Ѓулистана Марковска е граѓански кандидат поддржан од коалиција „Со граѓаните ДОМ и ЛДП“. Кандидатура за градоначалничка на скопската општина Кисела Вода ќе биде промовинара утре.Марковска е доктор специјалиста за очни болести. Таа беше пратеник во првиот парламентарен состав на Македонското Собрание во 1991 година.Имаше уште еден пратенички мандат, од 1998 до 2002 година.
Скопје | пред 4 години
Актуелниот градоначалник на Куманово, Максим Димитриевски не сака да чека за да види дали СДСМ ќе го кандидира за нов мандат, туку почнува да собира 1.000 потписи за да оди како независен. За неговата одлука извести и преку повеќе медиуми. Нема образложение зошто одлучил да настапи вака, а најави и прес-конференција.За три дена, на 30 август на полноќ истекува рокот за собирање на потписи на независните кандидати за градоначалници и советнички листи. До средата вечер, според Државната изборна комисија, 32 независни кандидати за градоначалници во повеќе општини и советнички листи собрале потписи, а уште 33 собираат потписи.
Македонија | пред 4 години
Полицијата привела малолетник од Скопје кој се сомничи за разбојништво и напад врз постаро лице.Имено, вчера полициски службеници од Полициската станица Центар привеле малолетник од Скопје поради постоење основи на сомнение за сторено кривично дело по член 237 од Кривичниот законик.Според полицијата, околу 12:30 часот кај Зелено пазарче тој физички ја нападнал Ј.С.(79) од Скопје и ѝ одзел пари.Набргу потоа, тој бил пронајден и приведен во полициска станица.По целосно документирање на случајот против него ќе биде поднесена соодветна пријава, најавија надлежните.
Скопје | пред 4 години
Во последните 24 часа се направени 5.982 тестирањe, а регистрирани се 1.082 нови случаи на КОВИД-19:Скопје – 406, Куманово – 93, Тетово – 87, Гостивар – 72, Струмица – 70, Кичево – 57, Прилеп и Велес – по 32, Кавадарци, Охрид и Струга – по 24, Битола – 23, Штип – 21, Радовиш – 18, Ресен – 15, Кочани – 14, Гевгелија и Делчево – по 9, Свети Николе, Крива Паланка и Виница – по 7, Дебар – 6, Македонски Брод – 5, Неготино и Кратово – по 4, Валандово – 3, Пробиштип, Крушево и Македонска Каменица – по 2, Богданци,Пехчево и Дојран – по 1.Регистрирани сe 492 оздравени пациенти од: Скопје – 139, Тетово – 89, Гостивар – 85, Куманово – 38, Струмица – 30, Кичево – 25, Берово – 15, Штип и Кочани – по 10, Битола – 9. Радовиш – 7, Прилеп – 6, Валандово – 5, Кавадарци и Дебар – по 4, Делчево – 3, Охрид, Ресен, Крива Паланка и Македонски Брод – по 2, Велес, Гевгелија, Свети Николе, Кратово и Пехчево – по 1.Пријавени се 27 починати лица: 7 починати лица од Скопје (84г,79г,78г,67г,67г,66г и 60г), 6 починати лица од Тетово (85г,76г,74г,73г,69г и 60г), 5 лица од Гостивар (72г,69г,65г,61г и 47г), 3 лица од Кичево (48г,46г и 45г), по едно починато лице од Куманово (74г), Прилеп (57г), Охрид (52г), Штип (79г), Струмица (70г) и Македонски Брод(71г).Од починатите лица 26 се починати во болнички услови, едно лице е починато во домашни услови.Направени се 5.982 тестови преку: ИЈЗ-268, ЦЈЗ Скопје-50, ЦЈЗ Битола-83, ЦЈЗ Прилеп-60, ЦЈЗ Тетово–93, ЦЈЗ Куманово–163, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија - 0, ГОБ 8-ми Септември-0, Институт за микробиологија–132, Жан Митрев (Филип Втори)-87, Авицена-410, Биотек-336, Систина-109, лабораторија Лаор-380, Синлаб-51, Ремедика-26, Плодност–68, Генеа -16, Никоб лаб-658, ВФВ Медикал-108, Ели Медика-102, Ројал Медика –62, ЈЗУ и ПЗУ (рапид тест) – вкупно 2.720.Досега во земјата се направени вкупно 1.130.975 тестирање на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 172.657, бројката на оздравени пациенти е 153.640, на починати е 5.782, а бројот на активни случаи изнесува 13.235.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 74465, Активни 4710Куманово 9997, Активни 847Прилеп 8556, Активни 191Тетово 9917, Активни 2021Битола 6623, Активни 236Велес 5686, Активни 178Гостивар 7376, Активни 1531Кавадарци 5377, Активни 175Охрид 5413, Активни 366Штип 5160, Активни 151Струмица 4960, Активни 651Струга 3449, Активни 447Кочани 2956, Активни 123Кичево 3435, Активни 619Гевгелија 2272, Активни 73Неготино 2215, Активни 27Свети Николе 1628, Активни 87Ресен 1366, Активни 115Крива Паланка 1257, Активни 23Радовиш 1296, Активни 99Берово 1113, Активни 39Делчево 1025, Активни 43Дебар 1244, Активни 195Виница 943, Активни 41Пробиштип 818, Активни 29Валандово 727, Активни 35Богданци 518, Активни 24Крушево 509, Активни 19Демир Хисар 410, Активни 10Демир Капија 401, Активни 3Кратово 433, Активни 54Македонски Брод 427, Активни 54Пехчево 290, Активни 7Македонска Каменица 260, Активни 10Дојран 135, Активни 2
Слајдер | пред 4 години
Заменикот-министер за здравство Илир Хасани деновиве учествува на сите состаноци кои ги има кризниот штаб за Општина Тетово, а на средба со новинарите истакна дека нови дополнителни мерки за градот и регионот не се потребни, сметајќи ги како контрапродуктивни.Тој ја оценува состојбата како влошена, а неговото присуство и ангажман во Тетово е во насока на уште поголемо зголемување на вакцинираните луѓе.– Бројот на пациенти се следи, не е голем како што беше пред една недела и се надевам дека дека во Тетово се достигнува пикот на болеста, што не значи дека тој пик е постигнат во цела Република. Тетово веројатно порано „гори“ во однос на другите места, заради сите општи работи и фактори кои настааа во овој регион. Капацитетот на Тетовсата болница која е флексибилна е до 130 места. Отворени се капациитети и во Скопје, рече Хасани.Според него, не се потребни дополнителни мерки за заштита од Ковид-19 само за тетовскиот регион.-Ние ги гледаме сите параметри во Комисијата за заразни болести, утре во осум часот има нова средба и ќе се дискутира за нови мерки. Лично мислам дека не треба да се претерува со мерките затоа што се контрапродуктивни, како собирањето пред маркети, пред и по карантински денови. И овие мерки можат да помогнат, не може да се каже дека народот е недисциплиниран, туку индивидуи. Јас ги поздравувам совесните граѓани, сметам дека не може да се генерализира. Треба да се одржува дистанца, да се носи маска, да не се прават свадби, прослави и забави, рече заменик-министерот Хасани.
