Доктор Беќаровски до комисијата за заразни болести: Одлуката за 45 дена заменете ја со логичните 9-12 месеци, прележаните имаат имунитет

Доктор Нико Беќаровски на социјалните мрежи објави статус во кој ги повика колегите од Комисијата за заразни болести да ја корегираат својата одлука која се однесува на прележаните од Ковид-19, кои според последните владини мерки меѓудругото можат да влезат во објекти само во првите 45 дена по оздравувањето од вирусот.“Почитувани колеги, членови на здравствената комисија, Ве замолувам! На првиот состанок ревидирајте ја бесмисленоста на одлуката ЗА ВИСТИНСКИ ПРЕЛЕЖАНИТЕ ОД КОВИД-19 и 45 дена заменете ги со логичните 9-12 месеци. Тие луѓе веќе поминаа една голгота, ИМААТ ИМУНИТЕТ и не ги терајте со сила во прегратките на антиваксерските промотори. Одлуката еден ден по прва доза да се имаат сите права е медицински и епидемиолошки неиздржана и е погрешен начин за стимулација на вакцинацијата !!!!Драги колеги, да останеме тоа што најдобро го знаеме, ДОКТОРИ, а не политиканти!!!“, пишува тој

Коментари | пред 4 години

Кривична за 36-годишникот кој го предизвика пожарот во „Охис“

Триесет и шестгодишен жител на Кавадарци доби кривична пријава поради предизвикување на големиот пожар во кругот на поранешната фабрика „Охис“ во Скопје.„Пријавениот на 05.08.2021 околу 16.30 часот, изведувајќи работни задачи во круг на поранешна фабрика во Скопје, без да преземе мерки за претпазливост, предизвикал пожар во депонијата во фабриката, при што се опожарени нискостеблести растенија, административната зграда на поранешна фабрика, трафостаница, товарно возило, празен резервар за вода и магацин за алат“, велат од полицијата.

Скопје | пред 4 години

Две малолетнички тешко повредени во сообраќајка во Скопје

На 20.08.2021 во 20.15 часот на локалниот пат од с.Јурумлери кон нас. Драчево, скопско, се случила е сообраќајна незгода помеѓу патничко возило „пежо“, со скопски регистарски ознаки, управувано од К.Џ.(61) од Скопје и запрежно возило.Во незгодата со тешки телесни повреди се здобиле две малолетни сопатнички од запрежното возило, констатирани во Ургентен центар при Комплексот клиники „Мајка Тереза“.Увид на местото извршила екипа од СВР Скопје.

Скопје | пред 4 години

Малолетник се здоби со тешки повреди во сообраќајка меѓу мотоцикл и велосипедист

На 20.08.2021 околу 18.40 часот на крстосница во автокамп Крани, Ресен, се случила сообраќајна незгода помеѓу мотоцикл „херк“, без регистарски ознаки, управуван од малолетник од с.Крани, ресенско и велосипед управуван од В.Н.(49) од Велес, информира МВР.Во незгодата малолетникот се здобил со тешки телесни повреди, констатирани во Клиничка болница Битола.Увид на местото на незгодата извршила екипа на ОВР Ресен.

Македонија | пред 4 години

(ФОТО) Дождот ги поплави улиците во Кисела Вода

Пороен дожд го погоди главниот град и  ги поплави градските улици.На социјалните мрежи беа објавени фотографии на кои реки течат по улиците во Кисела Вода, а граѓаните имаат потешкотии при нивното движење.Метеоролозите најавуваат дека денеска во Скопје времето ќе биде променливо облачно и нестабилно со повремен пороен дожд, грмежи и засилен ветер, особено до пладневните часови.

Скопје | пред 4 години

Нема фотографија

Денес пороен дожд, утре стабилно и потопло

Времето претпладнево е облачно и нестабилно и на повеќе места има пороен дожд и грмежи. Во изминатите 24 часа, седум литри дожд на квадратен метар наврнал во Прилеп и шест во Тетово.УХМР соопшти дека локално врнежите се во форма на невреме, со засилен ветер и појава на град. До крајот на денот врнежите ќе престанат и ќе се повлечат кон југоисток.Максималната температура денеска ќе биде во интервал од 19 до 31 степени.Во Скопје е променливо облачно и нестабилно, со пороен дожд и грмежи и има услови за краткотрајно невреме со засилен ветер. Максималната температура ќе достигне 30 степени.Управата за хидрометеоролошки работи информира дека од утре до вторник времето ќе биде стабилно со постепен пораст на дневната температура.В среда повторно ќе има појава на локален пороен дожд со грмежи и засилен ветер, а во четврток, претежно на планините, ќе има услови за краткотраен дожд.

Македонија | пред 4 години

Нема фотографија

Град Скопје со нов проект за справување со Урбаните топлотни острови

Со цел намалување на ефектот на „Урбаните топлотни острови“, Град Скопје восоработка со УНДП почнува со реализација на проект за изготвување и поставување заштитни стреи на 9 утврдени пешачки острови низ Скопје.Поставувањето на заштитните стреи на пешачките острови ќе обезбедат заштитни сенки од топлина за пешаците и велосипедистите. Голем дел од пешачките острови на подрачјето на Скопје, со направени претходни студии се мапирани како места кај кои има зголемен ефект на урбани топлотни острови. Градот Скопје изминатиов период изврши мерења со користење термална камера во три дневни интервали на повеќе локации, а според резултатите утврдени се најтоплите девет точки кај кои ефектот на урбаните топлотни острови е најголем. Највисоките температури согласно мерењата на овие 9 локации се движат меѓу 50 и 55 степени целзиусови, а највисоката температура од 60,3 степени е измерена на крстосницата кај објектот на Делегацијата на ЕУ во Центар.Со цел обезбедување заштита од топлина за пешаците и велосипедистите и намалување на температурите на овие пешачки острови, Град Скопје во наредниот период ќе го реализира проектот за поставување заштитни стреи.За изработката на проектната документација, во Буџетот на Град Скопје за оваа година се превидени 10.000 евра, а за реализацијата на проектот се предвидени дополнителни 30.000 евра.

Скопје | пред 4 години

Нема фотографија

Приведен скопјанец баран со потерница

Министерството за внатрешни работи соопшти дека вчера во 16.40 часот во населба Илинден, е приведен скопјанец кој е баран со централна потерница поради изречена мерка притвор.Полициски службеници од Единицата за внатрешни работи Гази Баба - Отсек потраги, го лишиле од слобода С.Ѓ.(42) од Скопје, затоа што се барал по потерница и судска наредба за издржување казна затвор од една година и 10 месеци за сторено кривично дело по член 236 став 5 од Кривичниот законик.Тој бил спроведен во Казнено-поправната установа Затвор Скопје за издржување на казната. 

Скопје | пред 4 години

Во Штип казнети 38 возачи за брзо возење

Вчера  на подрачјето на СВР Штип при засилена акциска контрола за санкционирање на возачи кои управуваaт возило со брзина поголема од пропишаната, санкционирани се 38 возачи. Од нив 21 возач ја пречекорил брзината во населено место, а 17 надвор од населено место.„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Македонија | пред 4 години

Проверете дали ве има во избирачкиот список

Денеска започнува јавниот увид на Избирачкиот список и ќе трае до 9 септември. ДИК од денеска на увид ќе ја стави новата состојба на податоци во Избирачкиот список што ќе се користи на денот на изборите.До 9 септември граѓаните барањето за запишување, бришење или дополнување во Избирачкиот список треба да го достават писмено до подрачните единици или канцеларии на ДИК или електронски да се обратат до Комисијата и притоа да достават соодветни докази.Рокот за заклучување на Избирачкиот список со сите промени, како од граѓаните така и од политичките партии е 24 септември, додека Избирачкиот список финално треба да биде потпишан до 1 октомври.Граѓаните своите податоци во Избирачкиот список можат да ги проверат преку веб-страницата на Државната изборна комисија – www.sec.mk или на https://izbirackispisok.gov.mk/.ДИК ги интензивира подготовките за изборите, а на последната седница се донесени неколку нови упатства за изборите и програми за едукација. На 25 август се очекува да пристигнат првите 250 апарати за вчитување на отисоци од прсти и системот што ќе се употребуваат првпат на овие локални избори во Северна Македонија.Иборната кампања за првиот круг започнува на 27 септември на полноќ и завршува на 15 октомври на полноќ.Изборите, што повторно ќе се одржат со протоколи за заштита од ширење на Ковид-19, се закажани за 17 октомври. Вториот круг од изборите треба да биде на 30 октомври.

Актуелно | пред 4 години

24 починати од коронавирус, 1.074 нови заразени во Македонија

Во последните 24 часа се направени 7.571 тестирањe, а регистрирани се 1.074 нови случаи на КОВИД-19:Скопје – 357, Гостивар и Тетово – по 155, Куманово – 74, Кичево – 51, Струмица – 40, Дебар – 20, Струга - 27, Велес – 22, Прилеп – 21, Битола и Штип – по 17, Кавадарци – 16, Гевгелија – 15, Свети Николе – 13, Ресен – 11, Охрид и Кочани – по 9, Радовиш, Валандово и Кратово – по 8, Богданци – 6, Берово и Македонски Брод – по 5, Неготино, Крива Паланка, Делчево, Виница и Пехчево – по 1.Регистрирани сe 291 оздравен пациент од: Скопје – 81, Гостивар – 80, Тетово – 38, Кичево – 32, Куманово и Дебар – по 12, Радовиш – 7, Битола и Струмица – по 6, Кавадарци и Валандово – по 3, Прилеп, Штип, Свети Николе и Македонски Брод – по 2, Велес, Крива Паланка и Виница - по 1.Пријавени се 24 починати лица: по 6 починати лица од Скопје (69г,70г,73г,76г,77г и 79г), 5 починати лица од Куманово(59г,60г,67г,69г и 78г), 4 починати лица од Тетово (47г,62г 67г и 68г), 3 починати лица од Кичево (64г,67г и 77г), 2 починати лица од Гостивар (63г и 74г), по едно починато лице од Валандово (43г), Охрид (61г), Струмица (73г), и Битола (74г). Сите пациенти се починати во болнички услови.Направени се 7.571 тест преку: ИЈЗ-289, ЦЈЗ Скопје-87, ЦЈЗ Битола-114, ЦЈЗ Прилеп-73, ЦЈЗ Тетово–178, ЦЈЗ Куманово–86, Клиника за инфективни болести и фебрилни состојби-1, Судска медицина-1, лабораторија болница Козле-0, УК Пулмологија со алергологија - 3, ГОБ 8-ми Септември-0, Институт за микробиологија–120, Жан Митрев (Филип Втори)-144, Авицена-532, Биотек-394, Систина-129, лабораторија Лаор-612, Синлаб-62, Ремедика-25, Плодност–60, Генеа -5, Никоб лаб-927, ВФВ Медикал-65, Ели Медика-94, Ројал Медика – 104, ЈЗУ и ПЗУ (рапид тест) – вкупно 3.466.Досега во земјата се направени вкупно 1.093.646 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 166.741, бројката на оздравени пациенти е 151.692, на починати е 5.632, а бројот на активни случаи изнесува 9.417.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 72267, Активни 3088Куманово 9603, Активни 595Тетово 9247, Активни 1668Прилеп 8463, Активни 120Гостивар 6807, Активни 1373Битола 6517, Активни 168Велес 5586, Активни 99Кавадарци 5272, Активни 92Охрид 5271, Активни 248Штип 5071, Активни 100Струмица 4603, Активни 429Струга 3244, Активни 257Кичево 3170, Активни 475Кочани 2887, Активни 79Гевгелија 2229, Активни 32Неготино 2192, Активни 8Свети Николе 1573, Активни 41Ресен 1311, Активни 75Крива Паланка 1236, Активни 7Радовиш 1231, Активни 52Дебар 1163, Активни 168Берово 1095, Активни 52Делчево 996, Активни 21Виница 920, Активни 30Пробиштип 802, Активни 13Валандово 706, Активни 28Богданци 505, Активни 11Крушево 492, Активни 2Демир Хисар 406, Активни 6Кратово 405, Активни 28Демир Капија 400, Активни 3Македонски Брод 400, Активни 36Пехчево 287, Активни 10Македонска Каменица 250, Активни 1Дојран 134, Активни 2

Македонија | пред 4 години

Нема фотографија

Најдено решение: Продолжува печатењето на лични карти

Владата на Република Северна Македонија денеска ја одржа редовната 100-та седница со единствена точка на дневен ред на која беше разгледана Информација за надминување на актуелната состојба во врска со издавање на обрасците на новите лични карти.Соодветно на информацијата, Владата го задолжила Министерот за внатрешни работи да ги преземе сите потребни активности за донесувањето на подзаконски пропис согласно овластувањето од Законот за лични карти и да го усогласи со одредбите од Законот за употреба на јазиците со што се овозможува непречено издавање на обрасците за барање за издавање на личната карта, образецот на потврдата за поднесено барање за издавање лична карта, образецот за личната карта, постапката за издавање и замена на личната карта, како и за начинот за водење на евиденцијата за издадени лични карти.„Министерот за внатрешни работи Оливер Спасовски информираше дека подзаконскиот пропис ќе биде објавен уште во текот на денешниот ден во „Службен весник“, и со тоа ќе се овозможи веднаш да започне печатењето и издавањето на личните карти на граѓаните согласно нивните поднесени барања“, соопштија од Владата.

Македонија | пред 4 години

Ковид-19: Македонија прогласена за подрачје со висок ризик на инфекција

Германската сојузна влада ја класифицира Македонија како подрачје со висок ризик на инфекција со ковид-19, почнувајќи од 22 август, а невакцинираните ќе одат во карантин, информира Амбасадата на Германија во Скопје.Според објавата, сите патници од земјава мора да се регистрираат на порталот за влез на Сојузна Република Германија и да ја носат со себе потврдата заради контрола од страна на превозникот или Федералната полиција. Освен тоа, сите патници се должни да заминат директно во предвиденото сместување, веднаш по влегувањето во земјата и да останат таму цело време (карантин), при што не е дозволено да се примаат посетители. Начелно овој карантин трае 10 дена. Доколку патникот од Македонија поднесе доказ за вакцинација или оздравување преку порталот за влез, карантинот завршува предвреме, односно во моментот на поднесување. Исто така, може да се направи ПЦР тест или тест за антитела најрано пет дена по влегувањето и резултатот може да се испрати преку порталот за влез. За деца под 12-годишна возраст, карантинот завршува автоматски со завршување на 5-от ден по влегувањето.Амбасадата ги објавува и ограничувањата за влез за патници од Македонија.Лица над 12 години кои примиле вакцина одобрена во Германија (листа на Институтот Пол Ерлих), и се потполно вакцинирани, смеат да влезат во Германија за сите цели на патување, под услов од последната потребна вакцинација да поминале најмалку 14 дена.На децата под 12 години им е дозволено да патуваат во придружба со барем еден целосно вакциниран родител, иако самите децата не се вакцинирани. Сите останати лица без оваа заштита од вакцинација можат да влезат во земјата само ако патувањето е апсолутно неопходно, земајќи ги притоа предвид претходно наведените обврски за обезбедување докази и карантин. Одлуката за дозвола за влез ја донесува соодветната гранична полиција. Амбасадата во овој случај не може да даде индивидуални изјави.Повеќе информации може да се најдат на веб страната на Сојузното министерство за внатрешни работи.Од германската амбасада потсетуваат македонските граѓани да се информираат за важечките ограничувања за влез во другите земји во Европа кои можат да бидат транзит земји на пат кон Германија.Лицата кои патуваат итно се советуваат внимателно да се информираат за актуелно важечките правила за обврската за тестирање и карантинот на веб страната на Министерството за здравство на Германија.

Слајдер | пред 4 години

Има и вакцинирани меѓу починатите од корона

Во период од шести до 19 август на територија на државата 9881 граѓанин, се позитивни од тестирани на Ковид 19, од нив само 15% биле целосно вакцинирани, односно 1507 лица. Голем е бројот на невакцинирани граѓани кои се заразиле со Ковид-19. Според двонеделната статистика, 8374 граѓани од позитивните на Ковид-19 не биле вакцинирани, информираат од Министерството за здравство.„Процентот на хоспитализирани лица кои се невакцинирани изнесува 91%, додека само 9% од сите 724 моментално хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од две седмици на територија на државата починало 101 лице со Ковид-19, 92 пациенти од починатите не биле вакцинирани, а само 9 односно (8%) примиле вакцина. Според анализите починатите имале повеќе хронични заболувања“, соопштува МЗ.„Заразените и починатите се вакцинирани со вакцини што ги има на располагање кај нас, како и вакцини Модерна и Џонсон и Џонсон, кои некои од пациентите ги примиле во странство. Министерството за здравство укажува на важноста на вакцинација, секоја вакцина која ја имаме на располагање е безбедна, ја намалува шансата од заболување, спречува тешка форма на болеста и штити од смртен исход. Министерството за здравство апелира граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2“, се додава во соопштението на МЗ.Како што информира Министерството, за вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина.

Македонија | пред 4 години

Стојкоски за кандудатурата во Ѓорче Петров: Силно сум мотивиран да ставиме крај на поделбите, да ставиме крај на лошите одлуки, да ставиме крај на лошите решенија

Кандидатот за градоначалник на Ѓорче Петров, Александар Стојкоски од ВМРО-ДПМНЕ се заблагодари за поддршката и потенцираше дека граѓаните се и главниот мотив за одлука да се кандидира за градоначалник на Ѓорче Петров.„Искрено верувам дека во животот можеме да направиме безброј добри дела, безброј добри работи за заедницата, само ако при тоа не се ограничуваме на тоа кој ќе ги добие заслугите. Израснавме заедно и добро се познаваме! Време е да се сплотиме, време е да работиме заедно, за сите луѓе! Силно сум мотивиран да ставиме крај на поделбите, да ставиме крај на лошите одлуки, да ставиме крај на лошите решенија. Силно сум мотивиран да ги вклучиме сите луѓе, без при тоа да бараме било каков политички активизам и партиско експонирање. Силно сум мотивиран да го вклучиме целиот човечки, интелектуален потенцијал на секој еден човек од Ѓорче, сите професионалци, занаетчии, правници, пазарџии, економисти, приватни стопанственици, инжинери, лекари, архитекти, наставници, спортисти и уметници. Поаѓам од себе, а верувам дека и најголемиот дел од вас, сакаат подобро место за живеење, почиста животна средина, подобра општина која поуспешно ќе ги менаџира потребите на Ѓорчепетровци. Како лекар, имам можност, да го видам и да го слушнам народот, да му ја разберам маката и да му помогнам. Како ваш пријател и сосед, добро ги познавам секојдневните проблеми со кои се соочувате. Како родител, сакам и имам обврска да изградам поздраво општество во кое ќе растат моите и вашите деца. Да изградиме поздрава заедница за сите нас! Затоа, ќе ве замолам да ја споделите оваа видео порака, да допреме до што е можно повеќе луѓе, да добиеме што е можно повеќе предлози, да ги избереме најквалитетните решенија!“, напиша Стојкоски.

Скопје | пред 4 години

Кога би се сменил моделот на учење од септември, а со оглед на големиот пораст на заразени од корона?

Нема потреба од ширење паника и неточни информации зашто МОН и Министерството за здравство дневно ја следат состојбата и доколку добиеме препорака за промена, во истиот момент ќе бидеме спремни да промениме се што ќе ни биде кажано, изјави денеска министерката Мила Царовска, повторувајќи дека од 1 септември училиштата ќе бидат отворени за сите ученици и дека тоа е прво и најпосакувано од трите сценарија за почеток на новата учебна година.Во одговор на прашање дали ќе се ревидира одлуката поради континуираниот пораст на новозаразени со коронавирус, таа рече дека се следат препораките од здравствените власти и одлуката на Владата и Главниот кризен штаб, а моделот на настава ќе се смени ако Комисијата за заразни болести утврди да има потреба.Второто сценарио е хибриден модел – наизменично една недела едни ученици во училница, а половина од паралелката – онлајн и третиот модел, како лани – физичко присуство за една група ученици, а за друга во континуитет наставата да биде на далечина.-Најнепосакувано е второто и третото сценарио. Како што препорачуваат и од УНИЦЕФ и ОЕЦД и сите други земји кои се поразвиени од нашата, физичкото присуство е најпосакувано и најсоодветно и ние се подготвуваме за овој модел на настава, согласно препораките и на Кризниот штаб и одлуката на Владата. Во даден момент, доколку Комисијата за заразни болести утврди дека треба да го менуваме моделот, ние сме подотвени за сите три сценарија, рече Царовска при посетата на ОУ „Климент Охридски“ во Драчево каде што денеска беше претставена мобилна станица за миење раце донација од УНИЦЕФ преку УСАИД.Претставничката на УНИЦЕФ во земјава Патриција Ди Џовани рече дека е најдобро за учениците училиштата да бидат отворени и што подолго да останат отворени и дека за заштита од вирусот ќе важат истите антиковид-мерки што важат и за целата заедница.

Македонија | пред 4 години

Угостителите бараат измени на мерките, дадоа и предлози како да се влегува во кафеана

Угостителите бараат од Владата да направи измени на најновата Одлука за превентивни препораки и мерки која стапи на сила пред два дена. Тие се жалат дека со новите мерки им се намалува обемот на работа.„Во одлуката е наведено дека се воведува забрана за влез во секаков вид на угостителски објект за лицата кои не поседуваат сертификат односно потврда за извршена имунизација или сертификат за прележан ковид во последните 45 дена. Сметаме дека тука треба да се создаде можност за влез во овие објекти и за лицата кои прележале ковид-19 во изминатите 6 месеци или кои ќе приложат резултат од негативен ПЦР тест или антиген тест. На тој начин повторно се внимава на заштита на здравјето, но се создава дополнителна можност за да не бидат изолирани лицата кои не се вакцинирани, а сепак имаат стекнат имунитет или со тест докажуваат дека не се носители на вирусот“, изјави Мартин Ангеловски, потпретседател на ТУК.Одлуката предвидува од 1 септември за влез во државата да се приложи сертификат/потврда за вакцинација или потврда за прележан вирус во последните 45 денови. Но, угостителите сметаат дека и тука барањето за потврдата за прележан вирус во последните 45 дена, треба да биде заменета со потврда за прележан вирус во последните шест месеци, како што е во поголем број од државите и што е согласно препораките на стручната јавноста.„Исто така укажуваме и на потребата спроведувањето на мерките и нивното почитување да се прави без исклучоци, бидејќи сме сведоци на ситуации каде во одредени угостителски субјекти континуирано не се почитуваат мерките и препораките, а при тоа не се соочуваат до последици, напротив претставуваат нелојална конкуренција. Покрај тоа што веќе истакнавме дека вработените во угостителските објекти немаат правна надлежност и овластување за барање на документи за, лична идентификација од посетителите, а исто така укажуваме и на опасноста од појава на фалсификувани потврди за вакцинација или за прележан вирус, за кои вработените во угостителските објекти немаат никаква надлежност. Ако инспекциите утврдат таков случај, одговорност треба да се бара од носителот на сертификатот а не од објектот“, истакна Ангеловски.Ана Марија Алексова, член на ТУК презентираше дополнителни барањата кои се однесуваат на секторот туризам.„ Во одлуката во која се регулираат новите мерки е дозволено за да се влезе во државата, покрај поседување на сертификат за примена вакцина или потврда за прележан вирус да се одбере и можност 7 дневна изолација. Во овој дел бараме изолацијата да може да биде прекината по приложен негативен тест. Тоа значи дека граѓаните на самите гранични премини да се земат документ за самоизолација, а истата да може да биде прекината со приложување на негативен PCR тест или антиген тест уште во наредните 24 часа. Исто така потребно е во меѓуграничните зони да се воспостави можност за изработка на тестови за ковид-19 кои ќе бидат по достапни цени. За намалување на трошоците на граѓаните добро во мерките да се предвиди можноста за влез во државата со негативен селф антиген тест, кој може да се купи во аптека, истакна Алексова.Таа потенцира неопходно е да се земе во превид дека воведувањето на новите мерки и рестрикции значи сериозно ограничување во работата на туристичко-угостителскиот сектор поради што и треба да се планираат економски мерки за поддршка.

Македонија | пред 4 години

„Кметов на Ѓорче, откако ќе изгуби избори, ќе го праќаме на „Мистер Универзум“ со атлетски граденава фигура“, Јоци со критики

Јорданка Ивановска-Јоци го искритикува градоначалникот на Ѓорче Петров, Александар Наумовски. Таа смета дека поради изгледот треба Македонија да го прати за мистер Универзум.„Саше, кметов на Ѓорче, откако ќе изгуби избори, ќе го праќаме на Мистер Универзум со атлетски граденава фигура од многу кркање откако по грешка ѓорчепетровци му дадоа власт“, напиша Јоци.

Коментари | пред 4 години

„Ги претставуваат како нови, а тие имале функции во времето на Груевски“, Кузеска за новите кандидати на ВМРО-ДПМНЕ

Богданка Кузеска, портпаролка на СДСМ смета дека лидерот на ВМРО-ДПМНЕ, Христијан Мицкоски повторно докажал дека не верува во кандидатите, па затоа не се појавил тој да ги презентира имињата.„Она што го слушнавме во голем дел се повторно имиња кои веќе имале држвни и локални функции од времето на режимот односно од времето на Никола Груевски и може да заклучеме дека навистина ова е понуда од немај каде, како едвај да нашле кандидати кои што се спремни да изгубат на претстојните локални избори. Она што е интересно, повторно од ВМРО-ДПМНЕ не слушнавме кандидат за градоначалник во град Скопје и тоа повторно не води до заклучокот и јавноста треба да знае дека токму ВМРО-ДПМНЕ има многу мала доверба во главниот град, секако и во една од најголемите општини во градот Скопје – Центар каде што поддржуваат кандидатка од мал коалиционен партнер. Секако гледаме дека ВМРО-ДПМНЕ маки мачат со кандидатите, но она што е интересно е дека ги преставуваат како нови и свежи, а како што напоменав веќе тие имале и државни и локални функции од времето на режимот, од времето на Никола Груевски што ова го потврдува фактот дека ВМРО-ДПМНЕ не работи на никаков концепт ,,Македонија за сите луѓе“ туку ова се сите луѓе на Груевски“, рече Кузеска.

Македонија | пред 4 години

Продолжува праксата на полицијата да и бегаат лица од изолација: Осуммина заминаа од Македонија

Осум лица од Гостивар и околните села наместо да седат дома во изолација, тие заминале надвор од земјата. Исто направиле и четворица од Тетово.„На 19.8.2021 полициски службеници на СВР Тетово – Одделение за внатрешни работи Гостивар, во рамки на редовните контролни активности на лица со решенија за изолација издадени од Државен санитарен и здравствен инспекторат, утврдиле дека вкупно осум лица од Гостивар и гостиварските села Чегране, Чајле, Мало Турчане и Велебрдо, иако имале решенија за изолација и домашно лекување, не ги почитувале решенијата и заминале надвор од земјата.На 18/19.8.2021 од полициски службеници на СВР Тетово по извршена проверка било констатирано дека четири лица од Тетово кои имале решенија за изолација ја напуштиле земјата. Против лицата ќе бидат изготвени соодветни поднесоци за непостапување според здравствени прописи за време на епидемија казниво по член 206 од Кривичниот законик“, соопшти МВР.

Македонија | пред 4 години

Детали за синоќешната сообраќајка во Аеродром, загина 24-годишно момче

Доцна синоќа во населбата аеродром во сообраќајна несреќа загина 24-годишно момче од Скопје.Според информациите од МВР, загинатиот возел мотор и се судрил со автомобил „ауди 3“ на крстосница на бул.„Јане Сандански“.„На местото на незгодата починал мотоциклистот Д.А., а смрт констатирала екипа од Итната медицинска помош. Д.В.Д. и С.З. се здобиле со телесни повреди, констатирани во Комплекс клиники ‘Мајка Тереза’ и во Градска општа болница. Увид на лице место извршила увидна екипа на СВР Скопје, а по наредба на Јавен обвинител телото на починатиот е предадено на обдукција“.

Скопје | пред 4 години

Објавени уште кандидати на ВМРО-ДПМНЕ за локални, меѓу нив Тони Михајловски

Потпретседателот на ВМРО-ДПМНЕ, Владо Мисајловски на денешната прес-конференција ги објави имињата на дел од кандидатите за градоначалници на локалните избори закажани за 17 октомври.„Кандидат за градоначалник на Куманово е признатиот актер Тони Михајловски. Кандидат за градоначалник на ВМРО-ДПМНЕ за општината Бутел е Дарко Костовски. Тој е селектор и тренер на македонската таиквондо репрезентација која постигна на Олимписките игри во Токио историски резултат“, кажа Мисајловски.Д-р Александар Стојкоски е кандидат на ВМРО-ДПМНЕ за општина Ѓорче Петров, а Жарко Ристевски за општина Македонски Брод.Во општината Свети Николе, Дејан Владев ќе се бори за градоначалничкото место, а Димчо Атанасовски во општината Македонска Каменица.Елеонора Рашковска е кандидат од ВМРО-ДПМНЕ за општина Берово, Зоран Здравевски во општина Чашка.Киро Нацков во општина Градско, Д-р Маријан Миленковски – општина Пробиштип, Миле Петков – општина Виница, Александар Китански – општина Пехчево, Бошко Цветковски – општина Лозово, Виктор Паунов – Општина Карбинци, Далибор Ангелов – Општина Облешево, Коста Маневски – Општина Зелениково, Никола Најдовски – Општина Демир Хисар, Д-р Мевмед Џафери – Општина Маврово Ростуше, Кирил Пецаков – Општина Охрид.

Македонија | пред 4 години

Караџовски објасни како дошло до 1200 случаи дневно од корона, кој не го послушал за мерките?

