ГАЛЕРИЈА: На Скопје му се случи невиден спектакл, а на Саша настап за кој ќе се зборува со години

На Скопје му се случи нешто што одамна му требаше, а тоа е вистински спектакл. Спрската ѕвезда Саша Ковачевиќ на концертот кој го одржа во Борис Трајковски успеа сите да ги крене на нозе, но и да пејат заедно со него, а со тоа да уживаат во бескрајно добрата атмосфера. Концертот беше во организација на „Балкан медиа“.Концертот на Ковачевиќ започна со „Још ти се надам“, која наместо тој, ја пееше публиката. Атмосферата се загреа за нецела минута откако тој излезе на сцена.Оние кои беа во првите редови пред Саша, со кренати раце се обидуваа да се поздрават него, додека останатите, со кренати телефони правеа снимки за на социјалните мрежи.Уште во првите минути откако Ковачевиќ излезе на сцена кажа дека по три години се враќа на нов концерт во Скопје, оти најомилената публика му е во Македонија. Тој додаде дека кога и да пее во нашата држава, атмосферата е секогаш посебна.Публиката се прилагодуваше на темпото на неговите ултра познати композиции, иако репертоарот беше измешан, а песните одеа брза, спора, брза. Концертот не можеше да заврши без песните како „За мало твој“, „Температура“, „Браним“, „Кажеш не“, „Како после нас“. Премиерно, Саша за публиката ја испеа и „Преварена“, композиција која ја објави пред неколку денови.Публиката коментираше дека за концертот на Саша во Скопје ќе се зборува уште долго. На сцената му се придружи и Љуба Станковиќ, кој ја отпеа „Бато“ од Калиопи, а потоа настапи и неговата сестра.https://www.facebook.com/skopje1mk/videos/304568990215493/?v=304568990215493

Магазин | пред 7 години

Нема фотографија

Стоилковски: Пендаровски во едно телевизиско интервју го покажа сиот Заевизам што го спроведува

Вчера Стево Пендаровски го покажа своето лице уште еднаш, покажа дека е кандидат на Заевизмот, и дека всушност го претставува второто лице на истата паричка заедно со Зоран Заев.Искусен во службите, Пендаровски вчера бесрамно во едно телевизиско интервју изнесе повеќе невистини, во обид да го злоупотреби токму гостувањето во медиумот. Во само еден час, Пендаровски го покажа сиот Заевизам што го спроведува, што го продава и што се обидува да го наметне за следните 5 години, истакна Наум Стоилковски, Портпарол на ВМРО-ДПМНЕ.Ќе набројам неколку од примерите:Како прв, Пендаровски вчера бараше доказ дека некогаш не споменал СТОКА за народот, веројатно сметајќи на акцијата за бришење на таа изјава од социјалните медиуми. Ако Пендаровски ја нема во своите архиви и ја бараше вчера од медиумот, тука сме да го потсетиме.Еве го потсетуваме на изјавите Стево Пендаровски како тој вели дека народот бил стока, го качувале во автобуси, дека луѓето биле затворани во трло и дека ако се луѓе не би требало да бидат, присутни а станува збор за еден собир од 2015 година и дека партиските членови фактички не се луѓе.Денес на истите граѓани Пендаровски демократски пак им порачува, на оние што доаѓаат и што ги носат според списоци по, нели со комбиња на неговите трибини, демократски им порача да не му се појавуваат пред очи ако загуби! Ова е класичен пример за заевизмот и за политичката филозофија „Кажувам заборавам негирам“Продолжувам со втор пример, Пендаровски вчера бесрамно одглуми декане помни дека рекол дека е следен од разузнавачки служби, дека другиспоменале следење, а сите се сеќаваат како самиот во едно друго телевизискоинтервју порача дека бил следен од служби, и дека е загрижен за безбедноста!Почитувани ќе потсетам дека дури и Заев и Спасовски потоа јавно изјавуваа дека нема опасност по него, а истото го направи и Генералниот секретар на партијата, Кирацовски.Тоа уште еден заевизам покажан од страна на Стево Пендаровски, уште едно кажување, заборавање, негирање.Ќе преминам на третиот пример од неколку издвоени од вчерашното гостување на Стево Пендаровски во едно телевизиско интервју. Тој вели дека присуството на министрите и на премиерот на митинзите не е спорна. Патем нели самиот претходно посочи дека Заев можел сам да му ја води кампањата. А еве што мисли ОБСЕ за таквото присуство, ќе се повикам на првичниот извештај од изборната 2014 година, кога на двојните избори СДСМ загуби од ВМРО- ДПМНЕ со над 200.000 гласови. ОБСЕ наведува, цитирам „во голема мера беа присутни премиерот и останатите министри од кабинетот. Јасната поддршка во текот на изборната кампања придонесе кон нерамноправен терен и нецелосно почитување на раздвојувањето на партијата од државата, согласно побарувањата од ставот 5.4 од Копенхашкиот документ на ОБСЕ од 1990 година, како и стандардите на Советот на Европа.Е па почитувани, се мери ли работното време на Заев на Спасовски, на Манчевски министерот за партизација на администрацијата? Или не им е јасно дека тоа е заплашување на гласачите? Заплашување можеби за појавување на митинзите според утврден список? Или како да гласаат?Тоа е уште еден пример од неколкуте што ги посочив, само од едночасовно интервју зошто Стево Пендаровски е марионета во рацете на Заев.Секојдневно Пендаровски потврдува дека е искусна марионета во рацете на заевизмот. На Македонија и е многу и еден Заев, на Македонија и е потребна правда и правдина за Македонија и таа правдина за Македонија ќе победи, истакна Наум Стоилковски, Портпарол на ВМРО-ДПМНЕ. 

Македонија | пред 7 години

СЈО ќе стане историја, опозицијата ќе го предложи јавниот обвинител? Што се договорија Мицкоски и Заев

Премиерот Зоран Заев и министерката за правда, Рената Дескоска, синоќа оствариле средба со лидерот на ВМРО-ДПМНЕ, Христијан Мицкоски, и адвокатот Тони Менкиковски, кој го предводи преговарачкиот тим на опозицијата, околу прашањето за постоењето на Специјалното Јавно обвинителство.На средбата разговарале за Законот за јавно обвинителство со кој се решава и судбината на СЈО, но се договориле да не излегуваат со детали во јавноста додека да се постигне некаков договор.Извори и од владејачката, но и од опозициската партија за Скопје 1 велат дека Заклучено било  СЈО  да не  продолжи да функционира во оваа форма како досега, но и дека начелно е договорено опозицијата да предложи нов Јавен обвинител. Останало да се договори временска рамка во која тоа ќе се реализира.Разговорите меѓу групите продолжуваат .

Македонија | пред 7 години

Нема фотографија

Николовски: Работиме на долгорочна стратегија за земјоделството да биде стожер на македонската економија

Министерот за земјоделство, шумарство и водостопанство, Љупчо Николовски денеска присуствуваше на годишното собрание на Националната федерација на фармери. Николовски во своето обраќање ги презентираше мерките од новите Програми за финансиска поддршка во земјоделството и руралниот развој, како и идните политики на кои ќе работи министерството.Воедно, посочи дека отворената комуникација и директните средби со земјоделците и земјоделските здруженија се важни за креирање на соодветни мерки за развој на земјоделството и нивна ефикасна имплементација.Националната федерација на фармери како економско-социјален партнер на МЗШВ е член на потсекторските групи во рамки на МЗШВ и како таква активно учествува во подготвка на годишните програми и политиките за развој на земјоделството.„Земјоделството е значаен сектор за македонската економија, учествува со околу 10 отсто во бруто-домашниот производ и со голем процент на ангажираност на работна сила, но се соочува со сериозни предизвици, поради што посветено работиме на вклучување на сите чинители заради креирање на соодветни политики. Се надевам дека во рамки на потсекторските групи во склоп на МЗШВ заедно со социјално –економските партнери и со професорите ќе креираме соодвтени мерки и стартегии за развој на земјоделството. Имаме уште многу работа, ова е само почеток, и ова е само трасирање на патот на стабилизирање на земјоделството. Пред нас е макотрпна заедничка работа која што сум убеден дека во периодот што следи ќе даде позитивни показатели и дека земјоделството ќе биде стожер на нашата економија“, изјави министерот Николовски.При тоа министерот посочи дека се преземаат активности во делот на изградба на откупно-дистрибутивни центри на кои заеднички се работи со Факулетот за земјоделски науки и храна.Во текот на месец мај факултетот ќе ја презентира стратегијата за откупно- дистрибутивните центри која ќе даде точни податоци во кој регион што треба да се прави во однос на откупните центри. До крајот на годината Светска банка ќе обезбеди 20 милиони евра исто така за проектите за откупно - дистрибутивни центри. Овие активности како што потенцираше Николовски се важни за обезбедување на сигурен пласман на земјоделските производи и решавање на вишоците на производи.Во однос на барањето на Националната федерација на фармери за измени намерката 115 од четири годишната Програма за рурален развој 2018 -2021, акоја се однесува на жените од руралните средини, Николовски информирашедека веќе се работи на измени на оваа мерка, информацијата е во владинапроцедура и по завршувањето на претседателските избори ќе биде иформално изменета. Воедно, посочи дека се воведува и нова мерка која сеоднесува на жените од руралните средини и којашто предвидува поддршка од3.000 евра.Министерот Николовски ги презентираше и дургите нови мерки планирани за оваа година, како што е воведувањето на евтината зелена нафта за земјоделците, зголемената поддршка за младите земјоделци од 10.000 на 20.000 евра, новата мерка за малите земјоделски стопанства, поддршката за инвестиции во преработувачката индустрија, мерките од ИПАРД 2 програмата и друго. 

Македонија | пред 7 години

Костадинов: Од луксузниот дворец, се вадат вредни предмети и истите наводно се донираат под крајно сомнителни околности

Зад мене е луксузниот дворец на ВМРО-ДПМНЕ, симболoт на криминалот и корупцијата на режимот, изграден во времето на најголемата сиромаштија во земјава. Од овој луксузен дворец, деновиве се вадат луксузни, вредни предмети и истите наводно се донираат под крајно сомнителни околности, истакна Костадин Костадинов, портпарол на СДСМ и пратеник.ВМРО-ДПМНЕ и Христијан Мицкоски пред јавноста треба да кажат колку чинат и како се набавени скапите лустери?Дали и каде, во кој финансии извештај ја пријавиле оваа луксузна набавка?Да потсетиме, имтот е замрзнат заради судски предмет пред надлежниот суд а во ек на кампања не се дозволени донации.Дали криминалниот имот, стекнат на сметка на граѓаните сега се шверцува на сомнителен начин?Еве шанса и за Гордана Сиљановска, која сака да зборува за правото, да се изјасни за лускзусните лустери и обидот на ВМРО-ДПМНЕ замрзаниот имот да го прошверцува, истакна Костадин Костадинов, портпарол на СДСМ и пратеник.

Македонија | пред 7 години

Нема фотографија

Жена и маж каснати од кучиња скитници во Центар

На 08.04.2019 во 17.05 часот во Полициската станица Центар, С.Ц.А.(51) од Скопје пријавила дека истиот ден околу 11.00 часот на улица „Кеј 13-ти Ноември“ била касната од куче скитник на десната нога.На 08.04.2019 во 17.50 часот во Полициската станица Центар, З.Т.(35) од Скопје пријавил дека на Плоштад „Македонија“ бил каснат од куче скитник во пределот на десната нога.

Скопје | пред 7 години

Нема фотографија

Кај 26 годишен жител од Грчец пронајден пиштол со една рамка со пет куршуми

Секторот за внатрешни работи Скопје, до надлежното Основно јавно обвинителство-Скопје, поднесе кривична пријава против Ф.Л.(26) од село Грчец, скопско, поради постоење основи на сомнение дека сторил кривично дело „недозволено изработување, држење и тргување со оружје или распрскувачки материи“, казниво по член 396 од Кривичниот законик. На 07.04.2019 околу 23.40 часот на булевар „Партизански одреди“, при преглед на патничко возило „Мерцедес“ со скопски регистарски ознаки, управувано од пријавениот, полициски службеници пронашле и одзеле пиштол со една рамка со пет куршуми калибар 9мм, што ги поседувал без дозвола. Ф.Л. бил лишен од слобода.

Македонија | пред 7 години

(ВИДЕО) Донација од околу милион евра од Владата на Република Чешка

Денешниов настан не е само важен во однос на натамошното унапредување на техничко-организационите капацитети на Министерството за внатрешни работи на Република Северна Македонија, туку уште повеќе тој е значаен како силен показател на едно, веќе етаблирано, искрено и конкретно партнерство и поддршка што во годините наназад ја имаме од нашите колеги од чешкото министерство за внатрешни работи и од владата на пријателска Република Чешка, рече министерот Оливер Спасовски по денешното потпишување на договорот за донација од Република Чешка за нашето Министерство за внатрешни работи од околу еден милион евра.-Преку Договорот што пред малку го парафиравме со министерот за внатрешни работи на Република Чешка, г-динот Хамачек, за користење на финансиската донација од речиси еден милион евра, ние продолжуваме во насока на реализирање на заедничките цели, а тоа се високите и квалитетни безбедносни стандарди во интерес на граѓаните. Финансиските средства се наменети за активности поврзани со зајакнување на капацитетите на Одделите за гранични работи и миграции, за сузбивање на организиран и сериозен криминал, како и за воздухопловните единици при Министерството за внатрешни работи на Република Северна Македонија- рече Спасовски.Со оваа донација се проширува опсегот на меѓусебна соработка во повеќе безбедносни сегменти од взаемен интерес за техничко осовременување и доопремување на неколку организациони единици при МВР, со посебен акцент на миграционата проблематика.-Колегите од чешката полиција се во континуитет присутни на нашата јужна граница од 2016 година до денес, каде што заедно со припадниците на нашето министерство заеднички остваруваат задачи на обезбедување на граничниот појас. Сакам, на крајот, во оваа прилика во свое и во име на Министерството за внатрешни работи на Република Северна Македонија уште еднаш да им се заблагодарам на нашите пријатели за помошта и поддршката што ја добиваме, убеден дека таа наша соработка не само што ќе продолжи во иднина туку и ќе биде значително интензивирана во интерес на националната, регионалната и глобална безбедност- рече Спасовски.Министерот Хамачек потенцира дека Република Чешка и во иднина ќе продолжи да и помага на Република Северна Македонија на патот кон евроатланските интеграции, а денешната посета е еден од конкретните примери за одличната соработка меѓу двете држави.-Република Чешка е пријател на Република Северна Македонија, кој ќе и помага на нејзиниот пат- рече министерот Хамачек.Покрај финансиската помош, веќе неколку години полициски службеници од Република Чешка и помагаат на нашата полиција на јужната граница. Веднаш по завршувањето на денешната средба, министрите Спасовски и Хамачек ги посетија овие полициски службеници, изразувајќи им благодарност за нивниот придонес за гарантирање на безбедноста на јужната граница.

Македонија | пред 7 години

Пронајден мртов 23 годишниот син на поранешниот градоначалникот на Штип

Ноќеска во викендичка во Делчево бил пронајден мртов Александар Захариев, 23-годишниот син на поранешниот градоначалникот на Штип, Илчо Захариев,.Од СВР Штип сè уште не ја потврдат информацијата, но најавија повеќе детали во текот на денов. Неофицијално смртта настанала со бесење, а на телото нема траги на насилство.Телото е предадено на обдукција.

Македонија | пред 7 години

(ВИДЕО) Камион со приколка удри во надвозник кај Песочан

Товарно возило на подизведувач на автопатот во изградба Охрид – Кичево, утрово удрил со приколката во надвозник кај селото Песочан. Најверојатно приколката на возилото не била спуштена.Причината за несреќата во која е предизвикана голема матријална штета ќе треба да се утврди.Дали возачот заборавил да ја спушти, или станува збор за дефект ќе покаже истрагата. 

Македонија | пред 7 години

Комеморацијата и во Драмски – колегите со простуваат со Беличанец

Долгогодишни колеги, роднини и пријатели дојдоа денеска во Драмски театар на комеморацијата за актерката Билјана Беличанец Алексиќ, која почина во саботата вечерта, објави Фокус.Режисерот Слободан Унковски, актерите Диме Илиев, Драган Спасов Дац, Игор Стојчевски, Благоја Човечки, Лазе Манасков се само дел од актерите кои дојдоа да и оддадат почит на Беличанец.Билјана Беличанец (1973-2019) беше актерка во Драмскиот театар од 1997 година, а три години претходно работеше во Прилепскиот театар. Од дипломирањето на ФДУ во 1994 Беличанец имаше голем број театарски улоги и награди на фестивали.Играше во претставите: „Заводникот од западниот свет“; „Свадбата на Фигаро“; „Кандид во земјата на чудата“; „Тетовирани души“; „Три сестри“; „Домот на Бернарда Алба“; „Демонот од Дебар Маало“; „Кинегонда во Карлаленд“; „Грев или шприцер“; „Последните Македонци“; „Љубовници“…, како и во филмовите „Мајки“ и „Од денес до утре“. Беше дел од ТВ-проектот „Здраво генијалци“, а во последните години го позајмуваше гласот за ликови во турски ТВ-серии.Беличанец беше добитник на бројни награди за најдобро актерско остварување.Денеска е ден на жалост во општина Кисела Вода, каде Беличанец беше градоначалничка од 2013 до 2017.  

Скопје | пред 7 години

ФОТО: Царината заплени девизи, цигари, алати, играчки, облека, семиња, возило со бункер

Во текот на минатите две недели, царинските службеници открија повеќе обиди за криумчарење разна стока, при што привремено се задржани  девизи, цигари, употребуван алат, индустриска машина, хартија за пакување, автоделови, играчки, облека, обувки, бижутерија, семиња за земјоделски култури, медицински материјали, возило со бункер и фалсификувана патна исправа. Девизи– 20.000 евра, откриени од страна на мобилните царински тимови, при личен претрес на двајца српски државјани, кои со српски автомобил се пријавиле за излез од државата на граничниот премин Табановце автопат. Во рачна ташничка на сопатникот во возилото биле пронајдени 30.000 евра, за кои не поседувал документ за потекло или потврда за пријавени готови парични средства при влез во државата, издадена од македонските царински органи. Согласно законските прописи на возачот му биле вратени 10.000 евра, износ што нерезидент може слободно да го изнесе од државата, а за сторениот девизен прекршок ќе биде поднесено барање за поведување прекршочна постапка.– 8.550 евра, откриени при контрола на украински автомобил, со кој за влез во државата на граничниот премин Богородица се пријавиле тројца украински државјани. Во две рачни чанти, сместени на подот на возилото, биле пронајдени 38.550 евра, од кои на тројцата патници им биле вратени по 10.000 евра, износ што може слободно да се внесе во државата. За сторениот девизен прекршок, против возачот е поднесено барање за поведување прекршочна постапка.Цигари– 137 штеки цигари марка Camel Blue со македонски акцизни маркички, откриени на Интернационалниот Аеродром Скопје, при контрола на рачниот багаж на државјанин на Латвија, кој имал намера да отпатува со лет за Лондон. Непријавените цигари се привремено задржани, а против патникот ќе биде поведена прекршочна постапка.– 76 штеки цигари марка PALL MALL и Chesterfield со македонски акцизни маркички, откриени при контрола на албански камион управуван од македонски државјанин, пријавен за излез од државата на граничниот премин Табановцеавтопат. Непријавените цигари пронајдени во фабричка преграда под подот на приколката, се привремено задржани, а против возачот ќе биде поведена соодветна постапка.Алат, автоделови и индустриска машина– 114 парчиња употребуван алат (компресори, циркулари, апарат за заварување, хилти, дигалки за возила, бормашини, брусалки, убодни пили, бонсеци и друго), откриени од страна припадници на Министерството за внатрешни работи, при контрола на македонски автомобил, управуван од македонски државјанин, извршена во Скопје. Производите, за кои возачот не поседувал документи за потекло и платени увозни давачки биле предадени на мобилните царински тимови. Истите се привремено задржани, а против возачот е поднесено барање за поведување прекршочна постапка.– 1 машина за нанесување парафински лепак, 7.560 железни конусни игли и 27 парчиња мрсна парафинска хартија, откриени при контрола на разна стока со потекло од Италија, наменета за увозник од Виница, пријавена за увозно царинење во царинската испостава Делчево. Производите кои не биле опфатени со царинските документи, се привремено задржани а против увозникот ќе биде поднесено барање за поведување прекршочна постапка.– 134 употребувани и нови автоделови за патнички возила марка VW Golf(ламели, летви, клапни за карбуратори, пумпи за гориво, шепи за кочници, инструмент табли и турбини), откриени при контрола на германски автомобил со кој за влез во државата на граничниот премин Табановце автопат, се пријавиле двајца македонски државјани. Непријавените автоделови, пронајдени позади предните седишта и во багажникот на возилото, се привремено задржани, а против возачот ќе биде поведена соодветна постапка.Играчки, облека, бижутерија, делови за мобилни телефони, велосипеди и друго– 813 парчиња облека, 22 пара обувки, 415 детски играчки, 150 пара очила за сонце,  80 батерии и 6 велосипеди, откриени во 5 одвоени случаи од страна на мобилните царински тимови.Во првиот случај, при контрола на македонски автомобил, управуван од македонски државјанин, пријавен за влез во државата на граничниот премин Блаце, во најлонски кеси сместени позади предните седишта, на задните седишта и во багажниот простор, биле пронајдени 415 детски играчки, 96 комплети спортски дресови (горен и долен дел), 150 пара очила за сонце и 80 батерии од 1,5 волти.Во вториот случај, при контрола на македонски камион, управуван од македонски државјанин, пријавен за влез во државата на граничниот премин Табановце автопат, биле пронајдени 12 тркала и 6 рамки за велосипеди, кои биле прицврстени со ремени за товар за шасијата под приколката.Во третиот случај, во багажникот на патничко возило без таблички, натоварено на возило за влечна служба, управувано од македонски државјанин, пријавено за влез во државата на граничниот премин Ќафасан, биле пронајдени 416 парчиња облека и 22 пара обувки.Во четвртиот случај, при контрола на македонски автобус што сообраќал на релација Нови Пазар – Скопје, управуван од македонски државјанин, пријавен за влез во државата на граничниот премин Блаце, во две вреќи сместени во тоалетот на автобусот, биле пронајдени 96 комплети спортска облека.Во петтиот случај, при контрола на македонски автомобил, управуван од македонски државјанин, пријавен за влез во државата на граничниот премин Табановце автопат, во две торби сместени во багажникот на возилото, биле пронајдени 205 парчиња работна облека (маици, дуксери и панталони).Во сите пет случаи, непријавените производи се привремено задржани, а против возачите ќе бидат поденесени барања за поведување прекршочни постапки.– 460 парчиња бижутерија (прстени, обетки, алки, синџирчиња и шноли), 229 делови за мобилни телефони (заштитни стакла, футроли, слушалки и полначи), 195 пара очила за сонце и 36 приврзоци за клучеви, откриени при контрола на македонски автомобил, управуван од македонски државјанин, пријавен за влез во државата на граничниот премин Блаце. Непријавените производи, пронајдени во багажникот на возилото, се привремено задржани, а против возачот е поведена прекршочна постапка.– 35 парчиња женска облека (фармерки, џемпери, блузони и фустани), откриени при контрола на македонски автомобил со кој за влез во државата на граничниот премин Јажинце, се пријавиле двајца македонски државјани. Непријавените производи, пронајдени во најлонски кеси сместени под совозачкото седиште и позади предните седишта, се привремено задржани, а против возачот е поведена прекршочна постапка.Семиња за земјоделски култури– 203.000 парчиња семиња за земјоделски култури (домати, зелка, карфиол, брокула, морков и диња) со вкупна проценета вредност од околу 324 илјади денари, откриени при контрола на косовски автомобил, управуван од косовски државјанин, пријавен за влез во државата на граничниот премин Богородица.  Семињата, пронајдени во два куфери со лична гардероба сместени во багажникот на возилото, се привремено задржани, а против возачот ќе биде поведена соодветна постапка.Медицински материјали– 200 парчиња катетери марка Coloplast, откриени на Интернационалниот Аеродром Скопје, при рентгенска контрола на багажот на хрватски државјанин, кој допатувал со лет од Загреб. Непријавените производи се привремено задржани, а против патникот ќе биде поведена прекршочна постапка.Возило со бункер и фалсификувана патна исправаМобилните царински тимови, во два одвоени случаи, при контрола на две комбиња пријавени за излез од државата на граничниот премин Табановце автопат, откриле  специјално конструиран бункер и една бугарска патна исправа за која постои сомневање дека е фалсификувана.Во првиот случај, при контрола на товарно комбе со фински регистарски таблички, управувано од државјанин на Ирак, позади кабината во товарниот дел бил откриен влез во специјално конструиран бункер поврзан со кровниот дел на комбето.  Комбето е привремено задржано а против возачот е поднесено барање за поведување прекршочна пријава.Во вториот случај, при личен претрес на македонски државјанин, патник во  македонско патничко комбе, во неговата рачна торбичка била пронајдена бугарска патна исправа на сосема друго име, издадена од МВР Софија, од која биле искинати неколку страници. Поради сомневање дека се работи за фалсификувана патна исправа, случајот е предаден на Министерството за внатрешни работи за понатамошна постапка.   

Македонија | пред 7 години

Хашим Тачи нареди - избори во српските општини на 19-ти мај

Косовскиот претседател Хашим Тачи  нареди  четири српски општини да одржат нови избори на 19-ти мај , објави АП.Тој рече дека одлуката е донесена “во консултација со политичките партии”.Косовскиот премиер Рамуш Харадинај пак  ги повика граѓаните од четирите општини со мнозинство српско население во северно Косово да излезат на 19 мај на вонредните локални избори и да гласаат за своите кандидати за градоначалници.Медиумите објавуваат дека со овој потег ќе се интензивираат тензиите меѓу Косово и Србија.

Свет | пред 7 години

(ВИДЕО) Ги запалила поранешниот сопруг и невенчаната сопруга додека спиеле

Црногорската полиција денес ја уапси С.М. под сомневање дека подметнала пожар во Рожаја, град во североисточниот дел Црна Гора. Загинаа Сулејман Мурич 61- годишен маж и неговата 45- годишна невенчана сопруга. Кога пристигнале пожарникарите ги затекнале изгорените тела на мажот и жената.Уапсена е поранешната сопруга на Сулејман, Сафија.Според пријавеното таа ја полила собата со бензин, влегла низ прозор, запалила и побегнала.  Полицијата дознала дека откако побегнала со автобус се упатила кон Подгорица, па полицијата го сопрела автобусот и ја уапсила.

Свет | пред 7 години

Силјановска: Ќе ги привлечеме разочараните од СДСМ и „Шарената револуција“ да гласаат за мене

Добровечер бројни роднини, зошто дома сум, им се обрати на почетокот на митингот претседателскиот кандидат Гордана Силјановска Давкова на Кичевци. Таа му се заблагодари на ВМРО-ДПМНЕ што отвори врата за неа иако не е член на партијата.– Иако сум непартиски кандидат, ВМРО-ДПМНЕ го направи вистинскиот чекор, демократски, реформски, победнички, зошто заедно ќе ги привлечеме не само членовите и симпатизерите на ВМРО-ДПМНЕ, туку и членовите и симпатизерите на коалициските партнери на коалицијата „За подобра Македонија“, но и неутралните членови, како и разочараните членови од СДСМ, разочараните од „Шарената револуција“ – рече Силјановска.Таа додаде дека Македонија и географски и културно, и историски секогаш била дел од Европа. Силјановска потсети дека за Западен Балкан велат дека е Ахилова пета на ЕУ.– Ама јас која предавам, не само Уставно право туку и Европско Уставно право ги убедувам студентите тоа е нашиот заеднички дом. И дека не се оди во ЕУ качени на „Ориент Експрес“ кон Брисел. Туку по ЕУ стандардите се носи дома. Тоа ќе го направиме ние – посочи Силјановска Давкова.Според неа, единствената промена што ја направила власта, закитени со придавката „реформска влада“ е промената на името.– Од владеење на правото јас не гледам ни траг, ни глас. Нема владеење на правото без поделба на власта. А, кај нас власта е концентрирана во рацете на извршната власт. Во рацете на премиерот. Тогаш не може да има спреги и кочници. Тогаш нашите слободи и права се загрозени. Зошто ние учиме дека секоја власт се заканува да ве корумпира. Апсолутната власт апсолутното. Затоа секој ден се соочуваме со скандали. Станавме скандалозна земја. Меѓутоа мора да го смениме ова – нагласи Силјановска Давкова.Таа повтори дека по нејзината победа на претседателските избори премиерот мора да распише итно предвремени парламентарни избори.

Македонија | пред 7 години

Нема фотографија

ВМРО ДПМНЕ: Стево Пендаровски е слуга на Зоран Заев и следбеник на антидржавните и криминални политики

Стево Пендаровски е слуга на Зоран Заев и следбеник на антидржавните и криминални политики на картелот, без право на збор секогаш кога неговиот господар Заев е со него. Стево Пендаровски 102,5% се идентификува со неговиот господар Заев кој го избрал за да го продолжи и аминува ограбувањето на граѓаните и распродавањето на националните интереси, се вели во соопштението од ВМРО ДПМНЕ.Пендаровски тврди дека не е продукт на договор помеѓу неколку лидери кои одлучиле тој да биде кандидат. Пендаровски лаже како Заев. Токму Зоран Заев и лидерот на ДУИ, кого го обвинуваше за криминал, одлучија со политички договор зад затворени врати тој да биде кандидат. Пендаровски лаже како Заев.Пендаровски пред две години исто како Заев тврдеше дека ќе се намали младинската невработеност и ќе се подобри стандардот на младите. Младинската невработеност не е намалена. Младите се повеќе се иселуваат. Пендаровски лаже како Заев, тие се 102.5% исти.Заев ветуваше просечна плата од 500 евра. Просечната плата е далеку од 500 евра и после две години откако тој ја презема власта. Пендаровски и Заев се исти. Заев лаже и Пендаровски лаже.Граѓаните секојдневно се соочуваат со последиците од погрешните политики во економијата на СДСМ. Нема нови работни места. Нема подобар стандард. Граѓаните почнаа да гледаат единствена опција во иселувањето.Според податоците на германската амбасада, истата издава скоро 20.000 работни визи годишно, тоа се пред се млади луѓе, од кои голем дел и трајно се иселуваат.Заев излажа кога кажа дека ќе ги врати младите. Иселувањето не само што не е запрено, туку е и забрзано. Заев излажа. Заев и Пендаровски се 102.5% исти во лажењето.Република Македонија нема потреба од нов Зоран Заев. Државата мора да тргне напред. Гласот за Гордана Силјановска Давкова е глас против лошите политики на власт. Глас за право и правдина, се вели во соопштението од ВМРО ДПМНЕ..

Македонија | пред 7 години

(ВИДЕО) ДИК објави видео прирачник за едукација на изборните органи

Државната изборна комисија објави видео прирачник за едукација на членовите на општинските изборни комисиии и на избирачките одбори за спроведување на гласањето во странство за претстојните претседателски избори.Преку видеото се даваат насоки и информации за комисиите и изборните органи кои ќе го спроведуваат процесот на гласање. Целта на прирачникот е да помогне за законито, квалитетно, стручно  исполнување на сите активности кои произлегуваат од надлежностите на изборните органи.Инаку Државната изборна комисија (ДИК) во соработка со Националниот демократски институт (НДИ) денеска ќе ги посети општинските изборни комисии во Дебар, Охрид и Ново Село каде ќе оствари средби со кандидатите за градоначалници на овие општини или со нивните овластени претставници.

Македонија | пред 7 години

(ВИДЕО) Внуката на Садам Хусеин: Одлучив да ја кажам вистината

Луѓето имаат погрешна претстава за она што се случило во Ирак, изјави внуката на поранешниот ирачки лидер Садам Хусеин, Харер Хусеин Камел која се надева дека нејзината нова книга ќе ја расветли вистината за нејзината земја и семејство.– Избрав да напишам книга за да ја кажам вистината. Историјата на мојата земја е погрешно претставена, рече Харер Хусеин Камел објаснувајќи дека се чувствува одговорна да го разјасни начинот на кој бил прикажан Ирак и нападите на нејзиното семејство.Садам Хусеин владеел со Ирак речиси 25 години, додека не бил отстранет во текот на инвазијата под водство на САД во 2003-та година, а подоцна и погубен. Тој е обвинет за бројни кршења на човекови прави во текот на својот мандат.САД пратиле трупи во земјата, тврдејќи дека Хусеин имал оружје за масовно уништување, како и врски со Ал Каеда. Двете обвиненија подоцна биле докажани како лажни.

Свет | пред 7 години

За само 1.000 евра Трајановски купил фирма, а „гратис“ добил парцела со куќа

„360 Степени“ открива нови елементи во случајот што пред неколку дена го објави порталот „Призма“ за новата куќа на поранешниот градоначалник на Скопје, Коце Трајановски, во Ќерамидница, на самиот кеј на реката Вардар.„Призма“ обелодени дека градежната дозвола е издадена во март 2017-та, во период кога Трајановски е градоначалник, а сопственик на парцелата е фирмата „Природна органска храна“.Трајановски и неговата сопруга ја купуваат оваа фирма, а со тоа и парцелата на која веќе се градела куќа, во јуни 2018-та.Договорот за целосно преземање на фирмата, според „360 степени“ води до нов сомнителен податокот, а тоа е дека екс скопскиот градоначалник и сопругата ја купиле фирмата, а со тоа и парцелата со куќа, за само 1.000 евра.

Скопје | пред 7 години

Зеколи до Пендаровски: Единствените „твои” гласови се криминалците од ДУИ

Поранешниот амбасасор и политички жаналитичар Арсим Зеколи реагираше на изјавата на претседателскиот кандидат на СДСМ и ДУИ Стево Пендаровски дека Река ќе ги освоел неговите гласови на претседателските избори.„Кој се тие “твои” гласови? Единствените “твои” гласови се криминалците од ДУИ и потрчковците им од Алтернатива. На кои други гласови мисли човеков?Река ќе ги земе „моите“ гласови во првиот круг, велиПендаровски“, пишува Зеколи на Твитер.

Македонија | пред 7 години

Мицковски: Пендаровски е во филм од 2014-та, некој комплекс има на изгубена победа

Ивор Мицковски ја коментира изјавата на претседателскиот кандидат Стево Пендаровски дека противкандидатот Блерм Река ќе му ги земе гласовите во првиот круг на Претседателските избори закажани за 21 април.„Пендаровски: Река ќе ги земе моите гласови во прв круг.Река ќе ги земе своите и на ДУИ гласовите.Е дали после ќе ти ги даде е друго прашање.Твоите ќе ги земе во мал дел Силјановска, а во најголем дел ќе си останат „твои“.Човеков е во филм од 2014-та, некој комплекс има на изгубена победа.“, стои во објавата на Фејсбук.

Македонија | пред 7 години

Пендаровски: Во мојот мандат нема да амнестирам криминалци

Стево Пендаровски, заедничкиот кандидат за претседател, на трибина во Ѓорче Петров, говореше за евроатлантските интеграции, за иднината на младите, за концептот-едно општество за сите.„Пред две години дојде нова генерација политичари, меѓу кои се сметам и јас, кои не се грижеа за политичкиот рејтинг туку  работеа да ги отворат вратите за младите да имаат поубав живот и стандард. Направивме чекори кои не донесоа поблиску до Европа. Склучени се договорите со Бугарија и со Грција, ако продолжиме ќе добиеме  датум за почеток на преговори во јуни. За две години постигнат е  голем успех бидејќи овие политичари водат  сметка  не за партијата, туку за народот. За нас најважната партија е Република Северна Македонија“, рече Пендаровски.Потсети дека зад неговата кандидатура застанале граѓаните, пратеници и 30 политички партии од сите етнички заедници.„Неколкумина украдоа се,  ги наполнија торбите и заминаа и уште се бориме со финансиската руина која ни ја оставија. Многу сме блиску до мнозинство за  Закон за СЈО за да се продолжи со гонењето  на криминалците  кои треба и да ги вратат парите на народот. Во Кабинетот на оној  кој се уште е таму, пристигнале барања за амнестија за упадот во Собранието. Ветувам, во мојот мандат нема шанса да амнестирам криминалци, особено не на оние кои сакаат да убиваат граѓани“, рече Пендаровски.Пендаровски  рече дека Иванов 8 години бил нем посматрач а последните две години кочи се што власта прави за доброто на народот. Вети дека се ќе биде поправено во првите денови на неговиот мандат и ќе му биде вратено на народот она што му припаѓа.

Македонија | пред 7 години

Тасевски: Нажален татко ќе ви влезе со калаш и бомби, нема да можат да ве состават

Актерот Сашо Тасевски на својот Фејсбук профил реагираше на веста дека Апелација му ја намалила затворската казна на пијаниот возач кој ја усмрти студентката Фросина на пешачки премин кај Универзална сала.„Само три години затвор за оној што мртов пијан прегази девојка на Партизанска и тоа на пешачки премин. Апелација ја намалила првичната пресуда за триипол години. Знаете што сакате? Да почнеме сами да го земаме законот у свои раце. Тоа изгледа сакате мамицата... Некој нажален татко еден ден ко ќе ви влезе со калаш и бомби, нема да можат да ве состават. Која е поентата? Родителите останаа без дете, а тој убиецот пак ќе биде на улица и ќе смее да вози по една година. За каква правда зборувате?“, напиша Тасевски.

Македонија | пред 7 години

Крводарителска акција по повод Денот на Царината

По повод 27 години самостојна и независна царинска управа на Република Македонија, се организира крводарителска акција под мотото „Вашата крв спасува живот – придружете ни се“.Во акцијата ќе учествуваат царински службеници од цела држава, а ќе почне 9 часот во просториите на Царинската управа. 

Македонија | пред 7 години

Комеморација за Билјана Беличанец во Драмски театар

Драмски театар-Скопје денеска од 10 часот ќе одржи комеморација за актерката Билјана Беличанец која почина во саботата.Билјана Беличанец (1973-2019) беше актерка во Драмскиот театар од 1997 година, а три години претходно работеше во Прилепскиот театар. Од дипломирањето на ФДУ во 1994 Беличанец имаше голем број театарски улоги и награди на фестивали.Играше во претставите: „Заводникот од западниот свет“; „Свадбата на Фигаро“; „Кандид во земјата на чудата“; „Тетовирани души“; „Три сестри“; „Домот на Бернарда Алба“; „Демонот од Дебар Маало“;  „Кинегонда во Карлаленд“; „Грев или шприцер“; „Последните Македонци“; „Љубовници“…, како и во филмовите „Мајки“ и „Од денес до утре“. Беше дел од ТВ-проектот „Здраво генијалци“, а во последните години го позајмуваше гласот за ликови во турски ТВ-серии.

Македонија | пред 7 години