„Во СВР Скопје околу 22 часот пријавено е пукање од возило кон друго пмв 'голф' на раскрсницата од булеварите „Босна и Херцеговина“ и „Христијан Тодоровски-Карпош“, одосно на паркингот. Во возилото 'голф' во кој било пукано, биле две машки лица, од кои едно им подлегнало на повредите во Клинички Центар.Увидна екипа на терен се работи на расчистување на случајот“.
Скопје | пред 5 години
Во скопската населба Бутел 2 попладнево се случило убиство. Настанот се случил веднаш до ресторанот „Султан“, а голем број на полициски единици се излезени на терен.„Пред 10-тина минути имаме пријава за слушнати истрели во Чаир. На терен се екипи“, велат од МВР за ТВ21.Неофицијално, едно лице е починато со иницијали К.И., а на терен се три амбулантни возила.извор: ТВ21.
Скопје | пред 5 години
Со одлука на министерот за внатрешни работи Оливер Спасовски, односно на владата, сменет е Лазе Велковски од функцијата началник на организиран криминал во МВР. Ова е нов удар од извршната власт врз акциите на Обвинителството за организиран криминал кое има директна соработка со досегашниот началник на организиран криминал во МВР, Лазе Велковски, особено во борбата против корупција и против нарко бизнисот, објави Инфомакс. На местото на Лазе Велковски поставен е Ветон Кранли, советник на министерот Оливер Спасовски кој никогаш досега не вршел ниту една одговорна и оперативна функција во полицијата.Лазе Велковски, по 0длука на шефицата на Организиран криминал во ЈО, Вилма Рускоска, е избран за нејзин соработник во истрагите против организиран криминал и корупција па, и и по тој основ, додека ги извршува тие задачи владата, односно министерот Оливер Спасовски, согасно закон не може да го разрешува од функцијата која ја има.Лазе Велковски беше директор на Јавна безбедност до август 2018-та година кога владата го разреши и го симна подолу во хиерархијата поставувајќи го за началник на Организиран криминал. По функција, директен и прв полициски соработник со Вилма Рускоска, шефицата на ЈО за Организиран криминал.Текстот воцелост на: Инфомакс.
Македонија | пред 5 години
Сатирична вест на порталот КооперацијаОткако вчера го зеде цревото во раце и ја пицна старата скопска чаршија до непрепознатливост, вицепремиерот Артан Груби продолжува со активностите.Имено, во канцеларијата што тој ја презеде од поранешниот генерален секретар на Владата, а сегашен колекционер на обвиненија - Драги Рашковски, денес и утре ќе се сукаат кори и ќе се печат баклави по рецепт на Груби, кои ќе им бидат раздадени на посиромашните функционери во власта.Целата вест од Кооперација може да ја прочитате на овој линк.
Македонија | пред 5 години
СТОП!!!Вчера во Собрание на Република Македонија 72 ненародни претставника решија да гласаат закон со кој ги стимулираат криминалците и буквално фрлаат пепел врз надлежните инспектори и илјадниците констатирани дивоградби на територија на цела држава. Кај нас во општината константирани се над 1000 нерегуларности на градби, кои со закон ќе можат да бидат легализирани. Тоа е голем срам за државата, меѓутоа нема да се откажеме и ќе се бориме до крај неселективно и достоинствено, се вели во објава на ФБ.Во продолжение на објавата се додава:По завршување на последната седница на Совет, во Кочани почна да се става крај на безредието и самоволието на бандитите кои градат бесправно. За разлика од претходните години, во текот на викендот спречени и срушени се повеќе нелегални објекти кои верувале или не ги градат и лица од други општини, нешто на што алармирав и претходно.Лицата се евидентирани, пишани се и кривични пријави, борбата против мафијата продолжува, за очекување сега е да се појави ,,епидемија" на бројчиња за легализација на дивоградби, нешто за што ќе дискутираме во наредниот период. Ве повикувам доколку имате информации за дивоградби да ги пријавувате кај надлежните служби, кои покажаа решителност и одлучност неселективно да го спроведуваат законот и будно да го следат секое отстапување од законската регулатива. извор: ФБ
Македонија | пред 5 години
Африканскиот сој на коронавирусот бил изолиран во Институтот за јавно здравје во Скопје, дознава Слободен печат. Високи извори од Министерството за здравство ја потврдија информацијата и рекоа дека се работи за случај од март месец.Според анализите на ИЈЗ од 1 март до 15 април, кај едно лице од Делчево било детектирано присуството на јужноафриканскиот сој на вирусот Сарс Ков 2. Пациентот е оздравен и повеќе не е ковид-позитивен. Освен за овој пациент досега нема детектирано присуство на јужноафриканскиот сој кај други позитивни пациенти, велат од Министерството за здравство за Слободен печат.
Македонија | пред 5 години
Дел од канабисот кој легално се произведува за медицинска употреба во Северна Македонија можеби завршува на црниот пазар, се наведува во извештајот на „Глобалната иницијатива против транснационалниот организиран криминал“, објави mk.voanews.com. Во извештајот се потсетува на неколку случаи на кражба на канабис од магацини на лиценцирани компании, меѓу кои и оној од декември минатата година кога два тони канабис беа украдени од складиште на компанија во селото Јосифово близу Валандово.Извештајот го анализира целиот нелегален пат на дрогата, од Западниот Балкан до централна и западна Европа, а како посебен регион од интерес е издвоен источниот дел од земјата.„Источниот дел од Северна Македонија вклучува ‘жешки точки’ каде наркотиците доаѓаат од Бугарија (хероин и синтетички дроги) од Благоевград во Делчево, а канабисот оди во обратна насока... Преку Струмица во Грција се пренесува канабис и хероин, а кокаинот оди во двете насоки. Клучна точка е Велес зашто се наоѓа на патот кој оди од Исток кон Запад, како и на Коридорот 10 кој оди од Север кон Југ“ стои во Извештајот.Северна Македонија освен на канабис е производител и на синтетички дроги, се наведува во извештајот во кој е опишан случајот од 2017-та кога во нелегални лаборатории во Батинци и во близина на Тетово беа запленети 910.000 таблети „Каптагон“, 52 килограми амфетамини и сировини кои се користат за производство на наркотици.Според извештајот Северна Македонија е на претпоследното место од шесте држави на Западниот Балкан според заплената на дрога од страна на полицијата, зад неа е единствено Косово.Во 2019-та биле запленети близу 1.000 килограми дрога (977 килограми канабис и 2 килограми други дроги). Истата година во Србија полицијата запленила над 7.000 килограми, во Албанија над 5.000 а во Босна и Црна Гора по околу 2.000 килограми.„Шверцот на дрога од размери какви што има на Западниот Балкан е можен само во дослух со државни структури. Оваа ‘заштитничка економија’ опфаќа корумпирани гранични службеници кои ‘гледаат настрана’ на клучните премини, полицајци кои го игнорираат па дури и се вклучени во шверцот. Исто така може да вклучува и политичари кои ги штитат клучните играчи за процент од бизнисот. Фактот што има релативно малку заплени на дрога во регионот сугерира или на небрежност или на корумпираност кај силите на редот“ наведуваат авторите. Текстот во целост на: mk.voanews.com.
Македонија | пред 5 години
Законот за утврдување на правен статус на бесправно изградени објекти кој веќе го усвои Собранието и кој се однесува на легализација на дивоградби не се однесува на бесправните објектите во границите на Охридскиот регион.Поточно законот не ги опфаќа дивоградбите кои го нарушуваат природното и културното наследство запишано во Списокот на светското природно и културно наследство, како и дивоизградени станбени згради и дивоизградени доградби и надградби на станбени згради.Општина Охрид и во следниот период продолжува со акцијата на отстранување на бесправните објекти според препораките на УНЕСКО, напиша во ФБ објавата градоначалникот Георгиески.
Македонија | пред 5 години
Предмет на Јавниот повик е директна еднократна парична помош на најпогодената категорија на занаетчии од пандемијата на Ковид – 19, со цел задржување на работните места и зачувување на овие занаети од изумирање, соглсно Регионалната Занаетчиска Комора Охрид.Повеќе на https://ohrid.gov.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba-%d0%b7%d0%b0-%d1%81%d1%83%d0%b1%d0%b2%d0%b5%d0%bd%d1%86%d0%b8%d0%be%d0%bd%d0%b8%d1%80%d0%b0%d1%9a%d0%b5-%d0%bd%d0%b0-%d0%b7%d0%b0%d0%bd/
Македонија | пред 5 години
Министерството за здравство информира, согласно податоците од Институтот за јавно здравје:Во последните 24 часа се направени 2.093 тестирања, а регистрирани се 150 нови случаи на КОВИД-19 во:Скопје – 62, Куманово – 17, Битола – 8, Штип – 6, Струмица, Ресен и Радовиш – по 5, Тетово и Кичево – по 4, Велес, Гостивар, Кочани, Дебар и Виница – по 3, Прилеп, Кавадарци, Охрид, Струга, Гевгелија и Делчево – по 2, Неготино, Свети Николе, Берово, Пробиштип, Кратово, Пехчево и Македонска Каменица – по 1.Регистрирани се 487 оздравени пациенти од:Скопје – 144, Куманово – 65, Битола – 33, Прилеп и Охрид – по 31, Кавадарци – 24, Струмица – 23, Кичево – 18, Штип и Кочани – по 13, Велес и Струга – по 9, Тетово и Гостивар – по 8, Виница, Берово и Крива Паланка – по 7, Радовиш – 6, Дебар и Неготино – по 5, Пехчево – 4, Ресен и Гевгелија – по 3, Делчево, Свети Николе, Пробиштип и Валандово – по 2, Богданци, Македонски Каменица и Демир Капија – по 1.Пријавени се вкупно 16 починати лица: 6 од Скопје (50г,62г,66г,79г,81г и 83г), и по едно лице од Куманово (54г), Велес (69г), Гостивар (70г), Штип (69г), Струмица (54г), Струга (83г), Кочани (65г), Гевгелија (72г), Радовиш (88г) и Богданци (78г). Од пријавените сите се починати во болнички услови.Направени се 2.093 тестови преку: ИЈЗ-306, ЦЈЗ Скопје-57, ЦЈЗ Битола-46, ЦЈЗ Прилеп-17, Клиника за инфективни болести и фебрилни состојби-0, Судска медицина-7, лабораторија болница Козле-18, УК Пулмологија со алергологија–0, ГОБ 8-ми Септември-10, Институт за микробиологија–84, МАНУ-83, Жан Митрев (Филип Втори)-132, Авицена-203, Биотек-251, Систина-148, лабораторија Лаор-148, Синлаб-38, Ремедика-0, Плодност–30, Генеа–0, ЈЗУ и ПЗУ (рапид тест) – вкупно 515.Досега во земјата се направени вкупно 745.471 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 154.372, бројката на оздравени пациенти е 139.266, на починати е 5.151, а бројот на активни случаи изнесува 9.955.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68101, активни 4697Куманово 8752, активни 795Прилеп 8251, активни 350Тетово 7178, активни 419Битола 6246, активни 617Велес 5454, активни 346Гостивар 5151, активни 260Кавадарци 5141, активни 185Охрид 4969, активни 345Штип 4949, активни 211Струмица 4088, активни 161Струга 2967, активни 118Кочани 2766, активни 125Кичево 2525, активни 210Гевгелија 2188, активни 154Неготино 2176, активни 124Свети Николе 1516, активни 91Ресен 1233, активни 180Крива Паланка 1216, активни 30Радовиш 1128, активни 86Берово 1026, активни 19Делчево 963, активни 67Дебар 938, активни 16Виница 869, активни 111Пробиштип 785, активни 19Валандово 664, активни 14Богданци 493, активни 31Крушево 491, активни 72Демир Капија 396, активни 14Демир Хисар 395, активни 53Кратово 361, активни 9Македонски Брод 356, активни 1Пехчево 266, активни 7Македонска Каменица 242, активни 18Дојран 132, активни 0 фото: Архива
Македонија | пред 5 години
Криминалецот Зоран Заев како што беше најавено продолжува со политичкиот прогон и теророт врз неистомислениците. Додека неговата влада делеше пасоши на најпознатите европски и светски нарко дилери, под негова раководна палка институциите вршеа и сеуште вршат жесток притисок и уцени на луѓе кои дел ги познавам а дел не, со барање да станат лажни сведоци во фабрикувани процеси против мене во кои наводно јас со наводни партиски пари сум бил сопственик на некакви земјишта и станови а тие сега ги откриле и ќе ги конфискувале, напиша на својот ФБ профил поранешниот премиер Никола Груевски.Груевски во објавата додава:Тој не се двоуми и самиот да праќа пораки до некои од жртвите дека ќе им пружи милост доколку лажно посведочат против мене. Не му е проблем репресиите да одат и до тој степен да некој со денови затворен, да биде лишен и од вода за пиење, ако веќе нема друг начин како делува. Праќањето на сите инспекции во фирми на бизнисмени со задача да им се изврши притисок да станат лажни сведоци е секогаш првата алатка од која почнува па потоа ако тоа е неуспешно оди понатаму кон други тортури.Одкако изврши притисок на судот и обвинителството во првите година и половина на неговиот мандат, да биде ослободен од обвинението за барање мито од струмички бизнисмен, кое со докази и видео снимки беше поткрепено пред судот, а за чие снимање претходно судот издал наредба, по претходна пријава од жртвата кој беше бизнисмен од Струмица, тој потоа се посвети на правење се што е во негова моќ, вклучувајќи и притворање и тортура со некои луѓе кои наумиле да им бидат сведоци, да ме прогонува мене и други личности во фабрикувани случаи со уценети сведоци да докажува нешто што го наумил а што е невистина.Во една земја како Македонија со премиер кој од сенка лично ги води и контролира репресивните и правосудни институции, премиер кој неформално некогаш директно а некогаш преку посредник нарачува обвиненија и кажува на судиите кој колку години затвор треба да биде осуден или кога да биде ставен или пуштен од притвор, во процесите од политичките прогони, се е можно, па дури и да ти запленат имот кој не е твој, претставувајќи го како твој со неколку уценети сведоци, да те осудат и да прават политичка пропаганда со тоа.Дури и кога обвинителството, иако Законот тоа го налага, не те сослушале пред да го пушти обвинението, па лажно преставува дека те сослушале за истата квалификација во сосема друг предмет или користат само за дел од истото изјава дадена уште во фаза на прибирање информации а не изјава пред обвинение, дури ни таквото кршење на законите не им преставува проблем.Очигледно во периодот пред локалните избори но и потоа кога ќе му заврши планираниот период на глумење патриот и кога планира да направи нови откажувања од националните интереси, на овој балкански измамник му требаат случаи со кои ќе го свртува вниманието од него, од неговите рекетарско-криминални потфати, од бизнисот со марихуаната кој сам себе си го додели како премиер, а притоа и да покажува дека додека всушност го прави криминалот, дека божемно тој се бори против истиот.Се што во овие години прави Зоран Заев еден ден ќе се разобличи и ќе излезе на површина а тој ќе одговара за тоа.Целата негова криминална шема и валкани методи ќе бидат откриени и казнети.извор: ФБ Никола Груевски
Македонија | пред 5 години
Ако малку подобро се погледне законското решение за дивоградбите, кое на јавноста и беше понудено, а каде што како објекти за легализација се вброени и „базените“, јасна е тенденцијата за легализација на приватниот интерес - луксузот и комфорот на побогатите. На странските државјани од документи за легализација им се бара само „копија од патна исправа“, со што и на богатите странци ќе им биде отворен патот за узурпација на македонските урбани јадра и планини. Нешто што не можат да го прават во своите матични држави, се вели во соопштението од Левица.Во продолжение на истото се додава:Понатаму, ќе се легализираат дивоградби во заштитени подрачја, национални паркови, природни резервати, споменици на природата, подрачја на заштитено недвижно културно наследство и нешто што е апсолутно недозволиво, во прва и втора санитарно-заштитна зона на извори на вода за пиење, само по добиена согласност од надлежен орган!Со овој закон ќе бидат легализирани стотици нелегални комерцијални објекти, луксузни куќи и викендички, кои со години се градат бесправно со преќутна согласност на властите. Она што мора да се потенцира е дека, овој закон беше договорен на лидерската средба, одржана за одложување на пописот. Токму на предлог на амандман на ВМРО-ДПМНЕ, со овој закон се предвидува да запрат сите кривични и граѓански постапки што се во тек, а се поврзани со изградба на бесправни објекти (од значење на локално и републичко ниво).Со заедничкото изгласување на овој амандман, од страна на СДСМ и ВМРО-ДПМНЕ, се запираат кривичните постапки против новинарот Драган Павловиќ-Латас, поранешниот градоначалник на Општина Карпош Стевчо Јакимовски, градителот на срушениот објект кај „Мавровка“ и градителот на дивоградбата кај Американската амбасада, за која беше објавен и прислушуван разговор меѓу Никола Груевски и Али Ахмети. Од ова може да се заклучи дека се работи за уште една договорена амнестија помеѓу власта и опозиционата ВМРО-ДПМНЕ, повторно на штета на граѓаните.Од сите горе наведени причини и многу други, Левица гласаше против овој закон.
Македонија | пред 5 години
На денешната, прва средба на премиерско ниво на шефовите на владите на Северна Македонија и Кралството Шпанија, Зоран Заев и Педро Санчез, изразено е исклучително задоволство од двете страни и средбата е оценета како историска и како нова, важна страница за натамошен развој на двете пријателски земји.Премиерите Заев и Санчез на средбата, на која присуствуваше и заменик-претседателот во Владата задолжен за европски прашања, Никола Димитров, се согласија дека средбата е важна и заради евроинтеграциските процеси на Северна Македонија имајќи ја предвид силната поддршка од Шпанија за одржувањето на првата меѓувладина конференција на Северна Македонија со ЕУ и со тоа старт на преговорите.На средбата премиерот на Шпанија, Педро Санчез истакна дека неговата земја е силен поддржувач на Северна Македонија во остварувањето на оваа цел нагласувајќи дека поддржува почеток на преговорите и за Северна Македонија и за Албанија во исто време.Шпанија многу високо ги оценува реформите што ги спроведува Северна Македонија, нагласи премиерот Санчез на средбата и потенцираше дека тоа, како и исполнувањето на другите критериуми за пристапување во ЕУ, се најважни процеси кои земјата ги оствари и испорача кон Брисел.Двајцата премиери оваа прва средба на премиерско ниво ја оценија и како особено значајна за стопанствениците од двете земји и се согласија дека ќе земат уште поголемо учество во поттикнувањето на бизнисмените од двете страни да соработуваат на заеднички инвестициски проекти.Меѓусебната поддршка меѓу двете земји и двете влади е очекувана бидејќи неопходно е прогресивните сили да се поддржуваат на патот кон просперитетот, нагласија премиерите Санчез и Заев.
Македонија | пред 5 години
Секторот за компјутерски криминал и дигитална форензика при Бирото за јавна безбедност, во соработка со Европол и Еуроџаст учествуваше во меѓународна истрага, предводена од полициските служби во Германија, а со координирани активности помеѓу полициски служби од Германија, Бугарија, Израел, Латвија, Полска, Шпанија и Шведска.Криминалните активности се вршеле во повеќе држави во Европа, а се повразни со вршење на измами во вкупна вредност од 30 милиони евра со злоупотреба на онлајн-трејдинг платформи, криптовалути и перење пари , привлекувајќи ги жртвите преку реклами на социјалните медиуми. Шемата за измама, била организирана главно од израелски државјани, вклучувала центри за повици од Бугарија и Република Северна Македонија, а осомничените ги переле нелегалните профити преку банкарски сметки контролирани од компании со седиште во различни земји на ЕУ.Во текот на истрагата од страна на Секторот за компјутерски криминал и дигитална форензика беа преземени мерки и активности со цел идентификација на лица од Република Северна Македонија, кои се дел од криминалните активности и обезбедување на докази.Во рамки на истрагата лишени од слобода се 11 лица (пет во Бугарија и едно во Израел на денот на акцијата и шест лица претходно во Шпанија), извршени се претреси во Бугарија, Израел, Полска, Северна Македонија и Шведска и запленети се бројни електронски уреди и возила, а банкарските сметки се замрзнати.Во координација со Основно Јавно обвинителство за гонење на организиран криминал и корупција, Секторот за компјутерски криминал и дигитална форензика – Одделение за истраги за компјутерски криминал, како дел од меѓународната координирана активност на 11.05.2021 во 06.00 часот изврши претрес, по добиена судска наредба, во дом и деловни простории на А.А.(34) од с.Чегране,гостиварско, при што биле одземени предмети кои се поврзани со вршењето на криминалните активности, а лицето е обезбедено.Исто така, од страна на Секторот за компјутерски криминал и дигитална форензика – Одделение за истраги за компјутерски криминал, со судски наредби, извршени се претреси на деловни простории на правни лица во Скопје, при што било констатирано дека адресите кои се пријавени во Централен регистар на Република Северна Македонија се лажни и не постојат.
Македонија | пред 5 години
Поранешниот градоначалник на Карпош Стевчо Јакимовски практично ќе биде амнестиран за бесправно градење на објектот за општинската администрација. Нема да одговараат ниту новинарот Латас и неговите браќа за нелегалните куќи во Зелениково. Ќе падне во вода и кривичната пријава за објектот спроти Американската амбасада. А ќе куртули и сопствениокот на градбата кај Мавровка и многу други, Објави Телма.„Договор куќа гради“- старата народна, се потврди во пракса – во собранието. Со гласот на 72-ца пратеници – власта и опозицијата сложно го донесоа Законот за легализација на дивоградбите. А со него во вода паѓаат – практично се амнестираат и сите до сега обвинети за бесправно градење.Токму Членот 41 од Законот, додаден на предлог на ВМРО-ДПМНЕ, предвидува да запрат сите кривични и граѓански постапки што се во тек, а се поврзани со изградба на бесправни објекти. А се запираат и сите постапки за рушење на дивоградбите.Договорот пак власт- опозиција ги налути антикорупционерите. Велат ќе го спорат законот на Уставен суд.Архитектите затечени. Велат- се добива впечаток дека државата ги генерира дивоградбите. Прашуваат кој ќе гарантира за безбедноста на објектите кои се изградени без регуларна процедура.Текстот во целост на: Телма.
Македонија | пред 5 години
Пратениците Моника Зајкова и Боби Мојсоски од ЛДП, Павле Трајанов од ДС, Маја Морачанин и Мирослав Богдановски од ДОМ, бараат од претседателот на државата да не се потпише указот за прогласување на Законот за утврдување на правен статус на бесправно изградени објекти.- Законот за утврдување на правен статус на бесправно изградени објекти е нешто што не смее ни да се размислува во една правна држава во која владеат демократските принципи. Ваквиот закон не е ништо друго освен закон за амнестија, бидејќи градењето надвор од законски предвидената постапка, без соодветно одобрение претставува кривично дело, велат тие во писмото испратено до претседателот на Северна Македонија, Стево Пендаровски.Тие појаснуваат дека досегашниот закон се однесуваше за сите бесправно изградени објекти изградени до 2011 година, а предмет на уредување на новиот закон е легализација на сите останати, од 2011 година се до ден денес.- Дали ние, како држава треба да стимулираме криминал, преку дозволување на вакво незаконско градење и да ги ставиме во подредена и дискриминирачка позиција сите одговорни граѓани на оваа држава, кои за да градат ги поминале сите предвидени постапки од ДУП за прибавување на одобрение за градба за кои неспорно е дека бараат многу време и финансиски средства? Со донесување на овој закон, се испраќа порака до граѓаните дека може да градат без да поседуваат градежна дозвола, да узурпираат државно земјиште и дека подоцна ќе им биде овозможено да ги легализираат своите дивоградби, се вели во писмото.Според пратениците ваквото законско решение е во целосна спротивност со урбанистичките планови и другите прописи кои ја регулираат оваа материја.- Доколку има можност нелегално да се гради, тогаш која е целта од носење на просторни планови, генерални и детални урбанистички планови.Мора да ставиме крај на бесправното градење. За таа цел, Ви предлагаме Законот за утврдување на правен статус на бесправно изградени објекти да не го потпишувате и да го вратите на повторно разгледување и доработка, се со цел да се отвори поширока јавна расправа и да се корегираат некои решенија кои се спротивни и на Уставот и на други постојни закони, велат тие.
Македонија | пред 5 години
Министерот за внатрешни работи Оливер Спасовски и министерот за надворешни работи Бујар Османи денеска на граничниот премин Меѓународен аеродром „Скопје” ја пречекаа делегацијата предводена од министерот за надворешни работи и трговија на Унгарија Петер Сијарто, кој ја предаде донацијата од 6.000 дози вакцини против коронавирусот (Ковид-19), како пријателски чин на Владата на Република Унгарија.Министерот Спасовски по предавањето на донацијата рече дека вакцините се наменети за имунизација на припадниците на Министерството за внатрешни работи, поточно за Граничната полиција, која што согласно надлежностите и обврските е во поголема мерка изложена на предизвиците од актуелната глобална пандемија со Ковид-19.„Во име на Владата на Република Северна Македонија, во свое и во име на сите вработени во Министерството за внатрешни работи сакам да изразам благодарност за донацијата која што денеска ја врачи Неговата Екселенција министерот Петер Сијарто. Сакам да истакнам дека досега, како Министерство, успеавме да организираме имунизација на над 1.500 наши припадници на полицијата, а со тој процес на имунизација ќе продолжиме и понатаму врз основа на планот што е изготвен во Министерството за внатрешни работи и во Министерството за здравство. Ова е уште една можност преку ваков пријателски чин да испратиме силна порака за взаемна соработка и пријателство“, посочи Спасовски.Министерот Спасовски и во оваа прилика аплелираш до сите граѓани на Република Северна Македонија да пристапат кон вакцинација поради тоа што, како што истакна тој, само на таков начин ќе можеме до крај да се справиме со пандемијата со ковид-19 и да се вратиме во нормалното живеење. Бидејќи ако самите не се грижиме за сопственото здравје, за нашето семејство, околината тогаш многу потешко ќе биде справувањето со пандемијата и ќе бидеме изложени на дополнителни рестриктивни мерки.Во тоа име, министерот Спасовски при преземањето на донацијата уште еднаш изрази благодарност до Владата на Унгарија и повика на масовна вакцинација.
Македонија | пред 5 години
По спроведена истражна постапка, Основното јавно обвинителство за гонење на организиран криминал и корупција, денеска до Одделението за организиран криминал и корупција при Основниот кривичен суд Скопје достави обвинителен акт против шест лица. На обвинетиот Н.Г. му се става на товар дека сторил кривично дело ,,Перење пари и други приноси од казниво дело,, од чл.273 ст.1 од КЗ и кривично дело ,,Противправно стекнување и прикривање имот,, од чл.359-а ст.1 од КЗ, обвинетите Р.Н., Н.Ј., Ј.К. и Р.К.К. се товарат дека сториле кривично дело ,,Перење пари и други приноси од казниво дело,, од чл.273 ст.1 од КЗ, додека С.М. е обвинет за помагање при кривично дело ,,Перење пари и други приноси од казниво дело,, од чл.273 ст.1 в.в. чл.24 од Кривичниот законик.Имено, во периодот од месец јуни 2006 година до октомври 2012 година во Скопје првообвинетиот Н.Г. со искористување на ист траен однос и исти прилики за себе противправно присвоил туѓи подвижни предмети што му биле доверени во врска со неговата работа и притоа присвоил износ од најмалку 1.300.360,00 евра или 79.972.140,00 денари. Тој, во овој период како одговорно лице, претседател на политичката партија, дел од паричните средства што биле давани како донации за финансирање на политичката партија не ги прикажал како примени донации, туку ги присвоил за себе.Од месец октомври 2012 година до месец септември 2013 година Н.Г. парите ги пуштил во оптек, за што со умисла му помогнал обвинетиот С.М. Така, откако обвинетиот Н.Г. во средината на 2012 година дознал дека физички лица кои се иселени од државата преку посредници продаваат земјиште од околу 11.000 м2 лоцирано на Водно побарал од обвинетиот С.М. да му помогне истото да го купи при што ќе го прикрие изворот на парите и дека тој е сопственик на земјиштето. Обвинетиот С.М. стапил во контакт со обвинетиот Н.Ј. кој бил сопственик на веќе регистрирана офшор фирма во Белизе и се договорил оваа фирма да биде основач на домашно правно лице кое ќе биде употребено за купување на земјиштето. Иако знаел дека неговото правно лице ќе се користи за прикривање на вистинскиот сопственик на купувачот на земјиштето, обвинетиот Н.Ј. во договор со обвинетиот С.М. основал правно лице во Скопје, на кое обвинетиот Р.Н. станал управител. Откако била постигната согласност за купопродажната цена, обвинетиот Н.Г. во повеќе наврати на девизната сметка на правното лице во Скопје, преку сметката на правното лице од Белизе пуштил во оптек парични средства прибавени со кривично дело. Обвинетиот Р.Н. ги примил паричните средства и во својство на управител на правното лице со сопствениците на земјиштето потпишал договор за купопродажба за купување на шума со површина од 11.255 м2, по што извршил плаќање кон продавачите во износ од 1.299.215 евра, а дел од останатите приливи ги употребил за плаќање на данок на промет на недвижности.Во периодот од јуни до октомври 2015 година обвинетиот Н.Г. купениот имот чии парцели со промените на ГУП на град Скопје 2012-2022 година, биле пренаменети во градежни парцели и уделот на правното лице од Белизе во правното лице во Скопје, го пренел на обвинетите Ј.К. и Р.К.К. Обвинетиот Ј.К. како управител на правно лице и обвинетата Р.К.К. како краен сопственик на истото правно лице иако знаеле дека имотот е прибавен со кривично дело, истиот го примиле во сопственост на нивното правно лице и донеле одлука преземеното правно лице да се преименува и сопственоста да се пренесе на правните лица каде обвинетиот Ј.К. е управител, а обвинетата Р.К.К. сопственик. Потоа по претходно донесена одлука за физичка делба парцелите биле поделени на три нови парцели од кои едната била продадена на заинтересирано правно лице. Уделите во преименуваното правно лице и останатите две парцели фиктивно биле пренесени на трето лице без да биде платен уделот и со договор во кој бил определен рок за исплата на купопродажната цена со клаузула дека ако рокот не биде испочитуван, договорите се ништовни со што ја прикриле локацијата на имотот и неговата сопственост.Воедно, обвинетиот Н.Г. како службено лице спротивно на законската должност од чл. 33 ст. 2 од Законот за спречување на корупцијата, со намера да го прикрие имотот со кој се стекнал додека вршел државна функција, а кој во значителна вредност ги надминува неговите законски приходи во Анкетен лист што го доставил по престанок на функцијата до Државната комисија за спречување на корупцијата дал непотполни податоци за недвижниот имот што го поседува, а фиктивно се водел на обвинетиот Р.Н. Па така, во графата “Недвижен имот“ не пријавил два стана во Скопје со површина од 38м2 и 57 м2, градежно земјиште во Центар во Скопје со површина од 2729 м2 и две градежни парцели во Крушево во вредност од 795.424.,00 денари.Надлежниот обвинител со Обвинителниот акт на судот му предложи предметниот недвижен имот трите плаца на Водно да бидат конфискувани, како и становите од 57м2 во вредност од 60.000 евра и 38 м2 во вредност од 41.000 евра, градежното земјиште со површина од 2729 м2, евидентирано во имотен лист за КО Центар 2 во вредност од 7.365.600,00 денари и двете градежни парцели за КО Норово – Крушево во вредност од 795.424.,00 денари.Обвинителот ценејќи дека се исполнети условите предвидени во Законот за кривична постапка за обвинетиот Н.Г. согласно член 165 став 1 точка 1поднесе Предлог за определување на мерка притвор по неговото пронаоѓање, за обвинетиот Ј.К – Предлог за продолжување на мерката притвор согласно член 165 став 1 точка 1, за обвинетиот Н.Ј. – предлог за определување на мерка на претпазливост – обврска да се јавува еднаш неделно кај определено службено лице во Основниот кривичен суд Скопје и за обвинетата Р.К.К. мерки на претпазлвост – Обврска да се јавува еднаш неделно кај определено службено лице во Основниот кривичен суд Скопје и привремено одземање на патна исправа за преминвање на државна граница односно забрана за нејзино издавање и тоа патна исправа издадена од Република Северна Македонија и патна исправа изддена од Република Бугарија Јавниот обвинител побара мерките да траат до правосилно завршување на кривичната постапка.
Македонија | пред 5 години
Заменик-претседателот на Владата на Република Северна Македонија задолжен за борба против корупцијата и криминалот, одржлив развој и човечки ресурси, Љупчо Николовски, денеска го посети граничниот премин Ќафасан, каде што оствари работна средба со директорот на Царинската управа, Горан Сугарески и со дел од вработените во царинската испостава во Ќафасан.По состанокот, Николовски и Сугарески информираа за заклучоците од состанокот и реализација на мерките од Планот за борба против корупција.„Дигитализација на царинските постапки и елиминирање на човечкиот фактор, го намалува ризикот од корупција, а ја зголемуваме ефикасноста и одговорноста на царинските службеници. Мораме да ги искористиме придобивките кои ги овозможува четвртата индустриска револуција и да ги употребиме за сето она што значи стратешки приоритет за државата“, рече Николовски.Како што истакна тој, со реализација на системските мерки од Планот за борба против корупција, воспоставуваме генерациски промени, во кои ќе се почитуваат законите, а во државната управа ќе нема место за корумпирани службеници.„За прв пат ќе испитуваме како одредено лице го стекнало имотот и капиталот, во случај кога постои сомневање дека ги надминува своите редовни оданочени приходи. За прв пат, ќе се проверува имотот на сегашни, но и на поранешни функционери. На овој начин го контролираме капиталот, го отвораме патот за конфискација на нелегално стекнат имот и капитал, спречуваме оштетување на буџетот и богатење врз грбот на граѓаните“, заклучи Николовски.Директорот Сугарески се осврна на важноста на преминот Ќафасан, кој се наоѓа на пан-Европскиот коридор 8 (исток-запад) и е 4-ти најфреквентен граничен премин за стокови пратки во земјата преку кој годишно минуваат стотици илјади превозни средства и патници во и од Република Северна Македонија.Како што рече тој, при крај е и имплементацијата на решението за заедничко управување на граничните и царински контроли со едно застанување „One Stop Shop“ помеѓу нашата држава и Република Албанија на Ќафасан-Ќафтане преку кое се очекува уште повеќе да се намали времето на чекање на превозниците, да се намалат трошоците на економските оператори и најважно, да се намали можноста за царински измами поради непосредниот увид во комерцијалните документи кои ја следат стоката, а со тоа се намалува можноста за корупција и се зголемува стабилноста и сигурноста во целиот регион.„Во тек е реализација на проект во вредност од 100 илјади американски долари. Оваа заедничка соработка со Царинската управа на Република Албанија опфаќа набавка на опрема за контроли за двете страни на граничниот премин Ќафасан- Ќафтане, стручен консултант, обуки и студиски посети за вработени од македонската и албанската царинска управа, во насока на забрзување на времето за контрола и воведување на заеднички контроли на овој граничен премин. Проектот се очекува да заврши до крајот на 2021 година“, заклучи Сугарески.
Македонија | пред 5 години
Министерот за економија Крешник Бектеши и генералниот секретар на Владата Мухамед Зеќири денеска информираа дека се објавени седум јавни повици за финансиска поддршка за угостителскиот и туристичкиот сектор, како дел од Шестиот пакет економски мерки на Владата за поддршка на најпогодените сектори од ковид кризата.Јавните повици се однесуваат на туристичките агенции, туристичките водичи, естрадните уметници, компаниите организатори на настани, игротеките, приватните детски одморалишта, кабареата, ноќните клубови, диско клубовите и рестораните за свадби.Министерот за економија Крешник Бектеши информираше дека Шестиот пакет на мерки е во вредност од 17,8 милиони евра а ќе се поддржат 10.000 компании и над 60.000 граѓани за што се очекува да дадат видливи резултати врз домашниот туризам и економијата.„Со првите два повици кои сега се објавени се опфаќаат естрадни уметници и туристички водичи, кои во текот на 2020 година имале просечен месечен нето приход понизок од 15.000 денари, а финансиската поддршка ќе биде во нето износ од 30.750 денари по лице. За јавните повици за: финансиска поддршка за компании - оператори од индустријата за организација на настани, агенции кои организираат настани и други, за регистрирани игротеки и приватни детски одморалишта, за лиценцирани вршители на угостителска дејност кабаре, ноќен бар, дискоклуб и дискоклуб на отворен простор, за регистрирани и категоризирани ресторани за свадби и за лиценцирани туристички агенции, основа за пресметка на поддршката се земаат просечните месечни приходи остварени во 2019 година, а висината на поддршката се пресметува како износ од 30% од просечниот месечен приход. Дополнително секој регистриран активен субјект ќе добие финансиска поддршка во износ од 15.200 денари по вработен, според бројот на ефективни работни часови, со пресек на 31.12.2020 година“, информираше министерот Бектеши.Министерот прецизираше дека кај туристичките агенции износот на средства кој ќе биде доделен ќе биде во зависност од остварениот вкупен приход во 2019 година, бројот на вработени и видот на лиценцата а ќе изнесува од 60.000,00 до 300.000 денари за правен субјект.„Сакам да потенцирам дека за сите мерки освен за водичи и естрадни уметници секој правен субјект кој ќе аплицира и на кој ќе му бидат одобрени средства, доколку на 31 декември има намален број на вработени споредено со почетокот на годината тогаш има обврска да врати 50% од примената финансиска поддршка, доколку во истиот период го задржал истиот број на вработени ќе има обврска да врати 20% од вкупниот износ на финансиска поддршка и ако во истиот период има зголемен број на вработени тогаш ќе нема обврски за враќање средства во Буџетот на Република Северна Македонија“, кажа Бектеши.Генералниот секретар на Владата Мухамед Зеќири кажа дека во рамките на досега подготвените шест пакети за ублажување на последиците, донесени се околу 100 различни мерки, со кои се опфатени и поддржани субјектите и физичките лица погодени од пандемијата.„Сите пакети на антикризни мерки за поддршка на економијата во својот фокус ги имаат граѓаните, нивните работни места, социјалната сигурност, солидарноста, креирање амбиент за полесно надминување на економските последици од коронавирусот и спроведување на брза излезна стратегија за да продолжиме со позитивните трендови за подготвени да го дочекаме пост-ковид периодот. Креирањето на мерките за сите пакети е направено транспарентно и во инклузивен процес во кој учествуваа стопанските комори, синдикалните организации и организациите на работодавачи со цел да бидат опфатени максималниот број на граѓани засегнати од кризата“, кажа Зеќири и потенцираше дека Генералниот секретаријат на Владата на Северна Македонија ги презеде сите активности за најдобра реализација на задолженијата да ги подготви, објави и спроведе дел од мерките од Шестиот пакет.„Со Шестиот пакет мерки за ублажување на социо-економските последици од пандемијата уште еднаш на дело покажавме дека државата е партнер на граѓаните и стопанството. Ги повикувам сите граѓани, работодавачи и самостојни вршители на дејности, како и сите останати кои се опфатени со овие мерки да аплицираат и да се стекнат со правото на користење на мерките, а Генералниот секретаријат на Владата ќе ги обезбеди сите услови за транспарентен и ефикасен процес за најдобра реализација на мерките“, кажа генералниот секретар на Владата.
Македонија | пред 5 години
Голема благодарност до медицинските сестри кои во оваа Ковид криза ја покажаа својата клучна улога при справувањето со пандемијата. Нивната надчовечка посветеност и неуморна работа повеќе од една година спасија многу животи и израдуваа многу семејства, напиша на својот ФБ профил градоначалникот на Охрид, Константин Георгиески. Градоначалникот во објавата додава:Денешниот Меѓународен ден на медицинските сестри им е посветен нив, за нивниот труд и нивната пожртвуваност.Ви благодариме за вашата човечност и истрајност целиот овој период.Нека ви е честит Меѓународниот ден на медицинските сестри!извор: ФБ Константин Георгиески
Македонија | пред 5 години
Најавените протести и иницијатива за референдум за образовните реформи се уставно загарантирано право. Но, реформата ќе продолжи со цел во фокусот на образованието да се стави ученикот и неговите потреби, затоа што таа не само што не е избрзана, туку можеби и задоцнета, а резултатите од новата образовна концепција, треба да ги очекуваме по пет – шест години, изјави министерката за образование и наука Мила Царовска по најавите за протести во следните денови, поради промените кои треба да се случат во основното образование со почетокот на следната учебна година.„Ние како МОН имавме средба со групата и им одговоривме на нивните барања, кои главно се однесуваат на тоа да се исклучи родовата еднаквост од образовниот систем. За тоа има закони кои се поминати во Собранието и гласани од сите политички партии, што значи дека има консензус за почитување на родовата рамноправност, што е и уставно загарантирано право и треба да биде дел од образовниот систем. Државата има ратификувано и многу конвенции и има обврска да се придржува и да рапортира кон нив. Сметам дека одговорите што ги добија во иницијативата ќе ги разгледаат и ќе расправаат по нив“, рече Царовска.Министерката кажа дека промените воопшто не се избрзани, туку напротив, дека се доцни со нивната имплементација и според неа тоа веќе не смее да се одложува.„Ако сме го направеле тоа пред 10 години немаше денеска да бидеме ниско на меѓународните тестирања кои покажуваат, не дека нашите деца не можат да научат, туку оти системот на кој ние ги учиме не е соодветен, затоа што меѓународните тестирања бараат поврзување на знаењата од различни научни дисциплини и доаѓање до одреден заклучок. Нашите ученици, жално, но вистинито, не се подготвени за ваков тип на соочување со предизвиците што ги носи новото време. Концепцијата ќе почне да се спроведува и очекуваме да даде резултати по пет шест години“, нагласи Царовска.Од министерството за образование појаснуваат дека планот за промените поврзани со наставата во основните училишта, односно изработката на новата Концепција за основно образование, изработката на нови наставни програми и нов Закон за учебници и други наставни и дидактички материјали е предвиден со програмата за работа на Владата на Република Северна Македонија и во претходниот мандат и во сегашниот, како и со Стратегијата за образование 2018-2025, а базиран е на резултатите од конкретни анализи за квалитетот на националниот образовен систем изработени од кредибилни меѓународни институции како ОЕЦД и УНИЦЕФ. Мотив за промените, велат од таму, се и долгогодишните слаби постигнувања на нашите ученици на меѓународните тестирања како ПИСА и ТИМСС, но и барањата на наставниците, на многу генерации на ученици и нивните родители/старатели кои укажуваа на слабостите на националниот образовен систем, вклучително и на недоследности, нелогичности и дискриминаторски содржини во учебниците, а на сето тоа во минатото се одговараше со парцијални реформи кои не го дадоа очекуваниот ефект.Иако, сите компоненти на планот за реформи се донесени на транспарентен начин, преку јавна дебата и со учество на сите засегнати страни и експертската фела, за дел од промените повторно се појавуваат дилеми во јавноста, а МОН продолжува континуирано и транспарентно да одговара на сите прашања кои пристигнуваат од граѓаните, граѓанските здруженија и други институции и организации, напоменуваат од ова министерство.
Македонија | пред 5 години
Во изминатите 24 часа во ковид центрите во болниците низ земјава е пријавено дека се лекуваат вкупно 392 пациенти позитивни и суспектни на коронавирусот.По извештаите на болниците кои пристигнуваат во Министерството за здравство, во болницата во Битола се хоспитализирани 49 пациенти позитивни и суспектни на Ковид-19.Во болницата во Штип се хоспитализирани 41 пациент. На инфективното одделение во Тетово има 9 пациенти, во Велес се лекуваат 48 болни, а во Куманово 62 пациенти позитивни и суспектни на Ковид-19. Во ковид центарот во Охрид има хоспитализирано 45 пациенти, во Прилеп 34, во ковид центарот во Гостивар 12, а во Струга 15 болни.Во болницата во Струмица хоспитализирани се 35 пациент, во Кочани 15 во Кичево 3, Кавадарци 18, а во Гевгелија 5 лица позитивни и суспектни на коронавирусот.Вкупната бројка на пациенти позитивни и суспектни на коронавирусот кои се лекуваат на инфективните одделенија во главниот град и во болниците низ земјава е 649 и има околу 900 празни болнички кревети во ковид центрите, известува министерството за здравство.Од таму додаваат дека поради намалениот број на пациенти, болниците затворија дел од капацитетите наменети за ковид пациенти.Во тек на денот се прават и исписи на оздравени пациенти со што ќе се ослободат дополнителни легла.Инаку, сите одделенија на клиничките болници располагаат со болнички места до кои има довод на кислород.Министерството за здравство има увид во состојбата со капацитети и доколку има потреба одделенијата ќе бидат дополнително проширени, велат од ова министерство.
Македонија | пред 5 години
Градоначалникот на Општина Аеродром, Златко Марин, и претседателката на Советот на Општина Аеродром, Ивана Цветковска, денеска извршија увид во градежните работи на новиот објект на училиштето „Димитар Македонски“ во населбата Лисиче и во разговор со директорката на училиштето, Јулијана Тодоровска, констатираа дека тие се одвиваат според предвидената динамика и се наоѓаат во завршна фаза.„Привршува изградбата на новиот објект, кој е од витално значење за учениците од овој дел на општината. Се радувам што населбата Лисиче, конечно, по речиси 60 години, ќе добие сосема нова и современа зграда“, изјави градоначалникот Марин. Еден од главните приоритети на Општина Аеродром е создавање квалитетни услови за образование на нашите ученици, бидејќи тие се нашата иднина, додаде градоначалникот.Инаку, новото училиште е со површина од 2 840 квадратни метри и со капацитет од 700 ученици организирани во две смени. Ќе биде опремено со најсовремени кабинети, простории за дневен престој, кујна и простории за наставниците. Според интензитетот на изградбата, се очекува од септември учениците да учат во целосно новиот објект.
Скопје | пред 5 години
Демократскиот сојуз не го поддржува Законот за добивање правен статус на бесправно изградени објекти и бараме претседателот Стево Пендаровски да не го потпишува законот со што ќе се спречи беззаконието во државата и да се привилегираат оние кои ги кршат законите и се директно одговорни за градежниот хаос, потенцираат од оваа партија.Според нив, постојат објекти изградени во заштитени зони, што е спротивно на деталните урбанистички планови и објекти кои ја попречуваат реализацијата на урбанистичките планови.„Ставањето во нерамноправна положба на граѓаните е спротивно на принципот на владеење на правото и еднаквост на граѓаните пред законите. Чесните граѓани подготвуваат проекти, бараат дозволи за градба, плаќаат комуналии и ги почитуваат сите прописи. Додека оние што градат бесправно и узурпираат земјиште, диво се приклучуваат на водоводните мрежи, електричната енергија, ги кршат сообраќајните решенија и слично, не смеат да бидат и натаму мотивирани и лош пример за во иднина“, реагираат од ДС.Демократскиот сојуз има разбирање за социјалните аспекти, но никако не се за градежен хаос и легализација на хациенди, деловни објекти, куќи со базени итн, децидни се од оваа партија.
Македонија | пред 5 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
