СДСМ: На Мицкоски му е поважна иднината на Груевски од иднинатата на Македонија

„Мицкоски потврди: иднината на неговиот ментор Никола Груевски му е поважна од иднината на Македонија, затоа е против ЕУ и НАТОАнтизападниот пион Христијан Мицкоски вечерва потврди дека неговата единствена политичка агенда е амнестија за неговиот ментор и носител на криминалот и режимот Никола Груевски. Ништо друго.Вечерва антинародниот Мицкоски призна за средбите со својот ментор Груевски и разговарите на заедничка тема, иднината на Груевски и личните моменти.Со ова признание Мицкоски уште еднаш јавно признава дека тој и актуелното антизападно раководство на ВМРО-ДПМНЕ се дел од истата криминална матрица на Груевски.За антизападниот Мицкоски поважна односно единствено важна е иднината на Никола Груевски, наместо иднината на Македонија и нејзините граѓани.Затоа пионот Мицкоски и антизападното раководство на ВМРО-ДПМНЕ отворено работат против ЕУ и НАТО, против македонската иднина.Овие признанија на антизапдниот Мицкоски се уште една причина и останатите пратеници од ВМРО-ДПМНЕ да ги поддржат процесите во Собранието за членство на Македонија во ЕУ и НАТО.На изолираниот Мицкоски и на антизападното раководство на ВМРО-ДПМНЕ треба да им е јасно дека не можат да го одбранат криминалот на Груевски.Правда ќе има“, пишува во соопштението на СДСМ.

Македонија | пред 7 години

Нема фотографија

Продолжува судењето за случувањата во Собранието на 27 април

Во Кривичниот суд во Скопје денеска треба да продолжи судењето за случувањата во Собранието на Република Македонија минатата година.Случајот се наоѓа во доказна постпака и се изведуваат видео материјали од безбедносните камери во Собранието.Судијката Добрила Кацарска минатото рочиште го одложи поради влошена здравстевна состојба на обвинетиот Сашко Марковски, кој на рочиштето во вторникот со екипа на Брза помош беше пренесен во болница.За случајот „27 април“ обвинети се вкупно 33 лица, од кои 31 за терористичко загрозување на уставниот поредок на државата и двајца за поттикнување. На обвинителната клупа се Љубен Арнаудов, Сашо Василевски, Крсто Мукоски, Љупчо Димовски, Јохан Тарчуловски, Митко Чавков, МиткоПешовски, Душко Лазаров, Горан Јошевски-Леви, Оливер Поповски, Оливер Радулов, Сашко Марковски, Мунир Пепиќ, Абдуљфета Алими, Елена Доцевска-Божиновска, Иван Цветановски, Борис Дамовски, Богдан Илиевски-Бетмен, Владо Јовановски, Игор Дурловски, Стефан Младеновски, Михаил Младеновски, Захарие Симовски, Младен Додевски, Јане Ченто, Горанче Ангеловски, Игор Југ, Илија Славески, Влатко Трајков, Вилијам Михајловски, Никола Митревски-Кољо, Александар Василевски-Нинџа и Митре Питроповски.

