На 04.07.2021 во 22.11 часот во СВР Скопје е пријавено дека во Градската општа болница „Св.Наум Охридски“ за укажување на лекарска помош е донесен Х.С.(20) од с.Петровец, скопско, кој на местото викано „Бавчи“ бил повреден од залутан куршум. Се преземаат мерки за расчистување на случајот.
Скопје | пред 4 години
Судскиот совет на денешната 377 седница го разреши судијата Горан Бошевски од Кривичниот суд Скопје, поради нестручно и несовесно извршување на својата функција, пишува Фактор.Бошевски беше судијата кој го водеше случајот на Специјалното јавно обвинителство „Траекторија“, во кој беше обвинет поранешниот премиер, Никола Груевски.Со ова, судењето за случајот „Траекторија“, како и случајот „Талир“, кој беше отпочнат уште во времето на Специјалното јавно обвинителство, ќе започне одново, бидејќи во него Бошевски беше втор судија, покрај Осман Шабани.Покрај разрешувањето на судијата, беа избрани и четири претседатели на основните судови во Гостивар, Дебар, Гевгелија и Свети Николе.
Македонија | пред 4 години
Скопјанецот (51) на кого му беше пресадено срце пред скоро еден месец починал пред неколку дена на Клиниката за кардиохирургија поради бактериска инфекција. Информацијата утринава ја потврди и министерот Венко Филипче.– Имаше една тешка општа состојба, иако во еден момент од лекувањето имаше и флуктуација и подобрување, но и влошување. Но, за жал, последното влошување не го преживеа. Лекарите дадоа сѐ од себе. Не е точно и не е коректно да се кажува дека се потфрлува во некој дел. Инфекции во интензивните неги од тие специфични бактерии има насекаде во светот и тоа е така и кај нас. Имаме механизми кои ги користиме за тие пациенти да се излекуваат. И други пациенти со трансплантација имале таква форма на инфекција, па се излекувале, рече Филипче
Македонија | пред 4 години
Министерството за здравство информира дека во последните 24 часа се направени 1.650 тестирања, а регистрирани се 6 нови случаи на Ковид-19: Скопје – 5 и Кичево – 1 лице.Регистрирани се 27 оздравени пациенти, и тоа од: Скопје – 17, Тетово – 4, Охрид – 2, Прилеп, Гостивар и Кичево – по 1 лице.Не се регистрирани починати пациенти.Направени се 1.650 теста преку: ИЈЗ – 18, ЦЈЗ Скопје – 0, ЦЈЗ Битола – 0, ЦЈЗ Прилеп – 0, ЦЈЗ Тетово- 0, ЦЈЗ Куманово – 0, Клиника за инфективни болести и фебрилни состојби – 0, Судска медицина – 2, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 0, Институт за микробиологија – 0, МАНУ – 0, „Жан Митрев“ („Филип Втори“) – 56, „Авицена“ – 83, „Биотек“ – 153, „Систина“ – 63, лабораторија „Лаор“ – 0, „Синлаб“ – 69, „Ремедика“ – 0, „Плодност“ – 0, „Генеа“ – 0, „Никоб лаб“ – 280, „ВФВ медикал“ – 20, ЈЗУ и ПЗУ (рапид-тест) – вкупно 906.Досега во земјата се направени вкупно 893.681 тестирања на Ковид-19.Вкупната бројка на ковид-дијагностицирани лица во нашата земја од почетокот на епидемијата изнесува 155.716, бројката на оздравени пациенти е 150.100, на починати е 5.486, а бројот на активни случаи изнесува 130.Според епидемиолошки анализи, во моментот дистрибуцијата по градови е следна:Скопје 68.682, активни 54Куманово 8.882, активни 10Прилеп 8.327, активни 5Тетово 7.253, активни 14Битола 6.309, активни 5Велес 5.474, активни 2Гостивар 5.182, активен 1Кавадарци 5.155, активни 2Охрид 5.019, активни 9Штип 4.960, активни 0Струмица 4.120, активни 6Струга 2.981, активни 0Кочани 2.792, активни 0Кичево 2.600, активни 14Гевгелија 2.195, активни 0Неготино 2.184, активни 0Свети Николе 1.524, активни 0Ресен 1.234, активни 0Крива Паланка 1.227, активни 2Радовиш 1.161, активни 0Берово 1.032, активни 3Делчево 973, активни 0Дебар 942, активен 1Виница 886, активни 0Пробиштип 789, активни 0Валандово 667, активни 0Богданци 494, активни 0Крушево 490, активни 0Демир Хисар 400, активни 0Демир Капија 396, активни 0Кратово 377, активен 1Македонски Брод 359, активни 0Пехчево 269, активен 1Македонска Каменица 249, активни 0Дојран 132, активни 0фото: Архива
Македонија | пред 4 години
Денеска (05.07.2021) полициски службеници од Надворешната канцеларија за криминалистички работи од ОВР Прилеп, по добиена судска наредба извршија претрес во дом и други простории кај Д.Р.(50) од Прилеп. При претресот се пронајдени и одземени пушка „Црвена застава“ калибар 16 мм, пиштол германско производство калибар 9 мм, 4 парчиња спорогоречки штапин за експлозив, детонаторска каписла број 8, 10 парчиња муниција 7,9 мм и 6 ловечки патрони, за кои не поседувал дозвола.По целосно документирање на случајот против Д.Р. ќе биде поднесена кривична пријава за „недозволено изработување, држење и тргување со оружје или распрскувачки материјали“, казниво по чл.396 од Кривичниот законик.
Македонија | пред 4 години
Инвестираме во инфраструктурата но работиме и на зачувување на статусот од УНЕСКО, напиша на својот ФБ профил градоначалникот на Охрид, Константин Георгиески.Во објавата градоначалникот додава:👉Нашиот Охрид е меѓу 38 други градови во целиот свет кои се заштитени од УНЕСКО. Тоа е титула која мора да ја почитуваме. Јас сум особено горд што како локална самоуправа ги менуваме работите.👉Во новиот Урбанистички план кој го изработува Агенцијата за просторно планирање на крајбрежјето ќе има одредени локации каде ќе може да се изградат соодветни типизирани шанкови.👉Целта е да ослободиме повеќе места на плажите за туристите, повеќе слободен простор за пливање во езерото и мирна атмосфера за уживање.
Македонија | пред 4 години
На 04.07.2021 во СВР Битола, Д.К.(21) од Битола пријавил дека на ул.„16-та“ маж со пушка пукал во куче. Во полициска станица повикани се три лица, пушката е одземена и дадена на вештачење и се работи на расчистување на случајот.
