Мицкоски: Сакам да бидеме политичари кои наместо да газат по црвени теписи, ќе се спуштаат со проектите на терен

Претседателот на ВМРО-ДПМНЕ, Христијан Мицкоски во своето гостување во емисијата „200“ на Алсат М телевизија, говореше за својата историска улога како политичар во Македонија.Тој истакна дека сака да даде една нова понуда кај граѓаните која ќе е симбол за политичари кои наместо да газат црвени теписи, ќе се спуштат кај граѓаните и ќе им понудат проекти.-Сакам да понудам една нова понуда кај граѓаните која ќе е симбол за политичари кои наместо да газат црвени теписи, ќе земат со проекти и ќе се спуштат доле кај граѓаните. Јас ова го сметам како моја лична историска улога.

Македонија | пред 7 години

Снег на патот Маврово-Галичник

Снежни навеви има на патниот правец Маврово-Галичник. Екипи на ЈП Македонија пат работат на расчистување н целосно оспособување за сообраќај на овој патен правец.Работите, како што најавуваат, ќе потрајат во наредните два до три дена до целосно расчистување.

Македонија | пред 7 години

ВМРО-ДПМНЕ: Тричковски повикува на убиство на Милошовски, а надлежните молчат

СДСМ се во страв и паника затоа што знаат дека ги губат изборите и ја немаат довербата од народот. Токму затоа се впуштија во сценарио за ширење на страв и закани, велат од ВМРО-ДПМНЕ.„Во последните неколку дена јавноста е сведок како членови и активисти на СДСМ  јавно се закануваат и шират говор на омраза, а сето тоа поминува без осуда од власта и без реакција на МВР и Јавното Обвинителство.Еден од мегафоните на власта, новинарот Бранко Тричковски јавно повика на насилство и убиство кон пратеникот на ВМРО-ДПМНЕ, Антонијо Милошовски, само затоа што ја прецртал Северна од името како претставник на Советот на Европа,  а надлежните молчат.Иако СДСМ ветуваа дека ќе се санкционира говор на омраза, за институциите јавен повик на убиство не е доволен за да реагираат.Впрочем ова не е прв пат Тричковски да шири говор на омраза, а МВР и Јавното Обвинителство да не реагираат. Претходно тој повикуваше на убиство на поранешниот премиер и претседател на ВМРО-ДПМНЕ, Никола Груевски, но ниту тогаш не надлежните не презедоа ништо против него и немаше покренато обвинение против него.За нервозата и паниката во власта сведочи неодамнешната случка во скопски Аеродром, кога партиски активист на СДСМ, вербално и физички нападна член на Унијата на Млади Сили на ВМРО-ДПМНЕ, кој го снимаше како нервозно ги кине плакатите на професорката Силјановска Давкова.  Од активисти на СДСМ, беше сторено и тешко кривично дело попречување на изборната кампања, откако нападнаа и им го одзедоа рекламниот материјал за изборите на младите активисти на ВМРО-ДПМНЕ.За ниту еден од овие случаи СДСМ не се оградува, не ги осудува, а надлежните не реагираат.  Очигледно е дека стравот од губење на изборите е голем и  СДСМ веќе не бира ни средства како да ги заплаши граѓаните.МВР и ЈО  мора да се одважат и да излезат од спрегите на власта за да ги истражат  овие случаи и да ги казнат виновниците.  Ширењето на страв, заканите, нападите и говорот на омраза не смее да останат неказнети.Неспособниот СДСМ единствениот начин да остане на власт го гледа преку закани и уцени. Граѓаните на Република  Македонија не заслужуваат да живеат во паника и страв. Тие заслужуваат подобро.Токму затоа на претседателските избори неопходна е победа на професорката Гордана Силјановска Давкова за веднаш потоа да следат предвремени парламентарни избори и СДСМ конечно да замине, за да може да дојде подобро утре за Република Македонија и граѓаните“, се вели во соопштението.

Македонија | пред 7 години

(ВИДЕО) Вооружен грабеж на аеродромот во Тирана, еден убиен

Албанската полиција соопшти дека е пукано во маж откако група неидентификувани лица извела кражба на меѓународниот аеродром, но не е соопштено за која сума се работи и кој е ограбен.Како што пренесе Дејли меил се работи за сума од 10 милиони евра која е украдена од авион кој се подготвувал да полета.Полицијата само навела дека станува збор за група маскирани и вооружени мажи, како и дека кражбата се случила попладнето на аеродромот Мајка Тереза Ринаси во Тирана, пренесе АП.Како што се наведува, дошло до размена на оган на километар од аеродромот, и при таа прилика е убиен маж.Мафијашите се обиделе да го пресретнат блиндираното возило кое ги пренесувало парите до авионот.

Свет | пред 7 години

ОЈО: Прегазениот пешак во Ново Лисиче не поминувал на пешачки

Дежурен јавен обвинител од Основното јавно обвинителство Скопје, заедно со увидни екипи на Министерството за внатрешни работи и претставници на Институтот за судска медицина, криминалистика и медицинска деонтологија, вечерва изврши увид на булеварот „Видое Смилевски – Бато“ во скопската населба Ново Лисиче, каде во сообраќајна несреќа еден пешак го загуби животот.Според првичните сознанија, несреќата се случила кога 57-годишниот пешак излегол на булеварот надвор од обележан пешачки премин. Притоа, на него налетало возило Шкода октавиа со германски регистарски таблички, управувано со полномошно од македонска државјанка. Од ударот, пешакот починал на лице место.По наредба на јавен обвинител, телото на починатото лице е предадено на обдукција, а ќе се испитува и присуство на алкохол во крвта и урината на возачот на автомобилот. Од Министерството за внатрешни работи е побарано да изврши проверка на снимките од видео надзорот на околните објекти и на системот „Безбеден град“ со цел да се утврди дали камерите го регистрирале настанот. Во насока на утврдување на фактичката состојба ќе биде издадена и наредба за сообраќајно-техничко вештачење.

Скопје | пред 7 години

Нема фотографија

Облачно со врнежи од дожд и засилен ветер

Времето денеска ќе биде променливо облачно и нестабилно со локални врнежи од дожд проследени со грмежи и засилен ветер, особено во источните делови. Повеќе сончеви периоди ќе има во западните делови.Утринската температура ќе се движи од три до 10 степени, а дневната температура од 10 до 22 Целзиусови степени.Во Скопје ќе биде променливо облачно и нестабилно со локални врнежи од дожд проследени со грмежи и засилен ветер, особено во источните делови.Утринската температура ќе достигне до осум, а дневната температура до 18 степени.Утре ќе настапи преодно стабилизирање, а потоа следува период во кој ќе преовладува променливо облачно и нестабилно време со локални врнежи од дожд, повремено поинтензивни и претежно во попладневните часови.

Македонија | пред 7 години

Прегазен велосипедист во Ново Лисиче

 Трагедија вечерва во скопско Ново Лисиче- почина прегазен маж кој се движел со велосипед.Според информациите кои за Канал 5 ги потврдија од полицијата, прегазен е средовечен маж, кој им подлегнал на повредите. Тој возел велосипед , кога на него налетала Шкода Октавија на булеварот „Видое Смилевски Бато“ управувано од 49-годишниот М.Ц.Станува збор за машко лице на возраст од околу 50 год. По доаѓање на итната медицинска помош констатирана е смрт кај велосипедистот.Телото е пренесено на обдукција

Скопје | пред 7 години

(ВИДЕО) Додека Костадин Костадинов, бара одговори, од белиот дворец ечи песната за „Костадин Војводата“

ВМРО ДПМНЕ го пречекаа портпаролот на СДСМ Костадин Костадинов со музика. На денешната пресс конференција на која Костадинов  од пред седиштето на ВМРО-ДПМНЕ бараше одговор за луксузните лустери кои завршија како донација во црквата во селото Љубанци, од „Белата палата“ му ја пуштија песната „Слушам кај шумат шумите“ во која се раскажува судбината на „Костадин Војводата“.Музиката беше толку гласна, што Костадинов мораше да вика за да го слушнат новинарите.

Македонија | пред 7 години

Наместо да запре, говорот на омраза се разгорува, Тричковски на ФБ: Му предлагам на Антонијо да умре!

Се разгорува говорот на омраза на социјалните мрежи, а МВР засега молчи. Долгогодишниот гласноговорник на СДСМ, Бранко Тричковски, преку фејсбук  му посака смрт на пратеникот на ВМРО-ДПМНЕ, Антонио Милошоски.Тој напиша:Му предлагам на Антонијо да умре!Да можам да го чкртнам на некоја читуља.Да го убијам како мртовецИ да го оживеам како будала!Инаку ова не е прв пат Бранко Тричковски на својот ФБ профил објави шокантен статус . Тој на 23 февруари на својот ФБ профил  напиша:-А да го киднапираме Мицкоски и да му ги извадите сите партиски органи? 

Македонија | пред 7 години

Пријава за говор на омраза од Хелсиншкиот комитет за поглаварот на ИВЗ

Хелсиншкиот комитет  поднесе пријава за говор на омраза за Поглаварот на ИВЗ  Сулејман Реџепи. Хелсиншкиот комитет препознал ширење на омраза и излагање на подбив на македонскиот народ во неговиот говор кога дава квалификации на „див“ и „непримерен народ без идентитет“.За потсетување Реџепи присуствувајќи на поставувањето на камен темелникот на џамијата во скопското село Арнакија рече дека во минатото, еден македонски премиер, со 60 килограми динамит ја урнал џамијата.„Нам не ни пречи да градат цркви, но никогаш нема да молчиме кога не попречуваат во градењето на џамиите, кога не се одобрува нивната изградба, оваа работа нема да ја дозволиме никогаш. Никогаш нема да молчиме. Се надеваме со Господ напред дека ќе дојдат подобри времиња. Ние имаме народ и места секаде. Во село Лажец, Битолско, повеќе од 100 години немаат џамија. Замислете вие со каков див народ живееме. Овие се безпримерен див народ, затоа немаат идентитет и нема да имаат никогаш, без разлика дека ние сакаме да им помогнеме. Не се помага, бездушниот, не се освестува.“ -  рече  Реџепи.

Македонија | пред 7 години

Девојка нападната во ноќен клуб

На 08.04.2019 во 14.30 часот во Полициската станица Аеродром, Е.Т.(32) од Скопје пријавила дека на 07.04.2019 околу 04.00 часот во ноќен клуб на улица „Анастас Митрев“ била физички нападната од С.К. Се работи на расчистување на случајот.

Македонија | пред 7 години

Противправно изградиле станбена куќа со деловен простор, на државно земјиште

СВР Куманово поднесе кривична пријава против Ј.Б.(56) од Кратово поради постоење основи на сомнение за сторени кривични дела „узурпација на недвижности“ и „поднесување лажни докази“ и против Г.Б.(29) од Кратово поради постоење основи на сомнение за сторено кривично дело „узурпација на недвижности“. Во Кратово, на улица „Вера Јоциќ“, на парцела од 51 метар квадратен, сопственост на РС Македонија, пријавените противправно изградиле станбена куќа со деловен простор.Притоа, пријавените на парцела од 17 метри квадратни, сопственост Ц.В., А.В. и О.В., сите од Кратово, протиправно изградиле пристапни скали до наведениот објект. По ова, во Општина Кратово, во прилог на барањето за легализација на наведениот објект, првопријавениот доставил лажна изјава дека истиот бил изграден во 2010 година.

Македонија | пред 7 години

35 годишен скопјанец нападнал две малолетни лица

На 08.04.2019 во 15.40 часот во СВР Скопје, С.Т.(43) и Б.С.(52), двајцата од Скопје, пријавиле дека истиот ден околу 14.30 часот на улица „Тодор Александров“ нивните малолетни синови на возраст од 14 и 15 години биле физички нападнати од И.Р.(35) од Скопје. Сочинет записник за констатиран прекршок по член 12 од Законот за прекршоците против јавниот ред и мир.

Македонија | пред 7 години

Нема фотографија

Каснат од куче скитник во училишен двор во Велес, напад од куче и во Гостивар

На 08.04.2019 околу 18.00 чaсот во СВР Велес, С.Н.(55) од Велес прјавил дека во училишниот двор на ССОУ „Коле Неделковски“ во Велес бил каснат од куче скитник. На 08.04.2019 околу 10.00 часот во Полициската станица Гостивар, Б.Х.(22) од Гостивар пријавила дека на улица „Мајор Чеде Филиповски“ била касната од куче скитник на левата нога.

Македонија | пред 7 години

Кај 25 годишен жител од село Неготино, гостиварско пронајден хероин

СВР Тетово поднесе кривична пријава против О.А.(25) од село Неготино, гостиварско, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори’’.На 13.09.2017 година во Тетово полициски службеници извршиле преглед над пријавениот, при што пронашле и одзеле хероин.

Македонија | пред 7 години

Нема фотографија

Во возило полицијата пронашла марихуана – поднесена кривична пријава за две лица

СВР Штип поднесе кривична пријава против Е.Б.(28) и Д.Ф.(40), двајцата од Кочани, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурзори“ и „овозможување на употреба на наркотични дроги“. На 12.12.2018 на патот Неготино – Штип, во патничко возило управувано од второпријавенот, првопријавениот им овозможил на Д.Ф. и уште едно лице, да конзумираат марихуана.Во близина на Кочани, при преглед на наведеното возило, полициски службеници пронашле и одзеле кеса со 236 грама марихуана.

Македонија | пред 7 години

Работник се здобил со повреди при изведување на градежни работи на зграда во Кочани

На 08.04.2019 година во 11.10 часот во Полициската станица Кочани, од Општата болница Кочани било пријавено дека околу 09.00 часот кај нив со повреди бил донесен Д.Ц.(59) од Кочани. Според пријавеното, тој се здобил со повреди при изведување на градежни работи на зграда во Кочани. Увид на местото на настанот извршила увидна екипа на Полициската станица Кочани и трудов инспектор и се преземаат мерки за расчистување на случајот.

Македонија | пред 7 години

ЦИВИЛ: Сулејмани да одговара за говорот на омразата

ЦИВИЛ – Центар за слобода остро ја осудува изјавата на поглаварот на Исламската верска заедница, Сулејман Реџепи дадена на 14 март, на церемонија на поставување на камен-темелник на џамијата во скопското село Арнакија, а објавена на неговиот Фејсбук профил деновиве.Крајно неприфатливо е за еден поглавар на верска заедница да се служи со таков говор на омраза и да поттикнува верска и национална нетрпеливост.Неприфатливо е поглавар на верска заедница, чија цел е да обединува, а не да создава раздор меѓу народот, своите сограѓани да ги квалификува како „дивјаци и луѓе без идентитет“. Неприфатливо е човек кој е полн со толкава омраза да биде највисокиот претставник на една верска заедница во земјата. Исто така, неприфатливо е што оваа своја постара изјава, реисот повторно ја промовира на социјалните мрежи, и тоа во време на изборна кампања, со што дава еден поинаков контекст на целата содржина и отвора можности за манипулации и злоупотреба.ЦИВИЛ констатира дека со ваквата изјава, поглаварот на ИВЗ, Сулејман Реџепи грубо го крши членот 391 од Кривичниот законик, според кој не е дозволено предизвикување на омраза, раздор или нетрпеливост врз национална, расна, верска и друга дискриминаторска основа.ЦИВИЛ потсетува дека однесувањето на Сулејман Реџепи, како и многу пати досега, се коси со начелата за кои се претставува дека се залага. Уцени, поддршка на режими кои брутално убиваат новинари, како што беше случајот со новинарот Кашоги, уцени со враќање на имоти за поддршка на изборите, попречување на донесувањето на закони, како оние за абортус и антидискриминација, објавување лични фотографии на кои се наоѓа тој и малолетни членови од неговото семејство на кое држат оружје во рацете..., се само дел од ваквото однесување на Реџепи, на кое сведочиме со години.Однесувањето на Реџепи е крајно неприфатливо и мора веднаш да престане! Верските заедници, како исламската, така и православната и сите останати, мора да бидат одвоени од државата!Последната изјава на Реџепи, која предизвика експлозија од реакции во јавноста, а претставува пример за недолично и крајно неприфатливо однесување и за говор на омраза и дискриминација, ја оценуваме како кривично дело за кое Реџепи мора да поднесе одговорност!ЦИВИЛ бара од Министерството за внатрешни работи и од Јавното обвинителство да реагираат веднаш и да го повикаат Реџепи на одговорност! Законот мора да важи за сите подеднакво, па и за Реџепи!Исто така, бараме од Реџепи да се извини и да ја повлече својата изјава! 

Македонија | пред 7 години

Нема фотографија

ОЈО Гостивар поведе истрага за разбојништво во кичевска обложувалница

Надлежен јавен обвинител од Основното јавно обвинителство Гостивар донесе Наредба за спроведување истражна постапка против едно лице од Кичево за кое постои основано сомнение дека сторило кривично дело – Разбојништво од член 237 став 4 во врска со став 1 од Кривичниот законик.Осомничениот на 08.04.2019 година, со употреба на сила и закана дека непосредно ќе нападне врз животот и телото на друг, употребувајќи опасно орудие, одзел туѓ подвижен предмет со намера противправно да го присвои. Имено, тој влегол во спортска обложувалница во Кичево, со црна маска на лицето и со нож во раката, па се упатил кон шалтерот за уплата и исплата. Притоа со ножот му се заканил на оштетениот вработен во обложувалницата и од фиоката на работната маса одзел парични средства во вкупна вредност од 8.990 денари во различни апоени. Веднаш потоа се оддалечил во непознат правец. Осомниченото лице подоцна е пронајдено и лишено од слобода.Ценејќи дека се исполнети сите законски основи, надлежниот јавен обвинител до судијата на претходна постапка при Основниот суд во Гостивар достави предлог за определување мерка притвор за осомничениот. 

пред 7 години

Едно лице осомничено за неовластено држење оружје во својот автомобил

Основното јавно обвинителство Скопје донесе Наредба за спроведување истражна постапка против едно лице осомничено дека сторило кривично дело – Неовластено изработување, држење и тргување со оружје или распрскувачки материи од член 396 став 1 од Кривичниот законик.Осомничениот жител на селото Грчец на 07.04.2019 година, на булеварот „Партизански одреди“ спроти трговскиот центар „Лептокарија“, во својот автомобил, неовластено држел полуавтоматско огнено оружје – пиштол марка „Црвена застава 99“ со калибар 9 мм, како и пет куршуми муниција за тој пиштол. При преглед на возилото од страна на овластени полициски службеници, оружјето било пронајдено и одземено.Против истото лице, во Основното јавно обвинителство Скопје во тек е уште една кривична постапка за исто кривично дело, по кривична пријава поднесена во октомври 2018 година. Имајќи го предвид овој факт, надлежниот јавен обвинител ценеше дека е оправдан стравот дека осомничениот би можел да го повтори кривичното дело или да се даде во бегство за да го избегне кривичниот прогон, па до судијата на претходна постапка достави и предлог за определување мерка притвор за осомниченото лице. 

пред 7 години

Повредените во автобуската несреќа на 13 февруари ослободени од партиципација за здравствено лекување

На оваа своја седница Владата ja разгледа и усвои Информацијата за ослободување од обврската за плаќање на учество (партиципација) при користење на здравствените услуги од страна на повредените патници во сообраќајната несреќа која се случи на 13.02.2019 година на патот Скопје - Тетово, кај селото Ласкарци, во знак на солидарност и сочувство со фамилиите на починатите и повредените.

Македонија | пред 7 години

Регулаторна стратегија за аудио и аудиовизуелната дејност треба да биде ревидирана

На барањето на Собранието на Република Северна Македонија, Владата на РСМ донесе одлука да даде негативно мислење за предлогот за Регулаторна стратегија за развој на аудио и аудиовизуелната дејност за периодот од 2019 до 2023 година, предложена од Агенцијата за аудио и аудиовизуелни медиумски услуги, со образложение дека предлогот не е усогласен со другите стратешки документи за развој на оваа област и достави мислење дека предложената Регулаторна стратегија за развој на аудио и аудиовизуелната дејност треба да биде ревидирана.

Македонија | пред 7 години

Одобрени средства за реконструкцијата, пренамена и доградбата на ЈЗУ Општа болница Кичево

На денешната седница, Владата одобри Министерството за здравство да ја започне постапката за доделување на повеќегодишен договор за јавна набавка за втората фаза од реконструкцијата, пренамената и адаптацијата и доградбата на ЈЗУ Општа болница Кичево, во вкупна вредност од 298.000.000,00 денари без ДДВ, со тригодишна динамика на исплата на утврдените средства.

Македонија | пред 7 години

Мултифункционалната Национална арена ќе го носи името „Тоше Проески“

На денешната 129-та редовна седница Владата на Република Северна Македонија донесе Одлука за преименување на мултифункционалната национална арена „Филип Втори“ во Национална арена „Тоше Проески“.

Скопје | пред 7 години

Регионални бизнис центри за поддршка на приватните иницијативи во општините

На денешната седница Владата на Република Северна Македонија ја разгледа и усвои Информацијата за спроведувањето на активностите за поддршка на приватниот сектор од страна на Центрите за развој на планските региони – Регионални бизнис центри. Во периодот што следува Министерството за локална самоуправа во соработка со Швајцарската агенција за развој и соработка, ќе пристапи кон потпишување на новите анекс договори за финансиска поддршка на регионалните бизнис центри за обезбедување на поддршка за подобрување на советодавните услуги на бизнис центрите, како што е утврдено во Буџетот на проектот.На предлог на Министерството за локална самоуправа, Владата на РСМ денеска донесе Одлуката за доделување средства за финансирање на проекти за развој на планските региони за 2019 година во вкупен износ од 288.746.849,00 денари.

Македонија | пред 7 години