На 26.04.2019 пријавено е дека во с.Батинци настанал пожар во возило „БМВ“, сопственост на Х.К. од с.Батинци, а делумно биле зафатени и возило „Шаран“ и ,,Ауди“. Извршен е увид.
Македонија | пред 7 години
На 25.04.2019 година Т.С (38) од Струмица пријавил дека на 24.04.2019 година околу 10.45 часот, неговиот малолетен син во ОУ Видое Подгорец физички бил нападнат од страна соученик.Се работи на расчистување на случајот.
Македонија | пред 7 години
На 25.04.2019 година во 16 часот во Полициската станица Карпош, вработена од Центар за социјални работи-Јавна организациона единица Козле пријавила дека од установата се оддалечила нивната штитеничка А.Е. (17), која неколку пати претходно се оддалечувала и е враќана.Се преземаат мерки за пронаоѓање на лицето.
Македонија | пред 7 години
Вчера околу 20 часот, С.Т. (34) од Скопје физички нападнал полициски службеник додека вршел физичко обезбедување на ракометен натпревар во Спортски центар Јане Сандански во Скопје.С.Т. е приведен во полициска станица за понатамошна постапка.
Македонија | пред 7 години
Утрово во 05.30 часот Ф.С. (19) од Скопје пријавил дека во 04.30 часот во ноќен клуб лоциран на ул. Анастас Митрев од страна на две лица бил физички нападнат.Се работи на расчистување на случајот.
Македонија | пред 7 години
Кандидатите за претседател на државата кои влегоа во вториот круг на претседателскит избори кој ќе се одржи на 5 мај, Гордана Сиљановска – Давкова и Стево Пендаровски, денеска остварија средби со граѓани и упатија честитки за велигденските празници.Кандидатката на ВМРО-ДПМНЕ Гордана Сиљановска – Давкова го посети село Бањица, каде со жителите разговараше за проблемите со сиромаштијата, корупцијата, непотизмот.„Ги слушнав денес и Турците и Албанците од Долна Бањица. Нивните проблеми се слични со соседите Македонци и со Србите, Бошњаците, Ромите, Власите, Египјаните и другите. Со владеењето на правото да ги решиме“, рече Сиљановска.Таа додаде дека граѓаните ги споделуваат истите проблеми, како непочитувањето на законите кои треба да се исти за сите граѓани.Кандидатот на СДСМ и ДУИ по повод Велигден денеска го посети Марков манастир во населеното место Маркова сушица. Тој упати порака за помирување, заедништво и благососотојба за велигденските празници.„Во овие денови сме препуштени на духовниот мир и личниот спокој, да испратиме порака за толеранција, пријателство, меѓусебно почитување и помагање, не се само христијански, туку и универзални вредности“, рече Пендаровски.Тој додаде дека само со почитување на овие вредности, денска и секој ден во годината, може да создадеме општество шти обезбедува мир, и благосостојба за сите.Извор: Радио Слободна Европа
Македонија | пред 7 години
Власта го чека црно на бело предлогот на Христијан Мицкоски истрагите од СЈО кои за нив се спорни. Од министерството за правда велат дека ќе има приближување на ставовите ако опозицијата и писмено потпише- истрагите кои тимот на Катица Јанева ги отвори по 30 јуни 2017-та да бидат предадени на Љубомир Јовевски и неговите колеги и таму да одлучат кои докази ќе ги користат и кои постапки ќе продолжат.– Последната изјава на претседателот на ВМРО-ДПМНЕ дава надеж дека е прифатливо тоа што го разговараме и предлагавме а тоа е надлежните обвинители кои ќе ги добијат започнатите предмети ќе си одлучат за иднината на тие предмети, а н ние политичарите да одлучуваме за тоа. За да може да зборуваме за приближување на ставовите треба да не се бара од нас затворање на сите постапки по првите 18 месеци и уништување на сите материјални докази собрани во нив оти тоа ќе значи скриена амнестија. - се вели во соопштението на Министерство за правда.Опозицијата најавува дека забелешките ќе ги достават од понеделник, а лидерот Мицкоски во интервју за тв24 пред два дена кажа дека неговиот преговарачки тим последно бара обвинителите кои ќе ги преземат предметите од СЈО да си одлучат како ќе ги водат. Со Заев се договорија преку медиумите. Но дополнително Мицкоски бара одговорност од специјалните обвинители.Повеќе прочитајте на 24ТВ
Македонија | пред 7 години
Загрозена ли е секуларноста на државата со судското решение за нов поглавар? Откако Скендер Бузаку се прогласи за прв човек на Исламската верска заедница во државата, се отворија и прашања дали случајно или не, превирањата започнаа помеѓу двата изборни круга од претседателските избори.Според познавачите на религиските прашања, ова е гласна порака до реисот Реџепи бидејќи не ги повика албанските гласачи да излезат на избори.- „Ќе потсетам само дека пред неколку недели имаше ултиматум на реисот Реџепи дека ако не се вратат имотите на ИВЗ во 700 македонски џамии ќе се зборува против власта за наводна дискриминација. Ниската излезност на албанските гласачи во првиот круг од претседателските избори очигледно некој поттикнал дека навистина на петочните молитви во џамиите било зборувано пред верниците и била упатена порака да не се гласа за кандидатот на власта.“ - изјави Бранко Ѓорѓески.Наспроти реакциите од функционерите на ДУИ дека државните органи треба да ги тргнат рацете од ИВЗ, лидерот на ДПА Мендух Тачи со обвинувања до Реџепи дека работи криминално.- „Тој е еден обичен криминалец, кој треба што побргу да се острани од таму. Лаже, нема никакви гласови. Ги собрал луѓето во една соба, го сменил уставот на ИВЗ со желба биде доживотен поглавар. Институците треба да интервенират, овој криминалец излегува пред камери и вика јас сум босот. ИВЗ треба да се ослободи. Треба очет за аџилакот и парите кои аџиите ги давале на ИВЗ и за многу други работи.“ - изјави Мендух Тачи – претседател на ДПА.Извор: 24 ТВ
Македонија | пред 7 години
Поранешен премиер Никола Груевски, на својата Фејсбук страница објави линк, од статија со наслов „Кога маж прегрнува жена“, а на статијата споделена со срциња пишува и дека „Ништо не е поважно од едноставна прегратка од саканите“.Речиси еден час по објавата на емотивниот пост истиот беше избришан.
Македонија | пред 7 години
Осудениот за настаните од 27 април, Јане Ченто, од затвор каде ја одлежува казната, агитира за кандидатката за претседател на ВМРО-ДПМНЕ, Гордана Силјановска. Тој испрати порака до оние што го бојкотираа првиот круг од изборите велејќи дека поради нив излезноста беше само 42 отсто од гласачите.„Од Вас зависи дали Силјановска ќе биде новиот претседател и дали ќе има предвремени парламентарни избори на есен кога конечно ќе ја испратиме оваа криминална банда во историјата или ќе одлучите да го бојкотирате и вториот круг за да можат Заев и неговата криминална банда да владеат уште најмалку 2 години каде што ќе се обидат да ја зацврстат власта со сите можни средства. Знам дека бројката за бојкот е голема но доколку гласате за Силјановска таа ќе биде новиот претседател и оваа криминална власт ќе биде на колена и ќе мора да си оди. Вашиот бојкот ќе го донесе Стево за претседател а со тоа и ќе се легитимира проектот „Северна“, вели ЧентоСпоред него СДСМ е во слободен пат, а разочарани од владејачката гарнитура се и Албанците, вели Ченто, кои исто така, според него, сакаат да промена на власта.„Изборот е Ваш, се надевам дека ќе ја видете оваа историска шанса да ги испратиме транзициските политичари во историјата и дека ќе гласате за бројот 2 односно за Проф. Силјановска Давкова за да можеме да ја испратиме оваа криминална влада во историјата и на есен да дојде нова, чесна, достоинствена и праведна влада. Влада составена и од десни и од леви партии кои и мислат добро на државата и на граѓаните, влада од чесни Македонци, Албанци, Турци, Срби, Бошњаци, Роми и останати етнички заедници. Републиката треба да ја издигнеме од калта во која ја закопа оваа криминална банда и ќе успееме во издигањето сите сплотени. Промената започна на 21ви Април а на 5ти Мај треба да удриме печат на победата за подобра Република Македонија“, порачува Ченто.
Македонија | пред 7 години
На 25.04.2019 година околу 02.45 часот во СВР Битола било пријавено дека на ул.„Девеани“ во Битола настанал пожар во барака сопственост на М.Р.(60).Во пожарот бараката целосно изгорела. Повредени лица нема, а пожарот бил изгаснат од екипа на Територијалната противпожарна единица Битола. Увид извршила екипа од СВР Битола.
Македонија | пред 7 години
Четири лица од Авганистан биле затекнати во возило кое претходно ја зголемило брзината и излетало од коловозот при бркотница со полицијата.МВР јави дека кај селото Миравци на автопатот Демир Капија-Неготино, забележале патничко моторно возило управувано од И.Е. (20) од населбата Шуто Оризари-Скопје, а во кое се превезувале мигранти.Полициските службеници се упатиле по возилото, но И.Е. наместо да застане, ја зголемил брзината и излетал од коловозот.Возачот и совозачот, исто на возраст од 20-години, од Скопје се обиделе да избегаат, но од страна на полициски службеници биле приведени.
Македонија | пред 7 години
Претседателот на ВМРО-ДПМНЕ Христијан Мицкоски во интервју за Независен вели дека е убеден дека ќе биде исполнет цензусот во вториот круг на претседателските избори и дека професорката Гордана Силјановска Давкова ќе биде идниот претседател на државата.-Jас лично не можам да му верувам на Зоран Заев, затоа што тој досега брутално се коцка со вистината, а можам да кажам и дека ретко кога ја говори. Не би можел да се потпрам на тоа што тој го изјавува. Но, доколку вие сега претпоставувате некое сценарио, што доколку нема доволен број излезени гласачи, ќе треба да седнеме и да видиме како понатаму. Јас сум убеден дека ќе има доволно гласачи, дека ќе има цензус и дека професорката Силјановска-Давкова е идниот претседател- вели лидерот на ВМРО-ДПМНЕ и додава:-Јас би ви дал еден совет – овој тип политичари, кои често знаат да се коцкаат со вистината и најчесто не ја говорат, да не ви бидат поткрепа во градењето на ставовите и во перцепцијата на реалноста. Премиерот требаше да нè послуша и да распише предвремени избори. Се сеќавате на неговата театрална изјава дека ќе нè смачкал на избори, сега гледаме дека некој друг е згазен на овие избори. И тоа е вистината зошто не се охрабри заедно со претседателските да распише парламентарни избори, како што беше случај во 2009 со локалните избори и во 2014 година со парламентарните. Тогаш, претпоставувам, немаше денес да разговараме на оваа тема", вели Мицкоски.
Македонија | пред 7 години
58-годишен државјанин на Холандија, со иницијали Р.В. загина вчера откако управувајќи на мотоцикл се судрил со автомобил „алфа ромео“ управувано од 19-годишен ресенчанец.„На 25.04.2019 во 16:30 часот на крстосницата од ул.„Билбил камен“ со регионалниот пат Р-2331 Битола-Ниже поле, се случила сообраќајна незгода помеѓу патничко моторно возило „Алфа ромео“ со битолски регистарски ознаки, управувано од Б.З. (19) од Ресен и мотоцикл „Дукати Мултистрада“ со холандска национална ознака управуван од холандскиот државјанин Р.В. (58). Во незгодата возачот на мотоциклот Р.В., се здобил со тешки телесни повреди и бил пренесен во Клиничката болница Битола, каде починал. Увид на местото на настанот извршиле Јавен обвинител и увидна екипа од СВР-Битола. По наредба на Јавен обвинител, телото на починатиот е дадено на обдукција“, информираа од полицијата.
Македонија | пред 7 години
Поранешниот потпретседател на СДСМ и универзитетски професор, Гордан Георгиев, му порача на премиерот Зора Заев да ги откачи ДУИ и да преговара со албанската опозиција за формирање на ново владејачко мнозинство. Гласовите за Блерим Река, според Георгиев, покажаа дека албанската опозиција има поголем изборен легитимитет од ДУИ.-Јас веднаш по вториот круг би му се заблагодарил на ДУИ за услугите во Владата и би дал оставка или би ја ставил Владата на доверба. Тајно би преговарал со албанската опозиција која има легитимитет. Со 80.000 гласови на Блерим Река тие партии имаат и дополнителен изборен легитимитет и чукааат на врата на Владата. Велат, ‘тука сме, имаме капцитет’. ДУИ само паѓаат. Би си го проверил бројот на пратеници кои ме поддржуваат за премиер. Доколку се согласат албанските опозициски партии да влезат во таа влада – добро, доколку не – ќе одиме на брзи предвремени избори. Таквото откачување на ДУИ може да откочи некои процеси – изјави вчера Георгиев во емисијата „24 анализа“.
Македонија | пред 7 години
Министерот за надворешни работи, Никола Димитров, го прокоментира слоганот на кандидатката за претседател на ВМРО-ДПМНЕ, Гордана Силјановска, која ја бара довербата на граѓаните ветувајќи им правда. Според Димитров контрадикторно е по објавувањето на „бомбите“ правда да ветува кандидат на ВМРО-ДПМНЕ.„Возам кон состанок сабајлево и ги гледам билбордите “Правда за Македонија”. Навидум, ова изгледа многу контрадикторно. Кандидатката на групата чија основна цел од денот кога ја слушнавме првата бомба до денес е да се избега од лична одговорност, па макар тоа да значи напад на Собранието или закопување на сопствената држава, стокмиле ваков слоган. За да се разбере, треба да се употреби нивниот специјален речник. Правда значи неказнивост, а Македонија значи партијата. Слоганот всушност е “Неказнивост за партијата”. Или уште попрецизно, за тесниот круг луѓе на врвот на партијата. Татковината тука за жал е само заложник и ништо повеќе“, напиша Димитров.
Коментари | пред 7 години
Кон шеесет и деветгодишниот Ш.Џ кој беше убиен вчера во селото Рашче, било пукано од возило, соопшти МВР.Кога Ш.Џ бил погоден од истрелите, тој исто така бил во автомобил, пришто починал на лице место.Полицијата јави дека убиениот е од Сарај.Убиството се случи вчера околу 15 часот на влез во селото Рашче. По наредба на јавен обвинител телото е дадено на обдукција.
Скопје | пред 7 години
На улицата Димитрие Чуповски во Скопје кај „Рекорд“ се поставува нов асфалт за папата Фрањо, кој на 7 мај ќе биде во еднодневна посета на Скопје, пишува СДК.Екипите на ЈП „Улици и патишта“ го гребат стариот слој и ќе поставуваат нов асфалт за да нема дупки и нерамнини кога Папата во спацијалното возило „папамобил“ од улицата Македонија ќе се движи кон Плоштадот Македонија каде што ќе одржи света литургија.„Се санира асфалтот кај „Рекорд“ поради посетата на папата Фрањо“, ни рекоа кусо од ЈП „Улици и патишта“.Целиот текст можете да го прочитате тукафото: СДК
Скопје | пред 7 години
Маж од Кипар призна дека убил седум жени и девојчиња. Локалните медиуми објавија дека станува збор за првиот сериски убиец на тој остров.Две тела се откриени во рударско окно претходно овој месец, додека третото е пронајдено вчера. Сите тие се државјанки на Филипините. Главниот осомничен е 35-годишен војник кој ги признал убиствата, а неговото име се уште не е објавено.Жртвата која е пронајдена вчера, осомничениот ја запознал на сајт за запознавање партнери. Тој вчера ги однел истражните органи на место во близина на главниот град Никозија и им покажал каде е закопано телото.Мажот признал дека убил уште жени и девојчиња, вкупно седум, па по нивните тела се трага.Меѓу убиените е една жена од Индија или Непал и една жена од Романија и нејзината осум годишна ќерка. Како исчезнато се води и едно шест годишно девојче, ќерка на една од убиените жени.На полицијата на Кипар во истрагата и помага британската полиција.
Свет | пред 7 години
Моето мислење е дека на претседателските избори, граѓаните на Македонија гласаа на совршен начин, иако ве уверувам дека со овој резултат сите политички сили се незадоволни, истакна претседателот на ДПА во синоќешното интервју на телевизија „Клан“ која беше посветана на резултатите од првиот круг од претседателските избори.– Владата излезе лошо со гласовите, најлошо од сите. Во рамките на Владата најлошо помина СДСМ. На парламентарните избори СДСМ имаше 70.000 албански гласови, а сега со ДУИ, ДПА и другите албански партии, доби 35.000-40.000 гласови, рече претседателот на ДПА.Тачи го коментираше и придонесот кој ДУИ го имаше на контото на Пендаровски, за што вели дека тие дале збор да придонесат за него но сепак толку им била силата.– Моето мислење за ДУИ е дека не можеле повеќе. Не можеле. И ДУИ дале збор но толку им е силата. Да бидеме коректни, констатираше Тачи.Тачи изнесе и критики за поглаварот на ИВЗ.-Ги собрал луѓето во една соба, го сменил уставот на ИВЗ со желба биде доживотен поглавар. Институциите треба да интервенираат. Овој криминалец излегува пред камери и вели – јас сум босот. ИВЗ треба да се ослободи. Треба отчет за аџилакот и парите кои аџиите ги давале на ИВЗ и за многу друго – изјави Тачи.
Македонија | пред 7 години
На 29 април, вообичаено како и секој втор понеделник во месецот ќе се утврдат новите цени на горивата.Цените на горивата се креираат согласно движењата на нафтата на Светските берзи, која е во постојан пораст изминатата година.Според последната корекција малопродажните цени на нафтените деривати согласно Методологијата за формирање на цените, се зголемија во просек за 3,21%, информираат од Регулаторната комисија за енергетика.Малопродажните цени на бензините ЕУРОСУПЕР БС-95 и ЕУРОСУПЕР БС-98 поскапија за 3,00 денари/литар, односно за 2,50 денари/литар, во однос на цените утврдени со Одлуката од 01.04.2019 година и со тоа малопродажната цена на ЕУРОСУПЕР БС-98 изнесува 71,50 денари/литар, додека малопродажната цена на ЕУРОСУПЕР БС-98 изнесува 73,00 денари/литар.Малопродажните цени на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), пред недела и пол се зголемија за 1,50 денари/литар, во однос на цените утврдени со Одлуката од 01.04.2019 година и со тоа малопродажната цена на дизелот ЕУРОДИЗЕЛ (Д-Е V) изнесува 62,50 денари/литар, додека малопродажната цена на Екстра лесното масло за домаќинство (ЕЛ-1) изнесува 51,00 денар/литар.
Македонија | пред 7 години
Во одбележувањето на Интернационалниот ден на Фудбал и Пријателство се приклучија повеќе од 40.000 учесници во рамки на над 200 настани. Во дел од земјите учеснички во проектот се одржаа едукативни сесии и отворени предавања со цел поттикнување на позитивни човекови вредности кај младата популација преку фудбалот и спортските активности. Во Русија, овој интернационален ден беше одбележан во училиштата, фудбалските академии и клубови во единаесетте градови – домаќини на ФИФА Светското Првенство кое се одржа во Русија лани. Активностите кои се реализираат по повод овој ден вклучуваат средби, тренинзи и пријателски фудбалски натпревари во кои учество заземаат Младите Амбасадори – учесници во интернационалната општествено-одговорна програма на компанијата “Газпром“ наменета за деца - “Фудбал за Пријателство“.Во Македонија, Младите Амбасадори Милош Спасовски, Борјан Томовски, Лука Јаневски и Калина Василевска разговараа со децата од Младинската Фудбалска Школа на ФК “Вардар“ за мисијата и деветте вредности кои ги промовира проектот – пријателство, еднаквост, фер-плеј, здравје, мир, посветеност, победа, традиција и чест. Воедно, на средбата присуствуваше и легендата на фудбалскиот клуб “Вардар“ и сегашен тренер на голманите во младинските категории на овој клуб, г-дин Слободан Мутибариќ. Тренерот со Младите Амбасадори и присутните деца го сподели своето лично искуство од теренот напоменувајќи дека спортувањето од рана возраст е важно, но покрај негувањето на талентот и физичката подготовка за професионално развивање како фудбалер, подеднакво важни се и суштинските вредности кои се пренесуваат преку фудбалот. Дополнително, г-дин Мутибариќ разговараше со децата за улогата на тренерите преку пренесувањето на вештини за развој на добри спортисти и квалитетни фудбалери, истовремено поттикнувајќи ги да бидат подобри луѓе, тимски играчи, да ги почитуваат останатите без разлика на различностите и да бидат пример за останатите. Како потсетник за секојдневна примена на клучните вредности на овој проект, Младите Амбасадори им подарија на присутните деца Алки на Фудбалот и Пријателството - симбол на проектот и вредностите кои ги поттикнува. Покрај нив, на фудбалскиот терен, во знак на поддршка на проектот, присуствуваа и минатогодишните учесници - Ева Јакимовска и Максим Цониќ. “Одбележувањето на овој Интернационален ден на Фудбалот и Пријателството е потврда за континуираната потреба на развивање и надоградување на младинскиот спорт, а воедно и можност за потсетување на најважните вредности кои сите ние треба да ги применуваме – на теренот и пошироко. Зачувувањето на традициите, создавањето нови, пренесувањето на искуството и знаењето на новите генерации се само дел од суштинските елементи за професионален развој и успех во секое животно поле.“ – изјави г-дин Слободан Мутибариќ.“За нас, како Млади Амбасадори – учесници во овогодинешната сезона на проектот ‘Фудбал за Пријателство’ е навистина важно да ја пренесеме клучната порака на проектот помеѓу нашите другари, пријатели и познаници. Ни претставува вистинско задоволство да сме вклучени во ваква меѓународна програма, во чии рамки, се надеваме дека ќе допринесеме за поттикнувањето и негувањето на позитивни вредности кај новите генерации во нашата земја.“ – изјави Калина Василевска, Млад Новинар, во име на Младите Амбасадори.Интернационалниот Ден на Фудбал и Пријателство (25. Април) за прв пат бил одбележан во 2014 година од страна на младите амбасадори на Интернационалната Детска Општествено-одговорна програма на компанијата Газпром - „ФУДБАЛ ЗА ПРИЈАТЕЛСТВО“. Во текот на овој ден сите кои ги поддржуваат клучните вредности презентирани и поддржани од оваа програма, како: еднаквост, почит за другите култури и мир, одржуваат пријателски натпревари, работилници, средби со познати фудбалери и најразлични активности. Дополнително, учесниците во активностите разменуваат сино-зелена Алка на Пријателството, чија сина нишка го симболизира мирното небо, а зелената - фудбалскиот терен, пристапен за секого.
Спорт | пред 7 години
Граничната полиција на аеродромот во Сараево, денес, при редовна контрола, откри сириски државјанин, кој без дозвола за движење и задржување во рестриктивната зона на аеродромот се обидел да се качи на авион за Виена поради што е ставен под надзор.Според граничната полиција, авионот што летал за Виена бил евакуиран и била извршена контрадиверзантска проверка на авионот по што било утврдено дека нема пречки за полетување на авионот, објави „Фена“.Пилотот им потврди на патниците дека одредени лица ги заобиколиле безбедносните бариери и дека поради тоа, летот доцни.Авионот полета по два часа задоцнување.
Свет | пред 7 години
Кандидатот за претседател на СДСМ и коалицијата Стево Пендаровски вчера во Велес истакна дека граѓаните треба да гласаат за број три, бидејќи тоа е гаранција дека режимот на Груевски нема да се врати, оти ќе се поддржи политичката опција што ја внесува Северна Македонија во Европската Унија и НАТО, оти на тој начин земјата ќе добие претседател од кој нема да се срами.– Има точно три години како почна „шарената револуција“, километри поминавме изиритирани од тогашната одлука на Иванов да аместира педесетина „супер криминалци“ од тогашниот режим на фамилијата. Чув дека постои иницијатива од некогашните „шарени револуционери“, кои доведоа до пад на режимот, заедно со сите нас, двајцата против кандидати од вториот круг да се соочиме со тие луѓе за тие да ни кажат кои се нивните замерки за изминатите три години, зошто дел од нив се разочарани, што можеме да направиме за да се обврземе пред нив, оваа држава конечно да биде уредена според клучниот принцип на шарената револуција – „нема правда, нема мир“. Ја прифаќам таа покана во време и место кое тие ќе го определат и подготвен сум да одговорам на сите нивни барања, нагласи Пендаровски.Наведе дека, доколку другата опција добие мнозинство на вториот круг од претседателските избори, тоа ќе значи враќање на Груевски, и како што рече негово управување од Скопје.
Македонија | пред 7 години
Кандидатот за претседател на Република Македонија, проф. Д-р Гордана Сиљановска Давкова при дуелот со опонентот посочи дека кога таа ќе стане претседател на државата, во Уставниот суд ќе седнат експерти, а не како сега партиски послушници.„100% сум сигурна дека ќе останам своја, а не 102% сигурна со ставовите на некој друг, држете ме до збор. Стручноста , компетентноста, меритократијата се мојот живот. Не само што го предавам тоа и пишувам, туку секогаш го бранам. Значи држете ме до збор биографиите нема да бидат скриени како оние на амбасадорите. Ќе можат сите да видат што значат луѓе со биографија, компетентност и стручност. И на факултет и секаде каде што сум работела сум се држела до тој принцип. Значи во Уставниот суд ќе седнат врвни правници, судии од највисок ранг, професори“, појасни Сиљановска.Сиљановска додаде дека сега наградени луѓе добиваат функции, дури се чуди како нејзиниот опонент не станал судија во Уставен суд бидејќи тоа обично е награда за добро завршена работа во ДИК, бивши министри, бивши пратеници итн.„Јас немам намера кога ги споменуваме законите да ги поништувам и да ги укинувам, тоа е надлежност на Уставниот суд, ама ние Уставен суд во моментот немаме“, нагласи Сиљановска.
Македонија | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања