УЈП ги провери фирмите на Боки 13, истрагата ќе се прошири на други компании и лица поврзани со „Рекет“

Управата за јавни приходи ги доставила налозите за финансиска контрола на четири фирми кои биле поврзани со случајот „Рекет“ кој го отвори одделението за гонење на организиран криминал и висока корупција.Првиот човек на УЈП, Сања Лукаревска во интервју за ТВ21 вели дека  истражителите се во фирмите и се проверува дали имало затајување на данок. Таа рече дека спорд првичните наоди, финансиската истрага ќе се проширува и на други компании и лица.

Македонија | пред 6 години

„Меѓаши“ бара одговорност од родителите кои ги заборавија децата во автомобил бидејќи нивниот живот бил во опасност

Децата оставени во автомобилот времено одземени од родителите, какви мерки би можело да се очекуваат?  Наташа Сердаревиќ - од Првата детска амбасада во светот „Меѓаши“ говореше за „Канал 5“.„Родителската негрижа и занемарување на децата е појава што загрижува и опоменува. Згрозени сме од настанот што се случи вчера кога две малолетни деца беа оставени сами, заклучени во затворен автомобил и на високи летни температури. До пред некое време мислевме дека ова се случува само во некои други земји, но очигледно Македонија не е веќе исклучок.  Во светот постојат редовни медицински и медиумски предупредувања, децата да не се оставаат во автомобил додека ,,завршувате нешто” – бидејќи за многу кратко време топлината во автомобилот може да стане опасна по живот. Ваквите предупредувања изостануваат во наши околности. Скоро секоја година сме сведоци на немили настани каде малолетно лице настадало од вакви причини. Бараме одговорност од надлежните институции да ја утврдат родителската негрижа и преземат соодветни мерки за остварување на квалитетно родителско право за чување, воспитување и грижа за децата“, вели Наташа Сердаревиќ од „Меѓаши“.Оттаму се децидни дека родителската одговорност е подеднаква независно од тоа дали децата живеат со родители или пак со родители кои остваруваат родителско право на видување.„Македонија како демократска земја со демократски приниципи на уредување, ги почитува правата на човекот и слободи и според Конвенцијата за заштита на правата на детето е обврзана да презема неопходни мерки за заштита на детето од сите форми на злоупотреба, дискриминација и запоставување од страна на родител или законски старател. Во рамките на нашето законодавство, треба да се почитуваат начелата кои гарантираат сигурно и безбедно детство и грижа за правата на детето. Сигурната иднината и безбедност на децата во земјава треба биде едно од главните начела за владеење на правото и воспоставување на демократски принципи и начини на реулирање на законите“, додава Сердаревиќ од „Меѓаши“.

Македонија | пред 6 години

Ова е планот „Б“ на Дескоска кој треба да го „прероди“ СЈО

СЈО е блокирано. Ако нема 2/3 мнозинство за Законот за јавно обвинителство, власта најавува измени на Законот за јавни обвинители, по што Советот конечно ќе може да избере в.д. специјален обвинител.Доколку не се обезбеди двотретинско мнозинство за усвојување на Законот за јавно обвинителство, министерката за правда Рената Дескоска најави дека се размислува за „План Б“, со кој би се надминале пречките што ја кочат работата на СЈО. Станува збор за измени на сегашниот Закон за јавни обвинители кои се носат со обично мнозинство, а со кои ќе му се овозможи на Советот на јавни обвинители да избере вршител на должноста Специјален јавен обвинител.А дали на сцена ќе стапи „Планот Б“, зависи токму од опозицијата. Време за усогласување на ставовите се уште има, но ако на крајот не гласа за Законот за јавно обвинителство, нема да остави друг избор. Дескоска завчера во Собранието ги повика пратениците „да стиснат зелено копче за да го изгаснат пожарот во кој се наоѓаме повеќе години, што ќе значи продолжување на постапките на СЈО во кои има индиции и обвиненија за сериозен криминал направен од претходната власт".

Македонија | пред 6 години

Власта и опозицијата си го кројат законот како што им одговара ним, пратениците само изгласуваат доколку им одговара на партиите

Се договараат зад очите на јавноста, па заедно влегуваат и гласаат амандмани. Вака течеше комисиската расправа на која се одлучува прифаќањето или отфрлањето на амандманите поврзани со предлог-законот за јавно обвинителство. За неколку минути, по претходен договор, пратениците на ВМРО-ДПМНЕ и СДСМ заеднички изгласаа 10 од 51 амандман.Ниту еден од пратениците не нејде за потреба да расправа за амандманите пред вклучените камери и присутните новинари. Во јавноста се коментира дека токму ова е главна причина да се зодаде впечаток дека овој закон, кој ќе биде одлучувачки и за постоењето на СЈО, се прави за да биде погоден за двете партии, но не и за државата која постојано е општетена странка.„Власта и опозицијата си го кројат законот како што им одговара ним, пратениците само изгласуваат доколку им одговара на партиите“, е еден од коментарите на социјалните мрежи.За ВМРО ДПМНЕ и понатаму се најспорни начинот на избор на обвинители, помошниците на Катица Јанева и предметите кои ги водат. Предлагаат и за шеф на новото обвинителство да може да конкурира и професорската фела. Според СДСМ треба политиката да ги тргне рацете од правосудството.Прифатен е и амандман на ДУИ со кој Законот за ЈО се усогласува со Законот за јазици.Но, двотретинското мнозинство и понатаму е неизвесно. Забелешки со кои го условуваат гласањето имаат и пратениците од албанската опозиција. Доколку не успеат да се договорат, власта најави дека има и план Б.

Македонија | пред 6 години

Богоев ја асфалтираше улицата каде е семејната куќа на Боки 13

Општина Карпош целосно го реконструираше коловозот и тротоарите, на потегот од ул. „Париска” , кружниот тек кај гимназијата „Георги Димитров” до булевар „8 Септември. Исто така, на оваа линија се постави и целосно нова фекална, атмосферска и водоводна мрежа, изјави Филип Даскаловски, координатор на советничка група на СДСМ во Совет на Општина Карпош. На „Варшавска” се направи и нов паркинг простор, со цел да се олесни паркирањето за граѓаните од околните згради.А токму на оваа улица е семејната куќа на Бојан Јовановски познат како Боки 13, кој е првоосомничен во случајот „Рекет“. На „Варшавска“ живеат неговите родители, а полицијата го претресуваше домот при неговото апсење. Во јавноста подолго време кружеа фотографии од Стефан Богоев и Боки 13, а се збореше и за нивната блискост. 

Скопје | пред 6 години

Што по разрешувањето на Катица Јанева од советот?

Според универзитетскиот професор Гордан Калајџиев во СЈО не може да се избира ВД специјален јавен обвинител, затоа што се работи за строго монократски орган. Тој вели дека доколку се разреши Јанева, во истиот момент им завршува мандатот и на другите обвинители во СЈО, се вели во веста на Канал 5.-Обвинителите што му помагаат дури немаат вистински целосен мандат за разлика од сите други обивинители, аналогија не е можна бидејќи духот на овој закон дава овластување специјално на обвинителот кој се бира во специјална процедура, а сите други се негови помошници, така што нема други можности според идејата и духот на законот да има ВД обвинител од редот на обвинителите. Според законот за СЈО, нивното разрешување е директно врзано со мандатот на специјалниот јавен обвинител. Смислата на законот е меѓудругото е да се тие нејзини луѓе од доверба, тие се еден тим, еден за сите сите за еден, вели Калајџиев за Канал 5.Советот на јавни обвинители утврди дека постојат законски основи за разрешување на Катица Јанева пред истекот на нејзиниот мандат, поради нестручно и несовесно работење. Постапката ќе се води преку Собранието, кое најдоцна до утре ќе ги добие сите неопходни документи за да може да постапува.Се уште не е јасно како ќе работи СЈО по разрешувањето на Катица Јанева, со оглед дека ова обвинителство нема да има можност за вд обвинител според правните познавачи/

Македонија | пред 6 години

Децата заборавени во автомобил одземени од родителите

Двете деца брат и сестра на 4 и 7 годишна возраст оставени во кола на паркинг во скопско Ново лисиче се сместени во згрижени во згрижувачко семејство. Околу 22 часот децата ги забележале случајни минувачи и повикале полиција. Од МВР го потврдија настанот, но не соопштуваат детали дали таткото или пак и двајцата родители ги заклучиле малолетните деца во автомобилот за да одат на прославата за вчерашниот празник која традиционално се одржува во населбата. Ниту жителите од околните згради не знаеа што точно се случило само слушнале дека имало полиција.Директорката на Меѓуопштинскиот центар за социјални работи Наташа Станоевиќ, за МИА изјави дека стручен тим ќе работи и со родителите на децата и тој ќе треба да ги оцени нивните родителски капацитети. Таа проценка, заедно со другите информации ќе бидат основа брз која ќе биде донесена евентуална одлука за одземање на родителско право.

Македонија | пред 6 години

Татко со автомобил си го прегазил 3-годишниот син

На 28.08.2019 во 19.00 часот било пријавено дека во с.Љубин, скопско, И.В.(42) додека влегувал во неговиот двор со патничко моторно возило „мазда“ со скопски регистарски ознаки, без да забележи, го удрил неговиот тригодишен син. Повредениот бил однесен во Комплексот клиники „Мајка Тереза“ за укажување на лекарска помош каде биле констатирани тешки телесни повреди.

Македонија | пред 6 години

Опожарен правен објект

На 29.08.2019 околу 01.50 часот во СВР Скопје било пријавено дека настанал пожар на ул. „Лазар Димитров“, при што бил опожарен објект во сопственост на правно лице. Екипа од противпожарната единица од Скопје го изгаснала пожарот. 

Македонија | пред 6 години

Нападнат полицаец во Охрид, интервенирале поради гласна музика

На 29.08.2019 во 01.30 часот во СВР Охрид биле приведени И.А. и Д.М. поради  физички напад на полициски службеници. На 28.08.2019 во 23.30 часот од СВР Охрид било интервенирано во зграда на ул.,,Сатеска“ поради пријава за гласна музика, при што на сопственикот М.Д. му било посочено да ја намали музиката. Поради  интервенцијата, полициските службеници биле физички нападнати од И.А., Д.М. и К.Д. За настанот е известен и јавен обвинител, а по целосно документирање на случајот ќе следуваат соодветни пријави. 

Македонија | пред 6 години

Нема фотографија

Во с.Јурумлери каменуван автобус на ЈСП

На 28.08.2019 во 23.30 часот во СВР Скопје, И.Ј.(51) од с.Јурумлери, скопско, вработен како возач во ЈСП, пријавил дека автобусот со број 53 бил каменуван  од непознато лице, додека управувал со него во с.Јурумлери на улица ,,1’’. Поради кршење на стаклото во автобусот, на патничката У.Б(50) од с.Јурумлери, ѝ биле нанесени телесни повреди. Увид на местото на настанот извршила екипа од СВР Скопје. Се превземаат мерки за расчистување на случајот.

Скопје | пред 6 години

Со автомобил удрил полициска службеничка

На 28.08.2019 околу 11.50 часот на улица „Ангел Мишев“ во Велес, на крстосницата „Стар мост“, патничко моторно возило марка „опел корса“, управувано од Е.Б.(49) од село Мелница, Чашка, удрило во полициска службеничка од СВР Велес при извршување работни задачи од областа на сообраќајот. Повредената е пренесена во Општа болница Велес, каде ѝ биле констатирани телесни повреди. Увид на местото на настанот извршила екипа од СВР Велес и се превземаат мерки за расчистување на случајот.

Македонија | пред 6 години

Референт во ЈП-ШПС „Галичица“ Охрид издал испратница со повеќе дрвна маса од реалната количина

СВР Охрид поднесе кривична пријава против П.Ј.(57) од с.Белчишта, Дебарца, поради постоење основи на сомнение за сторено кривично дело ,,несовесно работење во службата“. На 27.08.2018 пријавениот, како референт во ЈП-ШПС „Галичица“ Охрид, при премер на опожарена дрвна маса, без претходно решение од надлежна комисија за проценка на квалитет на опожарената дрвна маса, извршил проценка на квалитетот на опожарената дрвна маса според којашто овозможил на Р.И. како купувач да му биде издадена испратница со повеќе дрвна маса од реалната количина, на штета на Буџетот на ЈП „Македонски шуми“. 

Македонија | пред 6 години

Тешко повреден моторциклист - удрил во ограда и паднал на коловозот

На 28.08.2019 во 16.00 часот било пријавено дека на автопатот Демир Капија – Миравци, пред тунелот Јаворица, П.Ј.(27) од Росоман, управувајќи мотоцикл „хонда CBR 954RR“ без регистарски ознаки, удрил во ограда и паднал на коловозот. Во незгодата мотоциклистот се здобил со тешки телесни повреди по што бил пренесен во Општата болница во Гевгелија за укажување на лекарска помош. Извршен бил увид на местото на настанот од екипа од Полициската станица Неготино.

Македонија | пред 6 години

Малолетник од Гевгелија продавал марихуана

СВР Струмица поднесе кривична пријава против 17-годишен малолетник од Гевгелија поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“. На 19.04.2019 во Полициската станица Гевгелија, на Р.Ф. од Гевгелија, малолетникот му продал марихуaна.

Македонија | пред 6 години

Дечињата оставени во автомобилот сместени во згрижувачко семејство

Братчето и сестричката кои синоќа беа оставени во автомобил во скопската населба Ново Лисиче се во стабилна здравствена состојба и веќе се сместени во згрижувачко семејство.Врз основа на доказите следниве денови ќе се одлучува за евентуално одземање на родителско право.За потсетување дечињата на (4) и  (7) години беа пронајдени во автомобил на паркиралиште во скопската населба Ново Лисиче, од страна на минувачи синоќа околу 22:00 часот. Набрзо била повикана полиција која ги скршила стаклата на колата и децата ги пренесле на детската клиника.Наофицијално децата биле од разбедени родители, а тој ден биле на чување кај таткото, кој пак ги оставил да спијат во автомобил, а тој заминал на забава.

Македонија | пред 6 години

СОНК одлучи: Понеделник предупредувачки штрајк, а што потоа дополнително ќе се одлучи

Синдикатот и Министерството за образование не отстапуваат од позициите. Штрајкот на наставниците, кој е предупредувачки, ќе трае само еден ден.Во понеделник на 2 септември наставниците и учениците ќе одат на училиште, но нема да држат настава. Дали децата ќе се примаат во училиштата без да има настава очигледно ќе зависи само од индивидуалните одлуки на директорите од образовните установи. Првиот човек на СОНК ги замолува родителите на трпение. Од синдикатот признаваат дека за нив е важно да не им наштетат на децата, но и покрај тоа, велат дека владата и МОН имаат рок до крајот на септември да ги прифатат нивните барања за подобрување на социјалниот статус. Просветните работници не отстапуваат од своето барање наместо 5 да добијат 25 проценти покачување на платите.Во спротивно следниот штрајк ќе трае многу повеќе.Предупредувачкиот штрајк ќе трае само еден ден. Доколку и до крајот на следниот месец нема значителен напредок на релација СОНК – МОН, ќе се излегува на протест   

Македонија | пред 6 години

Луѓето кои чуваат кучиња се поздрави

Сопствениците на кучиња имаат поздраво срце од другите луѓе поради тоа што често се надвор и се поактивни.-Луѓето што чуваат куче имаат и подобра исхрана и поретко заболуваат од дијабетис, покажуваат резултатите од истражувањето спроведено во Универзитетската болница Света Ана.Во истражувањето биле вклучени 2.000 возрасни лица, при што е оценувано нивното кардиоваскуларно здравје заснована на индексот на телесната маса, нивото на физичка активност, пушачкиот статус, крвниот притисок, шеќерот во крв и холестеролот. Тие се изјасниле и за финансискиот статус, историјата на болести и дали се пушачи.Нивните резултати се рангирани со оценка од нула до 14 од сопственици на кучиња до тие што немаат милениче.-Луѓето кои чуваат куче се физички поактивни, подобро се хранат и имаат нормален крвен притисок, како и шеќер и холестерол, изјави доктор Андреа Могери.Резултатите од истражувањето покажуваат дека 61,8 отсто од сопствениците на кучиња биле во границата на средни и пожелни вредности, а само 47,7 проценти од тие што немале куче. Дури 16,4 отсто од лицата кои не се сопственици на куче имале лоша исхрана, додека процентот кај сопствениците на кучиња е 9,4.Но, истражувањето покажало дека сопствениците на кучиња почесто се пушачи, објави МИА. извор: МИА

Магазин | пред 6 години

(ВИДЕО) Мајката вози, а детето седи на прозорецот од автомобилот излезено до половина

