(ВИДЕО) Комплетно реконструирана улицата "15-ти Корпус" - Охрид доби модерен и уреден влез

Со реконструкцијата на улицата "15-ти Корпус" Охрид доби модерен и уреден влез на еден од главните приоди кон градот, напиша на својот ФБ профил градоначалникот на Охрид, Константин Георгиески.Градоначалникот во објавата додава:✔️Улицата е во должина од 1900 метри✔️Поставен е нов асфалт на коловозот✔️Извршена е замена на атмосферската канализација✔️Комплетно се уредени пашачките и велосипедските патеки од двете страни на улицата✔️Поставено е ново осветлување✔️Поставена е нова современа хоризонтална и вертикална сигнализација✔️Поставена нова водоводна линија и изградени се три потпорни ѕидови✔️Проектот е со вкупна вредност од 58 милиони денари.👍Продолжуваме посветено да работиме и да инвестираме во сообраќајната инфраструктура. Охрид заслужува современ урбан развој.

Македонија | пред 4 години

Георгиески и Заев официјално ја пуштија во употреба улицата „15-ти Корпус“ - комплетно реконструирана по сите најсовремени стандарди

Заедно со премиерот Зоран Заев денеска официјално ја пуштивме во употреба улицата „15-ти Корпус“, која е комплетно реконструирана по сите најсовремени стандарди, Напиша на својот Фб профил градоначалникот Константин Георгиески.Во продолжение на објавата градоначалникот додава:☑️Охриѓани добиваат уште една вредна капитална инвестиција која значително ги подобри условите за безбеден сообраќај.☑️Драго ми е што како локална и централна власт целосно ја препознаваме важноста на инфраструктурата како основа за подобрување на условите за живот на граѓаните и тоа што континуирано реализираме инвестиции кои придонесуваат за развој и напредок.

Македонија | пред 4 години

Заев: Каква и да е одлуката на УНЕСКО Охрид и Охридското Езеро се нашето богатство што мора да го чуваме

Независно каква ќе биде одлуката на Комитетот за Светско наследство при Организацијата на ОН за образование, наука и култура за статусот на Охридскиот регион во УНЕСКО, тоа е нашето културно наследство, природно богатство кое што мораме да го чуваме, истакна од Охрид премиерот Зоран Заев.– Она што е уништено со децении наназад, впрочем дури и од создавањето на заштитата на УНЕСКО до денеска и во последните 11 години под раководство на ВМРО-ДПМНЕ со целото мегаломанство, целата негрижа, навистина е мал периодот да се врати се во нормала. Но, благодарение на градоначалникот, неговиот Совет, на општинската администрација со сите аргументи кои што беа претставени од претставниците на Охрид, од Министерството за култура, мојот кабинет кои што се во постојана дебата вчера, а богами и денеска, навистина се менува сликата заради тие резултати што досега се постигнати. За нас е мотивација, и за државната власт и за локалната власт, да продолжиме. Сите знаеме дека Охрид ќе продолжи да се развива и мора да се развива. Не треба да биде запрен развојот на Охрид. Но, тоа мора да биде по план, така што максимална поддршка ни треба пред се од граѓаните. Каква и да биде денеска одлуката ние ќе ја почитуваме. Некој пат како што беше до пред вчера прифативме дури и ставањето под опасност значи аларм кај нас уште повеќе да бидеме фокусирани. Ќе ни биде драго и особено ќе го почитуваме ако го дадат тој дополнителен рок што ќе дискутираат таму на тие заседанија, затоа што не е ред светот да води грижа пред се за Охрид, ред е ние да водиме грижа дома и верувам дека ќе успееме, истакна премиерот Заев.Заев вели оти бил задоволен што експертската јавноста гледа оти се работи на зачувување на охридскиот регион.„Сите знаеме дека Охрид ќе продолжи да се развива и мора да се развива. Развојот на Охрид не смее да биде запрен, но тоа мора да биде според план. Ни треба малсимална подрршка од граѓаните“, порача Заев и додаде дека каква и да биде денешната одлука за УНЕСКО, власта ќе мора да ја почитува.Запрашан дали доколку биде поместен регионот на Листата светски приодни и културни богатства во опасност ќе биде побарана одговорност од институциите, премиерот истакна:– Одговорноста не можете да ја лоцирате, ниту во нашите, ниту во меѓународните закони, заради тоа што тоа низ времето е дозволено се. На крајот државите немаат за цел да санкционираат или да отворат постапки судски, правни, или какви било. Главната цел е да не се повтори тоа што го довело Охрид, Охридското Езеро и охридското крајбрежје и целиот заштитен регион за да воопшто се дискутира тоа. Да ни биде поука и да учиме. Охрид, нашето прекрасно Охридско Езеро треба да го чуваме такво какво што природата и Господ ни го дариле. И верувам дека ќе успееме во тоа, а притоа да се развиваме и токму поради неговата посебност да биде атракција, рече премиерот.Градоначалникот на Охрид, Константин Георгиески, по однос расправата во УНЕСКО рече дека независно одлуката ќе се удвојат напорите и активностите за исполнување на препораките.– Доколку добиеме дополнителен рок од две години, ќе продолжиме уште поодговорно, уште похрабро да работиме на имплементацијата на препораките. Она што е во наша надлежност како општина е усогласување на деталните урбанистички планови, отстранување на бесправно изградените објекти. Ние покажавме решителност и дека не се двоумиме во однос отстранувањето на дивоградбите, така и ќе продолжиме, истакна градоначалникот Георгиески.

