Почина едно од двете предвреме родени бебиња, се бориме за Искра- донирајте на овие броеви

Едно од двете предвреме родени бебиња во Скопје, малата Ведрана почина. Останува сите да донираме и да и помогнеме на нејзината сестричка Искра, да и дадеме шанса за живот.Ведрана и Искра беа предвреме родени сестри близначки. По 13 дена од нивното раѓање кај Ведрана настанало влошување на состојбата, по направени бројни иследувања се поставила дијагозна – вродена аномалија на дебелото црево ( Dg. Colon Agangionalis ) и сомнение за Цистична фиброза. Индицирана била хирушка интервенција – лапаратомија и истата била реализирана на ден 07.05.2019 година.Родителите и натаму имаат потреба од финансиска помош која може да ја донирате со следните броеви:Телеком: 143144ВИП: 143600Финансиска помош за родителите можете да ја донирате на следната сметка:Број на сметка: 200003447571470Стопанска банкаНазив: Маргарита Блажевска- ХУМАНИТАРНА СМЕТКА.

Македонија | пред 7 години

Општина Центар на купот Св. Георги освои прво место во кошарка

Во рамки на купот Св.  Георги денес во спортската сала „Независна Македонија“ се одиграа финалните кошаркарски натпревари.Учениците од Општина Центар во борбата за првото место убедливо ја победија екипата од Гази Баба, со резултат 61-35. Додека, момчињата од Општина Карпош во пресеметката за второто место го надиграа тимот на Кисела Вода со резултат, 55-33.Пехарите и дипломите на најдобрите им ги подели шефот на кабинет на градоначалникот на Општина Кисела Вода, Горан Петковски.Утре на купот Св. Георги ќе се игра женска одбојка. Воедно, денес во Кисела Вода на шаховската лига за пензионери се одиграа 11, 12 и 13 коло. Лигата ќе заврши во петок. 

Спорт | пред 7 години

Османи: Не сум пресадил коса, иако би сакал

Веќе неколку месеци наназад во медиумите и на социјалните мрежи е актуелна веста дека вицепремиерот Бујар Османи најверојатно бил на пресадување на коса, естетски зафат кој што станува се популарен кај нас. Фотографии од заменик – претседателот на Владата, од типот пред и потоа, каде се прават споредби со неговата постара фризура и со сегашната, редовно можат да се видат на социјалните мрежи.И додека едни тврдат дека Османи пресадил коса, други дека носи надградба или пак перика, „Фокус” реши да ја открие „мистеријата”.Не станува збор за пресадување на коса, иако кога би имал можност, би сакал – се смее вицепремиерот. Имам нов бербер, од Скопје е, задоволен сум од тоа како ми ја средува косата. Станува збор за едноставна работа, единствено косата ми е пуштена подолго, значи потпорасната. Немам комплекси за косата, само новиот бербер се докажа како многу вешт, раскажува Османи.

Македонија | пред 7 години

Стоилковски: СДСМ е симбол за уништување на земјоделството во Македонија

СДСМ е симбол за уништување на земјоделството во Македонија. Во најлошата сезона за земјоделството - владеењето на картелот на Заеви, наместо на помош и вртење кон земјоделците - власта си замина на одмор. И премиерот и министерот, поважни им се фотографии од странство - кој на мотор кој со старлети, од проблемите на земјоделците, истакна Наум Стоилковски, Портпарол на ВМРО-ДПМНЕ.Пари за ресенските овоштари нема, ама има за обезбедувањетo на Заев при неговите лудории во странство. Се сечат јаболкниците, а килограм јаболка чини половина денар! Нема гранка во земјоделството, нема земјоделец чиј што труд не остана на отпад! Ама на Заев поважно му е да вози мотори по соседните држави.Ништо поразлично не е однесување кон земјоделците ниту од ресорниот министер, Љупчо Николовски. Наместо да ги решава проблемите на пример на оризопроизводителите од кочанско, да го решава проблемот со водоснабдувањето на оризовите полиња, тој ја исполнува задачата - да ја анимира, да ја шета кумашинката на Заев. Па така, наместо да се фотографира со оризопроизводителите, кои што ги излажа и им ветуваше дека цената за откуп на арпата ќе биде 25 денари, а белиот ориз 60 денари сега наместо да е со нив, тој низ Европа шета и се фотографира со струмички старлети!Николовски се слика со старлети, Заев се вози со мотори по планини, а оризопроизводителите немаат вода за да ја почнат навремена својата сеидба.Тоа е односот на владата кон производителите на храна. Владата не направи ништо, за барем оваа година да им помогне на земјоделците, наместо за подобрување на откупот и поголеми откупни цени, премиерот и министерот се посветени на шетање.Земјоделието нема да мрдне ниту милиметар, а земјоделците ќе се соочуваат со истите проблеми, се додека оваа ненародна влада на чело со Зоран Заев и на чело со Љупчо Николовски со секторот земјоделство е на власт, истакна Наум Стоилковски, Портпарол на ВМРО-ДПМНЕ.

Македонија | пред 7 години

Арсовски: Додека Заев си тера одмори, министри од владата си тераат екскурзии на државен трошок

Додека Зоран Заев си тера одмори, а другите министри од владата си тераат екскурзии на државен трошок, Тевдовски денеска ги задолжува граѓаните за нови 49 милиони евра. За само 5 месеци СДСМ ја задолжува државата и граѓаните за над 317 милиони евра, истакна Димче Арсовски -   Портпарол на ВМРО-ДПМНЕ.Ова е третина милијарда за само пет месеци. Очигледно нема пилот во авионот. Замислете, освен задолжувања и криминал ништо друго не работи оваа влада на СДСМ.Пробиена психолошката граница од над 5 милијарди, граѓаните секој ден се позадолжени за над 2 милиони евра. 2 милиони евра секој ден ново задолжување во просек директно од Тевдовски и Зоран Заев.Наспроти тоа нема нови капиталните инвестиции, само 6% во првиот квартал, нема нови инвестиции, нема повисоки плати, нема повисоки пензии. Нема ништо од ветувањата од економската политика од пред изборите. Наместо ГУГЛ и ФЕЈСБУК, од странски инвеститори останаа само бизнис партнерите во бизнисот со марихуана на Заеви, а за жал граѓаните тонат во сиромаштија.Очигледно е дека СДСМ не знае да ја управува државата. СДСМ со ваквите политики ја носат државата во провалија. Доказ за тоа е и оставката на почитуваниот нивен советник во финансии, Бранимир Јовановиќ кој на време препозна дека овој брод на СДСМ тоне и избега од министерството за финансии, нејќеше да им ги гледа маките. Самите кадри на СДСМ препознаваат дека Тевдовски и Заев не знаат што прават.Граѓаните се на раб на егзистенција. Од една страна се задолжуваат државата и граѓаните, а од друга страна се покачуваат даноци, акцизи и сите останати режиски трошоци.Апелираме, да прекине задолжувањето уште веднаш! Ова не смее да продолжи, се задолжуваат, а нема ниту еден реален проект.Подготвени се за метла и Тевдовски и Заев и целиот економски тим на Владата.Оваа Влада на СДСМ се покажа како најнеспособна до сега. Затоа, што побрзо си замине, толку подобро за граѓаните, истакна Димче Арсовски -   Портпарол на ВМРО-ДПМНЕ.

Македонија | пред 7 години

ЦИВИЛ бара да се укинат неразумните и прескапи повластици и привилегии на сите функционери

ЦИВИЛ - Центар за слобода бара од законодавната и извршната власт да стават крај на расипништвото и повластиците во кои уживаат функционерите. Почнувајќи од поранешните претседатели, завршувајќи со раководителите на државните агенции и други институции, сите повластици мора да се укинат, односно да се редуцираат до ниво што е прифатливо за една сиромашна земја која се декларира како социјална држава, според Уставот.Бесмислено е да се трошат огромни суми пари за доживотни повластици на поранешните претседатели на државата, без оглед на тоа дали тие биле на висината на својата функција или биле криминалци. Едноставно, нема ниедна логична причина тие доживотно да живеат во раскош на сметка на сиромашните граѓанки и граѓани на Република Северна Македонија.Функционерите во законодавната и извршната власт, а секако и локалната самоуправа, мораат да се откажат од луксузните автомобили, од патните трошоци, од репрезентативните издатоци, прескапи патувања за кои имаат слаби изговори, луксузниот мебел, набавки на уметнички дела за „декорирање“ на нивниот работен простор и сите останати удопства на кои полагаат право врз основа на закони зад кои стојат сомнителни, па и криминални мотиви.Сѐ што е до сега набавено, мора да се продаде, а средствата да бидат наменети за подобрување на образованието, здравството и безбедноста. Наместо локалните шерифи да се возат во автомобили од над 50.000 евра, треба да се набават противпожарни и амбулантни возила, или автобуси за учениците. Наместо да се прејадуваат по ресторани, функционерите мораат да работат на борбата против корупцијата и сиромаштијата во земјата.Апанажите мора да се укинат или да се сведат на минимум. Во оваа земја социјалната помош му се укинува на примателот, ако заработи екстра приход од собирање пластични шишиња во вредност од 300 денари. Неприфатливо е да се креираат, а потоа и до максимум да се користат сите прописи според кои функционерите, практично, не мораат во ниеден момент да посегнат по својот џеб. Секоја чест на исклучоците за кои знаеме дека ги има и чесно и одговорно се однесуваат кон јавните ресурси. Но, поединечните добри примери меѓу функционерите не се доволни!ЦИВИЛ бара да се ревидираат сите законски регулативи според кои им се даваат прекумерни повластици и на актуелните и на функционерите во заминување. Во време кога ни умираат деца поради лошото здравство, кога младите во огромен процент се функционално неписмени, кога луѓе гладуваат и се мрзнат по своите домови, не може да се трошат 165.000 евра годишно за некого, па нека е тоа и поранешен претседател.ЦИВИЛ бара воведување стандарди според кои набавките ќе бидат не само транспарентни, туку и рационални! Возилата не смеат да бидат луксузни, ни во голем број, туку да одговараат на практичните потреби на институциите и луѓето што ги раководат. Истото се однесува на сите останати аспекти од нивното трошење.Доколку властите не почнат итна постапка за корекција на законските регулативи според кои се трошат вртоглави суми пари за повластици на функционерите, граѓанките и граѓаните треба да го искористат и своето право на протест.    

Македонија | пред 7 години

Со лажна диплома за лаборант се стекнала со 140.000 денари

СВР Битола поднесе кривична пријава против лицата M.М.(43) од Битола поради постоење основи на сомнение за сторено кривично дело „употреба на исправа со невистинита содржина“, против Д.М.(40) од Битола поради постоење основи на сомнение за сторено кривично дело „употреба на исправа со невистинита содржина“ и „злоупотреба на службената положба и овластување“ и против приватна фирма поради постоење основи на сомнение за сторено кривично дело „употреба на исправа со невистинита содржина“.На 09.10.2018 година второпријавениот, како член на одборот на директори на третопријавеното правно лице му издал потврда со невистинита содржина дека првопријавената претходно била вработена како лаборант во правното лице. По ова, М.М. потврдата ја приложила во документацијата која ја доставила до Биотехничкиот факултет во Битола, а по објавен конкурс за вработување како лаборант.На овој начин таа се стекнала со противправна имотна корист од 140.000 денари.

Македонија | пред 7 години

Во автомобил пронајдени куршуми од различен калибар

Надворешната канцеларија за криминалитички работи Кичево поднесе кривична пријава против Д.А.(23) од село Визбегово, скопско, поради постоење основи на сомнение за сторено кривично дело „недозволено изработување држење, посредување и тргување со оружје или распрскувачки материи“.На 09.05.2019 година околу 14.40 на магистралниот пат Кичево-Гостивар полициски службеници при преглед на патничко возило „Сеат Ибица“, управувано од А.И.(19) од Скопје, во кое како сопатник бил Д.А. пронашле 100 куршуми калибар 38 мм, 200 куршуми калибар 7,65 мм, 150 куршуми калибар 7,62 мм и 162 куршуми калибар 9 мм.

Македонија | пред 7 години

Ученик од Охрид конзумирал дрога, за време на настава му се слошило - била побарана лекарска помош

СВР Охрид поднесе кривична пријава против Б.А.(22) од Охрид поради постоење основи на сомнение за сторено кривично дело “неовластено производство и пуштање во промет на наркотични дроги, психотропни супстанци и прекурзори“.На 16.11.2018 година во Охрид, ученик во ОЕМУЦ на друг ученик му дал да конзумира рачно изработена цигара, која претходно ја набавил од пријавениот.По ова, двајцата се вратиле на настава, по што на ученикот што ја конзумирал дрогата му се слошило и била побарана лекарска помош.

Македонија | пред 7 години

Нема фотографија

Кај кумановец пронајдени хероин и марихуана

СВР Куманово поднесе кривична пријава против Д.Ц.(35) од Куманово поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.На 07.11.2018 година во Куманово полициски службеници извршиле преглед над В.Т. од Куманово, при што пронашле и одзеле хероин и марихуана што претходно ги набавил од пријавениот.

Македонија | пред 7 години

Разбојништво во трговски центар во Кочани – украдени пари, клучеви од патничко возило и лични документи

Надворешната канцеларија за криминалитички работи Кочани поднесе кривична пријава против Р.Џ.(21), Б.Р.(23) и Ш.А.(20), сите од Кочани, поради постоење основи на сомнение за сторено кривично дело „разбојништво“.На 11.05.2019 година околу 06.00 часот во Градскиот трговски центар во Koчани пријавените со употреба на физичка сила од оштетениот З.Л.(48) од село Спанчево, кочанско, одзеле пари, клучеви од патничко возило и лични документи.

Македонија | пред 7 години

Кривична за жители на Крива Паланка – го оштетиле буџетот на државава за 10.372.580 ден

Надворешната канцеларија за криминалитички работи Крива Паланка, до Основното јавно обвинителство Крива Паланка, поднесе кривична пријава против М.М. (69) од Крива Паланка и С.Р.(62) од Крива Паланка поради постоење основи на сомнение за сторено кривично дело „злоупотреба на службена положба и овластување“ како и против П.В.(68) од Крива Паланка и неговата приватна фирма поради постоење основи на сомнение за сторено кривично дело „бесправно градење“.Во периодот од 2011 до 2016 година, М.М. – директор на СОУ „Ѓорче Петров“ од Крива Паланка, без да обезбеди одобрение за градба, согласност и потребна техничка документација од општина Крива Паланка, склучил повеќе договори за изведување на градежни работи во СОУ„Ѓорче Петров“ со избраниот најповолен понудувач, приватната фирма, сопственост на пријавениот П.В. Управителот П.В., како изведувач склучил договори за вршење на стручен надзор со С.Р. – управител на приватна фирма за  проектирање и инженеринг.На тој начин М.М. на П.В., на неговата фирма и на С.Р. им овозможил да се стекнат со противправна имотна корист на штета на Буџетот на Република Северна Македонија во вкупен износ од 10.372.580 денари.

Македонија | пред 7 години

Претепан ученик во училишна спортската сала

На 13.05.2019 година во 15.12 часот во СВР Скопје од Ургентен центар при комплексот клиники „Мајка Тереза“ било пријавено дека кај нив бил донесен повреден 13-годишен ученик од основното училиште „Петар Здравковски Пенко“ во Чаир.По преземени мерки било утврдено дека во спортската сала во училиштето ученикот бил физички нападнат од повеќе ученици од истото училиште.Се преземаат мерки за расчистување на случајот.

Скопје | пред 7 години

Со шипка удирал по патничко, па се заканувал со пиштол

На 13.05.2019 година околу 13.30 часот било пријавено дека во село Росоман бил нарушен јавниот ред и мир со физичка пресметка помеѓу Д.С.(24) од Скопје и М.Н.(39) од Градско. Според пријавата, во еден момент М.Н. со шипка почнал да удира по патничкото возило „Сеат Леон“, сопственост на Д.С., во кое биле и И.Д.(23) и П.И.(23), двајцата од Скопје.Притоа Д.С. со пиштол му се заканил на М.Н. По преземени мерки, двајцата биле приведени во Полициската станица Кавадарци за понатамошна постапка. Се преземаат мерки за расчистување на настанот.

Македонија | пред 7 години

Нападнати лиценцирани рибочувари

На 13.05.2019 година во 11.10 часот во Полициската станица Ресен, Н.С.(61) од Ресен пријавил дека на 12.05.2019 година околу 23.00 часот тој и М.Т., двајцата вработени како лиценцирани рибочувари, на местото викано „Пиргон“, физички биле нападнати од страна на лицата С.Н. и Г.Н двајцата од Ресен.Се преземаат мерки за расчистување на случајот.

Македонија | пред 7 години

Искрешена спомен плочата за загинатите војници кај Карпалак

Искршена и искорната е спомен плочата за загинатите војници во масакрот кај Карпалак.Фотографиите кои граѓани ги објави порталот Лидер, покажуваат дека малата спомен плоча поставена на банкината од Автопатот Скопје – Тетово, е извадена и веќе не е единствен потсетник за масакрот. Оваа плоча беше единствен потсетник за масакрот кај Карпалак, кој е најброен масакр врз војници во воениот конфликт во 2001 година.

Македонија | пред 7 години

Битолчанка го обљубувала својот малолетен син

Педесетидвегодишен битолчанец вчера пријавил дека наводно во текот на 2018 година се до март 2019 година, во повеќе наврати, неговата поранешна сопруга извршила обљуба и други полови дејствија врз нивниот малолетен син.За настанот бил известен Јавен обвинител и се преземаат мерки за целосно расчистување на случајот. 

Македонија | пред 7 години

Охридскиот аеродром - рангиран во најдобрите три во Европа

Аеродромот „Св. Апостол Павле“ во Охрид е рангиран во најдобрите трите аеродроми во Европа што постигнале највисок раст во првиот квартал од 2019 година, во групата аеродроми со под пет милиони патници годишно.Според Меѓународниот совет на аеродроми (ACI), охридскиот аеродром бележи 63.9 проценти пораст на патничкиот сообраќај во првиот квартал од 2019 година, а 96,9 отсто пораст на патничкиот сообраќај во март 2019, споредено со март 2018 година. Во категоријата аеродроми со помалку од пет милиони патници годишно, поголем раст бележат само италијанскиот аеродром во Таранто и грузискиот аеродром во Кутаиси .Споредено со просечниот пораст на патничкиот сообраќај на европските аеродроми од 4,4 отсто, порастот на аеродромот во Охрид е поголем за 60 проценти. Со стапка на раст од 5,6 отсто во првото тримесечје од 2019 година, Меѓународниот аеродром Скопје, исто така во првиот квартал од 2019 бележи повисок просек од оној низ Европа.„ТАВ Македонија“ ја заврши 2018 година со вкупно 2,3 милиони патници на двата аеродрома, што претставува 16 процентен годишен пораст, и со реализирани 19.750 летови односно деветпроцентен годишен пораст.Извор: МИА 

Македонија | пред 7 години

Централизација на бизнисите со стерилизацијата во здравствените установи

Министерот Венко Филипче подготвува централизација на бизнисите со стерилизацијата во здравствените установи. Кој ќе го превземе овој бизнис?Во моментов во министерството за здравство е активен тендерот за стерилизација во здравствените установи, но она што е сега интересно тој е под нови услови, односно наместо секоја здравствена установа посебно да ангажира сервисна компанија за стерилизација, министерот Филипче објавува тендер кој ќе го добие една фирма и ќе ги опслужува сите здравствени установи во државата, објави lider.com.mk.По кратката анализа која ја направи „Економски Лидер“, разговарајќи со луѓе од фелата, една стерилизација на инструменти во моментов чини 500 денари, а со новиот тендер преку централизацијата ќе чини најмалку 2500 денари, а како што велат соговорници на lider.com.mk, можно е да биде и поскапо.Текстот во целост на: lider.com.mk

Македонија | пред 7 години

ГДУ: Кога веќе се најавува „метлата“, ние предлагаме да се почне со „метење“ во јавната администрација

Над 780 илјади евра месечно се исплаќаат на вработените по Рамковниот договор. Повеќе од 1600 лица земаат плата поголема од 450 евра, седејќи дома, во оваа држава или во странство. Администрацијата ни е неефикасна и полна со фиктивно вработени. Операцијата за „активирање“ на лицата кои беа вработени по Рамковниот договор и кои со години земаа плата, а не одеа на работа остана само најава, велат од ГДУГДУ постојано укажува на тоа дека е потребно деполитизирање но и професионализирање на јавната администрација. Го потсетувавме и вицепремиерот Хазби Лика на Законот - „три дена ако не се појавиш на работно место без образложение, автоматски добиваш отказ“. Според правилата во европските држави за исплаќање на лажни плати и за непочитување на закони има одговорност. Но кај нас немаше ниту одговорност, ниту се вложија напори за вистински реформи.Па сега кога веќе се најавува „метлата“, ние предлагаме да се почне со „метење“ во јавната администрација. Прво да се реши проблемот кој со години се провлекува. За почеток „заметувањето“ да биде во делот со најпривилегираните административци, а потоа метлата да го фати и вицепремиерот Лика, кој исто така не одеше на работа, а и со години се крие од јавноста без да даде одговор дали вака ги следи европските правила.Реформите во администрацијата се неминовни, не заради ЕУ, пред се заради самите нас, а потоа за Брисел . Патот води од зајакнување на капацитетот на институциите па до персонално подигнување на стандардите на административците.Премиере Заев, дел од администрацијата сѐ уште пие кафенце нога преку нога, што би рекле вие „хахаха-хихихи и ајде по кафичите“. Камшикот што го спомнавте не го видовме, ајде да ја видиме метлата, ако сакаме да ја видиме Европа, велат од ГДУ.

Македонија | пред 7 години

(ФОТО) Запленети девизи, лекови, козметика, возила, санитарни производи и хелиумски балони

Во текот на минатите три недели, царинските службеници открија повеќе обиди за криумчарење разна стока, при што привремено се задржани девизи, лекови, козметика, патничко возило, полуприколка, санитарни производи и балони.Девизи– 11.250 евра, откриени на Интернационалниот Аеродром Скопје, при контрола на багажот и личен претрес на македонски државјанин, кој имал намера да отпатува со лет за Варшава. Во плик, пронајден во ташната на патникот, биле откриени 13.250 евра за кои не поседувал документ за потекло. Согласно законските прописи, на патникот му биле вратени 2.000 евра, износ што резидент може слободно да го изнесе од државата, а за сторениот девизен прекршок ќе биде поведена прекршочна постапка.Лекови– 2.950 таблети Tagretol од 200 mg и Trileptal од 600 mg, откриени при контрола на македонски автомобил, управуван од македонски државјанин, пријавен за влез во државата на граничниот премин Богородица. Непријавените лекови, за кои е потребна посебна дозвола за увоз во државата, биле пронајдени во 3 кеси сместени под возачкото и совозачкото седиште на возилото. Истите се привремено задржани, а против возачот ќе биде поведена соодветна постапка.Возила– 1 патничко возило со швајцарски таблички, марка PEUGEOT 206, откриено при обид за излез од државата на граничниот премин Јажинце. Возачот, македонски државјанин кој не поседувал швајцарски документи, изјавил дека сопственикот на возилото е надвор од царинското подрачје на Република Северна Македонија. Со таквата постапка возачот направил царински прекршок, поради што против него ќе биде поведена прекршочна постапка.– 1 товарна полуприколка со бункер, откриена при контрола на македонски камион, управуван од македонски државјанин, пријавен за влез во државата на граничниот премин Богородица. Бункерот бил откриен во подот по целата должина на приколката. Согласно законските одредби, приколката е привремено задржана, а против возачот ќе биде поведена соодветна постапка.Санитарни производи, ламинати и балони– 4.500 хелиумски балони, откриени при контрола на српски автомобил, управуван од српски државјанин, пријавен за влез во државата на граничниот премин Богородица. Непријавените балони, пронајдени под седиштата и во багажниотпростор на возилото, се привремено задржани, а против возачот е поднесено барање за поведување прекршочна постапка.– поголема количина кади со џакузи, стакла за туш кабини, капаци за WC школки и лајсни и фолии за ламинатни подови, откриени при контрола на стока со потекло од Турција, наменета за увозник од Струга, пријавена за увозно царинење во царинската испостава Струга. Непријавените производи, кои не биле опфатени со царинските документи, се привремено задржани, а против увозникот ќе биде поведена соодветна постапка.Козметика– 690 парчиња разни козметички препарати (креми, тоници, пудри и регенератори за лице, креми за раце, балзам за после бричење, кармини и римел) и 440 тестери од парфеми, откриени при контрола на бугарски влекач, управуван од македонски државјанин, пријавен за влез во државата на граничниот премин Ново Село. Непријавените производи, пронајдени во кабината позади совозачкото седиште, се привремено задржани, а против возачот ќе биде поведена соодветна постапка. 

Македонија | пред 7 години

Струга ќе ја изгуби најстарата и најавтентичната куќа во струшката чаршија, надлежните молчат

Еден од сопствениците на стара семејна куќа во чаршијата во Струга, познатиот адвокат Глигор Ќато, на својот ФБ профил објави фотографии од куќата, која се наоѓа во очајна состојба. Тој бара да добие пристап до неа за да спречи натамочно руинирање на еден од најстарите и автентични објекти во во старата струшка чаршија.„Почитувани како сопственик на 1/4 идеален дел од оваа куќа ми претставува обврска да се обратам. Оваа е куќа е најстарата и најавтентичната куќа во струшката чаршија. Истата е во состојба како што можете да ја видите на сликите. Се бројат деновите, односно месеците кога чардакот од оваа куќа ќе се сруши. Доколку тоа се случи Струга најверојатно ќе ја изгуби најстарата и најавтентичната куќа во струшката чаршија и со тоа и нејзино културно богатство. Дополнително, она што најмногу ме плаши и фактот што самата куќа претставува опасност по животот на пешаците во чаршијата. Огромна е веројатноста денот кога ќе се сруши чардакот дел од граѓата да падне врз некој од пешаците и со тоа да настанат повреди опасни по живот.Мене не ми се дозволува пристап во куќата од страна на жената која живее таму и во моментот имам поведено судска постапка со цел пристап во куќата и со тоа пристап до местото каде треба да се санира куќата.За оваа ситуација известена е и надлежната Komuna e Strugës / Општина Струга / Municipality of Struga со слики од терен притоа наведувајќи дека ситуацијата е критична, а опасноста по животот на луѓето кои поминуваат по струшката чаршија од ден на ден е се поголема.Известен е и НУ Завод за заштита на спомениците на култура и Музеј -Охрид како надлежен орган за заштита на културните добра.Сакам да Ве известам дека ниту еден од надлежните органи нема превземено никаков чекор ниту во заштита на културната вредност на самата куќа, а што е најважно ниту во заштита на здравјето и животот на пешаците кои минуваат покрај оваа куќа.Како индивидуалец ми останува да постапам како што постапив. Поставив импровизирана ограда која би требало да го изолира местото каде би можело да се сруши чардакот. Поставив и писмени предупредувања со напомена до пешаците да не се приближуваат до куќата. Во меѓувреме надевајќи се дека нема да се случи некој трагичен настан очекувам разврска во судската постапка и конечно реакција од надлежните органи“, напиша Ќато на ФБ.

Македонија | пред 7 години

Поднесено обвинение за обид за разбојништво и силување во Струга

Основното јавно обвинителство Струга поднесен Обвинителен акт против две лица кои се товарат дека како соизвршители се обиделе да извршат кривични дела – Разбојништво од член 237 став 1  и Силување од член 186 став 1 од Кривичниот законик.Настанот се случил на 31 декември 2018 година  кога обвинетите, од кои едниот е државјанин на Република Албанија, влегле во обложувалница во Струга. Тие најпрвин чекале да заминат другите гости од објектот, по што физички нападнале вработена во обложувалницата, обидувајќи се да извршат силување и да и го одземат клучот од касата. Оштетената силно се спротивставила и успеала да се оттргне од двајцата напаѓачи. Поради силното викање на оштетената тие побегнале од местото на настанот и не успеале во обидот.Против обвинетиот 46-годишен македонски државјанин се води постапка и од Основното јавно обвинителство Гостивар, кое го гони за кривично дело – Убиство од член 123 став 1 од Кривичниот законик. Осомничениот тоа делото го извршил на 29 декември 2018 година, кога со умисла од живот го лишил оштетениот – сопственик на угостителски објект во Кичево, нанесувајќи му убодни рани во пределот на градниот кош. 

пред 7 години

Надлежните контрибуираат во изработката на Планот за сливот на Охридско Езеро

Во рамките на изработката на Планот за управување со сливот на Охридско Езеро денес во Охрид се одржаа средби со институции, кластери, невладини организации. На средбите преставниците на интересентите ги изразија своите гледишта околу главните проблеми, идеите за решавање и финансиските и туристичките импликации од преземањето на мерки за решавање. Планот за управување со сливот на Охридско Езеро е наменет да биде билатерален мастер план кој ќе ја детерминира иднината на охридскиот регион во контекст на заштита и управување со водите, но и како социо економски контекст за развојот на туризмот и економските бенефити.Планот се изработува со финансиска поддршка од ГЕФ Драмскиот Проект.

Македонија | пред 7 години

(Видео) Хрватски хирурзи успешно изведоа комплицирана операција - раздвоија сијамски близначки

Сијамските близначки Валентина и Кристина од Загреб, успешно беа одвоени по 15 часовна операција, што е историски успех. Родителите Марија и Петар, се одлучиле за ваков чекор, и не се откажуваа од близначките.Зафатот се изведе во Клиничко-болничкиот центар „Ребро“ во Загреб. Операцијата ја излеве 14 лекари.Валентина и Кристина се родени споени во долниот дел од градниот кош и имале  заеднички црн дроб и црева. Нивното одделување, според лекарите, било една од најкомплицираните медицински процедури. За само два месеца од операцијата, девојчињата добро напредуваат – нивната тежина е двојно зголемена.

Магазин | пред 7 години