Затворено стрелиште поради неовластена продажба на муниција, приведени три лица, запленета муниција

Денеска полициски службеници од Одделот за криминалистичка полиција- Сектор за недозволена трговија со дрога, оружје и опасни материи, ЕНТ ОНТЕМ и Единицата за интервентна полиција при СВР Скопје сопреле две патнички моторни возила и при извршениот преглед кај Н.М. (40) пронајдени се 200 куршуми калибар 7,62, а во другото возило кај лицето Е.Х. (48) пронајдени се 100 куршуми калибар 9мм. Лицата се приведени и против нив ќе биде поднесена кривична пријава по чл. 396 од КЗ на РСМ.Во координација со Секторот за оружје при Одделот за граѓански работи извршена е контрола во цивилно стрелиште во Гази Баба, за кое е утврдено дека вршело неовластена продажба на муниција. Приведено е одговорното лице И.Р. (41) и против него ќе биде поднесена кривична пријава по чл. 396 од КЗ на РСМ, а стрелиштето ќе биде запечатено.

Македонија | пред 4 години

Боки 13 однесен во „Идризово“

Обвинетите за случајот Рекет, Бојан Јовановски - Боки 13 е спроведен во затворот Идризово, каде треба да ја издржува казната затвор од девет години, потврдил на 24 вести, директорот Јовица Стојановиќ.Апелација ја потврди првостепената пресуда за „Рекет“Предметот ќе биде доставен и до судија за извршување санкции при Основниот суд во Гевгелија надлежен според место на живеење за понатамошно постапување за обвинетaта Катица Јанева, соопштуваат од Кривичен суд. Поранешната специјална обвинителка Јанева е осудена на седум години затвор. 

Македонија | пред 4 години

(ФОТО) Чистење на обраснато зеленило во околината на Саат кулата и на неколку локации во Стар град

Чистење на обраснато зеленило во околината на Саат кулата и на неколку локации во Стар град;✅Чистење на наноси од земја и камења на патниот правец од Велгошти до црквата "Свети Илија";✅Активности за чистење и уредување во кругот на поранешната касарна;✅Активности за подигање на кабаст и зелен отпад во населба "Билјанини извори";✅Чистење на плажата во населба Воска и чистење и одржување на останатите плажи, напиша на својот ФБ профил градоначалникот на Охрид, Константин Георгиески.

Македонија | пред 4 години

Заев по средбата со Ахмети: Заедничка ни е целта во предизборната коалиција да се вклучат што е можно повеќе партии од владината коалиција

Имав одличен состанок со коалицискиот партнер и претседател на ДУИ, Али Ахмети. Се договоривме дека СДСМ и ДУИ заедно ќе настапат на претстојните локални избори, Напиша на својот ФБ профил Премиерот и претседател на СДСМ, Зоран Заев.Заев во објавата додава:Заедничка ни е целта во предизборната коалиција да се вклучат што е можно повеќе партии од владината коалиција.Во тек се постапките за избор на најдобрите кандидати - тоа ќе бидат личности кои умеат и кои се подготвени да го дадат најдобриот резултат за граѓаните во секој град, во секое село, во секоја населба.Меѓусебната поддршка во некои општини ќе си ја дадеме уште во првиот круг на изборите, а во други општини ќе се поддржиме во вториот круг. Согласни сме дека институциите имаат и обврска и капацитет да испорачаат целосно демократски, професионални и фер локални избори.

Македонија | пред 4 години

Амбасадорката Брнз го брифираше Мицкоски за Извршната наредба на Бајден за Западен Балкан

