На барање на Министерството за транспорт и врски утре во период од 9 до 14 часот на територијата на општина Охрид и општина Струга ќе се спроведе дезинсекција против ларви од комарци. Активноста ќе се спроведе на просторот од Студенчишкото блато до Подмоље. Центарот за јавно здравје ќе извршува контрола на дезинсекцијата на територијата на Општина Охрид.
Македонија | пред 4 години
На 28 јули 2021 година (среда), Телото за управување со ИПАРД и Агенцијата за финансиска поддршка во земјоделството и руралниот развој, ќе одржат информативно- едукативен настан во Oпштина Охрид во 11:00 часот.Инфо деновите се со цел подобра информираност на заинтересираните странки во врска мерката 7 од ИПАРД Програмата 2014-2020 и поставување на прашања и добивање на одговори за сите странки кои се заинтересирани за аплицирање по оваа мерка.Јавниот повик 01/2021 за мерката 7 е објавен на 8-ми јули 2021 година и во тек е доставувањето на Барањата за користење на средствата со цел до 22-ри август 2021 година сите заинтересирани странки да ги достават комплетно пополнетите Барања за користење на средства и целокупната документација до Агенцијата за финансиска поддршка во земјоделството и руралниот развој.
Македонија | пред 4 години
Владата денеска одржа тематска седница посветена на 20-годишнината од Охридскиот рамковен договор.Во своето обраќање на седницата премиерот Заев потенцира дека оваа значајна годишнина се совпаѓа и со 30-годишнината од независноста на нашата земја, со 80-годишнината од народното востание и 20-годишнината од потпишувањето на Договорот за стабилизација и асоцијација како наш прв чекор во остварувањето на целта за членство во Европската Унија.Премиерот потсети дека една од првите приоритети на листата на новоформираната влада во 2017 година било заокружувањето на нормативниот дел, кој произлегувал од Охридскиот договор.„Тогашната влада, во која министри беа и поголем дел од овој актуелен состав, ја исполни обврската, која непотребно се одолжуваше од сите претходни влади и го донесе Законот за употреба на јазиците. Со Законот за употреба на јазиците, како и со сите други законски измени и подзаконски акти за правична застапеност, се заокружија одредбите од Охридскиот рамковен договор, кој беше потпишан на 13 август во 2001 година и со кој се стави крај на конфликтот и кој беше прифатен како гаранција дека сите прашања од интерес на заедниците во нашата земја ќе се решаваат преку дијалог и во институциите“, истакна Заев.Премиерот нагласи дека Охридскиот договор ставил крај на конфликт, кој со себе понел и жртви и кој спречил, како што рече, нашата заедничка татковина да стане место на продолжен конфликт и на општество без надеж за мирен живот.„Во моменти кога соживотот и меѓуетничката толеранција беа ставени на најголемиот тест покажавме дека ние проблемите ќе ги решаваме преку институционалниот систем и никако поинаку. Покажавме дека сакаме да живееме сложно и обединетo, да напредуваме сите заедно. И сето тоа беше постигнато во тесно партнерство со Европската Унија, Соединетите Американски Држави, НАТО и ОБСЕ. Денес тоа е и нивна успешна историја, што заеднички ја одбележуваме“, рече Заев.Со Охридскиот рамковен договор, додаде тој, нашата држава е постабилна и побезбедна, со загарантирана меѓуетничка толеранција и посилна социјална кохезија. Заедно се развиваме како држава во која шансите за благосостојба се еднакви за сите како членка на НАТО и идна членка на ЕУ.„Се определивме за политики што ја градат Република Северна Македонија како граѓанска држава на сите што живеат во неа: Македонци, Албанци, Турци, Срби, Власи, Роми, Бошњаци и сите други заедници. Прифативме дека Македонците како мнозински народ во нашата земја имаат одговорност да креираат политики и атмосфера за негување, заштита и унапредување, афирмација и поддршка на употребата на сите други јазици на припадниците на граѓаните што живеат во нашата земја“, потенцира премиерот.„Нашата определба да градиме и негуваме општество еднакво за сите, нашата цел да изградиме граѓанско општество, истовремено со почит кон социјалните, етничките, националните, верските и културните разлики е посебноста и суштината на нашето заедништво.Тоа заедништво што се градеше со векови за нас претставува обврска за нашата заедничка иднина“, истакна Заев.Првиот вицепремиер и министер за политички систем, Артан Груби, во своето обраќање истакна дека одбележуваме годишнина на еден значаен документ, кој, како што рече, донел мир, ги променил Уставот и општеството и ги отворил евро-атлантските перспективи.Груби информира дека во организацијата на Владата со оваа тематска седница почнуваат низата настани со кои ќе се одбележува 20-годишнината од Охридскиот рамковен договор со слоганот „По Охрид“.По серијата активности во повеќе градови, во кои ќе бидат вклучени повеќе институции, централниот настан ќе се одржи на 13 август, на денот кога е потпишан Охридскиот рамковен договор.На тој настан, организиран во соработка со Универзитетот „Колумбија“ од Њујорк, е потврдено учеството на државниот врв, но и на пријателите од меѓународната заедница и на протагонистите што учествуваа во процесот на постигнување на Охридскиот рамковен договор, како што се Питер Фејт, Дејвид Слин, Роберт Сери, Бренда Пирсон, Пол Вилијамс, Дејвид Филипс и други.
Македонија | пред 4 години
Согледувајќи ја лошата финансиска состојба на Друштвото предизвикана од намалените приходи како и направената анализа на распишаниот јавен оглас за нови вработувања во Пошта објавен во дневните весници “Слободен печат“ и “Коха“ во изданијата од 24-25.07.2021г укажува дека 80% од посочените вработувања не се во согласност со реалните потреби на Друштвото, односно со цел за поголема ефикасност, продуктивност и мотивација во работењето, тие испразнети работни места може да се пополнат со внатрешно прераспоредување на постоечките кадри во самите Подружници и Дирекција, се вели во соопштението од Синдикатот на Македонска пошта.Во продолжение на дописот тие додаваат:Имено, Ставот на Синдикатот на Македонска пошта и вработените е дека само неколку испразнети работни места кои не се повеќе од 5 до 7 работни места, односно 20% од вкупниот број на објавените вработувања во огласот со високо образование се оправдани од причина што за нив се бара соодветно образование и истите претставуваат реална потреба за пополнување со нови вработувања, додека пак останатите 80% од објавените работни места се крајно непотребни и непродуктивни, а истите може да се пополнат со внатрешно прераспоредување од постоечките кадри согласно нивниот работен стаж и искуство, имајќи во предвид дека за тие работни места не е потребно соодветно образование, односно истите може да се реализираат и со било кое друго високо образование.Исто така, Друштвото не спроведе постапка на информирање и консултирање со Синдикатите и не побара мислење за ова прашање кое директно ќе има импликации на останатите вработени, нивните плати, како и на опстојувањето на Македонска пошта. На тој начин постапката е спроведена спротивно на Законот за работните односи, конвенциите на МОТ и директивите на ЕУ за информирање и консултирање.Од горе изнесените аргументи, Синдикатот на Македонска пошта со ова соопштение го повикува Генералниот директор да ја преиспита одлука за распишување на јавен оглас за вработување на нови триесет и еден административен работник имајќи ја во предвид лошата финансиска состојба и можноста поголемиот дел од испразнетите работни места да се пополнат со внатрешно прераспоредувања од постоечките кадри и со тоа да се овозможипренамена на планираните средства за нови вработувања, истите да се наменат за зголемување на платите на вработените кои повеќе од 30 години не се зголемени и истите се далеку под просечна плата, а особено загрижувачко е нивото на плата на 80% од вработените кои се во технолошкиот процес каде што нивната плата е приближна на минималната плата. Потребата за пренамена на средствата за зголемување на платите се дотолку оправдана и неопходна со оглед на секојдневните зголемувања на цените на основните намирници за живот, а секое поскапување ја продлабочува нашата долгогодишна борба за пристоен и достоинствен живот на нашите семејства.Барањето за зголемување на платите е во согласност со Меморандумот за соработка и разбирање од 18.12.2019 год во кој Работодавецот и Синикатите се обврзуваат за изнаоѓање решение за реализација за зголемување на платите на вработените.
Македонија | пред 4 години
Министерството за здравство информира, согласно податоците од Институтот за јавно здравје:Во последните 24 часа се направени 3.839 тестирања, а регистрирани се 39 нови случаи на КОВИД-19:Тетово – 14, Скопје – 12, Гостивар – 5, Куманово – 4, Кичево – 2, Битола и Валандово – по 1.Регистрирани сe 12 оздравени пациенти од: Тетово – 6, Скопје, Гостивар и Дебар – по 2.Не се регистрирани починати пациенти.Направени се 3.839 тестови преку: ИЈЗ-126, ЦЈЗ Скопје-36, ЦЈЗ Битола-52, ЦЈЗ Прилеп-35, ЦЈЗ Тетово–22, ЦЈЗ Куманово–42, Клиника за инфективни болести и фебрилни состојби-0, Судска медицина-3, лабораторија болница Козле-0, УК Пулмологија со алергологија 0, ГОБ 8-ми Септември-10, Институт за микробиологија–2, Жан Митрев (Филип Втори)-63, Авицена-252, Биотек-197, Систина-66, лабораторија Лаор-338, Синлаб-29, Ремедика-18, Плодност–46, Генеа–10, Никоб лаб-559, ВФВ Медикал-18, Ели Медика-9, ЈЗУ и ПЗУ (рапид тест) – вкупно 1.906.Досега во земјата се направени вкупно 959.456 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 156.124 бројката на оздравени пациенти е 150.307, на починати е 5.491, а бројот на активни случаи изнесува 326.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68823, Активни 118Куманово 8917, Активни 36Прилеп 8335, Активни 7Тетово 7391, Активни 94Битола 6312, Активни 2Велес 5478, Активни 4Гостивар 5209, Активни 21Кавадарци 5156, Активни 1Охрид 5025, Активни 6Штип 4964, Активни 3Струмица 4130, Активни 5Струга 2986, Активни 5Кочани 2796, Активни 4Кичево 2609, Активни 10Гевгелија 2196, Активни 1Неготино 2184, Активни 0Свети Николе 1526, Активни 1Ресен 1234, Активни 0Крива Паланка 1227, Активни 0Радовиш 1162, Активни 1Берово 1032, Активни 0Делчево 974, Активни 1Дебар 949, Активни 5Виница 886, Активни 0Пробиштип 789, Активни 0Валандово 668, Активни 1Богданци 494, Активни 0Крушево 490, Активни 0Демир Хисар 400, Активни 0Демир Капија 396, Активни 0Кратово 377, Активни 0Македонски Брод 359, Активни 0Пехчево 269, Активни 0Македонска Каменица 249, Активни 0Дојран 132, Активни 0
Македонија | пред 4 години
И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска изјави дека датумот за одржување на локалните избори останува ист, односно 17 октомври.„Датумот, според предлогот од работните групи во кој учествуваат сите политички партии е 17, односно нема промени на датумот кој е утврден во самиот Изборен законик и досега. Имаше дилеми заради трите дена поклопување на пописот со кампањата, но на крајот се одлучи трите дена не менуваат ништо, пописот е активност којашто финишира преку ден, кампањите се водат навечер. Впрочем, пописот секојпат се држел 20 дена, овој пат се определени 30 дена, може навистина да се заврши порано. Има доволно време, нема потреба од какви било промени на датумот за изборите“, изјави Заев.Тој објасни дека предлогот за прагот на поднесување на независните листи е 2 проценти од вкупниот број избирачи.„Ако има општината 10.000 избирачи, треба 200 потписи за да се поднесе независна листа. Ако има 50. 000 избирачи, треба 1 000 потписи за да се поднесе независна листа“, додаде Заев.
Македонија | пред 4 години
Познатото дуо „Сирилик“ (Cyrilic), браќата Андреј и Бојан, го преработи хитот на Роберт Билбилов од 2008 година, „Јас те губам“. Во новата верзија, вокалот е на Лина Пејовска. Музиката и текстот се на Роберт Билбилов, а видеото е изработено од 351Studio, во комплетна продукција на „Скај ај ентертејнмент“.„’Јас те губам’ е песна создадена од чиста љубов кон македонските фанови и македонската музика. Оригиналната песна пред 13 години беше голем хит на овие простори и буди спомени од едно поинакво време на македонската сцена. Спакувана во модерен летен звук дефинитивно носи носталгија, но и свежина во македонскиот етер“, велат Сирилик.Пред почетокот на пандемијата тие имаа одличен период со повеќе интернационални изданија, вклучувајќи ја соработката со Јова Радевска, но и последниот сингл со наслов Keep Fighting, кој има околу 350.000 стримувања на „Спотифај“, но и успеси на радијата ширум светот. Во тој период постојано настапуваа низ Македонија и во регионот, а имаа и впечатлив настап во Рим, Италија во клубот „Шаривари“. Момците беа резервирани и за настапи во Лондон и други европски градови, но тие не се реализираа поради пандемијата. Од друга страна, тоа им дозволи повеќе слободно време за продуцирање на нови матерјали во студио.„Во текот на изминатата година навистина имавме доволно време да се посветиме на создавање нова музика која што допрва ќе излегува. ‘Јас те губам’ е проект кој што го направивме буквално од љубов за фановите тука“, вели Андреј.Тој и Бојан најавуваат нови интернационални проекти веќе од септември, со класичен модерен звук, но и мали примеси на автентичен ориентален звук. За нивната кариера се грижи „Скај ај ентертејмент“.„Со голем интензитет се полни календарот со датуми за настапување. Ме радува што повторно сме со публиката и се забавуваме подобро од било кога“, додава Бојан и вели дека веќе работат на EP и на албум
Магазин | пред 4 години
Алијанса за Албанците го повикува премиерот Зоран Заев итно да се повлече од вчерашните обвинувања кон јавната администрација и да им се извини на сите администратори.Амнестирање на министри и директори од корупција и обвинувањето на администраторите за неодамнешните проценки на Стејт Департмент е само низок обид да се дефокусира јавното мислење и силен удар врз оние кои веќе работат под постојан притисок и во мизерни услови.Во време кога имаме јавни докази за корумпирани министри и директори, разрешени и осудени функционери, поранешниот директор на Здравствено осигурување, „пациентот“ кој дури е унапреден во поранешен генерален секретар на Владата, ваквите изјави на премиерот Зоран Заев јасно покажаа дека во Владата не постојат само криминал и корупција, туку и организиран криминал.Итно да запрат нападите и нападите врз јавната и државната администрација, тие и онака имаат голем притисок и условувања за време на изборните процеси, ниски плати и тешки услови за работа, се вели во соопштението од Алијанса за Албанците.
Македонија | пред 4 години
Струга има 329 дивоградби за кои општинските градежни инспектори имаат изготвено активни решенија за уривање, дознава „А1он“. Ниту еден од овие објекти не може да биде легализиран, бидејќи се изградени по 2011 година. Од нив, 44 објекти се на крајбрежниот заштитен појас.Општината има и 4.040 дивоградби кои треба да се отстранат бидејќи барањата за легализирање им се одбиени. Наспроти овие податоци, Мерко во неколку наврати уверуваше дека во Струга нема дивоградби.Повеќе во видео истражувањето на „А1он“.Продолжува…
Македонија | пред 4 години
Денеска Регионалниот центар за управување со кризи, РЦУК, Тетово во 18.30 часот, на повик од чешки планинар на Шар Планина во реонот на месноста Лешница, организираше и кординираше акција за спасување на повреден планинар, а и за пронаоѓање на целата група планинари (околу 7 планинари) од Чешка којашто се имаше изгубено во природата на планината. Целата комуникација, се до нивното проаоѓање и згрижување на повредениот (со скршеница на рака) се остваруваше до 20.25 часот.РЦУК Тетово, заедно со субјектите од Системот за управување со кризи (СУК) коишто во моментот можеле брзо да реагираат, биле во постојана комуникација (со планинарите на англиски јазик) и се координирале за да ги искористат сите можности за да се спасат планинарите заедно со повредениот, пред настапот на ноќта. Активностите се одвивале паралелно од повеќе субјекти. Додека дел од припадниците, конкретно пожарникарите на Територијалната противпожарна единица ТППЕ Тетово и полицајците на СВР Тетотво, кои први - веднаш при првиот контакт, тргнале да ги бараaт планинарите на непристапниот дел од планинскот регион, возилото од Брзата помош од Тетово, со помош на другите субјекти и РЦУК Тетово (по определување на координатите на теренот согласно и според последните јавувања на изгубените планинари) се доближило на можната најблиска точка за средба за да се згрижи повредениот планинар до непристапниот терен, согласно проодноста на планинските патишта. На задоволство на сите ангажирани од РЦУК Тетово и СУК, планинарите се пронајдени, извлечени од планината, а повредениот планинар, со скршеници на раката, е згрижен.Инаку, секако и неодминливо, во вакви случаи на брзо спасување во теренски услови е добредојдено и големато искуство на припадниците СУК, како што е во овој случај на ова спасување на планинарите, како што е на ТППЕ Тетово кои со својот командир покажуваат на дело голема професионалност и координација на терен прво со припадниците на СВР Тетово, а и со другите субјекти од СУК, во реални услови на справување со кризни ситуации од било каков вид. Да потсетиме, ТППЕ Тетово беше со своја специјализирана противпожарна теренска екипа и теренско ПП возило во спасувачки противпожарна акции дадоа реален придонес и во други општини, како на пример при справувањето со големиот и непредвидлив пожар над Галичник во почетокот на мај, годинава.Ваквите случки не потсетуваат дека секоја прошетка во планина има потреба да се свати сериозно и во поглед на внимавање и за организација и план за безбедно враќање од страна на организаторите, а ако нешто несакано се случи, секако и да се има сериозни капацитети за барање и спасување во планински услови на дејство на СУК во сите годишни времиња. Токму во тој правец и Центарот за управување со кризи (ЦУК), со своите активности, од почетокот на оваа година и со средби и со активности на терен покажа на можен правец и за искористување и анимирање и на силите на невладините организации во поглед на спасувачки акции во планински услови во сите годишни времиња, особено при лоши временски и теренски услови. Оваа случка има среќен крај, нема жртви иако во одреден период била многу драматична особено за планинарите со еден повереден колега, но ја покажува сета сестрана сериозност со којашто е потребно општеството да пристапи во системски трајни одговори за вакви и слични кризни ситуции, согласно и современите текови во кризниот менаџмент.
Македонија | пред 4 години
Поранешната министерка за култура, Елизабета Канческа-Милевска, во интервју за Канал 5 тврди дека не преговарала со власта за да гласа за уставните измени во Собранието за промена на името, а за возврат да добие некакви привилегии за судскиот случај „Тендери“ што се води против неа.Таа тврди дека интересите на државата и биле на прво место и дека од сегашна дистанца можело да се заклучи дека воопшто немало никакви преговори за случајот што се води против нејзе, со оглед на тоа што се уште траел и таа редовно се појавувала во суд.„Лично по мое сопствено убедување и сметав дека конечно треба сите да се издигнеме над партиските ставови кога станува збор, пред сè, за интересите на државата и кога се одлучува за стратешките приоритети на државата. Поуките коишто можеме да ги извлечеме се тие, верувам дека и ВМРО-ДПМНЕ како партија може да извлече поука, а тоа е дека за суштински прашања кои се од најголем итерес за државата треба да бидеме вклучени во дебата“, истакна Канческа-Милевска.
Македонија | пред 4 години
За каква правда зборуваме кога Елизабета Канчевска - Милевска, реализаторот на СК2014 (чиј потпис е на сите документи и тендери) активно била дел од организацијата на 27 април со тројцата осудени, активно потроши 500 мил.евра за ,,античкиот град", а за НИШТО не е осудена!Осудете го Миле за сè и сите и да не гледаме више театар!🎈„Јанакиески: Бети те молам утре да го пратиш Владо Јовановски, ќе залепи многу јако. Ај за мој Прилеп.Канческа – Милевска: Да оди во Прилеп?Јанакиески: Да, БетиКанческа – Милевска: Договорено“, напиша на својот Фб профил новинарката Јорданка Ивановска Јоци.
Македонија | пред 4 години
„Нема да барам одговорност од вицепремиерот за борба против корупцијата. Никаде во највисокиот ешалон, дури и во вториот, не е пронајдена корупција“, изјави премиерот Зоран Заев како одговор на прашањето како го коментира последниот извештај на Стејт Департментот за инвестициската клима за 2021 година.Според него, нема корупција кај министрите и директорите, туку по анализите таа е пронајдена во административното функционирање на јавните институции.Официјален Вашингтон во последниот извештај на тапет ги стави полицијата, судството и многу други сектори.„Спроведувањето на антикорупциските закони на моменти е слабо, при што селективно се таргетираат критичари на власта и престапници од низок калибар. Има кредибилни обвинувања за корупција во полицијата/обвинителството, судството и многу други сектори.“ – се вели во Извештајот на Стејт Департмент.
Македонија | пред 4 години
Со тапани и свирчиња не се прави ни тероризам ни нарушување на уставниот поредок. Денешната одлука на судот за предметот наречен “Организатори на 27.” е резултат на општата атмосфера во судството (и во државата). Атмосфера во која судство ги живее најтешките години на страв од казна од извршната власт, разрешување па дури и прогон на судиите доколку не пресудат согласно политички создадената атмосфера од власта. Дури и ако власта не вршела директен притисок на судот, кој верувам дека го вршела, доволно е само веќе поставената политичка атмосфера и клима во земјата за сите политички судења, а особено за ова.Поинаку неможе да се разбере одлуката на судот да ги прогласи виновни обвинитетите за т.н. случај “Организатори на 27”, напиша на својот Фб профил екс премиерот Никола Груевски, кој ја коментира денешната пресуда за обвинетите од 27 април.Во продлжение ви ја пренесуваме објавата од Груевски во целост:Па обвинетите веќе беа осудени и во самиот наслов на предметот: “организатори на 27.”. Насловот не остава простор за поинаква пресуда, бидејќи тој однапред кажува дека обвинетите се виновни, дека се организатори, а судот се очекува само да го потврди тоа.Замислете судот за овој предмет да донесеше ослободителна пресуда, каква што гледано според доказите и правдата требаше да се донесе. Да кажеше: “неможеме некој да прогласиме виновен на база на претпоставки, во отсуство на докази”.Тоа ќе значеше дека на 27. Април немало организиран од некого од тогашната власт влез во парламентот и немало нарачани физички пресметки, како што и всушност беше. Ќе значеше дека имало спонтана реакција на поголем број граѓани предизвикана од чекорите на тогашната опозиција а денес власт а поврзано со незаконскиот избор на претседател на Собранието. Тоа ќе ја срушеше главната политичка теза на извршната власт за овој настан кој непрекидно ја повторува цели четири години. Што ли ќе ги снајдеше судиите потоа во атмосфера кога секоја недела без посебен повод се разрешуваат судии, претседатели на судови и уште на дел од нив им се отвораат судски постапки по разрешувањето, па се доведува во прашање и нивната слобода. И кога истовремено политички подобните судии се унапредуваат во повисоки судови и како додатна награда им се вработуваат на значајни места членови на нивните семејства.И атмосфера на постојани закани кон судиите дека се следени од некаква комисија која директно или индиректно ја составува власта, дека се под надѕор нивните предмети и одлуки и дека комисијата може да тропне на вратата на сите судии во секој момент. Ова незначи дека ги бранам сите судии и дека некои можеби не се оправдано разрешени, но факт е дека сме сведоци на невидена досега хајка во судството од страна на извршната власт, паралелно со хајката против стотици припадници на спротивната политичка опција на власта, за кои одлуки треба да носат оние кои веќе се под напад. Ова не ги ослободува судиите од одговорност за носење незаконски, неправедни и без докази пресуди, но ја опишува актуелната атмосфера во која постапуваат.Не, во ваква атмосфера власта веќе немора да се јавува и да дава инструкции на судиите. Може слободно јавно да говори и спротивно на одлуката на судот. Судиите гледаат што им се случува и реагираат согласно тоа. Не случајно и врховните судови на Шведска и Грција, одбивајќи да прифатат екстрадиции наведуваат дека во Македонија нема услови за фер судење. Не е тоа случајно.Власта ја има завршено работата со илјадниците изјави на највисоките политичари и носители на извршната власт со кои пораката е веќе пратена, обвинетите однапред се преставени за виновни уште пред судењето да почне, пропратено со силна подршката на медиумите под нивна контрола кои се најголем дел од сите медиуми и зацименторано со прогонот на судиите во овие четири години. Не на сите.На неподобните за власта и “непослушни” судии.Од она што можеше да се разбере, судот наведувајќи докази дека обвинетите ги подржувале мирните протести преку охрабрување на партиски припадници да излезат на мирните протести кои траеа цели 60 дена, барање свирчиња или тапани, ги прогласи за виновни за сосема нешто друго: организација на насилен влез во парламент и тепање пратеници. Претпоставките се преставија како докази. Наводните докази за подршка на мирни протести се преставија како докази за организирање упад и физички пресметки во парламентот. Тоа е неправедно и оваа пресуда еден ден ќе падне бидејќи е нереална и под општ или конкретен политички притисок изнудена.Со тапани и свирчиња не се прави ни државен удар ни тероризам, ни загрозување на уставниот поредок. Ниту со какво сакате толкување на деловник за работа на парламентот или препратени пораки од еден на друг политичар, за тоа кој што чул од некого, без никаква сигурност дали е тоа точно.Такви пораки тогаш а сигурно и денес (и во иднина), си препраќаат не само политичарите од една партија, туку и сите други луѓе секаде во светот, во склоп на нивното работење и професионален фокус.Тргнувајки уште од првата реченица обвинението е не само фалично, туку и лажно. Таму се тврди дека јас сум ги организирал и телефонски сум издал инструкции на обвинетите да организираат насилен влез во парламентот и тепање на пратеници. Во ред, но каде се доказите за тоа? Да речеме дека не е важно што јас велам, дали го негирам тоа или не. Да речеме дека мене не треба да ми се верува, ниту на обвинетите. Затоа прашувам: каде се доказите за тоа? Тоа што член на моето обезбедување имал телефонски разговор со неговиот брат додека јас сум давал интервју за медиуми во Австрија? Добро. Каде е доказот дека во тој разговор се пренела моја инструкција или дека јас сум издал наредба по телефон? Ве молам, не претпоставка. Во судството барем се суди со докази, а не со претпоставки.Бидејќи доказ непостои, и неможе да постои бидејќи тоа е невистина , судот прифати претпоставка. Ако грешам, нека ме исправат и нека го покажат доказот а не претпоставката дека во тој момент сум издал некаква наредба директно или преку член на моето обезбедување. Во која нормална земја во светот судот суди на база на претпоставка?За трулоста на системот говори уште еден ситен, но не безначаен детал. Од почеток кога се читаше обвинението во судницата, па до читањето на пресудата се протнува една реченица со еден збор кој никогаш не сум кажал никаде и никогаш, а тоа е дека граѓаните не требало да седат дома во “папучи”. И никој ниту проверува дали сум го кажал тоа, ниту презентира доказ дека сум го кажал. Само превземаат еден од друг и истот станува и дел од пресудата со која се одредуваат затворски казни. Дали треба да верувам дека сите во ланецот направиле превид и некој им подметнал без да проверат и тоа во ситуација кога веќе го објавив тоа?Она што го имам изјавено е дека само народот може да си ја спаси државата, но во контекст на тогашното наше барање за нови предвремени парламентарни избори, веднаш одкако победничките партии на изборите во 2016 година не постигнаа договор, а поразената СДСМ излезе со нови позиции поврзани со тиранската платформа кои не ги објави пред изборите и за дел од чекорите гласачите не беа свесни кога гласаа за нив. Но, поентата е друга: не се важни фактите, туку целта ги оправдува лажните обвинувања. Целта ги оправдува средствата.Се презентираа телефонски пораки дека наводно обвинетите охрабрувале членови на партијата да излезат на протести и дека наводно сакале да се најдат повеќе свирчиња и тапани: “Ми требаат сите тапани на свет”, беше прочитано денес од судот како поткрепа на “вината” на обвинетите. Во ред, но дури и да било така, дури и да подржувале мирни протести на чии учесници сакале да им ги донесат “сите тапани на свет”, се прашувам дали е тоа противуставно и противзаконски?Дали во Македонија е кршење на закон ако се подржуваат мирни протести цели 60 дена? Дали има пораки или било какви докази од типот: “влезете во парламентот и скршеше ги вратите”, “претепајте ги пратениците на СДСМ” или “убијте” некого. Нема ни такви, ни слични.Напротив колку што разбрав има пораки од некој од обвинетите до пратениците на ВМРО-ДПМНЕ од типот: “одете горе во прес салата”, по што дел од нив одат и ги смируваат тензиите.Затоа велам дека судот под притисок на власта очигледно мораше како и речиси во сите досегашни политички предмети во минатите четири години да осуди некого со претпоставки.Денешната пресуда е една од многуте политички мотивирани пресуди, изнудени со еден или друг вид политички притисок над судството од извршната власт но и поединци од парламентарната власт, припадници на власта. Ништо не е поразлично од комунизмот, кога безмилосно тогашната власт со лажни сведоци, со претпоставки за кои јавноста се убедуваше дека се докази се елиминираа сите кои не беа подобни за комунистичкиот режим. Не само заради нив, туку и за да видат другите и да живеат во страв.Комунизмот падна.Ќе дојде време и ќе паднат и оние нивни наследници кои користат исти или слични методи. Комунистите кои правеле злодела, од новите демократски власти за своите злодела не понесоа кривична одговорност. Можеби затоа нивните наследници се охрабрени да владеат со слични методи.
Македонија | пред 4 години
Во последните 24 часа во Македонија се потврдени 10 нови случаи на коронавирус, две лица починаа, а 16 пациенти оздравеа, соопшти Министерството за здравство.Направени се 2.473 тестирања. Во Скопје има седум нови случаи и во Прилеп , Тетово и Струга – по еден.Пријавени се две починати лица од Гостивар (67г) и Тетово (62г), починати во болнички услови.Досега во земјата се направени вкупно 955.617 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 156.086 бројката на оздравени пациенти е 150.295, на починати е 5.491, а бројот на активни случаи изнесува 300.
Македонија | пред 4 години
Деновиве Стејт департманот на САД, во објавениот извештај за Северна Македонија, уште еднаш потврди дека обвинителството, полицијата и судството РСМ се целосно опфатени со висока корупција и дека владата не покажува смелост да се бори против оваа појава. Ова е уште еден дополнителен доказ дека со владењето на СДСМ-ДУИ државата отстапил од европската агенда, станувајќи хибриден режим, кој државните институции и парите на граѓаните ги става во функција на личните придобивки, истакна на денешната прес конференција Орхан Муртежани.Муртежани додаде:Диагностифицираната ситуација од Стејт департманот на САД се објаснува и со извештајот на ‘’Transparency International’’, каде Северна Македонија бележи постојан пад и се наоѓа на 111-то место.Северна Македонија може да го врати на евро-интеграциоскиот пат само со влада која апсолутен приоритет ја има борбата против корупцијата на секое ниво и на секоја државна институција. Но сега веќе нема никакво сомневање дека оваа влада не е достојна за таква мисија.
Македонија | пред 4 години
„Препораките кои што ги имавме во 2017 година и кои беа на сесија во Баку 2019 год, ние имавме задолженија да ги завршиме до јуни 2020 година. Но, реактивната мисија дојде само после шест месеци и извештајот кој беше сега на разгледување на сесија не ги содржеше сите напредоци. Сега периодот што го добиваме и одлуката која сега ја донесе комитетот за светско, природно и културно наследство на УНЕСКО е многу подобра него таа во Баку, затоа што сега имаме цели две години да работиме посветено, храбро и одлучно и да ги спроведеме препораките“, истакна градоначалникот Константин Георгиески, одговарајќи на новинарски прашања на тема УНЕСКО.„Јас одговорно ви тврдам и ви гарантирам дека сите задолженија кои се во надлежност на Општина Охрид ние ќе ги завршиме како и до сега и во однос на исполнувањето на препораките ќе треба исто така и надлежностите кои се под министерство за култура, транспорт и врски исто така да ги исполнат. Мислам дека оваа одлука сега е еден значителен исчекор напред и Охрид е во далеку подобра состојба него во 2019 година со тој ултиматум кој што го имавме до јуни 2020 година“, категоричен е Георгиески.Градоначалникот вели дека и општината но и Владата со сите институции се цврсто решени да ги корегираат сите неправилности кои се како забелешка на УНЕСКО, се со цел Охрид да остане под закрило на оваа институција.„Не е само старото градско јадро надлежност на транспорт и врски, а тоа ќе го извршува Агенција за просторно и урбанистичко планирање за тие 19 урбани блока во старото градско јадро, кое е едно од забелешките на УНЕСКО. Но тука се и поставување на нови траси за пругата према Лин, Албанија, нова траса за автопатот Ќафасан - Требеништа, дислокацијата и решавањето на Буково ... Инаку ние како општина имаме задача согласно новите препораки, согласно одлуката на комитетот од вчера да ги исчистиме сите објекти кои се за отстранување, да ги усогласиме барем 30% од детелните урбанистички планови во градот со планот за УНЕСКО, а се надевам дека до изборите и ГУП -от конечно ќе го донесиме. Наша друга надлежност е реажурирање на инвентарот на бесправните објекти и следна фаза по расчистување на крајбрежјето, најверојатно во 2023 година, да почнеме со расчистување на објектите кои се во Нацоналниот парк Галичица.
Македонија | пред 4 години
ЕКО ИНФО🌿✅Чистење и подигање на отпад од кругот на поранешната касарна, по одржаните концерти;✅Чистење на обраснато зеленило на пешачката патека кон Горица и патот кон село Лакочереј,✅Чистење на наноси од земја и камења на патниот правец кон село Велестово;✅Редовни активности за уредување на парковското зеленило;✅Тековно чистење на плажите.
Македонија | пред 4 години
Oваа Локална власт со поддршката на Владата на Република Северна Македонија и во соработка со сите надлежни институции е цврсто одлучена да стави крај на долгогодишниот хаос, злоупотреби и узурпации на најатрактивната зона од заштитениот појас, истакна градоначалникот на Охрид, Константин Георгиески и додаде:Сите нелегални градби кои претставуваат опасност за регионот и се во спротивност на режимите на заштита ќе бидат отстранети, согласно новите препораки на УНЕСКО, Планот за управување, законските процедури и нема да има никаква селективност во постапките.
Македонија | пред 4 години
Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика.Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се намалуваат за 1,5 денар за литар, додека малопродажната цена на ЕУРОДИЗЕЛ (Д-Е V) се намалува за 1 денар за литар.Малопродажната цена на Мазутот М-1 НС се намалува за 1,138 денар за килограм.Од 27.7.2021 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 71,00 (денари/литар)Моторен бензин ЕУРОСУПЕР БС -98 73,00 (денари/литар)Дизел гориво ЕУРОДИЗЕЛ БС (Д-Е V) 60,00 (денари/литар)Масло за горење Екстра лесно 1 (ЕЛ-1) 62,00 (денари/литар)Мазут М-1 НС 36,880 (денари/килограм)
Македонија | пред 4 години
Државната комисија за спречување на корупцијата денеска и официјално ја достави до Уставниот суд Иницијатива за оценување на уставноста на Законот за утврдување јавен интерес и номинирање стратешки партнер за имплементација на проектот за изградба на инфраструктурниот коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и коридорот 10 Д (делница на автопатот Прилеп – Битола) во Република Северна Македонија, и побара уставните судии да донесат времена мерка за стопирање на неговата примена до конечно произнесување на Уставниот суд, објави ТЕЛМА.Членови на Антикорупциската комисија потврдија дека ја поднеле иницијативата затоа што сметаат дека копманиите за патиштата треба да се избираат во тендерски постапки и согласно Законот за јавни набавки, а не преку lex specialis решенија со законска сила.Текстот во целост на: ТЕЛМА.
Македонија | пред 4 години
Денеска на градските гробишта во Бутел, домашни и странски делегации положија цвеќиња пред споменикот на загинатите од катастрофалниот земјотрес во Скопје во далечната 1963 година.Во чест на загинатите, венец положи и официјална делегација на Град Скопје, предводена од градоначалникот на Град Скопје, Петре Шилегов, а составена од секретарот на Град Скопје, Викторија Аврамовска-Мадиќ и претседателката на Советот на Град Скопје, Љубица Јанчева. Пред Споменикот цвеќиња положи и делегација на Советот на Град Скопје, составена од советниците Бранко Георгиевски, Ирена Попова и Бојан Ивановиќ.Со положување цвеќиња почит на жртвите во земјотресот во Скопје што се случи пред 58 години, дадоа и делегации од државниот врв на Република Северна Македонија, делегации составени од претставници од политичките партии, делегации од општините во градот Скопје, претставници од Црвениот крст на град Скопје, претставници од јавните претпријатија и културните установи на Град Скопје, претставници од институции во нашава земја, граѓани, како и делегации од странство во нашава земја.
Скопје | пред 4 години
Успесите и испорачаните резултати на Општина Охрид во насока на исполнување на препораките на УНЕСКО, беа едни од најважните причини поради кои Комитетот на светско наследство на УНЕСКО, на вчерашната седница, одлучи да ни даде уште една шанса и дополнителен рок за зачувување на Статусот на заштитено подрачје на Охридскиот регион.Остануваме посветени, ги обезбедуваме најдобрите услови и ги реализираме најдобрите мерки со кои ќе ги зачуваме вредностите на нашиот Охрид!Им порачувам на сите еколошки организации, поединци и политички партии, кои беа наши дежурни критичари и секојдневно отвараа негативни теми во јавноста, во иднина да покажат поголем степен на свесност и преку конкретни предлози и проекти да дадат поддршка на целокупниот процес за заштита на непроценливо богатство кое го ни е оставено како аманет, напиша во својата ФБ објава градоначалникот Георгиески.
Македонија | пред 4 години
Поранешниот претседател на Собранието Трајко Вељаноски е осуден на шест години и шест месеци затворска казна. Ексминистерот за образование Спиро Ристовски доби казна затвор од шест години и три месеци, во која му се засметува времето поминато во притвор и куќен притвор. На ексминистерот за транспорт Миле Јанакиески му е изречена шест години и три месеци во која му се засметува времето поминато во притвор и куќен притвор. Ексдиректорот на УБК, Владимир Атанасовски доби шест години затворска казна, во која му се замсетува притворот и куќниот притвор.„Виновни се затоа што по неуспешните преговори за формирање на Влада, изготвиле план со намера да го загрозат уставниот поред и безбедност на Македонија со акти на насилство за да не се предаде мирно власта. Како отежителни околности се тежината на кривичното дело е позицијата на обвинетите, умислата на обвинетите, општествената опасност од таквиот вид на кривични дела бидејќи се повреди сржта на претставничката демократија, степенот на кривична одговорност кои делувале како организатори, што се посегна по редовното функционирање на Собранието. Според судот овој кривично правен настан е плански мотивиран, смислен, реален за да се зачува власта. Судот ги ценеше како отежителна околност и загрозувањето на животот на пратениците, дејствијата кои биле преземени. Ваквите отежителни околности ги доведе во корелација со олеснителните околности дека се родители на малолетни деца, фактот дека против обвинетите Ристовски, Вељановски, Атанасовски не се водат други кривични дела, однесувањето на обвинетите во постапката, соработката со судот, обезбедување на голем број на сведоци со оглед на краткиот рок на доставување на судска постапка, изразеното жалење за настаните. Судот не можеше да не ја земе во предвид дадената амнестија дадена со Законот за амнестија. Дел од амнестираните лица беа исто така високи лица во државата. Ова упатува за ублажување на казната“, рече Трпков читајќи дел од обвинението.Судијата Илија Трпков даде објаснување за причините поради кои ја судечкиот совет ја донел пресудата.„Случувањата на 27.04.2017 ќе бидат запаметени како настани без преседан. Четири години по настанот има правосилна пресуда за лицата кои извршија упад и насилно влегоа во Собранието. Во ова обвинение главен организатор е наведен Никола Груевски, кој е во бегство и бара азил. Да се врши насилен упад во пармалентот кој е испланиран и во тоа да учествуваат високи функционери е застрашувачко. Државата се брани со срце, ум, правилни потези. Времето и историјата ќе покажат што било правилно а што не. Државата не се гради, ниту брани со насилство. Дали ќе се случеше насилниот упад ако не беше испланиран? Се разбира дека не. Само со план можеше тоа да се случи. Советот ги ценеше сите докази на странките, секој поединчено. Само целината на доказите може да даде одговор на многу прашања. Не се суди на ВМРО-ДПМНЕ, СДСМ, друга партија, туку на конкретни лица“, рече Илија Трпков.
Македонија | пред 4 години
Група на ФБ Скопје Skopska од новинарите бара да истаржат кој расфрла медицински отпад на гробиштата во Бутел. Во објавата тие пишуваат:Искрено се надеваме дека ќе го истражите овој проблем, кој не само што се провлекува години наназад, туку од ден на ден се повеќе ескалира, медицински отпад, картонски и пластичен смет расфрлан низ гробиштата во БутелОва е моменталната состојбата на гробиштата во Бутел, во реонот на православните гробови во Алеа 2.Расфрлан медицински отпад помеѓу гробните парцели, искористени шприцеви, игли, стаклени шишенца, амбалажи од антибиотици, гази, памук, шишиња за инфузии, се вели во објавата:Тие додаваат:Од другата страна, купишта картонски и пластичен смет и остатоци од исушени гранки до висина од еден метар, кои ги попречуваат патеките, кои ги поврзуваат гробните парцели.Дали ние граѓаните на Скопје, кои одиме да изразиме почит кон нашите најмили, кои заминаа од овој свет заслужуваме ваков потресен призор, иако, секој од нас редовно плаќа гробарина за одржување на гробиштата на Акционерското друштво за погребни и придружни активности Бутел?На нивната веб страница стои:Гробарина е надомест за одржување на гробиштата. Одржување на гробишта е тековно и инвестиционо одржување на комуналната инфраструктура и придружните објекти на гробиштата.Одржувањето на надгробниот споменик на гробното место го врши носителот на гробното место.Носителот на гробното место се обврзува редовно да плаќа гробарина на управителот на гробиштата заради одржување на гробиштата. Цената на гробарината годишно изнесува 320,00 денари, со можност да се плати однапред за наредните 5 години.Ако ние, кои ги посетуваме гробовите на нашите блиски ги почитуваме правилата на Бутел, секој сам да се грижи за одржување на надгробниот споменик на гробното место, за кој платил предходно и бездруго огромна сума пари, и за кој еднаш годишно плаќа гробарина, тогаш зошто тие, со средствата кои им ги уплаќаме на нивна сметка, не се грижат за комуналната инфраструктура на гробиштата, како што и самите напишале дека се обврзуваат?!И зошто се навикнавме на оваа состојба, проблемите да се провлекуваат години наназад без да се превземе одговорност и да се сменат работите на подобро?!
Скопје | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања