Нема фотографија

(ВИДЕО) Стоилковски: Заев и СДСМ се обидуваат да купат гласови, но не со пари од Вице туку од граѓаните

Зоран Заев е прочитан и ја губи поддршката за неговите антидржавни и криминогени политики. Затоа, Заев и СДСМ, пред избори се обидуваат да купат гласови, но не со пари од Вице , туку со пари од граѓаните. Вработуваат партиски послушници и ја преполнуваат администрацијата со несоодветни кадри, а граѓаните плаќаат за оваа масовна операција, изјави на денешната прес-конференција Наум Стоилковски.„Вработувањето на ќерките и синовите на Фрчкоски, Бучковски, Бејта, Цафери, Грчев и десетици други послушници на Заев беше само почеток.Во период на државни празници, власта вдомува над 300 нови партиски војници во администрацијата.Ова е класична корупција и обид за купување на гласови пред претстојните избори. Оваа операција на Заев на годишно ниво ќе ги чини граѓаните преку два милиони евра кои ќе им ги зема преку покачената акциза и зголемените даноци.За ваков криминал во правна држава се одговара.Тоа што до вчера беше обемна, масовна, спора, неефикасна, неевропска администрација, сега станува јасли за секој еден партиски војник на СДСМ.Па нели ќе спроведеа мала и ефикасна јавна администрација? Каде е најавената „фунционална анализа за вишокот превработени во администрацијата, пред оваа акција за партизација? Ова ли се капиталните проекти на СДСМ, прелевање на парите од буџетот во партиските џебови, преку партизација на администрацијата“, вели Стоилковски.Тој додава дека се распишани над 300 огласи за вработувања во министерства, владини агенции, дирекции и тела кои во овие десетина дена се објавиле огласи за вработување, Од советници до копиранти, од келнери до шанкери и кафекувари, со плати од 15 до 35 илјади денари. Ова е само продолжување на трендот на партизација на она што до вчера беше главна теза на СДСМ дека администрацијата мора да е мала и професионална.„СДСМ го спроведува партискиот проект мрежа за партизација на општинските и државните јавни претпријатија, на администрацијата, потоа измислува нови работни места како заменици директори со цели кабинети за задоволување на поголемите апетити, а сега во очи на претседателските избори во празнични денови повторно ја полни администрацијата.Забелешки на партизацијата од СДСМ има и од Европската Комисија но тоа за нив сега не е важно.Важно им е да се јадат живи луѓе да се смени и пополни се од министер до хигиеничар и партиската членска книшка да биде замена за личните документи и да е главна од одење на лекар до вработување.Епа вака не се враќаат 600.000 иселени колку што ги пребројуваа. Вака само дополнително се редат нови и нови чевли пред владата.Со ваква груба партизација власта испраќа порака дека во државата нема место за професионалци, за вредни, за работни, за образовани, туку само за партиски кадри.Зар во ова власта смета дека никој нема да препознае кршење на сите норми, дека се спроведуваат коруптивни, криминогени вработувања во очи на избори, дека се спроведува црна партизација врз грбот на чесните.И повторно ќе посочат дека ако нема датум за почеток на преговори со Европската Унија, администрацијата ли ќе биде виновна.Овие црнила мора да сопрат. Во државата мора да има ред да се почитуваат нормите, да се спроведуваат вистински реформи. Затоа црнилата мора да запрат а ќе сопрат кога ќе им го видиме грбот. Колку побрзо заминат толку подобро за сите во Република Македонија“, изјави Стоилковски.

Македонија | пред 7 години

Министерство за здравство: Вакцините не се со истечен рок на траење

Министерството за здравство информира дека МРП вакцините со кои се вакцинираат децата не се со истечен рок на трање.„МРП вакцините Priorix со кои се вакцинираат децата во Скопје и во другите градови од земјава се набавени со тендерот распишан 21.10.2016 година, со склучени договори на 21.03.2017 година.Вакцините кои се во употреба се Priorix, се со сериски број АМЈРД512АА  со рок на траење 07.2019 година и сериски број A69CE583A со рок на траење 05.2019 година.Во тек е континуирана набавка на вакцини, за имунизација на населението во Република Македонија за период од јули 2018 до јуни 2020 година со повеќегодишна јавна набавка, кое Министерството за здравство ја реализира секои две години, а техничкиот дијалог за оваа набавка е објавен на 27.10.2018“, велат од Министерство за здравство.

Македонија | пред 7 години

Досега вакцинирани 1018 деца, нема нови случаи на заболени од морбили

Министерството за здравство информира дека во текот на денешниот ден, до 13:00 часот вакцинирани се 28 деца со МРП вакцина.„Досега, вакцинирани се вкупно 1,018 деца. Во моментов, нема нови потврдени случаи на новозаболени лица од морбили (мали сипаници).Вакциналните пунктови во поликлиниките „Букурешт“, „Бит Пазар“ и „Јане Сандански“, денеска (05.01.2019 година) и утре (06.01.2019 година) ќе работат во две смени, во периодот од 07:30 до 19:00 часот. Во понеделник, на 7 јануари 2019 година, овие пунктови ќе работат само прва смена од 07:30 до 13:00 часот“, велат од Министерството за здравство.

Македонија | пред 7 години

Мицкоски: Верувам дека ќе бидат победени неправдите и дека подобрата иднина ќе дојде за сите во нашата земја

Денес претседателот на ВМРО-ДПМНЕ Христијан Мицкоски беше во посета на манастирот Св. Наум Охридски на Попова Шапка, по повод чествувањето на православниот празник Св. Наум Охридски.На граѓаните кои го слават празникот и на присутното свештенство им го честиташе денешниот православен празник со желби за благосостојба здравје и напредок.-Делото на Св. Наум Охридски не учи дека просветителството, добрините и праведниот живот се вистинскиот начин кој го осветлува патот и ги победува неправдите. Нашата земја денес се соочува со бројни предизвици, граѓаните живеат тешко и во несигурност. Навидум чуството за безизлезност не смее да ја победи надежта дека може и мора подобро. Сите заедно мора да ја реализираме нашата заложба за промени кон подобро и решавање на напластените проблеми. Цврсто верувајќи во граѓаните и нивната свесност за состојбите верувам дека ќе бидат победени неправдите и дека подобрата иднина ќе дојде за сите во нашата земја, истакна Мицкоски.

Македонија | пред 7 години

Нема фотографија

Топлификација со апел до граѓаните да не го исклучуваат целосно греењето

Топлификација денес упати апел до граѓаните во наредниотперид да не го исклучуваат целосно греењето поради заштита на грејните инсталации од замрзнување.„Во врска со метеоролошките најави за следниот период кои предвидуваат екстремно ниски температури, апелираме до потрошувачите на системот за централно греење во индивидуални станбени објекти-куќи, деловни објекти и објекти за образование, целосно да не го исклучуваат греењето поради заштита на грејните инсталации од замрзнување“, велат од топлификација

Македонија | пред 7 години

(ФОТО) Груевски фотографиран како вади пари од банкомат

Експремиерот Никола Груевски деновиве е фотографиран како подигнува готовина од банкомат во Будимпешта.Фотографијата се продаваше на медиуми, а сега е јавно објавена на социјални медиуми. Фотографирана е од македонец кој бил во Унгарија.

