СДСМ: Најголемите 10 лаги на Мицкоски и ВМРО-ДПМНЕ во 2018 година

За антинародното и антизападно ВМРО-ДПМНЕ предводено од Христијан Мицкоски, 2018 беше година на лажни вести, немање став, деструкција и блокади на иднината на Македонија, велат од СДСМ.„Редовно се ширеа невистини од луксузниот дворец на ВМРО-ДПМНЕ.Од хиперпродукцијата на лаги и море од невистини пласирани на Мицкоски и ВМРО-ДПМНЕ во 2018 година како најголеми се издвојуваат:ВМРО-ДПМНЕ ширеше паника помеѓу граѓаните дека низ цела Македонија ќе се градат бегалски кампови. Денес, на прагот на 2019 година, бегалски кампови нема.ВМРО-ДПМНЕ лажеше дека ќе се укинуваат евтините летови за граѓаните. Евтините летови постојат и денес, а обезбедени се и нови дополнителни релации од аеродромот во Скопје и Охрид.Мицкоски и ВМРО-ДПМНЕ лажеа дека со Договорот од Преспа ќе се загрози и уништи македонскиот идентитет, јазикот и посебноста. Тоа не само што не се случи, туку македонскиот идентитет, јазик и посебност се дополнително зајакнати.Лажеа дека со Договорот од Преспа ќе се избрише АСНОМ од преамбулата на Уставот. Со уставните измени кои се во завршна фаза се потврдува дека АСНОМ и одлуките на АСНОМ се зацврстени, обезбеден е историскиот континуитет на државноста.Антинародното ВМРО-ДПМНЕ ширеше паника дека драстично ќе поскапи лебот и ќе се зголеми сиромаштијата. Тоа не се случи. До денес ниту еден голем производител ја нема покачено цената на лебот.Мицкоски и неговата ВМРО-ДПМНЕ ширеа лажна паника меѓу граѓаните дека акцизата за горивата ќе влијае на зголемена инфлација и ќе има ценовни шокови, што се разбира не се случи. Инфалцијата е во нормалните граници а цените се стабилни, односно нема никакви ценовни шокови и поскапувања. Платите растат, се зголемува социјалната помош.Лажеше ВМРО-ДПМНЕ и за наводно поскапување на електричната енергија, што секако не се случи. Останува фактот дека единствено покачување на цената на струјата од 100 проценти се случи за време на ВМРО-ДПМНЕ, а како прв човек на ЕЛЕМ Мицкоски сноси одговорност и за тоа.ВМРО-ДПМНЕ и Мицкоски лажеа дека се зголемува јавниот долг. И покрај тоа што се враќа огромниот долг што го остави криминалната ВМРО-ДПМНЕ долгот се намалува, од 48,8 отсто од БДП колку што изнесувал во септември 2016, на 48,2 колку што изнесуваше во септември оваа година.Мицкоски лажеше дека не добивал пари за неговиот ангажман како советник на неговиот ментор Никола Груевски а потоа се увиде дека неговиот ангажман ги чинело граѓаните околу 2 милиони денари.Неспособниот Мицкоски лажеше и за неговите хидроцентрали и бизнисот што го добил од Груевски. Се покажа дека земјиштето за хидроцентралите го добил токму во време кога бил советник на Груевски“, се вели во соопштението.

Македонија | пред 7 години

Нема фотографија

Вкупно 21 сообраќајка во Скопје во изминатите денови

Во текот на изминатите денови (28, 29 и 30.12.2018 година) на подрачјето на Секторот за внатрешни работи Скопје се случиле вкупно 21 сообраќајна незгода од кои три со тешки телесни повреди, девет со телесни повреди и девет со материјална штета.Во сообраќајните незгоди три лица се здобиле со тешки телесни повреди и 15 лица се здобиле со телесни повреди. Од преземените мерки и активности констатирано е дека 67 возачи управувале возила со брзина поголема од дозволената. Од сообраќај се исклучени 53 возачи од кои: 15 возачи затоа што управувале возила под дејство на алкохол, 29 возачи управувале возила без да се стекнат со право за управување на моторно возило и девет возачи затоа што биле возачи - почетници.Исто така исклучени од сообраќај се и 24 возила бидејќи 22 биле нерегистрирани и две возила биле технички неисправни. Санкционирани се 10 возачи поради поминување на крстосница на црвено светло, седум возачи поради недавање првенство на минување на пешаци, двајца поради неправилно престројување, еден возач поради недавање првенство на минување на возила во зона на крстосница, 22 поради неносење пропишана зимска опрема, двајца поради неносење сигурносен појас при управување на моторно возило и 19 возачи поради користење на мобилен телефон при управување на возило. Во текот на изминатиот ден издадени се 184 мандатни платни налози и 131 возило се подигнати со специјално возило "пајак".

