„Не сум диктатор“ – Вучиќ остро на новинари од австриската делегација

Србија и Австрија ќе ја зајакнуваат соработката во сите области, особено во економијата, изјавија српскиот претседател Александар Вучиќ и австрискиот канцелар Кристијан Штокер по денешните разговори во Белград.Штокер, кој претходно престојуваше во Подгорица, во рамки на својата регионална турнеја за првпат го посети Белград. Таму имаше одвоени средби со премиерот Ѓуро Мацута и со претседателот Вучиќ.Вучиќ го пофали гостинoт, нагласувајќи дека Белград „на патот кон ЕУ секогаш добива помош од Виена“, а Штокер возврати дека „Србија е важен трговски партнер на Австрија и треба да стане дел од ЕУ“.Сепак, првите прашања од австриските новинари за повеќемесечните протести против корупцијата и застојот во евроинтеграциите го извадија Вучиќ од такт.„Не сум диктатор, како што ме претставувате“, одговори остро двапати, пренесува Nova.rs.Канцеларот Штокер подоцна призна дека бил изненаден од реакцијата на Вучиќ. „Му реков дека и јас секојдневно се соочувам со критички прашања. Тоа мора да се издржи. Тоа е слобода на медиумите“, изјави тој.

Свет | пред 6 месеци

(Видео) Ескалација на протестите – упад и хаос пред просториите на СНС во Нови Сад

Протестите низ Србија вечерва ескалираа во Нови Сад, каде што се искршени сите стакла на просториите на Српската напредна странка (СНС) на Булеварот на ослободувањето. Група мажи, користејќи скали, столчиња и други предмети, провалија во просториите на партијата.Атмосферата пред седиштето е хаотична – новинарка на Н1 јави дека е фрлен и солзавец, иако засега не е познато кој го употребил. Демонстрантите фрлаат јајца кон објектот, а од внатре се изнесуваат предмети и опрема.Во Белград, пред просториите на СНС е забележан и поранешниот ракометар Владимир Мандиќ.Во Валево, граѓаните се собраа пред кафе-барот „Романа“ за да изразат поддршка на сопствениците,чиј локал вчера беше демолиран од група насилници, при што беа повредени и неколку гости.

Свет | пред 6 месеци

(Видео) Дали некогаш сте нарачале храна во парк, со WOLT можете - Majestic и Steffonator направија слепа дегустација на храна

Инфлуенсерите Александра Трпеска ака majestic.at и Стефан Рашковиќ ака Steffonator уживаа во предизвикот „Погоди што јадеш без да гледаш“. Локацијата е Градскиот парк во Скопје, а појадокот го донесе курир-партнер на Wolt.„Зошто да се мачиме дома да правиме појадок, кога можеме да седнеме во парк и да си нарачаме од Wolt. Мојата храна ја нарача Александра и немам претстава што нарачала. Ќе пробувам со превез на очи. И јас за неа исто – нарачав појадок што ќе го пробува со превез на очи“, објаснува на почетокот на видеото Стефан.Александра, која е „секогаш екстра“, нарача и екстра кеса со храна и пијалаци за Стефан. Во играта „хартија-камен-ножици“ Александра победи, па Стефан прв „замижа“ и погодуваше што избрала за него.Благо, солено или луто – храната им донесе многу забава и смеа.„Баш е јако да пробуваш вкусови со превез на очи. Благодарам, Wolt! Можеби ќе ве инспирираме и вие да излезете и да си нарачате храна за пикник“, вели Александра.Погледнете на крајот од видеото кој збор таа го кажува како предизвик од Стефан следбениците да коментираат(ПР)

Магазин | пред 6 месеци

(Видео) Протести низ Србија – блокади пред просториите на СНС

Голем број демонстранти денеска се собраа во улицата „Кнез Милош“ во Белград, каде што полициски кордон им го попречи движењето кон блиските простории на владејачката Српска напредна странка (СНС).Паралелно, протести се одржуваат и во други градови. Во Нови Сад, дел од граѓаните се собраа пред просториите на СНС, каде нема претставници на партијата. Настанот поминува мирно и без инциденти, со присуство на полицајци во цивил, но без униформирани припадници.Во Крушевац, демонстрантите се упатија во протестен марш од седиштето на СНС кон вилата на министерот за одбрана, Братислав Гашиќ.Чачак забележа исто голем одѕив. Интервентната единица повторно ги опкружи просториите на СНС, спречувајќи пристап. Полицијата е распоредена на повеќе локации, а пред просториите на партијата стојат градски функционери, нивни помошници, заменици на градоначалникот и директори на јавни претпријатија. $bp("TargetVideo_55196114", {"id":"45264","width":"647","height":"863","video":"2204147","autoplay":0,"shared":true});Протести низ Србија – блокади пред просториите на СНС

Свет | пред 6 месеци

Кремљ: Нема да има усвојување на конечен документ по средбата Путин–Трамп

Кремљ денеска соопшти дека од утрешниот состанок меѓу рускиот претседател Владимир Путин и американскиот претседател Доналд Трамп, што ќе се одржи во Алјаска, не се очекува усвојување на конечен документ.Портпаролот Дмитриј Песков, за државната агенција ТАСС и други руски медиуми, изјави дека „ништо не е подготвено“ и дека е малку веројатно да биде потпишан било каков договор. Сепак, најави заедничка прес-конференција по завршувањето на самитот, на која Путин ќе ги изнесе „неколкуте спогодби и договори што ќе бидат постигнати“.Песков посочи дека подготовките за средбата се одвивале во ограничено време, а разговорите за војната во Украина засега се водат на билатерално ниво, со тоа што ставот на Киев ќе се разгледува на подоцнежна фаза. Тој го оцени како „продуктивен“ претходниот состанок на Путин со специјалниот пратеник на Трамп, Стив Виткоф, во Москва, наведувајќи дека токму тој го отворил патот кон утрешниот самит.Портпаролот предупреди дека би било „голема грешка“ да се брза со прогнози за исходот на разговорите и повика да се почека и да се види како ќе тече средбата. Во коментар за рускиот новинар Павел Зарубин, објавен на „Телеграм“, Песков откри дека Путин ќе посети една руска област пред патувањето за Алјаска.Состанокот меѓу Путин и Трамп ќе се одржи во базата Елмендорф–Ричардсон, во Анкориџ, најголемиот град на Алјаска.

Свет | пред 6 месеци

Трамп: Верувам дека Путин и Зеленски можат да постигнат мир

Американскиот претседател Доналд Трамп изјави дека верува оти рускиот претседател Владимир Путин и украинскиот лидер Володимир Зеленски можат да постигнат договор за мир, додавајќи дека утрешниот негов состанок со Путин во Алјаска е „голем и важен“ и би можел да спаси многу животи.Одговарајќи на новинарско прашање дали е подготвен да му понуди на Путин пристап до ретки минерали во замена за прекин на војната, Трамп рече дека утрешната средба е само прв чекор, а уште поважен би бил потенцијалниот втор состанок на кој би присуствувале и Путин, Зеленски, тој самиот и, можеби, европски лидери.„Ќе видиме дали можат да се договорат“, изјави Трамп, нагласувајќи дека состаноците не треба да се гледаат како „награда“ за агресорите. Тој повторно истакна дека војната никогаш немаше да започне доколку тој останеше на функцијата во 2020 година.Трамп посочи дека неговата цел во Алјаска е да постави темели за можен директен дијалог меѓу Путин и Зеленски. По изјавите, делот со прашања и одговори беше прекинат, а новинарите беа замолени да го напуштат Овалниот кабинет.

Свет | пред 6 месеци

Ина Многуфина: Наместо услови за дигитални номади, нудиме ракија, плескавици и даночни бариери

Инфлуенсерката Ина Многуфина саркастично ја коментира македонската „понуда“ за дигитални номади, споредувајќи ја со успешната стратегија на Португалија и критикувајќи ги условите што ги нуди земјата за младите и креативните професионалци.Јас посмешно нешто одамна немам прочитано. Во време на пандемија Португалија направи сериозна кампања за привлекување на дигитални номади и привлече една многу сериозна група млади, амбициозни и успешни луѓе. Лани кога бев запознав некои од нив, дознав дека не само што не си одат туку испоотвориле и фирми и веќе купуваат недвижности и не им се мрда од таму.Живеачката е евтина, Лисабон нуди активности 24/7, имаат блиску плажа и недвижностите околу плажата се прифатливи. Тоа беше во време кога ние се бавевме со купување тоалет хартија и му аплаудираа на Венко за вакцините од Србија.Македонија не е интересна дестинација за таква група на номади бидејќи ние сме супер дестинација за недела две експлоринг и толку.Имаме најбрз интернет на Балкан, тоа е точно, но немаме ни активности ни атракции за тие млади групи. Ракија и плескавици не е се што треба да понудиме, младите сакаат забава. И добар дел од нив здрава храна. Македонските дигитални номади, од друга страна, далеку од тоа дека не одат никаде. Зошто би биле номади?Нив ги закачивме на праг за ДДВ од 2 милиони денари и не им овозможивме да имаат некаков поврат на средства, да речеме сметка за телекомуникациски услуги бидејќи ниедна дигитална работа не се прави со чукање на две камчиња, а со самото тоа им натоваривме трошок за сметководство. Така да со овие "одлични услови за дигиталци" намалете малце, видете нешто друго таму за фалење, ова не е.

Коментари | пред 6 месеци

27 пожари низ Македонија – шест сè уште активни, меѓу нив и тој во Јасен

До 18 часот денеска, на територијата на Македонија се регистрирани вкупно 27 пожари на отворен простор, информираат од Центарот за управување со кризи. Од нив, шест се сè уште активни, еден е ставен под контрола, а 20 се изгаснати.Активни пожари се бележат во општините Македонски Брод (подрачјето „Јасен“ и меѓу селата Девич и Грешница), Јегуновце (помеѓу Рогачево и Јажинце), Брвеница (меѓу Челопек и Милетино), како и два во Кичевско – кај селата Аранѓел и Мало Церско.Под контрола е пожарот кај „Октишка Краста“ во Струшко, додека 20 пожари на различни локации низ државата се целосно изгаснати.Најчести се опожарувањата на ниска вегетација, стрништа и шумски површини, а во повеќе случаи гореле и депонии.

Македонија | пред 6 месеци

Вечерва нови студентски протести во повеќе од 30 градови низ Србија

Студентите во блокада објавија список на локации каде вечерва ќе се одржат протести под слоганот „Вечерас пуцате по шавовима“.Во Белград протестите ќе се одржат пред Генералштабот, на кружниот тек кај Општина Нови Белград и на Автокоманда. Во Нови Сад почетокот е закажан за 19:45 часот пред зградата на БИА.Оваа вечер се најавени собири на повеќе од 30 места низ Србија.Потсетуваме, вчера низ целата земја, вклучително и во Белград, се одржаа протести како реакција на насилството што во вторникот вечерта се случи пред просториите на Српската напредна странка во Врбас, кога приврзаници на СНС со пиротехника гаѓаа граѓани. Синоќа сличен инцидент се случи и во Нови Сад, каде повторно беа нападнати демонстранти, а полицијата не реагираше.Организаторите денеска упатија и апел до граѓаните, од безбедносни причини, да не носат деца или домашни миленици на протестите.„Поради безбедноста на сите учесници, молиме да не се доведуваат животни ниту деца. Ваквите собири подразбираат зголемена бучава, гужва и непредвидливи ситуации кои може да ја загрозат нивната безбедност и да предизвикаат стрес. Нашата е заедничка одговорност е да се грижиме за најосетливите“, порачаа студентите од Правниот факултет преку социјалните мрежи.

Свет | пред 6 месеци

Загриженост во Украина пред средбата Трамп–Путин: „Стравуваме од договор на наша сметка“

Претстојниот состанок меѓу американскиот претседател Доналд Трамп и рускиот лидер Владимир Путин, закажан за 15 август на Алјаска, предизвикува силни реакции и загриженост во Украина. Претседателот Володимир Зеленски во видео-обраќање порача дека „секоја одлука донесена без Украина е одлука против мирот“ и нагласи дека таквите договори нема да донесат трајно решение.Анкета на Киевскиот меѓународен институт за социологија покажува дека 76% од Украинците одлучно го одбиваат рускиот „мировен план“ и сите отстапки кон агресорот, додека 49% се против американска верзија на планот која би значела признавање на Крим како дел од Русија, задржување на окупираните територии под руска контрола и укинување на санкциите.Аналитичарите предупредуваат дека разговорите без учество на Киев и европски претставници би можеле фактички да значат капитулација на Украина. Политикологот Володимир Горбач вели дека Москва нема да ја смени својата преговарачка позиција без сериозни воени и политички порази, а преговори без притисок врз Русија се „осудени на пропаст“.Дмитро Левус од Центарот „Украински меридијан“ потсетува дека Трамп и порано се обидувал да наметне брз мир преку капитулација на Украина, но дека санкциите против Русија не можат едноставно да се укинат, бидејќи поголемиот дел од нив се воведени од Европа.Опозициската пратеничка Ирина Херашченко предупредува дека прифаќање на руска окупација би било „црвена линија“ и сигнал за неказнивост на агресијата, што би отворило пат за нови конфликти.Од владејачката партија „Слуга на народот“, пак, дел од пратениците гледаат позитивна страна – можност конечно да се види вистинската позиција на Москва, а во случај на неуспех, потенцијално воведување построги американски санкции.Експертите, сепак, сметаат дека средбата на Алјаска најверојатно ќе заврши со „разговори заради разговори“ и евентуална заедничка изјава за продолжување на дијалогот, без суштински пробив во војната меѓу Украина и Русија.

Свет | пред 6 месеци

Поднесена кривична против мажот што влечеше куче со автомобил

Министерството за внатрешни работи информира дека е поднесена пријава против 59-годишниот З.М. од Крива Паланка, кој на магистралниот пат меѓу селото Жидилово и Крива Паланка, со својот автомобил „Фиат Панда“ врзал куче и го влечел по коловозот.Инцидентот се случил на 13 август 2025 година, а истиот ден во 14:45 часот во ОВР Крива Паланка со него бил извршен службен разговор.Од МВР додаваат дека по целосно документирање на случајот, против осомничениот е поднесена соодветна пријава.

Македонија | пред 6 месеци

Брутално тројно убиство во Боливија – жртвите се Македонец од Струга и двајца Срби, биле тешко мачени!

Телата на еден македонски и двајца српски државјани, брутално убиени и спакувани во црни кеси, се пронајдени во Боливија во средата наутро. Според боливиските истражни органи, убиствата се поврзуваат со дејствување на јужноамерикански нарко-картели и меѓународни криминални пресметки.Неофицијалните информации од истрагата, која ја води јавниот обвинител Алберто Зебалос, укажуваат дека сите тројца биле подложени на тешки мачења во зграда северно од Санта Круз де ла Сиера, пред да бидат ликвидирани. Двајца од мажите имале повеќекратни повреди од тап предмет, а третиот – прострелна рана во главата. Телата се испратени на обдукција, по што ќе се изврши официјална идентификација.Иако првичните медиумски извештаи тврдеа дека сите жртви се српски државјани, подоцнежните проверки потврдија дека едниот од убиените е Македонец – стружанецот Дејанчо Л. Другите двајца се од Ниш – Миљан Ќ., познат под прекарот Хитри, и уште еден маж кој, според наводите, бил водач на меѓународна криминална група задолжена за транспорт на кокаин од Јужна Америка во Западна Европа.Според истрагата, Миљан Ќ. бил ликвидиран два дена претходно, а групата се движела низ регионот со фалсификувани документи за идентификација. Боливиските власти, со поддршка на меѓународни полициски служби, го истражуваат случајот како дел од поширока операција против нарко-картелите.„По дознавањето за случајот, обвинителот пристигна на местото на настанот за да ги спроведе почетните истражни чекори. Имаме прелиминарен полициски извештај, записник од пребарување, законско отстранување на телата и други елементи што се анализираат за да се расветли ова тројно убиство. Три лица се уапсени за истражни цели,“ изјави обвинителот Зебалос.Телата биле откриени околу 1 часот по полноќ, по итен повик до полицијата. Истражителите велат дека според првичните сознанија, ликвидациите произлегуваат од вооружен конфликт меѓу спротивставени криминални структури кои се борат за контрола врз дистрибутивните канали на дрога во Јужна Америка.Од македонското МНР потврдија дека амбасадата на Северна Македонија во Бразил е во постојана комуникација со амбасадата на Боливија во Бразилија. „За потврда на идентитетот на жртвите, се очекува завршување на обдукцијата, која е во тек,“ наведуваат од министерството.

Македонија | пред 6 месеци

Нападнат малолетник во Кисела Вода, се обиделе да му го одземат телефонот

Малолетник бил нападнат од тројца врсници во парк во Кисела Вода, кои се обиделе да му го одземат мобилниот телефон, соопшти МВР.Денеска (14.08.2025) во 02:30 часот во СВР Скопје М.С.(43) од Скопје пријавила дека на 13.08.2025 околу 23:10 часот во парк на подрачјето на Кисела Вода нејзиниот малолетен син бил физички нападнат од тројца други малолетници, кои се обиделе да му го одземат и мобилниот телефон. Се преземаат мерки за расчистување на случајот.

Скопје | пред 6 месеци

Работник тешко повреден на живинарска фарма во Гевгелија

Млад работник од Гевгелија се здобил со тешки телесни повреди при извршување работни задачи на живинарска фарма, информира МВР.На 12.08.2025 во 12.15 часот во ОВР Гевгелија од Општата болница Гевгелија е пријавено дека кај нив бил донесен со тешки телесни повреди Д.С.(22) од Гевгелија. Според пријавеното, со повредите се здобил додека извршувал работни задачи на објект во живинарска фарма во Гевгелија. Извршен бил увид од увидна екипа од ОВР Гевгелија.

Македонија | пред 6 месеци

Изгореа пасат и џип во Гевгелија, истрагата во тек

Два автомобили изгореа рано утрово во Гевгелија во пожар кој избувнал пред куќа на жител од градот, соопшти МВР. Се преземаат мерки за расчистување на случајот.-Денеска (14.08.2025) во 03:03 часот во ОВР Гевгелија e пријавено дека на ул.„Апостол Петков“ во Гевгелија, настанал пожар на патничко моторно возило „пасат“ со гевгелиски регистарски ознаки и патничко моторно возило „џип“ со велешки регистарски ознаки, паркирани пред куќата на М.К.(58). Известен бил јавен обвинител, а увид на местото бил извршен од увидна екипа од ОВР Гевгелија и се преземаат мерки за расчистување на случајот, соопшти МВР.фото: архива/Скопје1

Македонија | пред 6 месеци

(Видео) Кој научи да чита со „Бушавата азбука“? - Дац ја испеа легендарната песна и потсети на некои времиња

Драган Спасов – Дац, кој имал само 19 години кога ја снимил првата епизода од култната македонска серија „Бушавата азбука, повторно ја отпеа легендарната песна и ја објави на инстаграм.„Еј, само што завршив прва година на факултет кога ја снимивме ‘Бушава азбука, времиња убави’“, напиша Дац на видеото.

Магазин | пред 6 месеци

Одложена расправата за „Беланоца – Барон“ поради отсуство на бранител

Поради отсуство на бранител, Кривичниот суд ја одложи расправата за предметот „Беланоца – Барон“, закажана за 15 август, и најави дека постапката ќе продолжи во септември и ноември според претходно утврдената динамика.Заради интерес на медиумите и невладините организации кои ја следат главната расправа за предметот со КОК бр. 90/25, поврзан со групата Беланоца – Барон, ја информираме јавноста дека расправата насрочена за 15.08.2025 година се отповикува заради отсуство на бранител.Имено, бранителот Мерџан Даути, го извести судот дека, поради користење годишен одмор и лекување на член на семејството во странство, не прима покани, акти и други дописи во периодот од 18.07.2025 до 08.09 2025 година.Расправата ќе продолжи на следните термини согласно претходно утврдената динамика за месец септември и ноември 2025 година, а за сите дополнителни информации јавноста и странките ќе бидат дополнително известени, информира Кривичен суд

Македонија | пред 6 месеци

Путин пред утрешниот состанок на Алјаска: Администрацијата на Трамп вложува енергични напори за прекин на конфликтот во Украина

Администрацијата на американскиот претседател Доналд Трамп презема „енергични и искрени напори“ за прекин на конфликтот во Украина и постигнување договори во интерес на сите страни, изјави рускиот претседател Владимир Путин на состанок со високи претставници на државното и владиното раководство во Москва.„Како што сите знаат, тие, според мене, вложуваат доста енергични и искрени напори за прекин на конфликтите и кризата и за постигнување договори што се во интерес на сите страни во конфликтот, со цел да се создадат долгорочни услови за мир меѓу нашите земји, но и во Европа и светот како целина,“ рече Путин.Тој најави дека ќе ги информира учесниците на состанокот за текот на преговорите околу украинското прашање, како и за моменталната фаза во односите меѓу Русија и САД. Рускиот лидер не ја исклучи можноста следната фаза од контактите со Вашингтон да биде постигнување договор за Новиот договор за намалување на стратешкото оружје.Состанокот беше дел од подготовките за утрешните разговори на Путин со Трамп и американската делегација во Алјаска.

Свет | пред 6 месеци

Петмина повредени, меѓу нив и тригодишно девојче, во несреќа во Арачиново!

Тригодишно девојче, двајца возачи и уште тројца сопатници се повредени во сообраќајна несреќа што вчера попладне се случи во Арачиново, информира МВР.-На 13.08.2025 во 14:20 часот во СВР Скопје е пријавено дека на ул.„1“ во с.Арачиново, скопско, се случила сообраќајна несреќа помеѓу патничко возило „фолксваген голф“ со скопски регистарски ознаки, управувано од Е.А.(23) и патничко возило „сеат“ со скопски регистарски ознаки, управувано од Б.И.(61), двајцата од с.Арачиново, скопско.Во несреќата со тешки телесни повреди се здобил сопатникот од патничкото возило „сеат“ Ч.И.(36) од с.Арачиново, а со телесни повреди се здобиле двајцата возачи и сопатничките од патничкото возило „фолксваген голф“, тригодишно девојче, С.А.(20) и З.А.(28), сите од с.Арачиново, констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Скопје | пред 6 месеци

Рама предлага „АИ министерство“ за бескомпромисна борба против корупцијата

Албанскиот премиер Еди Рама ја изненади јавноста со идеја за формирање министерство што целосно би го управувала вештачка интелигенција, оценувајќи ја како „најефикасен иден член на владата“, пренесува бриселски „Политико“.„Еден ден, можеби ќе имаме министерство кое е целосно управувано од вештачка интелигенција. На тој начин, нема да има непотизам или судир на интереси,“ изјави Рама на прес-конференција.Албанија веќе користи вештачка интелигенција во институциитеВладата во Тирана веќе применува алгоритми за следење јавни набавки, откривање аномалии во даночните и царинските постапки, како и за надзор со дронови и сателити за спречување на нелегална градба и канабис-плантажи. Планирана е и примена на технологија за препознавање лица за автоматско санкционирање сообраќајни прекршоци.Покрај тоа, земјата интензивно ги дигитализира владините услуги – 95% од сите граѓански услуги се достапни онлајн преку платформата „е-Албанија“. Корисниците на порталот ги пречекува виртуелен јавен службеник со вештачка интелигенција, кој помага при поднесување даночни пријави, добивање изводи и аплицирање за дозволи и лиценци.Во јули, Рама најави целосен премин на дигитални плаќања и укинување на готовината до 2030 година – амбициозна цел, имајќи предвид дека кешот сè уште е широко користен во земјата.Иако платформата „е-Албанија“ беше цел на неколку сајбер напади од Иран, а постарите граѓани имаа потешкотии со нејзино користење, Рама тврди дека преку неа се извршени околу 49 милиони трансакции за пет години, со заштеда од над 600 милиони евра за граѓаните во земјата и дијаспората.Модернизација или „големиот брат“?Премиеровиот предлог испраќа порака до ЕУ дека Албанија е подготвена за технолошка модернизација и поостра борба против корупцијата. Но, критичарите предупредуваат дека масовниот надзор без соодветен јавен надзорен механизам може да ја загрози приватноста и граѓанските слободи.Динамит и ригорозни казниОва не е првпат Рама да привлече внимание со неконвенционални потези. Неодамна на „Фејсбук“ објави видео од акција за уривање на дивоградби со динамит, објаснувајќи дека тоа е дел од решителната борба против бесправната градба.На 12 август тој порача дека потпалувачите на пожари ќе се третираат како убијци, споделувајќи снимка од подметнат пожар во Грамш. Според податоците, ова лето во Албанија се изгорени речиси 34.000 хектари шума. Изјавата доби поддршка и од министерот за одбрана.

Свет | пред 6 месеци

Откриена царинска измама со увози на месо во висина од 7 милиони денари

Царинските инспектори при Секторот за контрола и истраги, при контрола на 21 увоз на месо од увозник, открија царинска измама во висина од седум милиони денари.Дополнителната контрола на приложените царински документи, како и лабораториските анализи, покажаа дека месото било пријавувано во погрешна тарифна ознака со пониска царинска стапка, наместо во соодветната тарифна ознака со повисока стапка.Против сторителите е поднесена кривична пријава за царинска измама, а донесени се решенија за дополнителна наплата на избегнатите давачки во висина од седум милиони денари.Царинската управа ќе продолжи со мерки за заштита на финансиските интереси на државата и обезбедување фер конкурентност на пазарот, наведуваат во соопштението.

Македонија | пред 6 месеци

Уште едно дете се затруло со непозната течност во Куманово!

Кумановската болница синоќа пријавила случај на затруено дете во Куманово. Според информации од кумановската полиција станува збор за четиригодишно дете.– Вчера, во 22.42 часот во СВР Куманово од општа болница Куманово било пријавено дека кај нив било донесено затруено четиригодишно дете од Куманово, соопшти СВР Куманово.Полицијата презема мерки за расчистување на случајот.Од болницата соопштуваат дека детето е примено на педијатрија, по извршениот преглед од страна на дежурниот лекар, стабилизирано е и однесено е на клиника во Скопје.Детето е затруено со консумирање на непозната течност, најверојатно детергент.Во јули, годинава имаше два случаи на затруени деца со лекови, прво едногодишно бебе од липковското село Отља, а неколку дена подоцна и десетмесечно бебе од Куманово.

Македонија | пред 6 месеци

Уставниот суд во јули отворил 26 нови предмети!

Уставниот суд во текот на месец јули 2025 година оформи 26 нови предмети. Оформени се десет предмети во кои се бара оценување на уставност на закони и подзаконски акти, дванаесет предмети се формирани по поднесување на иницијативи за оценување на уставност и законитост на прописи, формирани се четири предмети за заштита на слободите и правата на граѓани.10 предмети се однесуваат на оценување на уставноста на закони и подзаконски акти,12 предмети се оформени по иницијативи за оценување на уставност и законитост на прописи,4 предмети се поврзани со заштита на слободите и правата на граѓаните.Предмети за оценување на уставност на закони и актиМеѓу оформените случаи има иницијативи за укинување или измена на клучни одредби од:Законот за извршување (прашање за неможност наплата на побарувања од државни органи и јавни претпријатија),Законот за судовите (ограничување на надлежност на судии со помал стаж),Законот за ПИОСМ (усогласување на пензии за пензионери во странство),Законот за облигациони односи (казнена камата и третман на должници),Законот за процена (еднаквост на проценувачи),Законот за стоковите резерви (правна сигурност),Законот за средното образование (право на бесплатен превоз и еднаков третман на ученици),Законот за градење и Законот за Град Скопје (постапка за поништување на одобренија за урбана опрема).Посебно внимание предизвикуваат иницијативите поврзани со пензионерските права, каде неколку подносители тврдат дека измените на законите создаваат дискриминација меѓу пензионерите кои живеат во земјата и оние кои живеат во странство.Предмети за оценување на уставност и законитост на подзаконски актиОспорени се правилници, упатства и одлуки на институции и општини, меѓу кои:Упатство на „Национални шуми“ за одобрение за сеча во хипотекарни шуми,Правилници за професионално усовршување на сметководители,Статут на синдикат кој ограничува истапување на членови,Решение за ограничување на градби во рамки на ГУП на Скопје,Општински одлуки за цени на комунален отпад (Велес),Протокол од меѓувладина комисија со Бугарија (идентитетски прашања),Одлуки поврзани со бројот на членови во советите на општините,Правила за снабдување со топлинска енергија од Регулаторната комисија за енергетика.Барања за заштита на слободите и праватаЧетири предмети се оформени по барања на граѓани за:Право на жалба и правна заштита (случај на асистент на факултет),Дискриминација по социјална припадност (професионални војници на определено време над 20 години),Дискриминација во судска постапка (нееднакви можности за одбрана),Дискриминација по политичка припадност (разрешување од функција и ускратено право на плата по престанок на мандат).Сите иницијативи ќе бидат разгледани во рамките на постапките на Уставниот суд, кој има надлежност да утврди дали оспорените акти се во согласност со Уставот и законите. Дел од предметите носат потенцијални системски последици, особено оние што се однесуваат на пензискиот систем, правата на учениците и надлежностите на судовите.

Македонија | пред 6 месеци

Рајанер и Изиџет се повлекуваат од Германија – помалку летови и повисоки цени за патниците

Ерата на евтините авионски билети во Германија се приближува кон крајот. Двете најголеми европски нискобуџетни авиокомпании, Ryanair и Easyjet, значително го намалуваат своето присуство на германскиот пазар, повлекувајќи дел од флотата и укинувајќи повеќе линии.Како главна причина ја наведуваат високата цена на аеродромските и државните такси, поради кои Германија станала непрофитабилна дестинација за нив. Според нив, овој чекор ќе ја намали конкуренцијата, ќе ги зголеми трошоците за патниците и ќе има негативно влијание врз туризмот.1,8 милиони помалку седишта – најголем удар од RyanairRyanair најрадикално реагира на ситуацијата, исфрлајќи 16 германски аеродроми од својата мрежа и намалувајќи го капацитетот за 1,8 милиони седишта. Градови како Дортмунд, Дрезден и Лајпциг остануваат без летови на оваа компанија, додека Easyjet ја укина домашната рута Франкфурт–Берлин. Извршниот директор на Ryanair, Мајкл О’Лири, со години ја обвинува германската влада за антиконкурентски политики.Обвинувања за заштита на ЛуфтханзаВо фокусот на критиките е германскиот данок на воздушен сообраќај (Luftverkehrsteuer), кој неодамна беше зголемен. Според нискобуџетните превозници, овој данок во комбинација со високите аеродромски такси е наменет за да ја заштити националната авиокомпанија Луфтханза и нејзината нискобуџетна филијала Eurowings. Како што Ryanair и Easyjet се повлекуваат, Eurowings го шири својот пазарен удел на аеродроми како Штутгарт, што критичарите го гледаат како доказ за протекционизам.Прераспределба на флотата и нови пазариЗа Ryanair, авиони се средства што лесно се пренасочуваат кон пазари со подобри услови и пониски давачки. Додека ја намалува својата активност во Германија, компанијата го зголемува присуството во Италија и Шпанија, каде таксите се пониски.Дилема за германската владаБерлин е соочен со тешка одлука – таксите носат значителен приход во буџетот и служат како „зелена такса“ за намалување на авионските патувања, но истовремено ја поткопуваат конкуренцијата. Најмногу ќе загубат патниците и туристичкиот сектор, кои ќе се соочат со помал избор и повисоки цени.

Свет | пред 6 месеци

„Дурмиши мене ме прашува дали дискотеката Пјур исполнува услови“! Јакимовски добил писмо од министерот за економија

На 8 август ми стигна писмо од министерот за економија. Го прочитав и гледам по ѕидовите да не е случајно скриена камера. Министерот за економија Бесар Дурмиши бара од мене да му кажам дали дискотеката Пјур „ги исполнувала минималните технички услови за вршење на дејност“.Оф мори мајко, сите министри, па и тој министер. Не знае каде се наоѓа.Министрееее! Белким ти мене треба да ми кажеш дали овој објект ги исполнува минималните технички услови за вршење на угостителска дејност.За таа работа ќе се обратиш на друг шалтер. Шалтер што се вика пазарна инспекција. Ако не си знаел, пазарната инспекција ти е орган во состав на министерството за економија (твоето министерство).Не ми се верува волку да не знаеш. Се ми се чини дека се обидуваш да купиш време за другарите на Александар Николовски.Залудни ти се обидите.Одговорноста е твоја.

Македонија | пред 6 месеци