Влада на Р Македонија: Јавните дискусии за нацрт амандманите на Владата на РМ ја потврдија инклузивноста

Јавните дискусии по нацрт амандманите за уставни измени со цел решавање на долгогодишниот спор со Грција, со што треба да се овозможи пристапување на Република Македонија во Европската Унија и НАТО, завршија во предвидениот рок од пет дена и опфатија широк спектар на засегнати страни.Во рок од два дена после јавната расправа, Владата на РМ, како овластен предлагач за уставни измени, до Собранието на Република Македонија ќе достави сублимиран извештај од главните сугестии и предлози за усовршување на нацрт амандманите, или како амандмани на амандманите.Процесот на уставните измени треба да заврши со усвојување на предложените амандмани после јавната расправа и со Одлука за измена на Уставот што ќе ја донесе Собранието со двотретинско мнозинство гласови од вкупниот број пратеници, на седница која е предвидено да се одржи на 15 јануари 2019 година.„Уверен сум дека процесот ќе го затвориме во рамките на договореното и онака како што ќе пишува во одлуката за донесување на уставните измени во Законот за Уставни измени, односно дека амандманите се составен дел на Уставот на Република Македонија и ќе влезат во сила со денот на влегување во сила на Конечната спогодба за решавање на разликите опишани во резолуциите 817 и 845 на Советот за безбедност на Обединетите нации, за престанување на важноста на Привремената спогодба од 1995 г. и за воспоставување на стратешко партнерство меѓу страните и ратификацијата на Протоколот за членство во НАТО од страна на Република Грција“, рече премиерот Заев на една од јавните расправи, и потенцираше дека измените на Уставот ќе важат откако Грција ќе ги спроведе своите обврски, односно кога, во ист ден, ќе ги ратификува Конечната спогодба за решавање на спорот со името и Протоколот за нашето членство во НАТО.Јавната дискусија започна со дебата во Владата на Република Македонија, и потоа продолжи со отворени настани за предложените уставни измени во МАНУ, на Универзитетот ФОН, во Општина Штип, и во Тетово на Универзитетот на Југоисточна Европа, со учество на претставници на академската и експертската јавност, претставници од граѓанскиот сектор, како и на граѓани кои покажаа голем интерес на отворената покана на Владата на РМ.Освен премиерот Заев, како претставници на Владата на РМ, учество на овие дебати зедоа и заменик претседателката во Владата и министерка за одбрана Радмила Шекеринска, заменик претседателот во Владата задолжен за европски прашања, Бујар Османи, министерот за надворешни работи Никола Димитров, како и повеќемина професори, академици и експерти за политички систем и уставни прашања кои беа поканети да го дадат своето стручно мислење за прашањата поврзани со уставните измени.Во своите настапи за време на јавните дебати, премиерот Заев потенцираше дека и овој процес, од посебен интерес за иднината за нашата земја, се спроведува и организира со максимална инклузивност и подготвеност за прифаќање на секое разумно и рационално дополнување и усовршување во духот на Договорот од Преспа.Низ дискусиите беа презентирани текстовите на усвоените четири нацрт амандмани низ собранискиот процес, а посебно внимание се посвети на конструктивните предлози што дојдоа од пратениците во Собранието на Република Македонија, како и на предлозите од експертите и граѓаните кои дојдоа низ отворената дебата.За време на расправата беа разгледани предлози и сугестии како што се прашањето дали како уставно решение да се набројат сите одлуки од Првото заседание на АСНОМ, како правни решенија на кои се темели нашата државност, или пак да бидат собрани во еден уставно-правен израз како конститутивни документи на нашата државност.Како сугестија која се зеде предвид, беше расправана и опцијата во Уставот да се наведе дека Република Македонија освен за грижата за македонскиот народ во дијаспората, се грижи и за дијаспората на другите етнички заедници.За време на дебатите беше разговарано дека предложените уставни измени и амандмани се прифатливи и од аспект на идентитетските одредници утврдени во Уставот, и дека сите предложени решенија се во рамките на уставно-правниот јазик.Во однос на преамбулата на Уставот како исходиште за државноста и нејзините специфики, и како историско политичка традиција врз основа на кои се гради духот на овој највисок државен конститутивен правен и политички акт, се нагласи дека преамбулата на Уставот треба да ги прецизира новите измени и да го одразува духот на новата реалност произлезена со Договорот од Преспа.За време на расправата преовлада мислењето дека нашата земја не може да ја смени својата географска положба, ниту својата историја која е важна и темел на нејзиното постоење, но, дека може да влијае на иднината, со преземање на одговорноста и со донесување одлуки за имплементацијата на Договорот од Преспа.Учесниците на сите пет дебати, се обединија околу ставот дека со Договорот од Преспа и решавањето на повеќедецениското прашање се затвора и поглавјето на идентитетските прашања, кое заедно со членството во НАТО и ЕУ, се трите цели кои Владата сака да ги постигне со овој Договор, со оглед на фактот што тој е заснован на европски начела, вредности, почитување на трајното пријателство и човековите права и дека уставните измени треба да се гледаат во контекст на придобивките.Некои од експертите во јавната расправа оценија дека нацрт-амандманите се клучен основ за понатамошно опстојување на Македонија и нејзино вклучување во меѓународните организации, и осврнувајќи се на важноста Договорот од Преспа дадоа предлог и тој да биде дел од Преамбулата.„Убеден сум дека преку инклузивниот процес, со внесување на сите одржливи сугестии, Република Македонија може да обезбеди двотретинско мнозинство во Парламентот, бидејќи одговорноста е наша и тоа им го должиме на нашите деца, да го заокружиме процесот и да се посветиме на економскиот, образовниот, правниот развој на нашиот систем“, истакна премиерот Заев на една од дебатите, и истакна дека се наоѓаме пред историска шанса да го заокружиме политичкиот процес кој трае веќе 27 години, бидејќи нашата држава после сите резултати и храбри чекори што ги презеде го заслужува членството во НАТО и започнувањето на процесот на преговори со ЕУ. 

Скопје | пред 7 години

(ВИДЕО) Манчевски и Поповски на конференцијата е-Општество - Медиумски писмени граѓани за одговорни институции

Министерот за информатичко општество и администрација, Дамјан Манчевски и министерот задолжен за комуникации, отчетност и транспарентност, Роберт Поповски денеска во хотелот „Холидеј ин“ во Скопје, учествуваа на 14. Меѓународната конференција „е-Општество“, во организација на Фондацијата за интернет и општество „Метаморфозис“.На Конференцијата, со тема „Медиумски писмени граѓани за одговорни институции“, во пет одделни сесии се опфатени приоритетите во областите на слободата на изразување, медиумска писменост, транспарентноста и отчетноста. Беше констатирано дека е потребна координација и соработка со граѓанскиот сектор, бизнисите и академската заедница, со цел подобрување во работата на институциите и подобрување на квалитетот на живот на сите граѓани.Министерот Манчевски во своето обраќање се осврна на посветеноста на Владата преку транспарентноста и отчетноста на институциите да се  доближи нивната работа до граѓаните, истакнувајќи ја посебно улогата на дигитализацијата на услугите, која како што најави, ќе резултира со конкретни проекти во 2019 година.„Со пуштање на употреба на националниот портал за е-услуги на почетокот на следната година и со можноста секој граѓанин да го активира својот електронски идентитет, долгите, сложени и нетранспарентни процеси за добивање на документи и услуги ќе бидат минато. Секој ќе може од својот електронски уред да ја добие потребната услуга. Дигитализацијата на овие процеси, ќе го намали влијанието на човечкиот фактор, а со тоа ќе се намалат и можностите за корупција“, рече министерот Манчевски и додаде дека дигитализирањето на услугите ќе се врши со водење грижа за приоритетите, согласно потребите на граѓаните и бизнис секторот.Министерот Манчевски најави и дека Владата, покрај практиката на објавување на најчесто бараните документи, идната година ќе се посвети и на надградба на системот ЕНЕР, со цел да се овозможат онлајн дискусии, а не само коментари како што беше досега, во однос на предложените законски решенија од страна на институциите.„Пред крајот на овој месец во употреба ќе биде пуштен новиот портал за отворени податоци, кој денеска го презентираме пред колегите министри на седница на Владата“, најави министерот Манчевски, потенцирајќи дека покрај транспарентноста во работењето, се покажува дека и отворените податоци можат да бидат силен поттик за социјален и економски развој, во насока на подобрување на управувањето и јавното учество во централната и локалната власт.Говорејќи за медиумската писменост на граѓаните, министерот за комуникации, отчетност и транспарентност, Роберт Поповски истакна дека таа е силно и двонасочно поврзана со отчетноста на институциите констатирајќи дека со зголемувањето на бројот на медиумски писмени граѓани  се зголемува и бројот на одговорни, отчетни институции.„Како силни застапници на концептот „Отворена влада“, кој во себе, меѓу другото, ги обединува комуникациите, транспарентноста и отчетноста, постојано имаме предвид да создаваме услови за да бидат исполнети функционално трите идеални улоги на медиумите кои можат да имаат огромно влијание врз доброто владеење, транспарентноста и одговорноста“, подвлече министерот Поповски.Во оваа насока, министерот Поповски ја оцени улогата на медиумите како набљудувачи и укажувачи, кои го штитат јавниот интерес преку следење на моќните сектори на општеството за откривање на случаи на злоупотреба на власта, криминалот и корупцијата, како и ширењето на лагите и дезинформациите.Министерот Поповски се задржа и на последните извештаи на меѓународните институции и организации кои констатираат дека Република  Македонија има демократско подобрување и станува држава со најветувачка шанса за демократски прогрес во Европа, како и дека е направен добар прогрес во слободата на изразување и подобрување на климата за работа со медиумите и намалување на притисокот врз нив. Министерот Поповски укажа и на истражувањето на „ACTION SEE“ дека Владата на Македонија е најотворена меѓу владите од регионот.„Овие признанија за нас се само мотив да продолжиме во таа насока и уште повеќе да ги правиме достапни и транспарентни политиките и практиките на Владата. И тука ја докажуваме поврзаноста помеѓу отчетноста и медиумската писменост - колку властите ги прават информациите повеќе достапни и повеќе разбирливи за граѓаните, толку сме поблиску до објективно информирање и до точно разбирање на вестите кои гравитираат во медиумите, а кои граѓаните ќе ги препознаат како точни и објективни“, подвлече министерот Поповски.Во првата сесија се обратија и извршниот директор на „Метаморфозис“, Бардил Јашари и извршната директорка на Фондацијата „Отворено општество - Македонија“ Фани Каранфилова Пановска и амбасадорот на Европската Унија во Македонија, Самуел Жбогар.Тие се осврнаа на важноста на медиумската писменост, укажувајќи дека постојат многу предизвици во насока на подобрување на знаењата и вештините на граѓаните, за полесно оценување на информациите кои доаѓаат до нив од различни страни. Говорниците се согласија дека е потребно поддржување на проекти и заедничка платформа во насока на полесно справување со манипулациите и лажните вести од страна на граѓаните и следствено зголемување на нивната доверба во институциите кои ги почитуваат принципите на транспарентност и отчетност.  

Скопје | пред 7 години

(ВИДЕО) Јаулески: Црнилото кое ја обвиткало државата и општеството во целост мора да го поразиме

СДСМ ја распродава државата по сите основи. Република Македонија две години оди надолу. Неколку нерасветлени убиства откако СДСМ е на власт, а министерот за политички прогон Спасовски не презема ништо за да ги заштити граѓаните и да го гарантира јавниот ред и мир, изјави претседателот на УМС на ВМРО-ДПМНЕ, Јован Јаулески.„Црниот Заев донесе црна безпарица. Трошоците за живот се се поголеми, а платите остануваат исти. Безперспективноста кај младите расте. Ветуваа дека ќе ги вратат иселените, а сега си заминуваат и тие што останаа.Економијата е зацрнета. Младинската невработеност е највисока во Европа. Од така наречената младинска гаранција нема ни М. Младите го завршуваат своето образование и разочарани ја напуштаат Република Македонија.Оние кои ќе решат да останат и да се надеваат на подобро утре се гушат во црниот воздух, чија загаденост е неколкукратно поголема од нормалното, а владата за тоа не нуди мерки и решенија, бара донации од бизнисмените за работа која треба да се финансира од буџетот“, вели Јаулески.Тој додаде и дека, загадувањето ќе го спречуваат со донации, а не кажуваат каде ќе одат парите од даноци.„Државата стана рекордер во корупција. Граѓаните се помалку им веруваат на институциите. Давачките рапидно се зголемуваат, а со тоа се удира врз секој млад и висококвалификуван кадар кој решил да твори, работи и создава во Република Македонија. Се удира врз ИТ инженерите, младите лекари, стоматолозите итн.Образованието е девастирано и оставено на заборавот на времето. Две години нема ниту една инвестиција. Нема нови студентски домови, нема студентски градови, нема подобар стандард за студентите, нема ништо. Има само црно црнило.Црнилото кое ја обвиткало државата и општеството во целост мора да го поразиме. Граѓаните ја чекаат зората. Ајде сите заедно да го поразиме црнилото. Во среда, во 17 часот приклучете ни се на протестниот марш против сите штетни и антидржавни политики на оваа црна влада. Зората ќе изгрее. Македонија ќе оди напред“ изјави Јаулески.

Македонија | пред 7 години

5 000 жители од Припор, на само 3 километри од центарот на Скопје се отсечени од светот

5 000 жители на само 3 километри од центарот на Скопје  се  отсечени од светот. Причината е потпорен ѕид кој се урна пред две недели кога загина работник , а неговиот колега се здоби со повреди по одрон на земјиште. По трагедијата работата беше стопирана, а општина Кисела Вода даде забрана за сообраќај и движење на пашаци поради опасност од повторен одрон на земјиштето.Жителите од оваа општина револтирани што ништо не се превзема да се се самира проблемот. Тие реагираат преку социјалните мрежи.Пешаци – забрането ,возила – забрането,возила, пожарна и брза помош – забранетодистрибутери на леб и млако – забранетодеца во школо  - забранетоОпштина Кисела Вода ни забрани да живееме. Како е ова можно во 21 век?, Пишуваат револтираните жители .Тие денеска повикуваат на протест од 17 до 19 часот поради изградба на потпорен ѕид на улицата „Христо Татарчев-  крак 14“ . 

Скопје | пред 7 години

Јусуфоски: Капитулација на здравството пред приватно-јавно партнерство, или нова невозможна мисија со веќе познат крај?

Во последниве денови сме сведоци на можеби уште една катастрофа кога се во прашање реформите во здравството, бидејќи министерот преценил дека оваа реформа му е потребна на нашето здравство а тоа е јавно- приватно партнерство. Министерот без јавни дебати помеѓу сите засегнати страни и стручни лица решава една многу осетлива хируршка гранка- детска кардиологија да ја префрли во приватен здравствен објект со државен и приватен здравствен кадар, без многу јаснотии околу тоа кој, колку, кому и зошто ќе плаќа“, вели потпретседателот на Граѓанско Демократска Унија, Енсер Јусуфоски.„Фондот за здравство како добродушна страна во овој случај излегува во пресрет да ги плаќа услугите на приватната болница, без да наведе суштински причини околу ваквото партнерство.Додека се подготвува стартот на оваа авантура, чудни ветришта дуваат кон реформите за идната година. Ни трага ни глас од ветеното бесплатно здравство и подобра снабденост со лекови и други медицински помагала.Почитувани колеги, исправете се и кажете го вашето мислење, не ја виткајте кичмата постојано! Вие доволно сте истрошени од постојаните реформи и неизвесноста која не следи веќе 28 години!После секое потклекнување се потешко можеме да се исправиме.Да бидеме ислушани од нашите колеги и со факти и докази да направиме добар почеток и исчекор со стабилни реформи во новата година.Да направиме нешто подобро за сегашноста и иднината“, вели Јусуфоски.

Македонија | пред 7 години

Мицкоски на средба со претседателот на албанското Собрание, Грамоз Ручи

Денеска претседателот на ВМРО-ДПМНЕ, Христијан Мицкоски, заедно со координаторот на пратеничката група на ВМРО-ДПМНЕ во Собранието, Никола Мицевски оствари средба со претседателот на албанското Собрание, Грамоз Ручи.Мицкоски и Ручи ја констатираа добрата соработка помеѓу двете држави и двата народи.На средбата беше констатирано дека иднината на регионот е во ЕУ и НАТО, но и со целосна посветеност во борбата против корупцијата и организираниот криминал.Мицкоски посочи дека во Република Македонија моментално не се почитуваат демократските принципи и вредности, власта која ја зави во црнило државата го користи правосудството како алатка за пресметка со политичките неистомисленици, наместо по закон институциите работат по диктат.Беше констатирана и потребата од поголем економски развој на регионот и поголема соработка на економски план.

Македонија | пред 7 години

Тевдовски: Нема веќе земање поголеми кредити за да се исплатат помали

Измените и дополнувањата на Законот за заштита на потрошувачите при договори за потрошувачки кредити со кој се ограничуваат високите трошоци за брзите кредити денес е на комисиска расправа во Собранието на РМ.Со законските измени, кои ги изготви Министерството за финансии, вкупните годишни трошоци за потрошувачки кредити се ограничуваат на пет пати од затезната камата или 55% од кредитот во моментот. Претходно,  годишните трошоци не беа ограничени и можеа да достигнат и до 500% од кредитот. Со измените се опфаќаат вклучително и мали кредити под 200 евра, кои претходно не беа законски опфатени.- Согласно постојните законски прописи, трошоците кои кредиторите ги пресметуваат и наплатуваат за одобрените потрошувачки кредити како провизии, надместоци и сл., кои се вклучуваат во определувањето на годишната стапка на вкупни трошоци, не се ограничени. Тоа им дава можност на кредиторите да пресметуваат високи надоместоци и провизии при одобрувањето на потрошувачки кредити. Ваквата состојба е особено изразена кај договорите за кредит на мали износи и со кратки рокови на враќање. На тој начин, голем број од граѓаните како кредитокорисници имаат потешкотии при отплата на кредитот, при што најчесто се принудени да земат нов кредит за покривање на претходниот - рече министерот за финансии Драган Тевдовски на Комисијата за финансирање и буџет.Како што посочи, од таа причина се предлагаат измени и дополнувања на Законот за да се ограничи годишната стапка на вкупни трошоци на потрошувачките кредити.- Со оваа измена ќе се ограничат вкупните трошоци, односно провизии, надоместоци и сл., кои ги плаќаат граѓаните и ќе се минимизира ризикот од понатамошно влошување на финансиската состојба на граѓаните кои имаат проблеми со отплата на кредитот - рече Тевдовски.

Македонија | пред 7 години

ДОМ: Разочарувачки буџет за животната средина

ДОМ изрази големо разочарување што Министерството за финансии не ги прифати амандманите поднесени од пратеничките од ДОМ, за дополнителни 34 милиони евра за почист воздух, колекторот за Охридско Езеро и пречистителната станица за Дојранско Езеро.„Министерството за финансии пропушти да го „нормализира“ скромниот буџет за животната средина токму во деновите на енормна загаденост на македонските градови Скопје, Тетово и Битола, кои се „прославија“ со првите позиции по загаденост во светот!Упатуваме апел до Владата, да ги уважи аргументите на екологистите и да излезе во пресрет на барањата на граѓаните, за пристоен буџет за ефикасна борба со загадувањето. Бараме да ја искористи можноста за последна интервенција во Буџетот пред неговото носење на пленарна сесија и од други ставки, да префрли средства на ставката „Програма за намалување на аерозагадувањето“, за која во моментов се одвоени само 1,6 милиони евра!Така ќе покажеме дека заштитата на животната средина е наш стратешки приоритет и ќе овозможиме дополнителни средства од донаторите“, стои во соопштението.

