Филипче: Новиот Клинички центар ќе се гради во Општина Ѓорче Петров

Новиот Клинички центар ќе се гради во Општина Ѓорче Петров, откако оваа одлука поминала на денешната владина седница, изјави министерот за здравство, Венко Филипче. Освен оваа скопска населба, во игра беа и локации во Карпош и во Петровец, изјави министерот за здравство, Венко Филипче.„Се бодуваа трите локации – во Карпош, Ѓорче Петров и Петровец. Тим од експерти разработи методологија и според тоа се донесе заклучок дека Ѓорче Петров е идеална локација, прво поради положбата, понатаму дека најбргу можеа да се изготват проектните документи и поради тоа дека најмалку чини, односно целото земјиште е државно“, истакна министерот за здравство Венко Филипче.

Скопје | пред 7 години

МЗШВ Николовски: Државата не презема долгови на приватни компании, туку директно ги обештетува лозарите

Државата не презема долгови на приватни компании, туку директно ги обештетува лозарите, а преку финансиските инструменти на Управата за јавни приходи, тие парите ќе бидат вратени во Буџетот, посочи денеска министерот за земјоделство, шумарство и водостопанство, Љупчо Николовски.„Во следните 3 години согласно Законот за земјоделство и рурален развој сите исплати кои што ќе ги прават компаниите за кои што се презема долгот, истите ќе бидат стопирани преку УЈП и ќе бидат средства на Буџетот, односно преку Платежната агенција ќе се вратат во Буџетот. Исто тоа ќе следи и во делот на стечајните постапки кои се отворени во други случаи. Не е точно дека со државни пари се покриваат долгови на приватни фирми, ние директно ги помагаме и обештетуваме лозарите. Државата не им плаќа на винариите и не покрива ничии долгови, државата го има побарувањето. Одлуката на Влада ќе се донесе на седница овој четврток. За земја во која што земјоделството е основна гранка, лозарството која што е најстратешка гранка, со девизен прилив од над 100 милиони евра од кој што сите граѓаните во државата имаат бенефит, лично сметам дека државата треба согласно политиката да води грижа за сите граѓаните, и на овие граѓаните на лозарите треба да им се помогне за да можат да застанат на нозе и да можат да ја вршат дејноста од која што девизен прилив има целата држава и од кои пари се градат и училишта и градинки и се реализираат и други приоритети за граѓаните. Сметам дека станува збор за една многу човечка одлука, проблемите од кои што беа погодени овие лозари, страдаше целиот тој регион. Јас ќе бидат заштитник секогаш и на лозарите и на тутунарите и на сите земјоделци, знаејќи дека тоа е категорија на која што треба да и дадеме силна поддршка, ако сакаме овој сектор да се развива и да биде основа на економијата“, изјави министерот Николовски.На вчерашната собраниска седница, се усвоија измените на Законот за земјоделство и рурален развој, со што се постави и правниот основ за државата да ги обештети лозарите. Со законските измени се создава можност Владата да донесе одлука за дополнителна помош за одреден земјоделски производ, откупен најмногу пред пет години од денот на донесувањето на одлуката, а неплатен од страна на регистриран откупувач. Дополнителната помош ќе се исплаќа преку Агенцијата за финансиска поддршка во земјоделството и руралниот развој како мерка предвидена во годишната Програма за финансиска поддршка во земјоделството. Со овие измени лозарите кои во периодот 2014-2016 година го предале грозјето во винарници кои биле регистрирани во регистарот на Министерството за земјоделство шумарство и водостопанство, а не добиле пари за предаденото грозје, ќе бидат обесштетени.Николовски потенцираше дека се подготвуваат и нови измени на Законот за вино и но во другите соодветни закони, со кои ќе се воведат инструменти со кои што земјоделците, лозарите ќе бидат заштитени во делот на откупот и исплатата на земјоделските производи.Инаку за откупеното грозје од реколтата 2017 сите регистрирани откупувачи на грозје во МЗШВ ја имаат комплетно завршено исплатата кон лозарите.

Македонија | пред 7 години

МТСП: Усвоен Оперативниот план за 2019 година, за вработување и отворање нови бизниси

На денешната владина седница се усвои новиот Оперативен план за вработување за 2019 година, за кој издвоивме рекордни 1,1 милијарда денари што е највисок износ досега и е за речиси три пати поголем од 2014 година, кога за истата намена беа исплатени 406 милиони денари. Мерките се фокусираат на доквалификација, вработување на најранливите категории, поддршка за стартапите и иновативните бизнис идеи. Во процесот на креирање на овие мерки за првпат се вклучени сите чинители.Врвен приоритет на МТСП и на Владата е обезбедување нови работни места. За Оперативниот план за вработување 2019 година издвојуваме рекордни 1,1 милијарда денари и се фокусираме на преквалификација и доедукација. Во 2019 да дадеме шанса за сите оние кои имаат образование, а се без работа, да ги прилагодиме на фактичката состојба и да ги активираме на пазарот на трудот.Новите работни места ги планиравме заедно со работодавците, односно за првпат мерките ги работевме во соработка со сите чинители и според реалните потребите во државата и на локално ниво.Со Оперативниот план за 2019 година посебен акцент се става на младите невработени лица до 29 години како и на корисниците на гарантирана минимална помош.Оваа година Оперативниот план ги опфаќа и физичките лица, нуди силна поддршка за самовработување, но и за отворање нови работни места, раст на платите, како и поддршка за вработување на лица со попреченост. Со ОП 2019, меѓу другото, овозможуваме обуки за побарувани занимања и занаети, за дигитални вештини, како и обуки за дигитални вештини. Исто така, се продолжуваат програмите „Практикантство“, „Општинско-корисна работа“ и „Јавни работи“.Оперативниот план за вработување за 2018 година имаше високи 95% реализација.Со него за првпат ја воведовме „Гаранцијата за млади“, преку која се вработија 1.839 лица. Преку учество во програмата Самовработување, сопствен бизнис отворија 1.191 лица, а една од најбараните беше програмата „Практикантство“, во која се вклучија 1.263 невработени лица до 34 годишна возраст.Носител на Оперативниот план е Министерството за труд и социјална политика, а неговата имплементација е во надлежност на Агенцијата за вработување на Република Македонија, во партнерство со други одговорни институции.

Македонија | пред 7 години

Кардиолошки формира оддел за електростимулација

Професионалната соработка помеѓу двете најголеми кардиолошки установи- ЈЗУ Универзитетска Клиника за кардиологија- Скопје како врвна здравствена институција во државата и ЈЗУ Специјализирана болница за кардиоваскуларни болести -Охрид ,започна активно да се развива во интерес на медицината, науката и квалитетот на услуги на нашите пациенти.Во тек на вчерашниот ден заеднички тим од двете установи извршија имплантација на два трајни електростимулатори на наши пациенти.Во присуство на директорите на двете установи Др.Жан Зимбаков и Др.Елена Коваческа Башуроска беше официјализирана вистинска соработка која ќе вроди со натамошен развој на медицинската наука ,воведување на нови процедури и методи и во крајна линија континуитет во подобрување на квалитет на услуги за нашите пациенти.На наше големо задоволство можеме да ја информираме јавноста дека одделот за електростимулација во ЈЗУ Специјализирана болница за кардиоваскуларни заболувања од денес започна со редовен програм.Извор: FBЈЗУ Кардиолошки Завод Охрид

Македонија | пред 7 години

Николовски: 7,7 милиони евра инвестиции преку ИПАРД 2 за развој на руралните средини

Во рамки на мерката „Диверзификација на фарми и развој на бизниси“ од ИПАРД 2 Програмата денеска се склучија првите 24 договори, чија инвестиција изнесува 7,7 милиони евра. Во овие 24 договори вклучени се проекти за изградба на фотонапонска централа, набавување опрема за ветеринарна станица, опрема за производство на сокови, за пчеларство, изградба на објект за преработка на метал, за производство на мебел, изградба на рибник и изградба на објект за производство на саден материјал за повеќегодишни растенија. Исто така, во рамки на овие договори се овозможува поддршка за изградба и опремување на објекти и сместувачки капацитети за рурален тузирам, изградба на објект за производство на медицински помагала, како и изградба на дом за стари лица.„Сите овие типови на инвестиции се наменети за руралните средини односно селата и тука спаѓаат инвестиции во мали преработувачки капацитети, во рурален туризам, производство на сточна храна и ѓубриво, отворање на градинки, старечки домови, кина во селата, капацитети за сместување и друго. Поточно со еден збор, оваа мерка е важна за поттикнување на агробизнисти во руралните средини кои ја поттикнуваат економската активност, а истовремено ќе ги подобрат условите за живот во руралните средини“, изјави министерот за земјоделство, шумарство и водостопанство Љупчо Никoловски.Мерката „Диверзификација на фарми и развој на бизниси“ има широка примена и нуди поддршка за кофинансирање на најразлични инвестиции во земјоделството.„Овие инвестиции кои ќе бидат реализирани во главните подрачја се добар показател дека Владата, Агенцијата, министерството максимално се грижиме за граѓаните да останат покрај своите огништа, тука да ги започнат своите бизниси. И исто така ова покажува дека ИПАРД Програмата е една успешна приказна. Докажавме дека средствата кога наменско се користат и доаѓаат до вистинските земјоделци секогаш даваат резултати“ истакна директорот на Агенцијата за финансиска поддршка во земјоделството и руралниот развој Николче Бабовски.Од првиот јавен повик МЗШВ одобри 930 проекти со финансиска поддршка од околу 18 милиони. Добар дел од овие средства кај реализираните проекти се веќе исплатени. Поточно, до денеска до Платежната агенција има доставено 589 барања за исплата на завршени инвестиции со кои се побарува за кофинансирање близу 5 милиони евра. Од овие 589 барања, за 129 инвестиции се веќе исплатени 1,5 милиони евра.Инаку, за Мерката 3 „Инвестиици во материјални средства за преработка на земјоделски и рибни производи“ од ИПАРД 2 програмата за кој рокот беше до 29-ти јануари, пристигнаа 65 апликации со вкупна побарувана сума од 15,9 милиони евра.МЗШВ заедно со Платежната агенција продолжува интензивно да работи на олеснување на процедурите и приближување на оваа Програма до земјоделците и сите потенцијални корисници, со цел да се поттикне стабилен и континуиран развој во секторот.

Македонија | пред 7 години

Средба на премиерот Заев со потпретседателот на хрватската Влада, Крстиќевиќ

Претседателот на Владата на Република Македонија, Зоран Заев, денеска сретна со Дамир Крстиќевиќ, потпретседател на Владата на Република Хрватска и министер за одбрана.На средбата е пренесена поддршка од хрватската Влада за интеграцијата на Република Македонија во НАТО, со најава дека Хрватска ќе го потпише протоколот за членство на нашата држава во Алијансата и е изразено добредојде за нашата земја во семејството на НАТО. Исто така, најавена е и поддршка од Хрватска, за Република Македонија во јуни да добие датум за почеток на преговорите со ЕУ.Пренесени се честитки до премиерот Заев, од хрватскиот колега премиерот Андреј Пленковиќ и од Владата во Хрватска, за постигнатиот Договор во Преспа, како победнички билатерален договор, но и за регионот и за Европа. Оценето е дека договорот е пример и за меѓународната заедница, како се решаваат сложени отворени прашања. Во таа насока, поздравени се политиките на премиерот Заев, со коишто се смета дека ја понел на себе одговорноста за иднината на нашата земја која наскоро ќе го носи името Република Северна Македонија.Претседателот на Владата, Заев се заблагодари за големата и континуирана поддршка што ја имаме од Хрватска и најави дека нашата држава е подготвена да ги земе предвид сите позитивни искуства од Хрватска, како во делот на одбраната, така и во сите други области за коишто ќе се појави потреба со отворањето на поглавјата за преговори со ЕУ.„Живееме историски моменти“, оцени премиерот Заев пред утрешното потпишување на Република Македонија и земјите членки на НАТО, на протоколот за пристапување на земјава во Алијансата.Претседателот на Владата, Заев рече дека за нашата држава, како и за регионот и за земјите членки, НАТО значи стабилност, сигурност и безбедност и дека очекува тоа да ги отвори економските перспективи на државата.„Ги правиме и сите неопходни реформи во безбедносните служби, во борбата против корупцијата, во правосудниот систем, јавната администрација и очекуваме и Европскиот совет во јуни да донесе позитивна одлука и да ги отвориме поглавјата. Овој тренд на позитивни промени, фокусирани сме да повлече и бројни инвестиции, што ќе придонесе во квалитетот на живот на граѓаните, како и за задржување на младите, како моторна сила, во државата“, рече премиерот Заев.На средбата е заеднички констатирано дека Република Македонија и Република Хрватска се две пријателски земји, без отворени билатерални прашања и дека сите актуелни позитивни процеси отвораат големи можности за развој на меѓусебната економската соработка.

пред 7 години

На границата меѓу Албанија и Црна Гора запленети околу 17 килограми хероин

На граничниот премин Божај, на влезот во Црна Гора од Албанија, црногорските полицајци и цариници синоќа заплениле околу 17 килограми хероин и уапсиле 35-годишен албански државјанин кој управувал товарно возило со приколка, пренесе агенцијата „Танјуг“.Полицијата и царината на Црна Гора во соопштение напишаа дека службениците пронашле и одзеле 30 пакувања со содржина на прашкаста материја за која се смета дека е опојна дрога хероин тешка 17 килограми. Тие додаваат дека со оваа акција е спречене меѓународен канал за шверц на наркотици.

Свет | пред 7 години

(ФОТО) Папата и имамот се бакнаа во уста - бакнеж за светски мир

Откако повикаа на светски мир, папата Френсис и големиот имам шеик Ахмед ал Тајеб ги изненадија верници бакнувајќи се во уста. На меѓурелигискиот состанок во понедлникот во Абу Даби, Обединетите Арапски Емирати во понеделникот, верските водачи го потпишаа документ за борбата против екстремизмот, повикаа на мир и се бакнаа.Луѓето беа изненадени од глетката на двајца машки верски лидери кои се бакнуваат во земја каде што се забранети јавни прикажувања на љубовта, а да не споменуваме од истите полови односи, кои се казнуваат со затвор, тепање, тортура и дури депортација за не-граѓани.По оваа фотографија грст коментри на социјалните мрежи.https://twitter.com/fhurtado/status/1092583265137917952?ref_src=twsrc%5Etfw%7Ctwcamp%5Etweetembed%7Ctwterm%5E1092583265137917952%7Ctwgr%5E363937393b70726f64756374696f6e&ref_url=https%3A%2F%2Fwww.rt.com%2Fnews%2F450678-pope-francis-kiss-imam-uae%2F%3Ffbclid%3DIwAR0QUIo-CuPQwahseYbItpX7zfzLG5PSWIVF27F0c2ItjD3AqPTxKXH2vmYhttps://twitter.com/CatSimran/status/1092480437195292674?ref_src=twsrc%5Etfw%7Ctwcamp%5Etweetembed%7Ctwterm%5E1092480437195292674%7Ctwgr%5E363937393b70726f64756374696f6e&ref_url=https%3A%2F%2Fwww.rt.com%2Fnews%2F450678-pope-francis-kiss-imam-uae%2F%3Ffbclid%3DIwAR0QUIo-CuPQwahseYbItpX7zfzLG5PSWIVF27F0c2ItjD3AqPTxKXH2vmYhttps://twitter.com/MarionLilian4/status/1092678788264194049?ref_src=twsrc%5Etfw%7Ctwcamp%5Etweetembed%7Ctwterm%5E1092678788264194049%7Ctwgr%5E363937393b70726f64756374696f6e&ref_url=https%3A%2F%2Fwww.rt.com%2Fnews%2F450678-pope-francis-kiss-imam-uae%2F%3Ffbclid%3DIwAR0QUIo-CuPQwahseYbItpX7zfzLG5PSWIVF27F0c2ItjD3AqPTxKXH2vmYИнаку ова не е првпат папа и имам да се бакнуваат на усните. Во 2011 година, Бенетон предизвикал вознемиреност со слична фотографија и тоа на реклама. Фотографиите беа за поголема рекламна кампања. По реакциите Ватикан сепак ги повлече рекламите. 

Свет | пред 7 години

Според кинезите започнува година на свињата - симбол на оптимизмот, ентузијазмот и напорната работа

Повеќе од една милијарда луѓе на светот започнаа да го слават почетокот на кинеската Нова година. Оваа година, според кинеската традиција е година на свињата, па така со обилни количества на храна, огномети и различни видови на перформанси ќе се празнува на целата територија на Азија.Како симбол, свиња се поврзува со напредок, среќа и добри можности за шанси и успех. Кинеска Нова година во овој знак почнува денес и ќе трае се до 24 јануари 2020 година.

Свет | пред 7 години

Град Скопје и годинава доделува стипендии за спортисти - средношколци

Со цел да ја зголеми мотивираноста кај младите и талентирани спортисти - средношколци, Град Скопје и годинава ќе додели стипендии на спортисти - средношколци кои се жители на Скопје и учат во средните училишта на подрачјето на град Скопје.Јавниот повик за доделување стипендии на спортисти – средношколци, ученици во средните училишта на подрачјето на градот Скопје за 2019 година е објавен денеска, а ќе трае 10 дена, до 14.02.2019 година. Врз основа на пропишаните критериуми во овој повик ќе се изберат 105 стипендисти - средношколци, кои ќе добиваат стипендија во вкупен нето износ од 24.000 денари во тековната 2019 година.Право на добивање стипендија на овој повик имаат државјани на Република Македонија кои имаат статус на редовен или вонреден ученик/ученичка во средно училиште на подрачјето на град Скопје; да се жители на Скопје; да се активни спортистки и спортисти, членови на спортски клубови од подрачјето на град Скопје и да се регистрирани во националните спортски федерации во Македонија; да имаат високи спортски достигнувања во претходната 2018 година и во 2019 година, се до завршувањето на јавниот повик.Пријавите треба да се достават до Град Скопје, преку пошта на адресата Булевар Илинден број 82, 1000 Скопје, или во архивата на Град Скопје (барака број 16) секој работен ден, а најдоцна до 14.02.2019 година до 19 часот.

Скопје | пред 7 години

Министерот Адеми оствари средба со генералниот секретар на ЦЕИ Антонионе

Министерот за култура Асаф Адеми денеска оствари работна средба со новоназначениот генерален секретар на (ЦЕИ), Роберто Антонионе, кој во годината кога ЦЕИ ја одбележува 30-годишнината од формирањето ги посетува земјите со кои има соработка Инцијативата.Министерот Адеми и господин Антонионе разговараа за досегашната соработка на Република Македонија со ЦЕИ и посебно се осврнаа на клучните теми за натамошно унапредување на односите и искористување на можностите што ги нуди ЦЕИ со размена на најразлични програми од областа на културата. Посебен акцент беше ставен на унапредувањето на трансферот на содржини и кадар меѓу земјите членки на ЕУ и оние што имаат статус или се потенцијални кандидати за влез во Европската Унија.Генералниот секретар на ЦЕИ Антонионе и министерот Адеми разговараа за приоритетите на Иницијативата и за можноста за вклучување на сите чинители во културата од земјава во нивно остварување, а тие се однесуваат на: промоција на интеркултурниот дијалог, негување на културните различности, заштита на културното богатство, поддршка на креативните индустрии, развој на културната дипломатија и подобрување на социјализацијата на луѓето со попреченост.

Македонија | пред 7 години

(ВИДЕО) Педофил во Србија намамил девојче во зграда и се обидел да го силува

Новопазарската полиција го уапси Е.Д. под сомнение дека во зградата Бор во центарот на градот се обидел сексуално да злоставува девојче од 9 години.На снимката од надзорните камери, до кои дошла РТВ Нови Пазар, се гледа како мажот го намамува девојчето во зграда, а потоа го нападнал девојчето и тоа некако успеало да му се оттргне на педофилот и да побегне од зградата!Откако девојчето избегало педофилот разговарал по телефон и се спуштил по скалите и ја напуштил истата.Се работи за 38-годишен граѓанин на Нови Пазар, кој, како што напиша мајката на жртвата на социјалните мрежи, го „намамил“ девојчето во влезот на зградата „Бор“ по што и ја кренал јакната и ја допирал по телото.

Свет | пред 7 години

ВМРО ДПМНЕ ги соопшти имињата на кандидатите за претседател

Десет лица се огласија на конкурсот на ВМРО ДПМНЕ, пеку кој партијата бараше кандидат за претседателе. Една од пријавите била доставена по изминување на рокот, па останати се девет кандидатури.Потпретседателот на ВМРО-ДПМНЕ, Владо Мисајловски денес ги обелодени имињата на кандидатите кои ги исполниле условите:-Никита Шектукоски, доктор по математички науки и редовен професор на природно-математичкиот факултет во Скопје, член на Институтот за математика;-Ѓорѓи Манасков, машински инженер и претседател на Стопанската комора за енергетика на Македонија;-Васко Костов, фармацевтски техничар;-Влатко Ѓорчев, правник, пратеник во Собранието на Република Македонија и член на ИК на ВМРО-ДПМНЕ;-Гордана Силјановска Давчева, редовен професор на Правниот факултет во Скопје, член на Институтот за правни и политички науки, катедра за уставно право и политички систем;-Илија Димовски, професор во пензија на шумарски факултет при УКИМ во Скопје;-Филип Петровски, доктор на политички науки и поранешен директор на Државниот архив;-Горан Анѓелов, пратеник, поранешен градоначалник на општина Виница во два мандати и претседател на ЗЕЛС во еден мандат;-Сашо Кутлешоски, доктор по земјоделски науки;Кој ќе бие кандидат од ВМРО ДПМНЕ, партијата ќе одлучи на претстојната Конвенција на 16-ти февруари во Струга, откако кандидатите ќе ги претстават своите програми. Претходно кандидатите од 6 до 16 февруари ќе одат по општинските комитети за да ја претстават својата програма пред делегатите.-ВМРО-ДПМНЕ ќе им овозможи на сите пријавени, еднаков пристап до ОК на партијата во периодот од 6-ти до 16-ти февруари, со цел презентација на нивната програма и визија за Македонија. Сите кандидати ќе имаат еднаков третман и еднакви можности да бидат избрани, согласно принципите и демократијата, истакна потпретседателот на ВМРО ДПМНЕ, Владо Мисајловски.

Македонија | пред 7 години

Фридом хаус: Македонија делумно слободна земја

Македонија и натаму се наоѓа во групата делумно слободни земји според најновиот извештај на Фридом хаус „Слободата во светот 2019“. Земјава и оваа година останува со вкупен рејтинг од 3,5, на скала каде 1 е најслободно, а 7 е најнеслободно општество.Во оваа група од регионот уште се наоѓаат Босна и Херцеговина, Косово, Црна Гора и Србија. Србија падна од групата слободни во делумно слободни земји поради изборните нерегуларности.Унгарија исто така падна од групата слободни во делумно слободни поради постојаните напади врз демократските институции на земјата од страна на партијата Фидес на премиерот Виктор Орбан, влијаејќи врз медиумите, верските групи, академијата, невладините организации, судовите и приватниот сектор.Во групата слободни земји од регионот се Бугарија, Хрватска и Романија. Од 195 земји, 86 или 44 насто се оценети за слободни, 59 или 30 насто за делумно слободни и 50 или 26 насто за неслободни земји.

Македонија | пред 7 години

(ВИДЕО) По 60 години, Русија повторно отвора истрага за студентите кои загинаа на Урал

Русија повторно отвора истрага за студентите кои пред 60 години загинаа на Урал. Несреќата се случила во 1959 година кога група од десет студенти, осум момчиња и две девојки, тргнале на кампување на Урал, Русија.Тие за 16 дена требало да поминат 300 километри.Еден од нив се разболел и се вратил дома. Останатите продолжиле, а целта им била да се искачат на Отортен, еден од најопасните врвови на Урал. Експедицијата ја предводел Игор Дјатлов.По една недела од експедицијата, никој од останатите девет членови не се јавил на семејствата и тогаш почнала потрагата. По исчезнатите трагале припадници на полицијата и војската. По шест дена, петмина планинари биле пронајдени во шума, а по останатите четворица се трагало уште два месеца. Нивните повреди биле стравични. Некои од нив ги изгубиле очите, устите и голем дел од лицата.

Свет | пред 7 години

Филипче: Ќе се менува системот на греење во повеќе јавни здравствени установи

Министерот за здравство Венко Филипче истакна дека уште во текот на минатата година преземени се одредени чекори за промена на системот на греење во повеќе јавни здравствени установи.Според првиот човек на минисртвото за здравство проектите се готови, влегле во планот за јавни набавки и ќе почнат да се реализираат според приоритет и тоа Специјалната болница по гинекологија и акушество „Мајка Тереза“ во Чаир, па општите болници во Куманово и Струмица.– Се надевам дека толку колку што трае тендерската постапка и сите законски рокови ќе поминат без никаков проблем и за скоро време, веќе за следната грејна сезона сите овие објекти ќе бидат подготвени да се грејат на гас, истакн министерот Филипче.

Македонија | пред 7 години

Шекеринска по средбата со Крстичевиќ изрази очекување Хрватска многу брзо да гја поддржи ратификација членството на Македонија во Алијансата

Хрватскиот заменик-премиер и министер за одбрана Дамир Крстичевиќ, кој престојува во посета на земјава, како историски успех за Македонија го означи утрешното потпишување на Протколот за пристапување во НАТО од страна на земјите членки во Брисел.Тој  кажа дека  Хрватска ќе продолжи да ја поддржува земјата на европскиот и евроатлантскиот пат со пружање на сето хрватско знаење и искуство.– Хрватска и Македонија се пријателски земји, имаат извонредна одбранбена соработка, земјите се заедно во А5-иницијативата во рамките на која имаат извонредна соработка и заеднички подготовки на нашите војници за учество во мировни мисии, изјави Крстичевиќ.Министерката Шекеринска истакна дека Крстичевиќ доаѓа во вистински момент  поточно пред  утрешното потпишување хрватскиот министер за одбрана доаѓа во посета на Македонија.– Колегата Крстичевиќ има одличен тајминг. Пред една и пол година првпат се сретнавме за да им честитаме на нашите црногорски колеги за членство во НАТО и тогаш и од него и од другите министри за одбрана во регионот ја добив истата порака дека ја очекуваат Македонија како следна. Но, пред една и пол година беше тешко да се биде оптимист. Имаше премногу причини да сметаме дека по една изгубена декада работите ќе одат тешко, рече Шекеринска и додаде дека Хрватска во тој период и дала голема поддршка на Македонија и во воена и во политичка смисла.Шекеринска по средбата рече дека очекува Хрватска многу брзо да ја  поддржи ратификација за членството на Македонија во Алијансата.

Македонија | пред 7 години

Нема фотографија

Во едно деноноќие прегледани 14 пациенти со симптоми на морбили, една пациентка хоспитализирана на инфективна клиника

Министерството за здравство известува дека вчера се прегледани 14 пациенти со симптоми на морбили. По извршениот преглед од Клиниката за инфективни болести и фебрилни состојби информираат дека хоспитализирана е само една пациентка (39) од Гостивар, додека останатите 13 пациенти се пуштени на домашно лекување поради полесната клиничка слика на морбили.Од нив 6 се деца на возраст од 1 до 2 години, невакцинирани, а останатите 7 се возрасни од 21 до 38 години. Во моментот, на Инфективна клиника се хоспитализирани 22 пациенти со морбили и сите се во стабилна здравствена состојба.Министерството за здравство уште еднаш апелира до граѓаните да се вакцинираат со МРП вакцина, особено децата кои немаат примено ниту една доза од вакцината.Досега се вакцинирани повеќе од 5.600 лица. Станува збор за висок процент на лица, кои сериозно ги сфатиле препораките на Министерството за сериозноста на заболувањето, важноста за висок колективен имунитет со што се заштитени и лицата, кои од одредени медицински оправдани причини не можат да ја примат вакцината, особено бебињата и пациентите со висок здравствен ризик.Родителите кои ќе забележат или ќе се посомневаат на првите знаци на болеста, децата да не ги носат во Клиниката, туку кај матичните лекари, како и во дежурните пунктови во поликлиниките „Јане Сандански“, „Бит- пазар“ и „Букурешт“, кои работат 24 часа и вршат комплетни прегледи со лабораторија, а доколку е потребно ќе се упатуваат на Клиниката за инфективни болести и фебрилни состојби.Најголем број заболени од морбили се деца, затоа останува на сила забраната за посета на градинките од деца, кои не се вакцинирани со МРП вакцината. Задолжително сите деца од училишна возраст да се вакцинираат, ако не се вакцинирани или примиле само една доза од вакцината МРП, сите здравствени работници што од кои било причини не се вакцинирани или не се сигурни во својот вакцинален статус да се вакцинираат, да се намали фреквенцијата на пациенти на Клиниката за детски болести, поради опасност од ширење на оваа многу сериозна болест. Болеста, од заразено лице на друго лице може да се пренесе со кашлање, кивање и по капков пат.Заради овие причини Министерството за здравство уште еднаш напоменува дека станува збор за многу сериозно заболување кое понекогаш, за жал, покрај здравствени компликации може да заврши со смртен исход.

Македонија | пред 7 години

Мобилен сервис за грижа во домашни услови - приближување на здравствените услуги до граѓаните

Министерот за здравство Венко Филипче, министерката за труд и социјална политика Мила Царовска, австрискиот аташе за труд, социјална политика, здравство и заштита на потрошувачите во Република Македонија, г-дин Харалд Фугер, денеска се обратија на настан во организација на Европскиот центар за социјална политика и истражување, посветен на потребата од развивање интегрирани услуги за здравствена и долгорочна нега.„Со цел обезбедување квалитетни здравствени услуги, достапни подеднакво за сите, Министерството за здравство во соработка со Министерството за труд и социјална политика реализира посебен пилот проект, мобилен сервис за грижа во домашни услови. Овој начин и метод ќе овозможи побрза и поефективна здравствена услуга за сите граѓани, а токму тоа е нашата примарна цел како министерство“, истакна министерот Филипче.Проектот се спроведува со поддршка од Програмата за развој на Обединетите Нации (УНДП), Општина Кочани, Општата болница со проширена дејност во Кочани, матичните лекари, специјалисти по семејна медицина и Центарот за социјална работа во Кочани. Сервисот веќе успешно функционира во Кочани, а од неодамна и во Ресен.Во мобилниот сервис се вклучени два тима, составени од по 2 медицински сестри и по 1 социјален работник, кои на дневна основа посетуваат одреден број домаќинства во Кочани и руралните заедници, со цел основна здравствена и социјална грижа во домашни услови. Со оваа услуга се опфаќаат лица, кои живеат со социјален ризик, приматели на социјална парична и постојана парична помош, од рурални средини, постари лица, како и лица со хронични болести и коморбидитети. За првпат во медицинскиот тим се вклучува и социјален работник чија задача е да препознае евентуални социјални ризици во семејствата и понатамошно поврзување со системот на социјална заштита. Досега се опфатени 678 лица од 22 села во реонот на Кочани.„На овој начин овозможуваме приближување на здравствените услуги поблиску до граѓаните, со цел рано откривање хронични болести, намалување на бројот на хоспитализации и здравствени компликации, како и подобрување на достапноста и квалитетот на здравствена грижа. Воведовме и новини, како вклучувањето на социјален работник со што нашата грижа и потребата од интервенција ја прошируваме и во социјалниот сегмент заедно со Министерството за труд и социјална политика“, потенцираше министерот.Министерката за труд и социјална политика, Мила Царовска изјави дека во најголем број случаи здравствените и социјалните ризици се испреплетуваат. Затоа здравствено социјалните сервиси се добар начин преку услуга во домот да се откријат здравствените и социјалните ризици.„Ваков сервис веќе постои во Кочани, а исти се отвораат и во Битола и Ресен, а интенцијата е истиот систем да профункционира и на национално ниво, за што се дава и законска можност со пакетот закони за социјална заштита кои очекувам пратениците наскоро да ги изгласаат со национален консензус“, потенцираше министерката Царовска.Ова е еден практичен пример за интегрирани услуги за обезбедување здравствена нега за лица, кои се во социјален ризик, кој во претстојниот период ќе биде надграден и проширен и во другите региони на државата, како и во другите сегменти на здравствената заштита.Министерот Филипче упати благодарност до австриското министерство и Европскиот центар за социјална политика и истражување за досегашната успешна соработка, која се очекува да продолжи и во иднина со верување дека со нивната експертска помош заеднички ќе се реализираат нови проекти и иницијативи за интегрирани услуги од повеќе сектори.

Македонија | пред 7 години

Втора фаза од ССА: Правните и физичките лица можат да вложуваат во недвижности и во хартии од вредност во странство

Правните и физичките лица можат да вложуваат во недвижности и хартии од вредност во странство со преминувањето на земјата во втората фаза од Спогодбата за стабилизација и асоцијација (ССА).Преминот кон втората фаза од ССА овозможува не само поголеми инвестициски можности за физичките и правните лица, туку и поголем степен на интеграција на домашниот финансиски пазар со меѓународните финансиски пазари. Исто така, се олеснува издавањето и регистрирањето странски хартии од вредност во земјава, како и на домашни хартии од вредност во странство.Инвестирањето на странските финансиски пазари треба да се темели врз бројни информации врз кои се засноваат очекувањата на економските субјекти во кои се планира инвестирањето. Затоа се претпоставува дека резидентите, а особено физичките лица што ќе се одлучат да инвестираат во странство, се добро информирани за потенцијалните ефекти од нивните одлуки, дека имаат формирано јасни очекувања за приносите и степенот на ризичност, како и дека се запознаени со своите даночни обврски.Резидентите треба да ги имаат предвид и да ги почитуваат обврските што произлегуваат од Законот за девизно работење кои се однесуваат за регистрирањето и известувањето за трансакциите. Забраната за отворање сметки на правни и физички лица во странски банки и натаму останува во примена, освен во случаите предвидени со Одлуката за начинот и условите под кои резидентите коишто не се овластени банки, можат да отвораат и да имаат сметки во странство.Со потпишување на ССА, нашата земја се обврза на почитување на едно од основните начела врз кои се заснова единствениот пазар на Европската Унија – слободното движење на капиталот, што подразбира целосно, но фазно либерализирање на тековите од капиталната и финансиската сметка. Најголем дел од капиталните трансакции, како што се кредитните работи, странските директни инвестиции, вложувањата на нерезиденти во хартии од вредност и во недвижности, и претходно беа либерализирани. Пристапувањето кон втората фаза од ССА значи натамошна либерализација на капиталните текови.На 25 јануари 2019 година стапи во сила „Одлуката за премин во втората фаза на асоцијација меѓу Република Македонија и Европската заедница и нејзините земји членки“ („Службен весник на Република Македонија“ бр. 17 од 25 јануари 2019). Со оваа новина, согласно со Спогодбата за стабилизација и асоцијација, престануваат да важат одредбите на член 11 став 1, член 13 став 2, член 14 ставови 4, 5, 6 и 7 и член 15 став 3 од Законот за девизно работење со кои досега се ограничуваа инвестициските можности на домашните физички и правни лица во странство.Истовремено, Советот на Народната банка на Република Македонија, на 31 јануари годинава ја донесе Одлуката за престанување на важењето на Одлуката за условите што треба да ги исполнуваат хартиите од вредност во странство во кои може да вложува овластена банка. Донесувањето на оваа одлука има за цел натамошно либерализирање на тековите од капиталната и финансиската сметка.

Македонија | пред 7 години

Смртни закани за новинари од Н1 Телевизија од Србија

Вработени во Српската Н1 Телевизија добиле писмо со смртни закани кон нив и нивните семејства поради тоа што, како што наведуа телевизијата, известуваат за протестите во Србија. Писмото исто така содржело закана дека зградата на телевизијата ќе биде крената во воздух. Н1 соопшти дека заканите се пријавени во полиција.Испраќачот се потпишал како Белградски ветерани од војните во 1999 година, а во писмото, покрај заканите, имало и членска карта од Сојузот на воени ветерани на Србија.Претседателот на здружението Жељко Вукелиќ за Н1 изјави дека тие не стојат зад испратените пораки и дека сакаат полицијата да го истражи целиот случај.

Свет | пред 7 години

(ВИДЕО) Пожар во Париз, загинаа 8 лица

Во пожар во кој избувна во станбена зграда во југозападниот дел на Париз, загинаа седум лица а беа повредени 27, од кои неколкумина во животна опасност. Инцидентот се случил ноќеска по полноќ на 8 катната зграда.Билансот на жртвите во огнената стихија може да биде поголем, имајќи предвид дека огнот се уште не е изгаснат на седмиот и осмиот кат од зградата, која се наоѓа во југозападниот дел од Париз.Пожарникарите спасиле триесетина лица, кои побегнале на покривот од зградата. Евакуирани се и соседните згради.Ројтерс објави дека постои сомневање дека пожарот е подметнат и за време на истрагата е притворена една жена на возраст од 40 години, за која се знаело дека има проблеми со менталното здравје.Пожарот избувнал околу еден часот по полноќ, по што интервенирале околу 200 пожарникари.

Свет | пред 7 години

Цената на нафтата руши рекорди

Цените на нафтата во понеделникот на меѓународните пазари го достигнаа највисокото ниво во последните два месеца.На лондонскиот пазар цената на барелот порасна за 66 центи во однос на претходното затворање на тргувањето во петокот, на 63,41 долар, а во текот на претпладневното тргување ја достигна и највисоката цена од 7-ми декември од 63,63 долари.На американскиот пазар, пак, со барелот околу пладне по средноевропско време се тргуваше по 33 центи повисока цена, од 55,59 долари, а во текот на претпладнетно барелот достигна и највисоко ниво од почетокот на 2019 година од 55,79 долари.„Воведени се санкции на Венецуела, покрај веќе намалените понуди од Саудиска Арабија. На пазарите на сирова нафта повеќе нема никакви траги од презаситеност“, вели за Reuters Оливие Жакоб од „Petromatrix“.

Свет | пред 7 години

Владата денеска ќе ја одржи својата редовна 118-та седница

Владата на Република Македонија денеска ќе ја одржи својата редовна 118-та седница со повеќе точки на дневен ред од Програмата за работа на Владата на РМ за 2019 и од интерес на граѓаните.На денешната седница владата ќе ја разгледа информацијата за Годишна програма за работа со Финансиски план за 2019 година на Фондот за иновации и технолошки развој.На предлог на Министерството за финансии за денешната седница се предвидени и точките Предлог-закон за вршење на сметководствени работи, Предлог-закон за изменување и дополнување на Законот за ревизија, и Предлог-закон за изменување и дополнување на Законот за јавен долг.Министрите во Владата на РМ на денешната седница ќе го разгледаат и Предлог-законот за тутун, производи од тутун и сродни производи, како и Предлог-програмата за финансиска поддршка во земјоделството за 2019 година.Министерството за економија за оваа седница, меѓу другите, ги предложи на разгледување и одобрување Предлог-уредбата за мерките за поддршка на производство на електрична енергија од обновливи извори на енергија и Предлог-програмата за финансиска поддршка за производство на електрична енергија од повластени производители кои користат премија за 2019 година.Од ова министерство за денешната седница на Владата се предлага и точката Информација за предлог модел за развој на системи за дистрибуција на природен гас во Република Македонија.На оваа своја 118-та седница, Владата на РМ ќе ја разгледа и Информацијата за потреба од донесување на Национална програма за железничка инфраструктура за период од 2019 до 2021 година.На предлог на Министерство за животна средина и просторно планирање за денешната седница ќе биде разгледан Предлогот за покренување на постапка за ратификација на Амандманот од Доха кон Протоколот од Кјото на Рамковната Конвенција на ООН за климатски промени.Генералниот секретаријат на Владата на РМ на денешната седница ќе ја презентира Информацијата за започнување постапка за доделување на договор за јавно приватно партнерство преку формирање на современа модерна организација-платформа како ефикасен носител на хеликоптерскиот итен медицински систем на Република Македонија (HEMOS) и хеликоптерските услуги за пребарување и спасување (SAR).Министерството за одбрана на дневен ред ја стави точката Информација за потребата од потпишување на Договор за користење на софтвер за воздушно набљудување (MASE) меѓу Република Македонија и Агенцијата на НАТО за комуникации и информации.Министерството за труд и социјална политика ќе ја презентира Предлог-програмата за дополнување на Програмата за изградба, опремување и одржување на објекти за детска заштита за 2019 година.На денешната седница на Владата ќе се разгледа и Предлог-одлуката за формирање на Меѓуресорска работна група за извршување на Конечната спогодба меѓу Република Македонија и Република Грција.

Скопје | пред 7 години

Пронајдена изгубената жена која боледува од Алцхајмерова болест

Ја најдовме мајка ми, жива и здрава, пишува ќерката на Драгица која вчера попладне на социјалните мрежи испрати апел, ако некој ја види или ја забележи нејзината мајка која боледува од Алцхајмерова болест, да ја побара.Ќерката се заблагодарува на сите добри луѓе кои помогнале во потрагата по 70-годишната жена од Тафталиџе.

Скопје | пред 7 години