Уште еден ден со нов пораст: 639 нови случаи, починати се шест лица

Министерството за здравство информира, согласно податоците од Институтот за јавно здравје:Во последните 24 часа се направени 5.390 тестирање, а регистрирани се 639 нови случаи на КОВИД-19:Скопје – 218, Тетово – 113, Гостивар – 99, Струмица – 37, Куманово – 34, Кичево – 32, Битола – 17, Струга – 16, Дебар – 9, Велес и Охрид – по 8, Прилеп ,Кавадарци и Берово – по 6, Штип ,Ресен и Македонски Брод – по 5, Валандово – 4, Кочани – 3, Радовиш и Делчево – по 2, Неготино,Крива Паланка , Виница и Демир Капија – по 1.Регистрирани сe 22 оздравени пациенти од: Скопје – 8, Куманово – 5, Тетово – 4, Гостивар – 2, Струмица, Битола и Кочани – по 1.Пријавени се 6 починати лица: по 2 починати лица од Скопје (75г и 76г) и Тетово (53 г и 77г), по едно починато лице од Гостивар (58г) и Битола (79г). Сите починати лица се починати во болнички услови.Направени се 5.390 тестови преку: ИЈЗ-197, ЦЈЗ Скопје-69, ЦЈЗ Битола-102, ЦЈЗ Прилеп-36, ЦЈЗ Тетово–99, ЦЈЗ Куманово–88, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија - 4, ГОБ 8-ми Септември-9, Институт за микробиологија–1, Жан Митрев (Филип Втори)-149, Авицена-295, Биотек-248, Систина-102, лабораторија Лаор-584, Синлаб-89, Ремедика-10, Плодност–32, Генеа - 7, Никоб лаб-917, ВФВ Медикал-55, Ели Медика-36, ЈЗУ и ПЗУ (рапид тест) – вкупно 2.261.Досега во земјата се направени вкупно 1.039.272 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 159.908 бројката на оздравени пациенти е 150.635, на починати е 5.527, а бројот на активни случаи изнесува 3.746.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 70093, Активни 1257Куманово 9148, Активни 222Прилеп 8365, Активни 34Тетово 8242, Активни 864Битола 6412, Активни 90Велес 5506, Активни 29Гостивар 5683, Активни 467Кавадарци 5195, Активни 37Охрид 5096, Активни 75Штип 4988, Активни 23Струмица 4257, Активни 124Струга 3066, Активни 83Кочани 2826, Активни 29Кичево 2803, Активни 193Гевгелија 2199, Активни 2Неготино 2185, Активни 1Свети Николе 1536, Активни 9Ресен 1247, Активни 13Крива Паланка 1230, Активни 3Радовиш 1185, Активни 21Берово 1059, Активни 24Делчево 979, Активни 5Дебар 1035, Активни 81Виница 899, Активни 13Пробиштип 791, Активни 2Валандово 685, Активни 15Богданци 494, Активни 0Крушево 490, Активни 0Демир Хисар 400, Активни 0Демир Капија 399, Активни 3Кратово 377, Активни 0Македонски Брод 377, Активни 18Пехчево 279, Активни 8Македонска Каменица 250, Активни 1Дојран 132, Активни 0

Македонија | пред 4 години

Девет лица си заминале преку граница, наместо да бидат во изолација

Корона позитивни влагуваат или излегуваат од земјава, а никој не контролира. Границите се слободни за влез на иселениците без потврда за ПЦР тестови или вакцина, за излез пак не се проверуваат дали некој има решение за самоизолација. Последен е случајот каде со симптоми на ковид од Австрија дошол пар за да направи свадба во Охрид со 100 гости. Денеска во Тетово пак се регистрирани деветмина кои се позитивни а преку граница ја напуштиле земјава.Цели фамилии позитивни на ковид 19 наместо да седат во самоизолација си заминале од земјава, преку граница без никој да ги исконтролира. Полицијата за ова дознала кога не ги затекнала во домовите каде требало да ја издржуваат мерката. после вчерашните 4 вакви случаи, денеска Тетовската полиција регистрирала девет од кои една е мајка со две деца од тетово и но има и од мала речица лисец гостивар и косово.Повеќе на Телма.

Македонија | пред 4 години

Смеат ли невакцинирани келнер и готвачи да служат вакцинирани гости

Келнерите и готвачите во угостителските објекти не се обврзани да се имунизираат. За разлика од гостите кои ако сакаат да влезат во кафеана или кафуле мора да приложат сертификат.Вработените секако може да одат на работа. Целта на оваа мерка е да се спречи поголема група на луѓе односно гости кои се без доза да бидат на едно место и со тоа да се намали ризикот и од ширење на заразата Уставот на Република Македонија, според кој „се забранува секаков вид на дискриминација, па дури и по основ на здравствена состојба.

Македонија | пред 4 години

Пописот пред нов проблем

Јавниот конкурс на Државниот завод за статистика за ангажирање реонски попишувачи и инструктори за претстојниот Попис на населението, домаќинствата и становите требаше да заврши денеска, но потребниот бројот на попишувачи не е исполнет. Конкурсот беше отворен на 20 јули и првично требаше да трае до 5 август, но поради летните одмори беше продолжен до 12 август. Конкурсот и овој пат ќе биде продолжен, бидејќи бројката на пријавени не е задоволителна, вели за весникот ВЕЧЕР, директорот на Државниот завод за статистика, Апостол Симовски.-Бројката на пријавени попишувачи не е задоволителна, апликацијата ќе стои отворена. Најмногу попишувачи фалат во скопските општини, во општините со албанско население- Гостивар, Тетово, Кичево. Малку пријавени има и во Охрид, Струмица и Ново Село. Сметаме дека тоа се должи на летните одмори и на тоа што луѓето по цел ден се по земјоделски работи. Ќе продолжиме со повиците и на локално ниво, поставуваме огласи и на стамбените згради и се надеваме дека ќе дојдеме до потребната бројка, вели Симовски за весникот.

Македонија | пред 4 години

Охрид постави нови клупи

Како дел од активностите кои ги презема Општина Охрид за обновување на урбаната опрема, деновиве се врши поставувањето на нови клупи за седење на неколку локации во градот.Извршена е замена на старите и дотраени клупи во „Холандскиот парк“ и во паркот помеѓу улиците „Даме Груев“ и „Јане Сандански“.Денеска се вршеше поставување на нови клупи во паркот „Билјанини извори“, а во текот на наредните денови ќе бидат поставени нови клупи за седење на градскиот плоштад „Свети Климент Охридски“, во паркот покрај градскиот кеј, во стариот дел на градот и на неколку други јавни локации.Исто така, наскоро ќе започнат активности за замена на старите и поставувањето на нови корпи за отпадоци на најфреквентните локации во центарот на градот.За поставувањето на новата урбана опрема, согласно склучениот договор за набавка, од општинскиот буџет ќе бидат издвоени вкупно 2.252.000 денари.

Охрид | пред 4 години

Синдромот на згрутчување на крвта од вакцината „Астра зенека“ има висок степен на смртност, иако е редок

Синдромот на згрутчување на крвта кој се појавува по првата доза од вакцината „Астра зенека“ е екстремно редок, но има висок степен на смртност. Се појавува кај млади, здрави луѓе откриле научниците во Велика Британија.Кај оне помлади од 50 години, синдромот се појавува кај едно лице меѓу 50 илјади што ја примиле вакцината покажале анализите.Истражувачите испитувале 220 случаи на потврдени или сомнителни случаи кои се појавиле во болниците во Велика Британија во периодот од 22.март до 6.јуни.„Мора да се потенцира дека ваквата реакција на вакцината „Астра зенека“ е многу ретка, но за оне кај кои ќе се појави може да биде уништувачка. Најчесто ги погодува младите, здрави луѓе и има висока смртност“ – вели докторката Сју Паворд, хематолот на Универзитетот Оксфорд.Научниците дошле до заклучок дека кај 23 проценти од анализираните случаи имало смртен исход.Иако имаше извештаи за неколку случаи со згрутчување на крвта поврзани со вакцината „Фазјер“, истрачувачите потврдуваат дека синдромот е поврзан исклучиво со вакцината „астра зенека“

Слајдер | пред 4 години

Јаневска: 19 дена пред почетокот на учебната година Мила Царовска сѐ уште нема модел за настава

Интегрален текст од прес конференција за медиуми, Весна Јаневска, претседател на Комисијата за образование и наука на ВМРО-ДПМНЕ:Денес е 12 ти Август, точно 19 дена пред почеток на новата учебна година. На 19 дена пред почеток на учебната година министерката Мила Царовска, сѐ уште размислува за „сценарио“ односно за моделот за изведување на наставата од можни 3 одобрени на Влада. Едно од нив е учениците да посетуваат физички настав, а дел да следат настав онлајн. Тоа е истиот модел, истото како и минатата година кој заврши успешно со тоа што наставата се одвивала по распоред.На 19 дена пред почеток на учебната година во јавноста не е прикажан ниту еден нов учебник за прво и четврто одделение според новата Концепција за реформи во основното образование. Не видовме како би изгледал во форма на печатен учебник, односно фотокопија, ниту видовме барем еден изготвен дигитален учебник. За дигитални учебници воопшто не станува збор.Бидејќи платформа за подршка на дигиталните учебници нема, новата иновација на министерката е дека наставниците ќе ги спуштат дигиталните учебници, кои ги нема, на уредите на учениците и ќе ги обучат и учениците и родителите за користење на дигитални учебници, кои на 19 дена пред почеток на учебната година ги нема.Електронски уреди за следење на наставата исто така нема, ниту за учениците од прво и четврто одделение, ниту за останатите од ранливите групи кои минатата година останаа без уреди.Учебници за останатите одделенија кои не се по новата Концепција исто така нема.Учебници за средните стручни училишта исто така нема.На 19 дена пред почеток на учебната година свидителствата уште не се напишани и најверијатно ќе се пишуваат во последен момент во време кога бројките на заразени од корона вирусот забрзано растат.Според сето ова до сега кажано се јавува оправдан сомнеж дека е можно да се оствари едно единствено сценарио, а тоа е учебната година повторно, како и лани да почне со еден месец задоцнување. Или, можеби ќе почне по секоја цена, без учебници, без дигитални уреди, без подготвени наставници, само колку да почне без оглед на реалната состојба.

Македонија | пред 4 години

Нема фотографија

Град во Македонија со алармантни бројки на новозаразени со ковид

Последните бројки од ковид статистиката за Гостивар се алармантни. Речиси десетина од активните случаи во земјава се на територијата на трите гостиварски општини. Во текот на вчерашниот ден регистрирани се 82 новозаразени. Од компликации со коронавирусот починале две повозрасни лица. Влошената епидемиолошка состојба во градот упатените ја толкуваат со непочитување на заштитните мерки, со оглед дека најголемиот број на новоинфицирани се од семејни кластери и прослави.Од Министерството за здравство информираат дека во последните 24 часа во гостиварско имало 82 позитивни тестови на Ковид-19. Пријавени се две починати лица (67г и 72г). Во Гостивар има 370 активни случаи.Зголемениот број новозаболени го потврдуваат и медицинарите во гостиварската болница. Раководителот на инфективното одделението д-р Ратко Наумоски вели дека нагло е пораснат и бројот на пациенти на кои им е потребна хоспитализација. Одделението е речиси полно и се планира повторно отварање и прием на болни во модуларната болница.Според клиничката слика, дел од нив добиваат кислородна поддршка, а има и случаи во потешка состојба и тоа се пациенти со други коморбидитети. Амбулантски прегледи минатата недела побарале четириесетина лица, а како што вели д-р Наумоски, карактеристично е што станува збор за помлади пациенти, главно под 35 години. Порастот на новозаболени, според него, е поради непочитување на мерките за заштита.– Луѓето како да заборавија на носење маски, миење раце, одржување дистанца, иако пред два месеци предупредуваме. Сметам дека во голема мерка така е и поради укинувањето на рестриктивните мерки, нема никакви ограничувања. Во затворени простории, маска ретко кој носи, се одржуваат прослави на кои присуствуваат многу луѓе. Граѓаните без ограничување патуваат на одмори, а на граница за влез не се бара тест, потврда за вакцина, вели д-р Наумоски.Влошувањето на епдимеиолошката состојба на подрачјето го зголеми и интересот за заштита со вакцинирање во регионот Гостивар. Дневно се аплицираат од 300 до 500 вакцини. Медицинскиот персонал работи во две смени од 8:30 до 18 часот. Минатата недела биле дадени речиси 2.500 вакцини.Деновиве имаше редици пред пунктот за вакцинација. Од здравствен дом Гостивар, институцијата задолжена за спроведување на вакцинацијата против Ковид-19 велат дека се соочени со технички потешкотии во системот. Интернет врските и преоптеретеноста го прават нефункционален на периоди и го забавува работењето. Дополнително оптоварување е и тоа што медицинските власти го скратија рокот за ревакцина. Лекарите повикуваат на трпение.

Македонија | пред 4 години

Ќе го признае ли Додик геноцидот во Сребреница?

Членот на Претседателството на Босна и Херцеговина, Милорад Додик, денеска отворено го прекрши Кривичниот законик на БиХ, изјавувајќи дека немало геноцид врз Бошњаците во Сребреница во 1995 година, додавајќи дека тој постојано ќе инсистира на тврдењето, дури и ако тоа значи дека ќе мора да оди во затвор.-Апсолутно попрво би сакал да отидам во затвор отколку да признаам нешто што не се случило, а тоа е наводниот геноцид во Сребреница. Таа приказна за наводниот геноцид стана актуелна во 2002 година, седум години по настанот. Одеднаш, се околу него се актуализира и „сега се е познато“. Вистината е една и единствена – дека немало геноцид, рече Додик за белградскиот весник „Српски телеграф “.Додик додаде дека обединувањето на Република Српска со Србија, односно распадот на БиХ во нејзините сегашни граници, треба да остане долгорочна цел за босанските Срби, и покрај фактот дека во моментов не е можно да се постигне ова.-Она во што сум сигурен е дека оваа идеја треба да се живее до нејзината реализација“, рече Додик.Кон крајот на јули, поранешниот висок претставник за БиХ, Валентин Инцко, воведе измени во Кривичниот законик на БиХ, со кои се санкционираат луѓето кои јавно ги негираат воените злосторства докажани на суд, вклучувајќи го и геноцидот во Сребреница.„Кој јавно го одобрува, негира, грубо го намалува или се обидува да го оправда геноцидот, злосторството против човештвото или военото злосторство утврдено со правосилна пресуда во согласност со Повелбата на Меѓународниот воен суд, приложена на Лондонскиот договор од 8 август 1945 година. или Меѓународниот кривичен суд за поранешна Југославија; кривичен суд или суд во Босна и Херцеговина, и е насочен против група лица или член на група определена според раса, боја, вера, потекло или национално или етничко потекло на начин што може да поттикне насилство или омраза насочена против таква група на лица или член на таква група, ќе се казни со затвор од шест месеци до пет години “, се наведува во измените одредби од Казнениот законик, што стапија на сила на почетокот на август.Понатаму е прецизирано дека прекршителите на оваа законска одредба, кои се службени лица или одговорни лица или вработени во владини тела или било кое тело финансирано од буџетот, ќе бидат казнети со најмалку три години затвор.Веднаш откако Инцко ги наметна измените во кривичниот закон, Обвинителството на БиХ потврди дека тие започнале да ги собираат потребните информации, а досега се започнати истраги за најмалку дваесет случаи, но нема потврда за кого се однесуваат истрагите.Новиот висок претставник за БиХ, Кристијан Шмит, кој ја презеде функцијата на 1 -ви август, рече дека е подготвен да ги искористи овластувањата што му стојат на располагање, кои вклучуваат можност за отстранување на избраните функционери, како „црвена линија“ што тие никако не треба да ја минат и заради која би требало да сносат последици, опишувајќи го загрозувањето на територијалниот интегритет и суверенитет на БиХ.

Актуелно | пред 4 години

Ангелов поверувал дека е украдена пила од пожарникарите, бидејќи делегација на ВМРО-ДПМНЕ се мотала наоколу

Директорот на Центарот за управување со кризи, Стојанче Ангелов, истера мајтап со ВМРО-ДПМНЕ. Овој негов чекор наиде и на критики, дека наместо да биде сериозен во време кога Македонија остана без белите дробови, а и натаму беснеат пожари, тој тера сатира по социјални мрежи. Многумина сметаат дека не е време за мајтап, туку само за работа.Ангелов во објавата демнатира дека е украдена моторна пила од австриските пожарникари.  

Коментари | пред 4 години

СДСМ го обвинува Мицкоски, откако ВМРО-ДПМНЕ кажа дека парите за прослава требаше да се пренаменети

Во продолжение интегрално Ви го пренесуваме соопштението на СДСМ:Мицкоски е заглавен во етнички поделби, Рамковниот договор е фундамент на државата и граѓанскиот концепт на соживотОхридскиот Рамковен договор е мировен договор кој ја отслика фактичката реалност - дека фундаментот на државата е граѓанскиот концепт на соживот меѓу македонскиот народ и другите етнички заедници.Жалиме што и после 20 години, безидејните политичари како Христијан Мицкоски се уште обидуваат својата политичка егзистенција да ја остваруват преку сеење поделба меѓу граѓаните.ВМРО-ДПМНЕ не може да избега од сопствениот учинок во црните страни на нашата понова историја.Воениот конфликт во 2001 се случи за време на владеењето на ВМРО-ДПМНЕ, кога бегалецот и осуден криминал Никола Груевски беше министер за финансии.Охридскиот рамковен договор како документ кој донесе прекин на воените дејствија е потпишан и од ВМРО-ДПМНЕ.Бегањето од одбележување на 20 годишнината од Рамковниот договор е тешко политичко лицемерие кое потврдува дека ВМРО-ДПМНЕ сеуште е заглавена во поделбите по етнички линии.“Македонија на сите луѓе” се покажа дека е уште една лага, не се прави со игнорирање на концептот на граѓанска држава и со промовирање чисто етнички политики.Македонските национални интереси не се штитат со бегање, туку со решавање на проблемите.Ако политичкиот пироман Христијан Мицкоски не е свесен дека сме полноправна членка на НАТО Алијансата ќе го освестат граѓаните кои ќе го казнат на претстојните локални избори.

Македонија | пред 4 години

Над еден милион дози против корона се искористени во Македонија

Во Македонија се дадени над еден милион дози вакцини против коронавирус, соопшти Министерството за здравство.Од таму наведуваат дека интересот за вакцинација од пред два дена е значително зголемен. На вакциналните пунктови во државата и на терен, заклучно со вчера вакцинирани се вкупно 561.912 граѓани. Прва доза вакцина вчера примиле 8.914 граѓани, а вчера вкупно се вакцинирале 16.020 граѓани.Во државата вкупно се аплицирани 1.016.700 дози вакцини, а ревакцинирани се 454.788 граѓани.Со последните бројки 66% од населението над 70 години имаат примено барем една доза вакцина, 64% од населението над 65 години е вакцинирано со барем една доза вакцина, 60% од населението над 60 години е вакцинирано со барем една доза вакцина и 50% од населението над 50 години е вакцинирано со барем една доза вакцина.

Македонија | пред 4 години

Не се гледа ниту каде, ниту како се вози, полицијата секојдневно казнува стотици за брзо возење

Во текот на вчерашниот ден (11.08.2021) Министерството за внатрешни работи спроведе зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 346 возачи.Од нив, 20 возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 167 возачи ја пречекориле брзината во населено место, а 179 надвор од населено место.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 4 години

Плажите во Охрид се чистат во две смени

Градоначалникот на Охрид, Константин Георгиески објави за тоа што сработело Комуналното претпријатие изминатиот ден:✅Активности за подигање на соборени дрвја на неколку локации во градот, по вчерашното невреме;✅Расчистување на дива депонија од кабаст отпад и градежен шут на потегот во населбата "Свети Стефан";✅Расчистување на диви депонии од кабаст отпад во населба "Далјан";✅Чистење на манастирскиот комплекс "Света Петка" во пресрет на манифестацијата "Вечер на Живко Чинго";✅Двосменско чистење и подигање на отпад од плажите.

Охрид | пред 4 години

Шилегов одреди термини за прскање против комарци

Градот Скопје ги информира граѓаните дека на 14.08.2021 година (сабота) и 15.08.2021 година (недела), во раните утрински часови, на подрачјето на градот Скопје ќе се врши авионска дезинсекција против комарци.Терестричната дезинсекција против комарци, пак, ќе се одвива од 16.08.2021 година (понеделник) до 20.08.2021 година (петок), во периодот од 22 до 03 часот, наредниот ден.Доколку временските услови не дозволуваат да се прска, авионската дезинсекција ќе се изврши првиот нареден ден, кога ќе бидат поволни временските услови, во истиот термин.Се известуваат пчеларите навреме да ги преземат потребните мерки за заштита на пчелите.

Скопје | пред 4 години

Арачиновец приведен бидејќи се сомничи дека девет пати извршил разбојништво во центарот на Скопје

По преземени мерки и активности, вчераво 15.00 часот на бул.„Гоце Делчев“, полициски службеници од Полициската станица Центар го лишиле од слобода Х.З.(20) од с.Арачиново, скопско.Тој се сомничи дека во периодот од 22.06. до 10.08.2021 на кеј „Димитар Влахов“, на потегот од црквата Св.Богородица до МРТВ, извршил девет кривични дела „разбојништво“.Тој бил приведен во полициска станица и во присуство на Јавен обвинител било извршено препознавање од страна на оштетените. По целосно документирање на случаите против него ќе биде поднесена пријава по член 237 од Кривичниот законик.

Скопје | пред 4 години

Два пожари се изгаснати, но два и натаму горат

Состојба со пожарите до 8.00 часот на ден 12.8.2021 година:Пожарот кај с.Дивље и с.Крушје е сеуште активен и се шири кон ливади со сува трева. На пожарот ќе се продолжи со гаснење во текот на денешниот ден. Интервенираат ШС Караџица со 12 вработени; БППЗ со 5 пожарникари и 2 ПП возила.Пожарот кој во текот на ден 11.08.2012 година навлезе во атарот на с. Џидимирци (опш.Велес). Во раните утрински часови на ден 12.08.2021 година, екипа на ШС Бабуна Велес излегле на терен и констатирала дека во текот на ноќта врнело дожд и истиот е изгасен. Пожарот кај с.Раовиќ е изгаснат,Интервенирале: АРСМ со 20 припадници; ШС Јасен со 3 вработени; НП Јасен со вработени; БППЗ со 3 пожарникари со 1 ПП возило. Хеликоптери на АРСМПожарот кај с.Топлица, поточно од с.Ракле кон с.Крстец е изгаснат Интервенирале: ШС Црн Бор Прилеп со 6 вработени

Македонија | пред 4 години

За пожарите во Делчево се сомничат две лица, а пожарите ги гаснат и 579 полицајци

Во текот на изминатото деноноќие, во периодот од 07.00 часот на 11.08.2021 до 07.00 часот денеска (12.08.2021) во активностите за гаснење и превенирање на пожарите на територијата на Република Северна Македонија, од страна на МВР беа ангажирани 579 полициски службеници, реализирани 187 мото-патроли и користени 149 возила, a на терен се и припадниците на сите специјални единици на полицијата.На 10.08.2021 во Полициска станица Делчево, во врска со пожари кои настанале на подрачјето на ОВР Делчево, на службен разговор биле повикани две лица на возраст од 57 и 47 години, од с.Нов Иственик и од с.Црник.МВР апелира строго да се почитува забраната за движење во шумските предели, граѓаните максимално да се воздржат од палење огнови, отпадоци, меѓи и стрништа на нивите, да не се фрлаат неизгаснати догорчиња и да не оставаат стаклени шишиња или други предмети, кои подолго време изложени на сонце, можат да предизвикаат пожар. Неопходна е максимална будност и целосно одговорно однесување на секој поединец.

Македонија | пред 4 години

За една недела, дупло повеќе активни заразени во Македонија, статистиката загрижува

Пред седум дена во земјава имаше помалку од 1.000 активни случаи на Ковид-19. Според статистиката на Министерството за здравство од 5. август, во Македонија имало 955 активни случаи. Со зголемувањето на новозаболените заклучно со вчерашната статистика, во земјава има 3.135 активни случаи, што за една седмица е зголемување од 2.180 новозаболени.Бројката рапдно се зголемува во последните неколку дена, а вчера и ден претходно новите случаии надминуваат и 500 за 24 часа.Во последните два дена и смртните случаи се зголемија, во вторникот имаше четири, а вчера беа региститрани осум починати лица од последици од Ковид-19 .Највисоки бројки на активни случаи и на новозаболени имаат Скопје и Тетово. Во Скопје бројот на активни случаи се искачи на 1053, а во Тетово 755. Следи Гостивар со 370 активни случаи, Куманово – 193, Кичево – 161, Струмица – 88, Битола – 75, Дебар – 71, Охрид и Струга со по 67 активни случаи. Во другите градови се под 50 заразени, а Богданци, Крушево, Демир Хисар, Кратово, Дојран и Неготино сè уште се без позитивен случај.Вкупниот број ковид-дијагностицирани лица во земјава од почетокот на епидемијата изнесува 159.269 на оздравени пациенти е 150.613, на починати 5.521.Здравствните власти во земјава континуирано апелираат на масовна вакцинација. Најавените рестриктивни мерки кои треба да бидат во сила од понеделник, а во најголем дел се однесуваат на ограничувања кон невакцинираните, во последниве денови го зголемија интересот за имунизација.На вакциналните пунктови во државата и на терен, заклучно со завчера вакцинирани се вкупно 552.263 граѓани. Прва доза вакцина завчера примиле 8.202 граѓани, а вкупно се вакцинирале 14.928 граѓани. Во државата вкупно се аплицирани 998.876 дози вакцини, а ревакцинирани се 446.613 граѓани.

Македонија | пред 4 години

Ќе се намалат ли температурите?

Времето утре ќе биде сончево и малку посвежо со мала до умерена локална облачност. Ќе дува слаб до умерен, а вдолж Повардарието засилен ветер од северен правец. Минималната температура ќе биде во интервал од 12 до 20, а максималната од 31 до 37 степени.Во Скопје ќе биде претежно сончево со умерен, попладне повремено засилен северен ветер. Минималната температура ќе биде 18, а максималната ќе достигне до 35 степени.Според најавите од УХМР од утре следува период на стабилно и топло време со просечни температури за овој период од годината.До сабота ќе дува умерен, повремено засилен северен ветер.

Македонија | пред 4 години

ВМРО-ДПМНЕ смета дека наместо за прослава за Рамковниот договор, парите треба да се потрошат за реконструкција на училишта

Прославата за рамковниот договор наместо државна агенда, стана партиско политичка промоција, обвини ВМРО-ДПМНЕ.„Ако вистински се грижеа за духот на рамковниот договор тогаш парите од прославата ќе беа попаметно да се пренаменат и дадат за реконструкција на училиштата во тетовско, гостиварско, кумановско или за решавање на проблемот со вода за пиење во Тетово. А, секако најдобро ќе се искористеа и за сервисирање на канадерите за гасење на пожар“, велат од партијата.Наместо тоа додаваат од таму, коалицијата на власт даде предност на криминалот, наместо соживотот.„Најголемата закана за рамковниот договор е токму власта која го поделува народот на тие кои се со нив и народот кој не е. Воедно треба власта да одговори дали прославата на рамковниот и одложување на мерките заради прославата не значи доказ за целосно политизирање на процесот и воедно лажната грижа за здравјето на граѓаните. Оттука ВМРО-ДПМНЕ ниту претседателот Мицкоски нема да учествува во таквиот декор. Нема потреба од партиска предизборна парада во услови на тешка економска и здравствена криза, рамковниот договор е завршена работа. Парите можеше да се искористат за многу други цели“, велат од ВМРО-ДПМНЕ.

Македонија | пред 4 години

Директорката на Пазарен ќе стане поголем полицаец од МВР, нарачките ќе и стигнуваат од Заев, обвинуваат од ДПМНЕ

Интегрално ви го пренесуваме соопштението на ВМРО-ДПМНЕ:Државниот пазарен инспекторат и директорката Анита Симеска по насока на Заев ќе стане поголем полицаец од МВР. Не само што новите мерки немаат никаква логика, туку и директорката Симеска не знае што се случува, ни како истите да ги примени.Нарачките ќе и стигнуваат на Симеска директно од Заев, објектите во кои ќе влегува Државниот пазарен инспекторат и дискриминаторски мерки кои ќе ги спроведуваат како да се полиција, ќе бидат единствено на штета на граѓаните и угостителите.Ова е класично системско потфрлање на неспособната власт која го доведе народот целосно да осиромаши.Фашистичкото однесување на власта продолжува, дали следно власта ќе ги проверува граѓаните кои се возат во автобусите на ЈСП за сертификат за вакцина, дали следно ќе се бара сертификат за вакцина од граѓаните кои користат меѓуградски превоз?Ваквото однесување на власта и партиските институции на Заев посочуваме дека сериозно ќе донесе дополнителни поделби во општеството, дискриминацијата на вакцинирани и невакцинирани граѓани е само уште една нелогичност резултат на неспособноста од власта која велеше дека во септември ќе се прогласи крај на пандемијата.Политиката на репресија и константен притисок на Заев резултираше со затворање на над 5000 фирми во земјава само за шест месеци, колку фирми сега ќе затворат новите фашистички мерки на власта?Ова владеење на СДСМ и Заев е погубно и за економијата и за егзистенцијата на илјадници граѓани, но е и по цена на животите.Казната за оваа невидена катастрофа именувана како Зоран Заев ќе ја добие од истите оние граѓани кои ги дискриминира и ги оштетува со лошите политики.

Македонија | пред 4 години

Амбасадорката на САД му влезе на Ангелов во ЦУК

Амбасадорката на САД, Кејт Мари Брнз, денеска беше во посета на Центарот за управување со кризи. За ова објави директорот Стојанче Ангелов кој кажа дека остварил средба.„Целта на средбата беше претставување на тимот од Шумската служба на САД, којшто како поддршка од УСАИД на националните напори за справување со шумските пожари, во наредните две недели ќе пружи поддршка на субјектите и на ЦУК на стратешко и тактичко ниво, но и ќе се програмираат активности за понатамошна соработка. Амбасадорката Брнз имаше и куса средба со членовите на Главниот штаб за управување со кризи, којшто е во постојано заседавање, при што беше информирана за актуелната состојба и справувањето со пожарите“, напиша Ангелов.

Македонија | пред 4 години

Ќе се вратат ли учениците во училиштата? Министерството има став!

Министерството за образование и наука (МОН) интензивно се подготвува за започнување на новата учебна година од 1 септември, во услови на пандемија, преку пристап со кој ќе се обезбеди непречено одвивање на наставата, но и заштита на јавното здравје, информираат оттаму.„Oд вкупно 31.447 лица вработени во училиштата, вакцинирани се околу 60 отсто и апелираме наставниот и останатиот кадар во училиштата да се вакцинира со цел да го заштитат сопственото, а со тоа и здравјето на најблиските. За непречен почеток на новата учебна година системот за образование е подготвен за три сценарија кои се усвоени на владина седница. Првото за кое воедно и се залагаме, затоа што е од најдобар интерес на учениците и нема подобра алтернатива е целосно отворање на училиштата и сите ученици да бидат во клупите, согласно сите усвоени протоколи. Второто сценарио предвидува наставата да биде како и во 2020/2021 која што се покажа како успешна и ефективна – дел од учениците да посетуваат настава со физичко присуство под посебни протоколи, а дел да реализираат онлајн-настава и третото сценарио предвидува ротирање на учениците на една недела со физичко присуство во училиштата, за да нема нивно целосно затворање. Кое од трите сценарија ќе се применува ќе зависи од епидемиолошката состојба за што одлука ќе донесе Комисијата за заштита од заразни болести“, информира МОН.Во меѓувреме, МОН заедно со локалните самоуправи и директорите на училиштата е во интензивна комуникација и се подготвува за сите три сценарија и за успешен почеток на новата учебна година на 1 септември

Македонија | пред 4 години

Најчевска му одржа лекција на Груби: Под паролата “повеќе етнички Албанци во администрацијата“ се вработија: непрофесионални и партиски неработници

Интегрално го пренесуваме писанието на професорката Мирјана Најчевска:Груби ни вели: “Ништо лошо не и се случи на Северна Македонија од Законот за територијална поделба, ништо лошо не и се случи на Северна Македонија од Државниот универзитет во Тетово или Универзитетот Мајка Тереза. Ништо лошо не и се случи на Северна Македонија од вработувањето на Албанците и другите во државната администрација...“Всушнос се случи.1. Етнички базираниот Закон за територијална поделба, наместо административно, функционално и финансиски одрживи целини кои ќе овозможат задоволување на потребите и интересите на граѓаните, ја расцепка територијата на бесмислени парчиња, кои имаат 0д 500 - 200000 граѓани и кои претставуваат бастиони на партиите, а не услужни структури за граѓаните.2. Државниот Универзитет во Тетово ни од далеку не исполнува услови да се смета за акдемска структура и придонесува за дезавуирање на високот образование пред се на етничките Албанци, но и на сите граѓани на Република Северна Македонија.Во исто време, тој доведе до натамошно раздвојување на академската заедница и отсуство на било каква комуникација и соработка.3. Ја дотолче државната администрација.Прво, наместо критериуми врз основа на мерит систем беа промовирани критериуми врз основа на етничка припадност.Второ, етничките Македонци во администрацијата добија изговор да работат помалку и полошо. Трето, се разгоре партизацијата наместо професионализацијата на администрацијата. Четврто, се вработуваше таму каде што не треба, а останаа празни места таму каде што треба. Петто, ДУИ доби стабилно гласачко тело кое е во потполна зависност од партијата со што се устоличи во власта. Шесто, партиите на етничките Македонци ја искористија коњуктурата за ерупција од неконтролирано и неодговорно вработување во администрацијата на сите партиски кадри. Значи, не се работи за тоа дека се вработија етнички Албанци во администрацијата, туку за тоа дека под паролата “повеќе етнички Албанци во администрацијата“ се вработија: непрофесионални, партиски неработници, кои ја уништија шансата за реформа на администрацијата. И, секој од овие елементи посебно и уште повеќе, сите заедно, се спротивни на духот на Охридскиот рамковен договор, кој требаше да го промовира граѓанското, а не етничкото.

Коментари | пред 4 години