Американската амбасадорка во земјава, Кејт Мари Брнз, денеска се сретнала со лидерот на ВМРО-ДПМНЕ, Христијан Мицкоски, за да го брифира за извршната наредба на претседателот на САД, Џо Бајден, за Западен Балкан.Информацијата за средбата на Твитер ја сподели Брнз.https://twitter.com/USAmbNMacedonia/status/1418210640452227075?ref_src=twsrc%5Etfw%7Ctwcamp%5Etweetembed%7Ctwterm%5E1418210640452227075%7Ctwgr%5E%7Ctwcon%5Es1_&ref_url=https%3A%2F%2F360stepeni.mk%2Fbrnz-se-sretnav-so-mitskoski-za-da-go-brifira-za-izvrshnata-naredba-za-zapaden-balkan%2FСо наредбата на Бајден, се прошири опфатот на лицата од Западен Балкан кои ќе бидат ставени на црната листа на САД и ќе им се забрани влез, а ќе им се замрзне и сиот имот и пари кои ги поседуваат во САД односно истите нема да може да бидат пренесени, платени, извезувани, повлечени.На листата, како што е познато, треба да се најдат лицата кои не го почитуваат Преспанскиот и Охридскиот договор, како и оние кои се вклучени во корупција односно ги поткопуваат демократските процеси или институции на Западен Балкан.

Македонија | пред 4 години

Почна судењето за „Јавна соба“

Започна судењето за случајот „Јавна соба“. Обвинетите Дарко Костовски и Михаил Паневски беа спроведени од притвор во Шутка. На денешното прво рочиште воведни зборови даде обвинителството кое ги товари за производство и дистрибуција на детска порнографија.-Двајцата обвинети, како основач и модератор на групата “Јавна соба” на социјалната мрежа Телеграм, биле должни да се грижат за содржината на текстуалните и аудио - визуелните содржини кои се споделуваат од членовите на групата. Но, тие со умисла дозволиле на групата да се направи достапна содржина – аудиовизуелен материјал на кој се прикажани очигледни полови дејствија со дете.- Владимир Милошевски– ОбвинителЗа адвокатите на првообвинетиот, обвинението е без докази и побараа укинување на притворот.По силните реакции во јавност околу случајот и Министерството за правда најави измени на Кривичниот законик, односно додавање на терминот “Демнење”, кои наскоро се очкеува да ја поминат владината процедура.

Македонија | пред 4 години

Јанева ќе бара одложување на издржувањето на седумгодишната затворска казна, најавува нејзината одбрана

Поранешната Специјална јавна обвинителка, Катица Јанева ќе бара одложување на издржувањето на седумгодишната затворска казна, најавува нејзината одбрана откако вчера Апелацискиот суд ја потврди првостепената судска пресуда за случајот „Рекет“ во кој освен Јанева беше осуден и Бојан Јовановски познат во јавноста како Боки 13, со што пресудата стана правосилна, објави analitikum.mk/Нејзината адвокатка, Ирена Фрчкоска за „Фокус“ вели дека ќе поднесат вонреден правен лек до Врховниот суд, но и дека кога ќе го добијат упатниот акт, ќе побараат одложување на издржувањето на затворска казна. Сепак, Фрчкоска се уште не може да каже врз основа на што ќе бараат одложување бидејќи пресудата се уште ја немаат официјално добиено и веста за одлуката ја слушнале од медиумите.Двајцата осудени се во домашен притвор, а од Кривичниот суд најавуваат соопштение за тоа каква е процедурата за издржувањето на казната затвор конкретно за овој случај.Инаку за случајот „Рекет“ Бојан Јовановски е осуден на 9 години затвор, а Катица Јанева на 7 години затвор. Боки 13 е осуден за примање награда за противзаконито влијание и за перење пари, а поранешната шефица на СЈО, Јанева, за злоупотреба на службената положба и овластување. Обвинителството го гонеше Јовановски дека земал 1,5 милиони евра од бизнисменот Орце Камчев, за да заедно со

Македонија | пред 4 години

Апасиев реагира за предлог законот за државјанство: Доколку сакате инциденти, ви најавувам дека ќе добиете инциденти

„Доколку сакате инциденти, ви најавувам дека ќе добиете инциденти. Доколку на комисија во 14 часот ги нема амандманите на Левица, ви најавувам да повикате обезбедување и да ја правиме големата магија. Сакате војна, ќе добиете војна, рече денеска лидерот на Левица Димитар Апасиев во Собранието.Апасиев реагираше откакко на седницата тој обвини дека претседателот на Собранието Талат Џафери одбил да ги прими амандманите на Левица.Апасиев реагира што Предлог законот за измени и дполнувања на законот за државјанство се носи со европско знаменце.

Македонија | пред 4 години

Нема фотографија

Во Сарај ќе се гради елитна населба со 142 луксузни вили со базени, хотел, ресторани, спа-центри

Новиот станбено-деловен Комплекс Планет во Општина Сарај ќе има 142 вили на 150 хектари со придружна инфраструктура од улици и пристапни врски со постоечката градска патна мрежа, канализации, вододоводна мрежа, како и мрежа за електрична енергија и интернет.  На промоцијата на оваа нова инвестиција од 28 милиони евра присуствува претседателот на Владата на Зоран Заев, заедно со претседателот на Собранието на Талат Џафери, Артан Груби, првиот заменик-претседател на Владата министерот Оливер Спасовски, претседателот ДУИ Али Ахмети и градоначалниците на Скопје и Сарај Петре Шилегов и Блерим Беџети.„Предизвикот да се изгради сосема нов станбен и урбан комплекс во близината на Скопје, кој практично претставува мал град, невистина заслужува почит. Станува збор за супер модерна населба која ги има предвид сите функционалности за едно урбано живеење вклучувајќи објекти за здравствена заштита, пошта, банка, библиотека и книжарница, градинка, надворешен амфитеатар за организација на настани, спортски центри, хелиодром, базени и хотелско ресторански комплекс“, изјави Заев. 

Скопје | пред 4 години

Нема фотографија

Георгиески до Оријан: Упатувам јавна благодарност за целокупната поддршка и досегашна соработка

Чест ми е што денес мој гостин беше Амбасадорот на Израел, Дан Оријан. Разговараме за повеќе актуелни теми, како и за можностите за меѓусебна соработка особено во делот на образованието и туризмот.Поради завршување на мандатот, ова беше последна протоколарна посета на Охрид од страна на амбасадорот Оријан и затоа упатувам јавна благодарност за целокупната поддршка и досегашна соработка, напиша на својот Фб профил градоначалникот на Охрид, Константин Георгиески.

Македонија | пред 4 години

Кривична пријава против едно лице, расчистени 15 кривични дела

ЕВР Кисела Вода поднесе кривична пријава против Р.М.(21) од Скопје, поради постоење основи на сомнение за сторени 15 кривични дела, од кои 11 дела „тешка кражба“ во возила и четири дела „тешка кражба во обид“ во возила.Тој, во периодот од 22.00 часот на 14.03. до 06.00 часот 15.03.2021 извршил 11 кривични дела „тешка кражба“ од такси возила и четири кривични дела „тешка кражба во обид“ од такси возила, при што се стекнал со противправна имотна корист од околу 22.800 денари и причинил материјална штета од околу 76.500 денари. Веднаш биле преземени мерки и за него била распишана потерница, а на 08.05.2021 тој бил лишен од слобода на Граничен премин „Табановце“, по што бил спроведен во полициска станица каде што ги признал делата и го појаснил начинот на извршување.

