Затворен за сообраќај дел од булеварот Христијан Тодоровски - Карпош

Денес од 7 часот целосно е затворен за сообраќај делот од булеварот Христијан Тодоровски – Карпош, на потегот од улицата Ферид Бајрам до улицата Боца Иванова, поради изведување градежни активности за асфалтирање на коловозот. За време на градежните работи, сообраќајот во овој дел од градот ќе биде пренасочен по околната улична мрежа.Сообраќајот на оваа делница, додека траат градежните активности, ќе го регулираат и униформирани полициски службеници или други овластени службени лица. Од Град Скопје апелираат до сите учесници во сообраќајот да се придржуваат на привремено поставениот сообраќаен режим, да ја почитуваат поставената патна сигнализација и да ја приспособат брзината на движење на условите на патот.

Скопје | пред 7 години

Сообраќајот се одвива по суви коловози

Сообраќајот на државните патишта се одвива непречено, по суви коловози.Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Синот на српскиот политичар го однесол возилото на сервис, таму откриле бомба

Под автомобилот марка Фиат на синот на Срѓан Милошевиќ, некогашен политичар и сопственик на кладилници низ Србија, била пронајдена бомба. Бомбата била пронајдена од вработени во автомеханичарска работилница, каде бил оставен автомобилот од страна на Филип Милошевиќ.Автомобилот бил донесен зошто нешто чудно тропало. Вработените нашле бомба под седиштето на шоферот.Веднаш била викната полиција.

Свет | пред 7 години

Заев од НАТО: Членството во Алијансата значи сигурна иднина

Претседателот на Владата на Република Северна Македонија, Зоран Заев денеска во седиштето на НАТО, во Брисел се сретна со Генералниот Секретар Јенс Столтенберг. По средбата Премиерот Заев и секретарот Столтенберг одржаа заедничка прес-конференција.Истакнувајќи дека ова е негова прва посета на НАТО по потпишувањето на Протоколот за пристапување Република Северна Македонија во Алијансата, Премиерот Заев потенцираше дека земјата постигна една од стратешките цели, секако со поддршка со партнерите и пријателите во НАТО.Во продолжение Ви го пренесуваме текстот на изјавата на Премиерот Заев на прес-конференцијата со Генералниот Секретар на НАТО, Столтенберг.„Генералниот Секретар Јенс Столтенберг има посебно место со довербата и охрабрувањето што ни ги пружаше за време на целиот тој процес. Во нашата земја многу генерации напорно работеа на остварувањето на оваа наша историска цел и достигнување. Нашите аспирации за членство во НАТО секогаш имале висок степен на одобрување и поддршка од најширокиот спектар на нашето општество.Така е и денес.Сакам да напоменам дека ние знаеме дека членството во НАТО отвора нова и сигурна безбедносна перспектива за наша земја. Истовремено, целосно сме подготвени да ги прифатиме и новите обврски и одговорности кои произлегуваат од нашиот статус наскоро како полноправна членка.Како идна членка на НАТО, правиме сериозни чекори за зајакнување на капацитетите на нашата армија. Во 2018 година го зголемивме буџетот на нашите одбранбени сили за 14%, и остануваме посветени да ја оствариме нашата цел и најдоцна до 2024 година да обезбедиме 2% од нашиот БДП да оди за современи армиски сили кои во секој поглед ќе бидат рамноправни со своите сојузници во НАТО.Оваа наша цел ќе ни помогне да го зголемиме нашето учество во мисиите предводени од НАТО, како и нашата партиципација во командните и политичките структури на алијансата. Тоа е приоритет за нас, кога стануваме полноправна членка на Алијансата. Подготвени сме да продолжиме да соработуваме со сите НАТО сојузници за да го преземеме нашиот дел од заедничките обврски и одговорности, како 30-тата земја-членка, за да обезбедиме свој придонес за понатамошно обликување на Западен Балкан во мирен, просперитетен и демократски регион.Убедени сме дека нашето членство во НАТО дополнително ќе придонесе за стабилноста и безбедноста во Југоисточна Европа и ќе биде инструмент за креирањето на нова, позитивна слика за регионот.Процесите што ги поминавме не беа лесни, но беа исклучително важни за иднината на нашата земја. Договорите склучени со нашите соседи Бугарија и Грција се непобитен доказ за нашата зрелост.Тие договори се темелите за идниот развој на силното партнерство што го започнавме и што биде од придонес за понатамошно зачувување и зајакнување на регионалната безбедност и стабилност. Ние сме подготвени да ги поддржиме сите земји од нашето соседство во исполнувањето на овие стратешки цели од интерес на граѓаните од регионот кои делат заеднички вредности: посветеност на демократијата, слободата, слободна пазарна економија, почитувањето на човековите права и владеењето на правото.Република Северна Македонија ќе продолжи да биде сигурен сојузник во заштитата на овие вредностите. Нашиот позитивен придонес за нашиот регион и за пошироките интереси на НАТО, како нова 30-та земја-членка, ќе биде видлив и сигурен“. 

Македонија | пред 7 години

Села до Заев: Дали оние кои бираа обвинители од “тефтерчето на Мијалков" можат да одлучуваат за судбината на СЈО?

Во моментот кога јавноста очекува функционирање на правната држава и владеење на правото, од оние искри надеж што некогаш ги даде Специјалното јавно обвинителство, денес ова обвинителство станува предмет на  протагонистите на т.н. “бомби".  Тајните преговори помеѓу премиерот Заев и лидерот на ВМРО, Христијан Мицовски за судбината на СЈО, со исклучок на албанската опозиција за создавање на широк политички консензус, укажуваат дека Северна Македонија продолжува да промовира етноцентричен и исклучувачки дискурс, се вели во соопштението од Алијанса за Албанците .Во продолжение на истото тие додаваат: Вклучувањето на ДУИ во овој процес преку функционери кои беа дел од “бомбите" и се главни актери кои го дегенерираа правниот систем со крајна политизација и партизација, како што е случајот со Блерим Беџети кој ќе ја претставува ДУИ во работните групи за изготвување на предлог-законот за СЈО, претставува преседан.Се поставува прашањето каков легитимитет има ДУИ кој преку Блерим Беџети, кој заедно со Муса Џафери, ги извршуваа наредбите на Сашо Мијалков за назначување обвинители и високи републички судии.Дали можеби сега преку законска рамка ќе го направат СЈО специјален партиски суд кој ќе ги амнестира обвинетите и осомничените од ДУИ и ВМРО, кои се дел од предметите на СЈО?Го повикуваме премиерот Заев да прекине да се поигрува со правдата, особено со Специјалното јавно обвинителство, а уште повеќе поради фактот што ги избрала ВМРО и ДУИ претставени од Блерим Беџети, да ја одредат правната судбината на СЈО.Го повикуваме премиерот Заев, под итно да  воспостави широк политички консензус за да создаде политички амбиент за обезбедување перспектива и целосна независност на Специјалното јавно обвинителство, а потоа да се создадат непартиски експертски групи кои ќе изготват предлог-закон во корелација со идејата за основање на СЈО како независен орган кој ќе се справи со кривично гонење на функционери осомничени за криминал и корупција, а кои беа дел од прислушуваните разговори, велат преку допис од Алијансата за Албанците. 

Македонија | пред 7 години

Заев - Хан: Веруваме дека од јуни Република Северна Македонија ќе почне да испишува европска иднина

Претседателот на Владата на Република Северна Македонија, Зоран Заев во рамки на еднодневната посета на Брисел се сретна и со Комесарот за проширување и соседска политика на ЕУ, Јоханес Хан.Истакнувајќи дека 15-тиот состанок на Советот за Стабилизација и асоцијација се одржа во исклучително значаен период за Република Северна Македонија, на средбата премиерот Заев потенцираше дека единствената алтернатива за нашата земја е членство во Европската Унија. Премиерот Заев искажа верување дека за само неколку месеци, Северна Македонија ќе почне да испишува нова, европска иднина.На средбата, евро-комесарот Хан го охрабри премиерот Заев да продолжат реформите во земјата. Беше искажана и поддршка за дијалог, како и учество на сите политички партии во носењето одлуките коишто се од интерес на Република Северна Македонија.Премиерот Заев на денешната средба со Хан потенцираше дека очекува за околу еден месец да се одржат успешни и кристално чисти претседателски избори.

Македонија | пред 7 години

Подметнат пожар во Дебрца

Нема ни свест ни казни !Пожар беснее во општина Дебрца и стигна то магистралниот пат Охрид - Кичево во атарот на село Врбјани.На фотографиите кои ги испратија читатели на „Скопје 1“ се гледа огнот кој стигнал до патот, а според сведочењата на читателите тие разговарале и со лице кое им кажало дека запалило стрниште и предизвикало пожар.Екипи на противпожарната служба во моментов пристигнале на терен и почнуваат со гаснење.ГОРИ НА СИТЕ СТРАНИЕден месец гори трската во плиткиот дел на езерото на брегот кај Струга која се пали намерно со бензин. Гори трска и во општина Охрид околу болницата „Костозглобна“ која исто така се пали со бензин. Изгоре трска и во Преспа. Горат ниви и стрништа од Охрид до Скопје, а горат и Скопска Црна Гора како и планините околу Струга. Чад го обвива и аеродромот во Охрид бидејќи околу него луѓето неколку дена палат ѓубре и стрништа.Државата до сега никого не казнила за ова неодговорно однесување на поединци кое може да биде многу опасно дури и катастрофално.

Македонија | пред 7 години

126 седница на Влада - што се се изгласа?

Владата на Република Северна Македонија ја разгледа и усвои Информацијата за реафирмирање на работата на Советот за земјоделство и рурален развој (Агросовет) со Одлука за изменување и дополнување на Одлуката за формирање на Совет за земјоделство и рурален развој, и ја разгледа и усвои и информацијата за потпишување на Меморандум за разбирање меѓу Министерството за политики за земјоделство, прехрана и шумарство на Република Италија и Министерството за земјоделство, шумарство и водостопанство на Република Северна Македонија за соработка во секторот земјоделство.На предлог на Министерството за внатрешни работи на денешната владина седница Владата на Република Северна Македонија до разгледа и усвои предлогот за поведување постапка на преговори за склучување на Протокол за соработка во областа на борбата против трговија со луѓе помеѓу Република Северна Македонија и Република Бугарија.На денешната седница министрите ја разгледаа и усвоија информацијата за учеството на Република Северна Македонија во доверителните фондови на НАТО во рамки на Иницијативата за градење и зајакнување на одбранбените и безбедносни капацитети на предлог на Министерството за надворешни работи, а на предлог на Министерството за одбрана се донесе одлука испраќање на припадници на Армијата на Република Северна Македонија за учество во вежбовната активност „Vigorous warrior 19“ во Република Романија.

Македонија | пред 7 години

Прифатен текстот на Договорот за намалување на цените на роаминг на Западен Балкан

Владата на Република Северна Македонија го разгледа и усвои Извештајот за извршени преговори и го прифати усогласениот текст на Договорот за намалување на цените на услугите за роаминг во мрежите за јавни мобилни комуникации во регионот на Западен Балкан, и го овласти министерот за информатичко општество и администрација Дамјан Манчевски  да го потпише на договорот за намалување на цените на роамингот на Западен Балкан.

Македонија | пред 7 години

Усвоена информација за потреба од Стратегија за транспарентност

На оваа 126-та редовна седница министрите ја разгледаа и ја усвоија информацијата за потребата за изработка на Стратегија за транспарентност на Владата на Република Северна Македонија со цел да се зголеми довербата на граѓаните во институциите на системот преку системско унапредување на транспарентноста и отвореноста на државните институции. Оваа стратегија ќе ги утврди приоритетните области и ќе даде стратешки насоки за институциите да ги применат принципите на добро владеење кои се дел од правниот систем на ЕУ и 12-те принципи на добро владеење од Советот на Европа. За таа цел беше задолжен Кабинетот на министерот без ресор задолжен за комуникации, транспарентност и отчетност, Роберт Поповски да ги координира понатамошните активности.

Македонија | пред 7 години

„Македонската информативна агенција“ стана „Медиумска информативна агенција“

На денешната владина седница беше разгледан и усвоен и Извештајот на меѓуресорската работна група за извршување на обврските од Конечната спогодба со Република Грција, според кој новиот назив на АД Македонска информативна агенција – Скопје во државна сопственост (МИА), отсега ќе биде АД Медиумска информативна агенција – Скопје во државна сопственост (МИА), новиот назив на АД Електрани на Македонија – ЕЛЕМ ќе гласи АД Електрани на Северна Македонија (ЕСМ), и новиот назив на АД за поштенски сообраќај „Македонска пошта“ во државна сопственост – Скопје, ќе гласи АД за поштенски сообраќај „Пошта на Северна Македонија“ во државна сопственост Скопје.Во таа насока, се усвои и предлог одлука за изменување и дополнување на Статутот на Акционерското друштво за производство на електрична енергија со која се преименува во Електрани на Република Северна Македонија, АД ЕСМ Скопје.

Македонија | пред 7 години

Се проширува опфатот на компании за државна поддршка и се поедноставуваат административните процедури

Владата на Република Северна Македонија на денешната владина седница го усвои Предлог законот за дополнување и изменување на Законот за финансиска поддршка на инвестициите со кој се унапредува системот на државна поддршка на инвестициите, се зголемува опфатот на компании кои може да аплицираат и се поедноставуваат административните процедури за апликација. Тоа значи дека за државна поддршка ќе може да аплицираат сите компании кои остваруваат пораст на приходи од вкупното работење, во дејности како што се трговија, ИТ технологии или секундарно земјоделско производство, под услов да започнат нов производствен процес. Целта на усвоените измени е да се излезе во пресрет на барањата на бизнис заедницата и да се зголеми конкурентноста.

Македонија | пред 7 години

Второто писмо од Ангелов: Мерката за патриотизам е да си спремен да умреш во секој момент за својата земја

По писмото кое Горан Ангелов го остави до својата сопруга Наташа, откако беше осуден , денеска на социјалните мрежи обелоденето второто  негово писмо упатено до Кико. Писмото е објавено на фејсбук профилот на Кристијан Јандриоски. Во него Ангелов пишува:Кико брат!Јас знам дека секој народ има свои изроди кои повеќе се грижат за својот џеб отколку што се грижат за народот и неговата судбина.Но изгледа дека македонскиот ги има повеќе од било кој друг народ. Истите тие предавници, наместо да се опаметат и ги признаат своите грешки, тие за тоа бараат награда ( Нобелова ).Кражбата на една нација никогаш не застарува, и еден ден за тоа народот ќе си ја побара сметката да ја наплати.Ни еден судија не е точен како времето кое доаѓа за наплата и времето кое бара да се соочиме со тоа што ни стои во совеста. Тоа време иде.Сега тие ја глодаат среќата која им припаѓа на други, на тие што се напатени и што останале во оваа земја да се борат за подобро утре. Тие што се сега на власт се срамат од тоа какваа им е татковината, и за тоа ја менуваат, ја обезличуваат, затоа тие и не припаѓаат кај неа.Ниеден чесен син и ќерка не се срами од својата мајка, тие се срамат.Мерката за патриотизам е да си спремен да умреш во секој момент за својата земја, тие тоа го немаат, тие ги имаат мерките за предавства, кои ние никогаш одблиску нема да ги знаеме кои се и како изгледаат.Затоа брат, упати поракава до сите ....Време е за ОБЕДИНУВАЊЕ. Доста е кавги и несреќи, време е сите да застанеме заедно и да и го тргнеме овој товар на татковината. Товар наречен Власт.Обединете се сите под ВМРО-ДПМНЕ, и заедно испорачајте им ја сметката на Предавниците.Заедно против Тиранот, браќа и сестри!https://www.facebook.com/photo.php?fbid=10215357840876741&set=a.4875296477755&type=3&theater Горан Ангелов  беше осуден на 12 години затвор поради „тероризам на 27 април“ пред Собранието на Република Македонија.

Македонија | пред 7 години

Џафери на конференција на претседатели на парламенти на Јадранско – Јонската иницијатива

Претседателот на Собранието на Република Северна Македонија, Талат Џафери учествува на 16-та конференција на претседатели на Парламенти на Јадранско- Jонската иницијатива во Будва, Црна Гора.Во оваа регионална иницијатива, формирана во 2000 година членуваат: Република Албанија, Босна и Херцеговина, Република Хрватска, Република Грција, Република Италија, Црна Гора, Република Србија и Република Словенија. Република Северна Македонија стана член во мај 2018 година.Со конференцијата претседаваше претседателот на Собранието на Црна Гора, Иван Брајовиќ, во својство на домаќин и актуелен претседавач со парламeнтарната димензија на Иницијативата на претседателите на парламентите на земјите членки.На почетокот на состанокот беше поздравено членството на Република Северна Македонија како нова членка во Јадранско-јонската иницијатива и беа упатени честитки за постигнување на Договорот со Република Грција за надминување на билатералниот спор. Според дневниот ред на конференцијата, учесниците дебатира во две сесии и тоа за туризмот и културата како заедничка насока, предност и стратешко определување на државите на Јадранско-јонската иницијатива и за парламентарните тела како значаен ресурс за зајакнување на соработката во приоритетните области на државите членки на Иницијативата. Претседателот Џафери се обрати на втората сесија.Во рамките на конференцијата, Претседателот Џафери оствари неколку билатерални средби со своите колеги од регионот. На средбата со домаќинот, претседателот на Парламентот на Црна Гора, г. Иван Брајовиќ, беше изразена надеж дека соработката во регионалната иницијатива ќе биде успешна и дека ќе се идентификуваат проекти од регионален карактер кои треба да ја поддржат интеграцијата на земјите од Западниот Балкан во Европската Унија.На средбата со потпретседателката на Италијанскиот Сенат г-ѓа Паола Таверна и со потпретседателот на Италијанскиот Претставничкиот дом г. Еторе Росато беше изразено уверување дека Италија ќе продолжи да ги подржува земјите од Западниот Балкан на нивниот пат кон полноправно членство во Европската унија, како и очекувањето дека Протоколот за членство на Република Северна Македонија во НАТО ќе биде ратификуван во двата дома во Република Италија кон крајот на март и почетокот на април, имајќи предвид дека веќе е започната дебатата по ова прашање.На крајот на конференцијата беше усвоена Заедничка изјава. 

Македонија | пред 7 години

(ВИДЕО) Минарето во Охрид и во моментов се гради

Државата умре или никој не ја ферма дека е жива ? !Иако денес и официјално беше соопштено дека е донесена одлука да се стопира градбата на минарето, во моментов на него работници изведуваат градежни работи.Државата е навлезена во фаза кога речиси ништо не функционира или како што коментираат во Охрид, ваква „разбоздисаност“ на целиот систем во земјата не се памти.Од платформи на Матка, запалени планини, запалени ниви, запалени езера и брегови, градби на објекти од минариња до хотели и летни тераси без дозволи и никаков план, ред и поредок.Ова го соопштија властите вчера: Инспекцијата ги потврди нерегуларностите: Изградбата на минарето е запрена, пропишана и парична казна А ВАКА Е ДЕНЕС:

Македонија | пред 7 години

Нема фотографија

Пендаровски со граѓани и дуќанџии во Скопје: Потребен е претседател кој обединува, подготвен сум, водам напред

Заедничкиот кандидат за претседател на државата Стево Пендаровски денеска се сретна со граѓаните на главниот град, Скопје. На  средбите  со граѓаните низ центарот на Скопје, Пендаровски разговараше за претстојните претседателски избори и потребата од вистински претседател кој обединува и работи во интерес на граѓаните и државата, се вели во соопштението на СДСМ.Средбите продолжија и во Старата скопска чаршија, кадешто заедничкиот кандидат Пендаровски разговараше со граѓани, дуќанџии, еснафи и пазарџии.- Како држава, како општество конечно тргнавме напред и затоа потребно е заедно, со здружени сили да го поддржиме напредокот, да го искористиме позитивниот момент и да продолжиме напред. Граѓаните заслужуваат претседател кој ќе биде претседател на сите, претседател кој ќе биде над партиите и ќе биде достоен претставник на државата. Подготвен сум да водам напред, да бидам претседател на сите граѓани, порача, меѓудругото Пендаровски на средбите, се вели во соопштението на СДСМ.

Македонија | пред 7 години

Мицкоски: Да покажеме кичма, која тие сакаат да ја немаме, против секоја неправда донесена од оваа власт

Само слабите не се осудуваат да бидат праведни, а оваа власт од ден на ден е се послаба, но со тоа и се понеправедна. Неправдата било каде е закана за правдата секаде. Се поставува прашањето: што е неправда, истакна во најновото видео обраќање лидерот на ВМРО ДПМНЕ, Христија Мицкоски,. Тој притоа наброја што е неправда:-Неправда е кога Премиерот ќе каже дека имало амнестија, поради пазар, односно само поради тоа што требало да се обезбеди 2/3 мнозинство за договорот со кој државата го менува името?-Неправда е и кога мнозинството на народот ќе биде против, а сепак ќе смени името на државата и идентитетот нацијата.-Голема неправда е кога родителите на 4 деца од Смилковско се уште тажат и бараат правда за убијците на своите чеда, кои остануваат неказнети, а Зоран Заев им ветуваше кога тогаш, кога ќе има можност вистинските сторители ќе ги изведе пред лицето на правдината.-Неправда е и додека други родители на патриоти тажат за 211-те години затвор за случајот со 27-ми април.-Неправда е кога синот на Ченто, исто како трите чеда на Ангелов и другите притворени ќе треба 15 години да растат без своите родители, додека оваа власт претходно направи широка амнестија на над 1000 осудени криминалци.-Неправда е и кога ќе се загуби живот во болница поради недостаток на кревет или недостаток на лекарства.-Неправда и кога за болните ќе немаат лекови на квота после 10-ти во месецот.-Неправда е што македонските лекари земаат плата многу помала од ветената, исто како и наставниците и професорите, и тие немаат поголема плата, односно ја немаат онаа која што им ја ветуваше Зоран Заев, слична е и ситуацијата кај пензионерите, пензиите им се кратат наместо да растат.-Неправда се и криминалните бизниси, тендерите во 4 очи и корупцијата која немилосрдно расте.-Неправда е и непотизмот, и незаслуженото вработување на роднини на функционери, позади кои стои по еден млад човек кој не го добил тоа работно место, не затоа што е неспособен туку затоа што не е нечив роднина, односно не е роднина на луѓето од власт.-Неправда е и неплатената мака на земјоделците.-Најголема неправда е потрошениот талент и уништениот живот од Заевизмот.Нашите животи ја губат смислата тогаш кога наместо да зборуваме ќе замолчиме пред неправдите, затоа ние денес сме гласни повеќе од кога било порано, повеќе пред секоја една неправда, зошто само така ќе ја победиме.Поместувањето на планината започнува со малите камења, а овој процес е одамна почнат. Затоа сега е време да ги казниме, да ги промениме работите. Да покажеме кичма и карактер, која тие сакаат да ја немаме, против секоја твоја, наша и заедничка неправда донесена од оваа власт. Да бидеме гласни, и да победиме, да ја донесеме правдата, да се избориме за нашите правдини, да победиме за Македонија. Да победиме за нашата Македонија.https://www.facebook.com/MickoskiHristijan/videos/355996955125990/?v=355996955125990

Македонија | пред 7 години

Стоилковски: Шест месеци не се кажува што е со кривичната пријава против премиерот за поткуп во изборни цели

Точно шест месеци Јавното обвинителство нема никаква реакција, соопштение, информации, што е сработено и дали воопшто е постапено по Кривичната пријава која што ја поднесе ВМРО-ДПМНЕ против премиерот на Република Македонија, Зоран Заев, кој што јавно на митинг во Крива Паланка повика на поткуп при избори што е спротивно на чл. 160 и чл.162 од Кривичен Законик и тоа е казниво дело, истакна Наум Стоилковски, Портпарол на ВМРО-ДПМНЕ.Почитувани, согласно препораките од 2003 година од Комитетот на министри при Советот на Европа, до земјите членки за обезбедување на информации преку медиумите што се однесуваат на криминалните истраги, стои дека за истраги коишто се во интерес или привлекуваат големо интересирање во јавноста, властите би требало да ги информираат медиумите за нивните постапки, до оној степен што не би значело попречување или одложување на истрагата. Во случаи на подолги постапки, се заклучува во препораката, овие информации треба редовно да бидат доставени до медиумите.Почитувани, кривичната пријава е поднесена на 18-ти септември, точно пред шест месеци лани, среде кампањата за референдумот, а и денес, шест месеци подоцна нема никаква информација. Според постапките на Јавното обвинителство, или сметаат дека кривичната пријава против премиерот за поткуп во изборни цели, за случај од вонредно значење или дека не предизвикува интерес, или за нив шест месеци не е долг период!Почитувани, ВМРО-ДПМНЕ ја поднесе оваа Кривична пријава бидејќи Јавниот обвинител не постапи согласно надлежностите предвидени во чл. 39 од Законот за кривична постапка односно не отвори постапка против Зоран Заев по јавно допрен глас. Со Кривичната пријава го доставивме и видео материјалот на кој што се слуша како Зоран Заев јавно повикува на поткуп, каде што се слуша како признава дека еден бизнисмен, односно сопственикот на „Минстрој“, веќе му ветил на Заев дека ќе ги награди работниците доколку излезат на претстојниот тогашен референдум.Ваквото однесување на Јавно обвинителство го става Зоран Заев над законот, ваквото однесување е показател на сервилноста на Јавно обвинителство кон извршната власт, ваквото однесување е показател за селективност во правото и правдата во Република Македонија.На чекор сме до претседателските избори, со ваква селективност, со Јовески/Русковска прислушувано обвинителство, Заев повторно неказнето би можел да нуди поткуп, да поттикнува поткуп, да бара бизнисмени да го одврзат ќесето, јавно да бара и да нуди се во изборни цели. Тоа не смее да се случува во држава на европско тло.Почитувани, правото и правдата ќе се вратат, со масовна поддршка и гласови за Гордана Силјановска Давкова, со поддршка за ВМРО-ДПМНЕ на предвремените избори, истакна Наум Стоилковски, Портпарол на ВМРО-ДПМНЕ.

Македонија | пред 7 години

Нови скали до манастирот „Св. 40 маченици“

По проширени и целосно реконструирани скали, битолчани годинава ќе можат да се искачуваат кон црквичето „Св. 40 маченици“, за време на одбележувањето на овој верски празник. Екипи на КЈП „Нискоградба“, по налог на Општина Битола, ги завршуваат работните активности во вредност од околу 300.000 денари, кои покрај скалите, обезбедија решение за жителите на улицата „Христијан Тодоровски Карпош“, во однос на истечните води.Новите скали, во должина од четири метри имаат површина на газење од 32 сантиметри, нова платформа, а се обложени и со нова заштитна кошулица.Во овој дел од населбата Баир, на улицата „Христијан Тодоровски Карпош“, направени се канализациони приклучоци во должина од 45 метри, поставена е и нова шахта со атмосферска решетка, во која ќе се собираат атмосферските води, кои досега се излеваа на ѕидовите од околните куќи и им предизвикуваа големи проблеми на локалните жители. Направени се и нови 7 приклучоци на индивидуални куќи, во однос на фекалната и атмосферската канализација.[caption id="attachment_32199" align="alignnone" width="1240"]  [/caption]Поставен е потпорен ѕид во должина од 5,5 метри со висина од 1,40 метри. Поради непристапниот терен за работа со машини, се работеше рачно на ископ и поставување на цевките, од страна на вработените во КЈП „Нискоградба“. Градоначалничката Наташа Петровска, претседателот на Советот на Општина Битола и дел од советниците во општинскиот совет, го посетија местото каде и денес се работи, со цел да се запознаат со тековните активности и изведби. Дел од жителите на ул. „Христијан Тодоровски Карпош“ го искажаа задоволството од локалната самоуправа која одговорила на нивните барања, за решавање на еден, за нив, горлив животен проблем. Тие се заблагодарија на преземените активности и интервенции, а дополнително дадоа предлози за следни инфраструктурни зафати во овој дел од градот. 

Македонија | пред 7 години

ANDALUCIA, изложба на Дејан Колевски и Кирил Пенушлиски

На изложбата Andalucia ќе бидат претставени четириесетина уметнички фотографии на двајца современи македонски фотографи - Дејан Колевски и Кирил Пенушлиски. Изложените фотографии се направени во градовите Кордоба, Севиља, Гранада, Гарзамела, Кадиз и Ронда, каде што двајцата автори имаа студиски престој во периодот октомври – ноември 2017 година. Прикажувајќи ги луѓето, обичаите, природните убавини, културните споменици и архитектурата низ призмата на своите апарати, Колевски и Пенушлиски нудат уметничко толкување на идентитетот на овој регион на Шпанија.Дејан Колевски e мајстор на фотографијата, кој има повеќе самостојни изложби, меѓу кои и изложба во Националната галерија на Македонија во Скопје. Во неговите фотографии централно место зазема човекот, прикажан во урбана средина. Во оваа серија тој прикажува најразлични сцени од секојдневното живеење.Кирил Пенушлиски е фотограф, кој аматерски се занимава со фотографија од 1994 година. Пенушлиски верува дека помалку информации ѝ овозможуваат на фантазијата повеќе да работи, па затоа во неговите фотографии деталната и верната дескрипција е заменета со сугестија. Andalusia е негова прва самостојна изложба.

Скопје | пред 7 години

Пироманите дивеат во Струшко, против - пожарната служба мака мачи

После трските во езерото, сега во Струга ги запалија и плнините !Локализиран е пожарот што вчера зафати голема површина нискостеблеста шума на планината Караорман, во близина на струшкото село Делогожда.Поради непристапноста на теренот, кој е висок и стрмен екипите на Територијалната против-пожарна единица од Струга не можеле да интервенираат, а на негово локализирање и целосно гасење работат екипи на Шумското претпријатие.Територијалната противпожарна служба во Струга има шест камиони и две теренски возила. Двете цистерни се некаде околу 1979 – 1980 година, а кои моментално не се исправни.  Службата нема ниту доволен број на пожарникари. Располага само со 32, што е далеку од законски утвредениот минимум. Имаат потреба од најмалку десет нови пожарникари. Оваа служба само за половина месец од март имале 54 интервенции. Токму поради овие проблеми, Струшките пожарникари при поголеми интеревенции помош бараат од Охридската против пожарна служба.Екипите на Струшката пожарна, како што информира за МИА заменик командирот Ристе Талевски, утрово интервенирала на два пожара во селата Боровец и Лабуништа.-Уште еднаш ќе упатам апел до населението да не пали оган на отворено, кој што лесно може да излезе од контрола и да предизвика несакани последици, изјави Талевски.Полицијата најави зајакнати мерки за превенција од пожари и санкции за лицата што ќе предизвикаат пожар. 

Македонија | пред 7 години

Седумина обвинети за Учество во странска војска, паравоени или параполициски формации признаа вина

Денеска во Основниот суд Скопје 1 Скопје, на главната расправа при произнесување за вина, седумтемина македонски државјани обвинети за Учество во странска војска, паравоени или параполициски формации, а едно лице обвинето и за кривично дело Терористичка организација, ги признаа делата што им се ставаат на товар.Во август минатата година, во соработка со партнерите од Глобалната коалиција за борба против тероризмот и Сириските Демократски Сили, обвинетите беа лишени од слобода и предадени на македонските органи на прогонот. По спроведена истрага, во декември минатата година од страна на надлежен јавен обвинител од Основното јавно обвинителство за гонење на организиран криминал и корупција, до Основниот суд Скопје 1 Скопје, беше поднесено обвинение против седум лица.Обвинетите со намера да станат учесници во паравоените формации ја напуштале територијата на Република Македонија и заминувале на обука во Сирија каде и учествувале како борци на ИСИС во војните во Сирија и Ирак. Обвинетиот кој се терети за две кривични дела – Учество во странска војска, паравоени или параполициски формации и Терористичка организација бил припадник и на терористичката организација „Исламска држава“.Освен учество во паравоените формации надвор од Република Македонија, обвинетите обезбедувале, собирале финансиски и материјални средства за лица кои учествуваат во овие формации, преку социјалните мрежи и друг вид на комуникација повикувале, врбувале и поттикнувале други лица на учество во паравоените формации надвор од Република Македонија. 

пред 7 години

Нема фотографија

Привремен сообраќаен режим на дел од булеварот Христијан Тодоровски Карпош

Градот Скопје ги известува граѓаните дека од утре (20.03.2019 година, среда) од 7 часот целосно ќе биде затворен за сообраќај делот од булеварот Христијан Тодоровски Карпош на потегот од улицата Ферид Бајрам до улицата Боца Иванова, поради изведување градежни активности за асфалтирање на коловозот. За време на градежните работи, сообраќајот во овој дел од градот ќе биде пренасочен по околната улична мрежа.Сообраќајот на оваа делница додека траат градежните активности ќе го регулираат и униформирани полициски службеници или други овластени службени лица. Апелираме до сите учесници во сообраќајот да се придржуваат на привремено поставениот сообраќаен режим, да ја почитуваат поставената патна сигнализација и да ја приспособат брзината на движење на условите на патот.

Скопје | пред 7 години

8 возила од Министерството за земјоделство, ќе станат амбулантни

Со одлука на владата ќе преземеме осум комбиња од Министерството за земјоделство, шумарство и водостопанство што биле наменети за некоја друга намена, но ќе може целосно да се пренаменат да бидат амбулантни возила и ќе се доопремат, изјави денеска министерот за здравство Венко Филипче.Набавката на возила за Итна медицинска помош заврши, до крајот на месецот е рокот за испорака и ги очекуваме 12-те нови возила што ќе бидат распределени на повеќе места низ државата, а најмногу во Скопје. Со одлука на владата ќе преземеме осум комбиња од Министерството за земјоделство, шумарство и водостопанство што биле наменети за некоја друга намена, но ќе може целосно да се пренаменат да бидат амбулантни возила и ќе се доопремат, изјави денеска министерот за здравство Венко Филипче.Според Филипче, не се проблем само возилата, проблем е и кадарот. Затоа, појасни, 40 доктори во следниот период после изборите ќе бидат примени во Здравствениот дом Скопје и насекаде ширум државата.„Исклучително ме прави горд тоа што сите млади лекари после лиценцирањето и завршувањето на стажот во Лекарската комора ќе добијат шанса за работно место токму во оваа служба. Значи сите доктори кои ќе завршат во нашата држава ќе добијат платено работно место за време од предвидениот, согласно измената на Законот за здравствена заштита, стаж од шест месеци. На тој начин ќе им биде овозможен влез во здравствениот систем. Верувам дека ќе ги стимулираме и да се надградуваат дополнително на начин на кој ќе почнат да ги добиваат знаењата и искуството на основно ниво на примарна здравствена заштита во сферата на Итната медицинска помош“, истакна Филипче.

Македонија | пред 7 години

Јакимовски порача: Не им се плашиме, ќе ги тепаме

„Не им се плашиме, ќе ги тепаме“, порача денес од пред суд ексградоначалникот на општина Карпош и лидер на партијата ГРОМ, Стевчо Јакимовски, при излез од старата во новата зграда на Кривичниот суд во придружба на полицијата. Тој качувајќи се по скалите покажа два прста и извика: „Ќе ги тепаме, не им се плашиме",Јакимовски утрово беше уапсен и изведен пред судија на претходна постапка.Обвинителството за гонење на организиран криминал и корупција за него побара мерка притвор, и тој во судот ја чека одлуката.Јакимовски се товари за злоупотреба на службена положба, во постапка која ја отпочнало Основното јавно обвинителство. Постапката која ја води ОЈО се оеднесува на легализација на државно земјиште, кое бизнисмени го откупиле за пониска цена од реалната. Проневерата предизвикала штета од милион евра, а за ваквата последица Обвинителството го сомничи Јакимовски.Ова е второ приведување на Јакимовски. Тој минатото лето беше приведен и однесен во судот поради истрага на финансиската полиција, а судијата донесе одлука да му се одземе пасошот.Јакимовски е осомничен и во истрага на Специјалното јавно обвинителство под кодно име „Хармонија“. 

пред 7 години