Македонија | пред 4 години

Дрво паднало во Дебар маало, повредено е дете и оштетило возило

Во скопската населба Дебар Маало во близина на влезот на основното училиште „Коле Неделковски“ синоќа паднало дрво кое лесно повредило едно дете и оштетило паркиран автомобил.  Градоначалникот на Општина Центар, Саша Богдановиќ за „360 степени“ вели дека детето кое се наоѓало во близина на автомобилот врз кој падна дрвото, има само гребаници и не е тешко повредено.„Дрвото паднало само од себе. Со зелени гранки било, но исушени корени, без корени. Паднало и оштетило едно возило. Дојде полиција и направи записник. Ќе треба да се плати штета за автомобилот. Детенцето било малку изгребано, тоа било во близина на автомобилот“, вели Богдановиќ.извор и фото:  „360 степени“

Скопје | пред 4 години

Георгиески пред премиерот ги образложи инфраструктурните проекти во Општина Охрид

„Драго ми е, што како локална и централна власт целосно ја препознаваме важноста на инфраструктурата како основа за подобрување на условите за живот на граѓаните и тоа што континуирано реализираме инвестиции кои придонесуваат за развој и напредок. Охрид како туристички центар заслужува висококвалитена сообраќајна мрежа, па токму затоа во текот на изминатиот период бевме особено посветени на ова поле и успеавме да реализираме низа проекти со кои значително ја подобривме урбаната слика на градот“, истана градоначалникот на Охрид, Константин Георгиески на средбата со Премиерот Зоран Заев.Градоначалникот ги образложи инфраструктурните проекти кои во моментов се изведуваат во Општина Охрид.„Еден од тие проект е и улицата „15-ти Корпус“, која е комплетно реконструирана по сите најсовремени стандарди и на мое големо задоволство, заедно со премиерот Зоран Заев денеска официјално ја отвараме за користење.Охриѓани но и нашите редовни гости кои пристигнуваат во Охрид од овој приод кон градот, многу добро се сеќаваат во каква руинирана состојба беше оваа улица. Ценејќи ги вистинските и приоритетните потребни на граѓаните но и на фирмите кои гравитираат во овој дел на градот одлучивме да го реализираме овој голем проект.Како што знаете, се работи за улица во должина од 1900 метри на потегот од крстосницата со улица „Железничка“ до влезот во село Лескоец, која денес има модерен и уреден изглед и овозможува поголема безбедност за сите учесници во сообраќајот.Поставен е нов асфалт на коловозната лента, комплетно се уредени пашачките и велосипедските патеки од двете страни на улицата. Извршена е замена на атмосферската канализација, поставена е нова водоводна линија на еден потег на улицата и изградени се три потпорни ѕидови. Поставено е ново осветлување соодветна хоризонтална и вертикална сигнализација.Вкупната вредност на овој проект е 58 милиони денари. Од нив 30 милиони денари беа обезбедени од буџетот на Општина Охрид, а 28 милиони денари беа обезбедени од ЈП „Државни патишта“ и оваа можност ја користам да им искажам голема благодарност за целокупната соработка.Паралелно со реконструкцијата на оваа значајна сообраќајница работевме на уште еден голем и сложен инфраструктурен проект, а тоа е реконструкција на улицата „Абас Емин“ која наскоро ќе биде финиширана и пуштена во употреба. Исто така, во моментот работиме на реконструкција на улицата „Јане Сандански“, а во текот на изминатите две години извршивме комплетна реконструкција на улиците „АСНОМ“, „Егејска“, „Прва Македонска ударна бригада“, „Охридска бригада“, „Марко Цепенков“ и беше изградена нова улица на потегот во поранешната касарна. Во текот на наредниот период планирано е да започнеме со комплетна реконструкција на улиците „Македонски Просветители“ и „Гоце Делчев“, истакна Георгиески и додаде:Покрај инвестициите во сообраќајната инфраструктура, како локална самоуправа особено сме посветени на подобрување на условите во образованието. Реализиравме и тековно работиме на голем број зафати во сите основни и средни училишта.Денеска со премиерот, Заев го посетивме Општинскиот електромашински училиштен центар „Свети Наум Охридски“, каде беше изградена нова спортска сала, реконструиран е покривот на училишната зграда, поставена е нова енергетски ефикасна фасада, поставени се нови пвц прозорци, нови подови во сите училишни простории, реконстуирани се таваните и внатрешните ѕидови и поставено е ново осветлување.Во моментот се изведуваат работни активности за реконструкција на спортските терени, а наскоро треба да започне обнова на подовите во ходничните простории и уредување на просторот пред влезот на училиштето. Благодарение на овие инвестиции значително се подобрени условите за настава, а училиштето стана еден од најдобрите примери за спроведување на дуално образование во нашата држава.Продолжуваме да инвестираме плански и одговорно, за секој граѓанин да добие подобри услови во своето место на живеење и да креираме проекти кои овозможуваат подобра иднина за сите“, истакна градоначалникот Георгиески.

Македонија | пред 4 години

Штипјанецот Дамјан Давков на Светската математичка олимпијада ИМО 2021, освои сребрен медал

Штипјанецот Дамјан Давков на Светската математичка олимпијада ИМО 2021, освои сребрен медал и со тоа стана најмладиот освојувач на сребро во Европа и четврти во светот. Оваа вест на социјалните мрежи ја објави неговата мајка Никица Давкова.„По пауза од десет години Македонија има пак сребро. Има и две бронзи и две пофалници. Честитки до водачот на тимот проф. д-р Ристо Атанасов и до заменик водачот проф. д-р Мирко Петрушесвки. Голема благодарност до сите, кои на свој начин учествуваа во подготовките на Дамјан. Благодарност до СММ и Мирко Петрушевски кој организираше олимписки подготовки за македонските натпреварувачи“, вели во Фејсбук статусот Давкова.Таа се заблагодарува и на новиот ментор на Дамјан, и како што вели и до некои наши поранешни натпреварувачи, кои денес живеат и работат во странство, а од кои имаат голема поддршка.

Македонија | пред 4 години

(ФОТО) Два штрка убиени пред своето гнездо во село Орешани

Во селото Орешани кое се наоѓа во јужниот дел на Скопската Котлина во составот на Општина Зелениково, убиени се 2 Штрка пред нивното гнездо.Граѓаните преку социјалните мрежи бараат да се открие сторителот и изнесе пред лицето на правдата поради овој грозоморен чин.Големите штркови гнезда, поставени долж патиштата, високо на електричните столбови се честа слика речиси низ сите делови на држвата од рана пролет па се до последните топли денови во есента. Враќањето на штрковите меѓу јавноста во Македонија се смета за неофицијален почеток на пролетта. Тие, заедно со ластовичките се првите знаци дека ладните зимски месеци завршуват и почнува новата сезона.Кај нас, може да се сретнат два вида штрка; белиот штрк (Ciconia ciconia) и црниот шртк (Ciconia nigra). Иако ова се два многу блиски вида, сепак имаат различна екологија и за разлика од белиот, црниот штрк многу поретко може да се сретна на отворени простори. Преферира да живее во мирни зашумени области и своите гнезда ги прави подалеку од урбаните и руралните средини, на високи крошни од дрвја или пак карпи, слично како мршојадците.За разлика од тоа белиот штрк, во текот на развојот на човечките населби тој сосема се привикнал на живот со и близу луѓето, користејќи ги често, а во поново време најмногу човечките градба како место за поставување на своите гнезда. Затоа белиот штрк е честа во птица кај нас, особено во руралните, низински делови и низ котлините.Штрковите живеат во многу подрачја во светот, и на посуви места од блиските на нив чапји, ибиси и лажичарки.Штрковите се неми, не испуштаат гласови, а комуницираат со штракање на клунот. Многу видови се преселници. Повеќето од нив јадат жаби, риби, инсекти, црви, мали птици и мали цицачи. Има 16 вида штркови распоредени во 6 рода. Поради крупното тело, а и големите крилја кои достигнуваат распон и до 3,2 метра, при летањето штрковите ги користат воздушните струења. Нивните гнезда се многу големи и може да ги користат повеќе години. Гнездото може да биде и до 2 метра во пречник и околу 3 метра длабоко. Тие се моногамни, но не онака како што се мислело за нив порано. Можно е да го сменат партнерот по миграцијата, или да мигрираат без својот партнер. Нивното доживување како верни партнери потекнува од митологијата и културата, а не од реалниот живот.Од белиот штрк може да научиме многу; за посветеност, одлучност и издржливост. Преку неговиот живот учиме за постојана врска помеѓу човекот и другиот дел од природата како и за поврзаноста на екосистемите.

Македонија | пред 4 години

Скопје годинава одбележува 58 години од катастрафалниот земјотрес

Скопје и годинава со повеќе активности и манифестации ќе одбележи 58 години од катастрофалниот земјотрес во 1963 година, кога градот се разбуди во урнатини под кои 1.070 лица го загубија животот, а 3.000 беа повредени.Традиционално во понеделник (26.07.2021 година) во 10 часот пред Споменикот на жртвите од катастрофалниот земјотрес на Градските гробишта во Бутел, официјални делегации и претставници на институции ќе положат цвеќе.Општинската организација на Црвениот крст од Кисела Вода во соработка со Институтот за трансфузиологија во понеделник (26.07.2021 година) ја организира традиционалната крводарителска акција. Акцијата, којашто почна во 9 часот и ќе трае до 17 часот, во Дневниот центар за дарување крв во Домот на хуманитарни организации „Даре Џамбаз“.Традиционално по повод годишнината од земјотресот, Град Скопје и јавните културни установи ќе организираат многубројни настани.Во Музејот на Град Скопје во понеделник во 19 часот ќе се одржи поетско читање на Организацијата на жени на Град Скопје, а во 20 часот ќе се отвори изложбата „Колаж на еден разурнат град“.Во 9 часот ќе се организира „Скопска аванТУРА“ – Детска едукативна прошетка низ минатото на Скопје, а почетната точка ќе биде Феудална кула кај Дом на АРМ.Во 19 часот ќе се одржи и свеченото пуштање во употреба на новиот Кеј 13 Ноември, кој ќе биде проследен со настап на Градски дувачки оркестар и изложба на отворено „Сигналитика на централното подрачје на Скопје“.Во Национална опера и балет во 20 часот, како дел од Скопско лето, ќе се одржи балетската претстава „Сви марш на плес“.Програмата за одбележување на 26 јули ќе биде заокружена со централниот настан во 21 часот во Градскиот парк, каде што ќе се одржи концерт на Филхармонија на РСМ и „Архангел“, насловен како „Филхармонија и Архангел за Скопје“.

Скопје | пред 4 години

Заев откри со нов - летен имиџ, вели како и секој маж така и јас, малку да го одморам лицето во текот на летото

Како и секој маж, така и јас, малку да го одморам лицето во текот на летото, изјави премиерот Зоран Заев запрашан за неговиот нов имиџ да пушти брада.– Па нека се коментира слободно. Како и секој маж, така и јас, малку да го одморам лицето во текот на летото. Летен имиџ. А сакам да ја исполнам желбата на синот. Последниот викенд бев со нив, не се бричев и малку ми порасна брадата. Син ми рече: Тато, остави ја малку брадата, никогаш не сум те видел со брада, остави ја малку, па потоа ти одлучи си! Така да, идејата дојде од синот и сакам да му ја исполнам желбата. И убаво е, штедам 20 минути наутро. Веројатно со годините е и зрелост ама полесно е, изјави Заев за порталот ММС.

Магазин | пред 4 години

Водата од Пештани, Велестово, Елешец и плажа “Оревче” забранета за пиење

Врз основа на добиените известувања од Агенцијата за храна и ветринарство-Сектор за инспекциски надзор на Република Северна Македонија, Инспекторатот при Општина Охрид упатува известување до јавноста дека водата од водоснабдителниот објект во сопственост на МЗ с. Пештани и плажа „Оревче“, МЗ с. Елшани и МЗ с. Велестово, водата се забранува за пиење.Оваа забрана, Секторот за инспекциски надзор при Агенцијата за храна и ветринарство ја издава врз основа на резултатите од лабараториските анализи кои се направени од страна на ЈЗУ Центар за јавно здравје Охрид. Општина Охрид

Македонија | пред 4 години

Георгиески: Младите охриѓани ќе можат да креираат програми и проекти и да бидат носители на позитивни промени во нашиот град

Охрид добива Младински центар каде што младите охриѓани ќе можат да креираат програми и проекти и да бидат носители на позитивни промени во нашиот град.За таа цел Локалната самоуправа обезбеди простор лоциран во објектите на поранешната касарна, кој преку јавен повик и транспарентна постапка ќе биде отстапен на користење на младинска организација.Нашата цел е да ги мотивираме младите да се вклучат во заедничката мисија да го направиме Охрид посакувано место за живеење и да создадеме услови за подобра иднина.Градењето на партнерство помеѓу општината и младите е единствениот начин на кој ќе бидеме сигурни дека нашите политики се исправни и се однесуваат на вистинските потреби на заедницата, пишува градоначалникот Георгиески во својата ФБ објава

Македонија | пред 4 години

Регистрирани нови 36 случаи на Ковид-19

Министерството за здравство информира дека во последните 24 часа се направени 3.569 тестирања, а регистрирани се 36 нови случаи на Ковид-19 од кои во Куманово – 15, Скопје – 7, Тетово – 6, Гостивар – 2 и по еден во Прилеп, Велес, Штип, Струмица, Кочани и Кичево.Регистрирани сe и 12 оздравени пациенти од Тетово – 5, Скопје – 4, Битола – 2 и еден од Свети Николе.Во изминатото деноноќие не се регистрирани починати пациенти.Направените 3.569 тестови се преку: ИЈЗ-78, ЦЈЗ Скопје-41, ЦЈЗ Битола-47, ЦЈЗ Прилеп-42, ЦЈЗ Тетово–23, ЦЈЗ Куманово–40, Судска медицина-2, УК Пулмологија со алергологија 1, ГОБ 8-ми Септември-5, Институт за микробиологија–21, Жан Митрев (Филип Втори)-64, Авицена-286, Биотек-139, Систина-73, лабораторија Лаор-229, Синлаб-23, Ремедика-13, Плодност–22, Генеа–9, Никоб лаб-672, ВФВ Медикал-56, Ели Медика-17, ЈЗУ и ПЗУ (рапид тест) – вкупно 1.666.Досега во земјата се направени вкупно 944.747 тестирања на Ковид-19.Вкупната бројка на ковид-дијагностицирани од почетокот на епидемијата изнесува 156.017, бројката на оздравени пациенти е 150.263, на починати е 5.489, а бројот на активни случаи изнесува 265.Според епидемиолошките анализи во моментот, дистрибуцијата по градови е следна:Скопје 68789, Активни 97Куманово 8910, Активни 29Прилеп 8330, Активни 3Тетово 7359, Активни 81Битола 6310, Активни 0Велес 5475, Активни 1Гостивар 5202, Активни 19Кавадарци 5156, Активни 1Охрид 5023, Активни 4Штип 4964, Активни 4Струмица 4127, Активни 4Струга 2985, Активни 4Кочани 2795, Активни 3Кичево 2605, Активни 8Гевгелија 2196, Активни 1Неготино 2184, Активни 0Свети Николе 1525, Активни 0Ресен 1234, Активни 0Крива Паланка 1227, Активни 0Радовиш 1161, Активни 0Берово 1032, Активни 1Делчево 973, Активни 0Дебар 947, Активни 5Виница 886, Активни 0Пробиштип 789, Активни 0Валандово 667, Активни 0Богданци 494, Активни 0Крушево 490, Активни 0Демир Хисар 400, Активни 0Демир Капија 396, Активни 0Кратово 377, Активни 0Македонски Брод 359, Активни 0Пехчево 269, Активни 0Македонска Каменица 249, Активни 0Дојран 132, Активни 0

Македонија | пред 4 години

БиХ предлага за две години да се продолжи рокот за исполнување на препораките од УНЕСКО за Охридскиот регион

Се уште неизвесна одлуката за статусот на Охридскиот регион во УНЕСКО од на 44 сесија на комитетот за светско наследство. Дебатата беше во насока дека е направен голем прогес од двете држави и од Македонија и од Албанија, но сепак се уште е потребно да се направи за заштита на регионот. На расправата за Охридскиот регион беше отворена дилемата дали всушност се прави услуга на регионот ако не биде ставен на Листата на загрозени подрачја.Министерката за култура Ирена Стефоска посочи дека Македонија изминатите две години демонстрирала истрајност и подготвеност да ги интензивира напорите за исполнување на препораките и забелешките на УНЕСКО. Таа во кусото обраќање пред учесниците на состанокот побара продолжување на роковите за да се овозможи натамошно дејствување во сите сфери за дополнителна заштита на светското културно и природно богатство.Од албанска страна беше истакнато дека работат на препораките од УНЕСКО, но дека истите се спроведуваат во тешки времиња за државата Албанија се соочува со последици од земјотресите и заздравува од пандемијата од Ковид-19. Во своето обраќање истакнаа дека како и целиот свет и тие се соочуваат со дилемата – заштита на историското наследство од една и напредок и модернизација од друга страна.Расправата беше прекината по претставувањето на Амандманот од Босна и Херцеговина, во кој се бара на државите (Македонија и Албанија) да им се остави уште две години време за спроведување на препораките. Членовите на 44 сесија на комитетот за светско наследство најавија дека ќе ја донесат одлуката по разгледување на Амандманот од Босна и Херцеговина. Предлогот на БиХ наиде на негодување кај дел од делегатите, поради немање конзенсуз одложено беше донесувањето на конечната одлука за статусот на Охридскиот регион. Истата се очекува да биде донесена по дополнителни консултации кои се во тек. 

Македонија | пред 4 години

Катица Јанева спроведена во „Идризово“

Катица Јанева спроведена од „домашен притвор“ на издржување казна затвор во затворот „Идризово“. Основниот суд во Гевгелија го издаде налогот со кој екс обвинителката на СЈО, Катица Јанева ќе ја издржува 7 годишната казна затвор.Катица Јанева е осудена во предметот „Рекет“ за Злоупотреба на службената положба. Вчера доцна попладне во Идризово беше однеен и Бојан Јовановски кој е осуден на 9 години за перење пари и рекетирање.

Македонија | пред 4 години

Македонски државјани се повредени во Будва кога 20-годишно момче со автомобил прегазило шестмина пешаци.

Двајца македонски државјани се повредени во Будва кога 20-годишно момче со автомобил прегазило шестмина пешаци.Полицијата во Будва распиша потерница за Л.Б. (20) од Белград кој ноќва, околу еден часот по полноќ со своето БМВ прегазил шест пешаци. Полициски патроли ги блокирале излезите од градот откако автомобилот бил пронајден напуштен на патото кон брдото Топлиш.Како што објави весникот „Вијести“, белграѓанецот ги прегазил шесте пешаци кои оделе по тротоарот на главниот булевар, враќајќи се по излегување во град.Повредени се Љ.П. (70) и Н.Ц. (50) двајцата од Охрид, како и српските државјани А.Ц. (19) од Лозница, Н.Л. (18) од Тршич и С.Б. (18) и Н.М. (19) двајцата од Бања Ковиљача,Сите пешаци се здобиле со полесни повреди и се префрлени во которската болница.Откако ги прегазил пешаците, момчето, наводно, продолжило да вози и не застанал да види што се случило со повредените.

Македонија | пред 4 години

Нема фотографија

Приведени крадци од Скопје

На 22.07.2021 полициски службеници од Полициското одделение Шуто Оризари ги лишиле од слобода М.М.(19) и С.Б(23), двајцата од Скопје, поради постеоње основано сомнение дека на 14.01.2021 извршиле кривично дело „тешка кражба“ од домот на К.Д.(35) од Скопје.По спроведени мерки и активности било констатирано дека трет соучесник во кривичното дело е А.Д.(19), кој од пред 10 дена е на издржување на затворска казна. Во врска со случајот бил повикан и Д.М.(33) од Скопје, кој ги откупил предметите претходно украдени од трите лица и од него се одземени дел од нив и ќе бидат вратени на сопственикот.По документирање на случајот против М.М., С.Б. и А.Д. ќе биде поднесена пријава по член 236 – „тешка кражба“, а против Д.М. по член 261 – „прикривање“ од Кривичниот законик.

Скопје | пред 4 години

Нема фотографија

Центар ќе издава и одобренија за вршење дејност надвор од деловен простор

Советот на Општина Центар ја усвои Одлуката за утврдување на условите, начинот и постапката за издавање одобренија за вршење дејност надвор од деловен простор на територијата на Општина Центар.Со донесувањето на Одлуката, Општина Центар станува активен фактор во заштитата на јавните површини во реоните на Дебар Маало 1 и 2, Парк и Мал Ринг. Во согласност со потпишаниот договор со Град Скопје, Општината ги добива законските надлежности да издава одобренија за вршење дејност надвор од деловниот простор во согласност со законот. Со договорот не се опфатени локациите на Кеј 13 Ноември, Плоштад Македонија, Плоштад Карпошово востание, Градски парк и локациите на кои се поставува рекламно-информативна опрема.„Со потпишувањето на договорот со Град Скопје и враќањето на ингеренциите во надлежност на Општина Центар, преземаме целосна контрола врз користењето на јавните површини во одредени подрачја. Со договорот и усвојувањето на Одлуката од Советот на Општина Центар ќе се зголемат надлежностите со кои ќе можеме да воспоставиме ред во начинот и условите за поставување урбана опрема и за вршење дејност надвор од деловен простор, со сопствена програма и план за работа, како и инспекциски надзор и контрола врз основа на издадените одобренија“, изјави градоначалникот Саша Богдановиќ.Со Одлуката се утврдуваат условите, начинот и постапката за издавање одобренија за вршење дејност надвор од деловен простор во Општина Центар, кои ќе бидат во согласност со потребите и барањата на жителите. Исто така, ќе се ослободат јавните површини, ќе се зголемат пешачките патеки и ќе се воспостави нова рамка за регулирање на јавните површини во Центар.Постапка за добивање одобрение за вршење дејност надвор од деловен простор може да започне секое физичко или правно лице за вршење угостителска, трговска или занаетчиска дејност и за поставување комерцијално-угостителска урбана опрема.

Скопје | пред 4 години

Димитров од Словенија: Или ќе го вратиме кредибилитетот на ЕУ на Балканот или ќе го изгубиме

Или ќе го вратиме кредибилитетот на ЕУ на Балканот, или ќе го изгубиме. И мислам дека ние навистина се потпираме на занаетот и мудроста на нашите словенечки пријатели да успеат да го постигнат тоа, а не да го изгубиме, изјави вицепремиерот, Никола Димитров, пред неформалниот состанок на министрите за европски прашања (ГАК) што се одржува во Брдо, Словенија.„Имајќи ја предвид нашата географија, ние сме опкружени со земји членки, треба да го направиме ова заедно со ЕУ, затоа многу се радувам на дискусијата. Секако, веројатно ќе го покренеме прашањето на пристапување и проширување. Го споменав зборот криза, тоа потекнува од етимологијата на одлучувачка точка. Мислам дека под словенечкото претседателство во следните недели и месеци ја достигнуваме оваа одлучувачка точка. Или ќе го вратиме кредибилитетот на ЕУ на Балканот, или ќе го изгубиме. И мислам дека ние навистина се потпираме на занаетот и мудроста на нашите словенечки пријатели да успеат да го постигнат тоа, а не да го изгубиме“, рече Димитров.

Македонија | пред 4 години

Кирацовски удри откако Мијалков доби ослободителна пресуда за апсењето на Бошкоски

Сашо Мијалков доби ослободителна пресуда за апсењето на Љубе Бошковски (случај "Тортура") – „Каде што има сила нема правдина“.., само не знам од каде сеуште сила во Мијалков, напиша на својот ФБ профил Александар Кирацовски.Кирацовски во објавата додава:Целата јавност внимателно ги слушаше аудиоснимките кои заедно со контекстот на тогашната ситуација за време на режимското владеење јасно сведочат дека на ден после парламентарните избори 2011 год., Љубе Бошковски беше наместен, уапсен и неправедно осуден поради политичка освета.Треба уште да зрееме како општество штом сметаме дека проблемот со Р. Бугарија е единствената пречка за почеток на преговорите со ЕУ.

Македонија | пред 4 години

Судот го ослободи од обвинение Мијалков за апсењето на Љубе Бошковски

Основниот кривичен суд Скопје денес донесе пресуда со која ги ослободи од обвинение за случајот „Тортура“ поранешниот шеф на УБК, Сашо Мијалков и поранешните припадници на полициската единица „Алфа“.Предметот го отвори поранешното СЈО по чие згаснување овој, како и сите други случаи, преминаа во рацете на редовните обвинителства. Обвинетите се гонеа за делото мачење и друго сурово, нечовечко или понижувачко постапување и казнување за време на апсењето на лидерот на Обединети за Македонија и поранешен министер за внатрешни работи, Љубе Бошковски, на 6 јуни 2011 година.

Македонија | пред 4 години

Пендаровски ќе ги одликува Стефановски, Хаџиманов, Несими и Мукаетов со „Орден за заслуги за државата“

Претседателот Стево Пендаровски денеска во претседателската резиденција со високо државно одликување „Орден за заслуги за државата” ќе ги одликува постхумно писателот Горан Стефановски, пејачот и актер Зафир Хаџиманов и професорот Ремзи Несими, како и претседателот на Ракометната федерација на Македонија, Живко Мукаетов.Горан Стефановски постхумно се одликува за исклучителен и неповторлив придонес во континуитетот и во осoвременувањето на книжевното културно наследство.Зафир Хаџиманов постхумно се одликува за огромниот придонес во специфичниот полижанровски развој во сферата на уметничкото творештво.Ремзи Несими постхумно се одликува за неговиот траен придонес во филолошките науки и албанологијата во Република Северна Македонија и во светот воопшто.Живко Мукаетов се одликува за професионалните стандарди во фармацевтската индустрија и за неговата филантропска култура и општествена одговорност.

Македонија | пред 4 години

Уште два угостителски објекти со Решенија за преземање мерки за намалување на гласноста во Центар

Секторот за инспекциски работи на Општина Центар продолжува со контролите на гласноста во угостителските објекти во Општина Центар.Овластените општински инспектори за животна средина, заедно со одговорните лица од овластената лабораторија за мерење на бучава, со која Општина Центар има склучено договор, овие денови се повторно на терен.По извршените мерења во одредени локали, инспекторите констатираа повисоки вредности од максимално дозволените гранични во ноќен период, по 23:00 часот, а уште два локали, Гнездо и Интермецо, добија Решенија за преземање мерки за намалување на вредноста на имисионото ниво на бучавата во животната средина. По добивањето на Решенијата, угостителите имаат законски рок од 8 дена да постапат по нив.Изминатата седмица општинските инспектори издадоа две Решенија за преземање на мерки за намалување на бучавата на два угостителски објекти, Мош и Макка, а засилените контроли ќе продолжат и во наредните денови, во сите делови од општината.Општина Центар апелира до сите управители и сопственици на угостителски објекти во Општина Центар, да се придржуваат до постоечките правилници, да имаат обзир кон жителите кои живеат во непосредна близина на нивните локали и да се придржуваат до Законот за заштита од бучава во животната средина. Во спротивно, за сите измерени надминувања на граничните вредности на бучава, ќе се преземат законски пропишаните мерки и на угостителските објекти ќе им бидат изречени поригорозни казни, во согласност со Законот за заштита од бучава во животна средина.

Скопје | пред 4 години

(ВИДЕО А1ОН) 14 кривични пријави за Струшкиот градоначалник за три мандати, нема ниту една пресуда

За три мандати, против струшкиот градоначалник, Рамиз Мерко, биле поднесени 14 кривични пријави, дознава „А1он“. Струшкиот градоначалник кривичните пријави ги добил додека ја извршувал функцијата.„А1он“ дојде до податоците од кривичната евиденција за Мерко.До Основниот суд во Струга успеал да стигне еден предмет за кој е поднесен обвинителен предлог.Ова е дел од профилот на Рамиз Мерко и политичката кариера како градоначалник. Има 64 години, но не планира пензионирање. 18 години прима функционерска плата, а во изминатите 15 години беше градоначалник и министер. Струга ја води 12 години.Повеќе во видео истражувањето на „А1он“.Извор: А1ОН 

Македонија | пред 4 години

(ВИДЕО) Скопски камион излета од патот од мостот кај Требеништа пред Охрид

Камион со скопски регистарски таблички излета од патот од мостот кај Требеништа. Камионот е целосно уништен. Возачот е хоспитализиран.На 23.07.2021 година во 07.20 часот, на магистралниот пат Охрид-Кичево, во близина на селото Требеништа, случена е сообраќајна незгода во која, товарно возило „Ивеко“, со скопски регистарски ознаки, управувано од Д.П.(46) од Скопје, излетало од патот.Возачот е пренесен во болницата „Св.Еразмо“ каде се констатирани тешки телесни повреди, велат од МВР.

Македонија | пред 4 години

(ВИДЕО) Запленета дрога вредна околу 150.000 евра, пресечен меѓународен канал, приведени пет лица

Почнувајќи од минатиот месец, од страна на Одделот за криминалистичка полиција и Одделот за сузбивање на организиран и сериозен криминал беше спроведена истрага насочена кон лица инволвирани во организирање на меѓународни транспорти на марихуана од Република Албанија преку Република Северна Македонија кон Република Грција, а организатор на криминалната група инволвирана во меѓународни транспорти на марихуана е М.А. (50) од Гевгелија.Во текот на истрагата беа добиени информации и податоци дека овие лица во периодот од 19.07.2021 година ќе организираат пренос на поголема количина на марихуана од Албанија до Струга потоа до Гевгелија, со цел истата да ја транспортираат кон Грција. На 22.07.2021, И.К. (37) од Гевгелија, З.Б. (52) од с. Грчиште, Валандово и Д.С. (27) од с. Марвинци со возило „опел вектра“ со гевгелиски таблички се упатиле кон с. Јанковец-Ресен, каде оствариле средба со Д.Д. (38) од с. Ливата, Струга, кој пристигнал со возило „опел вектра“ со ресенски таблички, а со кое Д.Д. ја донел и претходно обезбедената марихуана. Тоа возило било преземено од Д.С. и тој се упатил од с.Јанковец во правец на Градско, а И.К. и З.Б. со возилото со гевгелиски таблички се движеле пред него во улога на чистачи.По преземени мерки и активности, на 22.07.2021 околу 16:35 часот двете возила се запрени од полициски службеници од ОКП, ОСОСК и ОСПО-САЕ Тигар, при што во возилото што го управувал Д.С., во багажниот простор биле пронајдени три торби со 54 пакувања марихуана, која според првичните проценки има пазарна вредност од околу 150.000 евра, по што сите се лишени од слобода.Во координација со СВР- Струмица, СВР-Охрид и РЦ Југ извршени се и повеќе претреси на подрачје на Гевгелија, Валандово и Струга каде од слобода се лишени М.А. и Д.Д. (инаку поранешни вработени во МВР). За време на претресите пронајдени се голем број на мобилни телефони со СИМ картички, додека кај И. К. пронајдени се и одземени и две ловечки пушки, пиштол и муниција за наведените оружја кои лицето ги поседувал без дозволи.За сите превземени активности известен е надлежен Јавен обвинител од ОЈО за ГОКК, при што по комплетирање на целокупната документација против наведените лица ќе биде поднесена соодветна кривична пријава за сторено кривично дело по чл. 215 ст.3 од КЗ на РСМ.

Македонија | пред 4 години