Македонија | пред 7 години

Нема фотографија

4, 6 или 7 амандмани денеска Владата ќе ги достави до Сoбранието

Денеска истекува рокот кога Владата треба да ги достави уставните амандмани според Договорот од Преспа до Собранието. Вчера премиерот Зоран Заев имаше уште една средба со осумтемина пратеници од новата пратеничка група на ВМРО-ДПМНЕ и коалицијата „За подобра Македонија". Заев вика дека ќе има четири, пет, шест, а можеби и седум амандмани, а пратеникот Крсто Мукоски изјави дека биле договорени четири амандмани, пишува МКД.мк.Вчера и двете страни, и Заев и Мукоски изјавија дека има начелен договор за уставните амандмани. Заев изјави дека деталите се заокружени, но не прецизираше колку точно амандмани ќе произлезат. Со договореното се гарантира идентитетот, потенцираше Заев.Пратеникот Крсто Мукоски рече дека добиле согласност и разбирање од Заев за нивните барања. Повтори дека нивните барања се однесуваат на зацврстување на идентитетот, постепена промена на името за внатрешна употреба, следејќи ги преговорите со ЕУ и поништување на сите амандмани кои произлегуваат од договорт во случај Грција да не го ратификува.За барањето во преамбулата на Уставот да биде содржан и Рамковниот договор Заев не одговори конкретно, образложувајќи дека тоа дополнително ќе се утврдува.Мукоски изјави дека било договорено од понеделник да почне да работи и телото за помирување и ја повика ВМРО-ДПМНЕ да учествува во работата на тоа тело.Поединци од новата опозициска пратеничка група уште пред гласањето за пристапување кон уставни измани предлагаа дополнително зацврстување на македонскиот идентитет, ништовност на Договорот доколку грчката страна не го ратификува и не го поддржи нашиот влез во НАТО, како и сукцесивна примена на новото име, во согласност со отварањето на поглавјата од преговорите со ЕУ.Според Мукоски, Договорот содржи и штетни елементи, но мора да се прифати, а нивните амандмани ќе внесат дополнителна заштита.Пред почетокот на седницата на која се гласаше за пристапување кон уставни измени, на 19 октомври, група пратеници од опозицијата доставија свои барања „да се пристапи во наредната, но не и конечна фаза, на дискусија по уставните амандмани, само под следните услови од чие исполнување ќе зависат и нашите идни ставови и нашата конечна поддршка за уставните амандмани“.1. Прифаќање на амандман на Уставот со кој ќе се гарантира македонскиот идентитет.2. Прифаќање на одредба на Уставот со која ќе се гарантира дека доколку Република Грција не го ратификува договорот и повторно ги попречува евро-атлантските интеграции на Република Македонија, ќе има безусловно поништување на сите прифатени уставни амандмани кои произлегуваат од имплементацијата на договорот од Преспа.3. Постепена промена на името за внатрешна употреба, следејќи го процесот што води кон полноправно членство на РМ во ЕУ.4. Прифаќање на иницијативата на претседателот на Владата на Република Македонија Зоран Заев искажана на 31-та седница на Собранието на Република Македонија на 15 октомври 2018 година за простување во врска со настаните на 27 април 2017 година во Собранието на Република Македонија и сеопфатно национално помирување, со формирање на собраниско тело составено од шефовите на пратеничките групи, тројца пратеници и претседателот на Собранието на Република Македонија кои ќе изготват и предложат до Собранието план за национално помирување, во рок од 30 дена“.Еве го и претходно објавениот предлог за промена на Уставот на Владата на Република Македонија:Член 3. Пoцврста гаранција на границатаВо членот 3 од Уставот е регулирано дека територијата на Република Македонија е неделива и неотуѓива. Постојната граница на Република Македонија е неповредлива. Република Македонија нема територијални претензии кон соседните држави. Границата на Република Македонија може да се менува само во согласност со Уставот, а врз принципот на доброволност и во согласност со општо прифатените меѓународни норми.Овој член веќе беше изменет во 1992 година со Амандманот I, кога беше додаден принципот на доброволност при промена на границата и согласноста со општо прифатените меѓународни норми.Исто така со овој амандман беше декларирано дека Република Македонија нема територијални претензии кон соседните држави. Со новиот уставен амандман кој се предлага ќе се декларира почитување на суверенитетот, територијалниот интегритет и политичката независност на соседните држави и со тоа ќе се прецизира поцврста гаранција за трајноста на границите и дека Република Македонија нема територијални претензии. Тоа ќе значи заштита на територијалниот интегритет на Република Македонија и на соседните земји.Член 49. Грижа за Македонците и дијаспората во странствоВо членот 49 од Уставот е пропишано дека Републиката се грижи за положбата и правата на припадниците на македонскиот народ во соседните земји и за иселениците од Македонија, го помага нивниот културен развој и ги унапредува врските со нив. Републиката се грижи за културните, економските и социјалните права на граѓаните на Републиката во странство. Републиката притоа нема да се меша во суверените права на други држави и во нивните внатрешни работи.И овој член беше изменет со Амандманот II во 1992 година кој предвидуваше дека Републиката нема да се меша во суверените права на други држави и во нивните внатрешни работи.Со уставниот амандман кој се предлага ќе се декларира грижа за културните, економските и социјалните права на припадниците на македонскиот народ и сите наши граѓани во странство, без тоа да значи мешање во суверените права на други држави и во нивните внатрешни работи, во било каква форма и заради било каква причина.Додавање на придавката северна во името на Република МакедонијаЦелта на овие измени на Уставот е имплементација на Договорот со Грција со што треба да се овозможи пристапување на Република Македонија во Европската Унија и НАТО.Притоа, покрај општи услови и рокови за стапување во сила на амандманите кои ќе бидат врзани со влегување во сила на Договорот и ратификација на протоколот за пристапување на Република Македонија во НАТО во Парламентот на Република Грција, односно престанок на важење на амандманите во случај на невлегување во сила на овие два документи, за начинот на примена на овој конкретен амандман ќе има и посебни рокови.Имено во согласност со договорот ќе биде утврден преоден период за примена на одредбата во однос на важноста на веќе постоечките документи и материјали издадени од органите на власт на Република Македонија.При тоа ќе има два преодни периода: „технички“ и „политички“.„Техничкиот“ преоден период се однесува на сите официјални документи и материјали на јавната администрација на Република Македонија за меѓународна употреба и за документите за внатрешна употреба, но кои може да се користат и надвор од државата.Важноста на ваквите документи и материјали ќе се обновува со истекот на нивното важење, но најдоцна во рок од пет години по влегувањето во сила на договорот.„Политичкиот“ преоден период ќе се однесува на сите документи и материјали, коишто се исклучиво за внатрешна употреба во Република Македонија. Издавањето на ваквите документи и материјали ќе започне при отворањето на секое поглавје на релевантната област во преговорите со Европската Унија и ќе биде финализирано во рок од пет години оттогаш.Измени во Преамбулата на УставотЗаради усогласување на текстот на Преамбулата со Договорот со Грција, во Преамбулата ќе бидат извршени соодветни измени. Во Преамбулата на Уставот на Република Македонија при наведувањето на државно-правните традиции, ќе се именуваат конкретни документи на АСНОМ, односно ќе се внесе повикување на Прогласот од Првото заседание на АСНОМ до македонскиот народ за одржаното заседание на АСНОМ, со неговите конститутивни одлуки.Денеска истекува рокот за поденсување на уставните амандмани до Собранието.

Македонија | пред 7 години

Скопје синоќа беше шести најзагаден град на светот

Скопје го потврди приматот - еден од најзагадените градови на светот. Македонската метропола синоќа се најде на шестото место по загаденост во светот на  глобалната апликација Ер Вижуал („Air Visual“).Индексот, кој го сочинуваат вредностите од ПМ10, јаглерод моноксид, јаглерод и натриум диоксид и озон, за Скопје покажа вредност од енормни 160, и се најде во друштво со традиционално најзагадените градови како Лахоре, Њу Делхи, Ченгду и Пекинг.Најалармантно синоќа беше кај ректорат со измерени 240 ПМ честички на метар кубен, односно пет пати над дозволените граници.Неколку кратно над дозволеното беше загадено и во Струмица, Битола, Куманово Гостивар и Кавадарци.

Скопје | пред 7 години

4, 6 или 7 амандмани денеска Владата ќе ги достави до Сoбранието, прифатени биле и предлозите на осумтемина

Денеска истекува рокот кога Владата треба да ги достави уставните амандмани според Договорот од Преспа до Собранието. Вчера премиерот Зоран Заев имаше уште една средба со осумтемина пратеници од новата пратеничка група на ВМРО-ДПМНЕ и коалицијата „За подобра Македонија". Заев вика дека ќе има четири, пет, шест, а можеби и седум амандмани, а пратеникот Крсто Мукоски изјави дека биле договорени четири амандмани.Вчера и двете страни, и Заев и Мукоски изјавија дека има начелен договор за уставните амандмани. Заев изјави дека деталите се заокружени, но не прецизираше колку точно амандмани ќе произлезат. Со договореното се гарантира идентитетот, потенцираше Заев.Пратеникот Крсто Мукоски рече дека добиле согласност и разбирање од Заев за нивните барања. Повтори дека нивните барања се однесуваат на зацврстување на идентитетот, постепена промена на името за внатрешна употреба, следејќи ги преговорите со ЕУ и поништување на сите амандмани кои произлегуваат од договорт во случај Грција да не го ратификува.За барањето во преамбулата на Уставот да биде содржан и Рамковниот договор Заев не одговори конкретно, образложувајќи дека тоа дополнително ќе се утврдува.Мукоски изјави дека било договорено од понеделник да почне да работи и телото за помирување и ја повика ВМРО-ДПМНЕ да учествува во работата на тоа тело.Поединци од новата опозициска пратеничка група уште пред гласањето за пристапување кон уставни измани предлагаа дополнително зацврстување на македонскиот идентитет, ништовност на Договорот доколку грчката страна не го ратификува и не го поддржи нашиот влез во НАТО, како и сукцесивна примена на новото име, во согласност со отварањето на поглавјата од преговорите со ЕУ.Според Мукоски, Договорот содржи и штетни елементи, но мора да се прифати, а нивните амандмани ќе внесат дополнителна заштита.Пред почетокот на седницата на која се гласаше за пристапување кон уставни измени, на 19 октомври, група пратеници од опозицијата доставија свои барања „да се пристапи во наредната, но не и конечна фаза, на дискусија по уставните амандмани, само под следните услови од чие исполнување ќе зависат и нашите идни ставови и нашата конечна поддршка за уставните амандмани“.

Македонија | пред 7 години

Нема фотографија

Мицкоски: Не е точно дека „врие” во ВМРО-ДПМНЕ

Претседателот на ВМРО-ДПМНЕ, Христијан Мицкоски на денешното гостување во телевијата Алсат во емисијата „Патот кон“, одговараше на прашања за актуелните состојби во најголемата опозициска партија.– Не се согласувам со вас дека врие внатре во ВМРО-ДПМНЕ. Две индивидуи кои што водеа структури во ВМРО-ДПМНЕ, Унијата на жени и Унијата на млади сили си заминаа, а структурата на Унијата на жени и Унијата на млади сили останаа и се именуваа вршители на должност, набргу ќе биде објавен конкурс, набргу ќе биде изгласано новото раководство во рамките на тие две структури, така што животот си продолжува понатаму, политиките продолжуваат понтаму, Колку што ги прочитав нивните оставки тие не рекоа дека си заминуваат од партијата, туку напротив дека остануваат во партијата, во овој момент тие си имаат сопствени аргументи зошто се одлучиле на еден ваков чекор и јас можам да кажам дека во математиката велиме заеднички делител или именител има во целиот овој случај претпоставувам од тој центартдоаѓа мотивот и за едниот и за другиот чинител кои се одлучија за овој настап- одговори Мицкоски на прашањето дали врие и има раздор во редовите на ВМРО-ДПМНЕ.Се чувствувам комотен и можам да кажам дека јас сум можеби единствениот претседател на ВМРО-ДПМНЕ кој својата доверба самостојно ја ставил пред делегатите на Централниот комитет на партијата, истакна претседателот на ВМРО-ДПМНЕ, Христијан Мицкоски во гостувањето во емисијата „Патот кон“ на Алсат-М.Мицкоски потенцираше дека тоа го направил веднаш по настаните кое се случува во Собранието.– Статутот на ВМРО-ДПМНЕ овозможува претседателот самостојно иницира процес во кој ќе побара одржување вонреден конгрес на кој ќе се разговара за неговата доверба. Јас за оваа моја одлука не разговарав буквално со никого, туку на почетокот од ЦК, потпретседателите на партијата и генералниот секретар ги запознав со оваа моја одлука, дека на седницата на ЦК ќе излезам и ќе побарам доколку цени ЦК, одржување на вонреден конгрес на кој ќе се разговара за мојата лична доверба. Исто така, за да не им биде непријатно на членови моето присуство во салата, според определен член од Статутот кој мене ми овозможува со специјална одлука ги пренесам моите надлежности на еден од потпретседателите, тоа да го направам и да му ја дадам можноста да ја води седницата, а јас истата да ја напуштам. Тоа и во направив. Можам да ви кажам дека 125:0 беше гласањето од страна на членовите на Централниот комитет, дека нема потреба да се организира вонреден конгрес, објасни Мицкоски.Тој посочи дека ваквата одлука била доволна за него лично, да заклучи дека како личност ја ужива довербата од Централниот комитет во кој членуваат сите претседатели на општинските комитети, структурата на УЖ и УМС на партијата.Мицкоски потенцираше дека ВМРО-ДПМНЕ е најголема и најорганизирана политичка партија во која е многу нормално да има различни мислења и ставови се до моментот на носење на конечна одлука.Според него логично е веќе кога се вклучувате во политичка партија да ги почитувате политиките и одлуките во таа партија, што, како што рече, не беше случај со 7-те пратеници кои ги исклучија, а постапија спротивно политиките на ВМРО-ДПМНЕ.-ВМРО-ДПМНЕ не е хорско друштво, па секој во различен тон да пее. Е сега кога вие знаете дека има конгресна одлука, која што дава точна насока како треба да се постапува по прашањето за името, конгресна одлука од Конгресот во Валандово која што е продолжување на одлуката од Конгресот во Куманово, која што е продолжување на одлуката од Конгресот во Битола, имате партиска програма со која сте излегле на изборите во 2016 година врз основа на која вие сте го добиле мандатот, имате одлука на Извршниот Комитет, имате одлука на Централниот комитет и вие постапувате спротивно на таа одлука, вели Мицкоски.Според него во политиката и во партиите е многу важно доколку се има сет на документи и серија политики да продолжат да се следат бидејќи на друг начин тие ја ризикуваат позицијата меѓу сопартијците.Обвинувањата на екс -директорот на УБК, Сашо Мијалков во писмото упатено до претседателот на ВМРО-ДПМНЕ, Христијан Мицкоски ги смета за внатрепартиски работи. Не сакајќи да одговори на писмото што Мијалков му го упати веднаш по исклучувањето од партијата, Мицкоски тврди дека ВМРО поседува докази за сѐ што тврди.Ова претседателот на ВМРО-ДПМНЕ го изјави во интервју за телевизијата Алсат.Прашан за исклучувањата, заминувањата и оставките, Мицкоски рече дека тоа е еден динамичен политички процес во партијата и оти тоа ќе постои сѐ додека постои ВМРО, но најави дека ќе се реформира Извршниот комитет.