Шокантната снимка вчера беше емитувана на српската ТВ Прва. На снимката се гледа како мајка го вози своето дете, во автомобил, а тоа до половина е излезено низ прозорецот.Ова многу ризично возење е снимено на булеварот во Белград, а авторот на видеото вели дека жената вака го возело своето дете со брзина од околу 50 километри на час.https://twitter.com/Bumblb3e/status/1167009457236324354?ref_src=twsrc%5Etfw%7Ctwcamp%5Etweetembed%7Ctwterm%5E1167009457236324354&ref_url=https%3A%2F%2Fnezavisen.mk%2Fvideo-neodgovorni-roditeli-majkata-vozi-a-deteto-sedi-na-prozorecot-od-avtomobilot%2F

Свет | пред 6 години

Јанева ќе земе плата за август, но нема да добива повеќе пари за кирија

Шефицата на СЈО, Катица Јанева, од септември нема да добива пари за кирија ниту за сметки. А1.он јавува дека Јанева веќе нема да ги добива парите кои ги добивала за оваа намена, но затоа ќе земе цела плата за август.Спред пресметката на платата за месец август, службите од СЈО се консултирале со Управата за јавни приходи од каде што добиле повратна информација дека нема законски пречки и Јанева може да добие цела плата за изминатиот месец. Но, тоа се однесува само на основната плата.Јанева е во притвор за случајот Рекет заедно со Боки13 и Зоки Кичеец.

Македонија | пред 6 години

Прв состанок на Работната група за креирање на рамка за процесот на ветинг во МВР

Денеска се одржа првиот состанок на Работната група формирана од министерот за внатрешни работи по заклучок на Владата на Република Северна Македонија, која има задача да спроведе анализа на тековната состојба, да утврди конкретен модел за спроведување на процесот на проверка (ветинг) на вработените во Министерството за внатрешни работи, односно да изготви предлог - план на мерки, активности и динамика за спроведување на ветингот.Состанокот го отвори и на него присуствуваше министерот за внатрешни работи Оливер Спасовски. Со состанокот модерираше државниот секретар на Министерството за внатрешни работи м-р Магдалена Несторовска.Министерот за внатрешни работи, Оливер Спасовски, ги појасни причините од кои произлезе потребата за овој процес, очекувањата ветингот да биде инклузивен, транспарентен и објективен, како и роковите за извршување на поставената задача од страна на Работната група.Со цел да се обезбеди транспарентност и максимална инклузивност на сите субјекти кои можат да дадат придонес во дефинирање на процесот, Работната група ги  вклучува вработените во МВР, Македонскиот полициски синдикат, претставниците на меѓународни организации (Мисијата на ОБСЕ во Скопје и Амбасада на САД во Скопје), невладиниот сектор и академската јавност. Работата на групата ја предводи и со неа претседава професорот д-р Никола Дујовски, декан на Факултетот за безбедност – Скопје.На состанокот се утврдија насоките за понатамошните активности, со цел воспоставување на соодветна рамка за текот на процесот ветинг на вработените во Министерството за внатрешни работи, која ќе ги опфати сите потребни елементи и принципи за ефикасно спроведување на процесот. 

Македонија | пред 6 години

Да останеш смирен, затоа што тоа е најдобар знак дека си господар на твојот живот!

Да останеш смирен наспроти тоа што твоите планови не се оствариле и тоа што другите се ситат на твојот неуспех.  Да останеш смирен кога ќе почувствуваш дека туѓите зборови не се вистините, затоа што само тие ќе ги чувствуваат последиците на нивните лаги.  Да останеш смирен кога ќе те нападнат со критики, но и кога ти даваат комплименти, затоа што сфаќаш дека тоа се само обични зборови. Најголема животна уметност е да останеш смирен без оглед на тоа што се случува околу тебе. Па дури и кога ќе победиш, затоа што си свесен дека тие победи нема вечно да траат и дека гордоста не го зголемува, туку го скратува твојот мир, објави skopjeinfo.mk.Да останеш смирен и кога ти велат дека на нив можеш да се потпреш и кога се колнат во нивното пријателство, затоа што си свесен дека зборот најчесто се погазува во овој свет.Да останеш смирен и покрај повредите и сплетките од другите, затоа што сфаќаш дека не мораш да прифатиш сѐ што доаѓа од некој друг и дека тоа не мора да влијае на твојот внатрешен свет и дека може да пројде покрај тебе како ветер.Да останеш смирен и покрај раните кои ги добиваш, затоа што од нив ќе станеш посилен. Да научиш да останеш мирен такашто ќе поставиш граници со луѓето и нема да дозволиш да те третираат како будала.Да останеш смирен, затоа што тоа е знак дека си научил да го сакаш својот живот, затоа што каков и да е – твој е.Да останеш смирен, затоа што тоа е најдобар знак дека си господар на твојот живот!Текстот е превземен од skopjeinfo.mk. 

Магазин | пред 6 години

(ФОТО) Што се сличува кога сами си препишувате лекови? - создадовте бактерија отпорна на сите антибиотици

Фејсбук статус:Ова е слика од резултат направен при испитување на урино култура кај одреден пациент. Горе на сликата стои дека е изолирана бактерија Pseudomonas aeruginosa и тоа во голем број. Лево е колоната од 24 различни антибиотици за кои се направени клинички испитувања дека во голем процент ја „убиваат“ оваа бактерија, а десно стојат соодветните одговори на ова индивидуално испитување, на кој антибиотик оваа бактерија е чувствителна, односно кој антибиотик ќе биде препишан за да се искорени бактеријата од уринарниот тракт. На сите 24 антибиотици, оваа бактерија е отпорна.Затоа, оваа слика е наменета за оние пациенти кои при првите симптоми доаѓаат прво во аптека и бараат антибиотик, кога од таму ќе бидат одбиени одат кај докторите „наредувајќи им“ да им препишат антибиотик (еве одберете кој), до оние кои успеале да се снајдат со антибиотик, ја започнале терапијата и кога симптомите се намалиле ја прекинале (така бактеријата сте ја направиле поотпорна и посилна). Слика наменета за родителите кои се лутат кога докторот нема да им препише антибиотик за настинката на нивното дете, за оние кои мислат дека болката во грлото можат и треба да ја решат со трите магични апчиња од 500 милиграми.За сите вас, на сликава е прикажана бактерија отпорна на сите антибиотици, создадена од човекот.https://www.facebook.com/photo.php?fbid=10215379842515947&set=a.10201033461505388&type=3&theater

Македонија | пред 6 години

(ФОТО) Нуркачите во Езерото пронајдоја и перална и правосмукалка

После болјерот и кадата,  казанче од купатило, нуркачите од „Акватек“ го комплетираат цел тоалет., но пронајдоја и уште нешто плус. На дното на Охридското езеро пронајдоа иделови од перална, како и правосмукалка.„Делови од правосмукалка и перална (смукувач и бубањ) лоцирани кај крајбрежјето во близина на Мостот на Желбите, длабочина од 3 метри. Продолжувам со лоцирање и фотографирање на секаков вид отпад. Потоа следува и дислокација на истиот.  Да го заштитиме Охридското Езеро од својот најголем непријател човекот“, напишаа од „Акватек“ на својот официјален ФБ профил.Инаку нуркаците од Акватек, откако ќе ги детектираат отпадоците истите ги отстрануваат од Езерото.Останува само да се подигне свеста на граѓаните, кои непотребните работи од домот треба да ги одложуваат на местата за смет, а не во Охридското Езеро. https://www.facebook.com/AkvatekOhrid/photos/pcb.2277736475657883/2277726872325510/?type=3&theater

Македонија | пред 6 години

На Марија и се потребни 7.000 евра за протеза за раката

Марија Андонова пред седум години, останала со тешкотии во движењето на десната рака, како последица на масивно мозочно крварење. Прстите и дланката и се неподвижни. Ова и предизвикува отежнато самостојното фунционирање. Со цел да се подобри нејзината состојба, потребна е протеза за раката која чини речиси седум илјади евра (430.000 денари), а Марија треба лично да отпатува за Берлин во Клиника за протетика и ортотика.Со оваа направа, животот на Марија ќе и се олесни и ќе може нормално да ги извршува своите обврски.Андонова е дипломиран економист, а веќе неколку години работи како офис-администратор, но во изминатиот период е на боледување.Броеви за донација:Телеком 143 131 и ВИП 143 486 (без префикс)Со секое јавување, се донираат 100 денари.Жиро сметка: 300007043777450 Комерцијална Банка АД Скопје

Македонија | пред 6 години