Македонија | пред 4 години
Состојбата во болниците и натаму е иста. Со преполнети капацитети во моментов функционираат болниците во Тетово и Гостивар, нешто слично и во Кичево и Струга, од каде што преку систем на координација секој пациент кому му е потребна хоспитализација се сместува и со транспорт се пренесува во Скопје, изјави министерот за здравство, Венко Филипче.Тој додаде дека во овој момент има доволен број болнички места во болницата во Козле каде што функционира и ротира тим на лекари специјалисти и инфектолози и пулмолози. Филипче рече дека се подготвени и други дополнителни капацитети, но засега нема да има трансформација во други ковид-центари, како што беше тоа за време на претходниот бран.„Новите бројки на новодијагностицирани се охрабрувачки, истите опаѓаат. Но, премногу е рано да се каже дека тоа е некаков тренд. Затоа будно ја следиме ситуацијата и се анализираат сите параметри“, кажа Филипче.Од денеска дел од тимот, лекари, медицински сестри, волонтери од Црвениот крст, од повеќе пунктови во Здравствен дом Скопје е префрлен во А1 СЦ Арената „Борис Трајковски“ со цел да се зголеми пристапот до вакцини за граѓаните и сите кои сакаат да се вакцинираат.„Во последниот период значително расте интересот за вакцинација на помладите групи на граѓани, од 18 до 40 години и сега таа бројка изнесува некаде околу 170.000 граѓани, што е според анализите 26% од вкупното население во тие возрасни групи. Во просек околу 10.000 граѓани се вакцинираат дневно, а близу 700.000 се опфатени со прва доза, од кои 510.000 граѓани се ревакцинирани“, кажа Филипче.Тој ги повика на масовна вакцинација младите и посебно родителите чии деца ќе почнат да одат во училиште или во градинка.„Важно е нивните родители да се вакцинираат со цел да се обезбедат семејствата. Ова е единствениот начин да се смени сликата за пандемијата. Сите пандемии и епидемии гледано историски наназад завршиле исклучиво со вакцинација, не со прележување на болеста и сега кога го имаме овој механизам на располагање и веќе кога е докажано ефикасен, односно ефективен, а тоа сега се манифестира со релативно помалиот број на пациенти во градовите каде што е поголем опфатот со вакцинација, тоа е единствениот механизам целосно да се смени сликата со пандемијата како кај нас, во регионот и во целиот свет“, изјави Филипче.
Слајдер | пред 4 години
Вчера напладне на Ургентниот центар при Комплексот клиники Мајка Тереза било пријавено дека кај нив со телесни повреди бил донесен И.Н.(29) од селото Крушопек, Скопско.„Во разговор со полициски службеници тој изјавил дека, додека се движел кон неговиот дом во селото Крушопек, едно лице испукало еден куршум кон него, кој го погодил во ногата, по што забележал возило кое со голема брзина поминува покрај него“, велат од МВР.Се преземаат мерки за расчистување на случајот.
Скопје | пред 4 години
По краток дожд, се поплави населеното место Волково во општината Ѓорче Петров. Водата од дождот се разлева насекаде, а автомобилите ги прскаат и пешаците кои минуваат поради тоа што нема каде да се излее. Граѓаните се револтирани бидејќи проблемот со години не им се решава. Ваква е сликата и во соседните места како Орман и Геге односно населбата Даме Груев по споредните улици.„21 - век Волково нема што нема ! Нема асфалт, нема канализација, нема водовод, нема атмосферска канализација ! А таму каде што има, шахтите се полни, се молиме да не заврне зошто ни враќа дома. Имаме пораки во инбокс од многу поплавени улици, Лука Геров, Мис Стон, Арсо Мицков, Рафаело Батино“, пишува на фејсбук страната Ѓорче Петров.
Скопје | пред 4 години
Празните зборови се одлика на Шилегов, од се што до сега кажа и вети видовме спротивни дејствија. Случајот со дивоградбата кај „Мавровка“ со месеци ја брануваше јавноста, особено по изјавите од надлежните институции дека не можат да го откријат инвеститорот на објектот, реагираше на денешната прес конференција портпаролката на ВМРО-ДПМНЕ, Марија Митева.„Објектот прво стана „државен проблем“ за потоа да стане „симбол за решеноста“ (на тогаш новата влада) која наводно ќе се бори против криминалот. Денес, е доказ дека институциите се окупирани и во оваа држава правото не важи еднакво за сите. Денес, можеме да заклучиме дека Шилегов го дефинираат ваквите дела кои јасно ја покажуваат неговата неискреност кон скопјани“, рече Митева.Во едноминутно видео, посочи Митева, се гледа лага, манипулација и самоволие кое го употребуваат СДСМ и ДУИ.„Така е Петре, убаво кажано. Токму на ваквите (за тебе ситни) примери граѓаните можат да се уверат во вашата решеност, и на СДСМ и на ДУИ, дека правна држава со вас не може никогаш да има. За ситни популистички поени неколку дена после формирањето на Владата правевте драма пред локалот во ТЦ Мавровка, за сега да има нов објект, кој никна како феникс од пепелта и во кој се прави пречек на партиски функционери“, се обрати Митева.Според неа, сите институции, општината, Шилегов и Заев тогаш, како што оцени, ја убедувале јавноста дека не знаат кој гради без дозвола кај ТЦ Мавровка.„Па, во “потрагата“ тогаш се вклучи и Единицата за економски и компјутерски криминал при СВР Скопје. Јавноста многу добро ги памети овие игри на СДСМ чија цел е да ја скријат реалноста. На изборите во октомври ќе можеме да ставиме крај на ваквиот начин на владеење“, порача Митева.
Актуелно | пред 4 години
Премиерот Заев смета дека во Скопје се гради со усул, нема мегаломанство и е ставен ред со Законот за урбанистичко планирање, па затоа очекува победа на изборите на неговите кандидати за градоначалници.„Донесовме нов Закон за урбанистичко планирање согласно укажувањата на граѓаните, каде паркирањето мора да се реши во рамките на парцелата и да има најмалку 20 отсто зелена површина. Скопје е поинаква приказна, затоа што мегаломанството застана во главниот град. Ние ветивме дека Скопје ќе продолжи да се гради, но се откажавме од мегаломанството. Во Скопје се гради со усул, се гради и на периферијата, во сите општини рамноправно оти не треба да го застанеме развојот на градот. Ако ги земете најцентралните општини Центар, Карпош и Аеродром не можете да кажете дека има мегаломанство, дека има навала и напад на урбанизација, затоа што тоа е спречено не само со волјата на градоначалниците туку и со Закон кој лимитира и габарит и висина. Сега ставивме ред во Скопје“, рече Заев.На социјалните мрежи постојано се објавуваат фотографии на кои се гледа урбанистички хаос. Исто така, има и низа иницијативи за протести и блокади поради урбанистичките проблеми. Еден од последните е протестот за градбите кај Холидеј Ин, бидејќи таму треба да „никнат висококатници“. Но и покрај противењето, одобрението за изградба е издадено од Општина Центар.Сличен пример имаше и во Капиштец.„Капиштец, дами и господа. Подобро нека се укине урбанизмот. А најстрашното ни претстои, на локацијата спроти Холидеј Ин... Сличен концепт, само поголем блок со повисоки згради. Без мерка“, стои во објавата на страницата „Урбан Терор“.
Скопје | пред 4 години
Без разлика дали ќе биде наставата онлајн или во далечина, учениците нема да учат од новите програми по новите реформи, ниту да учат содржини за кои не е дадена согласност, но нема да учат ниту од електронски уреди туку од учебници. Ова го кажа Драган Спасевска, во име на групата родители здружени под мотото „Учебници и настава мора да има“. Таа потенцираше дека нема да дозволи ниту нејзините деца да изучуваат материјал од нова програма.„Ние како родители дојдовме да го изразиме револтот против така наречените реформи. Со оваа постапка се оди против европските регулативи и стандарди кои го уредуваат образованието. Се ограничува правото на избор на родителот за образованието на неговото дете. Овде сме да и почараме на министерката дека оваа постапка е противуставна и противзаконска. Се припремаат претставки до Уставен суд. Законите и концепцијата се изменети и дополнети во време на оваа Влада. Претставката е за индивидуална одговорност на министерката и Министерството и колективна одговорност на Владата. Ќе доставиме барање за суспензивно вето. Ние како родители ако не ја стопираме постапката и да го решиме овој проблем национално, продолжуваме во Стразбург. Ќе бараме одговорност и санкции од надлежните. Како инцијатива броиме повеќе од 80 илјади членови, а средба со министерката до сега немало, бега од конфронтација. Ништо од побараното не е земено во превид“, рече Спасевска.Според Спасевска, смета тоа што всушност содржински ќе се изучува бидејќи како што вели: „родово сензитивни содржини ќе се учат од најмала возраст и тие содржини на сеопфатно сексуално образование, тоа е дел од новата концепција“.
Македонија | пред 4 години
„СДСМ утврди 51 кандидат за градоначалници за претстојните локални избори“, е ставот на владејачката СДСМ. Тие додаваат: „Станува збор за докажани, угледни, професионални личности кои се мотивирани и подготвени да работат одговорно и посветено за својата општина. СДСМ на овие избори излегува со најдобрата програмска и кадровска понуда со која ќе продолжи развојот на општините. Локалните избори се избори на личности и токму тоа е една од клучните предности на СДСМ. СДСМ била, е, и ќе остане прва во промените, движечка сила на татковината, мотор на напредокот“.“Нема поголема чест и обврска да им се служи на граѓаните, да се решаваат нивните проблеми и барања. Тоа во изминативе години го правевме најдобро што можевме и ќе продолжиме уште подобро и во наредниот период. Тоа е препознаено и од граѓаните, а еден од доказите за тоа се анкетите на кои СДСМ има убедливо водство пред останатите политички конкурентни. За разлика од чесната, одговорна понуда на СДСМ, понудата на ВМРО-ДПМНЕ и Христијан Мицкоски е понуда од немај каде. Таму не само што нема нови лица, туку огромен дел од нив се луѓе на Никола Груевски, личности кои во минатото, во времето на режимот, биле на високи функции на државно и локално ниво. Очигледно дека ниту самиот Мицкоски не верува во сопствената понуда на кандидати. Фактот што Мицкоски и ВМРО-ДПМНЕ не можат да извадат свој кандидат за градоначалник на Град Скопје и Општина Центар, говори за поразот што ја очекува опозициската партија во главниот град, но и во многу други општини низ целата држава. На граѓаните им е јасно дека ВМРО-ДПМНЕ и Мицкоски немаат никаква понуда за овие локални избори. Затоа на 17 октомври ги очекува нов силен изборен пораз. Граѓаните уште еднаш ќе потврдат дека развојот на општините е можен единствено со СДСМ кој ја носи најдобрата понуда за секоја општина“, додаваат од СДСМ.
Македонија | пред 4 години
Не се исклучува да се донесат и нови рестриктивни мерки за да се намали бројот на заразени од коронавирус. Но, тоа зависи од состојбата. За ова извести и министерот за здравство, Венко Филипче. Според него, без разлика со кој сој се заразени лицата, мерките за сите се исти, а вакцинацијата е ефективна за сите соеви.„За време на овој бран огромен број од починатите, да не речам сите се со хронични болести на кардиоваскуларниот систем и белите дробови“, рече Филипче.Ќе се сподели и бројот на лица кои се заразиле од по двапати од коронавирусот, анализа направена од Институтот за јавно здравје.
Слајдер | пред 4 години
Министерот Венко Филипче смета дека можеби вакцината против коронавирусот ќе стане и сезонска. Според него, кампањата „Вакцинирај сѐ“ ќе биде клучна за зголемување на свеста кај граѓаните од потребата од имунизација.„Кампањата значи видео спотови, вклучување на видни и јавни личности од светот на културата, светот, сите кои мислиме дека имаат влијание на различни групи во општеството за да се зголеми свеста за важноста на вакцината. Ова ќе биде долготраен процес. Се зборува за трета доза вакцина, можеби ќе стане сезонска иако е рано да се каже. Потребна е честа комуникација со граѓаните за пораката која се кажува секојдневно. Ова нема да престане додека не се вакцинираме сите“, рече Филипче.
Слајдер | пред 4 години
Бизнисменот Орце Камчев поднесе нова гаранција до судот, со која бара да излезе од притвор од истражниот затвор „Скопје“, одреден за случајот „Плацевите на Водно“, пишува Фокус. Гаранцијата, како што појаснуваат за „Фокус“ од Обвинителството се состои од имот во вредност од 1,7 милиони евра и готовина од 200.000 долари.-Предлог гаранцијата се состои од недвижен имот во противвредност од 1.718.701 евра и готови парични средства во износ од 200.000 американски долари, одговорија од Обвинителството за „Фокус“.Повеќе
Македонија | пред 4 години
„Поддршка за онлајн настава” бара учениците и родителите сами да одлучуваат дали од септември ќе посетуваат настава со физичко присуство или да следат онлајн. Сметаат дека деца на 14-15 сигурно би се заразиле ако одат на училиште, со оглед на бројот на инфицирани лица од коронавирусот во земјава.„Бараме промена на одлуката на Владата. Да има право на избор, без да се прашува дали се медицински причини. Само со едно писмо, да се има право на избор“, вели Ана Глигорова претставник на „Поддршка за онлајн настава”.Тие сметаат дека децата нема да можат сами да ги спроведуваат протоколите, освен ако нема сериозна организација во училиштето каде би се ангажирале и луѓе од надвор за да се одржува систем во кој на минимум ќе се сведе трансмисијата во училиштата.
Македонија | пред 4 години
Професорката Мирјана Најчевска смета дека заложбите на Шарената револуција можат да се имплементираат преку локалната власт, на изборите во октомври.„Да се разбереме. Шарената револуција беше најубавото и најпрогресивното нешто што и се случило на Македонија од 1991 година. Таа ја покажа разноликоста на политичката сцена и во исто време обединетоста во генералниот идеолошки правец на развој. На површина исфрли прекрасни ликови со неверојатни идеи и заложби. Партиите кои дојдоа на власт по Шарената револуција не го искористија целокупниот човечки потенцијал кој им беше ставен на тацна, за да направат промени какви што требаше да се направат. Сега е момент да се искористи барем дел од тие луѓе кои можат да го внесат духот на Шарената револуција во локалното управување“, пишува Најчевска.
Коментари | пред 4 години
„Првата седница на Парлемантот е на 14 септември , а пописот почнува на 5-ти. Апелирам да бидеме сериозни. Дваесет години немаме попис. Попис има, мора и ќе има. По 20 години што сме? Држава, нација? Мора да има попис“.Вака премиерот Зоран Заев одговори денеска на новинарско прашање во врска со предлогот на ВМРО-ДПМНЕ да има електронски попис.Заев уште еднаш нагласи дека пописот е олеснет со електронската база на податоци од кои голем дел ќе бидат само испроверени. Обезбедени се комплетните мерки, екипирани се и попишувачите.-Се е подготвено за пописот и драго ми е што нашата земја конечно покажува капацитет да спроведе ваква статистичка операција која значи фер, рамноправност, еднаквост во распределбата на економските ресурси, во правото на развојот и во квалитетот на живот за граѓаните. Многу е важно да се спроведе пописот, истакна Заев по увидот во изградбата на мостот „Љублљанска“.
Македонија | пред 4 години
Во наредните 18 месеци се очекува да биде готов автомобилскиот висечки мост „Љубљанска“ што ќе ги поврзува улицата „Скупи“ со булеварот „Илинденска“. Мостот вреден шест милиони евра, ќе биде широк 24 метри и четири коловизни ленти, пешачки и велосипедски ленти од двете страни, а ќе значи нова врска и спојување на градот, граѓаните и нивна комуникацијаКако што најавија премиерот Зоран Заев, првиот заменик–премиер и министер за политички систем и односи меѓу заедниците Артан Груби, вицепремиерот за економски прашања Фатмир Битиќи и градоначалникот на Карпош Стефан Богоев кои направија увид во почетокот на изградбата на мостот, се работи за капиален пропект и архитектонско чудо кое има претенција да стане нов симбол на Скопје.-Мостот „Љубљанска“ е прв висечки и ќе биде запамтен како архитектонско чудо. Ќе ја растовари и избалансира сообраќајната фреквенција, ќе овозможи брз пристап од скопската Обиколница до Општина Карпош, поврзување на општините Ѓорче Петров, Бутел, Чаир и Шуто Оризари, ќе значи нова и подобра комуникација не само на Скопје, туку и на граѓаните, истакна премиерот Заев.Според Шилегов, се очекува мостот да биде во функција кон средината на 2023 година.-За само четири години почнуваме со изградба на вториот мост, кој на секој начин е спојување на градот, луето и нивна комуникација, истакна Шилегов.Средствата за изградбата се обезбедени преку ТАВ програмата.На настанот што го организира Град Скопје, присуствуваат и претставници од раководството на компанијата ТАВ, Метин Батак, Неџат Курт и Фатих Кан.
Скопје | пред 4 години
„Владата и ДЗС се неспособни да организираат попис, решение е електронски попис. Срамно и неодговорно е на една недела пред официјалниот почеток на пописот да не се знае кој ќе биде попишувач“, велат од ВМРО-ДПМНЕ.„Власта ја води целосно аматерски постапката околу организација на пописот. Прво велеа дека се е завршено, а сега се жалат дека нема попишувачи. Зошто и кога лажат?Дополнително целата ситуација ја влошува 4 бран на КОВИД 19, кој исто така е толку голем поради неспособноста на власта.ВМРО-ДПМНЕ предлага ситуацијата да се реши со електронски попис, без физичко посетување на граѓаните во домовите, со тоа ќе се спречи заразата да се шири, а ќе може точно да утврдиме колку има население во Македонија за да нема манипулации какви што власта сега сака да прави. Така што, решение е електронски попис за да се заштити здравјето на граѓаните и да нема манипулации.Пописот е важна статистичка операција и не смее да трпи поради аматеризмот на власта. ВМРО-ДПМНЕ нуди решение“, соопштуваат од ВМРО-ДПМНЕ.
Македонија | пред 4 години
Трговските центри и трговците се незадоволни од одлуката на Владата да забрани влез на невакцинирани лица во објектите. Тие велат дека со ваквата мерка профитот им е намален и сметаат дека Владата треба да најде поинакво решение за да ги мотивира луѓето да се вакцинираат против коронавирус.„Се најдовме во сосема друга, непосакувана ситуација. Се доживуваме како казнети, а реалноста е дека трговските центри се речиси празни. Нашите трошоци и загуби растат од ден во ден, а бројот на вакцинирани, за жал, расте со мала стапка. Затоа, ве замолуваме за поразличен пристап, каде ќе се обидете да ги разбереме граѓаните, да се обидете да разберете што стои зад ниските стапки на вакцинацијата во државата и да се обидеме да најдеме и друго, поефикасно решение, што ќе има поголемо влијание и ќе ги мотивира за промена на ставот“, се вели во дописот до Владата.Трговските центри бараат што поскоро укинување на рестрикциите за невакцинираните граѓани и што поскоро наоѓање друго, алтернативно решение.„Нашата молба е во суштина повик за помош и разбирање и е оправдана со нашите реални потреби и проблеми – ако ваквата ситуација продолжи и ако функционираме со драстично намален број на посетители, голем дел од трговците и брендовите ќе бидат принудени да ги затворат своите бизниси, што драстично ќе влијае на голем број вработени и нивните семејства, за кои секојдневната егзистенција ќе стане сè потешка и потешка“, се вели во дописот.Во него се апелира до Владата да се лоцира проблемот надвор од трговските центри и да се работи поодговорно и поинтензивно на стапката на вакцинирани, а не да се доведуваат трговците и вработените во незавидна положба.
Македонија | пред 4 години
Министерството за здравство информира дека вечерва на неколку медиуми беа објавени неточни информации дека Клиниката за инфективни болести и фебрилни состојби по грешка испратиле тело на починат пациент, кај семејство во Врапчиште гостиварско.„Ја информираме јавноста дека ниту една здравствена установа во државата, ниту КИБФС не направила таква грешка. Сите болници и ковид центри во целост го почитуваат протоколот за постапување со тела на починати лица во болнички услови сомнителни или потврдени на Ковид 19. По настапувањето на смртта и подготовка на телото согласно протоколите за заштита од Ковид 19, веднаш се повикува Јавно комунално претпријатие на општината или Бутел-погребен сервис АД Скопје за Град Скопје на кои им се предава телото. Погребалните претпријатија, а не болниците, го доставуваат телото на семејството и го организираат погребот“, велат од МЗ.
Македонија | пред 4 години
Поставени се околу 100 нови клупи за седење и околу 90 нови корпи за отпадоци во централното градско подрачје и на неколку јавни локации во Охрид, како дел од активностите за поставување на нова урбана опрема.Поставувањето на опремата се очекува да заврши во текот на наредните денови, со монтирање на нови клупи за седење во стариот дел на градот.Новата урбана опрема е обезбедена со средства од буџетот на Општина Охрид во вкупен износ од 2.252.000 денари.
Охрид | пред 4 години
Членот на Извршниот одбор на СДСМ Петре Шилегов и градоначалникот на општина Гази Баба, Борче Георгиевски, вечерва остварија маалски средби со граѓаните од оваа општина.- СДСМ е најдобриот избор на граѓаните. СДСМ има најдобри проекти, најдобра понуда, концепт, визија и најдобар степен на реализација. За нас зборот е збор. За нас секој човек е важен, секоја општина е важна. Владата предводена од СДСМ во минатите 4 години инвестираше над 11.5 милиони евра во над 32 км патна инфраструктура во општина Гази Баба, посочи Шилегов.Осврнувајќи се на досегашниот период, Шилегов додаде дека и во Гази Баба и во другите скопски општини се инвестира во важни капитални проекти.- Градиме нов мост на Вардар кој ќе ги поврзува Гази Баба и Аеродром, важен капитален проект не само за овие две општини туку и за цело Скопје. Ги реконструиравме булеварот Александар Македонски, улицата Благоја Стефковски, расчистивме бројни диви депонии во општината, пробивме нови велосипедски патеки и подигнавме нови зелени површини. Поставуваме нова фекална и атмосферска канализација на бул. Киро Глигоров. Сето тоа го правиме заедно со локалната власт, за граѓаните на Гази Баба, посочи Шилегов.- Инвестиравме над 37 милиони денари во реконструкција на средните училишта АСУЦ Боро Петрушевски, Михајло Пупин и Панче Арсовски. При што ја завршивме и изградбата на нова спортска сала во Боро Петрушевски. Обезбедивме прочистувачи за воздух за секоја училница, додава Шилегов.Во делот на градското зеленило, Шилегов потенцираше дека во Гази Баба подигнати се над 13.000 метри квадратни нови и реконструирани паркови површини, со засадени над 1000 садници, при што меѓу другото целосно се реконструирани парковите Коце Металец и Железара.СДСМ продолжува со активностите на терен со цел да биде уште поблиску до граѓаните, за заедно со граѓаните создаде понуда која ќе биде најдобра за секоја општина за секој град.
Скопје | пред 4 години
Српскиот глумец Милан Лане Гутовиќ почина од корона на 75 години. Тој на 13 август беше примен во болница во Белград поради проблеми со дишењето и тогаш му беше направен тест за корона. Гутовиќ во болница прво беше ставен на кислородна поддршка, но откако му се влошила состојбата, го приклучиле на респиратор.Откако беше примен во болница, Гутовиќ за српските медиуми рече дека се надева дека ќе оздрави и дека ќе му биде подобро за кратко. Но, состојбата нагло му се влоши пред неколку дена. Колегите му испраќаа пораки со поддршка, а неговите деца тогаш демантираа дека починал, како што пишуваа некои медиуми во Србија.Гутовиќ ќе остане запаметен по бројните филмски и театарски улоги, но најпознат е по улогата на Среќко Шоиќ. Тој пред два месеца потпиша договор за снимање на нова српска серија, која треба да почне да се снима во септември.
Магазин | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања