Николовски: Пронајден и запленет путер со поминат рок на употреба

Вицепремиерот за борба против корупција Љупчо Николовски, вечерва информира дека е пронајден и запленет путер со поминат рок на употреба, кој инаку би го довел во опасност здравјето на граѓаните.Акцијата била изведена од Агенцијата за храна и ветеринарство (АХВ) кај операторот Евро Млекара ДООЕЛ Скопје, а производот е повлечен од пазарот.„Заштитата на граѓаните и нивното здравје се на прво место. Повикувам на целосна истрага и одговорност!“, информира Николовски.фото: Архива

Македонија | пред 5 години

Се менува евровизискиот спот - се бришат кадрите со уметничката слика која потсетува на бугарското знаме

Спотот на нашиот евровизиски претставник Васил Гарванлиев за песната „Here I stand“ ќе биде заменет со друг, откако во еден од кадрите се појави уметничко дело кое гледано вертикално наликува на бугарското знаме.Васил Гарванлиев годинешниот евровизискиот претставник  објави дека од евровизискиот спот на песната „Here I stand“ ќе се избришат кадрите со уметничката слика во која поради боите, некои го препознаа бугарското знаме.Според него, измената на евровизискиот спот е за да нема погрешен приказ на уметничкото дело, а ќе следи по многуте негативни коментари кои беа објавени изминативе денови.„Иако со евровизискиот спот имав желба да прикажам ништо друго, освен музика и уметност, навистина ми е жал поради погрешната интерпретација на делото на нашата позната уметница Жанета Вангели. Никој инволвиран во реализација на видео записот ниту пак претставници од наведената институција намерно не интервенирал во уметничката постановка на Националната галерија Даут Пашин Амам, за што и од самата галерија се изјаснија дека делото на ваков начин е изложено повеќе години“, вели Гарванлиев.„За да нема дополнителни негативни импликации и погрешен приказ на ова уметничко дело, одлучив да ги отстраниме кадрите кои се однесуваат на него. Благодарам на огромната поддршка која ми ја упатувате овие денови и верувате во мојата искрена намера. Јас повеќе од 20 години пеам и ја претставувам Македонија и македонското знаме така и ќе остане“, напиша Гарванлиев.Менувањето на евровизискиот спот доаѓа откако јавноста реагираше на кадарот од видеото каде меѓу останатите дела, се гледаше и уметничката слика „Омаж на Андреј Рубљов“ од авторката Жанета Вангели.Таа е поставена во Даут пашиниот амам во Скопје, каде е сниман и дел од спотот. Делото на Вангели е изработено во триптих техника, додека редоследот на боите е бела, црвена и зелена.Во евровизискиот спот се гледа дека е направена промена на редоследот на боите со бела, зелена и црвена боја, што наликуваат на бугарското знаме, поставено во вертикална положба.извор: МАКФАКС

Македонија | пред 5 години

Тело со видливи траги од насилство пронајдено во стан во Скопје

Во стан во Скопје на улица „Ташко Караџа“ пронајдено е починато лице со видливи траги на насилство. Полицијата информира дека се работи на 44-годишно лице од Скопје со иницијали С.А.„На 12.03.2021 во 12,50 часот во СВР Скопје од страна на Итна медицинска помош било пријавено дека имало починато лице без видливи траги на насилство во стан на ул.„Ташко Караџа“. Се работи за С.А.(44) од Скопје“ – стои во информацијата од МВР.Извршен бил увид на местото на настанот од увидна екипа од СВР Скопје, а по наредба на Јавен обвинител телото на починатиот било дадено за обдукција.фото: Архива

Скопје | пред 5 години

Ковачки до Шекеринска: Која е улогата на министерот за одбрана во набавките на кинеските вакцини од ФАНТОМ фирмата во Хонг Конг?

Продолжуваат преписките меѓу министерката за одбрана, Радмила Шекеринска и полковникот и член на ИК на ВМРО-ДПМНЕ, Драган Ковачки. Тој, преку Фејсбук ѝ возвраќа на министерката за тоа дека го нарече плачко и лажго, по неговото негодување дека е казнет со намалување на плата во рок од шест месеци.Ковачки на ФБ напиша:Шекеринска повторно манипулира и објавува детали од интерни армиски постапки за кои цело време предупредувам. Прво, престанете да манипулирате и кажете и’ на јавноста дека Комисија предводена од генерал не најде докази за тоа за што ме обвинувате, а Вашата комисија во која нема ниеден генерал туку има и лица помлади по чин од мене, Ви достави нарачан предлог.Па од авион се гледа Вашиот притисок врз Вашата комисија.Институцијата не Ви е партиска играчка да се пресметувате со мене затоа што не мислам како Вас.Второ, должите да одговорите: Зошто и после година дена се’ уште на вашиот фејсбук профил стои доверлива класифицираната мапа од зона на одговорност на армиска единица?Трето, дефокусирате од вистинските проблеми:- Која е улогата на министерот за одбрана во набавките на кинеските вакцини од ФАНТОМ фирмата во Хонг Конг?- Како може со чиновничка плата да се купи куќа вредна баснословна сума а за багателна цена? Еве ја повикувам јавноста и истражувачките новинари да се заинтересирааат за случајот и да го истражат.Последно, не е учтиво од уста на дама на толку висока политичка и партиска функција да напаѓате на личност со неумесен речник и да ме наречете плачко и лажго. Нема да се симнам на тоа ниво, но во интерес и добробит на општеството, на сите родители би им советувал такви фрази да избегнуваат пред своите деца.фото: ФБ Драган Ковачки

Македонија | пред 5 години

Георгиески за Атина Бојаџи: Бојаџи до денес останува најмладиот првак на Охридскиот пливачки маратон на сите времиња

Најславната охриѓанка маратонка Атина Бојаџи е родена на денешен ден 1944 година. Таа со само 11 години успеала да ги собори сите македонски рекорди во пливање на кратки патеки во слободен стил, делфин стил итн, напиша на својот ФБ профил градоначалникот на Охрид, Константин Георгиески.Градоначалникот во објавата додава:Атина Бојаџи била светски шампион во маратонско пливање на слатки води на Охридскиот маратон одржан во 1962 година. Таа два пати била светски шампион. Првиот пат со само 18 години, но вистински подвиг запишала кога учествувала на сериозно опасниот маратон Саида-Бејрут кога од 23 натпреварувачи на целта успеала да стигне таа и уште еден пливач од Египет. За својата пливачка моќ од претседателот на Либан Бојаџи добила орден за храброст.Бојаџи до денес останува најмладиот првак на Охридскиот пливачки маратон на сите времиња, напиша градоначалникот на ФБ. Фото: ФБ Константин Георгиески

Македонија | пред 5 години

Алијанса и Алтернатива: Се потврди криминалната шема на Министерството за здравство и премиерот Заев

По објавувањето на преписката на Министерството за Здравство со фантомската компанија од Хонг Конг, со цел набавка на кинески вакцини, се потврди криминалната шема на ова министерство и премиерот Заев, беше истакнато на денешната прес конференција од коалицијата Алијанса за албанците и Алтернатива.Од Коалицијата додават:Дури и во ова време на криза каде се заразуваат илјадници граѓани, кога бројот на заразени граѓани се зголемува секој ден, кога за жал се зголемува и бројот на граѓани кои ги губат своите животи, министерот Филипче и премиерот Заев немаат намера да обезбедат вакцини на редовна основа, но наместо тоа, се пазарат и за поволни цени и вложувања надвор од која било човечка норма.Изненадувачки е како премиерот Заев ги користи компаниите споменати во таканаречените „бомби“ од криминалното делување на Груевски, за истата цел, но сега на штета на здравјето на граѓаните.Во оваа ситуација, најлогично би било оставка од министерот Филипче и премиерот Заев, за доброто на граѓаните! фото: Архива

Македонија | пред 5 години

Денеска 1.031 нови случаи на Ковид 19 и 20 починати

Во последните 24 часа се направени 4.373 тестирања, а регистрирани се 1.031 нови случаи на ковид-19 во:Скопје – 492, Прилеп – 64, Кавадарци – 53, Велес – 47, Тетово и Гостивар - по 45, Охрид – 31, Битола – 30, Куманово и Неготино - по 29, Гевгелија – 25, Струмица – 20, Штип – 16, Струга – 13, Берово – 12, Ресен, Радовиш и Крушево - по 9, Кочани – 8, Свети Николе, Пробиштип и Валандово - по 7, Крива Паланка – 6, Демир Хисар – 4, Кратово – 3, Кичево, Богданци и Демир Капија по 2, Дебар, Виница, Македонски Брод, Пехчево и Дојран - по 1.Регистрирани се 241 оздравен пациент од:Скопје – 152, Гевгелија – 20, Велес – 15, Куманово – 14, Гостивар – 13, Битола – 9, Штип – 6, Ресен – 4, Валандово – 3, Струмица – 2, Кичево, Радовиш и Свети Николе - по 1.Пријавени се вкупно 20 починати лица, на возраст од 50 – 93 години и тоа: 9 пациенти од Скопје, 3 лица од Прилеп, Велес и Битола - по 2 починати лица и по едно починато лице од Куманово, Гостивар, Кавадарци и Кочани. Сите пациенти се починати во болнички услови.Направени се 4.373 тестови преку: ИЈЗ-777, ЦЈЗ Скопје-109, Авицена-403, Биотек-364, Жан Митрев (Филип Втори)-193, Систина-337, лабораторија Лаор–437, Судска медицина-46, ЦЈЗ Битола-91, Клиника за инфективни болести и фебрилни состојби-1, Синлаб-158, Ремедика-39, лабораторија болница Козле-13, ЈЗУ и ПЗУ (рапид тест) – вкупно 1.399, УК Пулмологија со алергологија–6, ГОБ 8-ми Септември-0.Досега во земјата се направени вкупно 563.394 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 112.107, бројката на оздравени пациенти е 97.166, на починати е 3.300, а бројот на активни случаи изнесува 11.641.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 49491, активни 5588Прилеп 6059, активни 854Куманово 5975, активни 432Тетово 5768, активни 367Гостивар 4051, активни 283Кавадарци 3829, активни 649Штип 3804, активни 173Велес 3738, активни 324Битола 3694, активни 292Охрид 3554, активни 496Струмица 2905, активни 213Струга 2513, активни 184Кочани 1950, активни 144Кичево 1824, активни 52Неготино 1582, активни 421Гевгелија 1479, активни 307Свети Николе 1143, активни 39Крива Паланка 961, активни 146Ресен 875, активни 81Дебар 804, активни 17Радовиш 779, активни 38Делчево 763, активни 48Берово 705, активни 62Пробиштип 585, активни 42Виница 538, активни 24Валандово 406, активни 36Крушево 372, активни 113Богданци 332, активни 72Демир Хисар 300, активни 42Кратово 300, активни 28Демир Капија 279, активни 48Македонски Брод 260, активни 9Пехчево 194, активни 9Македонска Каменица 194, активни 2Дојран 101, активни 6фото: Архива

Македонија | пред 5 години

Судар помеѓу возило на Брза помош со ковид-пациент и камион на патот Штип-Кочани, тешко повредени две лица

Возач, медицинска сестра и тешко болен пациент од коронавирусот од Кочани се тешко повредени во сообраќајната несреќа што се случи во близина на селото Крупиште. Со тешки скршеници се примени во штипската Клиничка болница, но портпаролот Марина Шуманска вели дека по прегледот и поради сериозноста на повредите веднаш се хоспитализирани на трауматологија во Клиничкиот центар во Скопје, објави mk.tv21.tv.Текстот во целост на: mk.tv21.tv.фото: mk.tv21.tv.

Македонија | пред 5 години

(ВИДЕО) 40 години од формирањето на Специјалната aнтитерористичка eдиница – Тигар

„Денеска Специјалната aнтитерористичка eдиница, позната како „Тигар“, одбележува 40 години од своето постоење.Тоа е сериозна годишнина достојна за прослава со сите највисоки почести бидејќи Специјалната антитерористичка единица денес е синоним за обученост според највисоки стандарди кои ги налага борбата против тероризмот и криминалот. Синоним за професионалност, за максимална храброст и подготвена да се спротивстави на каков и да е предизвик со кој е доведена во прашање безбедноста на земјата и граѓаните“, рече претседателот на Владата Зоран Заев во обраќањето денеска на одбележувањето на 40 години од формирањето на Специјалната антитерористичка единица на МВР.Како членка на НАТО и на глобалната коалиција за борба против тероризмот, Северна Македонија со својот адаптиран воено-безбедносен систем според стандардите на НАТО, свое значајно место има и Специјалната Антитерористичка Единица која е оспособена во борбата со насилниот екстремизам и тероризам да спроведува највисоките борбено-технички вештини.„Борбата против тероризмот, радикализацијата и насилниот екстремизам и заштитата на националната безбедност и безбедноста на сите граѓани на нашата земја се во врвот на приоритетите на Владата на Република Северна Македонија, а оваа единица е еден од гарантите на овој приоритет. Секој припадник на оваа единица е апсолутно свесен какви ознаки носи на својата униформа и дека таа чест и привилегија од секој нејзин припадник бара крајно високи и специфични вештини и етика.Убеден сум дека реорганизираната и модернизирана Специјална антитерористичка единица – Тигар ќе го продолжи трасираниот четириесет годишен пат на високо мотивирана, врвно организирана и подготвена служба, која заедно со сите останати сегменти на нашиот безбедносен систем е гарант за мирот и безбедноста на граѓаните и за заштитата на уставниот поредок на државата“, рече претседателот на Владата Зоран Заев.Министерот за внатрешни работи Оливер Спасовски во обраќањето потенцира дека денешното одбележување на 13 Март има своја исклучителна посебеност од две причини.„Првата е дека денес одбележуваме еден многу значаен јубилеј, а тоа е четири децениско постоење на единицата; и втората, фактот дека како резултат на нашите заеднички реформски напори за сеопфатно техничко, материјално, професионално и организациско унапредување на министерството за внатрешни работи и негово вредносно стандардизирање согласно критериумите на НАТО и ЕУ, ја промовираме единицата во Специјална антитерористичка единица – Тигар, назив што сосема соодветствува со новата структурно-концепциска надградба на оваа полициска организациона единица. Тоа пак, без никаква дилема, може да го оцениме како логичен епилог на еден системски, динамичен, професионален четириесетгодишен раст и развој на единицата, во кој што бројни генерации нејзини припадници, без оглед на турбулентноста на времињата, оставија силен и неизбришлив печат во создавањето на богатото и успешно професионално портфолио исполнето со бројни ангажмани, со самопрегор, со жртви, во името на примарната и основна полициска задача – заштитата и безбедност на сите граѓани, но и на мирот и општествениот поредок на нашата држава.И, секако, тоа е епилог и од нашите заеднички неколкугодишни напори преку конкретни активности и инвестирање во драстично подобрување на материјално-техничките, професионални и организациски капацитети на единицата, да ја сообразиме - како со потребите на министерството, така и кон потребите и предизвиците на новите околности и трендови што влијаат врз егзистирањето и развојот на модерните демократски општества во Европа и во светот“, рече министерот Спасовски.Во тој контекст, истакна министерот Спасовски, успешно беше надминат долгогодишниот акутен проблем на недостиг на соодветна техничко-оперативна опременост на единицата, тргнувајќи од базичните потреби – целосно подобрување на материјално-техничката опременост на секој еден припадник на единицата, а преку комплетна набавка на полициска опрема соодветна на намената и посебните, специјални задачи на единицата, реализирана во 2018 година.„Истовремено, напоредно со тоа елементарно опремување на полициските специјалци, тргнавме во инвестициски процес на квалитативно подигање на техничко-тактичките и оперативни капацитети на единицата при што примарно ни беше реализацијата на таквите активности строго да се одвива врз основа на реалните потреби, вклучително и врз основа на постигнувањето на зацртани европски полициски стандарди. Таквите цели, како што гледаме денес, веќе ги достигнуваме, со право горди на потенцијалите, на постигнатиот професионален статус и перформанси на Специјалната антитерористичка единица – Тигар, која сега буквално по ништо не заостанува од истородните елитни полициски единици во Европа.Низ годините наназад преку секојдневните и пред се -успешни активности единицата достигнуваше и воспоставуваше нови и високи стандарди етаблирајќи се како суштински дел од полицискиот систем на функционирање. Факт што мора да се почитува и да се одржува како таков. Се разбира, големата кредибилност и доверба значат и големи очекувања, но јас немам дилеми Специјалната антитерористичка единица и во иднина ќе биде секогаш на висината на задачите, темелна и ефикасна во заштита на сето она што им е доверено по Устав и закони“, рече министерот Спасовски.Командантот на САЕ Митко Даневски рече дека од формирањето до денес низ редовите на единицата поминале 700 припадници на македонската полиција, а посебно место во историјата на единицата имаат полициските службеници кои ги дадоа своите животи извршувајќи ја својата должност, на првата борбена линија.„Специјалната антитерористичка единица „Тигар“ во изминатите 40 години беше и продолжува да биде чувар на уставниот поредок на државата, во борбата против тероризмот и организираниот криминал, гарантирајќи го мирот, слободата и безбедноста на сите граѓани на нашата земја“, рече Даневски.Видео: Влада

Македонија | пред 5 години

(ВИДЕО) Само Артан Груби не се поклона на пред плочата на загинатите припадници на „Тигар“

Денес се одбележува 40-годишнина од формирањето на единицата „Тигар“. Во касарната Илинден, државниот врв положи свежо цвеќе пред споменикот изграден во чест на загинатите припадници на ЕСЗ Тигар.Само министерот Артан Груби не се поклони пред споменикот.видео: А1ОН

Македонија | пред 5 години

Шекеринска за Ковачки: "Да реагирав на твитер ќе речев "ем лажго - ем плачко"

По најавата на Драган Ковачки од ВМРО-ДПМНЕ дека подготвува тужба против министерката за одбрана, Радмила Шекеринска, таа кажа дека Ковачки веќе извезен период се однесува како партиски војник на работно место и дека ја злоупотребува својата положба."Да реагирав на твитер ќе речев "ем лажго - ем плачко". Тажно е кога еден офицер упатува закани, а особено против началник на Генералштаб. Срамно е и на пониско ниво, а особено кога против еден генерал ќе напишеш 'долга е раката на ВМРО'. Не оди заедно и партиската и воената униформа. Полковникот покажува непознавање на законите. Во многу држави кога еден офицер партиски му се заканува на началник- генерал, тоа поминува со отказ. Можев да го одобрам и тоа и губење на чинот. Тој не доби отказ, јас сметав дека треба да му се даде последна опомена. А сега, кога е казнет од плата, тој плаче. Тоа е несоодветно за еден офицер“, изјави денеска министерката за одбрана Радмила Шекеринска на настанот по повод реновирање на објекти во скопската касарна "Илинден"фото: Архива

Македонија | пред 5 години

Вицепремиерот Никола Димитров позитивен на коронавирус

Вицепремиерот задолжен за европски прашања Никола Димитров е позитивен на коронавирус.Тој информацијата ја објави на неговиот фејсбук профил.– Се подготвував за посета на Луксембург, ама тестот покажа дека јас веќе сум имал опасен „гостин“. Нека продолжи да вирее без да го забележувам многу и побрзо да го снема. Чувајте се луѓе, да сте здрави и живи сите! – напиша вицепремиерот за европски прашања во својата објава.фото: Архива

Македонија | пред 5 години

Одбележани 122 години од дипломирањето на Мустафа Кемал Ататурк

Во НУ Завод и музеј Битола на посебна свеченост се одбележа 122 годишнината од дипломирањето на основоположникот на Република Турција, Мустафа Кемал Ататурк во битолската воена гимназија.Градоначалничката на Општина Битола Наташа Петровска присуствуваше на свеченоста, на која се обрати и амбасадорот на Република Турција во земјава, н.е. Хасан Мехмед Секизќок. На манифестацијата присуствуваа и претседателот на Уставниот суд Сали Мурати, заменик министерот за одбрана Башким Хасани, делегација на Генералштабот на Република Турција и Генералштабот на АРМ, воени аташеа и други гости.Уште еднаш, на оваа свеченост беше потенцирана Битола како град, посебно значаен во развојот на личноста на Мустафа Кемал Ататурк. Битолската воена гимназија каде што се школувал Мустафа Кемал Ататурк е образовна институција во која го започнал процесот на формирањето на својата интелектуална свест под водство на успешните и познати педагози од тоа време.фото: Општина Битола

Македонија | пред 5 години

Нема фотографија

Велковски: ВМРО-ДПМНЕ блокираат важни закони во Собранието, затоа пак ќе бидат казнети од граѓаните

Пратениците од ВМРО-ДПМНЕ продолжуваат со неодговорно, деструктивно дејствување, на штета на граѓаните и на државата.  Свесно и намерно, пратениците на ВМРО-ДПМНЕ со месеци кочат важни законски решенија. Поради нивната деструктивност и неодговорност закочена е постапката за изградба на нов Клинички центар во Скопје, најважен капиталрн проект за македонското здравство, истакна Диме Велковски, пратеник на СДСМ.Велковски додаде:ВМРО-ДПМНЕ го кочи и законот со кој ќе се унапреди енергетската ефикасност, со кој детски градинки, училишта и болници треба да добијат енергетски ефикасни фасади и нови, еколошки системи за греење.Како што претходно беа против зголемување на минималната плата, како што се противеа на раст на пензиите, денес пратениците на ВМРО-ДПМНЕ се против тоа парите да завршуваат кај граѓаните и во македонската економија.Како никаде во светот, опозициската партија се противи на законско решение со кое главниот град добива нов ефикасен и еколошки јавен транспорт.ВМРО-ДПМНЕ е против унапредување на земјоделството и изградба на три големи откупни центри.Овие блокади се доказ за тоа до каде оди деструктивноста на ВМРО-ДПМНЕ и нивните пратеници.Граѓаните, јавност, го гледаат таквиот антинароден и антидржавен однос на опозициската партија и затоа им следи нов изборен пораз веќе на локалните избори.Тоа, очигледно го знаат и во белиот дворец па затоа уште сега бараат алиби.Наместо блокади и деструкции, пратениците на ВМРО-ДПМНЕ имаат шанса да застанат зад граѓаните и нивните интереси.Со или без ВМРО-ДПМНЕ; реформите во интерес на граѓаните и државата, продолжуваат. Како парламентарно мнозинство ќе најдеме начин да се реализираат сите предвидени мерки и политики во интерес на граѓаните.видео: СДСМ

Македонија | пред 5 години

Бочварски- Насев: После 70 години за прв пат градиме канализациона мрежа и пречистителна станица за населени места во Карбинци

Министерството за транспорт и врски инвестира преку 25 милиони денари за изградба на две пречистителни станици и канализациона мрежа во населените места Нов Караорман и Козјак во општина Карбинци. Со овие инвестиции кои за прв пат се реализираат во општината го подигнуваме квалтетот на живеење во овие места и инвестираме во заштита на животната средина, истакна министерот Благој Бочварски при денешната работна посета на општина Карбинци.Министерот Бочварски заедно со градоначаланикот на општина Карбинци, Јордан Насев извршија увид во изградба на пречистителна станица и канализациона мрежа во населеното место Нов Караорман.Со проектот се предвидува изградба на канализациона мрежа од 1600 метри со пречистителна станица, каде отпадните води од насленото место Нов Караорман ќе се собираат и ќе се пречистуваат.“До сега во ова населено место никогаш немало канализационен систем, а овде живееат граѓани но работат и индустриски капацитети. Ова е прашање кое го решивме многу брзо заедно со градоначалникот. До сега околу 80 проценти е реализиран овој проект и многу скоро очекувам да биде завршен.Паралелно со ова, завршуваме со изградбата на канализационен систем исто така од овој тип за населеното место Козјак и верувам дека со овие два проекти значително го подобруваме животот во овие населени места, изјави министерот за транспорт и врски Благој Бочварски.Со поддршката на централната власт преку вакви инвестиции, општина Карбинци целосно го решава прашањето со комуналната мрежа, истакна грдоначалникот на општина Карбинци, Јордан Насев.“Со изградбата на овој канализационен систем се решава проблемот за околу 20 семејства и десетина индустриски капацитети кои речиси 70 години немаат канализациона мрежа од кога населбата е изградена. Со оглед дека пречистените води ќе се испуштат во река Брегалница, со оваа инвестиција влијаеме врз заштита на животната средина. Слични проекти веќе завршивме во неколку други населени места, истакна Јордан Насев градоначалник на општина Карбицни.Министерот Бочварски упати уште еден апел до општините за забрзување на проектите како и комуникацијата со централната власт заради решавање на локалните инфраструктурни прашања со кои се подобруваат условите за живеење на граѓаните.фото:Министерство за транспорт и врски

Македонија | пред 5 години

Лефков:Кина продава по 30 долари вакцина, Заев и Филипче нуделе 60 долари за вакцина, за да има дупла провизија преку фантом фирмата од Хонг Конг

Барајќи го правиот пат, уплатил ли Венко Филипче на сметка на Стабри Интернешенал 12.5 милиони долари на сметка во Дојче банк?!Министерството за здравство на сметка на Стабри Интернешенал, фантом фирма од Хонг Хонг уплатила 12.5 милиони евра за 200.000 вакцини. Документ издаден од Дојче банк на 25 јануари 2021 година, која требала да послужи за склучување на договор со Синофарм за купување на 200.000 вакцини за потребите на Македонија го потврдува тоа, истакна пратеникот Миле Лефков.Лефков додаде:Од каде и на фирма со тројца вработени 12.5 милиони долари и дали овие пари, се парите кои македонската влада на Заев и Филипче ги уплатила како аванс за набавка на вакцини?!Ова е доказ дека Заев и Филипче плаќаат 62.5 долари за една вакцина.Податоците кои ги објавуваат медиумите е дека една вакцина на Синофарм чини најмногу до 32 долари.Дали Заев и Филипче сакале да купат вакцина по цена двојно поголема од таа што ја плаќаат другите држави.Зошто Заев и Филипче сакале да платат дупла цена од најскапата?!Ова е профитерство на сметка на здравјето на граѓаните.Дали разликата од 30 долари требала да заврши на други сметки, односно на сметка на фантомската Стабри Интернешенал, за потоа преку оф шор сметки да бидат испумпани парите и да завршат во џебовите на функционерите од врвот на власта?!Заев и Филипче да кажат каде требало да завршат 6 милиони долари?!ЈО да не молчи и да се прави ненадлежно, туку да го испита случајот, во кој минимум 6 милиони долари ќе завршеле во приватни џебови.Очекуваме институциите да постапат согласно закон, а Филипче да си даде оставка веднаш.видео: ВМРО ДПМНЕ

Македонија | пред 5 години

д-р Стевановиќ: Посебен протокол за пописот за заболените од КОВИД 19 и оние во изолација

Директорката на Инфективната клиника во Скопје, д-р Милена Стевановиќ верува дека ќе се почитува изготвениот здрсвствен проткол за време на спроведувањето на пописот.Таа во интервју за МИА, вели дека протколот е детален и точно опфаќа како ќе се попишуваат граѓаните, и оние во изолација, со цел да не се шири вирусот додека овој процес трае.„Комисијата за заразни болести која навистина е една високо професионален тим на стручњаци со различни специјалности го изготвија протоколот за спроведување на пописот и тоа следејќи ги сите фази на процесот на попишување, од тестирање, преку обучување до спроведувањето на терен, вклучувајќи со посебни дополнителни мерки и за оние, за онаа популација која ќе биде во изолација или ќе биде заболена. Не можам да предвидам колку од луѓето стравуваат или не стравуваат и дали би ги пуштиле попишувачите. Ако граѓаните се плашат толку колку што барем ни се презентира дека се плашат од ковид-инфекцијата немаше да имаме ние толкави бројки на ковид-заразени. Навистина сметам дека нашето однесување мораме да го донесеме до максимум сериозен однос кон ширењето на инфекцијата и ако се придржуваме до се нема да има проблем ниту за попис, ниту за какво било ширење од друг извор, можен извор или ризик на инфекцијата. Повеќе од сигурна сум дека кога би се однесувале соодветно секаде од продавница до попис нема да имаме никаков проблем“, “, вели Стевановиќ за МИА.извор: МИА

Македонија | пред 5 години

Полицискиот час го прекршиле 29 лица, а 544 лица се казнети за неносење маска

Од 22 часот (12.03.2021) до 05 часот (13.03.2021) констатирано е дека 29 лица не ја почитувале забраната за движење. Од нив 18 се на територија на СВР Скопје.Во текот на изминатото деноноќие пак (12/13.03.2021) на територијата на Република Северна Македонија, за мерката за носење лична заштита на лице, регистрирани се 544 прекршоци.Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на Ковид 19.фото: Архива

Македонија | пред 5 години

Нема фотографија

Деспотовски на средби со странски инвеститори - најавени нови инвестиции

Проширување на инвестициите, нови механизми за државна поддршка за зголемување на продуктивноста и повисоки плати за вработените, како и нововедениот систем за Грижа за корисници – таканаречен “Систем на една влезна точка“ беа во фокусот на разговорите на директорот на ТИРЗ, Јован Деспотовски и компании во ТИР зоните во Кичево, Охрид и Струга.Деспотовски пред инвеститорите, Костал, ОДВ Електрик и Џојсон Сејфти Системс го презентираше новиот концепт во работењето и новиот начин на државна поддршка. Со посебни механизми кои ги развива ТИРЗ целта е да се поттикнат инвеститорите што побрзо да ја искористат државната помош и да ги остварат зацртаните таргети, како и да се иницираат дополнителни услови што ќе овозможат реализација на нови развојни проекти. Компаниите изразија задоволство од новите предлози и истовремено најавија конкретни планови за проширување на своите производствени капацитети и повисоки плати.„Тука сме да ги слушнеме проблемите со кои се соочуваат компаниите, но и нивните планови за нови инвестиции. Во изминатите неколку месеци имаме конкретни најави за инвестиции од 80 до 100 милиони евра, како од постоечките така и од нови фирми. Особено е позитивно тоа што компаниите работат успешно и размислуваат да ги прошируваат капацитетите. Тоа ќе значи не само нови работни места, туку квалитетни и добро платени места. Остануваме посветени како преку конкретни мерки кои веќе ги предлагаме да поттикнеме спирала за пораст на платите, рече Деспотовски.Како еден од главните проблеми е посочена продуктивноста во производствениот процес.-Продуктивноста е проблем децении наназад. Со компаниите разговараме како да работиме заеднички да расте продуктивноста – а тоа е еден од начините како да се поттикне раст на платите. Развиваме и посебна програма што предвидува државата преку кофинансирање да ги поддржи компаниите да спроведуваат програми за развој на вештини, што ќе поттикне раст на продуктивноста, а преку тоа и пораст на платите. Растот на платите ќе се случува, веќе се случува, но работиме на тоа да биде поинтензивно, рече Деспотовски.Директорот на ТИРЗ најави дека веќе се имплементира инвестициски циклус од 15 милиони евра во основната инфраструктура во повеќе зони, кој за првпат е изготвен во соработка со корисниците и според нивните потреби и кој ќе резултира во создавање услови за нови инвестиции.Директорот на „Костал Македонија“ Виктор Мизо ги поздрави ваквите средби и активности од страна на ТИРЗ кои позитивно влијаат на имплементација на идните планови и взаемно утврдување на обврските на двете страни и конкретни мерки за надминување на потешкотиите со кои се соочуваат странските фирми што имаат инвестиции во земјата.„За нас е мошне важно да имаме здрава, добра инвестициска клима, можност за развој, задоволување на договорните обврски на државата, и тоа не само преку државна помош,“ рече Мизо.“Костал Македонија“ планира воведување на нови производствени линии и отворање нови работни места.„Планот е наредните неколку години филијалата во Охрид да биде една од двете најважни локации на „Костал“ групацијата во Европа. Тоа е многу позитивно и за државата, доколку се земе предвид додадената вредност на крајните производи на компанијата, со потенцијал за неколку години да се оствари годишен извоз од над 300 милиони евра и вработување на над илјада висококвалификувани вработени, рече Мизо.Покрај Костал и ОДВ Електрик и Џојсон Сејфти, исто така најавуваат конкретни планови за проширување на производствените капацитети, воведување на нови производствени линии на производи со повисок квалитет и повисока додадена вредност како и мерки за поттикнување на засилен раст на плати. Овие три компании за следниот период веќе најавуваат отворање на дополнителни 500 работни места, покрај сегашните 2000.Особено позитивни се оценките за новововедениот систем за грижа на корисници кој од неодамна го имплементира ТИРЗ. Таканаречениот систем на “една влезна точка“, нуди поедноставен пристап до услугите и персонализирана поддршка. За таа цел ТИРЗ направи реорганизација на целиот систем и процедури кој вклучува единствено лице за контакт за секоја компанија како и дигитализација на услугите со цел да се скрати времетраењето на процесот на поднесување и процесирање на барања.фото: ТИРЗ 

Македонија | пред 5 години

160 санкции за сообраќајни прекршоци во Скопје, 21 за брзо возење

Министерството за внатрешни работи во текот на вчерашниот ден продолжи со засилените акциски контроли во областа на сообраќајот.На територијата на град Скопје изречени се вкупно 160 мерки. За непочитување на брзина на движење санционирани се 21 возач, осум санкции за возење без возачка дозвола, три за некористење сигурносен појас, како и четири за прекршоци што ги чинат пешаците.Изречени се четири мерки за користење мобилен телефон, осум санкции за управување под дејство на алкохол, една за минување на затворен сигнал (црвено светло), две за недавање првенство на минување на пешаци, три санкции за непрописно престигнување и обиколување...Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот.фото: Архива

Скопје | пред 5 години

Мицкоски: Ковачки ви ја кажал вистината, долга е раката на ВМРО исто како и вистината!

Лидерот на ВМРО-ДПМНЕ Христијан Мицкоски преку Фејсбук му даде поддршка на полковникот и член на Извршниот одбор на ВМРО-ДПМНЕ Драган Ковачки по најавата за негова дисциплинска. Мицкоски смета дека Ковачки е најдоброто од македонската армија, а Шекеринска најлошото од македонската политика.Неговиот Фејсбук статус го пренесуваме во продолжение:Радмила Шекеринска го казнила полковник Драган Ковачки затоа што напишал “долга е раката на ВМРО”.Кој е Ковачки?-Бранител од 2001 година, дел од специјалната армиска единица “Волци”.-Офицер од првата генерација на македонски офицepи со завpшена Вoeна академија, офицер за специјални операции и за разузнавање во првата мисија под раководство на САД- Слобода за Ирак.-Командант на Првата механизирана пешадиска бригада.-Командир на противтерористички тим во 6. одред и други функции.-Завршил на Кралски колеџ за одбранбени студии во Велика Британија, Командно-штабна академија во Хрватска и Воена Академија во Македонија. Во Велика Британија завршил школа за стратегиско лидерство и контраразузнавање, во САД за стратегиско разузнавање.А која е Радмила Шекеринска?-кадар активен уште од времето на транзициската олигархија од деведесетите години.-учесник во власта уште од времето на ТАТ, транзицијата, криминалната транзиција, вице премиерка во владата на Бучковски, истото и во најкриминалната влада во Европа на Зоран Заев.– позната по “бонбона бизнисите” и матната продажба на ЕСМ,– позната по аферата “кирии”, домаќин на обвинителката Катица Јанева осудена за рекет.Ковачки е дел од најдоброто од македонската армија, Шекеринска е дел од најлошото од македонската политика.Ковачки, главата горе, овој пат одиме до крај. Или тие, или Македонија.П.С. И Ковачки ви ја кажал вистината. Долга е раката на ВМРО исто како и вистината! И овој пат одговорност за криминалците ќе има, нема друга алтернатива.извор: ФБ Христијан Мицкоски

Македонија | пред 5 години

Два земјотреси во Македонија, во рок од 10 минути – еден со јачина од 4,4 степени по рихтер, а вториот од 4.5 степени

Во 22 часот и 17 минути уште еден земјотрес во Македонија со јачина од 4.4 степени според Рихтер.Според податоците на ЕМСЦ, епицентарот е на длабочина од 10 километри во близина на Мавровско езеро.Претходно, телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, Во 20 часот и 40 минути, регистрира земјотрес од епицентралното подрачје Тетово-Гостивар со епицентар на 50km југозападно од Скопје.Десетина минути по овој земјотрес или во 22 часот и 28 минути уште еден земјотрес со јачина од 4.5 степени според Рихтер.

Македонија | пред 5 години

Филипче за набавката на кинеските вакцини: Какви провизии, кога се вратила уплатата, тоа е доказ дека обвинувањата не се точни

Министерот за здравство, Венко Филипче, во вечерашната Топ Тема, ги отфрли обвинувањата на опозицијата за незаконско и сомнително набавување на кинеските вакцини против корона вирусот.“Какви провизии, кога се вратила уплатата, тоа е доказ дека обвинувањата не се точни” – изјави Филипче.За вакцините од „АстраЗенека” министерот вели дека здравствените власти будно ги следат забелешките на другите земји за вакцината.– Внимателно ги следиме забелешките од другите земји. Будно следиме, препораките од самите производители и одлуките во одредени земји. Врз основа на тоа ги градиме нашите препораки, рече Филипче.Меѓу останатите тему министерот беше запрашан и за скандалот со родилката од Дебар  на која и беа извадени три органи. Министерот при тоа не ја негираше можноста за разрешување на директорот на струшката болница, Мухамед Асани.“Оставам само уште малку време, заради тоа што, заради сите други обврски, не направивме детален увид, но следната недела ќе излеземе со став” , изјави Филипче во вечерашната Топ Тема.Извор: Телма 

Македонија | пред 5 години

Ковачки: Ќе ја тужам Шекеринска, ми наместија дисциплинска постапка за која комисијата составена од генерали веќе се произнесе дека нема елементи за казна

Ау каков непрофесионализам. Да дознаам од медиуми дека Шекеринска ме казнила 6 месеци на плата а не сум примил никакво решение, напиша Драган Ковачки од Извршен Комитет на ВМРО-ДПМНЕ.Тој во својата објата вели: Еве ја вистината:Значи, ми наместија дисциплинска постапка за која комисијата составена од генерали веќе се произнесе дека нема елементи за казна (!!!), но Шекеринска дополнително си формира своја комисија во која дури има и лица кои се помали по чин од мене и внимавајте: без НИЕДЕН доказ донела Решение за да ме казни на плата.Чист аматеризам и своеволие.Сега ќе си добиете по една тужба и тоа што сте го објавиле ќе мора да го докажете, ама не пред партиска комисија, туку пред Суд. А ќе ја повикам и јавноста да го следи процесот.Срамота, Шекеринска на што се симнавте.Политички гледано, ова е дискриминирачки и очајнички обид на Шекеринска преку злоупотреба на службената позиција и на целосно незаконски начин да го спречи Уставно загарантираното право за јавно изразување и критика на јавните функционери, вклучително и на нејзините поразителни и популистички политики во одбраната.Во моментов, ова е една од темите што е сосема неважна и служи исклучиво за дефокус од неспособоста и алчноста за пари што косат човечки животи.Јас ова ќе ви го порачам:Вашите казни и закани само ме мотивираат и докажуваат дека сум на прав пат.Не може да ме казните за тоа што сум Ви укажал дека сте прекршиле закони.Можете да казнувате и да се заканувате, но за злоупотреба на службена положба се одговара и кривично.Се гледаме на Суд, одберете си добар тим правници, напиша Ковачки на ФБ.фото: ФБ Драган Ковачки

Македонија | пред 5 години

Груби не се сложува со предлогот пратениците да имаат само македонско државјанство

ВМРО-ДПМНЕ предложи, СДСМ прифати, но за ДУИ и првиот вицепремиер Артан Груби, предлог законот според кој пратеници смеат да имаат само македонско државјанство – е дискриминаторски и би паднал пред Уставен суд, објави 365.com.mk. „Темата на двојно државјанство мислам дека е излишна затоа што тоа веќе го дозволува нашиот закон и не верувам дека може да има дискриминација по било каков основ, за било кој човек во нашата држава, било да е тој министер, пратеник или било кој друг граѓанин“, рече Груби.Текстот во целост на: 365.com.mk. 

Македонија | пред 5 години