(ВИДЕО)Македонски музичари, водители, стилисти лудувале во Анталија, турските медиуми пишуваат за нив

Турската полиција во Анталија растурила забава на познати македонски фаци, повеќето од шоу бизнисот и медиумите. Гостите во Турција пристигнале со позната македонска туристичка агенција од Скопје која секоја година има летни аранжмани во Турција.https://twitter.com/KoronaReport/status/1388907813020348416?ref_src=twsrc%5Etfw%7Ctwcamp%5Etweetembed%7Ctwterm%5E1388907813020348416%7Ctwgr%5E%7Ctwcon%5Es1_&ref_url=https%3A%2F%2Flibertas.mk%2Fvideo-skopski-faci-se-veselele-vo-antali-a-intervenirala-polici-ata-poradi-celosniot-lok-daun%2FДопрва ќе се знае дали гостите ќе добијат казни.Забавата е хит на социјалните мрежи во Турција а за беа известиле и медиумите во Турција.

Македонија | пред 5 години

Започнува вакцинацијата во Охрид, пунктот доби вакцини

Во регионалниот центар за вакцинација во спортската сала „Билјанини Извори“ утре ќе започне масовна вакцинација на граѓаните од општините Охрид, Струга, Дебарца, Вевчани, Дебар, Ресен и Кичево. Вакцинирањето ќе се одвива според протоколот за имунизација утврден од страна на Министерството за здравство и согласно закажаните термини.„Денеска пристигна првата пратка од 7200 вакцини од производителот "Синофарм". Дистрибуцијата на предвидените дози наменети за регионалниот центар ќе се одвива последователно во зависност од капацитетот и условите за чување. Регионалниот центар во Охрид располага со 14 приемни пунктови и 28 вакцинални места. Опремен е со 14 паравани, ладилник за вакцините, нов агрегат за ладилникот, комплетна компјутерска опрема и оптички интернет за потребите на компјутерскиот центар за евиденција на граѓаните. Упатувам посебна благодарност до вработените во Локалната самоуправа кои ќе бидат ангажирани во редарската служба и ќе бидат задолжени за логистичка поддршка на компјутерскиот центар, како и до сите здравствени работници кои ќе работат во центарот“, пишува градоначалникот Константин Георгиески.

Македонија | пред 5 години

Мицкоски го искритикува Шилегов за опремата на пожарникарите

Вчера гореше над Галичник, опремата за гаснење пожар од 20 век во земја кандидат за Европска Унија во 21 век. Благодарение на жртвата на пожарникарите и армиските волци, пожарот е ставен под контрола, напиша на својот ФБ профил претседателот на ВМРО ДПМНЕ, Христијан Мицкоски.Мицкоски во објавата додава:Во меѓувреме Петре Шилегов набави противпожарна автомеханичка скала вредна нешто повеќе од 1,7 милиони €. Носител на набавката е Унгарска компанија..., да да компанија со седиште во Будимпешта (слика 2). Истата таа држава и град кои жестоко СДСМ ги анатемиса изминативе речиси три години, но бизнисот мора да врви. Додека пак врви бизнисот, а шумите горат, како партнер на Унгарската компанија се јавува истата компанија каде е косопственик зетот на секретарот на град Скопје. Чудно но вистинито, компанијата каде е косопственик зетот на најблискиот соработник на Петре Шилегов склучува договор со носителот на набавка во вредност од 33.244.500 денари или околу 540.000€ (слика 3). А да..., сигурно штабски без основа ќе демантира град Скопје дека во периодот од 2012 и 2017 истата компанија добила тендери во времето на ВМРО-ДПМНЕ, нешто помалку од 150.000€, (иако не во тоа време, туку денес, снаата е секретар на градот, а компанијата ќе демантира дека има странски капитал од 2017 година и не бил зетот на најблискиот соработник на Петре Шилегов единствен сопственик, но во деновите што следат ќе откриваме се повеќе сомнежи за сторен криминал на Петре Шилегов и ќе гледаме штабско препелкање во обид да се одбранат..., но крајот се ближи, а со крајот и одговорноста следи.Ако се прашувате зошто има недостаток на противпожарна опрема, зошто бизнисот и полнењето џебови и е приоритет на власта.извор: ФБ Христијан Мицкоски