Македонија | пред 7 години

(ВИДЕО) Ѓошева: Во Велес е укинат бесплатниот превоз за учениците

Црното владеење на нашиот градоначалник Аце Коцевски, заедно со неговото советничко мнозинство, не запира. Од ден на ден, од седница на седница, се соочуваме со одлуки кои не му доликуваат на нашиот град, одлуки кои не им доликуваат и не се во корист на нашите сограѓани. Црното владеење и црните одлуки на г-нот Аце Коцевски и владеачкото мнозинство советници, донесоа уште една катастрофална одлука на последната седница на Советот на Општина Велес, изјави Невенка Ѓошева од ВМРО-ДПМНЕ на денешната прес-конференција.„Овде, како опозиција и најголем коректор на власта, мораме да напоменеме, повторно и повторно, дека одлуките се носат во тотален медиумски мрак, далеку од очите на јавноста, и истото ќе го повторуваме се додека не се обезбеди потребното присуство на медиумите и нивните претставници на овие јавни седници, кои треба и мораат да бидат јавни и транспарентни.Овој пат, почитувани велешани, одлуката ќе влијае на нашите најмали, на нашата иднина, а тоа се учениците. Овој пат, како никогаш досега е направена бескомпромисна штета на најмладите, на учениците основците и средношколците,како и на родителите на овие ученици.Имено, спротивно од ветувањата на г. Аце Коцевски, дека ќе обезбеди бесплатен превоз за наставниците, истиот тој, го укина и бесплатниот превоз за учениците, и ги приклучи кон општинскиот превоз на патници.Иако градоначалникот ветуваше отворена и модерна општина за сите, истиот тој, без никакви претходни консултации со родителите на учениците, без да размисли за нивната безбедност,донесе одлука, учениците да се возат во јавен превоз,со изговор дека на тој начин ќе се заштедело.Господине Коцевски, не понудивте детална анализа за сите постоечки линии. Како ќе се превезуваат оние ученици од руралните средини каде нема линиски превоз“, изјави Ѓошева.Според неа со оваа одлука, не само што се отежнува и усложнува превозот на учениците до нивните училишта, згора над се, се става под знак прашалник и нивната безбедност. Тие слегуваат на најблиските, неадекватни постојки до нивните училишта, од каде треба да преминат по две или три улици за да стигнат до нивните училишта. Освен оддалеченоста, во прашање е времето на чекање.„Почетокот и завршетокот на часовите на учениците не соодветствува со временските линии на општинскиот превоз.Тоа е уште една, дополнителна грижа за родителите на овие деца.Овде јавно, Ве прашуваме, како ќе се превезуваат ученицитеод населбите и населените места, каде нема општински линиски превоз? Зарем едни ученици ќе добиваат превоз каков што доликува и е самостоен, а други ќе добиваат општински линиски превоз. Зарем ова не е класична дискриминација како за учениците, така и за нивните родители?!Ве прашуваме, господине Аце Коцевски, дали заборавивте на вашите предизборни ветувања каде зборувавте за квалитетен и безбеден превоз на учениците?Одговорите на овие прашања им ги должите учениците, на основците, на средношколците, на родителите и на граѓаните на нашата Општина!Доколку пак сметате дека: „Прашањето за доброто и безбедноста на учениците од нашата општина не заслужува одговор“, тогаш продолжете со вашето црно владеење и носење на црни одлуки за нашиот град, тоа граѓаните го препознаваат и го паметат“, вели Ѓошева.

Македонија | пред 7 години

Изложба на Симонида Китановска, песни што молчат и слики што ги зборуваат

На 17 декември во Галеријата на МКЦ во 20 часот ќе се отвори изложба на Симонида Филипова-Китановска.Симонида Филипова-Китановска дипломира на Факултетот за ликовни уметности во Скопје 1988 година во класата на професорот Димитар Кондовски и Родољуб Анастасов. Член е на ДЛУМ од 1988. Од 1991 до 1997 година живее и работи во Бостон, САД.„Без оглед на фактот што од постоењето на уметноста постои и теорија за неа, односно приказна за тоа, уметничкиот процес останува крајно неразбирлив.Постојат милиони причини за ова, а основната веројатно е тоа што секоја уметност, ако е валидна, поседува метафизички елементи. Или е втемелена во нешто безвременско, нешто што доаѓа од другата страна и оттаму е неоценливо. Често и неизговорливо: најдобриот дел од некои значајни достигнувања често се необјасниви, и без оглед на развојот на теоријата и на алатките за создавање, ние сѐ уште се потпираме на инстинкт, импулсот што нè води кон нешто што не можеме целосно да го сфатиме, но нè приближува до она што е наша внатрешност.Откривањето на надворешниот свет помага во откривањето на себеси, и се чини дека не постојат поблиски човечки активности од желбата за знаење, сеедно дали се работи за детска љубопитност или сериозно структурирана научна или уметничка дисциплина, и -интроспекцијата. Веројатно би било препотентно ако сега го цитираме Чехов, или Достоевски, кои во некои свои размислувања велат дека сѐ што знаат за светот научиле од самите себеси. Но, секое сознание за светот, сепак, почива на еден единствен пример.Како што не е доволно само да се има разум за да се делува рационално, во овој конкретен случај се чини „попаметно“ да се тргне по „несигурна“ патека.Поетот од островот Keoс, кој живеел од 556 п.н.е., имал долг живот и умрел на Сицилијана возраст од 88 години, според културната историја, ги напишал најубавите лирски песни, затоа што корската поезијата ја лишил од приврзаноста кон култот и ги вовел„профаните“ книжевни родови. Плиниј му ја припишува заслугата за збогатување на грчкото писмо со четири нови букви. Но, она по што се чини ќе остане засекогаш запаметен е неговата мисла дека „сликарството е поезија што молчи, и дека поезијата е слика што зборува“.Токму тоа беше првата асоцијација на големите платна на Симонида Филипова Китановска, насликани со туш, акрилна боја и мешавина на пигменти. Значи, длабочината, латентноста на порака и чувството за светот сублимирани во насловот – „While you were gone“. Најслободниот превод на ова ќе биде „Додека не беше тука“, но ова толкување не може да најде безбедно „упориште“. Тоа не треба ни да се бара од него, бидејќи се чини дека заминувањето е една од најзнаменитите константи на човековото постоење, па дури и на уметничката дејност: долгогодишен престој на концепт или идеја во уметничкиот корпус на авторот (во овој случај на авторката), никогаш не се реализира целосно според првобитната замисла.Можеби токму во ова се крие ембрионот на непоимливото, но јасно е дека некои мотиви непречено егзистираат: континуитетот на работата на добро познат и препознатлив акварелист со овој циклус наведува на несовпаѓање со она што сме навикнати да го видиме, но некои работи изгледаат познати. Веројатно, затоа што тие се вечни: диптихот создаден од големо синило, кој може да се нарече „D Wave“, може да нè доведе до портата на перцепцијата, која пак ненадејно нè води кон условно кажано - изворите на културата на Западниот, Новиот свет. Но, во него чувствуваме и потполно предавање кон сликата, исчезнување во неа, толку карактеристично за источното поимање на светот.Така е и со сликите, кои јас, следејќи го поривот и заради полесно помнење, ги нареков „Happy Black“, „Little Big Band“ или „When Dragon Comes to Rest“. Зборовите, сепак, се само имиња за нештата, и невозможно е да ги изразат сите нивоа што ги поседува сликата. Би бил банален секој обид да се „затвори“ некоја слика само во просторот во кој зборовите се обидуваат ја оградат. Но, во тоа, веројатно, е и предизвикот. Колку повеќе ги гледате и замислувате овие слики, тие сѐ повеќе се во вас и ви отвораат некои нови видици: ова треба да е оригиналната „задача“ на уметноста, иако, како што знаеме, таа нема задача.Нејзината единствена мисија е слободата, односно ослободување. Во она што го ослободила Симонида Филипова Китановска, од себе и за нас, постојат знаци што можеме да ги читаме на безброј различни начини, но можеме и едноставно да им се препуштиме на сликите, или на целата изложба не обидувајќи се да го разбереме она што на самиот почеток рековме дека е невозможно.„Додека не беше тука“ може да биде длабоко интимно, трагично чуство за светот и за нешто што некогаш се случило. Може да биде заминување на некоја епоха. Или почеток на нова. Ако се навратиме кон она дека убавината е во окото на оној што гледа, повторно ќе се вратиме на почеток, во точката од која сѐ започна - секое заминување е нешто во коешто е запишано враќањето. Тоа исто така може да биде враќање кон апстракцијата, но секако е синтеза во која разбирањето на самиот себеси е апсолутен предуслов за нешто воопшто да може да се изрази и прикаже. Оваа приказна ви остана должна една работа: името на поетот, кој на светот му ја оставикорелацијата помеѓу песната што молчи и сликата што зборува. Неговото име беше Симонид, и тоа што е имењак на уметничката може да нѐ потсети дека името е знак.Секако и на фактот дека работите што ги препознаваме не мора да имаат име. Доволно е што во нас тие раѓаат копнеж кон универзалното.Што секако е случај и со овие големи формати во овој фрагментиран и иситнет свет.Овој текст не е пофалница. Не е напишан само за да се напише. Исто е и со сликањето: ова се слики што уметничката ги насликала затоа што морала. Пишуваме или сликаме затоа што сакаме нешто да кажеме. Останатото е тишина. Или љубов“, напиша Ахмед Буриќ.Делата на Симонида Филипова-Китановска се изложувани на повеќе од стотина групни изложби во Македонија, Хрватска, Србија, Франција, САД, Германија, Бугарија, Австрија, Швајцарија, Холандија, Австралија, Романија, Ерменија, Грција, Португалија, Босна, Тајланд, Канада, Коста Рика, Перу, Малезија, Индија, Италија и Албанија.

Магазин | пред 7 години

Старицата од Драчево жртва на крволочен сатанистички ритуал?

66-годишната баба од Драчево, сепак не е заклана, туку и бил прегризан гркланот, ги откриваат морбидните детали за Нетпрес извори од истрагата. Најпрвин иако истражителите верувале дека бабата е заклана, неофицијално, по извршените анализи било утврдено дека сепак момчето и го прегризал гркланот, пишува „Нетпрес“.Според информациите, се работи на тезата дека убиецот, нејзиниот 20-годишен внук А.Р., вршел секташки обред.Неофицијално, тој веднаш по настанот, сам се пријавил во полиција, каде го признал делото, ги раскажал деталите, потврдил дека е припадник на секта и дека убиството го сторил како дел од сатанистички ритуал.Наводно, ова не е првиот случај младото момче да ја потресе јавноста, бидејќи се верува, иако непотврдено, дека станува збор за истото лице кое неодамна ја осквернави црквата „Свети Спас“ во Драчево, испишувајќи сатанистички симболи и пентаграми на храмот. Неофицијално, тој се поврзува со немилиот настан со преполовеното маче, оставено во локва крв, покрај написите: „слава му на сатаната“ (аd majorem sathanae gloriam ) и „врати на пеколот, отворете се“ (zazas, zazas, nasatanada zazas). Сепак, се уште е непознато за која секта станува збор и како точно е инволвирана во случаите, предизвикани од сатански мотиви, кои последниов период се забележуваат во Скопје. Официјално, сторителот на сквернавењата не беше откриен од страна на полицијата.Отецот Оливер од црквата „Свети Спас“, во изјава за Нетпрес, вели дека го познава момчето и за него знаел дека е психички нестабилен, но додаде и дека нема информации дека момчето е поврзано со сквернавењето или пак со било која секта.Инаку, убиецот во своето окружување важел за мирно и повлечено момче.Од Основното јавно обвинителство информираа дека се уште ги прибираат материјалните и вербалните докази и дека е рано да се зборува за деталите околу мотивите за настанот.

Скопје | пред 7 години

Градоначалникот на Ѓорче Петров ќе плати 13 илјади евра за набавка на верски календари и роковници со вештачка кожа

За роковници со тврда корица, вештачка кожа и ластик, ѕидни календари со логото на општината, но и со верски обележја, општината Ѓорче Петров ќе потроши 800.000 денари или 13 илјади евра. Градоначалникот Александар Наумовски го распишал овој тендер, евидентиран како стоки за новогодишна репрезентација. Освен овие продукти, фирмата која ќе го добие овој тендер ќе треба да изработи и печатење на папки и пенкала.Критериумот за избирање на фирма која ќе ги изработи овие „неопходни“ материјали ќе биде по принципот најниска цена. Времето за изработка е два месеци, а пак аукцијата е два месеци. Пред една недела, советник од ВМРО-ДПМНЕ во Општина Ѓорче Петров обвини дека градоначалникот Наумовски ќе потроши над 2 милиони денари за 20 нови партиски вработувања. Тој посочи дека со оваа анти-реформа администрацијата во општина Ѓорче Петров ќе се искачи до 84 вработени.

Скопје | пред 7 години

Според “Тајм” Кашоги е личност на годината

Убиениот американски новинар со саудиско потекло Џамал Кашоги е прогласен за личност на годината во изборот на престижниот магазин Тајм.Како што се наведува, медиумските работници добиле предност во однос на Роберт Милер, шефот на истражувачкиот тим кој се занимава со наводно руско мешање во изборите во САД. Тој на гласањето зазел трето место, а американскиот претседател Доналд Трамп остана на второто место. 

Свет | пред 7 години

(ВИДЕО) Димитров:“Фатете го крадецот”

„Наместо да се борите за македонскиот идентитет користејќи ги вредностите од овој век - правото на самоопределување - вие битката ја вративте пред 2000 години, на теренот на антиката“, напиша на својот Фб профил министерот за надворешни работи Никола Димитров. Во продолжение тој додаде:„Немате одговор на прашањето како е можно најголемите “патриоти” да инвестираа години и пари во процеси кои директно го проблематизираат македонскиот идентитет? Не само надвор, ослабувајќи ни ја позицијата; туку тука кај нас, дома, внесувајќи конфузија и поделеност. На вашата планета, каде за првпат македонскиот идентитет го “градите” во 2010, без да го прашате народот дали се согласува, таму се комплексите. Немојте да вртите тези. Немојте да глумите дека не сте ме разбрале. Немојте како по обичај да се криете зад истиот народ што вие го пониживте. Зад тој истиот со кого се плашевте да се соочите на референдумот, па решивте да избегате/бојкотирате. Вие должите одговори за овие опасни процеси. И тие одговори ќе мора да ги дадете пред јавноста колку и да се обидувате да ги избегнете преку дефокусирање, замена на тези, манипулации, интерпелации“, напиша Димитров.https://www.facebook.com/NDimitrovMK/videos/495351990985825/?v=495351990985825 

Скопје | пред 7 години

Скопје и утре под целосна блокада

Поради закажан протест во централното градско подрачје во Скопје, утре од 17 часот ќе биде воведен посебен сообраќаен режим.Како што информираат од МВР, демонстраните кои се организирани од страна на политичка партија ќе се движат од плоштадот ВМРО, десно по улицата „Даме Груев“, право по улицата „Васил Главинов“, право по булеварот „ВМРО“, лево по булеварот „Илинден“ до пред зградата на  Влада на Р. Македонија.МВР апелира  до граѓаните  да ги почитуваат наредбите што ги издаваат полициските службеници.

Скопје | пред 7 години

Ченто и Игор Југ до Вељаноски: Политичарите се најголеми виновници за 27 април, да не се отвореа вратите народот немаше да влезе во Собранието

Во вкрстеното испрашување по сведочењето на поранешниот собраниски спикер, Трајко Вељаноски, дел од обвинетите кои се се уште во притвор му поставија прашања посочувајќи ја одговорноста на политичките елити за насилниот упад во Собранието, објави Фокус.-Дали ќе се согласите со мене дека најголеми виновници за она што се случи се политичките елити бидејќи не дозволија да преовлада разумот за мирна транзиција на власта и затоа што некој калкулираше за да си ја зачува удобната фотелја и функција? – го праша Вељаноски обвинетиот Јане Ченто.Вељаноски на тоа рече дека е правник, но дека во судот е како сведок и го праша Ченто од која позиција да му одговори. На тоа интервенираше судијката Кацарска која рече дека треба да одговори како сведок. Ченто го праша Вељаноски и дали народот ќе влезеше во Собранието да не беа отворени вратите, на што Вељаноски рече:-Собранието е од прв степен на заштита, за него се грижи МВР и сите вработени од обезбедувањето се вработени во МВР – рече тој накусо. Потоа прашања му поставуваше обвинетиот Игор Југ, кој го праша Вељаноски дали се согласува со него дека оние, како што рече, кои скапуваат сега во затвор се кукли со кои си играат политичарите.-Политичарите си ја играат политиката, водат политика. Јавноста и народот на избори кажуваат што направиле политичарите и дали ја заслужуваат нивната доверба – одговори тој. Југ потоа го праша: Дали може да заклучиме дека секој си ги извади своите, а во притвор останавме само ние жртвените јагниња? Но судот го усвои приговорот на одбраната за ова прашање, по што Вељаноски не одговори на прашањето. Прашање му постави и обвинетиот Горан Ангеловски Ќосето, кој го праша дали ќе се согласи со него дека Талат Џафери бил нелегитимно избран за претседател, на што Вељаноски се сложи.-На 27 април во 18.00 часот ја прекинав седницата и во договор со претставниците на политичките партии се согласивме седницата да продолжи следниот ден во 11.00 часот. Се што се случувало понатаму е надвор од деловникот – рече тој.Извор:Фокус.мк 

пред 7 години

Вељаноски: Ниту сум помислил ниту сум кажал на некој да ги отвори вратите

Поранешниот претседател на Собранието Трајко Вељаноски, кој денеска во Кривичниот суд сведочи за настаните од 27 април рече дека нема СМС комуникација со кои давал наредби за случувањата од тој ден.– Ниту сум помислил,  ниту сум кажал некому да ги отвори вратите во Собранието, истакна Вељаноски, во одговор на прашање поставено од обвинениот Никола Митревски-Кољо.Тој рече дека бил „фрапиран од немилите настани“.  Додаде дека не дал налог пратениците да ја отворат вратата и дека не знае дали некој друг дал таква наредба.– Како претседавач ми беше важно согласно Деловникот да започне и да заврши седницата и да биде избран претседател, рече Вељаноски.Според него, сегашниот претседател Талат Џафери е избран спротивно на собранискиот Деловник бидејќи ја прекинал седницата и нејзиното продолжение било закажано за утредента во 11 часот.По завршувањето на седницата на 27 април тој рече дека заминал во својот Кабинет каде што бил со сите вработени во Кабинетот, а имало и пратеници. Вељаноски од своето лично обезбедување, сега обвинет Горан Ѓошевски Леви побарал да ги заштити вработените од Кабинетот.Вељаноски кажа дека во холот пред Кабинетот на секои две до три минути одекнувале шок бомби, а демонстрантите се обиделе да влезат во Кабинетот. Во еден момент на Ѓошевски му се слошило, и дел од демонстрантите упаднале внатре. Вељаноски рече и дека останал во Собранието се додека не биле евакуирани сите пратеници.

пред 7 години

Спасовски: Работиме во интерес на националната и глобалната безбедност

“Проблемот со неконтролираното ширење на малото и лесното оружје во последниве години се здоби со важност во меѓународните, регионалните и националните агенди, бидејќи дополнителните глобални околности, особено во доменот на масовните миграции и видоизменувањето на терористичките концепти, ги мултиплицираа можните опасни последици од неконтролираната пролиферација на малото и лесно оружје. Неретко сме сведоци дека овој вид незаконски и криминални активности може да претставува и еден од катализаторите кој што дополнително ги трансформира локалните инциденти во многу пошироки регионални  и глобални настани“.Ова, меѓу другото, го истакна министерот за внатрешни работи Оливер Спасовски во своето денешно обраќање на меѓународната министерска конференција посветена на борбата против недозволената трговија со мало и лесно оружје во земјите од Западен Балкан, што во рамки на француско-германската иницијатива за ефикасно справување со овој проблем се одржува во Париз, Република Франција.Спасовски нагласи дека примарно е заедничкото градење на стандарди за развој на ефективни системи за размена на информации и транспарентност, споделување на најдобри пракси како и подигање на јавната свест преку спроведување на соодветни програми.Министерот Спасовски говореше за постигнатото во оваа сфера од страна на македонската влада, и пред се од страна на МВР како клучна институција во справување со овој вид криминал, а прецизно ги нотираше и сите натамошни чекори што се неопходни за реализација, особено од аспект на целосната имплементација на “Патоказот за одржливо решение за нелегалното поседување, злоупотреба и трговија со мало и лесно оружје (МЛО) и муниција во Западен Балкан до 2024 година“, донесен на Самитот на ЕУ и Западен Балкан во Лондон во јули годинава, со цел поефикасна и поквалитетна борба против нелегалната трговија со мало и лесно оружје.“Ние сме одлучни во намерата овие насоки во целост практично да бидат имплементирани во нашето делување, како во интерес на националната, така и во интерес на глобалната безбедност. Имено, соработката и координацијата се најзначајниот сегмент и предизвик со кој се соочуваат државите во борбата со криминалот, вклучително и со борбата против пролиферацијата на малото и лесно оружје“, нагласи министерот Спасовски.Спасовски рече дека приоритет на македонското Министерство за внатрешни работи  е да отпочне со изградба на информатички информационен систем кој понатаму ќе биде подготвен да се приклучи кон системите на ЕУ (SIENA, IARMS и сл.).

Македонија | пред 7 години

По 17ти пат Мандолинскиот оркестар Скопје повикува на музичко концертно уживање

На 12 декември (среда), со почеток во 20.00 часот во Фоајето на Македонската опера и Балет, мандолинскиот оркестар Скопје ќе го одржи својот традиционален предновогодишен концерт. Ова ќе биде 17ти по ред годишен концерт на искусните музичари – мандолинисти и ветуваат богата и исполнета програма со дела од светските класици.На репертоарот се оригинални дела, композиции создадени за мандолински оркестар и тоа од К. Мандонико, Д. Крајдлер, Д. Хакнет, С. Рахмањинов, А. Карас, И. Ордуљ и Љ. Бранѓолица. Оркестарот ќе биде предводен од искусните и реномирани диригенти Рамадан и Ерхан Шукри.„Мандолинскиот оркестар Скопје е единствен по својот состав, репертоар и начинот на музицирање. Негува една специфична музика и звук што нашата, домашна публика нема можност често да ја слушне и доживее, а посебно од музичари како што се во овој оркестар. Делата создадени за мандолински оркестар се реткост да се слушнат и изобилуваат со една уникатна лиричност и емоција, па затоа овој годишен концерт е своевиден сублимат на сите посебности и причини зошто треба да се проследи“, изјави Ерхан Шукри, диригент.Мандолинскиот оркестар „Скопје“ во своите 17 години постоење бил добитник на многу први, специјални награди на престижни фестивали и натпревари надвор од Македонија, како и на Гран При награди освоени во Имотски и Москва. Како носител и амбасадор на македонската музичка традиција и култура, инструменталистите од овој оркестар исполнуваат и популарна забавна музика, стилизиран и обработен фолклор, дела посебно напишани за мандолински оркестри, композиции од македонски автори, како и композиции за деца. На годишните концерти секогаш се претставувал со неспорна виртуозност и музикалност, а репертоарот бил исполнет со најрепрезентативните дела од оперската, балетската и симфониската музика од светското музичко наследство.На 12 декември (среда), со почеток во 20.00 часот во Фоајето на Македонската опера и Балет, мандолинскиот оркестар Скопје ќе го одржи својот традиционален предновогодишен концерт. Ова ќе биде 17ти по ред годишен концерт на искусните музичари – мандолинисти и ветуваат богата и исполнета програма со дела од светските класици.На репертоарот се оригинални дела, композиции создадени за мандолински оркестар и тоа од К. Мандонико, Д. Крајдлер, Д. Хакнет, С. Рахмањинов, А. Карас, И. Ордуљ и Љ. Бранѓолица. Оркестарот ќе биде предводен од искусните и реномирани диригенти Рамадан и Ерхан Шукри.„Мандолинскиот оркестар Скопје е единствен по својот состав, репертоар и начинот на музицирање. Негува една специфична музика и звук што нашата, домашна публика нема можност често да ја слушне и доживее, а посебно од музичари како што се во овој оркестар. Делата создадени за мандолински оркестар се реткост да се слушнат и изобилуваат со една уникатна лиричност и емоција, па затоа овој годишен концерт е своевиден сублимат на сите посебности и причини зошто треба да се проследи“, изјави Ерхан Шукри, диригент.Мандолинскиот оркестар „Скопје“ во своите 17 години постоење бил добитник на многу први, специјални награди на престижни фестивали и натпревари надвор од Македонија, како и на Гран При награди освоени во Имотски и Москва. Како носител и амбасадор на македонската музичка традиција и култура, инструменталистите од овој оркестар исполнуваат и популарна забавна музика, стилизиран и обработен фолклор, дела посебно напишани за мандолински оркестри, композиции од македонски автори, како и композиции за деца. На годишните концерти секогаш се претставувал со неспорна виртуозност и музикалност, а репертоарот бил исполнет со најрепрезентативните дела од оперската, балетската и симфониската музика од светското музичко наследство.

Магазин | пред 7 години

Царовска: Преку практична работа создаваме вистински квалитетен кадар

Министерството за труд и социјална политика денеска потпиша Меморандум за соработка со Филозофскиот факултет при Универзитетот „Св. Кирил и Метoдиј“ во Скопје. Меморандумот со кој ќе се унапредува практичната работа на студентите го потпишаа министерката за труд и социјална политика, Мила Царовска и деканот на Филозофски факултет, Ратко Дуев.„Практичната работа е неопходен дел од секој квалитетен образовен процес. Образовниот систем, во соработка со сите државни институции, приватниот и граѓанскиот сектор, треба целосно да ги подготви студентите за тоа што ги чека во реалноста. Ова е периодот кога треба да им помогнеме да созреат, да работат на својот личен и професионален развој. Само на овој начин можеме да очекуваме вистински квалитетен кадар, подготвен за сите предизвици надвор од академската клупа“, изјави министерката за труд и социјална политика, Мила Царовска.Двете институции ќе соработуваат во повеќе области на социјалната политика, детската и семејна заштита, работните односи, образовна вклученост, специјална едукација и родова еднаквост, како и во однос на активности против дискриминација, овозможување еднакви можности и помагање на процесот на европска интеграција. Ќе се спроведат повеќе активности, меѓу кои заеднички научни истражувања, организирање и спроведување на обуки, тркалезни маси, дебати, конференции и слично.Во рамки на оваа соработка Министерството за труд и социјална политика ќе обезбеди практична работа на студентите од Филозофскиот факултет, стручно менторство за време на практичната работа и пристап до податоците потребни за научно-истражувачката дејност на Филозофскиот факултет при Универзитет „Св. Кирил и Метoдиј“ Скопје.