Скопје | пред 7 години

Нема фотографија

Мигранти се обиделе да се качат на товарен воз и се здобиле со тешки повреди

На 30.12.2018 година во 23,55 часот било пријавено дека на железничка станица Трубарево, додека две лица – мигранти се обидувале да се качат на товарен воз кој сообраќал кон Гевгелија, при тргнување на возот  едно од лицата било повредено, при што му биле нанесени тешки телесни повреди. Од екипа на Итна медицинска помош повреденото лице билo пренесенo во kомплекс клиники “Мајка Тереза“.Другото лице е однесено во ПС Гази Баба за понатамошна постапка. Извршен е увид на местото на настанот. Се работи на расчистување на случајот.

Македонија | пред 7 години

Возило излета од патот Кадино-Миладиновци, возачот починал на местото на настанот

На 31.12.2018 година во 01,55 часот било пријавено дека на стариот пат Кадино - Миладиновци, кај каналот патничко моторно возило „Пасат“ со бугарски национални ознаки, управувано од Т.З.(50) од Неготино, излетало од патот пред мостот во село Кадино.Возачот починал на местото на настанот, а сопатничката Ј.З.(43) се здобила со тешеки телесни повреди и била пренесена во Градската општа болница “Свети Наум Охридски“. Извршен е увид на местото на настанот. 

Македонија | пред 7 години

Без вода дел од Бутел 2

Денес поради уличен дефект ф80мм на ул.Алпи 43 (Бутел 2), прекинато водоснабдување ќе имаат корисниците на ул.Алпи и дел од ул.Иван Манолев до завршување, велат од ЈП „Водовод и канализација“.

Скопје | пред 7 години

Новогодишен концерт во Ресен

Со новогодишниот класичен концерт во Ресен, завршија бројните културни настани кои се одржаа деновиве во рамките на предновогодишната програма, организирана од Домот на културата „Драги Тозија“ од Ресен.Учениците од школата за пијано, која работи под водство на Гоце Милошевски, одржаа концерт во кино салата во Ресен, пред бројната ресенска публика.„Учениците во оваа школа во текот на целата година макотрпнo работат, вежбаат, настапуваат и го претставуваат Ресен во државата и надвор од неа. Токму затоа, овој концерт за нас значи многу и ни претставува особено задоволство што пред нивните родители и останатите наши сограѓани, тие имаат можност да го прикажат својот талент“, рече наставникот Гоце Милошевски.Како специјални гости на овој концерт настапија и професорите Љупчо Милевски на виолончело и Игор Милевски на виолина.Домот на културата „Драги Тозија“, како носител на културните  настани во Ресен и годинава понуди квалитетни содржини за сечиј вкус во текот на месец декември.

Магазин | пред 7 години

ДОМ: Нека Новата 2019, биде година на успех во евроатлантската интеграција

ДОМ им ја честита Новата 2019 година и на сите граѓани им посакува здравје, среќа и благосостојба.Нека Новата 2019, биде година на успех во евроатлантската интеграција и обезбедување мир, стабилност и просперитет. Сите заедно да градиме прогресивно демократско општество и иднина за сегашните и следните генерации.Да овозможиме спокоен и квалитетен живот, во чиста и здрава животна средина, за сите„

Македонија | пред 7 години

Нема фотографија

ВМРО-ДПМНЕ: Во изминатава година власта ги погази Уставот, законите како и волјата и достоинството на граѓаните

Република Македонија  со СДСМ на власт ја завршува најцрната година во својата историја. Криминалната власт на аболицираниот Зоран Заев и СДСМ во изминатава година донесе само црнила и уназадување за македонските граѓани, велат од ВМРО-ДПМНЕ.„Власта ги погази Уставот, законите како и волјата и достоинството на граѓаните. СДСМ насилнички и со уцени посегна кон менување на името на државата, националниот идентитет, јазикот, културата и историјата на Република Македонија.Впрочем тоа беше и единствената работа на која беа фокусирани. Додека не бираа средства за менување на името, дозволија криминалот и насилството да владеат со улиците, а граѓаните да живеат во страв беда и сиромаштија.Граѓаните повеќе не се безбедни ниту во своите домови, ниту на своите работни места. Откако СДСМ е на власт, секојдневно сме сведоци на убиства, улични престрелки и грабежи. Власта се стави во заштита на криминалот,  а за дополнително да ја загрози безбедноста на граѓаните на слобода пушти стотици криминалци кои  сега слободно дивеат по улиците низ Македонија.Алчноста и корумпираноста на власта нема граници. Додека власта сама себе си делеше тендери и грантови на владини функционери,  граѓаните  се повеќе осиромашуваа и следната година ќе ја дочекаат во неизвесност како ќе ја преживеат.  Ги покачија даноците, а трошоците за живот секојдневно се повеќе растат. СДСМ ја отвори спиралата на поскапување, ја покачија акцизата на дизелот и тоа резултира со поскапување на сите производи за живот па дури и на лебот“, велат од партијата.Оттаму додаваат дека неспособниот СДСМ успеа да ја забетонира македонската економија на дното во Европа. Не беа способни да реализираат ни 50% од капиталните инвестиции кои самите ги проектираа.„И наместо да носат инвеститори тие почнаа да ги бркаат како постојните така и потенцијалните. Доказ за тоа е падот на 68-мо место на листата за водење на бизнис на реномираниот „Форбс“.Нема нови работни места, нема 500 евра просечна плата, нема 100.000 денари плата за лекарите, нема повисоки пензии, а нема ниту нови патишта, болници, детски градинки, студентски домови и факултети. Но затоа има вработување за членовите од семејствата на функционерите од власта и зголемување на семејните бизниси на аболицираниот Зоран Заев.Ветуваа итни мерки за почист воздух, а речиси две години не спроведоа ниту една мерка. СДСМ ја смести Македонија на првото место како најзагадена земја во Европа, а Скопје во 10 најзагадени градови во Светот. Илјадници граѓани ги губат своите животи како последица на загадениот воздух, додека власта си игра игрички или си дреме на собраниска седница.Годината ќе се памети како најлоша година за земјоделците, хаос во здравството, образование и економија на дното, но и како година во која имаше драстичен раст на криминалот и корупцијата.Граѓаните на Република Македонија не ги заслужуваат овие црнила кои СДСМ ги нанесува. Ова зло кое СДСМ секојдневно го нанесува на граѓаните и државата мора веднаш да запре и затоа СДСМ мора да си замине. Само така земјава ќе почне да напредува. Затоа граѓаните многу скоро ќе го казнат СДСМ за сите злодела и ќе ја донесат зората во Република Македонија“, се вели во соопштението.

Македонија | пред 7 години

Итно да се реши проблемот со кучиња скитници на автопатот кај Тетово, за среќа избегната голема трагедија

На ѕидот на сообраќајниот срам на социјалната мрежа фејсбук, возач пишува дека за среќа избегал огромна трагедија, поради кучиња скитници.Во постот М.К објаснува:„Кои се надлежни за автопат е65 у близина на наплатна после Тетово према боговиње има 120 кучиња скитници и за среќа моја, а несреќа на дечкото што возеше паралелно до мене удри у огромно куче и ја распарчи цела предница а животното остана на лице место безживотно да лежи со испокршени коски парчиња од колата влетаа во моето возило за среќа без штета и што е најважно без повредени со избегната поголема хаварија што можеше да се случи од возилата што возеа позади нас јас ќе кажам дека животното не е криво но си го плати делот со живот а дечкото со прилично нов мерцедес сигурно има штета 1000 2000 евра на само 100 метра понатаму огромно прегазено куче на сред автопат на 2 3 километра понатака теле од куче претрча преку автопат а уште едно се моташе на крајна десна лента тоест на сантиметри од коловозна лента АПЕЛ ХИТНО да се преземат мерки и тие кучиња скитници да се тргнат од таму со време не чекајте да загинат луѓе не е ова кармагедон видео игра па намерно да бркаме кучиња по автопат за да ги убиеме!Потхитно да се реши проблемот ова не е играчка флека до флека е во близина на Тетово од прегазени животни одговорните да си преземат мерки или ограда или тунели да си поминуваат животните под коловоз ко у нормални држави, знам дека е џабе што пишувам уопште но сметав дека треба да се знае за проблемов ако не барем нека стои како предупредување, пак ќе гинат животни пак ќе има штети не дај боже жртви или повредени беда од патишта имаме! ....После наплатна скопска пред да се вклучиш на обиколка на кривината огромни кратери стојат со години во средна лента кога ќе ги средите?

Македонија | пред 7 години

Новогодишен хепенинг и концерт на Влатко Лозаноски во Крива Паланка

Во деновите од викендот најмладите жители на Крива Паланка, но и сите кривопаланчани  уживаа во музички хепенинг, кој се одржа на централниот градски плоштад, а го приредија дечињата од основните и средното општинско училиште од градот.Кореографии на популарни детски рефрени, изведба на новогодишни композиции, музицирање и вокално-инструментслни перформанси, беа дел од богатата и весела програма која го привлече вниманието на публиката, но и на бројните посетители од соседните општини кои ја одбраа Крива Паланка за своја новогодишна дестинација.Настанот го разубави и посетата на Дедо мраз кој пристигна на пладне и ги израдува дечињата, а вниманието на публиката го привлече главниот гостин на програмата, популарниот пејач Влатко Лозаноски.Овој празничен настан претставува заокружување на новогодишната културна програма во организација на локалната самоуправа и  институциите од областа на културата, која започна во четврток, 27 декември, кога премиерно беше изведен фестивалот на детска песна "Распеано симитче" 2018 во организација на Центарот за аудиовизуелни уметности од градот.

Магазин | пред 7 години

Две лица со закана со оружје огрбиле спортска обложувалница во Скопје

На 29.12.2018 во 20,55 часот во СВР-Скопје било пријавено дека во населбата Илинден-Скопје, во спортска обложувалница две лица со закана со оружје од вработената одзеле околу 16.000 денари.МВР работи на расчистување на случајот.

Скопје | пред 7 години

(ВИДЕО) Се сруши зграда во Русија поради експлозија на гас, најмалку тројца загинати

Најмалку три лица загинаа, 79 се водат за исчезнати кога експлодирал гас во стамбена зграда во Магнитогорск во Челјабинската Област.https://twitter.com/rns_online/status/1079632400294895618?ref_src=twsrc%5Etfw%7Ctwcamp%5Etweetembed%7Ctwterm%5E1079632400294895618&ref_url=https%3A%2F%2Fwww.telegraf.rs%2Fvesti%2Fsvet%2F3020100-eksplozija-gasa-u-rusiji-troje-ljudi-poginulo-ispod-rusevina-odzvanja-plac-zarobljenih-ljudiЗа сега евакуирани се 16 лица. Во зградата живееле 110 лица во 48 станови.

Свет | пред 7 години

Нема фотографија

Ова се настаните кои ја одбележаа 2018 година: Од историското ракување до мистериозното убиство во амбасадата

Оваа година на некој начин беше година на американскиот претседател Доналд Трамп кој во своето обраќање во Обединетите нации во септември изјави дека времето на глобализацијата и е зад нас и дека доаѓа време на патриотизмот.Во изминатата година Трамп ги подобри односите со Северна Кореа, исто така имаше разговор со рускиот претседател Владимир Путин, со Кина водеше трговска војна, стоеше на страната на Саудијците и против Иран.Во април се одржа самитот каде учествуваа Ким и јужнокорејскиот претседател Мун Џае Ин, а во јуни се одржа првиот состанок помеѓу американскиот претседател и севернокорејскиот лидер во Сингапур.„Спремни сме да напишеме ново поглавје помеѓу нашите нации“, изјави Трамп.Во јули претседателот Трамп се сретна со Владимир Путин во Хелсинки, а неговиот одговор во врска со руското мешање во американските избори предизвика лавина реакции.„Ми рече дека тоа не е Русија, а јас би рекол дека нема причина зошто би била“, изјави Трамп. Следниот ден тој изјави дека лошо се изразил.Стравот од глобалната трговска војна го поттикна Трамп да воведе царини на кинескиот челик и алуминиум, но тоа допринесе и до воведување на царини во Канада, Мексико и Европската унија.Трамп исто така се повлече од Нуклеарниот договор со Иран.Светските лидери се собраа во Париз во ноември да ја обележат годишнината од крајот на Првата светска војна.Во Европа, Ангела Меркел ја прогласи својата наследничка, а четвртиот мандат ќе биде нејзин последен како Германска канцеларка.Британската премиерка Тереза Меј во меѓувреме продолжи да плови низ предизвиците кои ги носи Брегзитот.„Нема подобар договор од овој. Се планира излегување од Европаската унија на 29 март 2019“, изјави Меј.Светот во јуни и јули го следеше Светското првентво во фудбал. Победи тимот на Франција.Младите фудбалери од Тајланд беа ударна вест. После две недели 12 момчиња и тренерот беа спасени од потопената пештера.Најголемата трагедија во 2018 година ја донесе земјотресот и цунамито кои ја погодија Индонезија и однесоа повеќе од 2.100 животи.Војната во Сирија продолжи, но поголемиот дел од земјата беше ослободен. Трамп нареди повлекување на војската од Сирија.Во Јемен, повеќе од 20 милиони луѓе немаа храна, вода и лекови. Обединетите нации ова го прогласија за најголема хуманитарна криза во светот.Мистериозното убиство на саудискиот новинар , Џемал Кашоги во саудискиот конзулат во Истанбул во октомври предизвика глобални проблеми.

Свет | пред 7 години

Нема фотографија

Украинска амбасада во Македонија: Русија се подготвува да примени хемиско оружје на окупираната територија на Донбас

Руските тајни служби целат на значителен број на жртви меѓу цивилното население. За тоа на брифинг изјави претставникот на Главната управа на разузнавачката служба на Министерството за одбрана на Украина, вели украинската амбасада во Македонија.„Според зборовите на Вадим Скибицки, военото разузнавање на Украина забележува низа знаци кои јасно укажуваат на подготовката од страна на Русија на диверзантско-терористички акт со примена на хемиски опасни отровни материи кој понатаму ќе биде претставен од руските пропагандисти како употреба на “хемиско оружје” од страна на украинските војници против жителите на окупираниот Донбас.Главната управа на разузнавачката служба на Министерството за одбрана на Украина утврди дека на окупираните територии на Донбас во средината на декември пристигна група на руските специалисти по хемиски борбени и отровни материи.На привремено окупираните територии противникот ја зголеми подготвеноста на руската окупаторска војска за дејства под услови на хемиското загадување. Од територијата на Русија донесени се најновите средства за лична заштита за личниот состав на групите 1 и 2АК на руската окупаторска војска кои се планираат да се искористат во борбени услови.Со цел на создавање на јавното мислење поволно за неа, Москва повеќе од месец дена спроведува масовна информативна кампања за да ја обвини Украина за тајната подготовка на таквите дејства. Главната управа на разузнавачката служба констатира дека на сличен начин Русија одржа информативна операција пред имитацијата на хемискиот напад во Сирија на 24 ноември оваа година во регионот на Алепо, за да ги оправда понатамошните воздушни напади против сириските опозициски сили“, се вели во соопштението.

Свет | пред 7 години

Нема фотографија

Градбата на трамвајот во Скопје ќе го затвори Рекорд за возила - нов хаос во најава

Трамвајот кој го најави градоначалникот на Скопје, Петре Шилегов, ќе воведе строг сообраќаен режим, пренесува СДК.Според планот на сообраќајниот проект, трасата на трамвајот ќе започнува од кружниот тек кај Порта Влае, ќе се движи по Партизански одреди, потоа преку Ркорд и Собранието на Република Македонија, во близина на зградата на Црвен крст, кон Комплексот банки и Железничката станица, по булеварот Јане Сандански до Ново Лисиче.Исто така Шилегов изјави и дека улицата на Рекорд ќе биде забранета за возила, односно по истата ќе се движат само автобусите ја ЈСП како и трамвајот.

Скопје | пред 7 години

Претежно облачно време со повремен снег

Времето денес ќе биде претежно блачно со повремен слаб локален снег. Ќе дува слаб ветер од северен правец, а вдолж Повардарието ќе се засилува. Утринските температури ќе се движат од -6 до -2 степени, а дневните од 1 до 8 степени.Во Скопје променливо облачно време со температури кои ќе се движат во интервал од -4 до 6 степени.На првиот ден од Новата година не очекува сончево време со умерена облачност и со умерен повремено засилен ветер од северен правец што ќе предизвика пад на температурата на воздухот. Од среда кон крајот на денот се очекува ново наоблачување со локални врнежи од снег, што ќе продолжат и во четврток. 

Македонија | пред 7 години

Нема фотографија

Алфите го привеле возачот на Али Ахмети, причините сeуште тајна

Порталот Almakos.com дознава дека пред неколку дена специјалната полициска единица „Алфа“ го привела возачот на претседателот на ДУИ, Али Ахмети, во Скопје.Во текстот на порталот се вели дека возачот на Али Ахмети и уште едно лице биле одведени на неформален разговор во полициската станица Ѓорче Петров, каде што биле држени околу 6-7 часа.Не е познато за што е приведен, ниту што е пронајдено во возилото „Ауди А6“, а единствено порталот пишува дека автомобилот имал фалсификувани регистарски таблички.Засега, полицијата јавно не го објави овој случај, иако извори на Алмакос посочуваат дека за овој случај постои запис во полицијата.Засега не е познато зошто биле приведени.

Скопје | пред 7 години

(ФОТО) Демолирана салата „Борис Трајковски“ по концертот на Аца Лукас

Вчеравечер во салата„Борис Трајковски“ во Скопје се одржа предновогодишниот концерт на познатите Аца Лукас, Милица Павловиќ и Пеѓа Меденица.По завршувањето на концертот салата беше демолирана пишува Независен. На фотографииите може да се забележат искршени тоалети, заборавени женски хулахопки, бела прашкаста материја по столчињата и многу ѓубре. 

Македонија | пред 7 години

Уловена ајкула тешка 340 килограми кај Драч

Албанските рибари од пристанишниот град Драч, уловиле ајкула тешка 340 килограми. Ајкулата била уловена на длабочина од околу 100 метри, и претставува една од поголемите ајкули што албанските рибари ги имаат уловено на овој потег.Инаку во средината на минатиот месец на иста длабочина, уловија ајкула тешка 400 килограми. Месото од ајкулите завршува во угостителските објекти бидејќи важи за специјалитет.Инаку, иако последните години зачести присуството на ајкули на албанското крабрежје, не претставуваат опасност во текот на летната сезона.

Свет | пред 7 години

Во Охрид сепак ќе има дочек на Нова Година на градскиот плоштад

На градскиот плоштад во Охрид ќе има новогодишна забава. Овој пат организацијата ја превзедоја здруженијата на охридскиот угостителски еснаф и на хотелиери на Македонија.На новогодишната забава под отворено небо на градскиот плоштад, на 31 декeмври, ќе настапат Ѓоко Танески, Жармена, групите Бетис Бупс и Бекдор бенд и ди-џеј Петар.Инаку општина Охрид ги откажа предвидените празнични свечености и манифестации, поради ненадејната смрт на градоначалникот Јован Стојаноски, но хотелиерите сметаат дека некаков дочек мора да има, со оглед на фактот дека Охрид и годинава е исполнет во целост за Новогодишните празници.Сместувачките капацитети во Охрид за Нова година се речиси целосно исполнети, а најбројни се гостите од опкружувањето. Од туристите доминираат Бугарите, Србите, Црногорците, Албанците, Грците, потоа Турците, но на ривиерата уживаат и гостите од Западна Европа. Убавото време го наполни шеталиштето, а во препознатлива празнична врева, врие плоштадот и чаршијата. Хотелиерите потенцираат дека цените на новогодишните аранжмани се склучени уште пред 2 месеци и дека најпродавани се пакет аранжманите кои нудат 3 дневен престој. Цените се движат од 100 до нешто повеќе од 150 евра,зависно од тоа што содржи аранжманот.

Македонија | пред 7 години

Нема фотографија

(ФОТО+ВИДЕО) Бродот „Будимпешта“ се транспортира до Охридското Езеро, Туристичка блокирана

Попладнево транспортот на бродот „Будимпешта“ направи голем застој во централното градско подрачје на Охрид на булеварот Туристичка.Но и покрај големиот застој, случајните минувачи со воодушувување го гледаа, затоа што ваков брод во оваа големина досега немало во Охридското Езеро. Се работи за вон габаритен транспорт кој мора да биде со придружба. Овој трнспорт се користи за сите пловни објекти кои се подолги од 12 и пошироки од 2,5 метри.Инаку станува збор за Хидро бус за 150 патници. Бродот е идентичен како Галеб, Александрија 1 и Кристина Нова.Дознаваме дека сите овие бродови се градени на исто бродоградилиште и со проект.  

Македонија | пред 7 години

Граграѓаните реагираат на ѕидот на сообраќајниот срам - Цел парк претворен во приватен паркинг!

Парк во Општина Аеродром претворен во приватен паркинг! Грѓаните својот револт го искажуваат на ѕидот на сообраќајниот срам, но надлежните не реагираат.

Скопје | пред 7 години

Нема фотографија

(ФОТО) Маж 10 часа пукал кон полицијата, а се предал откако му испеале божиќна песна

Американецот Натаниел Луис, кој пукаше кон полицијата и десет часа бил под опсада во Пенсилванија, се предаде откако човекот со кој преговараше му отпеа божиќна песна.Луис (34) пукал кон полицијата кои дошле откако било пријавено од страна на негов роднина дека се однесува чудно.Тој при пукањето погодил две возила и куќа, по што полицијата возвратила.https://twitter.com/MattPetrillo/status/1078391666183159809?ref_src=twsrc%5Etfw%7Ctwcamp%5Etweetembed%7Ctwterm%5E1078391666183159809&ref_url=https%3A%2F%2Fwww.telegraf.rs%2Fvesti%2Fsvet%2F3019902-muskarac-34-poceo-da-puca-na-policiju-a-onda-je-jedna-otpevana-pesma-sprecila-masakr-foto„Преговорите со Луис траеа долго, тој пукаше кон полицијата и куќите во околината“, изјави обвинителот Томас Хоган.Луис се предал откако преговарачот му отпеал божиќна песна

Свет | пред 7 години

(ВИДЕО) Ѓорѓиевски: Крвавиот викенд за само 36 часа донесе три свирепи убиства

Додека Оливер Спасовски си тера партиски агенди и дели партиски книшки во Куманово, во Македонија се лее крв по улици, по домови, и по угостителски објекти, вели Орце Ѓорѓиевски од ВМРО-ДПМНЕ.„Крвавиот викенд за само 36 часа донесе три свирепи убиства. Освен ликвидацијата на човекот во Ѓорче Петров, вчера се случи и убиство во угостителски објект во Кичево и убиство во дом во Прилеп.Полицијата наместо да биде гаранција за редот и мирот, немо посматра како црнилата ги зафаќаат улиците и домовите ширум Македонија. Сето тоа е резултат на непрофесионалноста и неспособноста на првиот човек на Министерството за внатрешни работи, Оливер Спасовски.Затоа довербата во полицијата е падната на 31% меѓу граѓаните, затоа корупцијата постојано зема замав, затоа рекетарите се чувствуваат заштитени, затоа убиствата станаа наше секојдневие, затоа имаме зголемување на насилството. Животот на граѓаните им се претвори во сцени од филмовите за дивиот Запад“, изјави Ѓорѓиевски.Тој додава дека општ впечаток во Република Македонија е дека постои коалиција меѓу криминалот и власта.„Речиси да нема криминалец во земјата, убиец или рекетар кој не се има срдечно фотографирано со Зоран Заев или Оливер Спасовски. Затоа се осоколени во своето дивеење, бидејќи блискоста со власта прави да се чувствуваат заштитени дека ќе поминат неказнето.Тоа што криминалот царува е одраз на работењето на Оливер Спасовски. Кога сите гледаат како се прават матни и криминални зделки од врвот на МВР, кога гледаат селективност и нестручност, кога гледаат неспособност од Спасовски, логична последица на сето тоа е она што во моментов ни се случува во државата.Оливер Спасовски мора да замине за да се врати угледот на институцијата и да се врати редот и безбедноста во нашата држава. Тоа граѓаните го чекаат и очекуваат“, вели Ѓорѓиевски.

Македонија | пред 7 години

Путин испратил новогодишни порки до неколку светски лидери

Новогодишни пораки од Рускиот претседател Владимир Путин, до неговите колеги ширум светот. Во пораката до Доналд Трамп, Путин навел дека Москва е подготвена за дијалог за широк спектар на теми.Во параката пак до Башар ал Асад, сирискиот претседател, Путин ветил дека ќе продолжи да пружа помош на сириската влада и народот во борбата против тероризмот, пренесува Ројтерс.Пораки со слични содржини, поголема соработка и желба за поубава година, Путин испратил и до до другите светски лидери.

Свет | пред 7 години