Очекувам Груевски да обајви книга за неговото "храбро" бегство, вели Ременски

Денес истекуваат 6-те месеци неоправдано отсуство од работата на Собранието на пратеникот азилант Никола Груевски, напиша пратеничката Фросина Ременски."Пред сериозен тест и одговорност на сите пратеници е спроведувањето на процедурата за одземање на мандатот со 80 гласа “за”.Пред сериозен тест е Обвинителството и Врховниот суд – ОЈО да даде одговор за истрагата за бегството, а Врховен суд да одолее да не ја укине пресудата за затворската казна.Во меѓувреме, бидејќи се распишал азилантот очекувам да објави книга за неговото “храбро” бегство, како лекција – модус операнди за криминалистите, а роман за сите останати … “-напиша Ременски.

Македонија | пред 7 години

(ФОТО) Комбе удри во авионот на Меркел

Комбе марка „рено“, без возач, се заби во авионот на германската канцеларка, Ангела Меркел, пренесуваат германските медиуми. Според пишувањето на весникот „Билд“, пред инцидентот канцеларката седела во комбито на аеродромот во Дортмунд и разговарала со жената којашто го возела. Се претпоставува дека од преголема возбуда од средбата со Меркел, жената по излегувањето заборавила да го закочи.За кратко, возилото што останало на аеродромот, тргнало и удрило во предниот дел на владиниот авион.Леталото е оштетено, но нема повредени. Се очекува Меркел да се врати во престолнината со хеликоптер.

Свет | пред 7 години

Општина Аеродром ги обновува спортските игралишта

Општина Аеродром деновиве врши поправка и обновување на реквизитите на сите спортски игралишта, вклучително и на оние во рамките на основните училишта.„Се поправаат и се обновуваат кошевите, а на спортското игралиште во непосредна близина на градинката „Лале“ во населбата Јане Сандански се поставени стаклени табли и зглобни обрачи.Овие активности продолжуваат и во наредниот период на целата територија на Општината“, се вели во соопштението.

Скопје | пред 7 години

Зендели: Отсуството на Заев и Мицкоски на инаугурацијата го гледам како пропуст

Пратеникот Фадил Зендели, на отсуството на премиерот Зоран Заев и лидерот на опозициската ВМРО-ДПМНЕ на инаугурацијата на претседателот на државата, гледа како пропуст. Исто така тој додаде дека требало да бидат поканети и Силјановска, Река, Касами.„Беше место премиерот да бида на инаугурацијата на претседателот на државата. Го гледам како пропуст неговото отсуство од една таква церемонија каде што имавме гости, претседатели на држави од соседните земји, а премиерот на државата го нема. Пропуст секако е и да не биде лидерот на опозицијата, без разлика каква била праксата во Собранието. Требаше да бидат поканети Силјановска, Река, Касами. Сите тие беа актери во целиот претседателски процес“, истакна Зендели.

Македонија | пред 7 години

Анѓушев за „метлата“ на Заев: Комлетно сум релаксиран од тоа прашање

Вицепремиерот задолжен за економски прашања Кочо Анѓушев вели дека е релаксиран кога станува збор за најавената „метла“ од страна на премиерот„Мислам дека тоа прашање е во ингеренции на премиерот и не би си земал слобода да го дискутирам. Несериозно е од кој било друг да дава одговор на тоа прашање. Чест е да се биде дел од Владата, но исто така е и напор. Јас можам слободно да ви кажам дека сите тие кои заземаат државни функции треба да бидат свесни дека еден ден ќе ги напуштат. Јас комлетно сум релаксиран од тоа прашање и тоа е исклучиво во ингеренциите на премиерот“ изјави вицепремиерот Анѓушев.

Македонија | пред 7 години

Уапсена 31-годишна жена од Полска која продавала марихуана

Против 31-годишната М.Р. од Полска, која престојувала во Куманово, полицијата поднесе кривична пријава за неовластено производство и пуштање во промет на наркотични дроги, психотропни супстанци и прекурсори.Од полицијата соопштија дека на 10 мај годинава полициски службеници извршиле претрес во домот каде живеела пријавената, при што пронашле и одзеле марихуна, мешавина од тутун и марихуана и повеќе предмети со остатоци од марихуана.

Македонија | пред 7 години

Нема фотографија

Трговците од денеска сами ги определуваат цените на горивата

Трговците со нафтени деривати од денеска сами можат да ги определат малопродажните цени на горивата.Новите цени граѓаните ќе ги дознаваат на бензиските пумпи. Договорот со Хеленик петролеум, според кој Регулаторната комисија ги утврдуваше цените на дериватите истече, а новата регулатива по која во иднина ќе треба да се одредуваат цените заглави во собраниските лавиринти.Трговците најмалку една недела самите ќе ја одредуваат малопродажната цена.

Македонија | пред 7 години

Владата ќе одлучува за формирање на Совет за борба против перење пари и финансирање на тероризам

Владата на Република Македонија денеска ќе ја одржи својата редовна 135 седница со повеќе точки на дневен ред од својата програма за работа и од интерес на граѓаните.На оваа седница на предлог на Министерството за финансии и на Управата за финансиско разузнавање ќе се разгледа Предлог – одлуката за формирање на Совет за борба против перење пари и финансирање на тероризам.На денешната седница на дневниот ред на Владата на РМ ќе се најде и Информацијата за електронско поврзување на 76 матични подрачја со електронскиот матичен регистар на Управа за водење на матични книги и план за целосна дигитализација на регистрите во Управата.Министрите во владата денеска треба да се произнесат и за Предлог - Националната програма за координација и преземање на ефективни мерки за надзор на пазарот за 2019 и 2020 година, со Акциски план.Министерството за внатрешни работи за денешната седница ја предложи Информацијата за прогресот во модернизација на ИТ системи во Министерството за внатрешни работи, како предуслов за размена на веб сервиси.Министерството за здравство ќе ги презентира Информацијата за прогресот на активности во реализација на акцискиот план за проектот - Фузионирање на здравствени домови со општи болници во општините каде тоа е потребно, и Информацијата за прогресот на активности во реализација на проектот „Служби за помош и поддршка на стари лица Домашна посета и Домашен лекар“.На денешната седница ќе се најде и Информацијата за реализација на активностите од Националната стратегија за развој на пенитенцијарниот систем во Република Македонија (2015-2019) во 2018 година, на предлог на Министерството за правда.

Македонија | пред 7 години

Минов: Пендаровски спомна дека ќе го афирмира политичкиот дијалог, но тоа е тешко да го реализираш

Пратеникот на ГРОМ, Панчо Минов во синоќешното гостување на „24 Тренд анализа“, даде свој став околу целокупната организација и наугурација на новиот претседател Стево Пендаровски.„Вршење на функцијата во интерес на сите граѓани одамна го кажа Пендаровски. Тој меѓу првите приоритети спомна дека ќе го афирмира политичкиот дијалог. Тоа е многу лесно да се каже, но е ѓаволски тешко да го реализираш посебно на наш терен“, истакна Минов.

Македонија | пред 7 години

Се судрија два хидроавиона на Алјаска, загинаа најмалку пет лица

Пет лица загинаа, а едно се води како исчезнато на Алјаска, во судир на два хидроавиона, кои превезувале туристи од крстарење, соопштија властите и компанијата која го организирала летот.Двете летала, хидроавионите „Бивер“ и „Отер“, превезувале 16 патници од бродот „Ројал принцес“ на компанијата „Принсес Круисес“, која организира патувања.  Се судрија во лет од непозната причина околу 13:00 часот (23:00 часот по средно-европско време) во близина на Кечикан, во американската сојзуна држава Алјаска, на Арктикот.Според  „Принцес Круисес“, во несреќата загинале четири патници и пилот. Десет лица преживеале и пружена им е медицинска помош на местото на несреќата, додаде компанијата.Американската крајбрежна стража ја потврди смртта на три лица и најави дека другите тројца се водат за исчезнати. Во потрагата се вклучени хеликоптери и бродови.

Свет | пред 7 години

Кај Плетвар автомобил се преврте на кров

Пред каменоломот на Плетвар стои превртено возило. Полицијата е веќе на терен, јави ФБ страната „Ѕид на сообраќајниот срам“.Засега не се знае дали има жртви или повредени и како дошло до несреќата. 

Македонија | пред 7 години

Скопјанец каснат од куче скитник

На 13.05.2019 година во 12.50 часот во Полициската станица Аеродром, Љ.М.(49) од Скопје пријавил дека на 12.05.2019 година во 20.00 часот на ул.„Партение Зографски“ бил каснат од куче скитник во пределот на десната потколеница.

Скопје | пред 7 години

Приведен Турчин кој илегално престојувал во земјава

На 13.05.2019 година во 23.10 часот во Полициската станица Гостивар бил приведен Џ.Џ.(24) од Република Турција, кој непријавено престојувал во земјава и непоседувал документи за идентификација.Тој бил задржан за натамошна постапка.

Македонија | пред 7 години

„Пежо“ излета од патот, возачот тешко повреден

На 13.05.2019 година во 12.00 часот на регионалниот пат с.Јажинце-Тетово, во с.Беловиште, Б.Ј.(45) од с.Рогачево, управувајќи патничко возило „Пежо“ со тетовски регистарски ознаки, изгубил контрола и излетал од патот.Б.Ј. се здобил со тешки телесни повреди и со возило на Итна медицинска помош бил пренесен во Клиничкиот центар Тетово, но поради сериозноста на повредите бил препратен во Градската општа болница „8-ми Септември“ во Скопје. Увид извршила екипа на СВР Тетово. 

Македонија | пред 7 години

Тетовец се забил во карпа и завршил во болница

На 13.05.2019 годинa во 16.00 часот на регионалниот пат Скопје-Тетово, патничко возило „Ровер“ со тетовски регистарски ознаки, управувано од А.К.(39) од Тетово, удрило во карпест брег покрај патот.А.К. се здобил со тешки телесни повреди и бил пренесен болницата во Тетово, каде му била укажана лекарска помош и бил задржан на лекување.  Увид извршила екипа од СВР Скопје.

Македонија | пред 7 години

(ФОТО) Уништена спомен плочата кај Карпалак

Искршена и искорната е спомен плочата за загинатите војници во масакрот кај Карпалак кој се случи за време на конфликтот во 2001, пишува Лидер.Фотографиите кои граѓани ги доставија до редакцијата на Лидер, покажуваат дека малата спомен плоча поставена на банкината од Автопатот Скопје – Тетово, е извадена и веќе не е единствен потсетник за масакрот.

Македонија | пред 7 години

Вонредна состојба во Бања Лука, наставата во прекин, поплавени куќи

Градоначалникот на Бања Лука, Игор Радојичиќ доцна синоќа прогласи вонредна состојба во дел на градот, во населбите долж водотекот Врбање и по течението на реката до Врбас.Утринава ситуацијата е подобра, во однос на падот на водотеците и повлекувањето на водите во областите каде што имаше поплави по вчерашното невреме. Како една од превентивните мерки кои се преземаат во Бања Лука, денеска училиштата и детските градинки не работат.Во текот на минатата ноќ, беа ангажирани комплетниот состав на цивилната заштита и сета расположлива техничка опрема за да се одбранат критичните точки на водотеците.Обилните дождови вчера предизвикаа поплави во северозападниот дел на Република Српска, а кај Бања Лука дојде до излевање на едно вештачко езеро.

Свет | пред 7 години

Силјановска: Моите бројки покажуваат дека за мене гласале повеќе од 100.000 Македонци

Професорката, Гордана Силјановска, која изгуби на претседателските избори од нејзиниот противкандидат, Стево Пендаровски, вели дека за неа гласале околу 100.000 Македонци повеќе отколку за консензуалниот кандидат на СДСМ и ДУИ.-Моите бројки покажуваат дека за мене гласале повеќе од 100.000 Македонци од противкандидатот, тоа не не води кон обединување туку поделба – рече Силјановска во интервју за „Алфа ТВ“, зборувајќи за поделбите меѓу гласачите Македонци и Албанци.Таа раскажува и што прво помислила која пребројувањето на гласовите покажало извесна победа за Пендаровски.-Очекував одлука од самите граѓани, во што и јас длабоко верував и се повикував, дека не им се обраќам на партиите, иако Македонија живее време на партитократија, а не демократија. Пред крајот на затворањето на гласањето заклучокот ми беше дека сепак македонскиот свет не се сменил, дека во последните неколку саати одлуката ја донеле партиите, а не граѓаните. Нелогично е над 90 отсто луѓе во една општина, во која претходно гласале за Река, сега одеднаш да го сменат мислењето. Очекував промени, не е сменет начинот на одлучувањето, мислам дека во таквиот начин на гласање имаше удел и зборот на религиозни лидери, што е уште почудно за една секуларна држава – рече таа.

Македонија | пред 7 години

Нема фотографија

Наградата „Златен објектив” ја добија Димитар Грбевски и Елена Дончева

Овогодинешни добитници на наградата „Златен објектив” за 2019 година, која Кинотеката на Северна Македонија ја доделува за исклучителен придонес во македонската кинематографија се филмските работници Димитар Грбевски, монтажер и Елена Дончева, костимограф.Наградата ќе им биде врачена на 16 мај во 12:00 ч. во киносалата на Кинотеката.„Златен објектив“ се доделува по повод роденденотна Кинотеката како признание на поединци кои со своето професионално делување придонеле македонската кинематографија да се создаде, развива, промовира и популаризира. Досегашни добитници на оваа награда беа режисерите Бранко Гапо, Трајче Попов и Кирил Ценевски, тонскиот снимател Глигор Паковски, аниматорот и карикатурист Дарко Марковиќ, директорите на фотографија Драган Салковски, Љубе Петковски и Благоја Дрнков, филмскиот работник Коста Крпач, продуцентот Панта Мижимаков и историчарката и критичарката на филмот Илинденка Петрушева

Магазин | пред 7 години

Нема фотографија

Ако ние масовно се иселуваме, кој се доселува во земјава?

Секоја година во земјава се доселуваат по неколку илјади луѓе, покажуваат податоците на Државниот завод за статистика. Дел од нив се македонски државјани кои се враќаат во матичната земја, дел се странци со привремен престој и странци со продолжен престој. Се доселуваат луѓе од регионот, но и од други држави, објави faktor.mk.Луѓето се доселуваат по основ на склучување на брак, школување, работа, семејни врски и слично.Македонија се соочува со иселување на населението, а пописот кој ќе се одржи следната година ќе даде детална слика за тоа колку жители има во земјата.Текстот во целост на: faktor.mk

Македонија | пред 7 години

(ФОТО) Официјалната веб страна на претседателот е во изработка

На официјалната веб страна на претседателот на државата пишува дека истата е во изработка, но исто така стои и името на новиот претседател.Вчера на веб страната стоеше старото име на државата и стариот претседател. По написите во медиумите, администраторите ги прават неопходните чекори за да го обноват сајтот.Со ова на страната на претседателот стои новото уставно име на државата, со оглед на тоа што Иванов одбиваше да го примени до крајот на својот мандат.

Македонија | пред 7 години

Нема фотографија

Сообраќајот се одвива по влажни коловози, АМСМ препорачува прилагодена брзина на движење

Сообраќајот на државните патишта се одвива по влажни коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.Aвтопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. АМСМ апелира до сите возачи да не го користат автопатот.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.Од 9.05.2019 на патниот правец Р1201 Маврово – Дебар кај с. Скудриње, сообраќајот се одвива по една коловозна лента во должина од 150 метри. На самото место има поставена соодветна сообраќајна сигнализација. На 4.04.2019 година од 11:30 часот поради оштетување на мостот во с.Ваташа на регионалниот пат Кавадарци – с.Мрежичко воведена е забрана за товатни моторни возила.

Македонија | пред 7 години

Нема фотографија

Најмногу дожд во Маврово и Лазарополе

Во изминатите 24 часа најмногу дожд имало во Маврово и Лазарополе. Според информацијата од УХМР, во Маврово наврнале 47 литри на метар квадратен и 45 литри во Лазарополе.Врнежи од дожд се регистрирани повеќе во западниот дел од земјата. Во Битола и Претор наврнале 32 литри на метар квадратен, во Пожаране 30 литри, Крушево 28, Охрид 23 литри, Дебар 19, Тетово, Куманово и Тополчани 12 литри, Прилеп 10, осум Скопје Петровец, седум во Скопје Зајчев рид и Ѓуриште, три во Штип, два во Гевгелија и еден литар во Струмица, Крива Паланка, Демир Капија, Берово и Дојран.И во текот на денот метеоролозите најавуваат пообилни врнежи, кои локално ќе бидат во форма на невреме, со грнежи, засилен ветер и услови за појава на град.Температурата ќе се движи од 12 до 19 степени.Во Скопје, претежно облачно со врнежи од дожд, а температурата ќе се искачи до 19 степени.

Македонија | пред 7 години

Се` заострува трговската војна САД - Кина

Пекинг воведе царини за американски производи, како одговор на сличната мерка која ја воведе ВашингтонКина воведе нови царини за увоз од САД вреден 60 милијарди американски долари, како одговор на одуката на претседателот Доналд Трамп за зголемување на царините за 200 милијарди долари кинески производи.Вашингтон исто така најави нови царини за 300 милијарди долари увоз од Кина.Кинеското министерство за финансии соопшти дека воведува пет до 25 проценти царини на 5.140 американски производи и дека одлуката стапува на сила на 1-ви јуни.Пекинг вели дека одговорот е насочен против „унилатерализмот и трговскиот протекционизам на САД.“„Кина никогаш нема да подлегне на странски притисок“, велат Министерството за надворешни работи на државата.Претседателот Трамп претходно го повика Пекинг да не ги зголемува царините: „Кина многу години ги искористува САД, и тие отидоа далеку напред (нашите претседатели не си ја вршеа работата). Затоа, Кина не треба да се одмаздува и состојбата само ќе се влоши!“Ескалацијата на трговската војна имаше непосреден ефект врз американските берзи кои паднаа за околу два проценти за време на денешното тргување.Главниот економски советник во Белата куќа, Лари Кудлоу, за „Фокс њус“ кажа дека „двете страни ќе страдаат“ од трговска војна.Трамп на Твитер напиша дека: „Нема причина потрошувачите во САД а да платат за царините, кои од денес се воведени кон Кина“. Сепак Кудлоу призна дека: „Всушност, двете страни ќе платат.“Претседателот на САД тврди дека кинеската влада неправедно ги субвенционира кинеските компании и краде интелектуална сопственост од американските фирми.Кудлоу кажа дека во САД најтешко ќе им биде на земјоделците кои извезуваат соја, пченка и пченица во Кина. Тој додаде дека администрацијата на Трамп им помогнала со субвенции вредни 12 милијарди долари и дека ќе го стори тоа повторно ако е потребно и ако статистиката тоа го покажува. Трамп најави дека ќе побара од Конгресот да одобри уште 15 милијарди долари земјоделски субвенции за да ја надомести загубата од намалената продажба во Кина.Трговските разговори меѓу двете економски суперсили траат со месеци. Последната средба во Вашингтон заврши без договор.„Се движиме добро со конструктивни разговори и се` уште мислам дека е така“ рече Кудлоу. „Ќе продолжиме со разговорите, како што предложи претседателот".Кудлоу рече дека Трамп и кинескиот претседател Ши Џинпинг најверојатно ќе разговараат за трговските прашања на самитот на Г-20 во Јапонија кој ќе се одржи на крајот од јуни.САД тврдат дека Кина краде технолошки тајни и ги принудува американските компании да откриваат трговски тајни ако сакаат да произведуваат во Кина.

Свет | пред 7 години

Димитров на дебата „Западен Балкан по решавањето на прашањето за името“ во Берлин

Министерот за надворешни работи на Република Македонија, Никола Димитров ќе престојува во дводневна работна посета на Берлин.Во рамки на посетата Министерот ќе учествува на настан во германскиот Бундестаг „Западен Балкан по решавањето на прашањето за името: постигнувања, предизвици и перспективи“, организиран од парламентарните групи на Зелените и на германската секција на Унијата на Европските Федералисти, во која членуваат пратеници од четири политички партии – ЦДУ/ЦСУ, Социјал-демократи, Зелените и Либералите.Покрај тоа, министерот Димитров ќе се сретне со пратеници во Германскиот парламент на кои ќе им го презентира напредокот на Република Македонија и подготвеноста на земјата за почеток на пристапните преговори во ЕУ.Програмата на посетата опфаќа и средби со други релевантни соговорници од Министерството за надворешни работи и други владини претставници.

Македонија | пред 7 години