Македонија | пред 7 години

Нема фотографија

Притвор за лице кое неовластено произведувало и пуштилo во промет наркотични дроги

Основното јавно обвинителство Скопје поведе постапка против едно лице поради постоење основано сомнение дека извршило кривично дело Неовластено производство и пуштање во промет наркотични дроги, психотропни супстанции и прекурсори од член 215 од Кривичниот законик. Покрај донесената Наредба за спроведување на истражна постапка, надлежен јавен обвинител до судија на претходна постапка од Основниот суд Скопје 1 Скопје достави и предлог за определување на мерката притвор против осомничениот.Сторителот неовластено набавил дрога марихуана и ја држел во својот дом во скопската населба Бутел со намера за понатамошна продажба и стекнување на противправна имотна корист. Врз основа на судска наредба на 4 јануари годинава, во домот на осомничениот е извршен претрес при што е пронајдена поголема количина дрога спакувана во одделни пакувања, како и опрема за мерење – дигитални ваги со остатоци од растителната материја. По наредба на дежурниот јавен обвинител извршена е анализа и вештачење на растителната материја и утврдено е дека станува збор за наркотична дрога – марихуана, со вкупна тежина од 295,3 килограми.

пред 7 години

Укината забраната за тешки товарни возила на Стража

Сообраќајот на државните патишта се одвива по влажни коловози, наместа со остатоци од кашест снег на коловозот.„Од 11 часот престанува да важи забраната за движење на тешки товарни возила на патниот правец Гостивар-Кичево преку планинскиот превој Стража.На одредени патни правци кои поминуваат низ клисури и усеци можна е појава на поситни одрони“, велат од Македонијапат.ЈП Македонијапат апелира на внимателно возење и прилагодување на брзината спрема условите на патот.

Македонија | пред 7 години

Пожар во куќи во Битола и село Голема Речица

На 04.01.2019 околу 10 часот во СВР  Битола  пријавено е дека  истиот ден околу 08,00 часот настанал пожар во куќа на ул. Благојче Силјановски, сопственост на В.В.Ф. Пожарот е изгаснат од Територијална против пожарна единица од Битола. Извршен е увид од СВР Битола.На 04.01.2019 година околу 01,00 часот во с. Голема Речица-Тетово, пријавен е пожар во куќа на Л. З. (27). Според првичните информации, пожарот настанал околу оџакот. Пожарот бил изгаснат од екипа од Територијалната противпожарна единицаТетово.Увид на лице место извршила екипа од СВР-Тетово.

Македонија | пред 7 години

(ВОЗНЕМИРУВАЧКО ВИДЕО) Пукање во куглана во Калифорнија, три лица се убиени

Во куглана во Калифорнија дошло до пукање, а полицијата потврди дека три лица се убиени. По напаѓачот се уште се трага.„Истрагата е во тек, ве молиме да се држите подалеку од местото на несреќата“, соопшти полицијата на Твитер.https://twitter.com/TorrancePD/status/1081463746583769088?ref_src=twsrc%5Etfw%7Ctwcamp%5Etweetembed%7Ctwterm%5E1081463746583769088&ref_url=https%3A%2F%2Fwww.telegraf.rs%2Fvesti%2Fsvet%2F3021329-pucnjava-u-kuglani-u-kaliforniji-ima-zrtavaПолицијата потврди дека три лица се убиени, а четири се ранети.На видео снимката која се појави на социјалните мрежи може да се забележи маж како лежи на подот во крв и полицаец кој се обидува да му помогне.https://twitter.com/worldnewsevery/status/1081487714069827584?ref_src=twsrc%5Etfw%7Ctwcamp%5Etweetembed%7Ctwterm%5E1081487714069827584&ref_url=https%3A%2F%2Fwww.telegraf.rs%2Fvesti%2Fsvet%2F3021329-pucnjava-u-kuglani-u-kaliforniji-ima-zrtavaЕден од сведоците изјави дека слушнал четири пукања и дека наводно две лица се погодени.

Свет | пред 7 години

Нема фотографија

Сообраќајка во Куманово, еден со тешки телесни повреди пренесен во Скопје

На 05.01.2019 година околу 01.30 часот во Куманово, на ул.,,Доне Божинов“ се случила сообраќајна незгода помеѓу патничко моторно возило „Форд ескорт“ со кумановски регистарски ознаки, управувано од Б.Д. (26) и патничко моторно возило „Ауди“ со кумановски регистарски ознаки, управувано од И.Ј.(33). Б.Д. и И.Ј., како  и сопатниците А.С.  и К.П. со возило на Итна медицинска помош биле пренесени во Општа болница Куманово.Кај Б.Д се констатирни тешки телесни повреди и е препратен во Ургентен центар Скопје. Увид извршила екипа на СВР Куманово,а известен е и јавен обвинител. 

Македонија | пред 7 години

МЖСПП: Апелираме до граѓаните да не палат бадникови огнови со цел да се избегне загадување на воздухот

Министерството за животна средина и просторно планирање упатува апел до граѓаните на Република Македонија да се воздржат од палењето на бадникови огнови на отворено, со цел да се избегне дополнителното загадување на амбиенталниот воздух.Исто така, Министерството ја поздравува одлуката на Град Скопје и општините во Градот да не донираат дрва за бадниковите огнови и во исто време апелира до другите општини во дражавата да се приклучат кон оваа иницијатива.

Македонија | пред 7 години

Македонска домаќинка со сериозен проблем - јавно бара помош

На социјалната мрежа Фејсбук на групата „Женски домаќински муабети“ , статус во која „македонска домаќинка“ бара помош, поточно совет...Статусот во целост гласи вака:

Магазин | пред 7 години

За три недели истекува рокот за купување земјоделско земјиште во државна сопственост под оранжерии

За околу три недели односно на 25- ти јануари истекува рокот за доставување документација за јавниот оглас за доставување на понуди за интерес за купување на земјоделско земјиште во државна сопственост под оранжерија и помошните објекти во функција на оранжеријата.  Ова е втор јавен повик за интерес за купување на земјоделско земјиште во државна сопственост под оранжерии, што го објавува Министерството за земјоделство, шумарство и водостопанство.„Право на учество на јавниот повик имаат физички лица и правни лица кои во катастарот на недвижности се запишани како сопственици на оранжеријата и помошните објекти кои се во функција на оранжеријата, односно на објектите во стопанскиот двор.Со овој јавен повик сопствениците на оранжерии ќе имаат можност да го купат земјиштето на кое што се наоѓа оранжеријата, а кое што во моментов е во државна сопственост. Со стекнувањето на имотни листови, сопствениците на оранжерии ќе имаат можност за нови инвестиции во објектите, за подигнување на кредити за реновирање и модернизација на објектите, но и ќе остварат право за аплицирање за мерките од европската ИПАРД програма. Можноста која што им се отвора за нови инвестиции крајно ќе влијае врз обемот и квалитетот на производството.Министерството за земјоделство, шумарство и водостопанство укажува сите заинтересирани да достават комплетна документација и да го запазат рокот за доставување, со цел побрзо да се склучат договорите“, велат од МЗШВ.

Македонија | пред 7 години

Излета возило од патот Кадино-Миладиновци, возачот итно пренесен во Скопје

На 04.01.2019 година во 20.00 часот се случила сообраќајна незгода на локалниот пат Кадино – Миладиновци, кај Кадински мост, во која патничко моторно возило„БМВ Х5„ со скопски регистарски ознаки, управувано од С.Н (45) година од Скопје, излетало надвор од коловоз и се превртело.Со повреди се здобил С.Н.,  кој со возило на Итна медицинска помош е пренесен во Комплекс клиники „Мајка Тереза“ и му се констатирани  тешки телесни повреди. Извршен е увид.

Македонија | пред 7 години

Заев посакува консензуален кандидат за претседател, ДУИ размислува за Талат Џафери

Во ДУИ се размислува за самостоен настап во првиот круг на претседателските избори. Од партијата како најсериозен кандидат се спомнува претседателот на македонското Собрание Талат Џафери.ДУИ, неофицијално, не би поддржале консензуален кандидат за претседател во првиот круг, бидејќи со тоа нивната поддршка кај албанското гласачко тело уште повеќе би се намалила, а нивните гласови би ги презела Алијансата на Албанците.Инаку премиерот Зоран Заев истакна дека посакува да има консензуален кандидат, кој ќе биде татко на нацијата и зад кој ќе застанеме сите.-Досега не е отворен процес во врска со утврдување кандидат за претстојните претседателски избори, бидејќи во тек е сериозен процес за завршување на постапката за уставни измени во Парламентот – истакна неодамна премиерот и најави дека веднаш потоа ќе ја отворат дебатата.Посочи дека му е драго што има кандидати, но дека ќе треба да се види кои од нив граѓаните ги сакаат.-Посакувам да имаме консензуален кандидат од сите. Да имаме човек кој ќе биде татко на нацијата зад кој ќе застанеме сите – рече Заев и додаде дека се надева оти ќе биде избран кандидат за кој ќе биде чест да застанат и да го промивираат како иден претседател на Република Македонија.Премиерот очекува владејачката коалиција да победи на претседателските избори но, како што вели, за одлуката на граѓаните клучна ќе биде личноста на кандидатот.

Македонија | пред 7 години

Нема фотографија

Во изминатите два дена фатени 17 лица под дејство на алкохол

Одделението за безбедност на патниот сообраќај при Секторот за внатрешни работи Скопје на 04/05. 01. 2019 година во периодот од 23.00 до 05.00 часот спроведе зајакната акциска контрола за откривање возачи кои управуваат со возило под дејство на алкохол на подрачјето на Скопје.Од страна на полициски службеници контролирани се вкупно 133 возачи, a кај 17 од нив утврдено е присуство на алкохол во крвта. По однос на констатираните  прекршоци од Законот за безбедност на сообраќајот на патиштата и Законот за возила кон возачи, преземени се вкупно 17 мерки по горенаведениот прекршок, исклучени се 17 возачи од сообраќај, а откриени се и 26 останати прекршоци.

Скопје | пред 7 години

Нема фотографија

Посебен сообраќаен режим утре во Скопје, еве кои улици ќе бидат затворени

Утре со почеток во 11.00 часот во организација на Здружение за возобновување на православните традиции „Бадникови поворки“ ќе се одржи манифестација во склоп на Бадникови поворки.„Манифестацијата ќе започне во 11 часот на плоштадот пред црквата „Св. Димитрија“ (ул. Црвена Скопска општина). Од 11:45 часот до 12:30 часот ќе се одржи Бадникова поворка од црква Св. Димитрија (ул. Црвена Скопска општина) до соборен храм „Св. Климент Охридски“. Учесниците ќе се движат од ул.„Иљо Војвода“, лево по бул.„Гоце Делчев“, право по бул.„Илинден“, лево по бул.„Св. Климент Охридски“ до пред влезот на Соборен храм „Св. Климент Охридски“ на бул.„Партизански одреди“ во Скопје.Од  тие причини Одделението за Безбедност  на патниот сообраќај ќе преземе мерки за посебен режим на сообраќајот по сообраќајниците кои гравитираат околу соборниот храм. МВР апелира  до граѓаните  да ги почитуваат наредбите што ги издаваат полициските службеници“, велат од Министерството за внaтрешни работи.

Скопје | пред 7 години

Ќе се шири Пандорината кутија: Касами барал бришење на “македонски народ и државјанство”, Заев размислува

Претседатеот на Беса, Билал Касами на вчерашната средба со премиерот Зоран Заев неофицијално побарал бришење на зборот „македонски народ“ од преамбулата и „македонско“ од државјанството (да остане само граѓанин на Северна Македонија), а втор официјален јазик на цела територија на Македонија биде албански.Овие се барања и од претседателот на Движењето за реформи на ДПА, Зијадин Села  и истите од двете опозициски албански партии не се нови. Претходно, кога Касами и Села излегоа во јавност со овие барања, премиерот Заев велеше дека нема да дозволи да се шири Пандорината кутија, со тоа, тврдеше дека нема други промени во Уставот освен оние кои се наложуваат со Договорот од Преспа. Касами на пресс-конференција пред неколку месеци, рече дека барањата не се уцена за да гласаат за Устсавни промени, туку реални барања за правата на Албанците.Инаку Премиерот Зоран Заев вчера оствари средба со, Касами, за да бара поддршка за уставните измени.По средбата од Владата немаше многу детали освен дека ќе се одржи уште еден состанок.

Македонија | пред 7 години

Утре ќе се одржи најголемиот Божикен настан во регионот

Недела, 6-ти Јануари, од 11 часот, Македонија ќе биде домаќин на најголемиот Божикен настан во регионот, на кој се очекува учество на околу 10 илјади деца од целата земја.„Во Скопје, на плоштадот пред Црквата Св.Димитриј, ќе се одржува голема Божикна манифестација со Божикен концерт и Божикна претстава на кои што ќе им претходи топол дочек на коледарчињата преку Камениот мост со бесплатни Бадникови чајчиња и колачиња за секое дете.За Божикниот концерт ќе бидат задолжени: Елена Ристеска, Влатко Лозаноски, Викторија Лоба, Тамара Тодевска, Некст Тајм, Димитар Андоновски, Љубојна и Златно Славејче, а за Божикната претстава со наслов „Најдобриот подарок за Божик“ - ненадминливите Снежана Коневски - Руси, Дејан Лилиќ и креативниот центар Тинтири Минтири.Манифестацијата пред Св.Димитриј завршува во 12 часот, по што присутните деца ќе бидат поканети да ја оформат најголемата Бадникова поворка во Македонија, и со песна да се упатат кон Соборниот храм каде што пред специјално поставена голема Божикна пештера, ќе бидат дарувани и со Божикни пакетчиња.Во исто време, Бадникови поворки на радоста, во кои децата на свечен начин ќе го најавуваат Христовото Раѓање, ќе се одржуваат во уште 34 градови и населени места низ земјата, и тоа: Битола, Охрид, Прилеп, Струга, Тетово, Крушево, Ресен, Кичево, Радовиш, Велес, Штип, Струмица, Гевгелија, Валандово, Кавадарци, Куманово, Гостивар, Пробиштип, Свети Николе, Кривогаштани, Демир Капија, Неготино, Богданци, Вратница, Виница, Кочани, Делчево, Дебар, Ростуше, Велгошти, Брвеница, Беловиште, Старо село и Рогачево.Празнуваме, се радуваме! - е мотото на овогодишната манифестација на која се ќе биде бесплатно за сите, со надеж дека радоста и топлината на Бадник и Божик ќе ја почувствува секое детско срце.Организатор на целокупната манифестација е Здружението „Бадникови поворки“ кое постои веќе 3 години, а традицијата на организирање Бадникови поворки е возобновена од 2011 година, најпрво само во Битола и Охрид, за потоа постепено да се прошири и во останатите градови и населени места во земјава“, се вели во соопштението.

Македонија | пред 7 години

Министерството набавувало вакцини една недела пред да прогласи епидемија на морбили?!

Твитер заедницата во последните денови постојано коментира за епидемијата на морбили која го зафати Скопје. Голем дел од кментарите кои ги објавуваат се со негативен контекст насочени кон Министерството за здравство.“Министерството за здравство на Македонија распошало тендер за набавка на вакцини, недела дена пред да прогласи епидемија. Неверојатни се овие паранормални сподобности на здравствените власти”, пишува твитерџиката Јована Стојковиќ.Откако Венко Филипче повика децата итно да бидат вакцинирани, јавноста реагираше оти тоа е право на избор и никој не може да одлучи за ова прашање освен родителот или старстелот. Вчера во Скопје се одржа и протест против вакцинацијата.

Македонија | пред 7 години

Нема фотографија

Се запали брод во Истанбул, евакуирани 15 лица

Турската обална стража спаси 15 членови на екипажот на товарен брод кој се запали во Мраморното море, во близина на Истанбул.Турското министерство за сообраќај и инфраструктура соопшти дека членовите на екипажот се  безбедни и евакуирани од бродот, а нивната здравствена состојба е исто така дбора.И покрај големата штета, не дошло до излевање на нафта, велат локалните медиуми и доават дека  пожарникарите го ставиле пожарот под контрола во рок од еден час.

Свет | пред 7 години

Почна едномесечна кампања со која жените се поттикнуваат да не се депилираат

Почна едномесечна кампања која поттикнува жени да не си депилираат делови од телото, пишува Курир.Цел на кампањата под наслов Januhairy е жените да се поттикнат да ги сакаат и прифатат влакната на телото додека истовремено собираат пари за добротворни цели.Основачка е Лора Џексон (21), а за учество во кампањата се пријавиле жени од целиот свет.На идеја дошла откако морала да „пушти“ влакна на нозете поради една претстава.Минатиот месец почна кампања во која сега учествуваат жени од Британија, САД, Канада, Германија, Русија и Шпанија. Лора верува дека ќе собере пари за органзиацијата Body Gossip која учи млади како на здрав начин да го доживуваат своето тело.

Магазин | пред 7 години

ВМРО-ДПМНЕ: Земјоделците со предложениот буџет ќе добијат цели 19 милиони евра помалку

СДСМ отворено манипулира и ги лаже земјоделците. Воведувањето на таканаречена зелена нафта е само уште една лага во низата на лаги на СДСМ кон земјоделците, во ситуација кога владата на СДСМ и Зоран Заев драстично ја зголемија акцизата за нафта, велат од ВМРО-ДПМНЕ.„СДСМ води политика на кражба и лажење. Зголемувајќи ја акцизата далеку повеќе одземаат од граѓаните отколку што ќе овозможат бенефит со зелената нафта.СДСМ повторно ги излажаа земјоделците дека ќе добијат 160 милиони евра субвенции. Реалноста е сосема поинаква. СДСМ ја прави истата манипулација како минатата година, односно со предложениот буџет од предвидени субвенции и програма за рурален развој, земјоделците ќе добијат околу 141 милиони евра, односно за цели 19 милиони евра помалку.Земјоделците едвај преживуваат. СДСМ донесе црнило и во земјоделието. Оваа година немаше загарантиран откуп на доматите, зелката, краставиците, бостанот, пченицата, сливите и јаболката. За бедата да биде поголема цените кои им беа понудени на земјоделците беа мизерни и недостоинствени за нивниот труд и мака.Земјоделците се жртва на политичкото цунами на СДСМ.СДСМ го потцени трудот и производот на земјоделците и затоа мора да замине.Земјоделците заслужуваат сигурен пласман, повисоки откупни цени и нови пазари. Земјоделците заслужуваат подобро, затоа колку побрзо си замине оваа криминогена власт толку побрзо ќе може македонското земјоделство да се опорави“, се наведува во соопштението.

Македонија | пред 7 години

Наоружани пирати со „калашникови“ киднапирале шест Руси

Наоружани пирати нападнале руски товарен брод и киднапирале шест членови на екипажот, соопшти Федералната агенција за речен и помоски сообраќај, а утрово информацијата е потврдена од страна на Русија.Пиратите биле наоружани со автоматски пушки „AK-47“, а членовите на екипажот ги куднапирале откако украле дел од работите на бродот, велат локалните медиуми.Бродот кој има 24 членови на екипажот се наоѓал на околу 55 милји од Бенин кога пиратите го извршиле нападот.Од рускиот Конзулат во Бенин работат на пуштање на киднапираните морнари.

Свет | пред 7 години