Зекири: Размислувам да поднесам барање за смена на Џафери

Во вечерашната дебата на Вести24, пратеникот и потпретседател на СДСМ, Мухамед Зекири, изјави дека Талат Џафери треба побрзо да се освести што прави како претседател на Собраниет.Мухемед Зекири изјави дека размислува да поднесе барање за смена на Талат Џафери од местото Претседател на Собранието и додаде дека ќе го држи за збор пратеникот Антонио Милошоски, кој рече дека ќе ја поддржи таквата интерпелација доколку биде поднесена од страна на СДСМ.

Македонија | пред 7 години

Обуки и теренски активности во рамките на проектот „Дувало: од предизик до решение“

Во тек е реализацијата на вториот циклус работилници организирани во рамките на проектот “Дувало: од предизик до решение”. Учесниците во рамки на циклусот покрај обуките го посетија и локалитетот „Дувало“ кај селото Косел, а беа во посета и на планината „Галичица“. Проектот е имплементиран од страна на Здружението за одржлив развој Синиот Проект, како дел од Програмата за подобрување со управување на заштитените подрачја финансирана од Европска Унија, а имплементирана од Програмата за развој на Обединтите Нации (УНДП) во партнерство со Министерството за животна средина и просторно планирање (МЖСПП).

Македонија | пред 7 години

Заев: Го направивме невозможното со Ципрас

Премиерот Зоран Заев на својот Фејсбук профил објави кратко видео од посетата на Ципрас.„Kога со Алексис го започнавме тешкото патување за да го затвориме долгиот спор што го имавме, не знаевме дека ќе стигнеме до овој историски момент. Кога ќе погледнете во иднината што се отвора пред нас, гледате отворање на нови можности за подобри односи и посилна соработка. Гледате два соседни, пријателски народи, кои ѝ покажаа на Европа и на светот дека со храбри одлуки и со желба за заедништво, тоа што до вчера изгледаше невозможно, денеска е реалност“, напиша Заев под видеото.https://www.facebook.com/zaevzoran/videos/267769454107826/

Македонија | пред 7 години

Таткото на прободениот Филип: Додека вие бирате меѓу Пендаровски и Силјановска, јас се борам за животот на син ми

Таткото на прободениот полицаец Филип Филиповски, Гоце Филиповски, во текот на целиот случај е активен на Фејсбук, а пред неколку дена по агонијата објави прекрасна вест - дека младото момче излегло од болница каде се бореше долго за живот.- За многу македонци е најважно сега дали ќе биде Пендаровски или Силјановска, мене ми е најважно син ми Филип да ја добие битката за живот, напиша Гоце.https://www.facebook.com/goce.filipovski.3/posts/3142132625812770Тој додава и дека државата за лекувањето го праќа во Грција и дека немаат вакцини неопходни за неговото дете, а и уште еднаш повторува дека МВР молчи и дека случајот ќе се заташка поради како што вели синовите на градоначалникот од редовите на СДСМ кои му го прободеле детето.

Македонија | пред 7 години

Единаесет лица повредени во сообраќајки во Скопје

 Единаесет лица се здобиле со лесни телесни повреди во пет од вкупно девет сообраќајки што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.СВР Скопје информира дека од сообраќај се исклучени шест возачи кои возеле побрзо од дозволеното, 23 возачи пред да се стекнат со правото на управување моторно возило, двајца почетници и 27 нерегистрирани возила.Полицијата казнила и 26 возачи кои разговарале на мобилен телефон, 15 возачи поради не носење сигурносен појас и пет возачи на мотор, мопед или мотоцикл поради не носеле заштитен шлем.Превземени се мерки и против тројца возачи кои поминале на црвено светло, тројца возачи кои не дале првенство на минување на пешаци на пешачки премин, тројца за неправилно престројување и двајца за неправилно престигнување. Санкционирани се и двајца пешаци кои направиле сообраќаен прекршок.За непрописно паркирање издадени се 121 мерка, а со специјалното возило „пајак“ подигнати се 70 возила.

Скопје | пред 7 години

Истрага за несреќата кај Солунска глава: „Цесната“ паѓала како камен и се распарчила

Авионот "Цесна", кој го погреба бизнисменот Георги Бошнаков и неговото семејство, паднал како камен. Ова го рекле извори запознаени со истрагата од прва рака, пишуваат бугарските медиуми.Меѓу првите впечатоци на вработените од македонската единица за истрага на воздухопловни несреќи, авионот немал косо навалување, карактеристично за слични несреќи, туку се распаднал право надолу кон планинскиот рид каде се распарчал на парчиња. Поради оваа причина основна верзија на истрагата останува техничка неисправност во малиот авион.Исто така, пилотската грешка и паниката не се исклучуваат како причини за несреќата поради нестабилните временски услови.

Македонија | пред 7 години

Мицкоски: Професорката Силјановска држеше час, а Стево слушаше

На вечерашниот митинг на ВМРО-ДПМНЕ во Кочани, лидерот на опозицијата Христијан Мицкоски ја коментираше вечерашната претседателска дебата, помеѓу тројцата претседателски кандидати, Гордана Силјановска Давкова, Стево Пендаровски и Блерим Река.Тој истакна дека Пендаровски денеска добил вистинска лекција од професорката Силјановска.Мицкоски ги прокоментира и шовинистичките испади на Пендаровски, додавајќи дека тој е човек кој украде кампањи од 2 жени, Тереза Меј и Хилари Клинтон.-Гласот за е глас за Зоран Заев тоа е иста паричка, лице и опачина. Замислете ќе каже Стево дека на државава не и требала мајка и требал татко на нацијата. Замислете, а вечерва гледавме како професорката држеше час, а Стево слушаше. Човекот кој украде, кампања од 2 жени, Тереза Меј и Хилари Клинтон. Стево е трета претседателка со иста кампања на овие претседателски избори, вели Мицкоски од Кочани.

Македонија | пред 7 години

Пендаровски: Ако некој мисли дека Силјановска е различна од Иванов, се лаже

Кандидатот за претседател Стево Пендаровски поддржан од СДСМ, на денешната трибина со граѓаните на Свети Николе во својот говор се осврна кон своите политички опоненти.„Ако некој мисли дека Гордана Силјановска нуди нешто различно од Иванов, се лаже, ако некој мисли дека Мицковски нуди нешто различно од Груевски, се лаже. Ние, заедно со премиерот Заев, заедно со сите прогресивни сили ги отвораме портите на светот за нашата држава“, рече Пендаровски.

Македонија | пред 7 години

Јане Ченто: Да застанеме заедно зад проф. Силјановска и да ја испратиме оваа банда во историјата

На фејсбук страницата “Слобода за Јане Ченто” беше објавен текст од Јане Ченто, пренесен од неговата мајка, преку кој ги повикува сите негови роднини и пријатели да застанат за професорката Гордана Силјановска Давкова, со цел да ја испрата оваа банда во историјата.„Драги пријатели,победата и сами знаете оти е блиску.Таа ќе стане уште поблиска и поскоро ќе биде спечалена, ако секој чесен македонски граѓанин не си ги губи деновите држејќи се настрана од оваа борба против оваа криминална власт. Секој загубен ден е продолжување на животот на оваа криминална банда, продолжување на нивните ѕверства и малтретирање на секој оној кој мисли различно од нив.Секој треба да биде свесен за оваа вистина и за одговорноста која ќе ја понесе секој пред сопствената совест и пред граѓаните на Република Македонија.Затоа ве повикувам, мои роднини, мои пријатели, сите оние кои што ме познавате, сите оние кои сакаат да си оди оваа криминална власт, тоа да го докажете во битката која предстои а тоа се претседателските избори на која ќе застанеме зад Проф. Гордана Силјановска Давкова и уверен сум дека ќе победиме на предстојните избори и ќе ја испратиме оваа банда во историјата.На 21 Април нема да гласате само за Гордана Силјановска Давкова туку ќе гласате и против ова зло предводено од Зоран Заев, запомнете го тоа. Овие избори треба да го означат почетокот на крајот на Зоран Заев и неговата криминална банда.Почитувани пријатели, истомисленици, борци против овој режим, време е да се обединиме во интерес на Република Македонија во пресрет на изборите кои следат, да се обединиме против ова зло кое владее со Македонија и да ги поразиме на овие избори а со тоа се отвора патот да му го зададеме последниот удар на предвремените парламентарни избори на есен.Како сите народи, големи и мали, така и ние сме исправени пред дилемата да избереме еден од двата спротивставени фронта, два системи, две гледишта за нашата татковина.Во овие моменти, ние како поробен народ и држава треба да застанеме категорично на фронтот на демократијата, слободата и правдата.Тоа е долг на секој од нас кој што ја сака оваа татковина.Можеби сите имаме грешки, но сега е моментот да се сплотиме под знамето на Република Македонија, сите кои се против овој режим, Македонија не вика.Сите граѓани на Република Македонија ја видоа политиката на Зоран Заев која се состои од заткулисни зделки и одлуки кои се штетни за Република Македонија. Ова ли е правдата да ги пуштаат од притвор тие што му требаат за да обезбеди 2/3 мнозинство во Собранието, пазар кој сите го гледаме и ден денеска. Тие ли се европски вредности, со уцени за да се собира 2/3 мнозинство во Собрание? Не би рекол.Јас сум уверен дека народот нема веќе доверба во оваа банда која е на власт, бидејќи се разголија и видовме колку вредат.Видовме банда која краде, уништува, монтира судски процеси, мести тендери и носи штетни историски одлуки за Република Македонија.Ситуацијата од ден на ден се влошува, има обид да се лишат македонците од своите историски сеќавања и ги принудуваат во објекти на принудна асимилација.Државните институции се узурпирани од банда на криминалци и мора да ги ослободиме за да имаме правна држава.Ние денес сме на крстопат, но мораме да решиме дали сме подготвени да ги браниме државните интереси и интересите на граѓаните или вечно ќе се предаваме и ќе се повлекуваме пред овие бандити. Со оваа банда која е на власт ние од ден на ден доживуваме национален дебакл и катастрофа во која тонеме се подлабоко. Погледнете насекаде околу вас и ќе видете разочарани и понижени граѓани, наведнати глави, тажни лица, слика која е одраз на тешкиот денешен живот. Имаме општ распад на системот на сите полиња.Доживеавме премиерот и министрите во Владата на СДСМ да ги преќутуваат нашите браќа и сестри во Егејска Македонија и да се плашат да кажат дека таму има луѓе што зборуваат македонски јазик и кои се изјаснуваат како Македонци. Па тоа ни во најцрните ропства не го правеле нашите поробувачи, а денес премиерот на Република Македонија го прави тоа и негира дека таму живеат македонци кои зборуваат македонски јазик.Затоа ве повикувам сите и десни и леви и оние од центарот, да се обединиме против ова зло, да го тргнеме овој јарем кој ни го ставија а потоа да ја градиме Република Македонија.Имам порака и до оние кои сакаат да бојкотираат а тоа е: драги пријатели, имате шанса за бојкот во вториот круг ако видите дека оваа криминална банда ги краде изборите, затоа ве повикувам и Вас, излезете во првиот круг на 21 Април и не го бојкотирајте првиот круг, напротив излезете масовно и со пенкало во рака урнете ја оваа банда уште во првиот круг, нека видат дека народот не стои зад нив, и дека народот ја враќа Државата во свои раце.Да се избориме за перспективна и прогресивна Република Македонија , да се потпреме на сите оние кои и мислат добро на оваа држава и имаат морална вредност, бидејќи на Македонија и треба еволуција.Никој не треба да се води од лични амбиции, туку од взаемните вредности, да се обединат напорите за решавање на проблемите кои секојдневно ги демнат македонските граѓани.Моменталната слика во Собранието што ја гледаме, не е Собрание на интелектуалци и луѓе кои што и мислат добро на својата татковина, туку е толпа лакома за пари и зависна од неколку луѓе.Чест на исклучоци.Во борба против оваа банда која е на власт треба да учествуваат вистинските синови и ќерки на Република Македонија , само тие може да имаат смелост, храброст и издржливост за да победиме против ова зло.Оваа влада на чело со Зоран Заев нема праведна моќ која потекнува од македонските граѓани. Во овој момент Македонија не е Република, туку владее одвратен деспотизам и тоа мора да запре.Овие што ја туркаат Македонија да се самоукине се паразити полни со лицемерие и подла суровост.Македонските граѓани ја откријаа подлоста и лицемерието на овие паразити и ќе му се спротистави на 21 Април кога ќе му даде жолт картон.Сега е моментот сите партии, здруженија, поединци да ги исполнат нивните стремежи и да започне нова ера на соработка против оваа криминална власт.Никој не треба да ги игнорира неправдите од минатото, лекциите од историјата, но сега е моментот да се сплотиме, бидејќи тоа го бара нашата таковина.Ве повикувам сите добронамерни граѓани кои ја гледаат оваа неправда што се случува во Мaкедонија да излезете на 21 Април и да ја поддржите Проф. Гордана Силјановска Давкова за иден претседател на Република Македонија.Со победата на Проф. Силјановска ќе бидеме на еден чекор да го отфрилме ова ропство во кое не држи оваа банда.По победата на Проф. Силјановска ќе има предвремени избори на есен , а тогаш сите партии ќе покажат колку вредат и врз тоа ќе имаме нова власт во Република Македонија која ќе биде чесна, достоинствена и праведна.Од слободниот човек не може да се направи роб, затоа што слободниот човек е слободен и во затвор.Да живее Република Македонија!“, се вели во објавата.

Македонија | пред 7 години

Нема фотографија

Променливо облачно со услови за дожд

Времето во Македонија ќе биде променливо облачно со повеќе облачност во западните делови каде што ќе има услови за краткотраен дожд. Ќе дува умерен до повремено засилен ветер од југоисточен правец.Утринската температура ќе се движи од еден до осум, а дневната од осум до 18 Целзиусови степени.Во Скопје слично време, променливо облачно со сончеви периоди и со умерен до повремено засилен ветер од југоисточен правец.  Утринската температура ќе се спушти до осум, а дневната ќе се искачи до 17 степени. Во Маврово дневната температура ќе достигне до 8 степени, Охрид 12, Битола 14, Кавадарци 17, Крива Паланка 15, Берово 14, Дојран 18...И утре ќе дува умерен до повремено засилен југоисточен ветер и ќе преовладува променливо облачно време со повремени врнежи од дожд, претежно во западните делови.Од недела кон крајот на денот до вторник следува период со поинтензивни врнежи од дожд и со услови за појава на ретки грмежи.

Македонија | пред 7 години

Пендаровски до Силјановска: Најпријателски ве советувам да се кандидирате за декан на некој правен факултет

Гордана Силјановска Давкова од ВМРО-ДПМНЕ, Стево Пендаровски од СДСМ и ДУИ и Блерим Река од Алијансата на Албанците и движењето Беса, беа дел од првата телевизиска дебата во предизборната кампања за Претседател на Македонија.На темата за договорот од Преспа, како и за односот помеѓу правото и политиката на меѓународната сцена, Стево Пендаровски и реплицираше на професорката Давкова дека е подобро да се кандидира за декан на правниот факултет.-Јас мислам дека зборуваме за две различни работи за светот на правниците и за светот на политиката, за кој и на лаиците им е јасно за жал кој е доминантен. Јас најпријателски ве советувам да се кандидирате за декан на некој правен факултет, а не за највисоката политичка функција и да не сакаме и јас сум професор и сум доктор по правни и политички науки и ви кажувам на оваа функција не оди само со правниот авторитет. Да ги занемарам Меркел, Макрон и Трамп и да им кажам сега ние ќе направиме јуридизација на политиката, тука од Скопје и целиот свет замислете ќе не следи, и порача Пендаровски.

Македонија | пред 7 години

(ВИДЕО) Спасоски: Во Охрид изборите ги предизвика судбината, а во Ново Село ги предизвикав јас !

Обраќајќи се на собир во Охрид, министерот Оливер Спасоски кажа дека во Охрид изборите за градоначалник ги предизвикала судбината, а во струмичко Ново Село ги предизвикал тој.„Ако овде судбината сакаше да има избори, во Ново Село струмичко изборите ги предизвикав јас ! Затоа што имавме градоначалник кој сакаше да се бави со криминал. Кој ќе проба да пљачка од народот таква судбина ќе го стрефи !“ - рече Спасоски. 

Македонија | пред 7 години

ВИДЕО: Мртов човек на автобуска станица во Скопје, 30 минути никој не приметил

Тело на мртов човек повеќе од 30 минути седеше на столче на автобуската станица во Скопје.[embed][/embed]Сега, телото е покриено со чаршав и се чека брза помош за медиоцинската екипа да утврди смрт.

Скопје | пред 7 години

Малолетна ученичка пријавила дека ја допирал чуварот на училиштето

Малолетна девојка од Велес вчеравечер околу 20:40 часот во СВР Велес пријавила дека била допирано по телото од чувар во училиште во Велес.Како што информираат од СВР Велес, 61-годишниот чувар В.Т. е приведен во полиција.

Македонија | пред 7 години

Мицкоски прифаќа да се слика со Заев, но вели Заев прво да направи две работи

Вчера Заев ме покани да сум се сликал со него. Не е проблем, еве прифаќам, но Заев прво ќе треба да направи две работи. Да ги врати 8.5 милиони евра од Глобал, а потоа и оние едно евро за Вицето, едно евро за црквата што ги бараше на видео снимката.Додека не ги направи овие две работи, ќе му остане само да се радува на сликата со Ципрас, напиша на својот Фејсбук профил лидерот на ВМРО-ДПМНЕ Христијан Мицкоски кој истакна дека Зоран Заев не разбира што е неправда.И ќе ви кажам зошто изгледа Заев не разбира што е неправда.-Неправда е кога неправда е кога наместо повисоки пензии, се даваат тендери и бизниси на Вицето.-Неправда е кога ќе ветите добра бизнис клима, а ќе покачите даноци.-Неправда е кога ќе излажете дека ќе влезе нова германска инвестиција, а таа ќе инвестира во соседна држава.-Неправда е кога младите си одат од земјава, мајките плачат, а Мира Дизел си запослува половина фамилија.-Неправда е кога студент со 10 просек си не може ни да се прехрани, ама децата на власта одат на скапи одмори,-Неправда е кога имаме криминални иновации наместо вистински иновации и напредок.-Неправда е кога ќе велат дека ќе им дадат повисоки субвенции на земјоделците, а тие не може ниту да ги продадат производите. Кога на оризарите поисплатливо ќе им биде да го фрлат родот отколку да го продаваат, кога ќе ветат зелена нафта, а нема да добијат ништо од власта.-Неправда е кога наставниците и професорите нема да добијат повисока плата.-Неправда е кога нема работа за доктори на науки, магистри…-Неправда е кога ќе ветат 500 евра плата, а ниту оваа сега што ја имаме можат да ја одржат.-Неправда е кога ќе ветите дека ќе ги решите Еврокомпозит, Колска и Југохром, а нема да мрднете прст за нивНеправда кога ќе ветите раст од 5 посто, а Светска Банка ви вика дека не можете реално да дојдете ниту до пола.Нашата визија е правдата да биде најголем непријател на неправдата, кога криминалците ќе бидат зад решетки. Тоа ние го можеме. Овој сон можеме да го оствариме. Тогаш што чекаме. Знаеме дека со оваа власт нема ништо добро. Да почне смената. Гордана за горда Македонија. Гордана за правда за Македонија, напиша Мицкоски на фејсбук.

Македонија | пред 7 години

Силјановска Давкова: Како претседате ќе го применувам новото име, но како индивидуа ќе го одбегнувам називот Северна Македонија

Кандидатката за претседател од ВМРО-ДПМНЕ, Гордана Силјановска Давкова во ТВ дуел на ТВ Телма, на прашањето дали ќе го применува Договорот од Преспа и ќе го употребува новото име, одговори:– Се разбира, бидејќи тој стана дел од Уставот. Но, во примената има разлика. Ќе ги почитувам натписите на името на државата на институциите. Да, ќе го применувам, но како индивидуа ќе го одбегнувам називот Северна Македонија. Впрочем, и во членот 7, став 2 стои дека е дозволена употребата на придавката „македонско – рече Силјановска Давкова.Таа побара од нејзиниот конкурент за претседателските избори Стево Пендаровски да не го повикува Зоран Заев на неговите кампањски собири бидејќи, како што вели таа, премиерот има јавна државна функција и тој и министрите не треба да доаѓаат на собирите.

Македонија | пред 7 години

Телефонски разговор меѓу Заев и Меркел: Посетата на Ципрас, како и заедничката владина седница, се историски момент

Во средата, 3 април, премиерот Заев имаше телефонски разговор со канцеларката Меркел.Во разговорот беше потврдено дека посетата на Македонија што ја оствари грчкиот премиер Ципрас во вторникот, на 2 април 2019 година, како и заедничката владина седница, беше историски момент. Позитивниот развој на односите меѓу Македонија и Грција е позитивен пример за регионот на Западен Балкан и тоа се добри вести за Европа.Спроведувањето на Договорот од Преспа потврдува дека дијалогот и дипломатијата креираат позитивни резултати за надминување на отворените прашања и може да донесат директна економска корист за граѓаните. Како што информираше премиерот Заев, владите на Северна Македонија и Грција потпишаа неколку договори за зацврстување и развој на соработката. Покрај тоа, во Скопје беше одржан и бизнис форум на кој присуствуваа повеќе од 140 компании од Грција и 250 компании од Македонија.Премиерот Заев, исто така, ја информираше канцеларката Меркел и за други политички настани во државата, како што е одржувањето на отворен дијалог со опозицијата во врска со реформите, каде се постигнати конкретни резултати со усвојувањето на нов закон за антидискриминација, формирањето на Антикорупциска комисија, како и реформи во безбедносните служби и јавната администрација. Дијалогот во врска со иднината на Специјалното јавно обвинителство е сѐ уште во тек.Премиерот Заев ѝ се заблагодари на канцеларката Меркел за поддршката што Германија ја даваше во сите процеси, вклучително и надминувањето на спорот за името со соседна Грција, внатрешните реформи, а особено за економскиот советник што Германија го обезбеди со цел да ѝ помага на Владата на Македонија. Германија е најголемиот трговски партнер на Северна Македонија, а интересот на германските инвеститори е сѐ поголем. Покрај тоа, во земјата се спроведува модел за дуално образование со помош на германски партнери.Имајќи ги предвид горенаведените настани, премиерот Заев побара поддршка во врска со одлуката за почеток на преговорите со Македонија која треба да ја донесе Советот на ЕУ во јуни. Тој потенцираше дека, со оглед на тоа дека државата има статус на земја кандидат за членство во ЕУ од 2005 година, го склучи Договорот од Преспа и постигна резултати во поглед на реформските процеси, време е Советот на ЕУ да донесе позитивна одлука за отворање на пристапните преговори. Оваа одлука ќе претставува дополнително охрабрување за да се продолжи со реформите во Македонија.Канцеларката Меркел го поздрави позитивниот развој на спроведувањето на Договорот од Преспа, како и спроведувањето на домашните реформи преку отворен дијалог со опозицијата, што, според неа, ќе донесе конкретни и позитивни резултати.

Македонија | пред 7 години

Кирацовски: Дури и да има бојкот, ќе најдеме начин Пендаровски да победи

Александар Кирацовски, шефот на изборниот штаб на кандидатот за претседател на Македонија, Стево Пендаровски, за 24 Вести пред одржувањето на Изборната конвенција во Спортскиот центар „Борис Трајковски“ во Скопје озјави дека тие ќе ја однесат победата дури и ако има бојкотирање од одредени структури во вториот круг од изборите на 7 мај.– Знаеме дека првиот круг ќе биде се како што треба, но не очекуваме дека некој ќе бојкотира во вториот круг како што се шпекулира. Но, дури и некој да го поттикне тоа, ние ќе најдеме начин како да се исполни цензусот. Заедно со граѓаните и со Пендаровски ќе создадеме доволна бројка на излезност – рече генералниот секретар на СДСМ.

Македонија | пред 7 години

Филипче ја одби иницијативата за укинување на задолжителната вакцинација

Ниту едно дете нема да биде примено во градинка или училиште, ако не е вакцинирано, кажа министерот за здравство Венко Филипче, откако група родители кои поднеле иницијатива до Собранието вакцинацијата да не биде задолжителна, денес реагираа дека по нивната иницијатива Парламентот не расправал, бидејќи немало кворум, пишува СДК.„Неколку пати кажавме дека има важечка законска регулатива со која вакцинацијата е задолжителна. Точно е дека во законот за основно образование има некои контрадикторности. Но, дозволете сега да коментирам дека нема да дозволиме ниту едно дете да биде примено во училиште или во градинка невакцинирано. Волјата на родителот не може да биде посилна од правото на децата да бидат здрави. А при тоа не може една индивидуална постапка да го загрозува колективното здравје“, рече Филипче.

Македонија | пред 7 години

Замир Мехмети: Онаа која повикуваше на ликвидација, сега ги чита рекламите на Гога

Замир Мехмети, активист на Шарената револуција на својот Фејсбук профил објави статус во кој вели дека гласот во рекламите на Гордана Силјановска е на Валентина Божиновска.„Го слушате ли оној драматичен женски глас кој ги чита рекламите на Гога и повикува на правда.Епа истата таа пред две години од пред дик повикуваше на „Ноќ на долгите ножеви”!#ВалентинаБожиновска“, стои во објавата на Фејсбук.

Македонија | пред 7 години

Нема фотографија

Стоилковски: Заев и Пендаровски се двете лица на иста паричка

Зоран Заев и Стево Пендаровски се двете лица на иста паричка и тоа и самите го кажуваат. Ете почитувани, слушнавте како Стево Пендаровски вели дека Зоран Заев може да зборува за неговите програмски определби и дека 102.5% се исти политички и дека имаат исти програмски цели односно програмските цели и политиките се оние на Зоран Заев, изјави Наум Стоилковски од ВМРО-ДПМНЕ.„Тоа што Стево Пендаровски го вели всушност значи дека Стево Пендаровски е за јадење живи луѓе и оставање на луѓе на улица, додека поддржува криминал во кој царуваат компаниите на кланот. Дека Стево Пендаровски поддржува непотизам и преполнување на администрацијата. Ова значи дека Стево Пендаровски одобрува трговија со влијание односно селективна правда и трговија со правото и правдата за партиски цели. Ова значи дека Стево Пендаровски поддржува правосудство во пранги и јавно обвинителски систем во кој Заев и неговиот клан се недопирливи. Ова значи дека Стево Пендаровски поддржува обесчестување на гласот на граѓаните било на локален референдум, државен референдум или пак гласање. Ова значи дека Стево Пендаровски поддржува систем за безбедност ставен само во партиска заштита додека убиства и пукотници се секојдневна слика на улиците. Ова значи дека Стево Пендаровски поддржува целосна девастација и здравство бутнато во стечај.Ова значи дека Стево Пендаровски смета дека Македонците во Грција зборуваат „некој друг јазик“ различен од македонскиот, и тој се плаши и срами да одговори дали тие зборуваат македонски. Ова значи дека Стево Пендаровски е дел од лагата како познатата „Додека дишам, додека ме држи памет“.Стево Пендаровски признава дека е продолжение на заевизмот – кажувам, заборавам, негирам!Епа, почитувани, на Македонија и еден Заев и е преголема тежина. Зоран Заев, премиер се срами и ја крие химната на Република Македонија, ја крие Гардата на Република Македонија. Исто како Зоран Заев и Стево Пендаровски лаже дека идентитетот е забетониран, ама и тој се  срами пред гости, државници од македонската химна. Тоа е исто како лагата, ние сме Македонци, ама по дома. И химната може да си ја пееме, тивко, по дома – или затворени во сала.Македонскиот Уставен систем разликува и предвидува Претседател на државата и Претседател на владата. Премиерот го избира Парламентот, Претседателот го избираат граѓаните! Неговиот легитимитет извира директно од граѓаните. Претседателот има поинакви ингеренции, особено во меѓународните договори, во одбраната, но и како коректор на законските решенија на Владата.Тој е чувар на законитоста, чувар на државата. Е па почитувани, ако Заев и Стево Пендаровски се 102,5% исти, ако политиките се исти, тоа е отворено признавање дека Заев на овие избори трга по апсолутна власт. Претседател нема да е Пендаровски, туку Заев, за ништо долготрајно да не му застане на патот на криминалот, на заевизмот, на непотизмот, додека државата тоне со промашена економија, промашена политика, газење на човековите права, газење на демократијата и злоупотреба на системот за репресија врз граѓаните.Стево Пендаровски и Зоран Заев знаат дека им следи казна на заевизмот. На Македонија и на Македонците им е потребна право и правдина. И како и во химната, тие за тоа ќе се изборат. На овие избори ќе се изборат за правда за Македонија, за правото на достоинство, правото на државни симболи, обврската да биде интонирана државната химна секогаш и секаде“, изјави Стоилковски.

Македонија | пред 7 години

Потпишан Меморандум за соработка со средното земјоделско-шумарско училиште „Ѓорче Петров“ од Кавадарци

Министерот за земјоделство,шумарство и водостопанство, Љупчо Николовски денеска со директорот на средното земјоделско-шумарско училиште „Ѓорче Петров“ од Кавадарци, Горан Велковски потпиша Меморандум за соработка, чија што крајна цел е заеднички придонес во заштитата на шумскиот фонд.Министерот Николовски изјави дека со денешното потпишување на Меморандумот се потврдува заедничката заложба за унапредување на соработката во областа на заштита на шумите, преку подготовка и стручна обука на сегашните и идните припадници на шумската полиција, што важно за ефикасно спроведување на мерките во делот на заштита на шумите.„Овој Меморандум предвидува обуки на вработените од Шумската полиција, размена на искуства и активности во секој поглед помеѓу МЗШВ особено секторот за Шумска полиција и ова училиште.Во следниот период планираме засилена соработка со училиштето во поглед на секторот шуми и шумската полиција. Ние како ресорно министерство во изминатиот период инициравме доста активности кои се однесуваат на шумската полиција, во претходниот период започнаа со работа работните групи за дефинирање на колективниот договор , активно работиме на набавка на опрема за шумска полиција вклучувајќи и набавка на униформи и целосно сме посветени на опремување на шумските станици и подигнување на статусот на овој сектор“, изјави министерот Николовски.За реализација на овие цели, заеднички ќе преземеме активности за заштита на шумите од илегални активности, организирање обуки и семинари за потребите на сегашните и идните припадници на шумската полиција при Министерството за земјоделство, шумарство и водостопанство, а паралелно ќе ја прошириме мрежата на соработка со други институции и организации.При тоа Николовски посочи дека во изминатиот период работни групи од МЗШВ ги посетија сите стручни земјоделски училишта во државата при што е констатирано дека изминатите години не добиле доволно помош, поради што сега ќе им се овозможат мерки за финансиска поддршка преку Програмата за рурален развој 2019 во делот на инфраструктурата, опрема, опитни полиња и се што им е потребно.Директорот на на средното земјоделско-шумарско училиште „Ѓорче Петров“ од Кавадарци, Горан Велковски, изјави дека со овој Меморандум се овозможува создавање и усовршување на стручниот кадар кој ќе може соодтвено да одговори на задачите а со цел заштита на шумскиот фонд.

Македонија | пред 7 години

Легендарниот полицаец од Охрид, Стевче Стевоски почна нова битка во долгата војна со МАФИЈАТА

Стевоски Стевче - познатиот охридски полицаец кој 30 години се бори со системот денес ја зпаочна кампањата на претстојните Локални избори, каде е кандидат на „Деморкати“.Стевоски рече дека за него ова е уште една битка во долгата војна со Мафијата -за која рече дека е мајката хранителка на сестрите близначки СДСМ и ВМРО ДПМНЕ.Од самиот старт на кампањата станува јасно дека Стевче Стевоски е кандидат кој очигледно ја зборува вистината и само вистината, па затоа ви препорачуваме да го прегледате видеото од неговата изјава или да го прочитате  интегралниот текст од обраќањето на Стеовски пред медиумите:Почнуваме уште една изборна кампања, во која како и цел мој живот ќе продолжам да ја зборувам вистината и да се борам за правдата.Целиот мој живот го поминав борејќи се за правда во институцијата каде работев и иако не успеав многу не се откажав во борбата со мафијата инсталирана во институциите и продолжив да ги штитам беспомошните луѓе и работниците врз кои институциите спроведуваа закони, и да се конфронтирам со моќниците кои со децении наназад и ден денес се недопирливи за законите.Цел Охрид знае кој е Стевче Стевоски. Ме знаат сиромашните, ме знаат и мафијашите. Ме знаат Египќаните, Албанците, Турците, Македонците. Сите знаат дека никогаш неправедно не сум казнил никој, а дека не сум се плашел да ги казнам моите претпоставени, за што и ден денес, центрите на моќ ме влечкаат по судови.Почнуваме денес повторно, нова битка во долгата војна на правдата против неправдата.Денес јавноста знае кој се ВМРО ДПМНЕ и СДСМ ! Знае дека тоа се две сестри близначки кои ги родила една мајка Мафија, а таткото име Јуда.Против кандидатите од овие две партии лично немам ништо. Тие двајцата се доктори, но за жал прифатија да се марионети на нивните партии и нивната мајка Мафија.Народот овој пат знае дека тие ВМРО ДПМНЕ и СДСМ никогаш нема да тргнат против нивната мајка Мафија и затоа повторно :ГИ ПОВИКУВАМ, ОБЕСПРАВЕНИТЕ, УГНЕТЕНИТЕ, ОД ИЗВРШИТЕЛИ ЗГАЗЕНИТЕ, ОД ЛИХВАРИ УНИШТЕНИТЕ, ЗА БЕДНИ ПЛАТИ ВРАБОТЕНИТЕ, И НЕВРАБОТЕНИТЕ овој пат да гласаат за мене СТЕВЧЕ СТЕВОСКИ , за конечно да влезиме во финалната битка против МАФИЈАТА - таа сокриена мајка хранителка на СДСМ и ВМРО ДПМНЕ.Да живее ОхридДа живее МакедонијаДа живее чесниот граѓанин на Охрид

Македонија | пред 7 години

Го нападнале и му го одзеле мобилниот телефон

На 03.04.2019 во 22.58 часот во СВР Скопје, А.Ш.(18) од село Љубин, скопско, пријавил дека на улица „11-ти Октомври“ две лица извршиле разбојништво над него и му одзеле мобилен телефон. Се преземаат мерки за расчистување на случајот.

Македонија | пред 7 години

Кинези, бугарин и македонец шверцувале стока

На 03.04.2019 година во 20.00 часот во Полициската станица Куманово биле приведени и задржани Л.Х.(44), J.P.(38), двајцата од Народна Република Кина, В.В.М.(54) од Република Бугарија и С.П.(41) од село Режановце, кумановско, во врска со член 278/б од Кривичниот законик – „прикривање на стоки кои се предмет на криумчарење и царинска измама“.

Македонија | пред 7 години