Македонија | пред 7 години

Санирани искршените столпчиња на булеварот „Партизански одреди“

Искршените заштитни столпчиња на булеварот „Партизански одреди“ пред Универзална сала веднаш беа санирани од страна на екипи на Град Скопје.„Град Скопје и понатаму нема да толерира узурпација од возила на јавни површини и апелира до граѓаните да ја чуваат урбаната опрема“, се вели во соопштението

Скопје | пред 7 години

Сведок: Оперативниот штаб на МВР не ја заврши задачата на 27 април

На прашањето на судијката Кацарска, сведокот кажа дека во моментот кога раководителот на опертивниот штаб е известен дека има настани како оние на 27 април, треба веднаш да дава наредби. Кацарска праша и дали во оперативниот штаб има телевизор, на што сведокот одговори потврдно, по што таа дополни дали воопшто некој требало да ги извести членивите на оперативниот штаб кога веќе  се гледало дека лица ги прескокнуваат оградите и влегуваат во Собранието, пишува НОВА ТВ.„Дали сте требале да чекате на златната команда за да реагирате кога веќе сте гледале што се случува, вие сте сепак полиција“, констатираше судијката.Сведокот одговори дека прво, силите кои биле на терен требало да се справат, а ако побарале дополнителни сили наредбата ја дава раководителот на опертивниот штаб.„Тие што се членови на оперативниот штаб не можат да дадат наредби и да повикаат дополнителни сили од дома, затоа што тоа можеби веќе го сторил раководителот“, одговори сведокот.„Дали е спротивно на вашите акти ако некој се обиде да помогне на малкумината полицајци кои требаше да се справат со толпа на народ и дали тие можеа да ги заштитат животите на пратениците, затоа што и тие не беа многу ангажирани“, праша Кацарска.„Најбрзо можат да дојдат полицајците од СВР Скопје, па од одделите за специјални полициски операции“, одговори сведокот, а нив да ги повика може началникот на СВР Скопје, додека силите за обезбедување на објекти и лица може да ги повика раководителот на оперативниот штаб.На директно прашаење на Кацарска дали оперативниот штаб бил на висина на задачата, сведокот рече,  „задачата не беше извршена“. НОВА ТВ.

Македонија | пред 7 години

Постои причина зошто Бог ни носи одредени луѓе во животот

Често велиме дека не можеме да објасниме зошто се чувствуваме на одреден начин за некоја личност. Зошто со некои луѓе полесно се поврзуваме, а со други поврзувањето е тешко или незначајно.Понекогаш изгледа како Бог да нѐ спојува со некои луѓе, како тие да ни се потребни во тој момент во нашиот живот. Тоа се луѓе кои нѐ учат на важна лекција за животот и за себеси.Постои причина зошто Бог го придвижува нашето срце кон некоја конкретна личност и зошто со неа се поврзуваме со таа личност повеќе од другите. Кога ќе погледнеме назад, не постои ниту една личност кон која сме биле приврзани, а која не нѐ научила на нешто или не играла голема улога во нашиот развој и созревање. Иронијата е голема, бидејќи таквите луѓе само привремено биле дел од нашиот живот, а оставиле огромна тага на него.Многу често, фазата во која сме во животот одредува какви луѓе привлекуваме кон себе. Изгледа како Бог да ни ги праќа вистинските луѓе во вистинско време. Тој ни дава одговори за животот преку овие луѓе. Нѐ просветлува доближувајќи нѐ до луѓето кои го вадат најдоброто од нас. Ни помага со тоа што не доближува до луѓе кои на некаков начин ја вадат силата од нас.Понекогаш посакуваме тие луѓе да останат засекогаш во нашиот живот, но многу многу често тоа е невозможно. Не ни е судено тие да бидат во нашиот живот засекогаш. Бог ги носи само за одреден период, за да не направи подобри личности за оние кои ќе останат со нас засекогаш.Често многу патиме и се нервираме бидејќи овие луѓе си заминуваат брзо од нашиот живот и си мислиме дека немаме среќа. Не сфаќаме и не можеме да прифатиме дека тие си заминуваат и дека Бог ни ги одзема од животот, по убавите времиња кои сме ги поминале со нив. Многу често, наместо да се инспирираме од приказната помината со нив, патиме долго по нив. Сепак, вистината е дека сите тие искуства ја носат вистинската живот во нашиот живот и нѐ учат како да се однесуваме со неа и како да ја цениме и почитуваме.Мораме да имаме верба. Мораме да веруваме дека подобри времиња доаѓаат пред нас, а дека сите тие искуства се важни лекции во нашиот живот. Можеби тие луѓе биле како некакви ангели пратени да нѐ научат на некаква лекција и да не направат подобра личност, а потоа да одлетаат од нас.Можеби и тие нѐ учат како да не се држиме до нешто или некого по секоја цена, како да бидеме радосни во убавите моменти, а да ја прифатиме вистината кога нив ќе ги снема и луѓето ќе си отидат. И, највеќе од сѐ: да веруваме во тоа дека Бог чува нешто подобро за нас.

Магазин | пред 7 години

Се исчисти ли Кавадарци од аерозагадувањето?

По бомбастичните вести од Кавадарци дека градот е е исчистен од загадувањето, со новата метода Аеросолизација, се огласи здружението Еко Аларм Кавадарци. Тие тврдат дека за да се покаже помала загаденост во градот се прска исклучиво олоку мерната станица .„Ви презентираме видео материјал кој е снимен околу 20:30 часот, во текот на синоќешната вечер (09.12.2018). Во периодот од 20:30 до 20:55, се вршеше агресивно прскање со вода околу мерната станица“, велат од Еко Аларм Кавадарци, по што објавија и видео.https://www.facebook.com/337698960143050/videos/1182425828598339/?v=1182425828598339

Македонија | пред 7 години

Благој Веселинов е меѓу најдобрите европски актери во подем

Македонскиот актер Благој Веселинов е еден од десетте добитници на наградата „Shooting Stars“, која ја доделува Берлинскиот филмски фестивал. Наградата се доделува на најдобрите европски актери во подем.Признанието се доделува веќе 22 години и секоја година се претставени десет млади актери од Европа. Веселинов ќе го добие своето признание за време на фестивалот, кој годинава ќе трае од 8 до 11 февруари.Во одлуката на жирито пишува дека Веселинов ги освоил со неговата „длабока и неочекувана чувствителност“ во наградуваниот филм „Иселител“ („Secret Ingredient“).Меѓу останатите добитници има актери и од Ирска, Швeдска, Полска, Данска, Германија, Норвешка, Исланд, Србија и Естонија.***Благој Веселинов дипломирал на Факултетот за драмски уметности во Скопје. Тој учествувал во повеќе од 50 театарски претстави и 15 филмски улоги, почнувајќи со „Како да ме нема“. Но, тој е најдобро познат по улогата во наградуваниот филм на Ѓорче Ставрески „Исцелител“ (2017). Веселинов е исто така дел од Македонскиот народен театар.

Магазин | пред 7 години