Македонија | пред 7 години

Се запали покривот на Детската болница Козле

Се запали покривот на Институтот за белодробни заболувања кај децата-Козле утрово околу 10 часот, повредени нема, пишува СДК.МКОд Бригадата за противпожарна заштита на Град Скопје велат дека имало зачадување на дел од кровната конструкција на Детската болница во Козле и дека интервенирале со две возила и пет пожарникари.„Имавме интервенција во Детската болница Козле, каде се запалила дел од кровната конструкција. Има материјална штета, а повредени нема. Беа евакуирани пациентите пред да дојдеме таму. Беше опожарен аспираторот за вентилација во најгорната зона на објектот и моравме да ја отвораме и кровната конструкција. Материјалната штета дополнително ќе се утврдува“, вели Звонко Томески, в.д. командант на Бригадата за противпожарна заштита на Град Скопје.Директорот на Институтот за белодробни заболувања кај децата-Козле Ангелчо Андоновски вели дека не станува збор за пожар, туку дека се стопила дел од инсталацијата во еден од тоалетите на одделот за акутна патологија.„Дошло до топење на една од жиците од аспираторот за вентилација во еден од тоалетите на одделот, не станува збор за пожар. Се почувствува миризба и зачаденост. На тој оддел имаме седум двокреветни соби и еден апартман, а во моментов имавме осум пациенти хоспитализирани. Веднаш се евакуирани пациентите на другите оддели и веднаш викнавме Пожарна. Целата случка траеше околу 15 минути“, вели д-р Андоновски.Тој кажа дека друга штета нема, освен материјална, која веднаш ќе ја санираат, а децата кои се евакуирани на другите оддели ќе останат таму додека не се санира штетата.

Скопје | пред 7 години

Продолжен притворот на Моника Ристеска

Обвинение против Моника Ристеска за сторено кривично дело неовластено производство и пуштање во промет наркотични дроги, психотропни супстанции и прекурсори достави Основното јавно обвинителство Скопје до Основниот суд Скопје 1..Како што наведуваат од Јавното обвинителство на РМ, осомничената се товари дека во текот на минатата и оваа година, со умисла извршила дејствија кои претставуваат повеќекратно остварување на истото дело. Притоа, Ристеска неовластено кај себе држела, преработувала и продавала марихуана и хашиш смола.На 29. септември минатата година во скопското село Ракотинци при извршен претрес од страна на полицијата, кај осомничената биле пронајдени и одземени една полиетиленска кесичка со 27.46 грама марихуана, два шприца со хашиш смола со вкупен волумен од 9 милиметри, три шприца со остатоци од хашиш смола, една дигитална вага со остатоци од марихуана, две шишиња со вкупен волумен од 2060 милилитри и една пластична туба со етил алкохол органски растворувач, наменети за преработка на дрога.Потоа, на 05. јули годинава во близина на Канцеларијата за врски на Грција во Скопје, од страна на полицајци било извршено легитимирање на осомничената и кај неа биле пронајдени два шприца со остатоци од хашиш смола, а еден шприц со волумен од 2 милилитри со хашиш смола е пронајден кај сведок на кого што обвинетата му го продала за 3.000 денари.Во трет претрес, на 08. октомври годинава, на скопската улица „Мите Богоевски” кај осомничената Ристеска биле пронајдени полиетиленски пакувања со марихуана помешана со тутун со нето маса од 30,15 грама, една полиетиленска кесичка со марихуана со нето маса од 7,62 грама, четири шприца со вкупен волумен од 39,7 милилитри хашиш смола, една тегла со семки од растението канабис со нето маса од 0,42 грама, две пластични чаши со хашиш масло со волумен од 12 милилитри, две дигитални ваги со остатоци од непозната материја, еден мал вентилатор, два електрични блендери, еден топломер, едно грејно тело марка „ИЦМ”, 19 празни шприцови, 12 стерилни медицински капи, еден електричен тајмер, пластични чаши, стаклени епрувети и една пластична туба со налепница „Етанол” кои сите биле наменети за производство, а потоа и за продажба на дрогата.Како што истакнуваат од Јавното обвинителство, во Република Македонија со закон е казниво неовластеното производство, преработка, продажба или нудење на продажба, како и заради продажба купување, држење, пренесување или посредување во продажба или купување или на друг начин неовластено пуштање во промет наркотични дроги, психотропни супстанции и прекурсори.Врз основа на ова, заедно со обвинението, ценејќи дека се уште постојат законските основи, надлежниот јавен обвинител до судија на претходна постапка достави и предлог за продолжување на претходно определената мерка притвор за Моника Ристеска.

пред 7 години

Нема фотографија

Судот вчера го замрзнал целиот имот на ВМРО ДПМНЕ

Судија на претходна постапка од Основниот суд Скопје 1 го замрзна имотот на ВМРО-ДПМНЕ на барање на Специјалното јавно обвинителство во рамките на предметот „Талир“, официјално соопшти  СЈО.Со одлуката на судот, замрзнати се вкупно 69 недвижнини меѓу кои и објектот во кој се наоѓа седиштето на партијата и се забранува отуѓување на конкретниот имот како и давање под закуп на истиот, а од  СЈО велат дека поднеле вакво барање бидејќи сметаат дека постои веројатност истиот имот да биде отуѓен до завршување на постапката.„По барање на ова Јавно обвинителство, судија на претходна постапка на Основен суд Скопје 1 – Скопје донесе решение со кое е изречена привремена мерка за обезбедување на имот на политичката партија ВМРО-ДПМНЕ. Со мерката се замрзнати вкупно 69 недвижнини меѓу кои и објектот во кој се наоѓа седиштето на партијата. Со оваа мерка се забранува отуѓување на конкретниот имот како и давање под закуп на истиот. Дејствијата се преземени во рамки на предметот „Талир“, со оглед на тоа што постои веројатност истиот имот да биде отуѓен до завршување на постапката“, се вели во соопштението на СЈО.

Македонија | пред 7 години

Нема фотографија

ВМРО-ДПМНЕ: Граѓаните се донесени на работ должничко ропство

Македонија е единствената држава во Европа која е водена од политичар аболициран за сериозен криминал. Единствена држава во која на власт е криминален картел кој единствено работи за партиските и бизнис интересите на кланот Заеви.Одродената и криминална власт секојдневно ги задолжува граѓаните. Последното задолжување изнесуваше 58 милиони евра, а со ова темпо таканареченото грчко сценарио и банкрот е неизбежно. Граѓаните се донесени на работ должничко ропство, а сиромаштијата зема замав. Над 460 илјади македонски граѓаните преживуваат со еден оброк дневно и секојдневно гладуваат. Нема нови проекти, не се отвораат нови работни места, младинската невработеност изнесува повеќе од 50 проценти. Со оглед на фактот што реализацијата на капиталните инвестиции изнесува очајни 27,4 проценти, нема изградба на 600 километри автопат, нема изградба на нови клинички центри и студентски домови, владата не гради нови училишта и спортски сали, останува прашањето за што се трошат парите на граѓаните?Со оглед на криминалното работење на власта и принципот „евро за вицето“ јасно е дека парите на граѓаните завршуваат на сметките на партиски и државни функционери. Преку криминални грантови и тендери СДСМ на чело со Зоран Заев спроведува досега невиден грабеж споредлив само со времето на криминалната транзиција.Владеењето на Заев се повеќе потсетува на мрачните 90-ти, сивилото повторно надвисна над Македонија, граѓаните се во апатија и на работ на својата егзистенција. Нема повисоки пензии, јавноста е сведок на се повеќе компании кои заминуваат во стечај, безнадежноста дека ќе има правда и правдина е се поголема.Темните облаци кои надвиснаа над Македонија ќе си заминат, крајот на политичката кариера на Заев е на повидок. Заев избра да не ја почитува волјата на народот јасно искажана на референдумот за промена на името, но казната ќе ја добие на следните парламентарни избори на кои граѓаните уште погласно ќе му кажат на Заев доста е, заврши времето на транзиционите политичари.

Македонија | пред 7 години

Нема фотографија

Хороскоп за ноември

ОвенМарс, вашиот владетел го продолжува своето ретроградно движење во Бик, а вашите планови врзани за парите и кариерата се одвиваат бавно. Можеби е проблем во тоа што ви недостасува вообичаена енергија. Во текот на наредните недели, вашите надредени ќе ги препознаат напорите кои ги вложувате и можно е да ви биде понудено подобро работно место.На полето на љубовта, во текот на ноември ќе привлекувате многу луѓе во својот живот и работите ќе ви одат од рака. Ако сте сами, сега е време тоа да се промени, а ако сте во долга врска, време е за проширување на семејството или брак.Здравјето е одлично, но внимавајте на настинките.БикМарс се движи ретроградно во вашиот знак, па нема да бидете мирни додека не почне неговото движење во директен од. Штом тоа се случи, ќе можете и да одморите и да направите пауза од работата, но и добро да размислите за промените кои сакате да ги направите.Ноември е поволен месец за почнување нова врска, која може по некое време да прерасне со брак.Можни се проблеми со кардиоваскуларниот систем.БлизнациМладиот месец во ноември ви носи многу новини –  нова работа или нова подобра функција во истата компанија. Невработените во текот на ноември ќе имаат сјајни шанси да најдат работа каква што посакуваат.Марс, владетелот на вашиот знак останува на полето на љубовта и семејството, што значи дека ќе постојат можности за отворен разговор за потиснатите проблеми, што ќе донесе до подобро разбирање со луѓето околу вас.Кога станува збор за здравјето, доволно ќе биде да пешачите околу 30 минути дневно и нема да имате проблеми.РакПолето на кариера ви носи остварување на личните цели и реализација на идеите кои одамна ви стојат во глава.Кога станува збор за врските, Венера ќе биде во една од најдобрите позиции. Тоа е време кога можете да постигнете хармоничен однос со саканата личност, но и со било која личност со која ќе стапите во контакт.Здравјето ќе биде одлично во текот на овој месец.ЛавСо ретроградното движење на Марс во вашето поле на кариера, работите ќе одат малку потешко, а резултатите едвај ќе бидат видливи. Бидете трпеливи, тоа ќе пројде, а потоа ќе блеснете и сиот труд ќе се исплати на долг рок.Ве очекува позитивна љубовна атмосфера, а можна е и принова, односно бременост.Во текот на овој месец, бидете особено внимателни околу здравјето.ДевицаНа полето на кариерата се отвора можност за долгоочекуваните промени. Можни се и одложувања и проблеми, но успехот е ваш на крајот на месецот.Меркур во текот на целиот месец ќе биде во вашето поле на семејството и љубовта, давајќи ви можност за драгоцени и отворени разговори со оние со кои го делите домот и ви овозможува да дојдете до подобрени односи. За вас, односот со оние кои значат е најважен, а ноември е месец за тоа.  Слободните претставници на овој знак можно е да ја запознаат својата сродна душа во текот на ноември.На полето на здравјето, можни се уринарни инфекции.ВагаРетроградното движење на Марс ве поттикнува со сета сила да се борите за она што сметате дека сте го заслужиле. Сепак, оставете го решавањето на големите проблеми и конфликти за следниот месец. Ноември носи и можност за зголемување на приходите.Љубовта нема да ви биде силна страна, осамени сте.Овој месец треба поважно да размислувате за здравјето. Хранете се поздраво.ШкорпијаСо Јупитер во вашиот знак влегувате во една сосема нова фаза на личен развој која може да влијае позитивно и на професионалниот развој. Тимската работа нема да ви оди од рака и ќе треба да бидете особено внимателни во односите со колегите.Време е за учење и стекнување нови искуства, а младиот месец на почетокот на ноември ве охрабрува да свртите нов лист кога станува збор за љубовта.Внимавајте на здравјето.СтрелецПоради ретроградното движење на Марс присилени сте да ја трпите тензијата на работното место. Иако мислите дека моменталните проблеми никогаш нема да бидат решени, сепак крајот на месецот носи нивно подобрување.Во љубовта, потрудете се да ги избегнете недоразбирањата, особено во средина на месецот. Првата половина на месецот може да ви помине во кавги, но вториот дел би било добро да го искористите за патување со партнерот. Ако сте сами, овој месец ви носи убаво познанство, за кое постои добра можност да премине во врска.Внимавајте на имунитетот.ЈарецНа почетокот на месецот, Венера влегува во вашиот знак што ќе ве направи потопли од вообичаено. Ќе имате потреба да се поврзете со  колегите, и ќе бидете спремни за компромисЗа оние кои се во врска, ќе сакаат да направат голем чекор. А, оние кои се слободни ќе се водат од своите идеали и ќе бидат интересни за разговор за спротивниот пол.Здравјето е одлично, можна е само мала настинка.ВодолијаРетроградниот Марс во Бик ги става вашите планови за работа на чекање, но крајот на месецот ќе ја намали тензијата. Луѓето ќе ве гледаат со други очи, што ќе ви помогне да ги остварите своите професионални цели.Во љубовта, не ве очекуваат големи промени.Здравјето не треба да го ставате на последно место, треба да сте повнимателни.РибиМладиот месец на почетокот на месецот ви носи проширување на професионалните видици, што би можело да се рефлектира преку професионални патувања, учење нов јазик и дополнително образование.Крајот на месецот ви носи убави љубовни моменти и нови почетоци. Ќе сакате да расчистите со старите љубови и проблематични односи и во својот живот да ги пуштите само добрите луѓе и идеи.Нема да имате проблеми со здравјето во текот на овој месец.

Магазин | пред 7 години

Тони Михајловски: Писмава со оставки ви се како семинарска што сите ја користат за урнек

„Овие писма со оставки се како семинарска што сите ја користат за урнек. Како еден ист човек да им ги пишувал.По тоа се гледа дека ниту имате свое, ниту пак ќе имате.Е тешко е да си во партија кога е во опозиција. Не сте навикнати“, напиша Михајловски. 

Коментари | пред 7 години

Постигнат прелиминарен договор за Брегзит

Британската премиерка Тереза Меј постигна прелиминарен договор со Европската унија за Брегзит, објави „Тајмс“, повикувајќи се на владини извори.Постигнат е финансиски договор, кој ќе им овозможи на фирмите на островот траен пристап до пазарите на ЕУ по Брегзит.Преговарачите од двете страни постигнаа прелиминарен договор за сите прашања околу пазарот на услуги и размена на податоци.Договорот ќе им овозможи на британските компании пристап до европските пазари, а британската финансиска политика во голема мера е во согласност со европската.Веста, исто така, имаше и непосреден економски ефект – по објавувањето на договорот, вредноста на фунтата се зголеми за 0,5 поени во однос на американскиот долар.

Свет | пред 7 години

Нема фотографија

Грчки дипломат: Преспански договор може да наиде на пречки во ОН

Димитрис Москопулос, пензиониран грчки дипломат и поранешен амбасадор во Косово, смета дека Преспански договор, дури и да биде ратификуван во парламентите на Грција и на Македонија, би можел да наиде на пречки во Обединети нации.„Ништо не е сигурно во овој свет“, изјави тој во интервју за Балканска истражувачка мрежа (БИРН), повикувајќи се на најавата од Министерство за надворешни работи на Русија од 3 октомври дека ќе побара за Договорот да заседава Советот за безбедност на ОН, бидејќи е во спротивност со меѓународното право и со македонскиот устав.Според Москопулос, влогот околу договорот од Нивици е поголем за Македонија отколку за Грција, каде што смета дека може да помине само во сегашната политичка констелација во законодавниот дом.„Договорот за името има шанса само ако дојде на ратификација во грчкиот парламент додека сегашната влада е на власт. Ако има избори во Грција пред тоа и Владата загуби, сегашната опозиција ќе го убие“, смета тој, очекувајќи СИРИЗА да биде поддржана од независни пратеници и на тој начин да ги надомести гласовите против од коалицискиот партнер Независни Грци.Москопулос ги обвинува националистите во двете земји за проблемите во меѓусебните односи.„Глупаво е во 21. век да се бориме околу тоа кој е вистински наследник на Александар Велики“, нагласува ексамбасадорот, но и додава дека македонски политичари често ги провоцирале грчките националисти. 

Свет | пред 7 години

Во Дубровник регистрирани бранови повисоки од девет метри

Рекордна висина на бранови се измерени во акваториумот Ровињ, Сплит, Плоче и Дубровник, а највисоките бранови биле повисоки од девет метри, покажуваат податоците од мерењата на Хрватскиот хидрографски институт (ХХИ).Највисок бран е измерен во Дубровник, покрај островот Св. Андреа – 9,03 метри.Во акваториумот Ровињ висината на брановите била осум метри.– Собраниете и обработени податоци ќе придонесат за зголемување на степенот на безбедност на пловидба во наведените подрачја, а ќе бидат изработени и безбедносни препораки. Со тоа се создаваат претпоставки за безбеден сообраќај на луѓе и стока во хрватскиот дел на Јадранското Море, се наведува во соопштение на ХХИ.

Свет | пред 7 години

Нема фотографија

Заев на Регионалниот безбедносен самит во Тирана

Премиерот Зоран Заев денеска ќе учествува на Самитот за регионална интерконекција и безбедност, што ќе се одржи во Тирана.Целта на Самитот, каде е најавено присуство на шефови на држави и на Влади на земјите од Западен Балкан и од Медитеранот, е идентификување на заедничките предизвици на државите и решенијата за побезбеден, мирољубив и економски развиен свет, соопштија од Владата.Најавено е дека Самитот ќе биде отворен од страна на премиерите на Албанија и Израел, Еди Рама и Бенџамин Нетанјаху. 

Македонија | пред 7 години

Нема фотографија

Денеска нови рочишта за Мијалков, Канческа-Милевска и раздвоената постапка за „Насилство во општина Центар“

Во Кривичниот суд во Скопје денеска ќе се одржат нови рочишта за „Тендери", „Тортура" и раздвоената постапка за „Насилство во општина Центар" на Специјалното јавно обвинителство.Случајот „Тортура“ се наоѓа во доказна постапка и треба да продолжи со презентација на преостанатите видео материјали од камерите на МВР.За предметот „Тортура“, обвинети се поранешниот директор на УБК Сашо Мијалков, поранешниот прв човек на единицата „Алфи” Ивица Антевски – Пуки и уште петтмина припадници на единицата.Специјалното јавно обвинителство ги гони за мачење и друго сурово, нечовечко или понижувачко постапување и казнување, за начинот на лишување од слобода на лидерот на Обединети за Македонија и поранешен министер за внатрешни работи Љубе Бошкоски, на 6 јуни 2011 година, ден по предвремените парламентарни избори.Во Кривичниот суд продолжува и судењето на поранешната министерка за култура, Елизабета Канческа Милевска, која е првообвинета во случајот „Тендери“ на СЈО.Канческа-Милевска е обвинета за злоупотреби со тендерот за извршување градежни работи во Музејот на ВМРО, од проектот „Скопје 2014“.Во Кривичниот суд во Скопје, треба да се одржи и рочиште за раздвоената постпка во случајот „Насилство во општина Центар“ за седмообвинетиот Димче Крстев. Во овој случај обвинети се и поранешниот премиер Никола Груевски, поранешниот министер за транспорт и врски Миле Јанакиески, советничката на ВМРО-ДПМНЕ во тоа време Даниела Рангелова и уште неколкумина кои биле дел од толпата која на 10 јуни 2013 година протестираше пред општина Центар.

Македонија | пред 7 години

Охрид: Штетите од пролетното невреме изнесуваат околу 350 илјади евра

19 милиони денари или околу 350.000 евра се проценетите штетите од пролетното невреме кога поради високите бранови на Охридското Езеро и силнот јужен ветер беа направени штети на угостителските објекти и домовите на охриѓани сместени покрај езерското крајбрежје.Елаборатот за штетите беше усвоен од страна на Советот на општина Охрид и истиот ќе биде испратен до Републичката комисија за проценка на штети која треба да ја донесе конечната одлука дали и во колкав процент ќе бидат обештетитени граѓаните. Од 129 барања за обештетувања, 20 се на правни лица, а останатите на физички лица.„Ние како Комисија извршивме проценка и на легално и нелегално и на осигурано и на неосигурано. Тоа е законски. Тоа го праќаме до Владата и Владата ќе одлучи дали ќе ги обештети, дали ќе бара нешто дополнително. Мислам дека за скоро ќе бидат обештетени, но со кои проценки ќе бидат обештетени ќе одлучи Владата“, рече Раде Вељановски, општинска комисија за проценка на штети Охрид.

Македонија | пред 7 години

Османи во Атина, на средба со Катругалос

Заменик-претседателот на Владата задолжен за европски прашања, Бујар Османи, денеска ќе отпатува во работна посета на Атина, каде што ќе оствари средба со алтернативниот министер за надворешни и европски работи на Грција, Георг Катругалос.На средбата, како што соопштија од кабинетот на Османи, ќе стане збор за билатералните односи меѓу двете земји, договорот од Преспа и обврските што тој ги создава за двете земји, но и за сите други прашања од билатерален интерес, како што се мерките за градење доверба, унапредување на односите меѓу двете земји, поддршката од страна на Грција за нашите европски интеграции.Вицепремиерот Османи и министерот Катругалос ќе присуствуваат заедно на првиот лет по пауза од над 10 години од Атина за Скопје, при што делегацијата што ја предводи вицепремиерот Османи ќе се врати во земјата со истиот тој лет, се наведува во соопштението од кабинетот на Османи.

Македонија | пред 7 години

Нема фотографија

Македонија рангирана како најзагадена земја во Европа

Европската агенција за животна средина предупреди дека загадувањето на воздухот предизвикува повеќе од 500.000 смртни случаи во Европа секоја година, известува БиБиСи.Извештајот од агенцијата вели дека нивоата на загадување полека се подобруваат во земјите на ЕУ, но се далеку повисоки од стандардите кои ги имаат поставено ЕУ и Светската здравствена организација (СЗО). Наодите се базираат на податоци од 2015 година од повеќе од 2.500 локации.-Загадувањето на воздухот е невидлив убиец и ние треба да ги засилиме нашите напори за решавање на причините”, рече шефот на агенцијата, Ханс Бруни.Проценетиот број на предвремени смртни случаи годинава е зголемен за разлика од претходните податоци, во кои загадувањето на воздухот предизвикало околу 476.000 предвремени смртни случаи во Европа во 2013 година. Околу 422.000 луѓе прерано починале во европските земји во 2015 година поради изложување на штетни нивоа на фина честичка (PM2.5). Овие честички се премногу мали за да се видат или помирисаат, но имаат разурнувачки ефект – предизвикуваат срцеви заболувања, астма и рак на белите дробови.Европската агенција за животна средина објави дека пошироката проценка вклучена во извештајот покажала дека раните смртни случаи поради PM2.5 биле намалени “за околу половина милион” од 1990 година.Ова намалување се должи на европските политики за квалитет на воздухот и локалните мерки “кои доведоа до, на пример, почисти автомобили, индустрија и производство на енергија”.Во 2015 година, концентрациите на PM2.5 беа малку пониски од претходната година, додека нивоата на NO2 и O3 беа повисоки. Регионите со најлоши нивоа на PM2.5 останаа источно-европските земји како Бугарија, Полска и Словачка. Други европски земји над границата на загаденост се Хрватска, Србија, Албанија и Босна.Македонија е најлоша од сите земји, со повеќе од една третина повисоки нивоа PM2.5 од земјата која следи по неа во извештајот.Од власта оваа година парите ги распределија за референдумот, како што известуваше во август годинава Телевизија 24 вести. Имено, наместо за еколошки  проекти, 160 000 евра државни пари биле пренаменети за „операцијата референдум“.„Направена е пренамена на средства во две категории, по 5 милиони денари, од категоријата за мониторинг и за инвестиции за животна средина. Станува збор за повеќе од 160 000 евра. Кратењето и на тие како важни средства покажува само немање слух за едно од основните права на граѓаните, а тоа е здрав живот и чист воздух“, изјави тогаш  Ели Пешева од Коалиција О2 за чист воздух.Во контекст на изјавата на Ели Пешева за пренамена на средствата за подобрување на животната средина, заменик министерот за животна средина во август годинава изјави дека парите наменети за референдумската кампања се минорни кога се во прашање аспирациите на Македонија за членството во НАТО и ЕУ.„Буџетот кој го имавме зголемено за 2018 ќе претрпи намалување, но сакам да уверам дека тоа не е во делот на борбата против аерозагадувањето. Важен е и референдумот и државата треба да обезбеди демократија секој да може да го искаже своето мислење. Од друга страна пак започнувањето на преговорите и влезот во ЕУ и НАТО нуди дополнителни средства за борба против аеро загадувањето“, изјави Макрадули.Јани Макрадули ден по таа изјава, за Цивил рече дека популизмот не може да ја заштити животната средина и дека се надева на помош од меѓународните институции.„Не постои земја што се справила со загадувањето или поврзано со животна средина, а да не работи со масовни инвестиции во зелените иницијативи“, изјави Макрадули во август годинава.Се чини дека иако Европската агенција за животна средина не’ рангира како најзагадена земја во Европа, надлежните институции ги прераспределуваат парите на други места, без да дадат важност на степенот на смртност кај граѓаните во Македонија.Во декември 2017 година форумот за јавни политики: „Интегриран пристап за заштита на квалитетот на воздухот: Унапредување на соработката помеѓу централната власт, локалната власт и граѓанските организации“, го отворија заменик министерот за животна средина и просторно планирање, Јани Макрадули, градоначалникот на Скопје, Петре Шилегов и директорот на канцеларијата за развој на УСАИД, Едвард Гонзалез.Тогаш Макрадули изјави дека сите досега преземени активности на Министерството за животна средина и просторно планирање се усогласени со политиките што ги води Владата, а подразбираат интегриран и координиран пристап на сите засегнати чинители и сектори, заедно со активностите и идеите на граѓанските организации и граѓаните воопшто. При тоа Макрадули нагласи дека Владата преку интер-ресорската работна група во своите мерки ги има интегрирано сите релевантни предлог-мерки пристигнати по официјален пат или по пат на социјални мрежи.Градоначалникот на град Скопје, Петре Шилегов, на форумот потенцираше дека единствен исправен начин да се води борба против нездравата животна средина е заедничкиот интегрален пристап на сите нивоа на власт, заедно со граѓанските организации.Но, се чини дека нивните изјави на форумите и во јавноста се дијаметрално различни со постапките во пракса. Остана Македонија да чека инвестиции од Европската Унија за решавање на сериозните проблеми за животната средина, а од друга страна оние средства кои се предвидени не се искористени во таа насока.Со последната изјава на Јани Макрадули за Отворено Студио 1, се потврди лошото работење на Министерството за животна средина и воопшто способноста на власта да се справи со проблемот на загаденост во Македонија.„Поделивме некои задачи, за жал некои се завршија некои не се завршија. Некои институции потфрлија и тука треба да бидеме искрени да признаеме. Доцни процесот на категоризација на возилата, не сите општини ја исполнија обврската да на Советот донесат план за справување со воздухот“ -изјави последно Макрадули за Отворено Студио 1.

Скопје | пред 7 години

Стружанец нов вд претседател на УМС на ВМРО ДПМНЕ

Јован Јаулески од Струга е нов в.д претседател на Унијата на млади сили на ВМРО ДПМНЕ, дознава „Скопје 1“.Деновиве Јован беше фотографиран заедно со лидерот на опозициската партија Христијан Мицкоски.Претседателот на Унијата на млади сили на ВМРО-ДПМНЕ, Лука Кржалоски, поднесе неотповиклива оставка од функцијата, која ја објави на својот фејсбук-профил. Како што наведува, во продолжение на текстот ги наведува и објаснува причините за неговиот потег, за кој, како што додава, дошло по долго и сериозно размислување.По оставката на претседателот на Унијата на млади сили на ВМРО-ДПМНЕ, Лука Кржалоски, неотповиклива оставка од функцијата поднесе и претседател на Градскиот комитет на УМС, Томи Кепевски. Тој во писмо до јавноста вели „оваа оставка не е предавање, туку само гласен крик против ова што ни се случува!“

Македонија | пред 7 години

Амбасадорот Бејли приреди забава за Ноќта на вештерките

Ноќта на вештерките секоја година се слави во САД на 31 октомври, а традиционално се одбележува во Амбасадата во Скопје. Годинава, амбасадорот Бејли со сопругата приредија забава под маски за децата на вработенитево амбасадата.Амбасадорот со бонбони и чоколади и  Happy Halloween, ги пречекуваше малите гости.

Македонија | пред 7 години

Нема фотографија

Богатите туристи веќе не ја посетуваат Будва, тие имаат нова хит-дестинација

Сумирајќи ги резултатите од овогодишната турстичка сезона во Будва, угостителите истакнуваат дека богатите туристи, кои со децении доаѓале во Будва, сега ја менуваат насоката.И 2018 година покажа дека гостите со полни џебови сè повеќе доаѓаат во Тиват и Порто Монтенегро, кои Црна Гора ја позицираа на високо место на туристичката мапа на Медитеранот. Туристичкиот центар Порто Монтенегро, најатрактивен комплекс од ваков тип на источниот јадрански брег, е преполн со туристи, и тоа и овие октомвриски денови, пишуваат тамошните медиуми.„Нашиот центар во текот на сезоната го посетуваат 10 000 туристи дневно, дури и повеќе”, рече Данило Калезиќ од Порто Монтенегро Црна Гора за „Новости”.„Посетителите доаѓаат да го поминат денот или неколку часа во нашите убави ресторани, базени, во галерии, бутици и други објекти на ова големо пристаниште, каде има и шест луксузни вили и луксузен хотел со пет ѕвездички. Доминираат гости од Западна Европа, има Руси, гости од Обединетите Арапски Емирати, Катар, Бахреин, а оваа година имаше гости од Далечниот Исток, но и од Србија, БиХ, Македонија”, пишуваат медиумите.

Свет | пред 7 години

Хуманитарен настан ,,Охрид трчат за Сара”

Со почеток од 16 часот ќе се одржи хуманитарен спортско-социјален настан под име ,,Охрид трчат за Сара”.„Охрид трчат за Сара“ е симболична трка без натпреварувачки карактер со цел сите заедно сплотено да истрчаме во насока на подоброто утре за нашата Сара Настеска.Учеството е минимум 100 денари и сите средства ќе бидат донирани на фамилијата Настески. Стартот на хуманитарната трка е во 16 часот пред „Куба либре”, а целта е пред Дом на култура ,,Григор Прличев”. Уплатата на котизацијата/донацијата ќе ја спроведат волонтерите на Црвен крст Охрид и таа ќе се реализира на стартот на самата трка.,,Подоброто утре за Сара можеме и мораме да го постигнеме со дополнително собирање финансиски средства, но и можеме и мораме да го постигнеме и преку моќното градење на еден тим од илјадници охриѓани кои во еден момент и на едно место ќе пратат силна порака до неа и нејзината фамилија дека не се сами и дека сите ние сме Сара и фамилија Настески. Изминатите денови на многу хуманитарни настани и на разни начини сигурно сте донирале средства и на таков начин сeкој вас  бил дел од поддршката за Сара. Она што сакаме да го направиме преку овој настан е дополнително да ве мотивираме да донирате минимум 100 денари и на таков начин да бидеме уште поблиску до крајната цел.Почитувани, ве повикуваме сите, сопственици, директори, раководители, вработени, сите заедно на едно место, на една трка, да ја направиме најголемата ТИМ БИЛДИНГ ЕКИПА во светот наречена САРА НАСТЕСКА ! Излезете од работа, од дома, од кафулињата, од обложувалниците, од продавниците и придружите ни се во оваа заедничка наша мисија”, порачуваат организаторите.Настанот е во организација на атлетскиот клуб „Охрид трчат“, Сојузот за училиштен спорт, основните и средни училишта од општина Охрид, Црвен крст Охрид и Општина Охрид.

Македонија | пред 7 години

По десет години, прв лет Атина – Скопје

Македонија и Грција ги обновуваат директните летови помеѓу двата главни градови после повеќе од 10 години.Директните летови меѓу Скопје и Атина постоеја помеѓу 2003 и 2007, но се прекинати кога претходната влада на Македонија на аеродромот во Скопје му го даде името „Александар Македонски“ што ја разгневи Атина.Владата на Заев пак во февруари во рамки на обидот да се реши долгогодишниот спор околу името на Македонија одлучи аеродромот да се преименува во Меѓународен аеродром во Скопје.Според скопскиот аеродром, грчката авиокомпанија „Aegean Airline“ ќе има двенеделни летови почнувајќи од денес.Вицепремиерот Бујар Османи и заменик министерот за европски прашања Јоргос Катругалос ќе бидат на свеченото отворање на првиот лет после десет години од Атина за Скопје утре во 18.55 минути а делегацијата која ја предводи Османи со тој лет ќе се врати во Македонија.

Македонија | пред 7 години