Македонија | пред 5 години

Ден на реката Дрим: Наш избор е дали ќе биде наш Dream или наша Nightmare

Годинава одбележуваме 10 години од потпишувањето на Меморандумот за заедничка визија за Дримскиот Басен, потпишан на 25.11.2011 помеѓу петте земји кои го делат Дримскиот басен и осмо по ред прославување на Денот на реката Дрим истовремено во 4 од 5те земји кои го делат овој важен воден ресурс. Тоа се 10 години од настанот за кој никој не веруваше дека може да се случи а со кој всужност започна координираната акција за управување со Дримскиот басен и кој стана рамка и иницијална каписла на низа процеси кои следеа по него.Прво во таа низа беше создавањето на институционалната структура за координација преку формирањето на Дрим Кор Групата (телото кои го координира спроведувањето на Меморандумот и проектите со преставници на надлежните Министерства на петте држави) и формирањето на 4-те експертски работни групи: за биодиверзитет и екосистеми, за имплементација на европската рамковна директива за води, за мониторинг и размена на податоци и онаа за поплави.Како нареден елемент беше одобрувањето и почетокот на имплементација на ГЕФ Дримскиот Проект со главна цел да промовира заедничко управување на прекуграничниот Дримски Басен вклучувајќи и координативни механизми на ниво на под-басени.Главните производи преку овој проект се оние кои недостасуваа за успешно управување со водените ресурси во овој басен.Изготвена е прекугранична дијагностичка анализа на Дримскиот Басен што значи дека точно се идентификувани сите проблематични прашања на ниво на басен и под-басени. Во слободен речник тоа би значело : Сега знаеме се за проблемите во Дримскиот Басен и нема веќе потреба да губиме време на филозофирање за тоа кои точки се проблематични.Базирано на анализата,а со учество на голем број експерти , научници, преставници на институции изготвена, одобрена и потпишана (24.04.2020) е Стратешката Акциона Програма за Дримскиот Басен со преку 100 цели  и мерки кои треба да се спроведат. Или со други зборови : Ги знаеме сите потребни мерки и нема веќе потреба да губиме време на мудрување што и какви мерки требаат во басенот.Ккао посебна активност низ Дримскиот проект изготвен е Планот за управување со сливот на Охридско Езеро, план изготвен во согласност со европската рамковна директива за води, поткрепен со програма од преку стотина мерки (национални и билатерални) за квалитетно управување со Охридското Езеро и слив. Или повторно со други зборови кажана, нема веќе потреба од губење на време ни за филозофирање ни за мудрување околу тоа што и како треба за заштита и управување на сливот на Охридско ЕзероКога на овие три документи му се додаде и изготвената платформа на Информативниот систем за размена на податоци на ниво на целиот Дримски слив (со мапи, хидрологија, мониторинг станици и сл) ете ги елементите кои толку долго беа потребни. И штом веќе ги имаме сите тие елементи следно што е потребно е политичката поддршка за мерките која ќе овозможи финансиска поддршка за нивно спроведување, дали од страна на донаторската заедница или од буџетските средства на државите.Низ целиот процеси имам еден неодминлив впечаток дека живееме во период кога е најважно да се сликаме за социјални мрежи и медиуми, а не самата суштина и важност на сработеното. И евидентно е дека ако нема ништо за сликање минимален станува и политичкиот интерес и поддршка дури и за вакви стратешки документи и програми со мерки кои се суштината на заштитата и управувањето со водните ресурси. Ние,работејќи ги овие години сите овие анализи, податоци, документи, немавме баш многу време за сликање, но создадовме база за оние кои треба да ги поддржат и да се сликаат. И нема никаков проблем, ете ги документите, се е подготвено, сликајте се слободно само поддржете ги за да почнеме со спроведување на мерките во ваков критичен период.Од наша страна пак, за наредниот период веќе работиме на текстот на Интернационалниот Договор за управување со басенот на реката Дрим и создавање на Заедничка Дримска Комисија по примерот на Дунавската и Савската комисија. Тоа би значело засекогаш воспоставена координација на активностите во Дримскиот басен кои не се само еколошко важни туку пред се се исклучително битни од енергетски аспект како и од аспектите на управување со поплавите, управување со земјоделието, туризмот итн. Имаме шанса и база да направиме нешто историско и одржливо за идното управување. Наш избор е сега дали Дрим ќе биде наш убав Dream или наша Nightmare.Паралелно ги развиваме и елементите за изработка на планот за управување со целокупниот Дримски Басен што е уште еден огромен предизвик. И за сето тоа да опстои веќе работиме со донаторската заедница за обезбедување средства за активности за спроведување на мерките од Стратешката програма и од Планот за управување со сливот на Охридско Езеро.Сега, во критичен период за водните ресурси, климата и енергијата, кога имаме веќе се на маса, не смее никако да се застане и сопре. И затоа исклучителен момент е да се поддржат процесите и изготвените мерки без разлика дали тоа ќе биде изведено со многу сликање. Нека е !Дејан Пановски, Координатор, Дримски процес

Македонија | пред 5 години

Безживотно тело на жена пронајдено на стариот пат Охрид – Струга

Безживотно тело на жена пронајдено на стариот пат Охрид – Струга. Првичните непотврдени информации укажуваат дека се работи за женско лице на возраст од триесеттина години, а телото е пронајдено на потегот спроти Специјалната болница за ортопедија и трауматологија „Свети Еразмо“.Екипа на крим-техника на полицијата врши увид на лице место, по што ќе бидат соопштени повеќе информации за околностите и причините за настапувањето на смртта.

Македонија | пред 5 години

Нови мерки од среда: Намалување на полицискиот, подолго време за во кафеани

Главниот координативен кризен штаб на денешната седница ги разгледуваше предлозите пристигнати од Министерството за здравство и врз основа на нив предлага на наредната седница на Владата да се усвои одлука за постојните мерки:- забраната и посебниот режим на движење да почнува од 23:00 часот до 05:00 часот наредниот ден;- време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) да биде до 22:30 часот:Наведените предлог-мерки на Министерството за здравство ќе се разгледуваат на следната владина седница и доколку се усвојат, би биле со важност од 5 мај 2021 година (среда).

Македонија | пред 5 години

Утрово во Галичник е мирно, сите жаришта се згаснати

Утрово во Галичник е мирно. Во текот на вечерните часови, единиците на противпожарната служба заедно со специјалната единица Волци на АРМ ги згаснаа и последните остатоци од пожарот. Војниците овде ја поминаа ноќта, а дополнително во текот на целата ноќ во состојба на готовност беа единици координирани од ЦУК, стои во објавата од МЗ Галичник.Утрово извид на лице место направи пешадиска единица од земја и воздухопловен Винг - воздухопловната единица на АРМ со два хеликоптери од воздух. Сите жаришта се згаснати.\фото: ФБ МЗ Галичник

Македонија | пред 5 години

Нема фотографија

СЕММ: Од властите треба поддршка за слободата на медиумите, од професијата - одговорност

Советот за етика во медиумите на Македонија (СЕММ), по повод 3ти мај, Светскиот ден на слободата на медиумите, од власта и институциите очекува да покажат сериозна одговорност и посветеност во поддршката на медиумските права и слободи, во насока на креирање поволен амбиент за медиумите во кој што тие ќе дејствуваат без какви било ограничувања и препреки. Секој обид изолирано да се интервенира во медиумските политики и реформи, спротивно на заложбите на професионалната медиумска заедница, ќе го разбереме како обид за контрола и влијание и наметнување рестриктивни услови за работа на медиумите. Искуството потврдува дека најголемиот ризик за демократијата произлегува токму од медиумите што биле и остануваат под контрола на политичките центри на моќ.Креирањето демократски амбиент за медиумите подразбира системски чекори и координација, со целосно разбирање и адресирање на причините и факторите коишто досега влијаеле врз слободата на медиумите. Политички независните медиуми се неизоставен дел од битката за промоција на демократски вредности и стандарди на квалитетно новинарство.  Од круцијално значење во овој процес е да се промени дискурсот и ставот кај оние политичари, креатори на јавно мислење и центри на моќ кои медиумите неретко ги претставуваат или третираат како непријателска страна, избегнувајќи ја својата одговорност за транспарентно и отчетно однесување кон јавноста. Од нив се очекува да ги штитат медиумите како предност и одлика на демократијата, а не како пречка или закана во нивните ставови и активности.Пандемијата уште еднаш ги потврди предизвиците пред кои се исправени медиумите во државата, почнувајќи од недоволната безбедност и заштита на новинарите и медиумските работници, па до ограничувачките услови за работа на редакциите. Квалитетното и инклузивно новинарство е единствениот начин за премостување на поделбите и промовирање демократски вредности и професионални новинарски стандарди. Од суштинско значење како во сегашната, кризна, ситуација во државата, така и во редовни околности е и активната улога на професионалните медиуми во борбата против дезинформациите и неетичкото известување.И во изминатиот период статистиката на СЕММ го потврдува присуството на случаи на неетичко информирање. Речиси 40 проценти од пријавените случаи во изминатата година се однесуваат на информирањето за кризата со коронавирусот, а загрижувачки е што во 67% од вкупниот број на жалби, станува збор за неточни и непроверени информаци, а во речиси 20% не се прави разлика меѓу фактите и мислењата, вестите и коментарот. Јавноста ја информираме дека од неодамна почна да функционира и базата на податоци на СЕММ подготвена со поддршка од Мисија на ОБСЕ во Скопје. Базата овозможува пребарување на одлуките на СЕММ за поединечни медиуми, статистика за најчестите нарушувања на Кодексот, типот на жалители, случаите решени со медијација, итн.Во насока на поддршка на слободата на изразување и професионалното и одговорно новинарство, СЕММ, со поддршка од Мисијата на ОБСЕ во Скопје, на почетокот на мај ќе го објави конкурсот за најдобри стории за инклузивно известување за различностите за време на пандемијата.извор: СЕММ

Македонија | пред 5 години

Изгаснат пожарот над Галичник

Пожарот кој беснееше над Галичник е целосно изгаснат.Екипите сега интервенираат на делот кај далекуводите и се очекува брза локализација и гасење.Од месноста соопштија дека нема никаква опасност за куќите, ниту потреба од евакуација.Претходно Центарот за управување со кризи информираше дека постои потенцијална опасност за селото поради силниот ветер кој го отежнува гасењето на огнот. Армијата испрати и хеликоптер, но истиот беше приземјен поради временските услови.Пожарот изби во текот на денот над хотелот „Неда“.