Македонија | пред 4 години
Градоначалникот на Општина Аеродром, Златко Марин, денеска и официјално во просториите на ОО СДСМ Аеродром ја достави кандидатурата за уште еден мандат.Тој им се заблагодари на членовите во сите месни одбори кои му ја дадоа поддршката за нов градоначалнички мандат.„Во првиот мандат како градоначалник на Општина Аеродром ми беа потребни многу труд, време и енергија да се согледаат низата пропусти, аномалии, а воедно и да се постават вистинските цели, визии како и главната мисија со која веќе се промовираме како Општина лидер во земјата и во регионот со сигурна европска иднина. Затоа, гледам многу причини заедно со жителите на Општина Аеродром да продолжиме да го одиме овој пат“, изјави градоначалникот Марин.Тој потенцира дека општ е впечатокот дека жителите на Аеродром чувствуваат позитивни поместувања во текот на овие четири години во насока на градење современа општина. „Да не го занемариме фактот дека и покрај пандемијата, Општината успеа да реализира огромен број проекти од сите сфери клучни за подобар живот на граѓаните“, рече Марин.Секоја година се делат субвенции за набавка на инвертер клими и велосипеди, а за уште почиста животна средина се засадени околу 15 илјади садници од различен вид, а главната цел е да се стигне до бројка од 100 илјади, односно за секој жител по една садница. Исто така, Општината набави и прочистувачи за сите градинки со цел да осигураме чист воздух за нашите најмлади без оглед на објективните атмосферски влијанија.„Сето ова влијаеше на фактот, оваа година да има енормно намалување на загадувањето на воздухот коешто најмногу го почувствуваа жителите на Аеродром, поточно беа само два до три дена во целиот зимски период кои можат да се сметаат за загадени“, посочува градоначалникот Марин.Градоначалникот Марин од капиталните проекти би ги издвоил изградбите на двете детски градинки, изградбата на целосно новиот објект на училиштето „Димитар Македонски“ во населбата Лисиче, доградба на основното училиште „Лазо Ангеловски“ во населбата Ново Лисиче, реконструкција на простории во училиштето „Ѓорѓија Пулевски“, целосно реновирање на училиштето „Блаже Конески“, преработени паркинзи, целосно обновени, реконструирани и модернизирани паркови во населбата Мичурин и паркот „Бојмија“ во населбата Острово, низа урбани паркови и скверови во населбата Стар Аеродром, повеќе од половина од отворените спортски игралишта се преработени со најсовремена и единствена во државата ергономска подлога за безбедно спортување на нашите жители, детските игралишта добија нови и безбедни реквизити и меки подлоги за безгрижна игра на најмладите, согласно со сите европски и светски стандарди.Што се однесува до хигиената во рамките на имплементацијата на европските стандарди, Општина Аеродром се приклучи кон движењето Нула отпад – Европа и го зедовме најдобриот пример од Словенија, односно почнавме спроведување на одржувањето на јавната хигиена по теркот на градот Љубљана кој е актуелна зелена престолнина на Европа. Во тој контекст изработивме проактивен портал www.higi-aerodrom.mk, преку кој настојуваме во најкус можен рок да интервенираме на реакциите на жителите во однос на хигиената.Со имплементација на проектите што ги имаме најавено во оваа област, а кои треба да се реализираат во наредните месеци, очекуваме заокружување на целокупниот процес на управување со отпадот којшто го создаваат жителите и природата. „Воедно, сакам да ги истакнам вложувањата во специјализирана опрема, односно најсовремени машини за чистење и одржување на јавната хигиена која секојдневно се на терен“, посочува Марин.Во моментов Општината остварува стратегиска соработка со невладиниот сектор, а воедно преку новоформираното јавно претпријатие е во директна комуникација со претприемачки настроени жители и бизнис-заедницата, така што Општина Аеродром има повеќе од 100 проекти со локално економско значење.„Продолжуваме со уште посилно темпо и во наредните четири години“, порача градоначалникот Марин по предавањето на кандидатурата за втор мандат.
Скопје | пред 4 години
Во периодот од 28.06.2021 до 04.07.2021 Министерството за внатрешни работи спроведе контрола за санкционирање на возила на кои се вградени неатестирани фолии (затемнети стакла) и користење на уреди за светлосни и звучни знаци, при што санкционирани се 33 возачи. Од нив, 31 возило имало вградени неатестирани фолии (затемнети стакла), а две возилa поседувале уреди за светлосни и звучни знаци.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија | пред 4 години
Министерството за здравство ја информира јавноста дека почнувајќи од 12 јули вакцинацијата на граѓаните ќе се одвива во постоечките вакцинални пунктови од здравствените домови и болниците во државата, а во спортските сали ќе се одвива масовна ревакцинација.Министерството за здравство ги информира граѓаните дека почнувајќи од 12 јули, ќе може да се вакцинира секој граѓанин без разлика дали е пријавен или не се пријавил на веб страницата vakcinacija.mk Секој кој сака да се вакцинира истото ќе може да го направи без закажан термин, а паралелно ќе се одвива и вакцинацијата на граѓаните кои се пријавиле на vakcinacija.mk
Македонија | пред 4 години
Александар Филиповски е новиот кандидат за градоначалник на општина Аеродром. Оваа информација тој самиот ја објави на Фејсбук и истакна дека ја прифатил номинацијата од страна на многу членови од сите месни организации во ОО Аеродром.-Подготвивме навистина квалитетна програма за следните четири годинии. Целото мое знаење и искуство ќе го вложам во градење на локална самоуправа која ќе биде вистински сервис на граѓаните. Во Аеродром пораснав, го познавам секој дел од општината и знам што е потребно за да биде подобро. Токму затоа ќе ми биде чест и задоволство да го дадам својот придонес. Заедно да создадеме место каде што ќе растат и ќе се развиваат уште многу идни генерации, напиша Филипвски на ФБ.Тој на својот фејсбук профил напиша:
Скопје | пред 4 години
Го поздравувам чекорот на СДСМ да ја поддржи Резолуцијата која ВМРО-ДПМНЕ ја поднесе во Собранието. Резолуцијата ги содржи националните црвени линии од кои ниту една Влада не смее да отстапи. ВМРО-ДПМНЕ продолжува да ги обединува сите општествени и политички фактори и да биде носечкиот столб за заштита на националното ткиво и стратешки цели на Македонија. Покажуваме дека обединети сме посилни, напиша на својот Фб профил Претседателот на ВМРО ДПМНЕ, Христијан Мицкоски.Мицкоски во објавата додава:Се заблагодарувам на МАНУ, УКИМ и МПЦ-ОА за својот придонес со создавање на текстот на оваа резолуција.Се заблагодарувам на сите политички партии, и од опозицијата и од владејачкото мнозинство кои беа спремни да ја поддржат Резолуцијата или беа спремни на разговор со нас за истата.Се надевам дека денешната изјава од СДСМ е искрена и се базира на сериозните аргументи кои ги понудивме.Доколку СДСМ не постапат според денес кажаното или доколку се обидат низ процедурални собраниски трикови да го закочат носењето на оваа Резолуција, тогаш ќе направат штета за Македонија.Време е Македонија да престане со лошата пазарџиска дипломатија.Македонија има повеќе ум и мудрост од сѐ што видовме досега.
Македонија | пред 4 години
Македонските идентитетски линии им се јасни на сите, и на нашиот народ и на целата меѓународна јавност. Доколку Христијан Мицкоски и ВМРО-ДПМНЕ не се сигурни во тоа, ако им треба потврда и во рамките на парламентот, ние како конструктивно парламентарно мнозинство без никаков проблем може да направиме таков чекор и ќе ја прифатиме резолуцијата таква каква што е каква што и всушност видовме од медиумите затоа што официјален предлог до нас како пратеници нема, изјави портпаролот на СДСМ, Костадин Костадинов.Тој нагласи дека ВМРО-ДПМНЕ во согласност со Уставот треба официјално до секој пратеник да ја испрати резолуцијата.„Ние како одговорно мнозинство ќе ја прифатиме таква каква што ја гледаме во медиумите. Со тоа би сакал да ги известам и граѓаните и да соопштам дека излегуваат на површина буквално сите лаги што ги пласираа ВМРО-ДПМНЕ и Христијан Мицкоски во однос на национално предавство, во однос на загрозувањето на нашиот македонски јазик и македонски идентитет.Со тоа уште еднаш испраќаме силна порака до сите дека, апсолутно, македонскиот идентитет, македонскиот јазик, се затворена тема и тоа треба да им биде јасно на сите. Со сигурност дека нема да дозволиме македонскиот идентитет да се користи за партиски престрелки, тоа како одговорни политичари имаме обврска да го направиме. Македонскиот идентитет е светост што е повисока и поважна од рејтингот на Христијан Мицкоски и ВМРО-ДПМНЕ. Испраќаме силна порака дека ќе работиме силно на интеграцијата во ЕУ со заштитен македонски јазик и заштитен македонски идентитет“, истакна Костадинов.
