Силјановска: Помогнете ми да го однесам македонскиот крст за враќање на правото во политиката

Гордана Силјановска Давкова се огласи на својот Фејсбук профил.- Денес е Велики Петок или Распет Петок. Денот кога е распнат Исус Христос. Ова е најтежок ден во Страдалната седмица. Ден кога Исус невино пострадал за спасението на целиот човечки род.Секој од нас носи венец од трње и тежок крст на плеќите во оваа македонска Голгота.Јас во моментов се чуствувам како да го носам најтешкиот крст.По патот сум плукана и навредувана. Од сите на кои не им одговара демократска Македонија каде има владеење на парвото.Денес на Велики Петок повикувам сите да го пронајдеме во себе Симон и помогнете ми да го однесам македонскиот крст за враќање на политиката во рамки на правото!, напиша таа.

Македонија | пред 7 години

г.г. Стефан: Како народ да најдеме начин за меѓусебно помирување, па да простиме сè со Воскресението

Поглаварот на Македонската православна црква – Охридска архиепископија, г.г. Стефан до сите верници од православна вероисповед упати велигденска порака по повод претстојниот празник Воскресение Христово – Велигден.„Сè што било проречено за Спасителот Господ Исус Христос од старозаветните праведници – се исполнило: и доаѓањето, и раѓањето, и служењето, и судењето и распнувањето… Се исполнило и навестувањето за Неговото воскресение, кое Самиот го прорекол, кога рекол: урнете го овој храм и за три дни ќе го подигнам. И навистина: по лажните обвиненија, по неправедната пресуда и по распетието на Голгота, Синот Божји бил погребан и на третиот ден – воскреснал. Затоа, денот на Христовото Воскресение е ден за радост, и тоа радост за вечниот живот. Но, за да го разбереме и да му се радуваме на тој спасоносен ден, потребно е да живееме со настанот што ги донесе новото време и новата ера. Со Неговото воскресение се оправда и сета наша вера и доби смисла животот. Од тоа чудо над чудата извира и надежта во сопственото воскресение, зашто ако Христос не воскреснеше, празна ќе беше нашата вера.Велигденската радост треба да нè зближува и да нè обединува сите, како чеда на нашата мајка Црква, и нас во Татковината, и сите вас што живеете раселени по светот. Без разлика каде сме, да живееме богоугодно и во мир со сите луѓе, чувајќи ги националните и духовните посебности како народ, покажувајќи потребна грижа за светоста на бракот и семејството, грижа за повозрасните, изнемоштените и сиромасите, а особено за младите и нивното воспитување во духот на верата православна и на нашите прадедовски традиции. Како народ конечно да најдеме начин за меѓусебно помирување, па да простиме сè со Воскресението. Тоа нам, како христијани, ни е света должност, зашто кој не го љуби својот брат – како може да Го љуби Бога?!Прославувајќи го Христовото Воскресение со сите христијани во светот, да се радуваме и веселиме поради победата над смртта, поради верата во сеопштото воскресение и надежта во вечниот живот во Царството небесно. Да се радуваме заради Воскресението Христово и воскресението наше, поздравувајќи се со торжествениот поздрав: Христос Воскресе!“, стои во велигденската порака на поглаварот на МПЦ-ОА, г.г. Стефан.

Македонија | пред 7 години

Заев: Kадровски смени по изборите

Премиерот Зоран Заев вчера побара политичка и професионална одговорност од функционерите по укажувањата од Антикорупциската комисија за влијание на непотизам при одредени вработувања.„Во Антокорупциска има конкретни коментари каде нема непотизам, а имаме и конкретни коментари каде имало влијание за непотизам. Оттука барам повлекување и директно, како претседател на Владата, давам наредба до владините институции на лицата кои се вработени на тој начин веднаш да им се прекинат работните односи и да се повлечат назад. Барам професионална и политичка одговорност од сите нив“ - рече Заев.Премиерот нагласи дека до 5 мај не може да разрешува министри затоа што има законска забрана.

