Златев за Фрчкоски: Како очекувате да добие безбедносен сертификат за НАТО кога службите во САД слушнале дека тој е организатор на атентатот на...

Како очекувате Фрчкоски да добие безбедносен сертификат за НАТО кога очигледно службите во САД слушнале дека тој е организатор на атентатот на Киро Глигоров? Токму затоа властите сакаа да ја забранат книгата на Стојан Андов (времено ја забранија) во која се објаснуваше токму ова преку цитатите од интервјуто на колегата Љубомир Гајдов во Фокус, напиша на својот Фб профил новинарот Љупчо Златев.фото: PRTSC ФБ Љупчо Златев

Македонија | пред 5 години

ВИДЕО: Бујар за амбасадорското место на Фрчковски

Дали САД не го прифаќаат професорот Љубомир Фрчковски за амбасадор во Вашингтон? На ова прашање, во дебатниот магазин „Click Plus“ на ТВ21 одговори министерот за надворешни работи Бујар Османи.„Во ниту еден момент ние не сме кажале дека е кандидат или е отфрлен или прифатен, затоа што процедурите на кандидатури на амбасадор, односно амбасадори се до потврдување на агреманот се во дискреција и се класифицирани податоци“, вели Османи.извор: „Click Plus“ на ТВ21

Македонија | пред 5 години

Граѓанска иницијатива или подготовка за политичка партија, што се крие зад „Охрид SOS"?

На социјалните мрежи се почести се коментарите дека граѓанска иницијатива „Охрид SOS"  како  да се подготвува за влезе во политика.Граѓанска иницијатива „Охрид SOS" или подготовка за политичка партија, пишуваат граѓаните на социјалните мрежи.Ова посебно се истакнува откако оваа граѓанска иницијатива како да влегува во отворена „војна“ со охридскиот градоначалник Константин Георгиевски.„Охрид SOS" најавија дека ќе покренат тужба против градоначалникот на Охрид доколку тој, односно Општина Охрид не усвои акт за прогласување за „ништовно" одобрението за градба на објект на местото на се уште постоечкиот ресторан „Парк".Граѓаните комементираат дека е подобро доколку се има факти за нешто и доколку си сигурен за потезите кои се превземаат да се излезе со име и презиме, а не да се затскриваш зад некоја иницијатива. До овој момент сеуште никој отворено не застанал да каже дека е дел од „Охрид SOS. Зошто, прашуваат граѓаните на соцојалните мрежи.„Нели добро е да се легитимират затоа што никој не знае кој стои зад оваа организација“, стои во друга објава.Лице кое се претставуваше дека е невладин активисти е дел е Охрид SOS" сега е советник во Град Скопје. Дали ова лице сеуште остана да делува како невладин активист на едно место, а на друго поинаку, прашуваат граѓаните.„Охрид SOS" во јавноста се појави кога со Охрид владееше естаблишмент поставен од ВМРО ДПМНЕ. Тие жестоко се конфронтираа со тогашните власти и отворено работеа со претставниците на тогашната опозиција, пред се со Томислав Тунтев од СДСМ.  Тогаш иако „Охрид SOS" беше правно непостоечка творба во јавноста се појавуваа неколку лица кои се претставуваа како раководство на „Охрид SOS", но по изборите 2017 година овие лица се повлекоа од медиумите.Токму поради ова граѓаните коментираат дека се наметнува прашањето, дали „Охрид SOS навистина работат за интересите на Охрид и охриѓани, или криејќи се зад некоја организација кој ги решава проблемите на Охрид и охриѓани „Охрид SOS" од правно непостоечка и никаде нерегеистрирана творба, можеби се подготвува правно да се канализира и отелотвори во политички субјект кој ќе се појави на избори?Охрид SOS досега преку медиумите во јавноста отвори многу проблеми кои ги тиштат Охриѓани и се во интерес на градот, но колку од нив се решени?Граѓанската иницијатива за заштита на животната средина Охрид SOS на својот Facebook профил неодамна објави снимки на кои се гледа како механизација врши ископ на песок од литоралот на езерото, посочувајќи дека станува збор за механизација на Нефи Усеини, за потребите на неговата нелегално изградена бетонска база. По ова со остра реакција се јавија од компанијата кои тврдеа дека невистинити се информациите објавени од страна на активисти на Охрид SOS, дека нивни багер црпеле песок од езерото што, како што нагласија било утврдено и од страна на полицијата што ги проверувала тврдењата објавени на статусот на Охрид SOS.По најновите случувања и најавата за тужба против градоначалникот на Охрид доколку тој, односно Општина Охрид не усвои акт за прогласување за „ништовно" одобрението за градба на објект на местото на се уште постоечкиот ресторан „Парк", денеска со реакција се огласија и од кабинетот на првиот човек на Охрид. Тие во реакцијата меѓу другото велат:Општина Охрид најостро реагира на вчерашниот напис на социјалните мрежи од страна на таканареченото граѓанско здружение, „Охрид SOS“. Овие дежурни критичари, кои поради нејасни причини досега не се јавно декларирани како личности, на дрзок и недоличен начин, преку навреди и дисквалификации го прозиваат градоначалникот Константин Георгиески дека дава поддршка на урбанистичката мафија и дека има најголема одговорност за најавената градба на хотел, на локацијата кај поранешниот расторан и дикотека „Парк“.Недозволиво е „Охрид SOS“ да се повикува на член од Законот за градење и да тврди дека градоначалникот Георгиески може да сноси кривична одговорност доколку не го поништи правосилното одобрение за градење, бидејќи правна основа за тоа не постои. Основна причина за тоа е фактот што инвеститорот на градбата „Ремис“ ДООЕЛ Охрид согласно одобрението за градење кое му е издадено на 20.04.2018 година и соодветните законски прописи има поднесено известување за започнување на градба на 26.06.2019 година, се вели меѓудригото во реакцијата и додаваат:Граѓаните треба да знаат дека преку изнесување на инсинуации и лажни обвинувања и овој пат „Охрид SOS“ се обиде да ја манипулира јавноста, но цврсто сме уверени дека нивните обиди ќе останат безуспешни.фото: Архива

Македонија | пред 5 години

Левица: Вонредниот инспекциски надзор по наша иницијатива покажа дека на одредени места се меша атмосферска вода со фекална отпадна вода во Охридското Езеро

Ја информираме јавноста дека денес добивме одговор од Инспекторатот за животна средина во врска со претходно поднесената Иницијатива од наша страна за вршење вонреден инспекциски надзор поради загадување и уништување на животната средина, преку испуштање фекалии од колекторскиот систем во Охридското Езеро,  се вели во соопштението од Левица.Во продолжение на истото од партијата додаваат:Во одговорот се констатира дека на одредени места постои загадување на животната средина и Охридското Езеро преку мешање на атмосферска вода со фекална отпадна вода, која се влева директно во водите на езерото, а воедно се посочува и намалена функционалност на колекторскиот систем.Оваа констатирана ситуација во одговорот од Инспекторатот е во спротивност со тврдењата на директорот на Јавното претпријатие, Владимир Алексијоски, поставен од локалната власт на СДСМ, кој тврдеше дека наводно контролата покажала дека нема излевање на фекалии во водите на езерото, ниту дека нема големи отстапувања од функционирањето на колекторскиот систем.Констатираната ситуација ја разобличува и локалната изборната програма на власта, во која пред граѓаните се обврзуваа и ветуваа навремено чистење на каналите, санација и ревитализација на колекторскиот систем стар четири децении, со цел заштита на Охридското езеро кое е пред губење на Унеско-статусот, се вели во соопштението од Левица.фото: Архива

Македонија | пред 5 години

Фотографите и туристичките водичи кај Битиќи, ќе се најде ли решение?

Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, денес, оствари две одделни средби со претставници на Стопанската комора за фотографска и видео дејност на Република Северна Македонија, како и со претставници на Здружението на туристички водичи, со кои разговараше за актуелните случувања во овие дејности.Вицепремиерот Битиќи истакна дека за Владата на Република Северна Македонија важен e секој еден граѓанин, како и дека во овој кризен период Владата направи сериозни напори за зачувување на работните места во сите дејности.На состанокот со претставниците од Стопанската кoмора за фотографска и видео дејност, која е формирана неодамна, се разговараше за тоа како оваа дејност се подигне на едно повисоко ниво од сегашното, преку формализирање на лицата кои работат надвор од легалните системи во оваа дејност, или во сивата економија, истовремено поттикнувајќи ја здравата конкуренција, што ќе резултира со дополнително подигнување на квалитетот на фото и видео продукцијата и пониски цени за крајните потрошувачи. На тој начин во добивка би биле сите, и фото и видео продукциите кои би имале здрава конкуренција со соодветни цени за услугите, државата, но и граѓаните кои би добиле поквалитетни услуги со претходно познати цени.Со туристичките водичи се разговараше за актуелните состојби во туризмот, како и спецификите на оваа дејност која е регулирана според регулативата за туризам, и која треба да се дорегулира во делот на оваа дејност која има низа ограничувања. Станува збор за специфична дејност, која е важна за промоција на културното наследство и богатство на нашата земја и туристичките водичи и придружници треба да бидат препознаени како туристички амбасадори на нашата земја. Важно е да се одржи оваа дејност, која по завршување на корона-кризата, особено од здравствен аспект, би можела да влијае на подобрување на туристичката понуда и севкупните туристички услуги и промоција на Република Северна Македонија.фото: ЗПВРСМ за економски прашања

Македонија | пред 5 години

Кривични пријави против директори и главна медицинска сестра во болницата во Битола

Секторот за внатрешни работи Битола до Основното јавно обвинтелство Битола, поднесе кривични пријави против З.Л.(67) од Битола, поранешен в.д. медицински директор на ЈЗУ Клиничка болница Битола, заради постоење на основи на сомнение дека пријавениот сторил две кривични дела по член 353 од КЗ на РСМ “Злоупотреба на службената положба и овластување“ и против лицето Ј.Ј.(63) од Битола. управител на правно лице од Битола и пторив правно лице од Битола заради постоење на основи на сомнение дека второ и трето пријавените превзеле дејствија опишани кривичното дело “Фалсификување исправа“ по член 378 став 1 и став 4 од КЗ на РСМ.Првопријавениот во својство на службено лице на 15.08.2018 година, потпишал Спогодба за деловна техничка соработка со ФК Пелистер АД Битола за давање на повратни парични средства, без претходна одлука на Управен орган, по што на сметката на ФК Пелистер биле префрлени средства во износ од 600.000 денари, оштетувајќи ја Клиничка болница Битола за наведениот износ.Првопријавениот, исто така на 07.04.2020 година одобрил исплата на парични средства кон правно лице спротивно на договорите за јавни набавки во вкупен износ од 292.816 денари, со што ја надминал вкупната вредност на набавката спротивно на Договорот.Второпријавениот како одговорно лице во правно лице, изготвил лажни фактури, со цел лажно прикажување на состојба дека извршил угостителски услуги,ставил свој потпис и печат од правното лице чиј управител е и покрај фактот што знаел дека угостителските услуги се извршени од неколку други субјекти во Битола.фото: Архива

Македонија | пред 5 години

Нема фотографија

Национален Блок „Не отворам врата“: Секој член на владата да потпише изјава за одговорност доколку било кој биде заразен од попишувачите

Националниот Блок „Не отворам врата“ денес во владата поднесе Изјава за одговорност на Зоран Заев и сите министри со која се обврзуваат под морална, материјална и кривична одговорност дека ангажираните околу 30.000 попишувачи и инструктори нема никого да заразат при нивното влегување во домовите на населението а во спротивно ќе сносат полна одговорност.Претседателот на Единствена Македонија Јанко Бачев како дел од Националниот Блок „Не отворам врата“ истакна:Националниот Блок „Не отворам врата“ денес достави Изјава за одговорност на сите членови на владата доколку спроведе попис во април, со цел, доколку 32.000 теренски попишувачи и инструктори кои ќе вршат попишување во 80 општини во државата групирани во 50 пописни реони заразат било кого, тогаш членовите на владата лично да сносат морална, материјална и кривична одговорност.Ова е текстот на изјават цитирам: „Долупотпишаните членови на Владата, под морална, материјална и кривична одговорност изјавуваме дека 32.000 теренски попишувачи и инструктори кои ќе вршат попишување во 80 општини во државата групирани во 50 пописни реони, за време на пописот нема да заразат никого со коронавирусот при нивното влегување во домовите таму каде што ќе бидат пуштени да влезат и да вршат попишување на населението, становите и домаќинствата -завршен цитат“.Ова е уште чекор во насока власта да се вразуми и да го одложи живото-загрозувачкиот попис во април. Во земјата владее тешка здравствена состојба. Кризата со коронавирусот се шири со нови заболени, но и смртни случаи. Сега е најважно здравјето. Здравјето на народот не трпи политички калкулации. Одложување на пописот е единствен начин да го заштитиме народот.Впрочем, уставна обврска на секој граѓанин е да се грижи за сопственото и здравјето на другите. Во оваа насока, на 11 март 2020 година, Светската здравствена организација прогласи глобална пандемија на болеста КОВИД - 19 предизвикана од новиот коронавирус САРС-КоВ-2, а кое нешто Република Македонија како членка на СЗО е во обврска да го почитува. Во Македонија е прогласена кризна состојба заради заштита на јавното здравје, односно, справување со кризна состојба која претставува ризик по здравјето и животите на луѓето. Оттука, во услови на пандемија, посетата на т.н. попишувачи кои посетуваат бројни домови од својот пописен реон кој опфаќа повеќе општини е директна закана по здравјето земајќи предвид дека општо познато е како се пренесува вирусот.Ние, националните и патриотските сили во државата нема да прифатиме попис со кој се загрозува здравјето на народот, тоа не ви го прифаќа и македонскиот народ. За секој обид за загрозување на здравјето, одговорност мора да има. Потребен е попис со нула ризик за здравјето на народот“- потенцираше Бачев.фото: Архива

Македонија | пред 5 години

Биолошките траги од возилото за пукањето во Ѓорче Петров, не се од притвореното лице, обвинителството побара да биде пуштено

По наредба на јавен обвинител од Основното јавно обвинителство Скопје извршена е анализа на биолошки материјал – ДНК траги кои беа пронајдени во возилото од кое постои сомнение дека биле испукани проектили и од нив повредено лице во населбата Ѓорче Петров.Настанот се случи на 1.3.2021 година, околу 16 часот, на улица „Борис Сарафов“ во Скопје, кога од патничко моторно возило Голф 5 без регистарски таблици беше пукано со огнено оружје кон автомобил Мерцедес со скопски регистарски таблици, управувано од лице од с. Горно Свиларе, при што возачот на Мерцедесот се здоби со прострелна рана во левата натколеница.Денеска во обвинителството пристигна извештајот од извршената анализа на биолошкиот материјал од Институтот за судска медицина, криминалистика и медицинска деонтологија. Согласно доставената анализа, биолошките траги пронајдени во возилото Голф 5 не одговараат на ДНК профилот на лицето спрема кое беше определена мерка краткотраен притвор во траење од 48 часа.Истовремено, обвинителството презеде и процесно дејствие – препознавање, при што оштетениот не го препозна притвореното лице како лице сторител на кривично дело кое испукало проектили кон него.При вака утврдени факти обвинителството утврди дека не постои основано сомнение дека лицето спрема кое беше определена мерка краткотраен притвор е сторител на кривично дело, па од тие причини нема да отвори истражна постапка против него. Воедно надлежниот обвинител го извести Судијата на претходна постапка при надлежниот суд и побара лицето веднаш да биде пуштено од краткотрајниот притвор.За истиот настан, уште едно лице беше лишено од слобода, но тоа лице е пуштено, бидејќи од МВР не беа обезбедени и приложени докази за негова инволвираност.Обвинителството издаде повеќе наредби и насоки на Министерството за внатрешни работи во насока на утврдување на идентитетот на сторителот на конкретното кривично дело. Откако МВР ќе го утврди идентитетот на сторителот и ќе обезбеди докази во поглед на кривичното дело, ќе поднесе кривична пријава по која обвинителството ќе постапува согласно надлежноста.​фото: Архива

Скопје | пред 5 години

Алаѓозовски со претставници на повеќе етнички заедници: Пописот помага во креирањето на подобри политики за подинамичен економски развој и подобар живот во земјата

Националниот координатор за интеркултурализам, едно општество, развој на културата и меѓуресорска соработка, Роберт Алаѓозовски, заедно со Јасмина Ѓоргиева, координаторката на Секторот за дисеминација и односи со јавноста во Државниот завод за статистика (ДЗС) денеска остварија средба со претставници на повеќе етнички заедници во Северна Македонија на која разговараа и се информираа за претстојниот Попис како најобемна статистичка операција, чии податоци ќе помогнат за креирање на политики важни на национално и глобално ниво.На средбата, на која присуствуваа претставници на заедницата на Египќаните, Црногорците, Ерменците, Русите, Унгарците и Словенците во нашата земја, се отворија повеќе прашања во врска со процесот на попишувањето, кој во прва фаза веќе започна за дипломатите и нивните семејства во конзуларните претставништва, за граѓаните од дијаспората и лицата коишто се во служба на Армијата на РСМ во државата или странство, лицата што се наоѓаат во притвор или на издржување казна затвор во затворите, казнено-поправните установи и воспитно-поправните домови, како и бездомните лица.Присутните учесници на денешната средба се согласија дека е од исклучителна важност статистичката операцијата Попис на населението, домаќинствата и становите да биде успешно спроведена, притоа информирајќи се за одделни прашања поврзани конкретно со процедурата на попишувањето, за прашањата кои ќе бидат опфатени со Пописот.Притоа, од страна на координаторот Алаѓозовски беше посочено дека спроведувањето на успешен попис е во насока на создавање на конкретни политики за успешно остварување на заложбите на Владата интегрирани во Националната стратегија за развој на концептот за едно општество и интеркултурализмот 2020-2022 година. Заедно со координаторката Ѓоргиева информираа дека се преземени мерки за успешно спроведување на статистичката операција на попишување податоци и дека се преземаат повеќе активности за исклучување на неправилности при попишувањето.На средбата беше заклучено дека за успешноста на Пописот неопходно е учество на сите граѓани, кои согласно своето лично убедување и надлежност ќе помогнат и ќе учествуваат при градењето на општество кое почива врз принципите на меѓусебно почитување и толеранција, внатрешна кохезија, како и создавање политики за подинамичен економски раст и подобар живот за сите граѓани без исклучок.фото: Архива

Македонија | пред 5 години

Бонева: Вештакот призна дека погрешно утврдил помал број на поминати километри со моето возило

Поранешната пратеничка на ВМРО-ДПМНЕ Силвана Бонева, против која беше поднесен обвинителен акт во врска со фискалните сметки кои ги приложувала за надомест на патни трошоци и се товари за незаконита исплата на средства за патни трошоци во значителен вкупен износ од 6 458 551 денари, вели дека сепак, вештакот на СЈО направил грешка. Таа во објава на својот ФБ профил напиша:ВЕШТАКОТ НА СЈО ПРИЗНА ДЕКА ПОГРЕШНО УТВРДИЛ ПОМАЛ БРОЈ НА ПОМИНАТИ КИЛОМЕТРИ СО МОЕТО ВОЗИЛО, ШТО Е ИДЕНТИЧЕН СО ПОГРЕШНО УТВРДЕНИТЕ КИЛОМЕТРИ НА СЈО, ОБЈАВЕНИ ОД ОБВИНИТЕЛКАТА ФАТИМЕ ФЕТАИ 7 МЕСЕЦИ ПРЕД ТОЈ ДА БИДЕ АНГАЖИРАН КАКО ВЕШТАК!На денешното рочиште што туку што заврши, се потврди дека вештакот на обвинителството изготвил еднострано вештачење, анализирајќи ги само податоците што му ги дале од СЈО, а воопшто не земајќи ги во вид моите докази, како што се доказите за извор на средства за исплата на станот, доказите за живеење во Струмица, доказите за моето континуирано патување на релација Струмица - Скопје - Струмица, како и доказите за потребата од користење на други две возила кога моето беше на поправка по 9те сообраќајќи или кога не можев да возам заради здравствени причини.Исто така, се утврди дека вештакот на СЈО ем погрешно утврдил помал број на поминати километри со моето возило, ем идентично го препишал во вештачењето баш истиот тој број на погрешно утврдени километри од СЈО што беше објавен од обвинителката Фатиме Фетаи 7 месеци пред да биде ангажиран како вештак. По мое реагирање, судијата даде пауза за вештакот на СЈО да го пресмета уште еднаш точниот број на поминати километри, по што истиот призна дека направил грешка и погрешно утврдил помал број на поминати километри со моето возило!Покрај сето тоа, вештакот на СЈО потврди дека од страна на службите на Собранието биле направени технички грешки при пишувањето и прикачувањето на фискалните сметки на патните налози и дека неколкуте фискални сметки што не се совпаѓаат со времето на моето гласање во Собранието, се резултат на нивна ненамерна грешка. Се потврди и дека патните налози не сум ги пишувала ниту средувала јас, туку собраниските служби, а собраниското книговодство било должно да ги проверува патните налози и да не дозволи исплата на погрешно прикачени фискални сметки.Оттука произлегува дека обвинението на СЈО дека сум ги измамила собраниските служби во врска со исплаќање на патните налози не е основано.Исто така, вештакот на СЈО потврди дека нема ништо спорно или незаконски во парите што ги има исплатено Собранието за патарини и не може да се сметат како противправна имотна корист, како што обвинува СЈО, напиша Бонева на ФБ.фото: PRTSC ФБ Силвана Бонева 

Македонија | пред 5 години

И вториот битолчанец вратен од Занзибар заболен од британски сој на ковид-19

Министерството за здравство ја информира јавноста дека според анализите што денеска ги направи МАНУ на брисот од другиот пациент кој пред неколку дена се врати од Занзибар, детектирано е присуство на британскиот сој на вирусот СарсКов2.фото: Архива

Македонија | пред 5 години

Кривична пријава за фрлање градежен шут во Охридското Езеро во „Далјан“

Државниот инспекторат за животна средина (ДИЖС) во рамките на инспекциска постапка утврдил дека на потегот меѓу хотелот „Далјан“ и домот за стари лица во изградба, на површина од 964 квадратни метри, на брегот на Охридското Езеро и во самото езеро, фрлен е градежен шут и насипана е земја од ископ на темели од непозната локација.Во координација со Министерството за внатрешни работи пронајден е сопственикот на земјиштето и против него е покрената кривична пријава.Со цел санирање на крајбрежјето, Инспекторатот поднел и информација за влијанието на нелегалното насипување земја и шут на брегот на езерото во населбата Далјан и за итно враќање на крајбрежјето во првобитната состојба.„Имајќи го предвид мислењето на Хидробиолошкиoт завод од Охрид дека нелегалното насипување земја и шут на брегот од езеротo во населбата Далјан има негативно влијание врз Охридското Езеро, особено врз квалитетот на водата и седиментот, врз живиот свет во езерото, неговиот биодиверзитет, оплитувањето и други негативни последици на овој значаен акватичен екосистем, очекуваме Владата да ги задолжи Министерството за транспорт и врски и Општина Охрид да го отстранат насипот и да го санираат крајбрежјето“, соопшти ДИЖС.До надлежното Јавно обвинителство Охрид, како што посочија, е доставена кривичната пријава за понатамошно постапување по случајот.фото: Архива

Македонија | пред 5 години

Заев: Да ги изгласаме клучните Закони во Собранието

Претседателот на Владата на Република Северна Македонија, Зоран Заев на денешниот официјален почеток на изградба на далекуводот Овче Поле-Штип одговарајќи на новинарско прашање рече дека вчерашната потврда за довербата во Владата, носи и одговорност да се одблокира работата на Собранието каде што се закочени клучни Закони кои се во функција на развој на државата.„Најважни се Законот за енергетска ефикасност, енергетската ефикасност и заштедата е важна исто колку и инвестициите. Имаме 25 милиони евра за државните институции и 10 милиони евра за општинските институции, тоа значи обновување на детски градинки, со нови фасади, прозорци, системи за греење, обновување на школи, болници, спортски сали и слично. Вториот е 50 милиони евра од Светска банка за земјоделството, за откупни пунктови Струмица, Скопје и Ресен, ама најголемата суштина и придобивка на проектот е зголемување на продуктивноста во земјоделието, како од еден хектар со помалку трошоци да имаме поголемо производство, како да го осовремениме нашето земјоделство. Понатаму третиот проект трамвајот на тркала за Скопје, што чини 70 милиони евра и нема тука потреба од натегање меѓу опозиција и власт. Сите да застанеме, брзо да го реализираме тоа. Да не зборувам за законите од областа на културата, на здравството, од петтиот пакет мерки за помош директно кај граѓаните. Тоа е недозволиво. Нема да дозволам како претседател на Влада блокада во Собранието“, порача Заев.Премиерот најави дека во наредните денови следат и нови политики, со цел конечна цел, како што рече, поголем напредок, зголемена ефикасност во државата, соработки, инклузија, кооперативнот на ниво на консензус.Собранието вчера попладне и изгласа доверба на Владата, откако претходно тоа од пратениците усно го побара премиерот Зоран Заев.фото: Влада

Македонија | пред 5 години

Заев и Бочварски на изградбата на далекуводот Штип-Овче Поле

„Изградбата на далекуводот Штип - Овче Поле, е само дел од инвестицискиот циклус за ревитализација на електро-преносната мрежа на Република Северна Македонија. Истиот опфаќа реконструкција и изградба на шест 110 киловолтни далекуводи. Со овој инвестициски циклус се заменуваат сите армирано бетонски столбови стари и до 66 години. Се вложува со над 15 милиони евра за изградба на над 130 километри нови далекуводи“, истакна премиерот Зоран Заев кој заедно со министерот за транспорт и врски Благој Бочварски, генералниот директор на МЕПСО Куштрим Рамадани и претставникот на Европската банка за обнова и развој за Северна Македонија Анди Аранитаси, го означија почетокот на нова значајна инвестиција на МЕПСО и уште позначајна инвестиција за регионот.Премиерот Заев рече дека ова е уште една потврда за посветеноста во реализација на ветените развојни проекти и заложбите за инвестиции во енергетската инфраструктура кои на долг рок значат подобрување на животниот стандард.„Со реализација на предвиденото, ја јакнеме преносната мрежа и создаваме погоден инфраструктурен амбиент за сите потенцијални инвеститори кои можат и знаат како да ги искористат економските потенцијали во нашата земја. Оваа инвестиција, ќе донесе бројни придобивки како за населението, така и за реалниот сектор. Новата и модернизирана преносна мрежа значи инвестиција во подобро утре и олеснување на животот и работата на населението. Дополнително, во целата наша земја се одвиваат активности за реализација на големи капитални проекти. Во тек е проектот за реконструкција на трансформаторската станица Битола 2 која е дел од најважниот енергетски прстен во земјава. Оваа трансформаторска станица е почетната точка и на интерконективниот далекувод Битола - Елбасан преку кој Северна Македонија енергетски се поврзува со соседна Албанија на 400 киловолтно напонско ниво. Воедно, со изградбата на новата 400 киловолтна трансформаторска станица кај Охрид ќе се обезбеди сигурно снабдување со електрична енергија на Охридскиот регион. Реализацијата на проектот е од огромно значење за нашата земја, бидејќи со него ќе се стави во функција коридорот за пренос на струја од Бугарија, преку Северна Македонија и Албанија, до Италија. Регионалното поврзување на електро-преносните системи е долгорочен стратешки интерес за секоја држава. Врските со соседите значат електроенергетска стабилност што е основа за секоја просперитетна економија“, изјави Заев и упати честитки за посветената работата на градежниците, на компаниите изведувачи, надзорниот орган како и на континуираната поддршка на Европската Банка за Обнова и Развој за реализација на овие проекти.Министерот Бочварски нагласи дека во услови кога со децении ништо не е инвестирано во преносната мрежа, оваа Влада, заедно со стручниот тим на МЕПСО инвестира во реконструкција и модернизација на шест далекуводи од преку 130 километри.„Изминатата година целосно се завршени обемните реконструкции на трафостаниците Валандово, Осломеј, Дуброво и Прилеп, а во тек е реконструкција на транфостаниците во Битола, Струмица, Вруток и Скопје 4. Ова е доказ дека остануваме целосно посветени на изградба на стабилен електропреносен систем во државата. Инвестициите во електро преносниот систем се од клучно значење за севкупниот економски развој на државата. За да го стимулираме економскиот раст и да одржиме стабилност во енергетскиот сектор, овие инвестиции ни се неопходни заради модернизација на електро енергетските постројки“, изјави Бочварски.Генералниот директор на МЕПСО Куштрим Рамадани истакна дека со оваа инвестиција ја спроведуваме стратешката цел на Владата, а тоа е транзиција на производството на електрична енергија од јаглен кон обновливи извори на енергија. Дополнително додаде тој, на овој далекувод, во иднина ќе биде приклучена ветерната централа „Богословец” со инсталирана моќност од 36 МW.Претставникот на Европската банка за обнова и развој за Северна Македонија Анди Аранитас ја поздрави посветеноста на Владата за имплементација на Зелената агенда во Стратегијата за енергетика со фазно деактивирање на термоцентралите, Осломеј и во Битола, како и целокупната декарбонизација на земјата, во согласност со барањата на Европската Зелена агенда и Парискиот договор.Фото: Влада

Македонија | пред 5 години

Продолжен притворот за гостиварецот кој при семејно насилство ја уби својата сопруга

По спроведена истражна постапка, Основното јавно обвинителство Гостивар поднесе Обвинителен акт против едно лице за кривично дело – Убиство според член 123 став 2 точки 1 и 2 од Кривичниот законик.На 09.09.2020 година, обвинетиот 67-годишник, при вршење семејно насилство во својот дом во Гостивар, на свиреп начин со умисла ја лишил од живот својата сопруга.Двајцата сопружници подолг период имале меѓусебни расправии, а на критичниот ден тој со секира во рацете влегол во дневната соба каде седела сопругата и ѝ задал неколку удари со сечилото во пределот на главата. Потоа го зел ножот од кујната, па се вратил и ѝ задал неколку убоди во стомакот. Веднаш потоа обвинетиот излегол од куќата и со велосипед го напуштил местото.Јавниот обвинител до Основниот суд Гостивар достави и предлог за продолжување на претходно определената мерка притвор за обвинетото лице, имајќи ги предвид околностите кои упатуваат на опасност од бегство и можност тој да ја попречува кривичната постапка со влијание врз сведоците и вештаците.​​фото: Архива

Македонија | пред 5 години

Денеска нови 721 случаи со Ковид 19 и починати 9 лицa

Во последните 24 часа се направени 3.323 тестирања, а регистрирани се 721 нови случаи на ковид-19 во:Скопје – 357, Прилеп – 72, Кавадарци и Гевгелија – по 42, Неготино – 30, Охрид – 26, Велес – 20, Гостивар – 18, Куманово – 17, Битола – 16, Кочани – 12, Крушево – 10, Струга – 8, Штип и Богданци – по 7, Крива Паланка – 5, Кичево, Ресен и Валандово – по 4, Тетово и Виница – по 3, Струмица, Делчево, Демир Капија и Пехчево – по 2, Свети Николе, Радовиш, Пробиштип, Кратово, Македонска Каменица и Дојран – по 1.Регистрирани се 1.753 оздравени пациенти од:Скопје – 750, Делчево – 120, Охрид – 97, Кавадарци – 85, Тетово – 80, Велес – 74, Струмица – 64, Гостивар – 57, Прилеп – 51, Битола – 42, Куманово и Кичево – по 38, Струга – 35, Штип - 25, Гевгелија, Ресен и Дебар – по 22, Крушево – 19, Неготино, Кочани и Демир Капија – по 15, Радовиш – 14, Крива Паланка – 12, Виница и Свети Николе – по 8, Богданци - 6, Македонски Брод – 4, Кратово – 3, Валандово, Пехчево, Пробиштип, Македонска Каменица и Берово – по 2, Дојран и Демир Хисар – по 1.Пријавени се вкупно 9 починати лица. Починати се по 3 пациенти од Скопје (85г,80г,69г,), 2 пациенти од Куманово (81г,74г) и по 1 пациент од Прилеп (75г), Велес (73г), Крива Паланка (73г) и Валандово (71г). Осум пациенти се починати во болнички услови, додека еден пациент е починат во домашни услови.Направени се 3.323 тестови преку: ИЈЗ-679, ЦЈЗ Скопје-131, Авицена-305, Биотек-317, Жан Митрев (Филип Втори)-180, Систина-272, лабораторија Лаор–176, МАНУ-0, Судска медицина-14, ЦЈЗ Битола-78, Клиника за инфективни болести и фебрилни состојби-3, ГАК-0, Синлаб-113, Ремедика-22, лабораторија болница Козле-0, ЈЗУ и ПЗУ (рапид тест) – вкупно 1029, УК Пулмологија со алергологија–4, ГОБ 8-ми Септември-0, лаборатории од странство-0.Досега во земјата се направени вкупно 533.505 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 105.269, бројката на оздравени пациенти е 93.942, на починати е 3.165, а бројот на активни случаи изнесува 8.162.Според досега завршените епидемиолошки анализи во моментов дистрибуцијата по градови е следна:Дистрибуција по градови Заболени (нови) Активни случаи (вкупно)Скопје 357, активни 3750Куманово 17, активни 314Прилеп 72, активни 663Тетово 3, активни 246Гостивар 18, активни 145Штип 7, активни 102Велес 20, активни 223Кавадарци 42, активни 561Битола 16, активни 183Охрид 26, активни 404Струмица 2, активни 158Струга 8, активни 163Кочани 12, активни 88Кичево 4, активни 40Неготино 30, активни 279Гевгелија 42, активни 243Свети Николе 1, активни 19Крива Паланка 5, активни 106Ресен 4, активни 47Дебар, активни 21Делчево 2, активни 66Радовиш 1, активни 10Берово, активни 30Пробиштип 1, активни 31Виница 3, активни 23Валандово 4, активни 33Крушево 10, активни 76Богданци 7, активни 52Кратово 1, активни 26Демир Хисар, активни 22Македонски Брод, активни 4Демир Капија 2, активни 27Македонска Каменица 1, активни 2Пехчево 2, активни 4Дојран 1, активни 1 Фото: Архива

Македонија | пред 5 години

Општина Охрид: „Охрид SOS“. со лажни обвинувања и овој пат се обиде да ја манипулира јавноста, уверени сме дека нивните обиди ќе останат безуспешни

Општина Охрид најостро реагира на вчерашниот напис на социјалните мрежи од страна на таканареченото граѓанско здружение, „Охрид SOS“. Овие дежурни критичари, кои поради нејасни причини досега не се јавно декларирани како личности, на дрзок и недоличен начин, преку навреди и дисквалификации го прозиваат градоначалникот Константин Георгиески дека дава поддршка на урбанистичката мафија и дека има најголема одговорност за најавената градба на хотел, на локацијата кај поранешниот расторан и дикотека „Парк“.Во интерес на транспарентноста на постапката и со цел јавноста да биде навремено и точно информирана во врска со ова прашање и да се избегнат манипулациите со информациите кои беа тековно објавувани, градоначалникот одржа наменска прес конференција на која беа изнесени сите детали во врска со овој предмет и без исклучок беше одговорено на сите поставени новинарски прашања, се вели во реакцијата од Општина Охрид.Во продолжение на истата од Општина Охрид додаваат:Недозволиво е „Охрид SOS“ да се повикува на член од Законот за градење и да тврди дека градоначалникот Георгиески може да сноси кривична одговорност доколку не го поништи правосилното одобрение за градење, бидејќи правна основа за тоа не постои. Основна причина за тоа е фактот што инвеститорот на градбата „Ремис“ ДООЕЛ Охрид согласно одобрението за градење кое му е издадено на 20.04.2018 година и соодветните законски прописи има поднесено известување за започнување на градба на 26.06.2019 година.Иако градоначалникот навремено ги соопшти сите детали за овој предмет, би сакале уште еднаш да ја информираме јавноста дека Локалната урбанистичко планска документација за овој предмет е усвоена на седница на Советот на Општина Охрид со Одлука бр.07-2830/27 од 11.11.2009 година. Согласно урбанистичката документација, правосилното одобрение за градење и одобрениот основен проект бр.20-623 од 06.07.2018 година, на предметната локација ќе се гради објект со намена Б3-големи угостителски единици-ресторан/хотел во висина П+3+Пк(Н=13,50м). Со урбанистичката планска документација е предвидена градежна парцела со површина од 9748 м2 и објект со површина во основа со 4525м2 или со процент на изграденост од 40%. Оддалеченоста на површината, согласно одобрената урбанистичко планска планска документација изнесува 50 метри од Охридското Езеро.Во постапката за издавање на Одобрението за градење запазена е постојаната законска регулатива за изградба на објект со ваква намена. Има решение за одобрување на елаборат за заштита на животната средина издадено од Министерство за животна средина и просторно планирање од 23.04.2010 и Водостопанска согласност исто така издадена од Министерство за животна средина и просторно планирање од 28.10.2016 година.Изнесените факти покажуваат дека Општина Охрид и градоначалникот Константин Георгиески транспарентно ги водат сите урбанистички постапки и продолжуваат во континуитет да бидат посветени на исполнување на одредбите од Планот за управување со светското природно и културно наследство на Охридскиот регион.Граѓаните треба да знаат дека преку изнесување на инсинуации и лОпштина Охрид најостро реагира на вчерашниот напис на социјалните мрежи од страна на таканареченото граѓанско здружение, „Охрид SOS“. Овие дежурни критичари, кои поради нејасни причини досега не се јавно декларирани како личности, на дрзок и недоличен начин, преку навреди и дисквалификации го прозиваат градоначалникот Константин Георгиески дека дава поддршка на урбанистичката мафија и дека има најголема одговорност за најавената градба на хотел, на локацијата кај поранешниот расторан и дикотека „Парк“.Во интерес на транспарентноста на постапката и со цел јавноста да биде навремено и точно информирана во врска со ова прашање и да се избегнат манипулациите со информациите кои беа тековно објавувани, градоначалникот одржа наменска прес конференција на која беа изнесени сите детали во врска со овој предмет и без исклучок беше одговорено на сите поставени новинарски прашања, се вели во реакцијата од Општина Охрид.Во продолжение на истата од Општина Охрид додаваат:Недозволиво е „Охрид SOS“ да се повикува на член од Законот за градење и да тврди дека градоначалникот Георгиески може да сноси кривична одговорност доколку не го поништи правосилното одобрение за градење, бидејќи правна основа за тоа не постои. Основна причина за тоа е фактот што инвеститорот на градбата „Ремис“ ДООЕЛ Охрид согласно одобрението за градење кое му е издадено на 20.04.2018 година и соодветните законски прописи има поднесено известување за започнување на градба на 26.06.2019 година.Иако градоначалникот навремено ги соопшти сите детали за овој предмет, би сакале уште еднаш да ја информираме јавноста дека Локалната урбанистичко планска документација за овој предмет е усвоена на седница на Советот на Општина Охрид со Одлука бр.07-2830/27 од 11.11.2009 година. Согласно урбанистичката документација, правосилното одобрение за градење и одобрениот основен проект бр.20-623 од 06.07.2018 година, на предметната локација ќе се гради објект со намена Б3-големи угостителски единици-ресторан/хотел во висина П+3+Пк(Н=13,50м). Со урбанистичката планска документација е предвидена градежна парцела со површина од 9748 м2 и објект со површина во основа со 4525м2 или со процент на изграденост од 40%. Оддалеченоста на површината, согласно одобрената урбанистичко планска планска документација изнесува 50 метри од Охридското Езеро.Во постапката за издавање на Одобрението за градење запазена е постојаната законска регулатива за изградба на објект со ваква намена. Има решение за одобрување на елаборат за заштита на животната средина издадено од Министерство за животна средина и просторно планирање од 23.04.2010 и Водостопанска согласност исто така издадена од Министерство за животна средина и просторно планирање од 28.10.2016 година.Изнесените факти покажуваат дека Општина Охрид и градоначалникот Константин Георгиески транспарентно ги водат сите урбанистички постапки и продолжуваат во континуитет да бидат посветени на исполнување на одредбите од Планот за управување со светското природно и културно наследство на Охридскиот регион.Граѓаните треба да знаат дека преку изнесување на инсинуации и лажни обвинувања и овој пат „Охрид SOS“ се обиде да ја манипулира јавноста, но цврсто сме уверени дека нивните обиди ќе останат безуспешни, се вели во реакцијата од Одделение за односи со јавност во Општина Охрид.фото: Архива 