Македонија | пред 5 години

Пожарот над Галичник ставен под контрола

Драги галичани, пожарот е под контрола. Според последните информации, нема опасност за имотите и куќите. Денеска интервенираа НП Маврово, Центар за управување со кризи, Противпожарните бригади од Дебар и Гостивар, амбулантно возило Гостивар, хеликоптер на Армијата на Република Северна Македонија, локално население и екипи и возила на Коњички клуб Шерпа, се вели во објавата на МЗ Галичник на ФБ.Во продолжение на истата се додава:Вечерва во Галичник имаме гости - специјална единица на Армијата, кои се присутни за поддршка доколку состојбите станат критични и се појави потреба од интервенција. Посебна благодарност до нив!На Укален се гаснат последните остатоци од пожарот. Утре наутро се најавени летови за гаснење со двата армиски хеликоптера.Електричната енергија е сѐ уште во прекин и ќе биде повторно пуштена откако ќе се извршат потребните проверки. Ќе информираме дополнително.Огромна благодарност до сите вклучени во денешната акција! Инаку Центарот за управување со кризи (ЦУК), по добиената информација за голем пожар над с. Галичник, околу 13.30 часот, координираше со регионалните центри и локалната самоуправа, па заради непристапноста на теренот ја извести и Армијата, којашто испрати еден хеликотер со ведро за гаснење за пожарот и за заштиа на Галичник. ЦУК истовремено координираше и да се обезбедат и координати и лице на терен за комуникација со хеликоптерскиот армиски екипаж. Известена е и Дирекцијата за заштита и спасување (ДЗС), Локалните едининици за противпожарна заштита (ТППЕ), Министерството за внатрешни работи (МВР), а и другите субјекти од Системот за управување со кризи (СУК), согласно процедурите за работа на дежурните регионални центри за управување со кризи.Според последнта информација, опасност не постои по куќите од село Галичник, од страната на шумскиот пожар. Согласно развојот на настаните, во координација со ЦУК, бараниот и обезбеден армиски хеликоптер со опрема за гаснење пожар, во Галичник стигнал најбрзо што можел, но не можел да дејствува, заради многу силниот и променлив планински ветер. Хеликоптерот бил принудно приземјен на најблиско можно место до Галичник. Екипажот бил подготвен да дејствува, согласно проценките за временските услови и силината на ветрот, а секако и се дури има и дневна светлина за видливост за летање и дејствување со хеликоптер за гаснење шумски пожар. На крајот од денот, хеликоптерот бил вратен во армиската база во Скопје. Во селото Галичник, за негова заштита од шумскиот пожар, се присутни Територијалната противпожарна единица од Дебар (ТППЕ) со едно ПП возило, неколкумина припадници на МВР, од Национаниот парк „Маврово“ и самоорганизирани луѓе од месното население. Се очекува вечерва од Општина Тетово, во координација со РЦУК Тетово, да пристигне и да биде во приправност и специјално мало противпожарно теренско возило токму за шумски пожари и тим пожарникари со конкретна рачна опрема за гаснење шумски пожари.Шумскиот пожар, заради засилениот ветар, претставувал потенцијална опасност за селото, но истовремено  бил опасност и за силите ангажирани за гаснење. Пожарот е на непристапен терен и зафатил борова шума. Во координација со ЦУК се регионалните центри за управување со кризи РЦУК Охрид, РЦУК Дебар, РЦУК Гостивар и РЦУК Тетово, коишто на локално ниво координирано ги известуваат опшините, одговорните институции и претпријатија за гаснење пожари. Општина Маврово-Ростуше испратила, според правилата, на време официјално барање за хеликоптерска помош за гаснење пожар на непристапен терен.Центарот за упрување со кризи (ЦУК) денеска, исто така, ги координира и активностите за шумскиот пожар во Беровско од вчера, којшто за сега не претставува опасност по населени места иако е се уште активен. Конкретно, командирит на Територијалната противпожарна единица, ТППЕ-Берово, кој е на лице место и не информира дека пожарот што избубнал вчера (на ден 01.05.2021) во 17:00 часот, каде што е зафатена сува трева, папрат и нискостеблеста шума (прнар) во атарот на с. Русинов на м.в. „Петлац“. Од силниот ветар пожарот се проширува. ТППЕ - Берово се на терен се со 1 теренско возило и три (3) пожарникари, и од локалното шумско стопанство, ШС „Малеш“, се на местото на настанот со три (3) теренски возила и 15 вработени.

Македонија | пред 5 години

Денеска починати се 45 лица и нови 105 случаи на Ковид 19

Во последните 24 часа се направени 946 тестирања, а регистрирани се 105 нови случаи на Ковид 19 во:Скопје – 55, Битола – 15, Тетово – 9, Струмица – 6, Куманово и Кавадарци – по 3, Велес и Охрид – по 2, Прилеп, Гостивар, Штип, Кочани, Кичево, Неготино, Ресен, Дебар, Пробиштип и Македонска Каменица – по 1.Регистрирани се 403 оздравени пациенти од:Скопје – 162, Куманово – 42, Прилеп – 33, Битола – 30, Штип и Кочани – по 22, Тетово – 18, Велес – 17, Струмица – 12, Гостивар и Гевгелија – по 6, Радовиш – 4, Кичево, Пробиштип, Свети Николе, Валандово и Кратово – по 3, Ресен, Струга, Берово, Виница и Богданци – по 2, Кавадарци, Крушево, Пехчево и Дојран – по 1.Пријавени се вкупно 45 починати лица: 14 од Скопје ( 51г, 58г, 65г, 68г, 69г, 70г, 70г, 70г, 73г, 76г, 81г, 81г, 81г и 83г), 5 лица од Прилеп (42г, 61г, 63г, 64г и 76г ), 4 лица од Куманово (71г, 77г,78г и 88г) по 3 лица од Битола (44г, 68г и 70г), Гостивар (51г, 60г и 75г) и Охрид (62г, 74г и 77г), по 2 лица од Тетово (63г и 71г), Свети Николе (57г и 71г) и Струга (69г и79г) и по едно починато лице од Кочани (82г), Велес (34г), Струмица (80г), Радовиш (93г), Берово (70г), Богданци (72г) и Неготино (83г). Три пациенти се починати во домашни услови, а останатите 42 се починати во болнички услови, меѓу нив се пријавени 20 пациенти починати во период од 29.03-10.04.2021.Направени се 946 тестови преку: ИЈЗ-72, ЦЈЗ Скопје-21, ЦЈЗ Битола-22, Клиника за инфективни болести и фебрилни состојби -0, Судска медицина - 0, лабораторија болница Козле - 0, УК Пулмологија со алергологија – 0, ГОБ 8-ми Септември -5, Институт за микробиологија – 78, МАНУ - 44, Жан Митрев (Филип Втори) - 68, Авицена -147, Биотек - 109, Систина - 153, лабораторија Лаор - 0, Синлаб - 3, Ремедика - 0, Плодност – 33, Генеа – 0, ЈЗУ и ПЗУ (рапид тест) – вкупно 191.Досега во земјата се направени вкупно 724.668 тестирања на Ковид-19.Вкупната бројка на Ковид-дијагностицирани лица во нашата земја од почетокот на епидемијата изнесува 152.685, бројката на оздравени пациенти е 133.473, на починати е 4.936, а бројот на активни случаи изнесува 14.276.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 67459, активни 6514Куманово 8558, активни 1033Прилеп 8180, активни 621Тетово 7123, активни 540Битола 6166, активни 910Велес 5409, активни 495Гостивар 5120, активни 342Кавадарци 5115, активни 364Штип 4895, активни 343Охрид 4915, активни 455Струмица 4017, активни 478Струга 2943, активни 155Кочани 2727, активни 207Кичево 2475, активни 255Гевгелија 2177, активни 224Неготино 2159, активни 184Свети Николе 1493, активни 113Крива Паланка 1208, активни 60Ресен 1211, активни 192Радовиш 1090, активни 96Берово 1015, активни 47Делчево 952, активни 84Дебар 931, активни 37Виница 824, активни 128Пробиштип 774, активни 31Валандово 660, активни 56Богданци 491, активни 60Крушево 481, активни 98Демир Капија 394, активни 24Демир Хисар 388, активни 67Кратово 353, активни 6Македонски Брод 355, активни 18Пехчево 262, активни 17Македонска Каменица 233, активни 16Дојран 132, активни 6фото: Архива

Македонија | пред 5 години

(ВИДЕО) Пожарникарскиот камион кон Галичник влечен со друго возило за да стигне до пожарот

Пожарникарскиот камион кон Галичник мораше да биде влечен со друго возило за да стигне до пожарот кој попладево избувна над селото. Претходно, хеликоптерот на Армијата кој се упати да учествува во гаснењето на шумскиот пожар над селото Галичник, не можел да дејствува заради многу силниот и променлив планински ветер, соопшти Центарот за управување со кризи.https://twitter.com/KaraGalich/status/1388870657480577027?ref_src=twsrc%5Etfw%7Ctwcamp%5Etweetembed%7Ctwterm%5E1388870657480577027%7Ctwgr%5E%7Ctwcon%5Es1_&ref_url=https%3A%2F%2Finfomax.mk%2Fwp%2Fd0b2d0b8d0b4d0b5d0be-d0bfd0bed0b6d0b0d180d0bdd0b0d182d0b0-d181d0be-d188d0bbd0b5d0bf-d181d0bbd183d0b6d0b1d0b0-d0b8ckd0b0d187d0b5d0bd%2F

Македонија | пред 5 години

Шеснаесетгодишна скопјанка прегазила човек, удрила во два автомобила и канделабра во автокампот Крани

Шестнаесетгодишно девојче од Скопје, возејќи синоќа автомобил во автокампот во Крани, удила во 21-годишна девојка од Битола, која се здобила до тешки телесни повреди.Девојчето потоа удрило и во две паркирани возила и канделабра, по што избегало од местото.По превземени мерки, полицијата ја пронашла малолетничката и ја довела во станица, во присуство на родител и претставници на Центарот за социјални работи Ресен.Од МВР велат дека по целосно документирање на случајот, ќе биде поднесен соодветен поднесок.

Македонија | пред 5 години

Експлозија на улица во Скопје, оштетени неколку дуќани

На улица „Методија Митевски“ во Скопје денеска изутрина експлодирала експлозивна направа. Повредени лица нема, а од експлозијата биле оштетени стаклата на неколку дуќани.На 02.05.2021 во 04:00 часот било пријавено дека во Скопје, на улица „Методија Митевски“, со експлозивна направа биле оштетени стакла од неколку дуќани. Повредени лица нема. Се работи на расчистување на случајот, информираат од МВР.

Скопје | пред 5 години

Хеликотерот кој го гаснеше пожарот над с. Галичник е приземјен поради силниот ветер

Центарот за управување со кризи (ЦУК), по добиената информација за голем пожар над с. Галичник, околу 13.30 часот, координираше со регионалните центри и локалната самоуправа, па заради непристапноста на теренот ја извести и Армијата, којашто испрати еден хеликотер со ведро за гаснење за пожарот и за заштиа на Галичник. ЦУК истовремено координираше и да се обезбедат и координати и лице на терен за комуникација со хеликоптерскиот армиски екипаж. Известена е и Дирекцијата за заштита и спасување (ДЗС), Локалните едининици за противпожарна заштита (ТППЕ), Министерството за внатрешни работи (МВР), а и другите субјекти од Системот за управување со кризи (СУК), согласно процедурите за работа на дежурните регионални центри за управување со кризи.Последните информации, што ни се и официјално потврдени, е дека армискиот хеликотер со опрема за гаснење пожар, е веќе таму, во близина на Галичник. Стигнал во најбрзо што можел, но не можел да дејствува, заради многу силниот и променлив планински ветер. Хеликоптерот (во мемент на оваа информација) е приземјен на најблиско можно место до Галичник и екипажот е подготвен да дејствува, согласно проценките за временските услови и силината на ветрот, а секако и се дури има и дневна светлина за видливост за летање и дејствување со хеликоптер за гаснење шумски пожар.Инаку, информацијата за пожарот над с. Галичник, во ЦУК е добиена денеска околу 13.30 часот. Шумскиот пожар заради засилениот ветар претставува потенцијална опасност за селото, но истовремено е опасност и за силите ангажирани за гаснење. Пожарот е на непристапен терен и гори борова шума. Во координација со ЦУК се регионалните центри за управување со кризи РЦУК Охрид, РЦУК Дебар, РЦУК Гостивар и РЦУК Тетово, коишто на локално ниво координирано ги известуваат одговорните институции и претпријатија за гаснење пожари. Општина Маврово-Ростуше испратила, според правилата, официјално барање на време за хеликоптерска помош за гаснење пожар на непристапен терен.Во контекст на информациите за шумски пожари, Ве информираме дека Центарот за упрување со кризи (ЦУК) денеска, исто така, ги координира и активностите за шумскиот пожар во Беровско од вчера, којшто за сега не претставува опасност по населени места иако е се уште активен. Конкретно, командирит на Територијалната противпожарна единица, ТППЕ-Берово, кој е на лице место и не информира дека пожарот што избубнал вчера (на ден 01.05.2021) во 17:00 часот, каде што е зафатена сува трева, папрат и нискостеблеста шума (прнар) во атарот на с.Русинов на м.в. „Петлац“. Од силниот ветар пожарот се проширува. ТППЕ - Берово се на терен се со 1 теренско возило и три (3) пожарникари, и од локалното шумско стопанство, ШС „Малеш“, се на местото на настанот со три (3) теренски возила и 15 вработени.

Македонија | пред 5 години

Ахмети си одбележа 20 години од конфликтот во 2001 година, во чест на УЧК

Лидерот на Демократската унија за интеграција, Али Ахмети денеска престојуваше во село Слупчане во Општина Липково, каде присуствуваше на одбележување на 20-годинишнината од воениот конфликт во државата во 2001 година.– Пред нас има голема одговорност. Ние треба да ги направиме реалност сите соништа на загинатите херои. Постигнавме многу, но пред нас има уште многу работа да се направи, истакна Ахмети.20 vjet lavdi, 20 vjet krenari, 20 vjet amanet.Përjetësia është në veprën e ushtarëve të lirisë, në amanetin e...Posted by Ali Ahmeti on Sunday, May 2, 2021Тој нагласи дека ДУИ нама да престане со напорите и ангажманот „во остварување на идеалите на многу генерации, кои се жртвува за подобри денови“.– Затоа не само на годишнини, туку во секој момент ние се сеќаваме на сите генерации, сите тие загинати соборци, за нивните дела да не се заборават, туку да се оставарат на начин како што доликува, изјави Ахмети пред присутните на собирот.

Македонија | пред 5 години

ВИДЕО: Гори над Галичник, се гасне пожар со хелихоптери

Голем пожар избувна попладнево над Галичник. Според информациите зафатена е борова шума, а куќите не се загрозени. Од месната заедница Галичник соопштија дека пожарот избувнал над хотелот „Неда“, а за состојбата известени се надлежните органи.„Засега гори само шума, нема опасност за куќите“, велат од селото.Во координација со Армијата и Центарот за управување со кризи, на пат е хеликоптер за гаснење пожар. На пат се и екипи од противпожарната служба, а на терен е екипа на Национален парк.– Центарот за управување со кризи, по добиената информација за голем пожар над селото Галичник, околу 13.30 часот координираше со регионалните центри и локалната самоуправа, па заради непристапноста на теренот ја извести и Армијата, којашто ќе дејствува со еден хеликотер со ведро за гаснење за пожарот и заштиа на Галичник. ЦУК истовремено координираше и да се обезбедат и координати и лице на терен за комуникација со хеликоптерскиот армиски екипаж. Известена е и Дирекцијата за заштита и спасување (ДЗС), Локалните едининици за противпожарна заштита (ТППЕ), Министерството за внатрешни работи (МВР), а и другите субјекти од Системот за управување со кризи (СУК), согласно процедурите за работа на дежурните регионални центри за управување со кризи, информираат од ЦУК.Шумскиот пожар заради засилениот ветар претставува потенцијална опасност за селото, но истовремено е опасност и за силите ангажирани за гаснење. Пожарот е на непристапен терен и гори борова шума, се додава во соопштението на ЦУК.Фото: Мкд.мк

Македонија | пред 5 години

Нема фотографија

Бачев: Преку Христос божјата љубов победи над божјиот гнев, преку македонскиот народ ќе победи Македонија над странските измеќари кои рушат се што е македонско

Претседателот на Единствена Македонија Јанко Бачев, по повод големиот христијански празник Воскресение Христово - Велигден упати честитка до православните верници во Македонија и во странство.„Дозволете ми, во мое лично име и во името на Единстена Македонија на сите православни верници во Македонија и во странство, да ви го честитам Воскресението Христово - Велигден и да ви посакам многу радост, среќа и духовен мир. Велигден е денот што му дава значење на нашето создание, нашето постоење и нашата иднина.Велигденското празнување ни доаѓа во тешко време на здравствена криза во која врз основа на сите размислувања и информации власта нема институционален капацитет да се справи со кризата. Но, за разлика од останатиот свет, ние Македонците сме нападнати и со уште еден вирус - политичкиот кој брише се што е македонско и го уништува националниот карактер на Македонците.Здравјето и Татковината немаат цена. Христовата победа над смртта нека ни биде силна инспирација да ја победиме оваа битка со биолошкиот и со политичкиот вирус во Македонија.Преку Христос, божјата љубов кон човештвото победи над Божјиот гнев. Свесни дека таа цена е платена за секој човек, наша должност е да ја ослободиме македонската света земја која е окупирана од внатрешни странски измеќари и надворешни сили кои немаат никаква почит, човекољубие и разбирање за македонскиот народ и македонската држава.И со таква увереност, да ја возобновиме нашата татковина Република Македонија како национална држава на македонскот народ со гарантирана положба на малцинствата, почитување на религиозните посебности, а помирувањето во македонската држава да биде обнова на посветеноста кон нашата заедничка иднина.Водени од оваа верба, силно веруваме дека во блиска иднина доаѓаат промените во слободна Македонија, а наша должност како Македонци е да ги зачуваме највисоките национални, државни, традиционални и духовни вредности на Македонија и Македонците како библиски народ и света библиска земја.Нека ни е честит големиот празник и нека е за многу години - се вели во честитката на претседателот на Единствена Македонија до православните верници.

Македонија | пред 5 години

(ВИДЕО) БРНЗ: Драги пријатели честит Велигден, ви посакувам здравје, среќа, љубов и се најдобро

Американската амбасадорка во Македонија Кејт Брнз го честита големиот христијански празник Велигден на православните верници во земјава.-Драги пријатели честит Велигден, ви посакувам здравје, среќа, љубов и се најдобро, Вам и на Вашите семејства, вели Брнз во видео-честитката објавена на Фејсбук страницата на Амбасадата на САД.

Македонија | пред 5 години

170 сообраќајни прекршоци во Скопје, 84 за брзо возење, 45 санкционирани мотоциклисти

Министерството за внатрешни работи во текот на вчерашниот ден (01.05) продолжи со засилените акциски контроли во областа на сообраќајот.На територијата на град Скопје изречени се вкупно 170 мерки, меѓу кои за возење повеќе од дозволената брзина 84 санкции, 11 за возење без возачка дозвола, пет за нерегистрирани возила.Изречени се 45 санкции за прекршоци што ги чинат возачите на мотоцикли, три за користење мобилен телефон, две за некористење сигурносен појас и три санкции за непрописно паркирани возила.Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 5 години

Заев: Велигден со пораката за саможртвата на Христос да ни биде пример со личен подвиг да внимаваме на личното и на здравјето на другите

Претседателот на Владата на Република Северна Македонија, Зоран Заев испрати писмо со честитки до поглаварот на Македонската православна црква – Охридска архиепископија, архиепископ охридски и македонски Господин Господин Стефан, до членовите на Синодот и свештенството и монаштвото на МПЦ-ОА, како и до сите православни верници по повод големиот празник Воскресение Христово – Велигден.Во честитката премиерот Заев истакнува дека во време кога целиот свет поминува низ тешки премрежија предизвикани од коронавирусот КОВИД-19, празникот на спасението, кој го означува крајот на Христовите страдањата и со кој ја славиме победата над смртта, нè потсетува на потребата да се преиспитаме и со скромност како одговорни чинители на нашата заедница да понесеме саможртва за доброто на сите, заштитувајќи се себеси и здравјето на блиските.Во продолжение на ова соопштение, ви го пренесуваме текстот од видео пораката што премиерот Заев ја упати по повод празникот Воскресение Христово Велигден:„Почитувани граѓани,И оваа година еден од најсветлите празници – Велигден го дочекуваме во специфични услови и со ограничувањата кои ги донесе пандемијата. Во овие предизвици не сме сами - целиот свет се уште е во состојба на криза или вонредност поради опасниот вирус.Празникот на спасението, кој го означува крајот на Христовите страдања и со кој ја славиме победата над смртта, нè потсетува на потребата да се преиспитаме и со скромност да понесеме одговорност за доброто на сите во нашата заедница. Да се заштитиме себеси и здравјето на блиските.Саможртвата на Христос е подвиг од љубов, посветен на нас луѓето. Бог ни се даде како пример. И токму овие светли празници секој од нас прави личен подвиг пред искушенијата - секој од нас трезвено и воздржано внимава на заштитата на здравјето односно на предизвикот што го наметна оваа глобална здравствено-економска криза.Во наше изменето современие, научивме дека Велигденските денови се можност да се свртиме кон себеси и кон нашите најблиски, да создаваме добри дела и да покажеме солидарност, почитување и разбирање еден кон друг.Во овој период на пандемија, да празнуваме како одговорни граѓани, а Велигден, како празник на надежта, да донесе благосостојба, радост и сплотеност во нашите домови. Опкружени со љубов, но и со надеж за подобрите денови кои доаѓаат, да бидеме исполнети со хармонија и прошка, мир и просперитет, без поделби, без омраза, без конфликти.Ви посакувам празничните денови да ги поминете во добро здравје и со духовна сила!Нека е честит големиот христијански празник – Велигден!Христос воскресна! Навистина воскресна!“

Македонија | пред 5 години

Честитка од претседателот Пендаровски по повод големиот христијански празник Воскресение Христово – Велигден

Претседателот на Република Северна Македонија, Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, Митрополит Скопски, Архиепископ Охридски и Македонски и на Јустинијана Прима, г.г. Стефан и сите православни верници, и до Претседателот на Црковното претставништво на Евангелско – методистичката црква, Емил Заев и припадниците на Евангелско – методистичката црква во државата.„Посакувам празничните денови да ги поминете во добро здравје, исполнети со среќа, радост и љубов. Велигден како празник на надежта ги исполнува срцата со топлина, а мислите со оптимизам и верба. Да шириме љубов и добра мисла и да му се радуваме на животот. Нека постојано со нас биде присутна дарежливоста, добродушноста и искреноста. Како што Христијанството би било празно без христовото воскресение така би биле празни и нашите животи без љубов, сочувство, морал, споделување и благодарност. После повеќе од една година живот во пандемија која го загрозува здравјето и предизвикува економска пустош се наѕира крај на голготата со која се соочува целото човештво. До завршувањето со имунизацијата да бидеме совесни и одговорни“, се вели во честитката од претседателот Пендаровски по повод големиот христијански празник Воскресение Христово – Велигден.

Македонија | пред 5 години

Мицкоски: Овој Велигден покрај празничната радост не обзема и горчина поради тоа што нашата земја се соочува со тешка криза

Честитка по повод празникот Воскресение Христово - Велигден од  претседателот на ВМРО-ДПМНЕ, Христијан Мицкоски Христос Воскресе!Навистина Воскресе!Посакувам многу среќа, здравје, и просперитет за Вас и Вашите најблиски.На Велигден споменуваме за големата саможртва на Бога и го славиме, бидејќи преку воскресението ја славиме и вечноста.Овој Велигден покрај празничната радост не обзема и горчина поради тоа што нашата земја се соочува со тешка криза. Повеќе од 4,800 наши сограѓани ги загубија своите животи, и над 150,000 се заразија и поминаа низ силни искушенија.Дали можеше поинаку земјата да се справи со оваа криза?Примерите околу нашата држава покажуваат дека и тоа како можеше, и поинаку, и многу подобро.Немаа план, а сиромаштијата расте. 60 илјади наши сограѓани останаа без работа, а многу бизниси трпат огромни загуби. Животот е се потежок.Во овие празнични моменти ова е горчината која го јаде секој еден човек и на секој еден од вас сакам да соопштам дека ви ја разбирам и болката и горчината. Но затоа мораме да ги менуваме работите заедно, пред државата да падне подлабоко во амбисот на неспособноста, криминалот и обезличувањето. Ќе донесеме иднина. Да не дозволиме уште еден Велигден да поминеме во несреќи.Дали е возможно? Секако дека да. И заедно сме и посилни и поспособни.Следува македонска пролет и поубави денови. Ќе изгрее сонцето и за Македонија.Ви посакувам лична среќа, успеси, и убави нешта за Вас и Вашите семејства. Да си помагаме едни со други, така и Бог ќе ни помогне.Нека е за многу години Велигден!Христос Воскресе!Навистина Воскресе!

Македонија | пред 5 години

Денеска сончево и топло со температура над 30 степени

Времето денеска ќе биде променливо облачно и натпросечно топло со сончеви периоди.Во утринските часови во западните делови ќе има услови за локален дожд. Ќе дува умерен, а во западните делови засилен западен ветер. Минималната температура ќе биде во интервал од 10 до 16, а максималната од 24 до 33 степени, jави УХМР.Во понеделник ќе биде стабилно со благ пад на дневната температура, додека во вторник кон крајот на денот и во среда ќе има локални врнежи од дожд. Температурата дополнително ќе опадне уште за неколку степени.Фото: Архива

Македонија | пред 5 години

Георгиески: Нека биде честит и вековит најголемиот православен празник Воскресение Христово- Велигден

Нека ни биде честит и вековит најголемиот православен празник Воскресение Христово- Велигден. Празнувањето да го поминеме во радост и среќа со нашите најблиски и да покажеме дека со заедничка вера, љубов и надеж, можеме да се справиме со сите искушенија.Во празничните денови во кои го славиме Христовото воскресение, нашите молитви нека бидат посветени за мир, здравје и напредок,заедништво, солидарност и вистинско почитување и уважување. Славејќи ја победата на животот над смртта, да ја поделиме радоста со најблиските, пријателите и слабите на кои им треба помош, а нашите мисли да ги насочиме кон напорите за благосостојбата на секој човек.Да си посакаме среќа, здравје и сила за да ја надминеме оваа здраствена криза, да бидеме одговорни и да ги почитуваме новонаметнатите правила, зошто само така брзо можеме да се вратиме во нормалното живеење и да му се радуваме на животот, напиша градоначалникот во својата ФБ објава.

Македонија | пред 5 години