Четвртиот бран на пандемијата што избувна од почетокот на август, според здравствените власти ќе го достигне својот пик кон крајот на овој месец. Претседателот на Комисијата за заразни болести, Жарко Караџовски, за Алсат изјави дека пациент со делта сој може да зарази 7 други лица и ги критикува властите дека не ги послушале нивните препораки да не се дозволуваат свадби во затворени простории во текот на летото.„Ако тогаш имавме десетици случаи, денес имаме околу 1.200 случаи, така што ситуацијата е неизвесна со тенденција да се влошува. Зошто ни се случува ова? Целосното непочитување на мерките во некои делови на земјата, големата организација на свадби и други забави каде што не се носеа маски, немаше дистанца ниту средства за дезинфекција и најлошото од сето - масовно групирање луѓе на мал простор. Ако ми кажете стотици, би рекол дека имаше илјадници венчавки, на кои некои заборавија дека вирусот постои.“, изјави Караџовски.Тој рече дека за да не се воведува карантин и полициски час по четврт пат, граѓаните треба да се вакцинираат масовно, за што е можно помалку време..„Мерките што ги презедовме се насочени кон мотивирање на граѓаните да се вакцинираат што е можно повеќе луѓе за да се намали можноста за ширење на вирусот. Да се ​​вакцинираат, да не одат во болница бидејќи капацитетите на нашите болници не се неограничени. Хоспитализиравме 550 пациенти низ целата земја, но во центрите за ковид имаме голем број луѓе на кои им е потребен болнички третман, имаме резервни болнички кревети. Меѓутоа, многу рано, кај нас дојде нов бран, или како што го нарекуваме, од типот на делта вирус. “, вели тој.

Слајдер | пред 4 години

За Беќаровски одлуката за вакцинација 45 дена по прележан ковид е бесмислена

Владината одлука според која имунитетот на лицата кои биле заболени од ковид-19 трае само 45 дена по денот на заразата е целосно бесмислена, смета д-р Нико Беќаровски, кој побара членовите на здравствената комисија на првиот состанок да ја ревидираат бесмисленоста на одлуката за вистински прележаните од ковид-19 и периодот од 45 дена да го заменат заменат со логичните 9-12 месеци.– Тие луѓе веќе поминаа една голгота, имаат имунитет и не ги терајте со сила во прегратките на антиваксерските промотори. Одлуката еден ден по прва доза да се имаат сите права е медицински и епидемиолошки неиздржана и е погрешен начин за стимулација на вакцинацијата! Драги колеги, да останеме тоа што најдобро го знаеме, доктори, а не политиканти! – напиша на Фејсбук д-р Беќаровски од Клиниката за токсикологија.

Коментари | пред 4 години

„Поетска ноќ во Велестово“ од денеска во Охирд

Од денеска до 22 август на повеќе локации во село Велестово и во Охрид ќе се одржи 33. издание на манифестацијата „Поетска ноќ во Велестово“.Свеченото отворање ќе биде вечерва со почеток во 21:00 часот во село Велестово, со настап на гитаристот Мартин Милески. За делото на Лазаров ќе беседи проф. Д-р Димитар Пандев, а стиховите ќе ги интерпретира актерот Ивица Цонев. Водител на програмата ќе биде Марина Димовска. Специјални гости на настанот ќе бидат учениците на годинешната 54. летна школа на Mеѓународниот семинар за македонски јазик, литeратура и култура.Истата вечер со почеток во 22:00 часот, во тремот на црквата „Успение на Св. Богородица“ во село Велестово ќе биде отворена и изложбата „Татко и син Упевче (мозаици и цркви)“ на академските уметници Славко Упевче и Никола Упевче од Охрид. Со изложба се прославува 30-годишнината од отворањето на нивното ателје во Охрид.На 21 август од 18:00 часот во кафе и бар „Шила“ во Охрид ќе се одржи интернационалното поетско читање на кое со видеопроекција ќе се претстават Кристин Омарсдотир и Сигурбјорг Трастардотир од Исланд, Надија Реброња од Србија и македонскиот поет Андреј Ал-Асади.На 22 август од 18:00 часот ќе се одржи настанот „Поезија Залез“ во селото Велестово. За овој настан планиран е настап на домашните поети: Долорес Атанасова ‒ Лори, Сашо Огненовски, Ивана Јовановска, Андреј Ал-Асади и Надија Реброња од Србија.Настаните ќе бидат организирани согласно протоколите и препораките на Владата и Министерството за здравство за заштита од ковид, со намален број на посетители и на отворено.И годинава манифестацијата е поддржана од Општина Охрид и Министерството за култура.

Охрид | пред 4 години