Македонија | пред 5 години

Ременски: Социјалдемократи ми праќаа покани да ставам "лајк" на ФБ страницата на "јавната личност Сашо Мијалков“, на погрешна адреса дечки праќате

Социјалдемократи ми праќаа покани и потсетувања да ставам "лајк" на ФБ страницата на "јавната личност Сашо Мијалков", па ми праќаа колумни од Никола Тодоров "реформаторот", па сега ми праќаат сликички со написи од слични "реформатори" ... Не бре дечки, на погрешна адреса ги праќате "воспевите за подвизите" на тие против кои до вчера се боревме, напиша на својот ФБ профил Фросина Ремески.Таа во објавата додава:Не знам за вас, но јас се борев и уште се борам против истите тие паразити - конкретно и со факти, со име и презиме, јавно и транспарентно, не со пароли.Се' ќе беше во ред ако со истата храброст истите вие ставевте "лајк" на објавите за нивниот криминал за кој некој велат дека, "летала глава".Некако од заборав "ви летнал паметот" - ги измешавте лончињата и приоритетите ...Од култура нема да ве наредам со име и презиме, за да го покажам вашиот придонес во борбата и за партијата.Но, има време ќе ви текне, напиша Ременски на ФБ.

Македонија | пред 5 години

И Русковска потврди дека излажа

По два дена молк, обвинителката Вилма Русковска и сама призна дека за можното бегство на Сашо Мијалков му кажала и на министерот за правда, Бојан Маричиќ. Тоа се случило еден ден пред да побара од МВР да ги провери индициите за можното бегство на Мијалков и два дена пред да биде побаран притворот за Мијалков од Кривичниот суд. Признавањето доаѓа откако Русковска претходно негираше дека известила друг член на Владата освен министерот Оливер Спасовски за сознанијата поврзани со намерите на Мијалков, објави А1ОН.Од Обвинителството за гонење на организиран криминал чија шефица е Вилма Русковска не одговараат зошто таа претходно негираше дека ја споделила информацијата со друг министер. Нема одговор ниту зошто обвинителката веднаш не стапила во комуникација со Спасовски или Кривичниот суд за да побара мерки за обезбедување присуство на Мијалков, туку дури по еден ден го извести МВР, а по два, Кривичниот суд. На Мијалков му се изгуби трагата во неделата кога Обвинителството побара, a судот одобри притвор.Текстот во целост на:  А1ОН.

Македонија | пред 5 години

(ВИДЕО) Нова опрема за полициските службеници од Одделението за претходница и сообраќајно ескортно обезбедување

Денеска во Министерството за внатрешни работи, министерот Оливер Спасовски заедно со раководството на МВР, а во насока на континуирано подобрување на материјално-техничките услови и стандарди на работата на полицијата за потребите на Одделението за претходница и сообраќајно ескортно обезбедување при Одделот за заштита на определени личности и објекти, по дванаесет години им предаде на користење нова мотоциклистичка опрема, а за прв пат добиваат два вида на опрема зимска и летна – триесет комплети, наменета за полициските службеници во оваа организациска единица на министерството.Станува збор за опрема (чизми, заштитни чевли, кациги, виндјакни, подјакни, пантолони, појаси, ракавици, рефлектирачки елеци, маици) чија што вкупна вредност изнесува 3.988.230 денари , односно по 132.931 денари за еден комплет.Практично со ваквиот континуитет и динамика во опремувањето на полицијата во изминативе четири години, Министерството за внатрешни работи од сопствени средства, од буџетот наменет за потребите на министерството, не само што го обновивме сето она што деценија и повеќе беше запоставено и недостасуваше за нормално работење на полицијата, туку уште повеќе – дел по дел, плански, генерално се подобри нивото и стандардите на материјално-техничката и инфраструктурна опременост на министерството во многу сегменти од неговото работење.Видео: МВР

Македонија | пред 5 години

Нова најава од Заев: До крајот на март ќе ги добиеме тие 21 000 дози вакцини од Фајзер

Премиерот Зоран Заев денеска повторно кажа дека верува дека денови се во прашање кога ќе стигнат вакцини во земјава.„До крајот на март ќе ги добиеме тие 21 000 дози од ’Фајзер‘. Веќе во вториот квартал од годината имаме поголеми количини. Не се работи за несериозност затоа што целиот свет и целиот наш народ знае дека единствена причина е недостатокот на производство за кои било количини што ќе се набават. Имаме направено повеќе од тоа што е доволно, имајќи предвид дека ќе треба еден милион народ отприлика да се вакцинира за да се постигне имунизацијата, за која би било потребно да има 2 милиони вакцини. Ако ги броите 800 000 од ’Фајзер‘, 833 000 од Ковакс механизмот, 400 000 – двапати по 200 000 од Кина, 200 000 имаме нарачано од Русија, имаме дополнително од ЕУ согласно грантот од 70 милиони евра, донациите кои ги најавија соседите, стигнуваме до 2,5 милиони. Сме направиле исчекор повеќе за да ги фатиме сите механизми и алатки, да направиме договори, преддоговори, некаде дури и анекси да платиме, сѐ со конечна цел да преземе сè што е неопходно“, истакна Заев.фото: Архива

Македонија | пред 5 години

Костадинов: Парламентарното мнозинство е стабилно, нов дебакл на Мицкоски

Пред целата јавност, овде во законодавниот дом, во храмот на демократијата се распадна една голема, долго повторувана лага на ВМРО-ДПМНЕ предводена од губитникот Христијан Мицкоски.  Ја расчистивме маглата, се потврди реалноста, победи вистината. Владејачкото мнозинство е стабилно и со тенденција да се зголемува во наредниот период. Северна Македонија има стабилна власт и разнишана опозиција, истакна Костадин Костадинов, портпарол и пратеник на СДСМ.Костадинов на денешната прес конференција додаде:Ете толку беа лагите на ВМРО-ДПМНЕ и губитникот Мицкоски дека имале мнозинство во Собранието, дека владата само што не паднала.Пратениците на ВМРО-ДПМНЕ вчера избегаа од салата. Ова е изгласана доверба на Владата без ниту еден глас против.Антинародното антидржавно ВМРО-ДПМНЕ на чело со Мицкоски доживеа дебакл, како меур од сапуница пукнаа нивните лаги со кои со месеци ја замајуваа јавноста.ВМРО-ДПМНЕ ќе остане запаметена како најголемиот кочничар на реформите, мерките и политиките што се во интерес на граѓаните.Мицкоски проблемите и фрустрациите нека си ги решава внатре во белата палата, а не на грбот на граѓаните, не преку блокади на Собранието.Пратениците од ВМРО-ДПМНЕ да покажат доблест после овој пораз и да почнат да работат во интерес на граѓаните.Се уште имаат шанса да научат важна лекција а тоа е дека со опструкции, со блокади, со кочења не се доаѓа на власт. Освен штета за граѓаните со опструкции не се постигнува ништо.Имаат шанса пратениците од ВМРО-ДПМНЕ да се вразумат.Со или без ВМРО-ДПМНЕ, продолжуваме да носиме законски решенија важни за нашата иднина и нашата држава.видео: СДСМ

Македонија | пред 5 години

Заев: Новата велосипедско-пешачка патека во Свети Николе има важно место во програмите за рекреација

Претседателот на Владата Зоран Заев и градоначалникот на Општина Свети Николе Сашо Велковски денеска беа на увид на новата пешачка и велосипедска патека во Општина Свети Николе која веќе е готова и подготвена за користење.Како што истакна премиерот Заев, станува збор за модерна и урбана зона, која е хортикултурно уредена со зеленило и претставува прекрасно место каде граѓаните ќе можат да се релаксираат.Велосипедската и пешачка патека, води од Свети Николе до археолошкиот локалитет Била Зора во с.Кнежје и е долга околу 2.100 метри.„За Владата на Република Северна Македонија програмите за спорт и рекреација, како и зголемувањето на зелените површини остануваат важни алки кои придонесуваат кон развој на прогресивното општество и овозможуваат стекнување и ширење на основните етички принципи особено кај младите луѓе. Спортските активности имаат витална улога кај младата популација, од една страна, по однос на здравјето и правилниот развој, а од друга, ги учат младите на вредностите на заедничката работа, дисциплина, делењето на успесите и наградите за постигнатите резултати", рече премиерот Заев.Како што информираше градоначалникот Велковски, долж патеката се посадени 1.000 садници, поставени се 66 канделабри и повеќе места за одмор.„Патеката веќе се користи што е потврда дека вакво место за релаксација беше потребно во нашиот град", рече Велковски.Патеката е со вкупна вредност од околу 17 милиони денари, од кои пет и пол милиони денари кофинансира Општината Свети Николе. Останатите средства се обезбедени преку Агенцијата за финансиска поддршка во земјоделието и руралниот развој и преку Центарот за развој на Вардарскиот плански регион со финансиска поддршка од Бирото за регионален развој при Министерството за локална самоуправа.фото: Влада

Македонија | пред 5 години

Петров на конференција во Белград: Постојано преземаме системски чекори за унапредување на правата на маргинализираните заедници и ЛГБТИ луѓето

Потпретседателот на СДСМ Коста Петров, вчера во Белград учествуваше на регионалната конференција Заштита и унапредување на правата на ЛГБТИ луѓето во државите од Западен Балкан: основа за прогресивно општество и политики, во организација на Фондацијата Макс ван Дер Штул и поддржана од Вестминистер Фондацијата за демократија.„Многу е лесно да заземете храбар став за тешките прашања кога сте во опозиција, но кога сте на власт, треба да го спроведете тоа. За нас, прашањата поврзани со човековите права на маргинализираните заедници, вклучувајќи ги и ЛГБТИ луѓето се прашања на реални вредности и политики, а не ПР алатки. Ние ги преземаме овие чекори бидејќи се вистинските, а не за добивање политички поени“ - истакна Петров.Според Лордот Реј Колинс од Лабуристичката партија на Велика Британија, загрижувачки е фактот дека во дел од светот, хомосексуалноста се’ уште е криминализирана, а во одредени држави се казнува и со смртна казна. Токму тука, смета тој, одговорот на невладиниот сектор и соработката на прогресивните сили е од посебно значење.На конференцијата учествуваа претставници од социјалдемократските партии од Србија, Црна Гора, Босна и Херцеговина и Северна Македонија, како и преставаници од невладиниот сектор.Марко Станиќ од СДП на Црна Гора и Бесима Бориќ од СДП на Босна и Херцеговина говореа за предизвиците со кои се соочуваат во своите држави, потенцирајќи дека Северна Македонија и СДСМ се вистински лидери во регионот кога станува збор за имплементација на прогресивни и про-европски политики во претежно конзервативните држави на Балканот.Кочо Андоновски од ЛГБТИ Центарот за Поддршка рече дека СДСМ е првата партија во нашата држава која во својата изборна програма го вметнала прашањето на недискриминација на ЛГБТИ луѓето, уште во 2006та година. „ Сега, кога СДСМ е на власт забележуваме имплементација на овие вредности во конкретни политики. - истакна тој.На настанот, потпретседателот Коста Петров ја потпиша и Декларацијата на социјалдемократските партии од регионот за борба за правата на ЛГБТИ луѓето, со што СДСМ стана првата партија од регионот која пристапи кон овој документ.фото: Архива

Македонија | пред 5 години

МВР aпелира внимателно користете социјалните мрежи, преку ТИК ТОК забележани повици за самоповредување

Министерството за внатрешни работи ја информира јавноста дека од страна на Интерпол е добиена информација дека на профили на социјалната мрежа „Тик Ток“ во Русија и Израел се забележани повици за самоповредување на малолетни лица. МВР апелира до граѓаните, особено до родителите да обрнат внимание на активностите на своите деца на социјалните мрежи. Спорeд досегашните сознанија, вакви повици нема од профили на наша територија ниту од околните држави, но апелираме на будност и надзор со цел да се избегнат било какви несакани случувања.фото: Архива

Македонија | пред 5 години