Млада девојка утрово е пронајдена мртва во скопско Волково, дознава Press24. Се уште нема информации во какви околности починала девојката ниту пак дали на нејзиното тело има траги на насилство.
Скопје | пред 7 години
По повод одбележување на 15 години од трагичната смрт на претседателот Борис Трајковски, на 25 февруари (понеделник), во хотел „Холидеј Ин“ со почеток во 15:30 часот, ќе биде одржана панел дискусија на тема „Лидерство засновано на вредности – од принципи до реализација“.На оваа панел дискусија која ќе ја предводи министерот за надворешни работи Никола Димитров ќе присуствуваат истакнати политичари односно поранешни претседатели на држави и влади кои претходно соработувале со претседателот Борис Трајковски, како што се поранешниот претседател на Република Албанија, Алфред Мојсиу, поранешниот претседател на Република Хрватска, Стјепан Месич, поранешниот претседател на Романија, Емил Константинеску, поранешниот претседател на Украина, Леонид Кучма, поранешнитe претседатели на Република Бугарија, Георги Прванов и Петар Стојанов како и други политичари од регионот и светот.
Македонија | пред 7 години
Дел од корисниците од селото Долно Лисиче, од улицата „2“ и околните објекти денес, од 8:30 до 11:30 часот, ќе останат без електрична енергија.Во периодот од 9 до 12 часот без струја ќе бидат корисниците од асфалтната база „Гранит“ во Општина Карпош, а од 12 до 15 часот корисниците од Драчево лоцирани на улицата „Сердарот“ и објектите во непосредна близина.Од 9 до 13 часот без струја ќе бидат корисниците од улицата „Ѓорѓи Капчев“, подулици „7“, „15“, „17“, „19“, „Тодор Чангов“ и подулица „26“ во Општина Аеродром.Како што соопшти РЦУК – Скопје, прекините се поради планирани технички зафати во дистрибутивната електромрежа во Скопје.
Македонија | пред 7 години
„За вакво нешто се прави сериозна истрага. И директорот на затворот поднесува веднаш оставка, како и директорот на Управата за извршување на санкции“ реагираше професорката Мирјана Најчевска по скандалозните информации дека екс-министрите Миле Јанакиевски и Спиро Ристовски денеска биле нападнати во затворот Шутка.„После ова се размислува и за оставка на министерот за правда. Тоа се вика одговорност, се друго е поддршка на неправото“, напиша Најчевска на Фејсбук.
Македонија | пред 7 години
Комисијата за деловнички и мандатно-имунитетни прашања денеска ќе расправа за барањето за одземање на пратеничкиот имунитет на поранешниот спикер Трајко Вељаноски. Седницата на комисијата со која претседавач е пратеникот Павле Богоевски е закажана за 10 и 30 часот.Според Деловникот, Комисијата е должна да го разгледа Барањето и во рок од два дена да достави извештај до претседателот на Парламентот.По добиениот извештај од Комисијата, Собранието најдоцна во рок од три дена треба да одлучува за барањето на судот на пленарна седница. Одлуката за одземање на имунитетот се носи со просто мнозинство од вкупниот број на пратеници.
Македонија | пред 7 години
Времето денеска ќе биде променливо облачно, а во попладневните часови ќе има локални слаби врнежи од дожд, на планините од снег. Во ноќните часови врнежите насекаде ќе преминат во снег, а ветерот значително ќе засили.Дневните температури ќе се движат од 3 до 14 степени.Поради нагло спуштање на многу студена воздушна маса од север денес во текот на ноќта и утре преку денот ќе дува силен североисточен ветер, чија брзина на места ќе достигнува од 90 до 100 км/час. Утре претпладне и околу пладне ќе има локални врнежи од снег, главно во западните и јужните делови од земјава, а дневната температурата значително ќе се намали, на повеќе места ќе биде само околу нулата. Од недела следува период на суво, ветровито и постудено време.
Македонија | пред 7 години
Сообраќајот на државните патишта се одвива непречено, по суви коловози.Виадукт трејд ДООЕЛ известува дека на ден 22.02.2019-петок и 23.02.2019-сабота ќе се изведуваат градежни работи при поставување на индуктивни јамки за броење на возила на Автопат А1, делница Велес-Градско за што ќе се изврши промена на режимот на сообраќај.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони
Македонија | пред 7 години
Граѓанската иницијатива Охрид SOS предупредува дека свесно е премолчено намерното уништување на природата, појасот трска кај Калишта, која секојдневно се гори. Во дописот SOS пишуваат:Продолжува самоволието на одредени поединци, на кои не им пречи постојаниот притисок, медиумско експонирање на проблемот изминатиов период, па на одредени парцели помеѓу Струга и Калишта тампонираат, поставуваат бетонски огради, палат трска и друга вегетација среде бел ден, а на повеќе локации се депонира и градежен шут. Се чини како да е ова ничија земја, како да не важат овде законите на државата, како да нема никаква контрола од надлежните институции, велат од граѓанската иницијатива Охрид SOS.„Максимално се користи секој момент, имајќи ја предвид најавата на Владата дека ингеренциите за плажите во Охрид и Струга ќе преминат од општинско на државно ниво. Не се знае кој узурпира, кој гради, на терен беа лица со приватни возила, израмнет терен, на неколку места изградени објекти непосредно до езерото, паркирани возила, оградено со жица. Во прилог само неколку фотографии. Глетката е ужасна. Оваа ситуација не беше спомната во одговорот на македонските институции до УНЕСКО. Свесно е премолчено ова намерно уништување на природата, појасот трска кој е овде најконзистентен. Сите молчат, локацијата е надвор од градот, незабележлива, што е уште еден поволен момент за овие узурпатори.Ве повикуваме да ја посетите оваа локација, вашите колеги, дописници да ги евидентираат сите дејствија, нека се сними, нека се затекнат оние кои дивеат покрај патот, среде трската, кои уништуваат дел од природното наследство на охридскиот регион. Направете дополнителен притисок со тоа што ќе известите, ќе потенцирате дека постојат во државата места каде не важат никакви закони, каде никој не доаѓа, нити инспектор нити било кој друг. Каде несметано се девастира живеалиште на многу животински и растителни врсти, специфични за овој предел“, се вели во соопштението.
Македонија | пред 7 години
Професорката Биљана Ванковска на својот Фејсбук профил испрати остри критики за инцидентот во затворот во Шутка.„Не знам која е вистината за претепувањето на бившите министри во притворското одделение, но ова зборува за неспособна (и можеби осветољубива) власт и дава основа за тврдењата на Груевски. За тоа време, едно момче зборува за повисоки плати и економски успеси. Ова е многу посериозно од Монти Пајтон. Престанаа да бидат смешни, а духовити никогаш не ни биле...П.С. Во меѓувреме стасуваат различни верзии за настаните, и најстрашно од се’ е што никој никому не верува! Јазот само се продлабочува“, напиша Ванковска на својот Фејсбук профил.
Македонија | пред 7 години
Претседателот на Владата на Република Северна Македонија Зоран Заев, заедно со директорот на Управата за финансиска полиција Арафат Муареми, вечерва, се сретна со претседателот на италијанската Национална антикорупциска управа Рафаеле Кантоне, придружуван од своите соработници и амбасадорот на Република Италија Карло Ромео.На средбата беше изразена поддршка за постигнатиот Договор со Грција, кој беше оценет како голем и значаен чекор кон успешното остварување на напорите на Република Северна Македонија за европска и евроатлантска интеграција.Исто така, беше истакната посветеноста на Владата на Република Северна Македонија за продолжување на реформите во правосудниот систем, јавната администрација, безбедносно-разузнавачките служби и борбата против организираниот криминал и корупцијата.На средбата, со највисокиот претставник на италијанската Национална антикорупциска управа позитивно беше оценето донесувањето на Законот за спречување на корупција и судир на интереси како и транспарентниот избор и именување на членовите на Државната комисија за спречување на корупцијата (ДКСК) во Северна Македонија.Двете делегации се согласија дека Северна Македонија и Италија ги поврзува искрено пријателство и соработка, со интенција и поддршка да се продлабочуваат и конкретизираат и идните чекори кои двете земји ќе ги преземаат во областа на борбата против корупцијата, размената на заеднички искуства, идеи, практики и мерки и во други области.Во таа насока, е и утрешната Конференција „Институционални реформи за борба против корупција, најдобри практики спрема европскиот модел - италијанскиот пример”, која ја организираат Мисијата на ОБСЕ и италијанската Амбасада во Скопје, а на која ќе учествува и ќе говори премиерот Заев. На Конференцијата, учесниците ќе имаат можност да се запознаат со италијанската пракса за борба против корупцијата, а ќе се дискутира и за независните надлежни органи одговорни за антикорупција, важните реформи и перспективи за интеграција на земјата во Европската Унија.
Македонија | пред 7 години
Мира Стојчевска во коментар на Фејсбук тврди дека таа на никој начин не влијаела, ниту интервенирала за вработување на член на нејзиното семејство или близок роднина.„Изминативе денови внимателно ги следев реакциите во јавноста во однос на обвинувањата за непотизам, нешто што е спротивно на мојата определба и заложба за градење на општество кое ќе нуди подеднакви услови за сите. Општество кое ќе гарантира еднаквост меѓу граѓаните, независно од нивната партиска, религиозна или каква било друга определба. Тоа е целта за која што се боревме додека бевме во опозиција, тоа е целта на која работиме и сега. Одговорно тврдам дека, откако сум пратеник, а и претходно ниту сум влијаела, ниту пак имам намера да интервенирам за вработување на член на моето семејство или некој близок роднина. Тоа е спротивно на моите принципи и етички критериуми. Сепак сакам јавно да соопштам дека мојот сопруг Ило Стојчевски, кој во Шумска полиција – Сектор Делчево при Министерството за земјоделство, шумарство и водостопанство, како заменик – командир работи од 1998 година, уште на 14. 02. 2019 година побара да биде отповикано временото овластување со кое привремено беше назначен за командир на Шумската полиција – Делчево. Иако не сум имала никакво влијание во неговото овластување за командир на шумската полиција – Делчево, следејќи ги моите, но и неговите принципи за отчетност пред граѓаните, мојот сопруг, независно од неговото долгогодишно искуство одлучи да се врати на старата позиција заменик-командир во Шумската полиција – Сектор Делчево. Исто така, сакам да информирам дека и мојот брат Целе Велевски, кој преку Агенција за привремени вработувања беше ангажиран на определен период од пет месеци во РЕК Битола, се откажа од ангажманот. Иако мојот брат сам одлучува за својата иднина и за иднината на неговото семејство, а неговиот ангажман беше легален, легитимен и во ниту еден случај не беше поврзан со одредена политичка партија, тој реши да се откаже од овој привремен ангажман поради неоснованите сомнежи дека јас сум имала некакво влијание при неговото ангажирање, што целосно не е точно“, напиша на Фејсбук Стојчевска
Македонија | пред 7 години
Претседателот на Алтернатива, Африм Гаши, придружуван од генералниот секретар Скендер Рецепи- Зејд, денес оствари средба со заменик амбасадорот на Велика Британија г. Доминик Отвеј.Во овој пријателски состанок помеѓу претседателот на Гаши и г.Отвеј се разговараше за последните случувања во земјата и претседателските избори што се очекува да се одржат на 21-ви април.Претседателот Гаши, исто така, го информираше заменик-амбасадорот г. Oтвеј за придонесот и конструктивната улога на партијата "АЛТЕРНАТИВА" во интегративните процеси на земјата.
Македонија | пред 7 години
Денес во попладневните часови е донесено лице од затворот во Шутка кое било донесено за медицински преглед. По приемот во ургентниот центар дежурната екипа детално извршила преглед, изјави директорот на ГОБ 8 септември, Христијан Костов.„Откако се завршија сите прегледи се донесе заклучок дека кај лицето не се евидентирани повреди. Но, заради анамнестичкиот податок дека лицето било ударано по телото препорачано е од екипата 24 часовен надзор од страна на медицинско лице во установата од кое е донесено“, изјави Костов.
Македонија | пред 7 години
Во врска со инцидентот во затворот во Шутка на Фејсбук се огласи и министерката за правда, Рената Дескоска.„Згрозена сум и најостро го осудувам вербалниот, а потоа и физичкиот инцидент во КПУ Затвор – Скопје. Насилството не е и не смее да биде начин на комуникација никаде, ниту во затворите. Побарав целосно информирање од управата на КПУ Затвор - Скопје, но и очекувам сите надлежни институции професионално и одговорно да го расветлат случајот, а потоа и да покренат постапки за санкционирање на сторителите на насилство, но, и на сите оние кои не презеле мерки за спречување на вакви ситуации“, напиша Дескоска на Фејсбук.
Македонија | пред 7 години
Сценаристи на денешниот инцидент во затворот се Мицкоски и Груевски. Тие очајно се обидуваат преку насилнички сценарија да ја дефокусираат јавноста од водечката улога од врвот на ВМРО-ДПМНЕ како осомничен организатори на настаните од 27 април, изјави Костадин Костадинов.„Медиуми и интернет портали блиски до ВМРО-ДПМНЕ пласираат голем број неточни вести како дел од ова сценарио. Однесувањето на Мицкоски во болницата 8-ми септември е само уште една потврда за тоа, имајќи во предвид дека Миле Јанакиески немал никакви повреди, што е потврдено и со прегледот.СДСМ осудува било какво насилство и го осудува инцидентот во Шутка. Благодарение на брзата реакција не успеа денешната провокација, смисленото сценарио на Мицкоски и Груевски. Очекуваме сите надлежни институции да го расчистат овој инцидент.Насилството ќе се санкционира, а Мицкоски нема да успее. Одговорност за нарачателите, организаторите и извршителите за крвавиот четврток мора да има“, вели Костадинов.
Македонија | пред 7 години
Пратеникот од редовите на СДСМ, Мухамед Зеќири преку својот Фејсбук профил му се обрати на лидерот на опозициската ВМРО-ДПМНЕ.„Mицковски проѕирни сте и ваквите сценарија од вашиот ментор кукавицата Груевски преку неговите пулени Миле и Спире не ви поминуваат“, напиша Зеќири на Фејсбук.
Македонија | пред 7 години
Денеска се случија два немили настани. Првиот се случил околу 13 часот за време на редовна прошетка, при што дошло до вербална расправија помеѓу лицата С.Р. и Л.К., а потоа и до физичка пресметка која била прекината од страна на службите, изјави директорот на истражниот затвор Скопје, Ѓоко Котевски.„Околу 13 часот и 45 се случил вториот немил настан во кој дошло до вербален инцидент меѓу М.Ј и Е.К. кој подоцна преминал во фризичка пресметка и истиот бил прекинат од страна на службите. За двата инциденти прибавени се изјави од сите очевидци и известен е надежниот суд.По инцидентот С.Р. и М.Ј. се пренесени во домскиот лекар и пружена е соодветна грижа. Од страна на С.Р. не била побарана дополнителна медицинска помош, а лицето М.Ј. кое се пожалило на болки, веднаш е испратено во болницата 8-ми септември.Затврот ги превзема сите активности извршителите да бидат санкионирани и во иднина ќе продолжи да постапува професионално. Нашата управа ќе започне истрага со цел да се испита дали е направен некој пропуст и ако е утврден од страна на затворската полиција или другите служби ќе биде покрената соодветна истрага и дисциплинска одговорност“, изјави Котевски.
Македонија | пред 7 години
Досие.мк во потрага по информацијата дека скопјанецот кој беше пријавен дека е исчезнат го обиколи теренот околку населбата Нерези. Локален жител кој сакаше да остане анонимен ни раскажа како дознал за смртта на момчето, објави Досие.мк .Додека седев на клупите дојдоа момчиња и прашуваа за автомобил и го опишаа момчето. Тие прашуваа како да се качат на височинката над тунелите овде на почетокот од Нерези. Јас им кажав и заминаа. По десетина минути потресени се вратија. Кажаа дека ја нашле неговата кола заклучена и кога го пребарале теренот го виделе телото во долот. Повикаа полиција брза помош. Но само констатираа дека е починат. Никој не знае што се случило. Телото личеше како да е истркалано од височинката и застанато меѓу дрвата пред каналот. Полицијата направи увид и го однесоа, раскажа за ДОСИЕ.МК жител на населбата.Текстот во целост на досие.мк
Скопје | пред 7 години
Златен карас уловен во Охридското Езеро. Рибата е убава за глетка, но на овој вид риба, во никој случај не и е местото во езерските води. Како оваа стиба стигна тука сеуште никој не открива.Инаку фотографии од рибата на својот фејсбук профил објави вљубеникот во Охрид и неговите убавини, риболовниот водич Љупчо Стојкоски – Лепи.Станува збор за неавтохтон вид златен карас, риба која и претходно е забележана во водите на езерото, а ја уловил риболовецот Боби Стојаноски.Рибата која е со тежина од околу еден килограм, најверојатно е пуштена во езерото од страна на неодговорни поединци, а е уловена во каналот „Студенчишта“. Експертите апелираат тоа да не се прави, бидејќи сериозно се нарушува биодеверзитетот.Ова не е прв ваков случај. Во август минатата година, нуркачите од нуркачкиот центар „Амфора“ во водите на Охридското Езеро, кај „Заливот на коските“, ја снимија рибата сончарка (Lepomis gibbosus), која исто така не припаѓа на охридскиот екосистем.Апелираме да не се пуштаат во езерото неавтохтони видови риби, бидејќи можат лошо да влијаат врз биодиверзитетот на езерото. – велат од Нуркачкиот центар „Акватек" од Охрид.Пред неколку години беше уловен исто така азиски вид риба. И тогаш спортските риболовци, научната јавност и љубителите на природата предупредија на негативните последици по живиот свет во Охридското Езеро доколку се зголеми бројот на видови кои никогаш не егзистирале во овие води, кои со милениуми се природно живеалиште на голем број ендемски видови, од кои дел живеат само тука.
Македонија | пред 7 години
Претседателот на ВМРО ДПМНЕ Христијан Мицкоски, Владо Мисајловски, Игор Јанушев и Јохан Трчуловски обезбедувањето од болницата „8-ми септември“, ги спречи да го посетат Миле Јанакиевски кој денеска беше претепан во затворот во Шутка.Обезбедувањето потенцира дека на Јанакиески му е изречен 30 дневен притвор и дека поради тоа никој не смее да го посетува.На ова претседателот на ВМРО ДПМНЕ им порача:„Да не ја правиме голема“.Тензичната атмофера ја прекина болничкиот персонал, кој на лидерот на опозицијата му рече да остане, а сите останати да го напуштат објектот.
Скопје | пред 7 години
Не може ниту една закана, уцена или прогон да ја покрие срамната епидемија од непотизам на власта. Заразено е целото СДСМ. На јавноста сега и е јасно зошто постои ваква нервоза кај СДСМ и Заев и зошто по секоја цена сакаат да се дефокусира темата за епидемијата од непотизам, истакна на пресс конференција Димче Арсовски, Портпарол на ВМРО-ДПМНЕ.Арсовски додаде:Речиси да не постои пратеник или висок функционер од власта чиј што близок роднина не е вработен во некоја државна институција, агенција, управа, државно претпријатија или орган кај што не добива плата над просечните примања на граѓаните во Република Македонија.Почитувани, денес ќе обелодениме две нови имиња на пратенички од СДСМ чии блиски роднини се едни од многуте „заразени“ со епидемијата за непотизам.Прво, пратеничката Фросина Ременски веројатно лажно ќе морализира, но мора да и признае на јавноста и ја прашуваме еве јавно: Дали Зоран Ременски, со кого е во кумовски и во роднински врски, е вработен во ЕЛЕМ? Кои се критериумите, доколку е тоа така, според кои лицето Зоран Ременски, кум и внук на Фросина и на Јовче Ременски, се вработил во оваа државна фирма?Вториот случај кој ќе го обелодениме денес е „Дизел вработувањето“ кое го добил и братот на пратеничката на СДСМ од Виница, Славица Митева Шуманска. Имено, братот на пратеничката, Никола Шумански е вработен како царински службеник во Штип на 01 февруари 2019 година, веднаш после гласањето на уставните измени, пред само 20 дена.Ова е доказ дека во СДСМ не владее морал. Единствено морално е да си ги вработат пратениците и функционерите своите роднини. Тие се оперирале од морал во моментот кога ги вработувале блиските роднини на нивните функционери. Јавноста ја охрабруваме да продолжи секојдневно да не информира и да истражува за ваквите случаи, какошто и тоа го прави бидејќи очајно го навлегоа гневот на граѓаните. Сите граѓани ги плаќаат овие партиски роднини преку буџетските пари прибавени или од зголемени даноци или од бруталното задолжување коешто го прави СДСМ.Оваа криминална врхушка е олицетворение на непотизам и верувајте дека тоа ќе заврши единствено со губење на изборите и со нивното заминување од власт.
Македонија | пред 7 години
Миле Јанакиески и Спиро Ристовски, кои од вчера се во затворот во Шутка, а на кои им беше одреден 30дневен притвор за организација на 27 април, денеска биле нападнати од еден од членовите на кумановската група, кој е осуден за нападот во кумановското „Диво насеље“. Ристовски е со помали повреди, а Јанакиески бил префрлен во болницата „8. Септември“ поради скршеници.По оваа вест се наметнуваат две прашања, колку се безбедни македонските затвори? Но и дали овој инцидент на некој начин најави дека се реализира уште една од најавите на екс премиерот. Имено веднаш откако тој пребега во Унгарија побара азил, на прашањето зошто избега, Груевски на Фб на 20 ти ноември 2018 напиша:„Некој може да ме сака или да не ме сака, да се согласува или да не се согласува со мене, да смета дека водам добри или лоши политики, но неможе да го негира или да ги затвори очите пред она што се случува во Македонија во овој период а кое го опишувам. Јас одлучив да не ја исполнам желбата на СДСМ, додека тие ја разграбуваат и распродаваат државата и националните интереси да седам затворен со политичка одлука и секојдневно да се борам за преживување во затворот, за каде добив сознание дека ми се подготвува ликвидација, пишува Груевски“.Се подготвуваше ли навистина ликвидација на екс премиерот, Никола Груевски?Инаку поранешниот премиер Никола Груевски е осуден на две години затвор за влијание МВР да купи блиндиран луксузен мерцедес од 600 илјади евра од пари на полицијата, по негова лична желба. Освен за веќе отпочнатиот судски процес „Насилство“, поранешниот премиер и лидер на ВМРО-ДПМНЕ, Никола Груевски, е обвинет во четири случаи на Специјалното јавно обвинителство, „Титаник“ за изборните измами, „ТНТ“ за уривањето на објектот „Космос“ на Фијат Цановски, „Траекторија“ за изградбата на автопатиштата.
пред 7 години
МЗШВ и производителите на јаболка се договорија, за една недела ќе подготват заеднички предлози Денеска во Министерството за земјоделство,шумарство и водостопанство, се одржа работен состанок со производителите на јаболка од преспанскиот регион. На состанокот, се разговараше за актуелната состојба со откупот на јаболка, барањата на производителите на јаболка и мерките што и презема МЗШВ за оваа гранка.Во однос на барањата од страна на производителите на јаболка кои се однесуваат на исплата на основната субвенција за одржување на овошни насади до крајот на март и исплата на дополнителната субвенција од 3 денари од Програма за 2018 до 30 –ти јуни, директорот на Агенцијата за финансиска поддршка во земјоделството и руралниот развој, Николоче Бабовски, посочи дека овие барања ќе бидат исполнети, бидејќи истите се врзани и со законските рокови за исплата.Во врска со барањето на овоштарите за продолжување на дополнителната мерка од 3 денари за предадено индустриско јаболко до крајот на јуни годинава, претставниците од МЗШВ и јаболкопроизводителите се договорија во следните денови да се направаат сите анализи и пресметки и до 1-ви март да се донесат конкретни предлози и да се дизајнира мерка со која што ќе се амортизираат загубите на овоштарите и ќе се реши пласманот.„Знаеме дека овоштарите се наоѓаат лоша состојба, причината е што има големо производство, а и странските пазари се соочуваат со вишоци. Затоа, денеска се договоривме заеднички да направиме анализи како таа мерка да ја дизајнираме и истата да придонесе за амротизација на загубите и секако за решавање на пласманот. До 1-ви март ќе излеземе со заеднички предлози и мерката би се донесла после претседателските избори, бидејќи сега сме ограничени за менување во годишната програма поради предизборниот период. Во врска со времената мерка што заврши на 25 декември лани, калкулациите беа тие 3 денари по килограм за предадено индустриско јаболко, да се трансформираат во субвенциите по хектар.Затоа во новата Програма за 2019 година, субвенциите за одржување на насади се зголемени од 39.000 денари по хектар на 50.000 денари, со тоа што имаат дополнителни 15% за подрачја со ограничнеи можности над 700 метри надморска височина, а Ресен влегува во таа категорија, и таа субвенција за развојните категории достигнува 57.500 денари по хектар. Тоа е прифатено и поздравено од овоштарите“, изјави шефот на кабинет на МЗШВ, Трајан Димковски.Претседателот на работната група на овоштарите, Менде Ивановски изјави дека состојбата на терен е лоша, но дека се задоволни што има разбирање за решавање на нивниот проблем од страна на МЗШВ.„Денеска најдовме разбирање од МЗШВ и претставниците од МЗШВ не сватија дека нашиот проблем е голем и дека треба заеднички да го решиме.Се договоривме во следните денови да имаме интензивни разговори и до 1-ви март да излеземе со конкретни предлози. Тогаш ќе дојдеме до едно решение како да опстојат овоштарите. Во овој момент се откупува мала количина од околу 200 тона на ден и претежно извозот оди за Русија, Ирак и Бугарија“, изјави Ивановски.Ефектите од дополнителната мерка од 3 денари за килограм индустриско јаболко што се воведе со Програмата за директни плаќања за 2018 година се видиливи, досега се откупени 45.000 тони индустриско јаболко, а претходно во просек се откупуваше од 15.000-20.000 тони, што значи дека мерката дава ефект. Од овие 45.000 тони, околу 15.000 тонис се за домашен пазар, а остатокот е извезен.Во делот на пласманот Димковски посочи дека МЗШВ интензивно работи на изнаоѓање на нови пазари за јаболкото но и за другите земјоделски производи и дека се во тек преговорите за извоз на македонското јаболко во Египет. А, дополнително во однос на промоцијата на земјоделските производи, во новата Програма за рурален развој, субвенцијата за поддршка за учество на домашни и странски саеми е зголемена од 400.000 евра на 1 милион евра.
Македонија | пред 7 години
Основното јавно обвинителство Скопје до Основниот суд Скопје 1 Скопје поднесе Обвинителен предлог против едно лице кое се товари за кривично дело – Напад врз службено лице при вршење работи на безбедноста од член 383 став 2 во врска со став 1 од Кривичниот законик.Обвинетиот 25-годишен жител на Скопје, на 13.02.2019 година, во подземна гаража на улица „Анкарска“, нападнал и телесно повредил едно овластено службено лице – униформирана полициска службеничка. Оштетената со уште тројца колеги, униформирани полициски службеници од Полициска станица од општа надлежност Карпош, пристапиле кон проверки на оштетено патничко моторно возило Цитроен Ц3 паркирано во гаражата. Во тој момент од совозачката врата на возилото излегол обвинетиот. Му било наредено на застане, но се обидел да избега, а оштетената за да го задржи го фатила со двете раце за нозете во делот на потколениците. Притоа, тој почнал да ја удира со нозете во пределот на главата и лицето и да ја влече по асфалтот, нанесувајќи и телесни повреди во вид на потрес, отворена рана на главата и нагмечување на главата.Ценејќи дека се уште се исполнети законските основи заради кои на обвинетиот веќе му е определена мерка притвор, надлежниот јавен обвинител заедно со Обвинителниот предлог до судот достави и предлог за продолжување на притворот.
пред 7 години
Секторот за внатрешни работи Скопје - Единица за економски и компјутерски криминал, до Основното јавно обвинителство во Скопје, поднесе кривична пријава против А.И.(64), Д.Ј.(66) и Д.В.(46), сите од Скопје, поради постоење основи на сомнение дека извршиле кривично дело „злоупотреба на службената положба и овластување“, казниво по член 353, а во врска со член 45 од Кривичниот законик.А.И. и третопријавениот Д.В., управители на Друштвото за услуги и трговија „ТЦ БИСЕР“ ДООЕЛ од Скопје и второпријавениот Д.Ј., Претседател на „Здружение на сопственици на деловен простор за одржување на ТЦ Бисер “ од Скопје, во периодот од 2013 до 2018 година, сукцесивно во повеќе наврати, во име и за сметка на правното лице Друштво за услуги и трговија „ТЦ Бисер “ ДООЕЛ од Скопје, како закуподавач, склучиле „Договори за издавање под закуп за користење на површина на дел од платформата- терасата“ со 16 правни лица-закупци за вршење дејност надвор од деловен простор за различен временски период, површина и цена за користење на просторот по метар квадратен, иако знаеле и биле свесни дека Друштво за услуги и трговија „ТЦ Бисер “ ДООЕЛ од Скопје не е сопственик на површините кои се предмет на склучените договори за давање под закуп. Врз основа на склучените договори и по основ закупнина правните лица на сметка на ДУТ „ТЦ БИСЕР“ ДООЕЛ Скопје уплатиле вкупно 10.052.285 денари.Првопријавената во вкупно 36 наврати склучила исто толку договори за издавање под закуп за користење на површина на дел од платформа- тераса со 12 правни лица како закупци.Второпријавениот во два наврати склучил договори, додека третопријавениот сукцесивно во вкупно девет наврати склучил исто толку договори за издавање под закуп за користење на површина на дел од платформа- тераса.
пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