Македонија | пред 4 години
Како што најавивме минатата недела, првичната иницијатива на двајцата пратеници на Левица за поднесување Интерпелација за работата на претседателот на Собранието на Република Македонија – г. Талат Џафери наиде на голема поддршка кај македонската опозиција и истата денес е поднесена преку архивата на македонското Собрание, се вели во соопштението од Левица.Во продолжение на истото се додава:И покрај тоа што, во катастрофалното менаџирање на внатрешната работа на Собранието на РМ, можат да се набројат над 30-на прекршувања на Уставот, законите и Деловникот – сепак, заради ограничениот простор, поднесената Интерпелација се однесува на три главни причини: (1) повреда на Амандманот V од Уставот на РМ, преку неупотреба на македонскиот јазик во излагањето на Џафери пред Комитетот на министри на Европскиот парламент, како единствен службен јазик во меѓународните односи на Републиката; (2) свесно и злонамерно истиснување на македонскиот јазик од интерната употреба во парламентот, преку противуставно, противзаконско и противделовничко доставување само на двојазични материјали за сите пратеници (на македонски и на албански јазик), а не само за оние пратеници кои говорат друг јазик во службена употреба, различен од македонскиот; и (3) повреда на Протоколот и Дополнението на протоколот за организирање седници во услови на коронакриза, кога спикерот – правејќи кривично дело – дозволи двајца позитивни пратеници на Ковид-19 да гласаат во скафандери во Собранието на РМ, свесно загрозувајќи го здравјето на сите останати пратеници.Ја информираме јавноста и дека во петокот (2 јули 2021 год.), правниот тим на Левица поднесе и итна Иницијатива за вршење вонреден инспекциски надзор до Министерството за култура, кое е надлежно да врши контрола над правилната употреба на македонскиот јазик од страна на јавните и приватните субјекти.Ги повикуваме сите пратеници, и од власта и од опозицијата, да ја поддржат оваа интерпелација и да заедно да ставиме крај на самоволието на собранискиот спикер, кој во последно време покажува недозволиви автократски тенденции, се вели во соопштението од Левица.
Македонија | пред 4 години
Средната оценка од двата екстерни испита на државната матура во јуни 2021 (5 и 11 јуни) е 3.61 и е подобра од претходната државна матура, во 2019 година, кога просечниот успех беше 3.48.Резултатите од тестовите на речиси 15 300 матуранти кои полагаа минатиот месец денеска на прес-конференција ги соопшти директорката на Државниот испитен центар (ДИЦ) Елизабета Наумовска, а од 12 часот тие се објавуваат на огласните табли во училиштата и во системот matura.gov.mk.Наумовска рече дека преведено во оценка, резултатот од оваа матура е многу добар (4) за разлика од предминатата година кога оценката беше добар (3). Тоа покажува, рече таа, дека матурантите и покрај отежнатите услови, успеале да постигнат повисоки резултати и покажале дека тоа е возможно и со онлајн-наставта. Притоа посочи дека на оваа генерација матуранти им е излезено во пресрет и полагаа по скратени испитни програми.Од испитот по македонски јазик и литература просечната оценка е 3.93,а полагале 10 647 матуарнти (во 2019: оценката била 3.69). Албански јазик и литераатура средна оценка е 3.59, полагале 3873 (во 2019: 3.85); турски јазик и литература постигната е средна оценка 3.57 од 253 матуранти кои полагале (во 2019: 3.73), средниот успех по англиски јазик е 2.82 од 13 033 што полагале (во 2019 успехот бил 3.07); француски јазик полагале 31 ученик и постигнале просечна оценка 4.58, а пред две години успехот бил 4.61; германски јазик полагале 135 со средна оценка 4.56 (во 2019 е постигната 4.41), руски јазик полагале 18 матуранти и е постигната перосечна оценка 4.78 за разлика од 4.07 во 2019 година.Математика полагале 1510 матуарнти и постигнале среден успех од 4.07, што е подобро од 2019-та кога е постигнат 3.66. Во уметничките училишта вториот екстерен беше филозофија односно естетика. Филозофија полагале 13 матуранти и е постигната средна оценка 4.23 (во 2019 успехот бил 3.89) и естетика полагале 63 и постигнале просечна оценка 4.03 за разлика од 4.38 пред две години.Само двајца ученици пријавиле дека се спречени поради изолација да полагаат и еден се јавил за дополнителниот рок што ДИЦ го овозмои на крајот на јуни.Матурантите имаат право на приговор во рок од три дена односно до среда, со уплата од 1.500 денари. Новина е што на matura.gov.mk има достапни формулари и информации како да ги достават приоговорите, односно тие се доставуваат до училиштето, кое скенирано ќе ги внесе во е-систем и ќе ги достави до ДИЦ.Од среда комисии на ДИЦ ќе ги разгледуваат приговорите и на 12 јули ќе бидат соопштени конечните резултати од јунската испитна сесија. За тие што нема да достават пригвоори, овие ќе бидат конечни резултати.
Македонија | пред 4 години
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се зголемуваат за 0,50 денар/литар.Малопродажната цена на ЕУРОДИЗЕЛ (Д-Е V) не се менува и останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 28.06.2021 година .Малопродажната цена на Мазутот М-1 НС се зголемува за 0,567 ден/кг и сега ќе изнесува 37,719 ден/кг.Од 6.7.2021 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 71,50 (денари/литар)Моторен бензин ЕУРОСУПЕР БС -98 73,50 (денари/литар)Дизел гориво ЕУРОДИЗЕЛ БС (Д-Е V) 63,00 (денари/литар)Масло за горење Екстра лесно 1 (ЕЛ-1) 63,00 (денари/литар)Мазут М-1 НС 37,719 (денари/килограм)
Македонија | пред 4 години
Добра вест! Мајкичката која вчера беше пукана со пушка од монструмот во Битола и која исчезна, со последни сили тешко повредена ноќва се вратила кај своите седум бебиња цицалчиња... Е тоа е мајка, стои во објава на ФБ.Во продолжение на објавата се додава:Лицето кое во присуство на деца пукаше во кучето ќе одговара пред надлежните органи, одземена му е и пушката... (пред полицијата тврдел дека во торбата носел две векни леб, а не пушка.Господ е голем.Сега мајкичката ќе биде однесена на ветеринар да и се пружи неопходната помош.
Македонија | пред 4 години
Во текот на вчерашниот ден (04.07.2021) Министерството за внатрешни работи спроведе зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 648 возачи. Од нив, 60 возила се движеле со брзина над 50 километри на час повеќе од дозволеното, а 21 возило се движело со дури над 70 километри на час повеќе од дозволената брзина. Најголем број од санкциите се изречени на територија на СВР Скопје – 117, а потоа на територија на СВР Охрид - 82, на територија на СВР Куманово – 80...Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија | пред 4 години
Со тоа што Талат Џафери во улога на претседател на Собранието на Македонија, во меѓународен настап зборувал на албански, а не на македонски јазик тој ги прекршил одредбите на Уставот и на Законот за употреба на јазиците, напиша на својот ФБ профил професорката Мирјана Најчевска.Најчевска во објавата додава:Според член 7 од Уставот:“На целата територија во Република Македонија и во нејзините меѓународни односи службен јазик е македонскиот јазик и неговото кирилско писмо. Друг јазик што го зборуваат најмалку 20% од граѓаните, исто така, е службен јазик и неговото писмо, како што е определено со овој член.“Тоа значи дека албанскиот јазик е службен само и единствено во рамките дадени во самиот член. Во членот 7 не се спомнува употреба на албанскиот јазик во меѓународни односи.Според членот 1 од Законот за употреба на јазиците “На целата територија во Република Македонија и во нејзините меѓународни односи службен јазик е македонскиот јазик и неговото кирилско писмо. Друг јазик што го зборуваат најмалку 20% од граѓаните (албански јазик), исто така, е службен јазик и неговото писмо, согласно овој закон.“Тоа значи дека албанскиот јазик е службен само и единствено во рамките дадени во самиот закон. Во Законот за употреба на јазиците не се спомнува употреба на албанскиот јазик во меѓународни односи.Уставниот суд и Агенцијата за спроведување на Законот за јазиците, односно, Владата, треба да постапат во врска со ова прекршување на Уставот и на Законот.
Македонија | пред 4 години
Сметам дека доколку летото ситуацијата продолжи да биде ваква, не треба да се воведуваат никакви рестриктивни мерки, вели министерот за здравство, Венко Филипче во гостувањето во „Утрински брифинг“.Филипче утрово нагласи дека под тоа дека не требаат рестрикции, мисли на тоа дека нема потреба за рестрикции на граници и за ограничување на прославите.„Тука зборувам и за влез излез на границите и во рамките на тоа што е препорачано во делот на организација на настани, собири итн. Но, будно ја следиме ситуацијата, зошто има земји каде индискиот сој, како поагресивен во однос на претходните побрзо се шири и еве тие земји воведоа некоја рестрикција. Сметам дека засега нема потреба, но ако треба ќе интервенираме“, истакна министерот.„Веќе повеќе денови по ред нема притисок во амбулантите, има некои одделенија, на пример Инфективната клиника, не се ни јавуваат пациенти кои имаат симптоматологија слична на ковид па треба да се потврди или исклучи. Што значи дека нема наплив на пациенти ниту во амбулантите. Ја следиме ситуацијата и во околните земји, целокупниот овој период епидемиолошките криви, без разлика на тоа која земја какви рестриктивни мерки имаше, беа прилично слични. И во таа смисла насекаде е мирно во регионот, и во Србија, и во Албанија. Ги гледаме и оние земји каде наши граѓани заминуваат на летни одмори. Има некое лесно зголемување на бројката на позитивни во Грција, но сметам дека тоа не е алармантно“, објасни Филипче.
Македонија | пред 4 години
На граничниот премин Табановце за влез во државата се чека 30 до 40 минути, а на останатите премини нема подолги задржувања, соопшти АМСМ.Сообраќајот на државните патишта се одвива непречено, по наместа влажни коловози. Интензитетот на патните правци надвор од градските средини е зголемен. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.АМСМ потсетува дека денеска ќе се врши минирање на патниот правец А2 Кичево – Охрид, на делницата Пресека – село Врбјани поради што сообраќајот ќе биде во прекин помеѓу 12:00 и 15:00 часот во времетраење од 15 – 20 минути.
Македонија | пред 4 години
На 04.07.2021 околу 04.00 часот на ул.„Народни херои“ со ул.„Михаил Чаков“, од полициски службеници се лишени од слобода В.Н.(25) и А.М.(37), и двајцата од Скопје, бидејќи се фатени при вршење на кривично дело тешка кражба од патничко возило „БМВ“, со скопски регистарски ознаки, сопственост на П.А.(30). Лицата се приведени и задржани во полициска станица за понатамошна постапка, за случајот е известен Јавен обвинител и по комплетно документирање против нив ќе бидат поднесени соодветни пријави.
Македонија | пред 4 години
Вечерва околу 21.30 часот, кусо време по огнометот за Денот на независноста на САД под Калето избувна пожар во грмушките, кој за повеќе од половина час беше изгаснат.Информацијата за Радио МОФ ја потврдија од противпожарната бригада, од каде велат дека веќе половина час на терен се две возила и осум пожарникари кои го гаснат пожарот.На фотографиите и видеата споделени на социјалните мрежи се гледа како гори зеленилото и дрвјата под Калето. https://twitter.com/gunmetal6lack/status/1411768927978393604?ref_src=twsrc%5Etfw%7Ctwcamp%5Etweetembed%7Ctwterm%5E1411769154693181443%7Ctwgr%5E%7Ctwcon%5Es2_&ref_url=https%3A%2F%2Fwww.radiomof.mk%2Fvideo-ognomet-predizvika-pozhar-pod-kale%2F
Скопје | пред 4 години
Овие средби не се почеток на кампања, овие средби се за да го слушнеме гласот на граѓаните, да видиме што мислите, да го споделиме информации, затоа што така сакаме да креираме и да ги водиме политиките, инклузивно, да слушнеме кои се проблемите и предизвиците со кои граѓаните се соочуваат и заедно да најдеме решенија, истакна во Охрид на трибината на СДСМ под мотото „Најдоброто за нашата општина“, потпретседателот на СДСМ Венко Филипче.Тој истакна дека вака инклузивно СДСМ ги води политиките во здравството, со граѓанските здруженија за ретки болести, со здруженијата на пациентите, млади специјализанти, студенти по медицина, лекарската комора, со сите што знаат ги знаат проблемите и знаат како да се решат.Минатата година се соочивме во криза, која никој никаде во светот не ја очекувал ниту знаеше како да ја менаџира, но со тимска и пожртвувана работа, како одговорна и транспарентна власт не дозволивме ниту еден пациент да остане без соодветно болничко лекување, истакна Филипче.Тој нагласи дека се зголемија платите на лекарите специјалисти од 60.000 на -85. До 160.000, на медицинските сестри од 19.000 и 25.000 на 25.000 и 33.000, , дадовме 5000 согласности за вработувања за 3 години не оставивме млад лекар да си оди од државата.Решен и повеќегодишниот проблем со едукација на медицинските сестри, од септември ќе им биде признаено и платено образованите, рече Филипче, додавајќи дека инвестиравме во луѓето, но и во опрема.Охрид доби најсовремен центар за деца со аутизам, кој стана регионален, каде овие деца добиваат најсовремена здравствена заштита, изградивме модуларна болница, во која во екот на пандемијата имаше и 100 пациенти, истакна Филипче.Тој најави дека следната недела во охридската болница ќе стигне нов дигитален рендген апарат, нов најсовремен ехо апарат, репариран е ангиографот, а стигнува уште еден, бидејќи Охрид е препознаен за најсовремен третман на кардиолошки болни.Во среда се отвора базен во костозголбната болница, каде се вршат најкомплексни ортопедски интервенции, а до крајот на годината, со заемот од Светска банка, која ВМРО-ДПМНЕ го блокираше ќе се опреми новата интервенции болница и ќе биде ставена во функција.Вака ги креираме политиките, ги препознаваме вистинските проблеми ги решаваме напластените проблеми, истакна во Охрид на трибината на СДСМ под мотото „Најдоброто за нашата општина“, потпретседателот на СДСМ Венко Филипче.
Македонија | пред 4 години
На социјалната мрежа Твитер се појави видео на кое се гледа пожар на скопското кале под еден од ѕидовите.Официјални информации за тоа кои се причините за огнот се уште нема. https://twitter.com/gunmetal6lack/status/1411768927978393604?ref_src=twsrc%5Etfw%7Ctwcamp%5Etweetembed%7Ctwterm%5E1411769154693181443%7Ctwgr%5E%7Ctwcon%5Es2_&ref_url=https%3A%2F%2Flokalno.mk%2Fpozhar-na-kale-foto-video%2F&fbclid=IwAR1yqmXPYXMYQqwRtltzX7sHey71G0PR0Kc-MTVnxUdeF82ohi0jkVNM3Dc
Скопје | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања