Народот не чека саати за да оди на море, туку исплашен бара чаре за своето здравје

Ова не е Богородица. Ова е Табановце. Народот не чека саати за да оди на море, туку исплашен бара чаре за своето здравје.  До овој степен неспособна влада Македонија немала, најверојатно нема ни да има. Овие колони се доказ за тоа дека Филипче и Заев се најголемите арамии и манипулатори во Македонската историја.Крајот вака изгледа, стои во објавта на ФБ на Приказни од Булеварот.Во објавата се додава:Секоја чест за Србија која има потполно разбирање за тоа колку дудуциве се неспособни.Попис у сред пандемија? Море МАМИЦАТА ВАША! извор: Приказни од Булеварот

Македонија | пред 5 години

Јоци: ,,Техничка грешка” на Табановце, камерите не работат, да не се гледа колку македонски државјани одат на вакцинација во Србија

Камерите на Јавното претпријатие за државни патишта, на граничен премин ,,Табановце”, кои пренесуваат слика во живо – не работат во моментов. На останатите премини – работат, со исклучок на Деве Баир, објави joci.mk/. Очигледно е дека ,,техничката грешка”, ете, токму сега го блокирала видео-надзорот, под претпоставка – да не се гледа бруката на интернет во живо – како во илјадници колони, македонски државјани со возила и пеш, патуваат кон Србија за вакцинација. И тоа на годишнината од приемот на Македонија во НАТО.извор:  joci.mk/. 

Македонија | пред 5 години

Нема фотографија

Ноќеска започнува летното сметање на времето

Стрелките на часовниците ноќеска во 02 часот се поместуваат на 03, при што се поместуваат за еден час понапред а со тоа започнува летното сметање на времето.Започнува со последниот викенд во март и трае до последниот викенд во октомври.Во 2018 година Европската комисија даде предлог за ставање крај на сезонските промени на часовникот, што година подоцна беше поддржан и од Европскиот парламент, но за да стапи на сила мора да ја почека одлуката на Европскиот совет, за која сè уште не е јасно кога ќе биде донесена.Летното сметање на времето ќе заврши на 31-ви октомври во 03:00 часот.Извор фото:Агенции

Македонија | пред 5 години

Божиновски: Ништо не траело вечно, нема ни ова, но за тие што нема да го дочекаат тој ден единствена задача е да има правда

Еден ден, еден убав ден може за шест месеци, година, пет на инфективната клиника ќе биде отпуштен последниот пациент од Корона. Ќе има на телевизија, вработените ќе ги фрлат маските во знак на победа. Фејсбук ќе биде полн со слики од насмевки без маски на улица, ќе има прегратки, забави, дружења, напиша на својот ФБ Божидар Божиновски.Божиновски на објавата додава:Тој ден ќе дојде, ништо не траело вечно, нема ни ова. Тие што ќе останеме или вие што ќе останете, колку и да сме, колку и да сте, ќе има една единствена задача. За тие што нема да го дочекаат тој ден да има правда. Од курајбери менаџери на разни интермеца и мошови што нивниот профит го ставија пред здравјето, преку профитери од болници до министри и премиер да одговараат за секоја жртва, секој криминал, секој профит на смрт да им биде одземен, секоја болка и тага да ја платат. Ваков геноцид има одговорни, напиша Божиновски на ФБ.Извор: ФБ Божидар Божиновски

Македонија | пред 5 години

Законот за прогласување на дел од Шар Планина за национален парк оди на усвојување во Собранието

Владата го утврди конечниот текст на Предлог-законот за прогласување на дел од Шар Планина за Национален парк и донесе заклучок да биде доставен на усвојување во Собранието.Како што веќе беше објавено, основната цел на ова законско решение е прогласување на дел од Шар Планина за заштитено подрачје од втора категорија - Национален парк, заради обезбедување на заштита на исклучителните природни убавини и вредности, разновидноста и богатството на биодиверзитетот, геодиверзитетот, хидролошките карактеристики, пејзажните, пределните и други вредности, како добра од јавен интерес.фото: Архива

Македонија | пред 5 години

СДСМ: Од почетокот на ковид кризата Мицкоски е на прогрешната страна, нема основно чувство за државен интерес

Христијан Мицкоски од почетокот на кризата со коронавирусот па се до денеска е на погрешната страна, на спротивната страна од интересите на граѓаните. Мицкоски нема никаква грижа на совест, што постојано ја поткопува борбата против пандемијата, што работи против здравствениот систем, се вели реакција од СДСМ на изнесени ставови на Христијан Мицкоски.Во продолжение на реакцијата од СДСМ додаваат:На што мислеше Мицкоски кога одеше во кафана или тераната? Дали тогаш мислеше на забоелните од ковид?Дали мислеше на здравствените работници кога лажеше дека нема тестови доволно? Или кога ја кочеше помошта за 16 ковид центри низ државата?Кога организираа партиски собири спротивни на сите здравствени протоколи каков пример даваше Мицкоски?Дури и некрофилни кампањи тераше неговата ВМРО-ДПМНЕ, без чувство, без трошка морал.Токму заради неговото незрело, неодговорно и несериозно однесување Мицкоски доживеа серија порази од граѓаните.Продолжувањето на деструкција покажува дека Мицковски нема чувство за државен интерес, за интерес на граѓаните.Неговите деструкции беа поразени и тоа ќе се случува и понатаму. Неговите деструкции се негови порази.

Македонија | пред 5 години

Мицкоски: 30 години само попуштаме како држава, до кога тоа, мора да ги одбраниме црвените линии на идентитетот

Не може повеќе отстапки, доста е. 30 години не газат. До кога ќе попуштаме? До кога ќе ни викаат уште ова попуштете и ќе биде датумот. Мора да ги исцртаме црвените линии. Ние сме Македонци со своја култура, со свои обичаи, своја историја, изјави претседателот на ВМРО-ДПМНЕ, Христијан Мицкоски за „Што не е јасно“ на Алфа телевизија.Мицкоски истакна дека не смееме да дозволиме билатералното прашање со Бугарија да биде дел од условите за отпочнување на преговори со ЕУ, и тоа јасно е кажано од Стејт Департментот.- Нашиот стратешки партнер САД, беа јасни и кажаа дека не може билатерално прашање да биде за тоа услов. Никој не смее да го прифати тоа. Потребно е дефинирање на црвени линии и никако прифаќање на наметнатите услови за преговори кои ги дава Бугарија. Надвор процесот на преговори со ЕУ треба да се решава тоа прашање, потенцира Мицкоскки.Тој истакна дека доколку се прашува Заев тој се би потпишал и затоа потребна е револуција на македонскиот народ која нема да дозволи да не избрише како народ и држава.- Ако нема критично тело за револуција на македонскиот народ, за тоа што тие ќе се осудат да го потпишат, престануваме да постоиме. Јас ќе бидам во првите редови на таа револуција и очекувам да ги видам сите политичари и бизнисмени кои 30 години леб јадат од оваа држава, рече Мицкоски. фото: ВМРО ДПМНЕ

Македонија | пред 5 години

(ФОТО) Во библиотеката на кичевскиот Центар за култура поставена табла „Republika e Shqiperisë" и албанско знаме

Табла „Republika e Shqiperisë” е поставена во библиотеката во НУ Центар за култура „Кочо Рацин“ во Кичево. Станува збор за еднојазична табла, само на албански јазик со знамето на Албанија, која води кон дел од библиотеката каде што се поставени два компјутери, преку кои граѓаните можат да добијат информации од Државниот архив на Албанија. Дел од вработените и посетителите во Центарот за култура „Кочо Рацин“ реагираат дека станува збор за провокација и за кршење на законите, со оглед на тоа што таблата не е двојазична, односно оние кои не го знаат албанскиот јазик, воопшто не можат да се информираат за што станува збор.„Ние имаме договор со општината, да отстапиме дел од библиотеката, еден агол, кој ќе може да се користи. Фактички станува збор за два компјутера кои би се поврзувале со Државниот архив на Албанија и секој кој е заинтересиран за одредени информации од архивот, да може да се приклучи. Јас веднаш реагирав дека таблата треба да биде двојазична и побарав да се смени, па еве ако не ја сменат од општината ниту денеска, им кажав дека ќе ја отстранам. Инаку не станува збор за знамето на Албанија, туку за лого на Државниот архив на Албанија“, вели Директорот на Центарот за култура, Мазлам Османи, за А1 он .Таблата била поставена пред два дена, во средата. Но, незадоволството кај посетителите на националната установа трае од поодамна, бидејќи, според нив, на плакатите што се лепат за настаните во центарот за култура, се избегнува да стои името на установата, Кочо Рацин.Извор: А1 он

Македонија | пред 5 години

Се плашам дека после сета оваа бука нема вакцини, потоа ќе ни останат вакцини, вели Караџоски

Претседателот на Комисијата за заразни болести, доктор Жарко Караџовски во вечерашното гостување на Канал 5 рече дека според него ќе има слаба заинтересираност за вакцинирање.-Јас се плашам дека после сета оваа бука нема вакцини, потоа ќе ни останат вакцини. Вакцинирањето е доброволно, не може со сила да вакцинираме. Инаку, АстраЗенека е сосема безбедна. Јас би се вакицнирал со која било вакцина и да се погоди на пултот каде што ќе се вакцинирам.Закупена е салата Борис Трајковски. Оној момент кога ќе дојдат вакцините, ќе бидат наредени 50тина пулта за вакцинација. Плус ќе има и низ другите градови. Тогаш ќе има 2,500-3.500 вакцинирани на ден, вели Караџовски.фото: Архива

Македонија | пред 5 години

ЈКПД Дебрца: Водата редовно се хлорира, меѓутоа во моментот на земање на примерок процентот на хлор е понизок од дозволеното

Во врска со Вашиот допис, го изветуваме локалното население во с.Мешеишта дека водата редовно се хлорира, меѓутоа во моментот на земање на примерок процентот на хлор е понизок од дозволеното и затоа се добиени такви резултати. Водата е безбедназа користење и пиење бидејќи во неа не е пронајдена никаква бактерија и нема простор за паника, се вели во соопштението од ЈКПД Дебрца кое доаѓа по информацијата од Центар за јавно здравје, Охрид кои посочија дека водата од мерните места-Климештани,Требеништа,Мешеишта треба да се хлорира континуирано за да биде здравствено исправна.Од ЈКПД Дебрца додаваат дека што се однесува на водата во с. Требеништа, поради зголемената издашност на изворот, има недостаток на хлор и истата во моментов се забранува за пиење и користење, се до следното известување. Во текот на наредните неколку дена повторно ќе бидат извршени испитувања за што дополнително ќе бидете известени, велат од ЈП од Дебрца.Инаку од Центар за јавно здравје, Охрид денеска преку соопштение уште посочија дека во селата:Климештани,Требеништа како и Мешеишта  водата се  забранува за пиење ,одржување на лична хигиена како и хигиена на раце, во домаќинствата се додека истата не се третира со хлорен препарат или да се преврива 45-50 минути. 

Македонија | пред 5 години

Георгиески: Општина Охрид покажа спремност дека постапува по Планот за управување со УНЕСКО преку уривање на бесправните објекти

Општина Охрид покажа спремност дека постапува по Планот за управување со УНЕСКО преку уривање на бесправните објекти што се спроведе минатата година. Со средства од 6 милиони денари продолжуваме и годинава.Сепак за сериозна и голема акција потребни се 60 до 70 милиони денари. Средства кои општината не може да ги обезбеди од сопствениот буџет. Во таа насока наместо обвинувања за ингеренции потребна е меѓуинституционална соработка со цел отстранување на сите нелегални објекти не само покрај крајбрежјето туку и пошироко, напиша на својот Фб профил градоначалникот на Охрид, Константин Георгиески.видео: ФБ Константин Георгиески

Македонија | пред 5 години

Јоци: Шилегов, ќе го бришел и Адолф Циборовски, полскиот архитект испратен од ООН за планирање на постземјотресно Скопје, по ова ќе направиш дипломатски скандал со Полска

Еве ја несреќава без компас Петре Шилегов, ќе го бришел и Адолф Циборовски, полскиот архитект испратен од Обединети нации за планирање и надгледување на постземјотресно Скопје.Како може да си ја враќаш твојата улица ,,Мексичка" човече, а да го бришеш Циборовски во Хром⁉️По Горан може друга, нова улица да биде именувана, напиша на својот ФБ профил новинарката Јорданка Ивановска Јоци.Јоци во објавата додава:И дипломатски скандал ќе направиш на крај со пријателска Полска, од што правиш глупости со улициве, место да работиш. Улиците ти се решето со дупки на секој чекор од солта.Нека се јават скопските здруженија на архитекти да му реагираат за оваа негова нова глупост!ℹ Адолф Циборовски за Скопје, во 1985:,,Мислам дека од првите часови на катастрофата, немаше да има успех, без огромниот удел на вашите мајки, сестри и жени. Победата во Скопје, во голем дел е победа на жените, кои со нивната положба, подготвеност, секојдневната помош и залагање, ни помогнаа да го изградиме овој град. Тие не го градеа физички, туку во морална смисла. И, затоа, треба да им бидете благодарни."извор: ФБ Јорданка Ивановска Јоци

Скопје | пред 5 години

Сите зборат за “фингерпринт” апаратчиња, а Ременски за аферата со АФИС т.е собирање отисоци-шок детали

Додека денес политичката сцена бруи околу „апаратчињата за фингерпринт“ со кои требало да се оди на избори за да биле легитимни, станува појасно зошто аферата АФИС-и (системи за собирање на отисоци од прсти) со целата сериозност на криминалот и доказите кон пријавата со мое име и презиме стана трн во око на ОЈО за ГОКК кое 7,5 години „работеше“, за да прикрие и да не сработи ништо❗Наместо да се засрамат СИТЕ од слепилото пред очигледниот организиран криминал и да решат барем еден предмет без местенки, фингирања и пропуштања, СИТЕ решија да молчат кога јавно се прозивани да зборуват за фалсификатите преку кои се испумпуваа буџетски пари на штета на ова наше пусто образование, напиша на својот ФБ профил Фросина Ременски.Ременски во објавата додава:За да видите што уште не сакале да видат во ОЈО за ГОКК и Гордана Смаќовска на чело на пријавата од 2013 година, покрај ИМИЊАТА НА ФАЛСИФИКАТОРИТЕ И НИВНИОТ ФАЛСИФИКАТ во следните неколку статуси ќе одберам уште неколку очигледни неојавени документи како клучен доказ за злоупотребите❗Известување за склучен договор за јавна набавка (26.09.2011) во кој ПРЕДМЕТ на договорот за јавна набавка е Опрема на две лабаратории во Македонската радио и Телевизија (❓) и една лабараторија за Факултетот за безбедност Скопје – Лабараторија за криминалистичка регистрација и идентификација (АФИС). Според известувањето три (3) системи ❗Тогашниот министер за образование и наука Панче Кралев❗, кој ја наследи доктрината за фиктивни јавни набавки од Никола Тодоров❗ склучува ДОГОВОР за набавка на АФИС за Факултетот за безбедност – Скопје со француската фирма MORPHO Safran❗AФИС системот и договорот е во вредност од 2.469.220,00 евра (чл. 4)❗Фирмата МОРФО Сафран во (чл.8) Договорот се обврзала АФИС системот најдоцна до 31.05.2012 година да го достави до Факултетот за безбедност – Скопје, а опремата да биде предадена пред Комисија составена од претставници од договорниот орган, носителот на набавката и претставник на факултетот со записник со приемница за примопредавање на опремата на Факултетот за безбедност❗Во Договорот за АФИС-от за Факултетот за безбедност во член 9 било договорено начинот на плаќањето:- 35% од вкупната вредност во 2012 година❗- 35% од вкупната вредност во 2013 година❗- 30% од вкупната вредност во 2014 година❗Фирмата го испочитувала рокот од договорот за испорачување на АФИС системот, но НИКОЈ не и кажал дека, АФИС – от го испорачува на погрешна адреса – наместо во Факултетот за безбедност Скопје како што било регулирано во договорот, АФИС – от бил однесен директно во МВР❗❗Однесен бил таму, затоа што „теренот“ за оваа фиктивна набавка за опрема за факултетот била претходно подготвена со ФАЛСИФИКУВАЊЕ на тендерска документација, злоупотреба на буџетски средства, овластувања и лажно пријавување❗https://m.facebook.com/story.php?story_fbid=3929782243719667&id=100000637902363Сето тоа без знаење на француската фирма добавувач❗Во меѓувреме Владата си ги носи фиктивните одлуки со кои сакала „да го легализира криминалот“ со СИТЕ лабаратории за Факултетот за безбедност, не само со АФИС-ите, без да си ги изврши сите плаќања кон француската фирма❗Откако виделе Французите дека нешто не оди како треба почнале да ситгаат АЛАРМАНТНИ ПРЕДУПРЕДУВАЊА за неисплатени финансиски обврски од договорот директно доставени до МОН до Спиро Ристовски и до Гордана Јанкуловска❗Откако решиле да им кажат дека АФИС системот е даден на МВР, а не на Факултетот за безбедност француската фирма почнала алармирањата за ненаплатената опрема да ја адресира и до Гордана јанкуловска и до Спиро Ристовски кој ја наследи доктрината за прикривање на фиктивни јавни набавки од Никола Тодоров и Панче Кралев❗☑За цело време додека овој организиран криминал се одвива, јас до ОЈО за ГОКК во континуитет ги доставувам сите докази за основниот криминал со лабараториите и сите докази за организирано прикривање на трагите од организиран криминал❗На 11.02.2014 година фирмата се повикува на договорот и од МОН бара да се платат четири (4) фактури доставени на 23.12.2013 година до 27.01.2014 година, со напомена дека ако не се платат ќе престане сервисирањето на системот.Фактура бр. 66045140 од 36.012,64 евраФактура бр. 66045142 од 209.250,60 евраФактура бр. 66045143 од 209.250,60 евраФактура бр. 66045144 од 314.647,79 евраНа 20.05.2014 година фирмата повторно се повикува на договорот и од МОН бара да се платат две (2) од четирите фактури доставени на 11.02.2014 година до 30.05.2014 година, со напомена дека ако не се платат ќе престане сервисирањето на системот.Фактура бр. 66045140 од 36.012,64 евраФактура бр. 66045144 од 314.647,79 евраНа 20.08.2014 година фирмата повторно се повикува на договорот и од МОН бара да се платат три (3) од четирите фактури доставени на 20.05.2014 година, со жалење дека сите сервисирања на АФИС системот запираат до завршување на плаќањето (АФИС-от во МВР беше надвор од функција).Фактура бр. 66045140 од 36.012,64 евраФактура бр. 66047248 од 209.250,60 евраФактура бр. 66045144 од 314.647,79 евраОткако не добиле никаков одговор на писмата и барањата за плаќање на фактурите согласно договорот од МОН, а дознале за фиктивната набавка и доставата во МВР што на лажни факти ја доставиле во мај 2012 година, француската фирма на 17.10.2014 година до МВР ги испраќа сите претходно пратени писма и фактури до МОН.Фактура бр. 66045140 од 36.012,64 евраФактура бр. 66047248 од 209.250,60 евраФактура бр. 66045144 од 314.647,79 евраКога Спиро и Гордана на 25.11.2013 година се договориле со меѓусебен добовор „да го покријат криминалот“ заборавиле во договорот да си кажат кој ќе ја плати опремата на фирмата – дали МОН од буџетската потпрограма за опремување на лабаратории или МВР од буџетската сметка без програма за оваа намена.За да биде поинтересно за јавноста и посрамно за ОЈО за ГОКК, овој статус ќе го завршам со овие фактури и договорот со француската фирма❗Во следната објава за ова организирано прикривање на организиран криминал ќе објавам: како е водена и евидентирана опремата, за колкава сума е обезвреднета, но и до кои сознанија дошол Државниот завод за ревизија во Извештајот на МОН за 2016 година и дали ОВОЈ ВИД НА КРИМИНАЛ бил само со злоупотреба на Факултетот за безбедност – Скопје или и на други факултети и универзитети во државата❗❗Да потсетам дека за овој предмет и постапувањето на ЈО Гордана Смаќовска се водат постапки во:ЈО Скопје КО бр. 4530/20,ВЈО РО бр.67/21;Совет на ЈО РО бр. 148/20,а со истото во контекст на стратегиите за ветинг во ОЈО е запознаен и министерот за правда и државниот ЈО Јовевски❗Ако после се што напишав до сега и се што е во постапка не излезе некој свесен и одговотен да признае дека вакви срамни факти за криминал постојат, а не се сака да се видат, нема да поштедам никого во барањето одговорност за молкот❗  извор: ФБ Фросина Ременски

Македонија | пред 5 години

Денеска починати 33 лица и нови 1.422 нови случаи на Ковид 19

Во последните 24 часа се направени 4.277 тестирања, а регистрирани се 1.422 нови случаи на КОВИД-19 во:Скопје – 618, Куманово – 94, Прилеп – 89, Велес – 76, Тетово – 63, Гостивар – 54, Кавадарци – 53, Битола – 50, Штип – 39, Гевгелија – 38, Охрид – 33, Струмица – 27, Неготино – 26, Кочани – 22, Кичево – 17, Струга 13, Ресен – 12, Пробиштип – 10, Дебар, Берово и Свети Николе – по 9, Крива Паланка и Радовиш – по 8, Валандово – 7, Богданци и Демир Капија – по 6, Македонски Брод и Пехчево – по 5, Виница и Делчево – по 4, Крушево – 3, Демир Хисар и Кратово – по 2, Дојран - 1.Регистрирани се 457 оздравени пациенти од:Скопје - 128, Прилеп – 50, Кавадарци -33, Неготино – 28, Гостивар – 26, Куманово, Тетово и Велес – по 25, Струмица – 17, Гевгелија – 16, Штип – 15, Битола и Кочани – по 11, Берово -10, Валандово – 6, Радовиш – 5, Кичево и Крушево – по 4, Крива Паланка, Делчево и Демир Капија – по 3, Пробиштип и Виница – по 2, Охрид, Ресен, Богданци, Демир Хисар, Македонски Брод и Дојран – по 1.Пријавени се вкупно 33 починати лица: 12 пациенти од Скопје (83г,82г,81г,75г,74г,72г,70г,70г,69г,62г,43г,38г), по 3 пациенти од Тетово (69г,60г,41г) и Кавадарци (78г,77г,71г), по 2 пациенти од Битола (83г,65г), Прилеп (73г,68г) и Ресен (75г,66г) и по едно починато лице е пријавено од Куманово (62г), Гостивар (57г), Охрид (64г), Струмица (72г), Струга (76г), Крива Паланка (85г), Валандово (79г), Крушево (53г) и Кратово (76г). Од пријавените, 33 лица сите се починати во болнички услови.Направени се 4.277 тестови преку: ИЈЗ-954, ЦЈЗ Скопје-129, ЦЈЗ Битола-103, Клиника за инфективни болести и фебрилни состојби-0, Судска медицина-18, лабораторија болница Козле-0, УК Пулмологија со алергологија–1, ГОБ 8-ми Септември-8, Институт за микробиологија–78, Жан Митрев (Филип Втори)-221, Авицена-343, Биотек-500, Систина-302, лабораторија Лаор–191, Синлаб-83, Ремедика-43, ЈЗУ и ПЗУ (рапид тест) – вкупно 1303.Досега во земјата се направени вкупно 607.956 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 124.910, бројката на оздравени пациенти е 103.831, на починати е 3.607, а бројот на активни случаи изнесува 17.472.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 55799, активни 8838Прилеп 6803, активни 1024Куманово 6545, активни 732Тетово 6169, активни 543Гостивар 4396, активни 433Кавадарци 4294, активни 695Велес 4274, активни 624Битола 4163, активни 586Штип 4127, активни 377Охрид 3965, активни 647Струмица 3152, активни 303Струга 2613, активни 178Кочани 2170, активни 221Кичево 1939, активни 136Неготино 1852, активни 420Гевгелија 1727, активни 356Свети Николе 1234, активни 105Крива Паланка 1037, активни 105Ресен 969, активни 152Радовиш 867, активни 101Дебар 835, активни 40Делчево 828, активни 92Берово 801, активни 106Пробиштип 668, активни 91Виница 580, активни 50Валандово 487, активни 82Крушево 424, активни 132Богданци 390, активни 72Демир Капија 342, активни 80Кратово 322, активни 28Демир Хисар 322, активни 49Македонски Брод 291, активни 36Пехчево 220, активни 24Македонска Каменица 198, активни 5Дојран 107, активни 9Фото: Архива

Македонија | пред 5 години

Пендаровски оствари телефонски разговор со Генералниот секретар на НАТО, Столтенберг

По повод годишнината од членството на Република Северна Македонија во НАТО, претседателот Стево Пендаровски денеска оствари телефонски разговор со Генералниот секретар, Јенс Столтенберг.Во разговорот двајцата соговорници разменија мислења за улогата на Алијансата и справувањето со идните безбедносни предизвици, за регионалната стабилност и за надворешно-политичките приоритети на Република Северна Македонија.Во тој контекст, претседателот Пендаровски изрази благодарност за поддршката која земјата ја добива од НАТО Канцеларијата за безбедност во процесот на сертификација на официјалните лица во државата за коишто се побарува НАТО безбедносен сертификат. Двајцата соговорници се согласија дека тоа е исклучително важен процес и дека истиот треба да продолжи во сите неопходни сегменти, витални како за безбедноста на Република Северна Македонија, така и за безбедноста на Алијансата.Истовремено, претседателот Пендаровски се заблагодари за досегашната помош во справувањето со последиците од пандемијата на Ковид-19, посочувајќи дека солидарноста и поддршката на сојузничките земји е неопходна за надминување на новите реални предизвици со кои се соочуваат Европа и светот.Во телефонскиот разговор, претседателот Пендаровски ја реафирмираше подготвеноста и посветеноста на Република Северна Македонија во промовирање на мирот и стабилноста, истакнувајќи дека земјава и во иднина активно ќе придонесува во меѓународните мировни мисии предводени од НАТО во регионот и пошироко. Северна Македонија, додаде претседателот Пендаровски, останува целосно посветена на реформите во одбраната и во безбедноста согласно стандардите на НАТО.Двајцата соговорници разговараа и за документот НАТО 2030, кој треба да ја одреди иднината на НАТО Алијансата, во која од март минатата година и ние сме полноправна членка. фото: кабинет на претседател

Македонија | пред 5 години

Симовски: Пописот започнува на 1-ви април согласно протоколот за заштита

Директорот на Државниот завод за статистика Апостол Симовски и портпаролот на Владата на Северна Македонија, Муамет Хоџа денеска одржаа заедничка прес-конференција на којашто информираа за тековните активности поврзани со пописот на населението, домаќинствата и становите.Како што информираше портпаролот Хоџа, пописот во дијаспората се одвива со задоволителна динамика и без никакви проблеми. Утрово бројот на самопопишани македонски државјани изнесуваше 148.719 лица.Директорот Симовски, се осврна на важноста од спроведување на попис, односно податоците кои ќе се добијат по завршувањето на најсложената и најважна статистичка операција за една земја.„Пописот пред сѐ е операција којашто треба да обезбеди податоци кои се основа за креирање на политиките кои се од важност за сите граѓани. Затоа повикувам да се заборават сите повици на бојкот и обиди за политизација на овој процес. Податоците кои ќе ги добиеме се значајни за подобра иднина на сите нас“, рече Симовски.Директорот Симовски апелираше до сите граѓани на нашата држава, да ја искористат можноста слободно и без никаков притисок да ја исполнат оваа граѓанска обврска.Во однос на заштитата од ширење на пандемијата предизвикана од КОВИД-19, Симовски ги увери граѓаните дека во текот на целиот процес до најситен детаљ ќе се следат препораките од Комисијата за заразни болести и уште еднаш потенцираше дека не постои простор за грижа дека пописот ќе влијае кон зголемување на бројот на заболени лица.„Временската прогноза ни оди во прилог и секаде каде што може пописот ќе се спроведува на отворено, таму каде нема можност ќе се внимава на протоколот и ќе се преземат сите превентивни мерки за заштита“, подвлече Симовски.Одговорајќи на новинарски прашања за информации кои се однесуваат на одложување на пописот, Симовски беше категоричен дека станува збор за шпекулации и лажни вести. Сите активности за почеток на пописот на 1-ви април се одвиваат тековно и не постои сомнеж дека пописот ќе се одложи.Во однос на казните во случај на одбивање да се учествува во пописот, како и за повиците за бојкот, директорот на ДЗС, потенцираше дека целта не е да се казнува туку да се соберат податоци кои ќе им служат на сите граѓани. Но, законите се јасни и надлежните институции доколку е потребно ќе постапат согласно тоа што е утврдено со закон.„Прашајте ги сите инвеститори дали би инвестирале без основни податоци за една држава. Како ќе инвестираат ако не знаат за работна сила во регионот каде што сакаат да инвестираат, како ќе инвестираат ако немаат информација за каков пазар се работи... одговорот на овие прашања е причината зошто ни е неопходен пописот“, заклучи Симовски.видео: Влада  

Македонија | пред 5 години

Улицата Лазо Трповски во Бутел од понеделник со среда ќе биде затворена за сообраќај

Градот Скопје известува дека поради изведување градежни работи, улицата Лазо Трповски во општината Бутел ќе биде затворена за сообраќај од 29.03.2021 година до 31.03.2021 година (од понеделник до среда), на потегот од кривината со улицата Боца Иванова до влезот на гробиштата „Бутел“. За влез во гробиштата „Бутел“ ќе може да се користи улицата Александар Урдаревски.Градот Скопје апелира до сите учесници во сообраќајот да ја почитуваат поставената патна сигнализација и да ја приспособат брзината на движење на условите на патот.фото: Архива

Скопје | пред 5 години

Нема фотографија

Во Климештани, Требеништа и Мешеишта водата забранета за пиење и одржување на лична хигиена

Според извештајот на Центарот за јавно здравје Охрид на ден 23.03.2021 година земени се примероци вода за физичко хемиска и микробиолошка анализа. Констатирано е следното:Во Охрид водата за пиење ги исполнува условите за здравствено исправна вода за пиење според Правилникот за безбедност на водата за пиење(Сл.Весник на РМ бр 183/2018),освен од две мерни места ,додека снабдувањето со вода во селата  е следна:-с.Климештани-има бактерии(Ешерихија коли,Ентеробактерии) нема резидуален  хлор-с.Мешеишта-          нема резидуален хлор-с.Волино-               водата е здравствено исправна-с.Требеништа- има бактерии(Ешерихија коли,Ентеробактерии) нема резидуален  хлор-с.Горенци –        водата е здравствено исправна-Аеродром –кујна- водата е здравствено исправна-Аеродром-Водарка- водата е здравствено исправна-с.Оровник- водата е здравствено исправна-с.Подмоље – водата е здравствено исправна-Иноспектар-с. Лескоец- водата е здравствено исправнаПРЕПОРАКА: Водата од мерните места-Климештани,Требеништа,Мешеишта да се хлорира континуирано за да биде здравствено исправна.  Во селата:Климештани,Требеништа како и Мешеишта  водата се  забранува за пиење ,одржување на лична хигиена како и хигиена на раце, во домаќинствата се додека истата не се третира со хлорен препарат или да се преврива 45-50 минути.извор: Центар за јавно здравје, Охрид

Македонија | пред 5 години

Беќаровски: И пред две недели да ги вакциниравте сите попишувачи, на 1 Април пак ќе немаат создадено имунитет !!!!

ДА НЕ СЕ ЛАЖЕМЕ !!!!И пред две недели да ги вакциниравте сите попишувачи, на 1 Април пак ќе немаат создадено имунитет !!!!Затоа вакцинирајте ги до 1 Април, ревакцинирајте ги пред Велигден, а пописот нека започне НАЈРАНО на 14 мај, ден по Рамазан Бајрам, напиша на својот ФБ профил Токсикологот Нико Беќировски.извор: ФБ Нико Беќаровски

Македонија | пред 5 години

Недела неработен ден со одложена примена, од 1 јануари 2022

Примената на Законот за работни односи и „Недела неработен ден“ ќе бидат со одложена примена, од 1 јануари 2022 година, соопштија вицепремиерот за економски прашања, Фатмир Битиќи и министерката за труд и социјална политика, Јагода Шехпаска на денешната редовна месечна седница на Комисијата за јавно-приватен дијалог што се одржа во Владата.По повеќе од три месеци најава, уште не е готово законското решение за недела да биде неработен ден. Министерката за труд и социјална политика вели дека произлегле и други размислувања за кои се дебатира отворено.Првичната замисла на ресорното министерство беше недела да биде неработен ден за сите работници, освен за оние во дејностите кои се неопходни за непречено функционирање на државата.Со ова не се согласува министерот за економија Крешник Бектеши, кој порача дека законското решение не треба да важи за трговските и туристичките центри, оти се работи за големи инвестиции и прилив на странски туристи во земјава.Вицепремиерот за економски прашања Битиќи најави дека недела неработен ден нема да важи за 34 дејности, каде работењето во недела всушност ќе се плаќа со друга дневница и за тоа ќе следува слободен ден во текот на неделата.Синдикатите сметаат дека недела треба да биде слободен ден за сите и во државниот и во приватниот сектор, а тоа да се спроведува со строги контроли од инспекциските служби.

Македонија | пред 5 години

ВМРО ДПМНЕ: Спасовски треба да одговара затоа што е пробиена акцијата и што им е овозможено бегство на нарко - босовите

Залудно Оливер Спасовски ја лажеше јавноста кога денес се соопшти дека акцијата „Планина“, во која што беше кажано дека е сузбиена огромна нарко - група, всушност се сведува на запленети неколку десетици грама дрога и слобода за главните нарко - босови, се вели во соопштението од ВМРО ДПМНЕ.Во продолжение на истото се додава:Одговорот кој и зошто ги пуштил да се спасат главните нарко-босови може да се најде и на фотографиите каде се гледаат луѓето од власта, вклучително и првиот полицаец Оливер Спасовски, во нивно друштво.Спасовски треба да одговара затоа што е пробиена акцијата и што им е овозможено бегство на нарко - босовите. Во ваквиот мафијашки синџир неизоставен дел е и партиската обвинителка на Зоран Заев, Вилма Рускоска, која исто како и МВР на Спасовски вчера се фалеше дека е разбиена нарко - група, за да денеска ретерира и ја соопшти вистината. Луѓето од власта се способни само за криминал.Поминува петта година како ниту еден сериозен криминалец не е уаспен, ниту пак е тргнат од улиците во државата. Да не се чуди владата зошто сите меѓународни институции ја вбројуваат оваа влада за најкриминална во Европа - тоа е така, затоа што мафија владее со државата.фото: ВМРО ДПМНЕ

Македонија | пред 5 години

За сега нема нови рестриктивни мерки

Нови рестриктивни мерки нема да има, велат од Министерство за здравство. Комисијата за заразни болести на одржаниот состанок ја разгледала актуелната состојба со епидемиолошката ситуација во земјава и заклучила дека нема потреба од дополнитени рестриктивни мерки во земјата.Тоа значи дека останува активна мерката полициски час од 22 часот навечер, до 5 часот наутро.фото: Архива

Македонија | пред 5 години

Ешрефи доби 13 години затвор за убиството на матурантот Ангел

Тринаесет години затвор му одреди Судечкиот совет на обвинетиот Насер Ештрефи во случајот со убиството на Ангел Петковски. Во изречената казната затвор се пресметува и времето кое обвинетиот го има поминато во притвор и секое лишување од слобода, а кое изнесува нецели седум години.Јавниот обвинител Дарко Јакимовски, од Судот побара на обвинетиот да му се изрече мерка притвор, додека бранителот на обвинетиот Иванка Јакимовска, побара мерка куќен притвор, по што Судот одлучи мерката притвор спрема обвинетиот Насер Ештрефи да се продолжи до правосилноста на пресудата, односно до отпочнувањето на издржувањето казна затвор.Убиството на Петковски се случи на 19 мај 2014 година во населбата Ѓорче Петров. Инцидентот започна со кражба на велосипед од страна 19-годишниот Насер Ештрефи од скопското село Грчец.Настанот предизвика неколкудневни демонстрации и револт кој резултираше со демолирање на повеќе објекти во населбата Ѓорче Петров и судири на демонстрантите со полицијата.фото: Архива

Македонија | пред 5 години

Русковска: Акцијата во Грчец пробиена, нарко босовите во бегство - пронајдена помалку дрога од очекуваното

Цела година двајца јавни обвинители заедно со истражители од Основното јавно обвинителство за гонење на организиран криминал ги следеле двете криминални групи чии членови вчера беа уапсени во голема полициска акција „Планина“ во Грчец и Гази Баба, соопшти денеска шефицата на ова обвинителство Вилма Русковска.Акцијата за пронаоѓање дрога при сузбивањето на криминалните групи била пробиена во Грчец, а најголемата количина дрога е пронајдена во Гази Баба. Уапсени се 21 лице, шест лица се во бегство, а од нив, пет се главни кои ја воделе криминалната група.Обвинителката Вилма Русковска кажа дека на локациите каде што знаеле дека има дрога, била отстранета. Најдени се само 800 грама кокаин на двете локации. Меѓу криминалната група има и малолетно лице.„Немаме доказ дека се меѓусебно поврзани, затоа поединечно беа собирани и доказите. Откако сметавме дека имаме доволно докази за сите лица, се организираше акција за нивно лишување од слобода. Во село Грчец се извршени претреси на 26 локации, лишени се од слобода 13 лица, од кои за 9 лица има мерка притвор, за три има мерка куќен притвор и за едно лице мерки на претпазливост. Од оваа група, пет лица ни се недостапни. Можете да ја видите шемата, односно организаторите и сите кои одат под нив и нивната меѓусебна комуникација. Во шемата има и едно малолетно лице во криминалната група во село Грчец“, рече обвинителката.Таа посочи дека фатени се само продавачите, но не и, како што кажа Русковска, „наркобосовите“.„Што се однесува до криминалната група од Гази Баба, извршени се претреси на девет места, од кои осум лица се приведени и се наоѓаат во притвор, а по едно лице се трага. Можам да ви кажам дека од двете групи се одземени повеќе од 80.000 евра, повеќе од 300.000 денари, 500 франци. Што се однесува на пронајдената наркотична дрога, ќе ви кажам дека е околу 5 кг мархуана и некаде околу 600-700 грама кокаин. Сè уште не се извршени вештачења. Најголем дел од парите и дрогата се најдени при претресите во Гази Баба, а многу малку во село Грчец бидејќи според посебните истражни мерки, кои се завршуваат денеска, а кои се однесуваат на овие шест лица по кои се трага, имаме сознанија дека акцијата во село Грчец е пробиена. Таму за каде што имавме сознанија дека има дрога, беше исчистено. Тука на три локации се пронајдени некад околу 100 грама кокаин. Без разлика на количината, обвинителството располага со цврсти докази за сите лица за кои е издадена наредба за спроведување истражна постапка. Од самиот почеток знаевме дека нема да успееме да најдеме поголема количина дрога. Одземени се само три возила, и тоа две од Грчец и една од Гази Баба. Со тоа што најлуксузните возила кои ги поседуваат водачите на Грчец беа сокриени, што значи дека негде се пронајдени само клучеви, некаде ни тоа“, додаде Русковска.фото: Архива

Македонија | пред 5 години

Притвор за скопјанец кај кого се пронајдени 97 шишенца метадон и 980 фабрички ампули диазепам

Основното јавно обвинителство Скопје донесе Наредба за спроведување истражна постапка против едно лице за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.Осомничениот, на 25 март, во својот дом на улицата „Ордан Чопела“ во Гази Баба неовластено заради продажба држел 97 шишенца метадон со вкупен волумен од 970 мл, како и 980 фабрички ампули психотропна супстанција – инјекционен раствор на диазепам со вкупен волумен од 1.960 мл.Поради опасност од бегство и можност да го повтори делото, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот 47-годишник.​​фото: Архива

Скопје | пред 5 години