Бујар Османи кандидат за градоначалник на Чаир: „На Чаир му се потребни вистински, длабоки и човечки промени“

Бујар Османи денеска ја објави својата кандидатура за градоначалник на Општина Чаир, нагласувајќи дека одлуката е резултат на долги консултации и сериозно преиспитување, направени заедно со неговите најблиски соработници и пријатели.„Не станува збор за функција. Тие што ме познаваат, знаат дека сè што правам, го правам искрено и целосно, без задршки. Оваа одлука ја носам од чувство на одговорност кон сопствениот дом“, рече Османи.Тој истакна дека граѓаните на Чаир не заслужуваат да живеат во супстандардни и небезбедни услови, ниту пак да бидат игнорирани и омаловажувани. Кандидатурата, како што вели, е посветена на луѓето од Чаир, неговите соседи и иднината на нивните деца.„Го прифаќам предизвикот затоа што како што пораснав јас во Чаир, така сакам да растат и Мал, и Елиза, и малиот Луан – и нивните другарчиња. На Чаир му се потребни промени – вистински, длабоки и човечки“, потенцира Османи.Тој признава дека промените нема да бидат лесни, но верува дека со чесна намера, секојдневна работа и професионален пристап, Чаир може да се трансформира.„Можеме да го вратиме достоинството и да отвориме нова страница – со врата што никогаш нема да биде затворена за граѓаните“, порача кандидатот.На крајот, тој упати благодарност до сите кои му ја изразиле поддршката:„Од денес тргнувам во овој предизвик. Ви благодарам за довербата.“

Скопје | пред 6 месеци

Темата за Кочани да ја оставиме на политичките лешинари: Мицкоски не сака да ја објави снимката од средбата со родителите

Премиерот Христијан Мицкоски вели болката е преголема за загинатите во дискотеката Пулс во Кочани и сите се уште ја чувствуваме.„Ве молам, таа тема да ја оставиме на политичките глодари и лешинари“, рече Мицкоски прашан дали ќе ја објави целосната видео-снимка од состанокот со родителите на загинатите деца.Состанокот се одржал на 7 јули 2025 година во Владата.Премиерот вели дека сочувствува со родителите, но бара темата да се остави на лицата кои што навистина чувствуваат голема болка, а не на оние кои што сакаат да добијат ситни политички поени.Здружението на граѓани „16-ти Март 2025“ од Кочани вели дека целиот разговор бил снимен од негова страна.„Доколку навистина стоите зад своите зборови и верувате во транспарентноста и чесноста, Ве повикуваме слободно да ја објавите целосната видео-снимка од тој состанок, за јавноста самата да се увери во вистината”, стои во соопштението на здружението.Тие тврдат дека Мицкоски ги навредил бидејќи им рекол дека нивните барања се исти како тие на опозициската СДСМ, партија која достави предлог-закон во Собранието за помош на настраданите и дека како што велат им рекол да одредат деца за нивните деца.Од Владата ја потврдија средбата, но тврдат дека атмосферата и разговорот биле сосема поинакви.

Македонија | пред 6 месеци

Мицкоски нема да прави естрада во Парламентот со разрешување на првата анкикорупционерка

Владата нема намера да се занимава со разрешување на претседателката на Државната комисија за спречување на корупцијата Татјана Димитровска.Таа е веќе обвинета за оддавање државна тајна како и за фалсификување на тестот за безбедносен сертификат, кој место неа го полагало друго лице.Премиерот Христијан Мицкоски рече дека нема намера да прави естрада во Собранието.„Има два начини на одговорност, еден е морален кога човек кога обавува некоја функција и ако направи грешка тогаш треба самиот да се повлече. И вториот е кривичен, доколку има сторено кривично дело”, изјави премиерот.Според Мицкоски, има поедници кои што се обидуваат политиката кај нас да ја направат естрада.„Што дека ВМРО-ДПМНЕ ќе поднесе или која било друга политичка партија ќе поднесе? Ете видовте за Судскиот совет, поднесовме, ги разрешивме, тие уште седат таму и добиваат илјадници евра врз грбот на граѓаните. Да ја оставиме естрадата за естрадните уметници, политиката за политичарите. Постои морален чин на одговорност, ако чувствува некој треба да отстапи и да заврши со таа работа. А за кривична одговорност тука се обвинителствата, судовите, тие нека гонат доколку има кривична одговорност. Ние сега да правиме естрада, па во парламентот, па тоа ништо не значело според Уставот. Веќе немаме намера да се занимавме со такви работи”, вели Мицкоски.

Македонија | пред 6 месеци

Велешанец со БМВ влечел „пинцгауер“ во дефект, сообраќајка на регионалниот пат Штип – Велес, има тројца повредени

Вчера околу 23 часот на регионалниот пат помеѓу Штип и Велес се случи сообраќајна несреќа во која учествувале три возила, а повредени се тројца лица.Во несреќата биле вклучени патничко возило „тојота“ со велешки регистарски ознаки, управувано од Б.И. (66) од Велес, возило „лада“ од село Башино Село управувано од Л.Б. (31), како и патничко „бмв“ со велешки таблички, кое го управувал Д.М. (31) од Велес. Овој последен автомобил го влечел возилото „пинцгауер“ — модифицирано борбено возило за гаснење пожари, сопственост на Дирекцијата за заштита и спасување.Во сообраќајката, со тешки телесни повреди се здобија возачот на „тојота“ и неговата сопатничка К.И. (64) од Велес, додека возачот на „бмв“, Д.М., се здобил полесни повреди. Сите повредени се пренесени во Општата болница во Велес.Увид на местото на несреќата изврши увидна екипа од СВР Велес.фото: архива/Скопје1

Македонија | пред 6 месеци

Возачка на автобус на ЈСП изгасила пожар во автобус во движење, заврши на Токсикологија

Во раните утрински часови, денеска (21 јули 2025) во 07.16 часот, во СВР Скопје било пријавено дека на булеварот „Борис Трајковски“ избувнал пожар во автобус на ЈСП кој бил во движење.Според пријавеното, огнот го изгасила возачката на автобусот, С.Б., која потоа била пренесена со возило на Итната медицинска помош во Клиниката за токсикологија при комплексот клиники „Мајка Тереза“, каде ѝ е укажана лекарска помош.Полицијата презема мерки за целосно расчистување на случајот.фото: архива/Скопје1

Скопје | пред 6 месеци

Дете пронајдено во безсознание во базен во дворот – итно пренесено на Клиника

На 20 јули 2025 година, околу 20.30 часот, во Полициската станица Прилеп било пријавено дека во Општата болница „Борка Талески“ е донесено едноиполгодишно дете во безсознание.Според пријавата, родителите С.И. и Б.Т. од село Заполжани, општина Долнени, го пронашле детето во базен во нивниот двор и веднаш го однеле во болница. По укажаната лекарска помош во Прилеп, детето е префрлено во Клиничкиот центар „Мајка Тереза“ во Скопје.Полицијата работи на расчистување на случајот.

Македонија | пред 6 месеци

Mozzart ја продолжува мисијата „Фудбалот е повеќе од игра“ – Велес добива нов мини пич терен!

По одличниот успех во Охрид, иницијативата на Mozzart „Фудбалот е повеќе од игра“ триумфално пристигнува во срцето на Велес.Градот добива современ фудбалски терен, кој гордо ќе го носи името на легендарниот Панче Ќумбев – велешанец кој го симболизира спортскиот жар, неуморна посветеност и љубовта кон играта.Свеченото отворање ќе се одржи на вторник, 22 јули 2025 година, во 18:00 часот. Локација: Улица Петре Прличко бб„Ги покануваме сите љубители на спортот, младите, семејствата и заедницата да ни се придружат во овој радосен момент и заедно да славиме нов почеток” порачуваат од компанијата Mozzart, која повторно го докажува своето силно залагање за развојот на спортот, поддршка на младите таленти и збогатување на локалната заедница.Фудбалот има моќ да нè зближи, да нè мотивира, и да нè научи дека заедно можеме да постигнеме нешта поголеми од било каков резултат – и на теренот, и надвор од него.Ајде да аплаудираме за иднината, за тимскиот дух и за секој гол што инспирира нова генерација. Фудбалот навистина е повеќе од игра – тоа е животна лекција во движење!Акцијата „Фудбалот е повеќе од игра“ започна минатата година во Србија, каде што досега беа отворени пет мини-пич терени посветени на легендарни фудбалери.Почетниот удар го изведе селекторот на репрезентацијата на Србија, Драган Стојковиќ Пикси, а потоа свои терени добија и славниот ас на Црвена звезда Александар Катаи, репрезентативците Александар Митровиќ и Страхиња Павловиќ, како и капитенот на Нови Пазар, Адем Љајиќ.Проектот потоа се прошири и во Македонија, а првиот терен во Охрид го доби името на локалниот херој Гоце Толески.

Македонија | пред 6 месеци

Се проширува инклузивноста во образованието: Од новата учебна година, образовни асистенти и во средните училишта

За првпат, средните училишта во земјава ќе имаат образовни асистенти, откако стапи на сила законското решение кое треба да ја унапреди инклузивноста, информираат од ВМРО-ДПМНЕ, реагирајќи на повикот на СДСМ за ревизија на огласот за ангажирање асистенти.„Ангажирањето не го врши Министерството за образование, туку училиштата во координација со ресурсните центри. Процесот е транспарентен, а самите асистенти се ангажираат на определено време и повторно аплицираат секоја година, во зависност од реалните потреби пријавени од родителите“, се вели во соопштението.Од партијата додаваат дека дел од ресурсните центри биле формирани токму во време на СДСМ и обвинуваат дека партијата повторно отвора чувствителни теми со лажни информации, со цел да предизвика вознемиреност.„СДСМ кој го остави образованието без учебници, сега сака да држи лекции. Наместо тоа, нека научи како се развива образованието и нека го поддржи“, стои во реакцијата на ВМРО-ДПМНЕ.Претходно, СДСМ ја обвини министерката за образование Весна Јаневска дека создала хаос во процесот на ангажирање образовни асистенти, што, според нив, оди на штета на децата со попреченост.

Македонија | пред 6 месеци

Претседателката на Антикорупциска не оди на работа – Комисијата не побара оставка

Претседателката на Државната комисија за спречување на корупцијата, Татјана Димитровска, подолг период не доаѓа на работа поради мерки изречени од надлежен суд, соопштија денеска од Антикорупциската комисија.Иако е отсутна, од Комисијата не побарале нејзина оставка ниту иницирале постапка за разрешување. Во соопштението се посочува дека поднесувањето оставка е лична одлука и морален чин на самата претседателка, а дека решението за евентуален престанок на функцијата го носи Собранието, согласно Законот за спречување на корупцијата и судир на интереси.„Во интерес на непречено работење и успешно остварување на надлежностите, сметаме дека е исклучително важно Комисијата да функционира во полн состав“, наведуваат оттаму.Димитровска е обвинета во предметот „Адитив“ – за оддавање државна тајна, како и за тоа дека овозможила друго лице да полага за неа безбедносен сертификат.

Македонија | пред 6 месеци

Српски државјанин од Пожаревац е лицето што почина кај хотелски комплекс во Охрид

Денеска е идентификувано лицето чијашто смрт беше пријавена на 20 јули во близина на хотелски комплекс на охридското крајбрежје. Станува збор за лице на 56-годишна возраст од Пожаревац, Република Србија, информираа од СВР Охрид.Случајот бил пријавен во 19:41 часот, а лекар од Итната медицинска помош констатирал смрт без видливи траги на насилство.Полицијата продолжува со истражување на случајот за целосно утврдување на сите околности.

Охрид | пред 6 месеци

Михаилов заминува на одмор, неколку дена ќе „паузира“: „Среќен сум што Славе го извлеков од огнот и е овде на сигурно до мене“

Директорот на ЈП „Национални шуми“, Кире Михаилов, како што објави на својот профил на ФБ, по една година непрекината работа без користење одмор, најави дека заминува на неколкудневна пауза по интензивната и исцрпувачка борба со пожарите во струмичкиот регион.ЕКИПО, ОДАМ НА НЕКОЛКУДНЕВНА ПАУЗАИ така веќе една година откако сум назначен за Директор немам користено одмор, па штом незнам редовно, еве тогаш присилно.Среќен сум што Славе го извлеков од огнот и е овде на сигурно до мене, а беше паднал на линијата од огнот од вдишување на чад бранејќи ја викендицата на чичко му и беше буквално дезориентиран.Се надевам за кратко и чичко му и братучед му кои останаа на викендицата заобиколени од сите страни од огнот, ќе бидат добри.Морам да се поклонам на дечките од хеликоптерите кои со прецизни фрлања го спречија огнот да дојде до нас, а уште повеќе на дечките од МВР Струмица и специјалната единица со пинцгауерите кои заедно лично со командирот Никола на СВР Струмица го направија буквално невозможното.Браво дечки, поклон!И само да знаете почитувани мои пријатели, воопшто не жалам што сум овде, туку жалам за тоа што после 5 дена лавовска битка, денеска конечно оганот ни излезе од контрола и влезе на територијата на општина Радовиш!За кратко се гледаме повторно онаму каде ќе бидам најпотребен, рамо до рамо со нашите сограѓани, во добро и зло, за арно и убаво.Да сте ми живи, здрави и среќни сите,а нашата МАКЕДОНИЈА да ни биде вечна!

Македонија | пред 6 месеци

Бензинот поевтинува, дизелот без промена - мали корекции кај цените на горивата

Од ноќеска на полноќ, малопродажните цени на бензинот ЕУРОСУПЕР БС-95 и БС-98 се намалуваат за половина денар по литар, додека цената на дизелот и екстра лесното масло останува непроменета. Намалување има и кај мазутот, соопшти Регулаторната комисија за енергетика (РКЕ).Според новата одлука, што стапува на сила од 22 јули 2025 година, малопродажните цени на нафтените деривати се намалуваат во просек за 0,42% во однос на претходната одлука.Новите максимални цени ќе изнесуваат:ЕУРОСУПЕР БС-95 – 75,00 денари/литарЕУРОСУПЕР БС-98 – 77,00 денари/литарЕУРОДИЗЕЛ БС (Д-Е V) – 71,50 денари/литарЕкстра лесно масло (ЕЛ-1) – 71,00 денари/литарМазут М-1 НС – 40,158 денари/килограмЦената на мазутот е намалена за 0,314 денари по килограм, додека дизелот и екстра лесното масло за домаќинство не претрпеа промени.РКЕ појаснува дека трговците можат да ги формираат цените и под утврдените максимуми, доколку имаат простор за тоа.Промените се резултат на падот на референтните цени на нафтените деривати на светскиот пазар и курсната разлика на денарот во однос на доларот.

Македонија | пред 6 месеци

Магична вечер синоќа со препознатливите звуци на тангото на Охридско лето

Магична и незаборавна вечер синоќа во преубавиот амбиент на предворјето на „Св. Софија“, приреди ФАМЕ’С Европскиот оркестарски изведувачки институт, предводен од брилијантната Русанда Панфили од Молдавија. Со музиката на Астор Пјацола концертот насловен како „Либертанго“ ја раскажа животната приказна на овој композитор.Со многу страст и префинетост виолинистката Панфили ја пренесе енергијата кон публиката која со многу емоции го пратеше ритамот на препознатливите звуци на тангото но и ги награди уметниците со долги аплаузи и стоечки овации.Русанда, свирејќи на ретка виолина од 1610 година, донесе фузија на класична, филмска и фолклорна музика, воодушевувајќи ја публиката со својот проект Панфили и пријателите.Русанда Панфили од Молдавија е светски позната виолинистка, композиторка и аранжерка со исклучителен музички талент. Таа исполнува различни музички жанрови, виолински концерти како оние на Шостакович и Сибелиус, разновидни дела од камерното творештво и широк спектар на музика за филмови од легендарните композитори, како Мориконе, Вилијамс, Зимер и Депла.ФАМЕ’С Европскиот оркестарски изведувачки институт е основан во 2022 година во Скопје и е кофинансиран од проектот ФАМЕ`C, ЕУ (Креативна Европа) и Министерството за култура на РСМ.Програмата на Институтот е дизајнирана да ги подобри уметничките и индивидуалните вештини на младите талентирани класични музичари од Европа со отворање нови иновативни перспективи во обуката, професионализацијата и можностите за изведба преку иновативна оркестарска музичка програма.Програмата става акцент на разновиден музички репертоар, овозможувајќи им на студентите да истражуваат широк спектар на жанрови: класична, филмска и музика од видеоигри, џез, модерна, современа и традиционална оркестарска музика. Целта е да се прошират нивните хоризонти и да им се овозможи осознавање нови вештини и музички стилови, надминувајќи ги традиционалните образовни практики.

Охрид | пред 6 месеци

Историска заплена на кокаин на „Капитан Андреево“ – запленети 206 килограми, осомничени дипломат од Конго, Белгиец и Бугарин

На граничниот премин „Капитан Андреево“, на бугарско-турската граница, бугарските власти открија и запленија 206 килограми кокаин, сокриени во пет куфери во комбе со белгиски регистарски таблички. Според бугарските медиуми, ова е најголемата заплена на кокаин досега регистрирана во земјата.Комбето го управувал 43-годишен бугарски државјанин, а со него биле уште двајца осомничени – дипломат од Демократска Република Конго и 54-годишен државјанин на Белгија. Кокаинот, чија пазарна вредност се проценува на околу 20 милиони евра, бил скриен меѓу лични предмети.Бугарското Обвинителство потврди дека за случајот е отворена меѓународна истрага со вклучување на агенции од земји членки на Европската унија. Граничниот премин „Капитан Андреево“ одамна важи за една од клучните точки на балканската рута за шверц на кокаин кон Западна Европа.Окружниот обвинител Иван Стојанов изјави дека тројцата уапсени се соочуваат со казна затвор до 20 години.

Свет | пред 6 месеци

Вредна швајцарска донација за Специјалната болница за ортопедија и трауматологија „Свети Еразмо“

Специјалната болница за ортопедија и трауматологија „Свети Еразмо“ доби вредна донација во медицинска опрема и апарати која е обезбедена од Швајцарија, со посредство на градоначалникот на Општина Охрид, Кирил Пецаков и неговите лични контакти со македонски иселеници.Градоначаникот Пецаков, директорот на специјалната болница д-р Харалампие Шокаровски и дел од медицинскиот персонал денеска направија увид на целокупната опрема, чија вредност се проценува на околу 100.000 евра.– Оваа болница е институција со долга традиција, стручен кадар, современи медицински третмани и ужива голема доверба кај домашните но и кај странските пациенти. Бидејќи се работи за врвен медицински бренд кој претставува гордост не само за нас, туку и за целиот здравствен систем во Македонија, секогаш треба да ја има нашата безрезервна поддршка и внимание.Во таа насока, јас како градоначаник и Општина Охрид како одговорна локална самоуправа, иако немаме директна ингеренција врз здравствените установи, во интерес на целокупната заедницата, секогаш се трудиме да бидеме партнер и поддржувач на институциите што директно се грижат за животот и здравјето на граѓаните. Се радувам што оваа донација, која содржи современа медицинска опрема и помагала, претставува плод на една успешна соработка која е беше иницирана лично од мене и преку моите контакти.Упатувам искрена благодарност до донаторите од Швајцарија за нивната хуманост и подготвеност да придонесат во унапредување на медицинските услови во нашиот град. Нивната поддршка е од исклучително значење, не само од практичен аспект, туку и како мотив за натамошно развивање на меѓународни соработки во областа на здравството.Посебна благодарност упатувам до менаџерскиот тим на болницата „Св. Еразмо“, кој ја препозна важноста на овој проект и со својот професионален пристап и соработка, придонесе оваа донација успешно да се реализира во целост.Би сакал да нагласам дека Општина Охрид и понатаму останува отворена и активно вклучена во сите иницијативи и проекти кои носат бенефити за граѓаните, верувајќи дека само преку партнерство и посветеност можеме да изградиме посилна, поздрава и посолидарна заедница и да обезбедиме подобри услови за нашите граѓани во сите сегменти на општественото живеење, истакна градоначалникот Пецаков во своето обраќање пред медиумите.Менаџерскиот тим на болницата изрази голема благодарност до градоначалникот Пецаков за неговиот ангажман и иницијативата за реализација на оваа донација. Оттаму истакнаа дека опремата е од исклучително значење за оваа здравствена установа и истата значително ќе ги подобри условите и за пациентите и за здравствените работници.Во донацијата има болнички кревети, душеци за болнички кревети, наткасни, апарати за анаестезија, машини за механичко чистење на инструменти, апарати за електрокардиографија, негативоскопи, апарати за стерилизирање на опрема, фрижидери за лабораторија, светла за операциона сала, манометри, колички за касети, колички за терапија, барабани, ларингоскоп, сталаци за инфузии, инструменти и многу други видови опрема и помошни средства наменети за болнички третмани и за пациентите.  

ОО | пред 6 месеци

Свикана педесет и деветтата седница на Советот на Општина Охрид

Врз основа на член 39 од Законот за локалната самоуправа („Сл.весник на РМ“ бр.5/2002) и член 26 од Статутот на општина Охрид („Сл.гласник на општина Охрид“ бр.8/2007, 01/08, 10/10, 05/11, 09/14, 14/14, 10/19 и 15/20), претседателот на Советот донесува:Р Е Ш Е Н И ЕЗА СВИКУВАЊЕ НА ПЕДЕСЕТ И ДЕВЕТАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ педесет и деветата седница на Советот на општина Охрид на ден  21.07.2025 година (понеделник) со почеток во 09:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н   Р Е ДУсвојување на Записникот од 58-та седницаПредлог-одлука за давање на трајно користење недвижен имот, сопственост на Општина Охрид на ЈП „Билјанини Извори“ – Охрид.Предлог-одлука за давање согласност на годишниот план за вработување на ЈП „Билјанини извори“ – Охрид за 2026 година.Предлог-одлука за отстапување на користење недвижен имот на ООУ „Кочо Рацин“ – Охрид.Предлог-одлука за давање согласност на Статутарната одлука за изменување и дополнување на Статутот на ООУ „Кочо Рацин“ – Охрид.Предлог-oдлука за давање согласност за формирање паралелки со помалку од 20 ученици во основните училишта во општина Охрид.Предлог-одлука за давање согласност за формирање паралелки со помалку од 25 ученици во ОСУ„Св.Климент Охридски“- Охрид.Предлог-одлука за избор на член во Управниот одбор на Државното средно училиште Регионален центар за стручно образование и обука „Ванчо Питошески“ – Охрид.Предлог-програма за измени и дополнување на Развојната Програма за изработка на урбанистички планови на територијата на Општина Охрид 2025-2027.Предлог-одлука за донесување урбанистички проект со план за парцелација за промена на границите на Градежните парцели на ГП 1, ГП 2 и ГП 3 во ДУП за 10-та Урбана Единица – Охрид, Општина Охрид.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.146/2 КО Вапила, објект 1 и објект 1 (помошен објект).Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.165 КО Охрид 4, објект 2.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.557/1, КП.бр.557/2, КП.бр.557/3 и КП.бр.558 КО Рамне, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.770, КП.бр.775 и КП.бр.776 КО Рамне, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.1173/4 КО Долно Лакочереј, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.2177 КО Лескоец, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.940 КО Косел, објект 1 и објект 2. ОПШТИНА ОХРИДЛОКАЛНА САМОУПРАВАБрој 08-10340/114.07.2025 год.О х р и д

ОО | пред 6 месеци

Амбасадорот на Чешка во посета на Општина Охрид

Градоначалникот на Охрид Кирил Пецаков  денеска оствари протоколарна срдба со амбасадорот на  Чешката Република во земјава,  Н. Е. Јарослав Лудва.Високиот гостин, го изрази своето воодушевување од убавините на Охрид кој плени со своите културно историски знаменитости и е привлечна туристичка дестинација во регионов.Двете страни разменија мислења околу идните чествувања посветени на Светите браќа Кирил и Методи со можност чешки уметници да настапуваат во културниот дел на празнувањата во Охрид.На средбата стана   збор и за истражувачки  проект кој  заедно го реализираат  македонски и чешки  студенти по археологија, а се разгледаа и можностите   тие да добијат логистичка  поддршка од Општината за истражувањата кои ќе бидат наредната година во Охрид.Амбасадорот Лудва деновиве престојува во Охрид, а по повод „Вечерта на Чешка музика“ што денеска се организира во црквата Св. Софија.

ОО | пред 6 месеци

Откажување на детска театарска претстава

Општина Охрид ги известува граѓаните и посетителите дека поради преземање на засилени безбедносни мерки на јавни локации во општината, планираната тетарска претстава за деца „Во царството на другарството“ која требаше да се прикаже денес на 11.07.2025 (петок) на сцената ТЦ „Амам“  се откажува.Во интерес на јавната безбедност и согласно препораките од надлежните институции, претставата ќе биде одложена за друг термин. Новиот термин за одржување на претставата ќе биде навремено споделен со јавноста.

ОО | пред 6 месеци

Еу амбасадорот Михаилис Рокас оствари средба со членовите на Советот на Општина Охрид

Во рамки на својата прва официјална посета на Општина Охрид, амбасадорот на Европската Унија во Република Македонија, Михалис Рокас, денеска оствари средба со претседателот на Советот на Општина Охрид, Перчо Божиновски и со членовите на Советот.На состанокот се разговараше за низа значајни прашања поврзани со европската интеграција на Македонија, соработката помеѓу Општина Охрид и институциите на ЕУ, како и за актуелни и идни инфраструктурни проекти кои се реализираат во општината.Советниците поставуваа низа прашања, на кои амбасадорот Рокас со внимание одговараше, споделувајќи ги ставовите на ЕУ за интеграциите, локалниот развој и реформските процеси.Средбата помина во конструктивна атмосфера, при што беше истакната подготвеност за продлабочување на соработката и понатамошна заедничка работа во насока на европската перспектива на Охрид и Македонија.

ОО | пред 6 месеци

Започна 64-то издание на балканскиот фестивал на народни песни и игри

Со концерт на Македонскиот ансамбл „Танец“ и КУД „Гердан од Бисери“ вчеравечер на сцената на Долни Сарај започна 64-то издание на Балканскиот фестивал на народни песни и игри.На свеченото отворање на фестивалот свое обраќање пред присутните имаше Претседателот на Советот на Општина Охрид, Перчо Божиновски.-Во мое лично име и во името на охриѓани ви посакувам срдечно добредојде во вечниот град, кој во прегратката со сината езерска шир ги чува тајните на македонската култура и историја.Голема е гордоста што имаме можност да ја продолжиме шест-децениската традиција и преку народните песни и танци, од оваа автентична сцена, повторно да испратиме јасна порака за сплотеност и заедништво.Балканскиот фестивал во Охрид не е само фолклорен настан, тој е прослава на сето она што не поврзува со историјата. Тој е верен доказ за македонскиот идентитет и нашето опстојување низ вековите. Тој ни покажува кои сме и што сме обврзани да зачуваме за идните генерации.Народната традиција е единствената нишка што никогаш не се кине, само се предава од колено на колено. Во секоја носија е исткаена приказна, за земјата, за времето и за народот. Во секоја песна, во секој чекор, во секоја игра и мелодија се раскажува радоста, болката и постоењето на еден народ.Почитувани,Традицијата е патоказот што не води низ современиот свет без да се изгубиме себеси, а фолклорот е единствениот јазик што е разбран од секое срце, без превод и без граници. Народното творештво живее се додека има луѓе кои го почитуваат и го вреднуваат.Затоа, да продолжиме да бидеме верни поддржувачи на ваквите настани и да не дозволиме заборавот да ги уништи нашите корени.Оваа можност ја користам да упатам благодарност до организаторите, до сите учесници и секако до верната фестивалска публика, која секоја година ги дарува фолклористите со безброј аплаузи.Посакувам ова 64-то издание на Балканскиот фестивал да биде уште еден бисер во низата на нашето културно наследство и да донесе незаборавни спомени за сите учесници и посетители. Верувам дека овој фестивал ќе продолжи да живее и да прославува уште многу значајни јубилеи од своето постоење, истакна Божиновски во своето обраќање.Љубителите на фолклорот годинава ќе ги проследат настапите на ансамбли и културно-уметнички друштва од Македонија, Србија, Бугарија и Австралија.Фестивалот е во организација на Националната  установа Центар за култура “Григор Прличев”-Охрид, а покровител на фестивалот е Собранието на Република Македонија. Организирањето на фестивалот е овозможено со материјална помош на Министерството за култура и туризам, Општина Охрид и пријателите на фестивалот.

ОО | пред 6 месеци

Список на граѓани кои аплицираа на јавниот повик и добија субвенции за набавка на модерен систем за затоплување-инвертер клими за 2025 година

Врз основа на член 50 од Законот за локалната самоуправа („Службен весник на РМ’’ број 05/02) ,член 34 од Статутот на општина Охрид, како и Програмата за заштита на животната средина и природата за 2025 година, а со цел цел стимулирање на  жителите на општина Охрид  (домаќинствата) за примена на економични, енергетски поефикасни и еколошки прифатливи за околината, уреди  за затоплување на своите домови,  Градоначалникот на Општина Охрид  донесе Одлука за субвенционирање на следните граѓани кои аплицираа на јавниот повик за субвенционирање на граѓаните за набавка на модерен систем  за затоплување- инвертер клима уред за 2025 година :Листа на граѓани согласно условите и критериумите на јавниот повик за домаќинства кои имаат лице со попреченост, самохрани родители, згрижувачки семејства и семејства кај кои вкупниот месечен приход не надминува 2 минимални платиРед.бр Име и презимеАдреса на живеење по лична карта1.Никола НаумоскиУл.„Абас Емин“ бр.182 Охрид2.Пере КлимоскиУл.„Наум Охридски “  бб, Охрид,3.Јован ДимоскиУл.„Лазо Трпоски“ бр.58 Охрид,4.Бобан СтевановскиУл.„Крали Марко“ бр.61 Охрид,5.Драган БујароскиУл.„Абас Емин“, Охрид  бр.3956.Вера КантароскаБул.„Тоде Лупески“ бр.60,с.Лескоец, Охрид7.Марија БакраческаУл.„Миќо Гилиќ“ бр.15, Охрид8.Славица СтојаноскаУл.„Абас Емин“ бр.265, Охрид9.Павлинка ЈанескаУл.„Кирил и Методиј“ бр.39, Охрид10.Мирјана НаумоскаУл.„Галичица“ бр.8Охрид,11.Виолета ПашовскаУл.„Илинденска“ бб, С.Велгошти, Охрид12.Стефчо ЉаткоскиУл.„Партизанска“ бр.8-2, Охрид13.Билјана СтавреваБул.„Туристичка“ бр.3/1-7, Охрид14.Петре НоческиУл.„Александар Турунџев“ бр.20 Охрид15.Валентина МојсоскаУл.„Дејан Војвода“ бр.222, Охрид16.Ристо ЦаноскиУл.„Наум Охридски“ бб, С.Пештани, Охрид17.Марија СимевскаУл.„Даме Груев“ бр.232,  Охрид18.Димитри ПавлоскиУл.„Питу Гули“ бр.332, Охрид19.Бранко ДукоскиУл.„Абас Емин“ бр.158 Охрид ,20.Сузана ТалевскаУл.“Момчило Јорданоски“, бр.165 Охрид21.Федат АрслановскиУл.„Живко Чинго“ бр.122 Охрид,22.Нада НаневскаУл.“Кирил и Методиј“ бр.83, Охрид Листа на граѓани согласно јавниот повик и правилникот за субвенционирање на граѓаните за набавка на модерен систем за затоплување – инвертер клима уред за 2025 год за останатите домаќинстваР.б.     Име и презимеАдреса на живеење по лична карта1.Маргарита ЈовеваУл.„Нада Филева “  бр.28 Охрид,2.Мартин БибовскиУл.„Карпош Војвода“ бр.10 А – 5 Охрид,3.Цветко ПрензоскиУл.„Сирма Војвода“, Охрид  бр.17 А4.Џијат КаќелБул.„7-ми Ноември“ бр.137 Охрид ,5.Стефан ШибакоскиУл.„Вис бб“ С.Велгошти, Охрид6.Ивана ЦелескаУл.„Васил Главинов“ бр.27, Охрид7.Илија ДојчиноскиС.Коњско, Охрид8.Бранко РечкоскиУл.„Манастирска“ бр.8, С.Велгошти, Охрид9.Билјана КотескаУл.„Будва “ бр.53Охрид,10.Ленче ТасескаУл.„Питу Гули“ бр.19011.Миле СпироскиУл.„15-ти Корпус“ бр.7, Охрид12.Томи ТомевскиУл.„130“ бр.10, Охрид13.Лета ФилиповаУл.„Богомилска“ бр.1/1-27 Охрид ,14.Јулиана МустракинскиУл.„Бул.Туристичка“ бр.12-I-7, Охрид15.Владо СтефановскиУл.„Марко Нестороски“ бр.140, Охрид16.Томчо ДовлевУл.„Климентов Универзитет“ бр.83,  Охрид17.Христијан КароскиУл.„Ирина Гирова Мирка“ бр.18, Охрид18.Игор ЕленчевскиУл.„Богомилска“ бр.130/3-16 Охрид,19.Чедомир МиленковиќБул. Туристичка бр.2/1-19 Охрид ,20.Јованчо БадалоскиС.Косел, Охрид21.Ана ТунтеваБул.Туристичка бр.105/1-35 Охрид,22.Климе ПетрескиУл.„Воденичарска“  бб с.Велгошти, Охрид тел.23.Билјана БандулиеваУл.„Асном“ бр.2/6-18 Охрид ,24.Владимир Ангеличи-ЖураУл.“Кузман Капидан“ бр.27, Охрид25.Ристо СтеваноскиУл.“Абас емин“ бр.415 Охрид ,26.Елеонора ЃорѓиескаУл.„Нада филева“ бр.5 Охрид 27.Ќире МладеноскиС.Орман, Охрид,28.Маријан ВасилескиБул.Туристичка бр.4-2-33 Охрид 29.Ново ПавлескиУл.„Крали Марко“ бр.1 Охрид 30.Дејан ДријовскиУл.„Дејан Војвода“ бр.286, Охрид31.Димче СпироскиУл.„Наум Охридски“ бр.92 Охрид32.Живка КировскаУл.„Васил Главинов“ бр.29 А Охрид33.Слободан ПупиноскиУл.„Александар Гушо“ бр.25 Охрид34.Драгица СтепаноскаУл.„Момчило Јорданоски“ бр.8935.Крсте ЏинџескиУл.„Наум Охридски“ бб, Охрид36.Ристо НајдескиУл.„АРМ“ бр.100 Охрид37.Христо ГолабоскиУл.„Васил Стефоски“ бр.2 А Охрид,38.Миле СтојановскиУл.„Ирина Гинова Мирка“ бр.24 Охрид39.Елена БиркнерУл.“Марко Нестороски“ бр.262, Охрид40.Елена НаумоскаУл. „Кленоец“ бр.170, Охрид41.Александар НаумоскиУл.„Јане Сандански“ бр.26 В – 3/5, Охрид42.Јорданка МилошескаУл.„8-ми Март“ бр.57, Охрид43.Благоја СпасескиУл.“Карпош Војвода“ бр.44/1-17, Охрид 44.Лујза Канвечеваул.„Спас Банџов“ бр.17, Охрид45.Лупчо Локоскиул. „Петрино“ бр.5 Охрид46.Љубица ТренескаБул.Туристичка бр.23 Охрид47.Сузана ВренцовксаУл.“Парисна Комуна“ бр.33, Охрид48.Менка ЦрвенковскаКеј Маршал Тито бр.86 Охрид, 49.Спаса ЈованоскаУл.„Радојца Новичиќ“ бр.384, Охрид 50.Благуна МилевскаС. Долно Лакочереј, Охрид 51.Коста ЦветкоскиУл.„Крали Марко“ бр.27, Охрид52.Нада АлчеваУл.„Јане Сандански“ бр.89/1-5, Охрид 53.Ѓоко МаркоскиУл.„Петар Поп Арсов“  бр.17, Охрид 54.Блаже АнгелескиУл.„Винковачка“ бр.53, Охрид55.Зорка ИваноскаУл.„15-ти Корпус“ бр.79, Охрид56.Димитар ШикоскиУл.„Илинденска“ бр.54, С.Велгошти, Охрид57.Божин ПетрескиУл.“Момчило Јорданоски“ бр.73  Охрид58.Мите ЗдравескиУл.„1-ва Македонска ударна Бригада“ бр.24 Охрид 59.Зихни ДеарУл.„Аџи Мустафа“ бп. 34, Охрид 60.Благој ПиневУл.„Партизански Одреди“ бр.21, Охрид61.Марјанчо МаркоскиУл.„Радојца Новичиќ“ бр.69, Охрид62.Ќирил СлатинецУл. „Јане Сандански“ бр.50 Охрид

ОО | пред 6 месеци

Амбасадорот на Европската Унија, Михалис Рокас во посета на Општина Охрид

Градоначалникот Кирил Пецаков, денес оствари средбра со Н.Е. Михалис Рокас, амбасадор на Европската Унија, кој за првпат од неговото именување е во посета на Општина Охрид.На средбата се разговараше за повејќе значајни теми и области за Охрид. Фокус на разговорот беше реализацијата на проектот „Ohrid Go“ кој е финансиран од Европската Унија, а се однесува на проекти кои се реализраат во склоп на поранешната касарна. Амбасадорот изрази поддршка за работата во таа насока и честитки за тоа што Општина Охрид е една од ретките општини кои просторот од поранешните касарни го оплемени со содржина.Градоначалникот го запозна Амабасадорот со идните планови кои треба да се реализираат исто така во склоп на поранешната Касарна. Се разговараше и за евентуална поддршка на некои од тие проекти кои дополнително би го оплемениле овој простор како би добил еден урбан лик.Амбасадорот позитивно го оцени спроведувањето на овој голем и значаен проект во чиј склоп е намалување на отпечатокот на CO2 со воведување на алтернативни средства на урбана мобилност, односно зелен урбан систем, за чија цел се набавени електрични велосипеди и електрични возила, со што населението и посетителите ќе може да ги користат за транспорт во стариот дел на градот. Диверзификација на локалната туристичка понуда преку воведување зелени рекреативни содржини адреналински парк и Pump Up патека, како и развој на локалната економија базирана на знаење преку формирање на Smart Ideas Hub како старт-ап центар.Дополнително Амбасадорот изрази честитки за успешното финансико менаџирање на Општина Охрид во изминативе години и нагласи дека тоа ќе биде додадена вредност при аплицирањето на проекти за финанисирање од страна на ЕУ.Исто така се разговараше и за развојот на туризмот, реализацијата на инфраструктурните проекти како локални така и државни. Стана збор и за актуелната тема поврзана со статусот на Охрид во УНЕСКО, за што беше изразена поддршка во напорите на Охрид во реализација на препораките.

ОО | пред 6 месеци

(Видео) Долги колони и чекање на Богородица и Евзони: За влез во Грција се чека и по три часа

Долги колони возила и значителни задржувања се бележат денеска на граничниот премин Богородица, како и на грчкиот Евзони, каде што за влез во Грција се чека и по повеќе од три часа.Според информации од возачи кои се наоѓаат на граничниот премин, задржувањата на македонска страна изнесуваат околу 45 минути, додека најголемите гужви се на грчка страна, каде колоните се движат бавно, а чекањето достигнува и по повеќе од два часа.Големиот метеж е резултат на засилен туристички сообраќај кон летувалиштата во Грција, типичен за викендите и за време на годишните одмори. Освен македонски граѓани, на граничниот премин се присутни и бројни туристи соседството.

Македонија | пред 6 месеци

Конкурс за најдобар расказ

По повод традиционалната културна манифестација „Вечер на Живко Чинго“, Општина Охрид го распишува годинешниот:КОНКУРС ЗА НАЈДОБАР РАСКАЗУслови за учество на Конкурсот:Право на учество на Конкурсот со свој расказ има секој полнолетен граѓанин на Република Македонија;Трудовите треба да се достават во печатена форма во три примероци под шифра, без лични податоци за авторот, на адреса:ОПШТИНА ОХРИД, ул. „Димитар Влахов“ бр.57 со назнака: ЗА КОНКУРСОТ ЗА РАСКАЗ;Авторското право се докажува со четвртиот примерок;Краен рок за доставување на трудовите е 29.07.2025 г.;Жири – комисијата ќе ги објави резултатите од Конкурсот во дневниот печат најдоцна до 05.08.2025 г.Наградата за најдобар расказ е една и изнесува 30.000 денари, а истата ќе биде врачена на културната манифестација „Вечер на Живко Чинго“, која во негова чест традиционално, секоја година се одржува во неговото родно село Велгошти.Доставените трудови не се враќаат.

ОО | пред 6 месеци

Тринаесетгодишно девојче претепано од татко ѝ и брат ѝ – заврши во болница

Тринаесетгодишно девојче од радовишко заврши со телесни повреди откако, според нејзините искази, била нападната од сопствениот татко и брат. Инцидентот се случил на 20 јули, а случајот бил пријавен во 04:25 часот по интервенција на Итната медицинска помош во Радовиш.Лекарите пријавиле дека девојчето побарало лекарска помош со видливи повреди, за кои изјавила дека ѝ биле нанесени од нејзиниот татко И.А. (46) и брат А.А. (21). По пријавата, полициски службеници од СВР Струмица – ОВР Радовиш ги лишиле од слобода двете лица.За случајот веднаш бил известен јавен обвинител од ОЈО Струмица, а разговор со малолетната жртва извршил стручен работник од Меѓуопштинскиот центар за социјални работи Радовиш.Полицијата информира дека се работи на целосно расчистување и документирање на случајот, по што ќе следува соодветна кривична пријава против осомничените.

Македонија | пред 6 месеци