Македонија | пред 7 години

Силјановска: Никогаш не сум била советник на Иванов

Кандидатите за претседател на државата Стево Пендаровски и Гордана Силјаноска-Давкова на соочување на Македонската радио-телевзија на која ги спротивставија своите аргументи, синоќа кажаа зошто сметаат дека треба да ја добијат довербата на гласачите во вториот круг.Силјановска рече дека држи до зборот, зашто и е најважен и дека нејзината филозофија не е „кажувам-заборавам-негирам, туку кажувам-помнам и остварувам“.–Европски стандарди – тоа е и филозофијата на мојата програма, Ќе сторам сè за да станеме демократска, пристојна, досадна држава во која ќе владее правото, а не поединци и групи. Затоа што сум жена и изборот на жена претседателка е доказ за деморкатски капацитет за оваа земја. Затоа што постојано ќе го убедувам народот дека сум таму за нив, а не за мојата кариера. Ако сум успеала во кариерата, сигурно мојот збор ќе тежи и во политиката. Ќе направам се она што го збрувам да го реализирам, рече Силјановска.Таа го негираше тврдењето на Пендаровски дека му била советник на претседателот Ѓорге Иванов.– Никогаш не сум била советник на Иванов, беше Шкариќ. Откако е избран Иванов само еднаш го видов во врска со Професорскиот пленум и Законот за високо образование, кога го замоливме да стави вето на Законот, рече Силјановска.

Македонија | пред 7 години

Пендаровски на анкетите води со 7% пред Силјановска

Анкетите пред вториот круг од претседателските избори покажуваат поголемо водство на кандидатот на СДСМ и коалицијата Стево Пендаровски, пред кандидатката на ВМРО-ДПМНЕ, Гордана Силјановска. Ако пред првиот круг разликата беше во рамки на статистичката грешка, анктетата на агенцијата „Маркет вижн“ овој пат покажува 7% разлика во корист на Пендаровски, објави МКД.мк.Ова истражување на јавното мислење покажува дека повеќето испитаници (22%) се изјасниле дека во вториот круг од изборите ќе гласаат за Стево Пендаровски наспроти 15,9% кои се изјасниле дека ќе го дадат својот глас за Гордана Силјановска-Давкова.Но речиси половина (47,7%) од испитаниците одбиваат да кажат за кој кандидат ќе гласаат, додека 14,3% се изјасниле дека нема да излезат на гласање. Ова значи дека исполнувањето на потребниот цензус за вториот круг од 40% излезност од запишаните гласачи е неизвесно.По однос на националноста на гласачите, 0,2 отсто од испитаниците со албанско етничко потекло рекле дека ќе гласаат за Силјановска, додека 8,1 отсто за Пендаровски.Во однос на рејтингот на партиите, власта и опозицијата се речиси изедначени. Анкетата покажа дека рејтингот на партијата на Зијадин Села е повисок од оној на партијата на Али Ахмети. Кај македонскиот блок во мало водство е ВМРО-ДПМНЕ со 0,6% во однос на СДСМ, додека во албанскиот блок во предност е Алијансата за Албанците со исто така 0,6 отсто предност во однос на ДУИ.Анкетирањето беше спроведено од 22 до 24 април со CATI метода – телефонско интервју со помош на компјутер, на примерок од 1.067 испитаници.

Македонија | пред 7 години

Бесплатен паркинг за Велигден во Охрид

ЈП „Билјанини Извори“ по повод големиот христијански празник Велигден донесе одлука на 28 април, недела, користењето на услугите на јавниот градски простор со кој стопанисува да биде бесплатно за сите.-Одлуката ја носиме во духот на големиот христијански празник и се надеваме дека со овој наш скромен гест ќе се приклучиме кон промовирањето на христијанските вредности како дел од славењето на самиот празник. – информира ЈП „Билјанини Извори“, кое на граѓаните од православна вероисповед им го честита Велигден.

Македонија | пред 7 години

Нема фотографија

На „Богородица“за влез и излез од државава се чека околу 45 минути

Продолжениот викенд ја зголеми сообраќајната раздвиженост на граничниот премин „Богородица“. Утрово на граничниот премин Богородица за влез и излез од државава се чека околу 45 минути.Инаку според АМСМ интензитетот на сообраќај на патните правци надвор од градските средини низ целата држава е зголемен.

Македонија | пред 7 години

Шилегов се обидува да и` ги одземе надлежностите на општина Сарај?

Од општина Сарај информираат дека општинските служби, поточно општинскиот инспекторат, забележал дека на локалниот пат Свиларе-Рашче кој се наоѓа на територија на нивната опшина се изведуваат работни активности, кои се преземени без никаква правна основа и без да се информира општината Сарај, иако овој пат се наоѓа во оваа општина и е под нејзина надлежност. Според информациите на општината, овие активности ги презел градоначалникот на Град Скопје, Петре Шилегов, пренесува порталот Медиал.мк.-Целата активност е незаконска и за ова општината презема и ќе презема формални законски активности во насока на информирање на надлежните органи и институции во земјата што се занимаваат со овој случај, како што е Комисијата за спречување на корупција, Министерството за внатрешни работи и други институции, велат од општина Сарај.Оттаму велат дека ова не е прв обид на првиот човек на Град Скопје да навлегува во надлежностите на оваа општина и дека самата општина ќе ги преземе сите законски активности во поглед на заштита на своите права.

Скопје | пред 7 години

Времето денеска, сончево и топло со мала до умерена облачност

Времето денеска сончево и топло со мала до умерена облачност, попладне на места ќе биде нестабилно со локален пороен дожд и грмежи. Ќе дува слаб до умерен југоисточен ветер.Утре ќе преовладува сончево и топло со мала до умерена облачност, од пладневните часови на повеќе места ќе биде нестабилно со локален пороен дожд и грмежи. Ќе дува слаб до умерен југоисточен ветер. Локално процесите ќе бидат во форма на невреме и ќе има појава на град и засилен ветер.

Македонија | пред 7 години

Велики петок или „Распет петок“, најтешкиот ден за Христијаните

Православните христијани денеска го одбележуваат Велики петок, денот на најстрогиот пост, кој освен Велипеток уште се вика и Распет петок. Овој ден е посветен на спомнувањето на осудувањето на с**т, Крстните страдања и заминувањето на Спасителот.Велики петок, наспроти вообичаеното одбележување на верските празници со свети литургии и принесување на таканаречената бескрвна жртва, се празнува со читање извадоци од евангелијата од делот кој ја опишува неделата на страдањата на Синот божји.Според преданието, Христос починал на крст во „шестиот час на денот, а завесата на ерусалимскиот храм во истиот тој час се преполовила, сонцето се замрачило, мртвите станувале од гробови, а сите ѕвона се распукале”. Оттогаш, на Велики петок бијат дрвени ѕвона/клепала, а камбаните не ѕвонат до недела, кога првпат ќе ја огласат радоста на Христовото воскресение.Овој ден е строг пост, односно консумирање на храна која не се пржи на масло. Затоа денеска според правилата не би требало да јадете посен грав, риба, пржен компир… Поголемиот број христијани на денешен ден јадат варен зеленчук и овошје.

Македонија | пред 7 години

Заев од Велес: Ќе игра метлата и на другата страна, кај оние што опструираат и враќаат режим!

„Ќе фаќа метлата и на другата страна, на оние што опструкираа. Ние сме добри, сите сме еднакви. Слушам пак списоци во Велес правеле. Ние не сме глупави, знаеме. Ќе има метла и на другата страна. Во мојот кабинет работам со луѓе што ги затекнав. Со сите што засукаа ракави работевме. Ама нема да дозволиме некој да да враќа режим“, рече претседателот Заев на вечерашната граѓанска трибина за поддршка на кандидатот за претседател на Република Северна Македонија, Стево Пендаровски.Заев рече дека Стево Пендаровски е симболот на правдата и правичноста и порача дека правото и законите денеска важат еднакво за сите, дека пресуди ќе се носат за сите за кои има докази, а не како претходно по нарачка.https://www.facebook.com/zaevzoran/videos/369033943701187/

Македонија | пред 7 години

Тетовчанец нападнал полициски службеници

СВР Тетово поднесе кривична пријава против Д.М.(39) од Тетово поради постоење основи на сомнение за сторено кривично дело дело „напад врз службено лице при вршење работи на безбедноста“.На 14.02.2019 година во кругот на угостителски објект и бензиската пумпа на автопатот Тетово- Скопје, полициски службеници забележале паркирано возило од кое излегол пријавениот и започнал да ги навредува полициските службеници, а во еден момент и физички ги нападнал.

Македонија | пред 7 години

На нива запалил сува трска и трње, по што пожарот се проширил

Надворешната канцеларија за криминалистички работи Струга поднесе кривична пријава против лицето З.М.(70) од Струга поради постоење основи на сомнение за сторено кривично дело  „предизвикување општа опасност“.На 20.03.2019 година во с.Мороишта, струшко, пријавениот на нива запалил сува трска и трње, по што пожарот се проширил и на имотите на Г.Ј.(38), Ј.Ј.(43), В.Р.(47), Р.М.(33), В.Л. и Л.П.(55). Притоа, биле опожарени три плевни, бали со сено, штала со домашни животни, кровна констукција на куќа, огревни дрва, покуќнинаи други предмети, со што била причинета материјална штета од околу 900.000 денари.

Македонија | пред 7 години

Со автомобил влегол в куќа, се срушиле поголем број на тули

На 24.04.2019 година во 23.20 часот на ул.„Радански пат“ во Штип, непознато возило удрило во sид од куќа, сопственост на Н.А.(88). Од ударот се срушиле поголем број на тули внатре во куќата и ја повредиле Н.А., по што возачот го напуштил местото на настанот. Н.А. била пренесена во Клиничка болница Штип каде и била укажана лекарска помош.Увид на местото извршила екипа од СВР Штип. Се работи на расчистување на случајот.

Македонија | пред 7 години

Нема фотографија

Приведен дрвокрадец од Џепчиште

На 24.04.2019 година околу 19.10 часот полициски службеници од Полициското одделение Теарце, на локалниот пат кој води за село Сетоле, запреле патничко возило „Ланд ровер“ со тетовски регистарски ознаки, управувано од 64-годишниот С.И. од село Џепчиште, кое било натоварено со огревно дрво.При извршена контрола било констатирано дека С.И. за возилото и дрвата не поседувал никакви документи, а на предната страна на возилото била поставена регистарска таблица од друго возило. Лицето било приведено и задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 7 години

Нема фотографија

Во Тетово пешаци направиле 43 прекршоци, контроли и во другите градови во земјава

На 24.04.2019 година во периодот од 10.00 до 15.00 часот на територијата што ја покрива Секторот за внатрешни работи Тетово реализирана е контрола на прекршоци направенио до страна на пешаците. Притоа, констатирани се 43 прекршоци што ги направиле пешаци (ТЕ-35 и ГВ-8), а најмногу се однесуваат на поминување коловоз надвор од пешачки премин или поминување на црвено светло.Исто така, во текот на оваа контрола констатирани се и други 21 прекршоци (ТЕ-17 и ГВ-4) и тоа поголемиот број е за непрописно паркирање, возачи почетници, возачи без положен возачки испит.На 24.04.2019 година од 10.00 до 15.00 часот полициски службеници од Секторот за внатрешни работи Велес извршиле контрола на пешаците кои прават прекршоци во сообраќајот. Притоа, биле регистрирани 30 прекршоци, од кои 14 во Велес, 11 во Кавадарци и пет во Неготино.

Македонија | пред 7 години

Излетал од патот и удрил во бандера

На 25.04.2019 година во 03.00 часот на улица „Јордан Мијалков“ во Скопје, патничко возило „Пежо 307“ со скопски регистарски ознаки, управувано од Д.С.(37) од Делчево, излетало од коловозот и удрило во бандера.Притоа, со тешки телесни повреди се здобил возачот Д.С., кој бил пренесен во Комплексот клиники „Мајка Тереза“, каде му била укажана лекарска помош. Извршен бил увид на местото на настанот.

Македонија | пред 7 години

Фатени рибокрадци на Дебарско езеро со 42 килограми риба и мрежи

На 23.04.2019 година во 12.30 часот, во близина на угостителски објект на Дебарското езеро, во незаконит риболов, затекнати се Ќ.Л. (50), Е.Л.( 32) и С.Л.(39), сите од Дебар. Притоа, кај нив пронајдени се и одземени 42 килограми разновидна риба, пет рибарски мрежи во должина од околу 500 метри како и опрема за риболов. Лицата се приведени и против нив, ќе биде поднесена соодветна пријава.

Македонија | пред 7 години

Нема фотографија

Кривична пријава за пијаниот возач кој усмрти полицаец во Куманово

СВР Куманово, до Oсновното јавно обвинителство Куманово, поднесе кривична пријава против С.Ј.(40) од с.Пелинце, општина Старо Нагоричане, поради постоење основано сомнение дека сторил кривично дело „тешки дела против безбедноста на луѓето и имотот во сообраќајот“ и „неукажување помош на лице повредено во сообраќајна незгода“.На 21.04.2019 во 00.45 часот на регионален пат Куманово- Свети Николе, во близина на крстосница со нас.Ајдучка Чешма, патничко возило „Мерцедес“ со кумановски регистарски ознаки, управувано од пријавениот, удрило во В.Ц.(37-год.-полициски службеник) и А.М.(25 год. - кандидат за полициски службеник), кои биле на службена должност. В.Ц. починал на местото на настанот, а А.М. со тешки телесни повреди бил пренесен во комплексот клиники „Мајка Тереза“ во Скопје. С.Ј. со возилото „Мерцедес“ избегал од местото на настанот, по што на регионалниот пат Куманово-Свети Николе удрил во патничко возило „Шкода“ со кумановски регистарски ознаки, управувано од Н.П.(34).Возачот на возилото „Шкода“ и сопатникот Д.Ј. (42) се здобиле со тешки телесни повреди, а А.Ј.(52) со телесни повреди, при што Д.Ј. била пренесена во комплексот клиники „Мајка Тереза“ во Скопје, додека останатите повредени се пренесени во болницата во Куманово. С.Ј., исто така, бил пренесен во болницата во Куманово. Од страна на судија на претходна постапка на С.Ј. му е одредена мерка притвор во траење од 30 дена.

Македонија | пред 7 години

Сите невакцинирани задолжително да примат две дози МРП - за една недела 95 нови случаи на морбили

Д-р Владимир Микиќ од Комисијата за заразни болести при Министерството за здравство, денеска, по одржување на состанокот на комисијата информираше дека заклучно со денешниот ден до Институтот за јавно здравје се пристигнати 95 пријави за нови случаи на мали сипаници, со што вкупниот број заболени изнесува 1.175 во епидемијата која е прогласена на цела Република Северна Македонија.-Оваа недела најголем дел од заболените се од Скопје - 60 лица, додека останатите се од другите градови. Најголем број од заболените се на возраст од 4 години и лица над 30 години. Во однос на дистрибуцијата по возраст, најголема стапка за заболување има кај децата под 1 година. Досега во епидемијата се регистрирани 200 деца, кои се на возраст под 1 година, следните се на возраст од 1 до 4 години, а релативно висока стапка на заболување има и кај лицата од 30 до 39 години. Во однос на вакциналниот статус на заболените кои се пријавени оваа недела –тие не се вакцинирани. Кај децата на возраст од 4 години, повеќе од 90% од заболените се невакцинирани. Вкупно минатата недела беа вакцинирани 920 деца на возраст од 1 до 14 години, од нив 160 деца се во училишна, додека останатите се од предучилишна возраст, информираше д-р Микиќ.Во Скопје од почетокот на епидемијата, вкупно се вакцинирани 12.848 деца до 14–годишна возраст, а во другите градови, вкупно вакцинирани  8.320 деца до 14-годишна возраст со прва или втора доза.Инаку, вкупниот број вакцинирани лица на возраст до 14 години со МРП вакцина од почетокот на епидемијата во целата држава изнесува 21.168 лица.Д-р Микиќ истакна дека е потребно да се засили мерката за вакцинација кај предучилишните деца, посебно надвор од Скопје зашто таму се уште има деца кои се подлежни на вакцинација, а не се вакцинирани. Во Скопје со прогласувањето на епидемијата, и засилените мерки од децата кои не беа вакцинирани, сега се вакцинирани.За потсетување, Комисијата за заразни болести на 16 април 2019 година донесе заклучок да се прогласи епидемија на морбили (мали сипаници) на територија на цела Република Северна Македонија и за таа цел беа донесени препораки и мерки за спречување на натамошно ширење на епидемијата и тоа:- Строго почитување на мерката за забрана на посета на градинки на невакцинирани деца со МРП на територија на цела држава;- Забрана за посети во стационарни здравствени установи во целата држава;- Почитување на протоколот за движење на пациентите со симптоми на мали сипаници со цел да се намали оптоварувањето на Клиниката за инфективни болести и Клиниката за детски болести, и да се намали стапката на интрахоспитално ширење на инфекцијата;- Сите невакцинирани здравствени работници задолжително да бидат вакцинирани со две дози МРП;- На сите воспитувачки и наставнички од предучилишните установи задолжително да им се провери нивниот вакцинален статус и да се вакцинираат доколку не се вакцинирани;- Да се понуди дополнителна вакцинација со МРП за сите невакцинирани, некомплетно вакцинирани и лица без доказ за вакцинација кои се постари од 14, а помлади од 60 години.

Македонија | пред 7 години

Средба Мицкоски - Тимоние

Денеска, претседателот на ВМРО-ДПМНЕ , Христијан Мицкоски, заедно со членот на Извршниот Комитет Игор Николов оствари средба со францускиот амбасадор, Кристијан Тимоние.Соговорниците разговараа за изборниот процес во Република Македонија и за претстојниот втор круг на гласање. Мицкоски го информираше својот соговорник за сите притисоци и заплашувања во процесот на кампања од страна на власта, злоупотребите на институциите и состојбите со полициски службеници кои активно земаат учество на партиски митинзи.Изборниот ден беше оценет како мирен, а беше изразена надеж дека истото ќе биде и со вториот круг на гласање. Мицкоски посочи дека врвен приоритет се демократските избори, кои се клуч за напредокот на земјата. Дополнително беше кажано дека на Република Македонија итно и е потребно департизација на администрацијата, деполитизација на судството и забрзан економски раст.ВМРО-ДПМНЕ останува силен мотор за зачленување на државата во ЕУ, што е стратешка определба на ВМРО-ДПМНЕ и Република Македонија.

пред 7 години

Нема фотографија

Сиљановска Давкова: Се надевам дека ќе го постигнеме цензусот од 40%, со сиот респект за причините и дилемите кои ги имаат граѓаните во Македонија кога не гласаат

Апстиненцијата е модерна болест, укажува на болеста на демократијата. Луѓето се разочарани од носителите на политичката власт. Зошто најчесто тие ги адресираат сопствените интереси наместо интересите на граѓаните. Значи таа е синоним на криза на претставничката демократија,  истакна кандидатот за претседател од ВМРО ДПМНЕ Гордана Сиљановска Давкова.Зачукај на македонска врата, инаку Венецијанската комисија во три наврати во извештаите и препорачуваше на Македонија да го тргне цензусот од вториот изборен круг зошто е невообичаено решение. Меѓутоа етнопартиските договори не доведоа до тоа.Јас сепак се надевам дека ќе го постигнеме цензусот од 40%, во таа функција со сиот респект за причините и дилемите кои ги имаат граѓаните во Македонија кога не гласаат еве отворен повик им упатив на сите кои имаат дилеми. За заедно да ги разрешиме.Се разбира, претпоставувам дека колку што има граѓани кои не излегоа, толку има и причини но кај некои причините се слични и мислам дека тие заслужуваат одговор на дилемите.Се надевам дека моите аргументи ќе премислат многу од нив, зошто мислам дека она што го нудам и она што го правам е гаранција дека нема да ги заборавам како граѓани, ,  истакна кандидатот за претседател од ВМРО ДПМНЕ Гордана Сиљановска Давкова.  

пред 7 години

Нема фотографија

Пендаровски: Ѓорге Иванов свесно ги кочи процесите кои се од витален интерес за граѓаните

Ѓорге Иванов свесно ги кочи процесите кои се од витален интерес за граѓаните. Иванов, неосновано одбива да потпише укази за десеттина закони и со тоа нанесува директна штета на стотици илјади граѓани во нашата земја, истакна заедничкиот кандидат за претседател Стево Пендаровски.Додека јас зборувам за тоа како да ги задржиме младите дома и да им обезбедиме услови да основаат дом и семејство во својата татковина, Иванов одбива да го ратификува Законот за субвенционирање на станбените кредити, на јавноста познат како “Купи куќа, купи стан“ и со тоа на младите им ја ускратува можноста да ги користат  новите, исклучително поволни кредити и дополнителни субвенции за купување на сопствен дом.Додека јас зборувам за родова еднаквост и право на сопствен избор, Иванов ја враќа жената назад. Тој одбива да го потпише указот на Законот за прекин на бременоста, и со тоа им го ускратува правото на жените за безбеден прекин на бременоста и слободниот избор на жената самостојно да одлучува за сопственото тело и живот.Додека јас повикувам на обединување, еднакви права и можности и достоинствен живот за сите, Иванов поддржува дискриминација. Со новиот Закон за спречување и заштита од дискриминација кој Иванов одбива да го потпише за прв пат со закон се заштитуваат лицата со попреченост, различен полов идентитет, различна сексуална ориентација.Ако зборуваме за судството, Иванов е главниот кочничар и најголемиот виновник за неспроведување на реформите во судството во земјава. Тој не го потпишува Законот за судовите и Законот за управни спорови и со тоа не дозволува да се утврдат јасни и прецизни постапки за разрешување на судии, дисциплинска одговорност, како и именување и унапредување на судии.Бидејќи Иванов не го потпишува Законот за прекршоци, граѓаните сѐ уште плаќаат повисоки казни. Новиот Закон за прекршоци директно влијае на буџетот на граѓаните бидејќи истиот предвидува опомена пред казна, но и намалување на казните за високи 75%.И економскиот напредок на земјата е блокиран од Иванов, затоа што не го ратификува Законот за финансиска поддршка на инвестициите. Новиот закон значително би ги олеснил процедурите, но и би го зголемил бројот на компаниите кои можат да аплицираат и добијат државна поддршка за развој на бизнисот.Новиот Закон за енергетика кој Иванов исто така одбива да го потпише, предвидува замена на фосилни горива со енергија добиена од обновливи извори. Со тоа, Иванов ги занемарува едни од најгорливите прашања во нашето општество, заштита на животна средина и здравјето на луѓето.Иванов не го потпишува ниту Законот за тутун. Со тоа, на повеќе од 150.000 членови на над 40.000 семејства кои живеат од тутунот, им го ускратува правото да ги искористат придобивките од новиот Закон за тутун, а ги има многу.Врховниот командант на вооружените сили на нашата земја одбива да го потпише и Законот за измена и дополна на Законот за служба во армијата. Новиот Закон овзоможува, јавната администрација директно и без оглас да превземе лица кои до својата 45 година и служеле на армијата, а поседуваат потребни квалификации за одредено работно место.Иванов го блокира и: Законот за практиканство, Законот за измена и дополнување на Законот за јавен долг, Законот за регистрирање на готовински плаќања, Закон за задолжување на Република Македонија со заем кај Меѓународната банка за обнова и развој - Светска банка по Договорот за заем за финансирање на Проектот за олеснување на трговијата и транспортот во Западен Балкан, Законот за изменување и дополнување на Законот за задолжителни резерви на нафта и нафтени деривати, Закон за електронско управување и електронски услуги, Закон за централен регистар на население....Почитувани граѓани, гласот за Силјановска е глас за новиот Иванов. Нив ги интересираат само партиските интереси, а со тоа директно ги оневозможуваат основните човекови права на нашите граѓани.Ако ја добијам вашата доверба, првиот ден од мојот претседтелски мандат ќе ги потпишам овие закони но и сите други кои се од највисок интерес за граѓаните, истакна заедничкиот кандидат за претседател Стево Пендаровски.

пред 7 години

Убиство во Рашче, убиен 65 годишен маж

Од бел џип со бугарски регистарски ознаки денеска било пукано кон 65 годишен маж од селото Рашче, Скопско. Биле истрелани неколку куршуми од огнено оружје, при шро бил повреден 65 годишниот маж. Мажот им подлегнал на повредите.Неофицијално причина за убиството била крва одмазда.Веднаш по инцидентот слини полициски екипи се упатиле на местото на настанот и вршат увид.  Повеке детали се најавуваат за подоцна.Слично убиство пред неколку дена се случи во Куманово кога во вкрстена рафална стрелба од заседа беа убиени жител на Опае и неговиот девтгодишен син.

Македонија | пред 7 години

Нема фотографија

Обвинение за убиството во угостителски објект во Кичево

Основното јавно обвинителство Гостивар поднесен Обвинителен акт против едно лице за сторено кривично дело Убиство од член 123 став 1 од Кривичниот законик.Обвинетиот на 29.12.2018 година околу 17.00 часот во угостителски објект во Кичево со умисла го лишил од живот сопственикот на објектот. Без посебен повод и причина, откако претходно разговарале за негово работно ангажирање на некоја работа, обвинетиот го нападнал оштетениот нанесувајќи му смртоносни убоди со нож.Истовремено со поднесеното обвинение, надлежниот јавен обвинител до Судот достави и предлог за продолжување на мерката притвор за обвинетото лице. 

пред 7 години