Скопје | пред 4 години

Денеска 17 нови случаи на коронавирус, едно лице почина

Во последните 24 часа се направени 2.896 тестирања, а регистрирани се 17 нови случаи на Ковид-19:Тетово – 9, Скопје – 6, и Прилеп и Гостивар – по 1.Регистрирани сe 7 оздравени пациенти од: Куманово и Тетово – по 3 и Скопје – 1.Регистрирано е едно починато лице од Скопје (70 години) во болнички услови.Направени се 2.896 теста преку: ИЈЗ – 117, ЦЈЗ Скопје – 48, ЦЈЗ Битола – 31, ЦЈЗ Прилеп – 20, ЦЈЗ Тетово – 23, ЦЈЗ Куманово – 12, Клиника за инфективни болести и фебрилни состојби – 0, Судска медицина – 0, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 9, Институт за микробиологија – 19, „Жан Митрев“ („Филип Втори“) – 73, „Авицена“ – 161, „Биотек“ – 171, „Систина“ – 76, лабораторија „Лаор“ – 267, „Синлаб“ – 33, „Ремедика“ – 7, „Плодност“ – 24, „Генеа“ – 3, „Никоб лаб“ – 423, „ВФВ Медикал“ – 0, „Ели Медика“ – 3, ЈЗУ и ПЗУ (рапид-тест) – вкупно 1.376.Досега во земјата се направени вкупно 941.178 тестирања на Ковид-19.Вкупната бројка на Ковид-дијагностицирани лица во нашата земја од почетокот на епидемијата изнесува 155.981, бројката на оздравени пациенти е 150.251, на починати е 5.489, а бројот на активни случаи изнесува 241.Според епидемиолошките анализи, во моментов дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68.782, Активни 94Куманово 8.895, Активни 14Прилеп 8.329, Активни 2Тетово 7.353, Активни 80Битола 6.310, Активни 2Велес 5.474, Активни 0Гостивар 5.200, Активни 17Кавадарци 5.156, Активни 1Охрид 5.023, Активни 4Штип 4.963, Активни 3Струмица 4.126, Активни 3Струга 2.985, Активни 4Кочани 2.794, Активни 2Кичево 2.604, Активни 7Гевгелија 2.196, Активни 1Неготино 2.184, Активни 0Свети Николе 1.525, Активни 1Ресен 1.234, Активни 0Крива Паланка 1.227, Активни 0Радовиш 1.161, Активни 0Берово 1.032, Активни 1Делчево 973, Активни 0Дебар 947, Активни 5Виница 886, Активни 0Пробиштип 789, Активни 0Валандово 667, Активни 0Богданци 494, Активни 0Крушево 490, Активни 0Демир Хисар 400, Активни 0Демир Капија 396, Активни 0Кратово 377, Активни 0Македонски Брод 359, Активни 0Пехчево 269, Активни 0Македонска Каменица 249, Активни 0Дојран 132, Активни 0

Македонија | пред 4 години

BBC: Охридското Езеро е „европскиот Галапагос“ и има најголема биоразновидност во светот

Охридското Езеро има најголема биоразновидност во светот. Сега риболовците помагаат за спас на „живите фосили“ од истребување, пишува BBC во репортажата насловена „Запоставениот европски Галапагос“, во која акцент се става на опстанокот на охридската пастрмка.Популарноста на охридската пастрмка сега ја загрозува нејзиниот опстанок. Во 90-те години, годишниот улов достигнуваше над 120 тони, а во периодот од 2012 до 2018 година во просек изнесува 61 тон, јави Нова Македонија.Охридското Езеро е од витално значење за локалното население при што секое семејство има свој брод и долга рибарска традиција. Роланд Бичја од селото Лин на албанската страна на езерото во разговор за BBC ја објасни специфичната ситуација во која се наоѓаат риболовците.– На нив им е потребно да ја ловат охридската пастрмка за да остварат приходи, но ако претераат, можеби веќе нема да ја има пастрмката, со што ќе биде загрозена нивната егзистенција. Токму затоа, тој и неговите колеги сега се вклучени во проект чија цел е порибување на езерото со охридската пастрмка. Комерцијалниот риболов е забранет од декември до март, кога рибите се мрестат. Во тој период риболовците се платени да ја заловат пастрмката, да ја извлечат нејзината сперма и вештачки да ги оплодат јајцата, без да ја убијат рибата. Јајцата потоа се носат во локално мрестилиште каде што се растат и се излегуваат во период од 10 месеци. Рибарите потоа се плаќани да ги вратат во езерото. Ова претставува решение за проблемот со кој се соочуваат риболовците ширум светот, се наведува во репортажата, во која се додава дека на македонската страна има забрана за ловење на пастрмката.Покрај прекумерниот риболов, како закани за регионот се посочуваат и градежништвото и загадувањето кои се зголемиле со подемот на туризмот во градот кој е под заштита на УНЕСКО од 1979 година.Охридското Езеро е едно од најстарите на светот и се смета дека е формирано пред околу четири до 10 милиони години. BBC истакнува дека Охридското Езеро се нарекува и „европскиот Галапагос“ поради големиот број на животински и растителни видови специфични за ова езеро. Неговите хипнотизирачки зелено-сини води се опкружени со снежни планини и бројни градови и села на брегот на албанската и македонската страна, посочува британскиот медиумски сервис. Во репортажата се наведува и дека Охрид се смета за свето место во православното христијанство, а се напоменува и дека кириличното писмо е развиено во Охридската книжевна школа.извор: Нова Македонија 

Македонија | пред 4 години

До македонско државјанство ќе се доаѓа со сметка за струја, вода и без да се знае македонски јазик

Со сметка за струја, здравствена книшка, имотен лист или отпусна листа како доказ за лекување – вака ќе може да добие македонско државјанство секој кој поседува барем еден од овие документи. Законот за државјанство, кој првично беше предложен од Алијанса за Албанците и Алтернатива влезе во собраниска процедура – овој пат, поднесен од Владата и тоа со европско знаменце. Ако се изгласа законот, веќе нема да биде потребно ниту одлично познавање на македонскиот јазик кој е официјален јазик на државата, објави АЛФА.МК.Предлог законот има 16 критериуми – а за лицето да се стекне со државјанство, доволно е да се исполни само еден од наведените. Согласно промените, се намалува и потребното време на живеење на територија на Македонија – од три на една година.Текстот во целост на: АЛФА.МК.

Македонија | пред 4 години

Заев: Немаме ништо против локалните избори да се одржат и на 17 октомври

Премиерот Зоран Заев денеска истакна дека немаат ништо против предлогот датумот на одржување на локалните избори да биде 17 октомври.Тој образложи дека претходно го предложил 31 октомври поради поклопување со пописот на населенито.Сепак, вели Заев, доколку сите се согласат, изборите може да се одржат и на 17 октомври.Премиерот додаде дека на барање на опозицијата се случило и одложување на изборите од септември за втората половина на октомври.

Македонија | пред 4 години

Приведен 43-годишен скопјанец поради обид за тешка кражба

На 22.07.2021 од страна на полициски службеници од Полициска станица Центар е лишен од слобода З.Т.(43) од Скопје, поради постоење на основано сомнение дека сторил кривично дело „тешка кражба во обид“ од продажен објект во трговски центар на подрачјето на Центар, сопственост на Љ.Г.(70).Тој бил приведен во полициска станица и во координација со Јавен обвинител, по документирање на случајот, против него ќе биде поднесена соодветна пријава.

Скопје | пред 4 години

Нема фотографија

(ФОТО) Се отстранува доградбата на кафе - барот „Правда“ во Општина Центар

По налог на Општина Центар и врз основа на Решението ИП1 бр. 34-48 од 20.5.2021 година започна отстранувањето на доградбата на кафе-барот „Правда“ на улица „Мирослав Крлежа“.По направениот увид од овластен градежен инспектор, констатирано е дека инвеститорот не поседува одобрение за доградба на објект, како и решение за поставување градби. Доградбата е изградена од целосно застаклена метална конструкција, како и платформата што е покриена со штици.„Упатувам апел до сите инвеститори, кои имаат добиено решенија, самостојно да ги отстранат нелегално изградените објекти. Во спротивно, Општината ќе пристапи кон присилно административно извршување. И наредниот период Секторот за инспекциски работи на Општина Центар ќе продолжи со контролите и со инспекциските надзори“, изјави градоначалникот Богдановиќ.Во согласност со Буџетот на Општина Центар, за 2021 година се планирани 12 милиони денари за уривање на бесправно изградени објекти.

Скопје | пред 4 години

Георгиески: Донесовме одлука со која ќе го финишираме процесот раздолжување на општината

Со особено задоволство и гордост можам да ве информирам дека на денешната седница на Советот, успеавме да направивме голем исчекор кон исполнување на една од најзачајните цели, на кои како локална власт бевме исклучително посветени, а тоа е враќањето на финансиската стабилност на Општина Охрид.Денес донесовме важна одлука со која ќе го финишираме процесот раздолжување на Општината, во согласнот со Законот за финансирање на единиците на локалната самоуправа.Со посветена и напорна работа за само две години успеавме да го намалиме деценискиот долг на општината, за повеќе од една милијарда денари.По денешната одлука за задолжување, започнуваме постапка преку која општината ќе го исплати преостанатиот дел од сумата што е евидентирана како неисплатен долг и од која, врз основа на извршни решенија секојдневно се генерираат нови обврски за подмирување, со астронoмски камати. Со оваа постапка ќе овозможиме одблокирање на сметката на општината, која е блокирана околу 16 години. За сите чекори кои ќе следат во понатамошниот процес, јавноста, како и до сега, ќе биде целосно и навремено информирана.Изненаден сум, а воедно и разочаран што советниците на опозициската ВМРО ДПМНЕ повторно не покажаа политичка волја, капацитет и желба да бидат дел oд овој историски момент, кој значително ќе придонесе за подобро финансиско менаџирање на општината, ќе овозможи поголем развој на градот и подобри услови за нашите сограѓани.Советниците кои не гласаа за Предлог одлуката за долгорочно задолжување на општина Охрид во насока на враќање на финансиската стабилност, финиширање на процесот на раздолжување и одблокирање на сметката, покажаа дека се засегнати само за своите лични и политички интереси и дека не им е грижа ниту за градот, ниту за охриѓани!Покажаа дека не сакаат нови инвестиции во градот, кои локалната самоуправа ќе може да ги финансира самостојно и врз основа на здрав буџет. Покажаа дека не сакаат нови училишта, нови градинки, ниту нови инфраструктурни и капитални проекти кои се од непроценливо значење за развојот на Охрид, како културен и туристички центар.Со оваа нивна незрела политичка одлука, уште еднаш докажаа дека не свесни за функциите кои им се доверени и дека немаат капацитет да работат во интерес на сите граѓани.На јавноста и е добро познато дека како градоначалник на Општина Охрид, преку нивните смешни партиски прес конференции, неосновани соопштенија и фејсбук кампањи, преку лаги, лични навреди и говор на омраза, секојдневно ме повикуваат со цел да го нарушат мојот углед и да го уништат имиџот на општината. Во тој контекст, оваа можност ја користам да го кажам следново:Жал ми е, што ВМРО ДПМНЕ не успеа да излезе од старата матрица за креирање на штетни политики, дека продолжи да тоне во сопствените лаги и остана партија која единствено знае да работи против интересите на граѓаните.Голема штета е што не сме на исто ниво во мислењата и визиите за идниот развој на Охрид и тоа што не можеме да имаме демократска и достоинствена дебата. Со денешната одлука да не гласаат, тие покажаа дека немаат елементарни познавања за состојбите, немаат капацитет да ги разберат важните предизвици и немаат храброст да изнаоѓаат трајни решенија.За разлика од нив, јас како градоначалник и советниците на мнозинството во Советот на општината, како и до сега сериозно и посветено продолжуваме да работиме за остварување на зацртаните проекти и да овозможиме подобра иднина за новите генерации во Охрид. Тоа е наше задоволство, обврска и чест! Охрид се сака со дела, а не со празни зборови, пишува во својата ФБ објава градоначалникот Георгиески.

Македонија | пред 4 години

Нема фотографија

Во вторник стартува Илинденскиот марш

Коњаниците што ќе учествуваат на 43-тиот традиционален коњички марш оваа година по повод националниот празник Илинден ги прават последните подготовки покрај кејот на реката Вардар.На маршот што го организира Здружението на граѓани од Горно Лисиче „Илинденски марш 1978“, ќе учествуваат 20 коњаници од различна возраст, меѓу кои и две девојчиња. Тие ќе тргнат кон Крушево во вторник, 27 јули, од паркот „Јане Сандански“ во 17:30 часот. Потоа со дефиле низ главните булевари во Аеродром ќе се упатат кон црквата „Свети Петар и Павле“ во Горно Лисиче, каде што ќе се одржи народен собир проследен со културно-уметничка програма со настап на музичките групи „Некст тајм“ и триото „Џентлмен“ и каде што поглаварот на МПЦ, г. г. Стефан ќе им даде благослов за маршот.„Задоволство ми е што и оваа година го поддржуваме Илинденскиот марш организиран по повод најголемиот македонски национален празник – Илинден. Илинденското востание го означува почетокот на нова фаза во развојот на македонското ослободително движење и има посебно значење во историјата на македонскиот народ“, изјави градоначалникот Марин.Општина Аеродром финансиски го поддржува коњичкиот марш повеќе години и ќе продолжи и во иднина да ја негува традицијата, бидејќи Илинденскиот марш е една од најголемите и најзначајни културни манифестации во Аеродром.

Македонија | пред 4 години

На плажа во Грција почина д-р Александар Стојанов

Почина Александар Стојановски (45), гинеколог и поранешен директор на Клиничката болница во Штип.Д-р Александар Стојановски, поранешниот директор на Клиничката болница-Штип починал во Грција за време на својот годишен одмор. Според неофиоцијални информации кои кружат во градот, тој доживеал масивен срцев удар на плажа.Штипјани, вознемирени од веста за младиот доктор, кој имаше само 45 години, велат дека д-р Стојановски живеел навистина здрав живот, со редовни спортски активности, но како што потенцираат, најверојатно срцевиот удар го добил поради претходниот стресен период.Д-р Александар Стојановски функцијата директор на Клиничката болница Штип ја извршуваше до 2017 година, а во последниов период се посвети на специјализацијата, односно специјализираше гинекологија.

Македонија | пред 4 години

Апасиев ја „спука“ со Џафери: Карма е кучка!

Лидерот на Левица и пратеник, Димитар Апасиев со нова порака со собранискиот спикер, Талат Џафери. Овојпат, налутен бидејќи, како што пишува, исчезнале амандманите за Законот за лична карта.„Амандманите на пратениците на Левица на Законот за лична карта „исчезнале“ при преносот од собраниската архива до кабинетот на Џафери!? Дечки, се врти колцето бе. Утре вие ќе бидете опозиција, а ние власт. Ондак, ќе ви поставиме канти у ходник и сами ќе си ги фрлате. Ич да не се мачиме. Фараоне Талат Џафери ќе кркнеш још једна кривична за узурпација на уставното право на пратеник да предлага амандмани! Гадно си се заебал ако мислиш со нас вака да се заебаваш. #КармаЕКучка“, напиша Апасиев на „Фејсбук“.

Коментари | пред 4 години

Пожар во атарот на општина Карбинци, опожарени две вили

Една вила целосно изгоре, а другата е сериозно оштетена од пожарот што доцна попладнево го зафати атарот на општина Карбинци. Поради ветрот зафатени се големи површини со земјоделско земјиште, а во опасност беа доведени и објекти.Огнот стигна до препупната станица во село Радање. Тука се вклучило и месното население, но проблем беа шумските појаси каде имаше пламени и по неколку метри. Засега не се знаат причините за пожарот. извор и видео: 24.мк

Македонија | пред 4 години

МВР за тепачката во Куманово: Известен е јавен обвинител, ќе следува соодветен поднесок

Во врска со случајот на насилство во Куманово кој денеска се споделува на социјалните мрежи, СВР Куманово презема соодветни мерки и активности за расчистување на случајот. За настанот е известен јавен обвинител, а извршен е службен разговор со напаѓачот кој физички ја нападнал девојката.Во врска со случајот ќе биде извршен разговор и со други лица и по документирање на случајот ќе следува соодветен поднесок.

Македонија | пред 4 години

На Камчев повторно му било лошо, била викана Брза помош па бил однесен во болница

Бизнисменот Јордан Камчев, кој е во притвор во затворот во Шутка, поради влошена здравствена состојба, со возило на брзата помош утрово повторно е пренесен на Клиниката за кардиологија. По интервенција на лекарскиот тим од клиниката и откако му се стабилизирала состојбата, Камчев е вратен во КПУ затвор Скопје каде што ја издржува мерката притвор, соопштија неговите адвокати.Денеска, за време на редовната посета на КПУ затвор Скопје, Јордан Камчев повторно се пожалил на своите бранители на влошена здравствена состојба.– Имено, во текот на вчерашната вечер Камчев во затворот имал гушење, голема главоболка и се чувствувал многу лошо, но во КПУ затворот во Скопје во моментот немало дежурен лекар за да го прегледа и интервенира, па поради сериозноста на состојбата викната е брза помош, констатирано е зголемен крвен притисок и на Камчев му е дадена соодветна, моментална терапија, соопштија денеска членовите на правниот тим на Камчев, кои денеска му биле во посета.Во соопштението се наведува дека неколкупати како одбрана реагираат на сериозно влошената здравствена состојба на Јордан Камчев, што, како што стои во соопштението, очигледно продолжува да се влошува поради непостоење на соодветни медицински и санитарни услови за третирање на неговата здравствена проблематика.– Со фамилијарен историјат на кардиоваскуларни болести, г-динот Камчев од својата 15-та година прима соодветна терапија за оваа здравствена состојба, а пред само десетина дена поради влошување на состојбата тој пет дена беше хоспитализиран на Клиниката за кардиологија во Скопје.Сериозноста на здравствената состојба и ризикот кој постои по неговото здравје поради неможноста истата да биде соодветно третирана во затворот е докажана и од четири различни, релевантни медицински институции и со сета останата документација е уредно доставена до Судот, соопштија адвокатите Сашо Бошков, Александар Михајлоски, Гоце Ристески, кои како дел од правната одбрана денеска биле во посета на Камчев.

Македонија | пред 4 години

Заев за DW: И посакувам среќа на Албанија ако остане бугарското вето за ЕУ

Премиерот Зоран Заев кажа дека секоја земја треба да биде оценувана според своите резултати и за него нема проблем ако Албанија биде одвоена од Македонија и пред нас ги почне пристапните преговори со ЕУ поради бугарското вето, во интервју за „Дојче Веле“.Ова е промена на ставот на Заев, кој во мај, во интервју за „Јуроњуз“ рече дека не е можно раздвојување на Албанија и Македонија, кога е во прашање почетокот на пристапните преговори со ЕУ.„Секоја земја заслужува да биде оценувана според своите резултати. Му посакувам успех и среќа на нашиот западен сосед, Албанија да продолжи на тој пат доколку продолжи оваа блокада од Бугарија”, рече Заев во денешното интервју за „Дојче Веле“.Понатаму во интервјуто, Заев вели дека и покрај големото разочарување кај македонските граѓани поради бугарското вето за почеток на пристапните преговори со ЕУ, земјата нема друга алтернатива.„Не, нема друга алтернатива за нас освен единствената: членството на Северна Македонија во Европската унија. А, пактот за европеизација на нашата земја е најскапоцен, најважен за сите наши граѓани. Ние и другите земји од Западен Балкан сме како остров во Европската унија. Опкружени сме целосно од земји членки на Европската унија. И на крајот на денот, ние сакаме да продолжиме и еден ден да станеме полноправни членки на Европската унија. И тоа не е затоа што ние избираме да одиме во Европската унија. Тоа е заради вредностите. Ние веруваме многу во европските вредности. Знаете, има многу други интереси тука во југоисточна Европа и на Балканот, од Русија, од Кина, од остатокот од светот. Но, тие не нудат вредности, демократски вредности, тие не нудат европски вредности“, вели Заев.Премиерот во интервјуто потсети и дека „унгарската влада му помогна на Груевски да избега од Северна Македонија и му даде дозвола за престој во Унгарија, што според нас, се коси со меѓународното право“.Текстот во целост и видео на: DW

Македонија | пред 4 години