирак од 2014 до 2017 година - официјални лица изјавија за Ројтерс дека во декември 2024 година уапсиле двајца од емисарите на групата кои требало да патуваат од Рака, Сирија, до Ирак и усно да им ги пренесат плановите за борба на борците на ИСИС таму. Истиот месец, ирачките безбедносни сили убија бомбаш самоубиец кој очигледно планирал да нападне преполн ресторан во северниот ирачки град Дакук. И покрај овие акции, нападите на ИСИС се намалија по падот на Асад. Милитантите ја презедоа одговорноста за 38 напади во првите пет месеци од 2025 година. Аналитичарите велат дека ако продолжи со ова темпо, ИСИС би можела да изврши или да ја преземе одговорноста за нешто повеќе од 90 напади до крајот на 2025 година. Што се однесува до Ирак, матичната земја на групата, милитантите рекоа дека извршиле само четири напади во првите пет месеци од 2025 година. За споредба, во 2024 година наводно извршиле 61 напад.Сегашните сириски власти не коментираа за активностите на ИСИС. Ирачкиот министер за одбрана Мурхаф Абу Касра изјави за Ројтерс во јануари дека Ирак инвестира во собирање разузнавачки информации и дека неговите безбедносни служби ќе одговорат на секоја закана. Американски функционер за одбрана и Сабах ал-Нуман - портпарол на ирачкиот премиер Мухамед Шах ал-Судани - рекоа дека остатоците од ИСИС во Сирија и Ирак значително ослабнале. ИСИС не успеа да се прошири поради превентивните операции на ирачките власти, рече ал-Нуман, додавајќи дека ирачкото разузнавање станало попрецизно и поажурирано.Додека ИСИС владееше со една третина од Сирија и Ирак, спроведуваше екстремна верзија на шеријатот и редовно објавуваше видеа од брутални егзекуции и други варварски практики. Службениците со кои разговараше Ројтерс не веруваат дека ИСИС може да го врати тоа ниво на моќ, но велат дека е отпорна и не треба да се отпишува. Некои ирачки, сириски и европски функционери стравуваат дека џихадистичките групи во Сирија регрутираат странски борци. Неколку разузнавачки агенции изјавија дека забележале мал број сомнителни лица од Европа, кои дошле во Сирија во текот на изминатите неколку месеци. Сепак, разузнавачките службеници не можеа да потврдат дали тие всушност биле регрутирани од ИСИС или од друга група.Исламската држава ги осуди обидите на сирискиот претседател Ахмед Хусеин ал-Шара да добие легитимитет на Западот. Исламистите стравуваат дека владата ќе ги протера странските борци и ќе ги нормализира односите со Израел. Американскиот претседател Доналд Трамп во мај го замоли ал-Шаара да го спречи подемот на Исламска држава, а американски функционер за одбрана изјави за Ројтерс дека Америка не се откажува од потиснувањето на ИСИС и дека нејзините партнери во Сирија се на терен и се подготвени да одговорат. Се очекува коалицијата предводена од САД да ги заврши операциите во Ирак до крајот на септември. Сепак, американски функционер рече дека Багдад би сакал повлекувањето на 2.500 американски војници од Ирак да продолжи побавно од планираното.Според Ројтерс, околу 9.000 борци на ИСИС и членовите на нивните семејства се држат во затвори и кампови чувани од Сириските демократски сили, коалиција од милиции предводени од Курдите и бунтовници поддржани од САД, Велика Британија и Германија. Обединетите нации проценуваат дека ИСИС има помеѓу 1.500 и 3.000 борци во Ирак и Сирија. Аналитичарите, сепак, тврдат дека најактивната подружница на ИСИС е африканската.

Свет | пред 8 месеци

Потресен јавен апел од Кочани: „Клекнувам на колена – помогнете ми да ја одбранам смртта на мојот ангел!“

Со потресен јавен апел, Верица Трифунова – мајка на трагично загинатата Моника Спасова – повика на вклучување на Коалицијата за правично судење и и други невладини организации во борбата за, како што вели, правдата за нејзината ќерка и другите 62 загинати лица, кои не починале од болест, туку биле „убиени од корупцијата и криминалот“.Во нејзиниот апел, мајката директно ги повикува професорката Биљана Ивановска, професорот Злате Димовски и поранешната антикорупционерка Слаѓана Тасева да бидат дел од мониторинг-служба која ќе го надгледува целиот процес – од обвинителни акти до донесување на судски пресуди.„Професорке Биљана Ивановска и професоре Злате Димовски, еве јавно ве повикувам и од дното на душата ве молам да се вклучите во борба за правда на мојот убиен и пеплосан ангел Моника Спасова. Ве барам и на колена ви клекнувам за да ве замолам да бидете мониторинг служба и да надгледувате и следете сѐ што сѐ случува во обвинителните акти и пишувањето на пресудите, мојот ангел Моника Спасова не почина од болест, ја убија корупцијата и криминалот, таа ја имаше најголемата желба да се бори против тоа.... Но не сакаше да биде дел од таа криминална и коруптивна банда (мафија), и ете тие и го одзедоа невиниот нејзин живот, а нејзината ќеркичка доживотно ја осудија да расте без мајчинска љубов. Исто така почитувана Слаѓана Тасева, доколку сте во можност, ве повикувам и ве молам од дното на душава и вие да бидете вклучени во мониторинг служба над сите инволвирани, за да ми помогнете да ја одбранам смртта на мојот убиен анге. Таа никогаш не беше продадена душа, затоа сакам чесно и достоинствено да ја одбранам нејзината смрт, вистинските убијци да се изведат пред лицето на правдата....Моника мојот ангел сега е кај Бога, во рајот и заедно со него мислам дека се борат против злото и убијците на земниот живот, и не знам дали тие убијци не се плашат од судот Божји, и кога ќе дојде денот да се соочат со тој суд и со ангелите што ги убија. Моника е жива во мене и јас додека дишам ќе се борам за правда на мојот убиен ангел. Европска Унија барам финансиски да се вклучите и да бидете дел од мониторингот“, рече Верица Трифунова.Таа најави дека нема да застане со својата борба сè додека не ги види, како што рече, „вистинските убијци“ изведени пред лицето на правдата.

Македонија | пред 8 месеци

„Монструмот Деко се криел, а нашите деца умирале“ – сведоштво на мајка на жртва од „Пулс“

Васка Стојанова, мајка на загинатиот Томче, обвини дека Деко (газдата на „Пулс“ н.з.) ги оставил децата на милост и немилост при пожарот, а тој отишол во некаква скривница во објектот. Таа посочи дека вратата била затворена, а тоа одзело повеќе животи.„Јас не знам зошто партиите преку медиумите кажуваат кој што и колку дал. Господ рекол кога левата рака дава, десната не треба да знае. И обратно. На нашите деца никој и ништо не им помогна, само помогнаа со тоа што им ја затворија вратата и што многу повеќе уништија. Да била вратата отворена, немало толку да бидат уништени и ќе се спасија. А не како оној монструмот Деко што се криел долу во скривницата, за да се спаси, а нашите деца ги оставил на милост и немилост“, рече Стојанова.И на прес-конференцијата на јавниот обвинител Љупчо Коцевски, „Скопје1“ праша дали вратата на објектот била затворена или не – а тој одби да одговори. Прашавме и дали во ОЈО-ГОКК ова ќе се испитува, но не добивме конкретен одговор.

Македонија | пред 8 месеци

Родителите на загинатите со барање до Обвинителството

Родителите, роднините, пријателите на загинатите деца, како и нивните поддржувачи за да се изборат за правда, излегоа на уште еден марш во Кочани, а по трагедијата каде загинаа 62 лица. Упатија јавен апел од Обвинителството, да ги викне и да им објасни кои лица се обвинети, а за кои е запрена постапката. Сметаат дека за тоа треба да дознаат директно од обвинителите, а не од медиумите.„Ние не сме правници, соопштението ни е дадено по членови и закони... и реално ништо не сфативме. Претпоставувам и другите родители, освен градоначалниците и обезбедувачите, не сфатиле. Сега ќе читам, оти во понеделник ова барање ќе го испратиме до Обвинителството“, рече мајката Марија Петрушева чиј син Андреј Панов загина и додаде: „Чувствуваме морална и човечка должност да се обратиме. Сметаме дека е од суштинско значење Обвинителството конечно и целосно да нѐ запознае со исходот од истражната постапка и со содржината на поднесениот обвинителен акт, кои лица се опфатени, а кои се изземени од одговорност, за да ги отстраниме сите дилеми кои се јавуваат кај нас. Неприфатливо е за нас да добиеме информации преку медиуми. Очекуваме транспарентност и директна комуникација“.Таа рече дека ги загрижува фактот што и покрај укажувањата, некои лица не биле повикани ни на распит.„Нашата болка е тешка, но борбата е праведна. Бараме одговорност и вистина“, додаде таа.

Македонија | пред 8 месеци

Општина Центар планира во Дебар Маало од петок до понеделник да забрани движење на возила

Според пилот-проектот на општина Центар, ова маало наскоро може да стане пробна зона за нов сообраќаен режим.Општината планира ограничување на движењето на возила за време на викендите, со цел да се зголеми безбедноста, редот и квалитетот на животот на жителите без загадување и бучава.Проектот според прсвилатз ќе се достави до Град Скопје и СВР Скопје за одобрување. Доколку биде прифатен, пилот-програмата ќе трае шест месеци, а според реакциите и ефектот, може да остане и трајно решение.Од петок во 18 часот до понеделник во 6 часот влезот во Дебар Маало ќе биде дозволен само за резидентни жители со дозвола. Другите возила ќе можат да влезат, но мора да излезат во рок од 15 минути. Доколку ова не го почитуваат ќе бидат казнети.Општината ќе постави рампи со електронска контрола и безжичен систем со мобилна апликација или бесплатен телефонски број за отворање рампи за жителите.Паркирањето кај Орце Николов, Аминта III, Ленинова и 29 Ноември ќе биде дозволено за посетители.Со ова би се подобрил животот во ова фрекфентно и популарно маало.Доколку проектот се покаже како успешен, истиот модел би се применил и во други делови како Буњаковец и Капиштец.

Македонија | пред 8 месеци

(Видео) Мицкоски подготвен да замине од функцијата, но за четири месеци, ако тоа го кажат граѓаните

Премиерот Христијан Мицкоски е подготвен да ја напушти функцијата, ако ги изгуби локалните избори. Ова го кажа како одговор на новинарско прашање како ги коментира барањата за негова оставка од СДСМ поради трагедијата во Кочани и затајувањето на институциите.„Не сакам да ја коментирам работата на Обвинителството. Одговорноста ќе ја видиме за четири месеци, опозицијата праќа политички пораки. Тоа што мисли СДСМ е една работа, а тоа што мислат граѓаните ќе видиме на избори. Ако граѓаните сметаат дека треба да заминам и да сносам политичка одговорност, уште истиот ден тоа ќе го направам, нема да чекам како во 2021 година. Знам дека граѓаните не го делат истото мислење со СДСМ и другите“, рече Мицкоски.

Македонија | пред 8 месеци

Пронајден е исчезнатиот Владимир

Исчезнатиот Владимир од Штип е пронајден и е дома. Него го немаше едно деноноќие, по што неговиот татко го пријави за исчезнат.Информациите дека тој е дома ги сподели неговата сестра.„Скопје1“ побара официјална информација и од МВР.

Македонија | пред 8 месеци

(Видео) Погледнете го соборувањето на ирански дрон над Израел

На социјалните мрежи беше објавено видео на кое се гледа пресретнувањето на ирански дрон над областа Галилеја утрово. Се вели дека станува збор за дрон лансиран утрово во нов бран одмазднички напади од страна на Иран против Израел.Иако Јордан утрово го отвори својот воздушен простор, израелското Министерство за транспорт вчера објави дека израелскиот воздушен простор ќе остане затворен до понатамошно известување.Ова важи и за аеродромот Бен Гурион, кој објави дека сите дојдовни и појдовни летови се суспендирани до понатамошно известување. Веб-страницата на аеродромот утрово не беше достапна.Министерството соопшти дека патниците ќе добијат информации за можни промени преку медиумите „најмалку шест часа пред повторното отворање на воздушниот простор“.

Свет | пред 8 месеци

Иран до Трамп: Не може да тврдите дека преговарате, а да дозволувате израелски напади

Иран во понеделник изјави дека дијалогот со САД за нуклеарната програма на Техеран е „бесмислен“ по најголемиот воен напад на Израел врз неговиот долгогодишен непријател, обвинувајќи го Вашингтон за поддршка на нападот.„Другата страна (САД) дејствуваше на начин што го прави дијалогот бесмислен. Не можете да тврдите дека преговарате, а во исто време... да му дозволите на израелскиот ционистички режим да ја таргетира иранската територија“, рече портпаролот на Министерството за надворешни работи, Есмаил Багаеи.Тој рече дека Израел „успеал да влијае“ на дипломатскиот процес и дека израелскиот напад немаше да се случи без дозвола од Вашингтон.Иран претходно ги обвини САД за соучество во нападите на Израел, но Вашингтон ги отфрли таквите обвинувања, велејќи му на Техеран во Советот за безбедност на ОН дека би било „мудро“ да преговара за неговата нуклеарна програма. Шестата рунда американско-ирански нуклеарни разговори требаше да се одржи во Мускат во недела, но сега е нејасно дали тие ќе се одржат по израелските напади.Иран негира дека неговата програма за збогатување ураниум е за нешто друго освен за цивилни цели, отфрлајќи ги израелските обвинувања дека тајно развива нуклеарно оружје.Американскиот претседател, Доналд Трамп изјави за Ројтерс дека тој и неговиот тим знаеле дека ќе следат израелски напади, но сепак гледаат простор за меѓусебен договор

пред 8 месеци

Трамп за Иран: Тие беа погодени 10 пати посилно отколку што мислеа дека ќе бидат

Претседателот на САД, Доналд Трамп, изјави за Фокс њуз дека Иранците биле погодени 10 пати посилно отколку што мислеа дека ќе бидат.„Тие не беа подготвени да преговараат. Мислам дека сега можеби ќе бидат. Ќе видиме“, рече Трамп.Високи американски функционери изјавија за Фокс њуз дека мета на изненадувачките израелски воздушни напади биле бројни нуклеарни научници и воени команданти.

Свет | пред 8 месеци

Кои се министрите кои се спасија од обвинение за пожарот во „Пулс“

Запрена е постапката за одговорност кај Беким Незири кој беше министер за економија од 2014 до 2016 година и Дритон Куќи, кој беше министер за економија од 2016 до 2018 година, во случајот за пожарот во „Пулс“. Ваква одлука донеле обвинителите, а Љупчо Коцевски рече дека не биле најдени докази против нив и затоа постапката се запира.Незири беше во куќен притвор што значи дека сега може да бара државата да го обештети. Куќи беше амбасадор во Норвешка кој откако стана осомничен веднаш се врати во Македонија.Обвинети ќе бидат ексминистрите Ваљон Сарачини и Крешник Бектеши. Тие се гонат за издавањето на лиценци на кабарето „Пулс“.

Македонија | пред 8 месеци

Иран: Нуклеарните разговори со САД се „бесмислени“ по израелскиот напад

Иран во петокот изјави дека дијалогот со САД за нуклеарната програма на Техеран е „бесмислен“ по најголемиот воен напад на Израел врз неговиот долгогодишен непријател, обвинувајќи го Вашингтон за поддршка на нападот.„Другата страна (САД) дејствуваше на начин што го прави дијалогот бесмислен. Не можете да тврдите дека преговарате, а во исто време... да му дозволите на израелскиот ционистички режим да ја таргетира иранската територија“, изјави полуофицијалната новинска агенција Тасним, цитирајќи го портпаролот на Министерството за надворешни работи, Есмаил Багаеи.Тој рече дека Израел „успеал да влијае“ на дипломатскиот процес и дека израелскиот напад немаше да се случи без дозвола од Вашингтон.Иран претходно ги обвини САД за соучество во нападите на Израел, но Вашингтон ги отфрли таквите обвинувања, велејќи му на Техеран во Советот за безбедност на ОН дека би било „мудро“ да се преговара за неговата нуклеарна програма.Шестата рунда нуклеарни разговори меѓу САД и Иран требаше да се одржи во недела во Мускат, но сега е нејасно дали тие ќе се одржат по израелските напади.Иран негира дека неговата програма за збогатување ураниум е за нешто друго освен за цивилни цели, отфрлајќи ги израелските обвинувања дека тајно развива нуклеарно оружје.Американскиот претседател Доналд Трамп изјави за Ројтерс дека тој и неговиот тим знаеле дека ќе следат израелски напади, но сепак гледаат многу простор за договор од соба до соба.

Свет | пред 8 месеци

Пристигнаа првите експертски проценки за штетата врз нуклеарните постројки на Иран: „Сега е јасно - ништо без Американците“

Американскиот претседател Доналд Трамп во петокот за Ројтерс изјави дека не е јасно дали Иран сè уште има нуклеарна програма по израелските напади, но експертите велат дека штетата врз нуклеарните постројки на Иран засега е ограничена.Израелските напади успеаја да убијат ирански воени команданти и нуклеарни научници и да ги уништат неговите воени командни и контролни постројки и воздушната одбрана, но сателитските снимки сè уште не покажаа значителна штета врз нуклеарната инфраструктура, рекоа неколку експерти.„Не гледаме никаква видлива штета кај Форд или Исфахан. Имаше штета во Натанц“, рече нуклеарниот експерт Дејвид Олбрајт од Институтот за наука и меѓународна безбедност, осврнувајќи се на нуклеарните постројки на Иран.„Но, нема докази дека подземната локација во Натанц е уништена“, додаде тој.Шефот на нуклеарното надзорно тело на ОН, Рафаел Гроси, во петокот му рече на Советот за безбедност дека надземниот објект за збогатување ураниум во иранскиот нуклеарен објект Натанц е уништен и дека Иран пријавил напади врз Фордов и Исфахан.Гроси рече дека енергетската инфраструктура во Натанц е исто така уништена и дека губењето на електричната енергија во каскадната сала можеби ги оштетило центрифугите таму. Сепак, тој рече дека нивото на радиоактивност надвор од Натанц останало непроменето и нормално.Огромниот нуклеарен комплекс Натанц е главниот објект за збогатување ураниум во Иран. Се состои од подземен објект за збогатување ураниум и надземен оперативен дел.Два регионални извори изјавија дека најмалку 20 ирански воени команданти биле убиени во нападот, „обезглавување“ што потсетува на израелските напади минатата година кои брзо го уништија раководството на некогаш моќната либанска милиција Хезболах.Иран тврди дека шест од неговите врвни нуклеарни научници биле убиени.Олбрајт рече дека неговата анализа е базирана на најновите достапни сателитски снимки. Тој додаде дека е можно да имало и напади со беспилотни летала врз тунели до подземни центрифуги и сајбер напади кои не оставиле видливи траги.

Свет | пред 8 месеци

„Задоцнија институциите“, па со задоцнување ќе почне и маршот во Кочани

Семејствата на настраданите во пожарот во „Пулс“ продолжуваат со организирањето на „Маршот за ангелите“ и в сабота, 14 јуни, ќе се одржи деветтиот по ред.За разлика од досегашните, овој протестен марш ќе почне во 18:05 часот како симбол на задоцнетата реакција на институциите.Организаторите на маршот истакнуваат дека тој истовремено е и за поддршка на повредените лица во трагедијата, поради што ги повикуваат и нивните блиски, роднини и пријатели да се придружат. Протестот е со единствена цел да се добие правда за сите кои настрадаа во пожарот, за којшто тие велат дека не е несреќен случај, туку масовно убиство.Учесниците на маршот ќе тргнат од Паркот на Револуцијата, ќе продолжат низ Трговскиот центар, потоа пред Општина Кочани, а оттаму кон Полициската станица и Основниот суд и Обвинителството во Кочани.Организаторите ги покануваат сите граѓани кои даваат поддршка на нивните барања да им се придружат, а медиумите слободно да го проследат настанот.

Македонија | пред 8 месеци

Нови осум кандидати за градоначалници од ВМРО-ДПМНЕ

ВМРО-ДПМНЕ го одржа и Извршникот комитет во Штип и одлучи да определи уште 8 кандидати за градоначалници во 8 општини.„ВМРО-ДПМНЕ донесе одлука да му предложи на Централниот комитет.Македонски Брод - Жарко Ристески.Могила - Драганчо СаботковскиПробиштип - Тони Тоневски4.Богданци - Марјан ПеевДемир Капија - Наталија ДимитриеваРосоман - Ѓорги КрстевскиНоваци - Стевче СтевановскиДебарца - Златко СилјановскиСметаме дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. На истите ќе им биде препорачано во следниов период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца. Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните.Оние кои што се актуелни градоначалници сметаме дека со досегашната работа, ќе имаат добар кредит да ја добијат и понатамошната доверба, а оние кои што добиваат шанса за прв пат, искуството кое што го имале претходно во своите општини и поддршката која што ќе ја имаат од своите колеги, и од нас како поголема политичка партија, цениме дека ќе им биде ветар во едра за спроведување на добра програма и реализација на добри проекти корисни за нивните општини“, рече Антонијо Милошоски.

Македонија | пред 8 месеци

Со инвестиција од 11,7 милиони евра – нов лик за патот до Свети Наум

Денес беше официјално пуштен во употреба магистралниот пат од Охрид до манастирот Свети Наум, обновен со инвестиција од 11,7 милиони евра, на вкупна должина од 24,3 километри.Инвестицијата (финансирањето) е на Јавното претпријатие за државни патишта (ЈПДП). Направена е целосна санација на коловозот, поставена нова сигнализација и безбедносни огради, проширување и стабилизација на ризични косини.Премиерот Мицкоски го опиша патот како долгоочекуван и неопходен за Охрид, за туризмот и регионалната поврзаност, со акцент на инфраструктурата како инвестициски приоритет.Патот го поврзува градот со манастирскиот комплекс Св. Наум, со плажите на јужниот брег и овозможува непречена врска со Албанија.

Македонија | пред 8 месеци

Ова е акт на страв: Невладините реагираат на итната постапка за независните кандидати кои ќе треба да соберат од 100 до 3.500 потписи

Пратениците ВМРО- ДПМНЕ, СДСМ, ЗНАМ и ВЛЕН изгласаа предлог измени на Изборниот законик со кој, како што реагираат независните кандидати, ќе им го отежнат учеството во изборната трка.Предвидено е усвојувањето да оди по итна постапка.Независните кандидати сега ќе треба да соберат најмалку 100 и најмногу 3.500 потписи како поддршка во зависност од бројот на гласачите во општината.За граѓанските организации ова е оружје против независните.„Пратеничките состави се менуваат, но тенденцијата да ги подметнуваат истите валкани сопки останува. Не затоа што независните не се доволно добри, туку затоа што се доволно опасни по нивниот монопол. Ова не е изборен закон. Ова е акт на страв.Страв од гласот што не го контролираат, ама нема да им помине”, незадоволни се од „Независни за Карпош“.

Македонија | пред 8 месеци

„Дозволиле активирање на пиротехниката“, осомничените 13 полицајци се однесени во суд

За 13 осомничени полицајци од Штип и Кочани, се бараат мерки за обезбедување на присуство. Тие се гонат оти при акциската контрола, не спречиле да биде активирана пиротехниката. Но, истовремено, постапиле и спротивно на прописите за заштита и одобриле акциска контрола во дискотеката.„На 16 март, на место каде биле собрани поголем број на луѓе, не спречиле активирање на пиротехника на сцената каде настапила музичката група ДНК. Палењето не било пријавено во ПС Кочани, а од која пиротехника настанал пожарот. По што не преземале мерки за заштита на лицата во Пулс. Во текот на акциската контрола настанал пожар“, рече рече јавниот обвинител Љупчо Коцевски.Тој рече дека тие се гонат за тешки дела против општата сигурност.„Постои основано сомнение дека од 14 март 2025 година до 16 март 2025 година, на територијата на СВР Штип, осомничените како службени лица сториле кривично дело, тешки дела против општата сигурност. Истите како соизвршители не постапиле според прописите за заштита, одобриле план за акциска контрола за контрола на територија на Кочани, без да проверат дали се запазени одредбите од стандардните оперативни процедури за вршење полициски работи. Овој план кој бил изготвен врз основа на претходно изготвени планови, било постапено“, додаде Коцевски.

Македонија | пред 8 месеци