Најмлад регистриран корисник на дрога е помлад од 5 години, 8 годишни се на хероин

Застрашувачки се податоците за употребата на разни видови дроги кај децата во Македонија.Четиригодишни деца дишат лепак, осумгодишни се на хероин. Најмалото евидентирано дете во Македонија кое зема дрога, е под 5 годишна возраст.Според анализата на Народниот правобранител, 50 деца користат марихуана, како и други психотропни супстанции како што се халуциногени и стимуланси. Системот за превенција, рано откривање, третман и рехабилитација на овие деца е недоволно развиен, а институционалните капацитети остануваат ограничени. Овие деца се препуштени сами на себе и најчесто треба да дочекаат полнолетство, за да пристапат во некоја од програмите за лекување и одвикнување.Според сознанијата добиени од полициските извештаи, 130 малолетници се дрогираат на улиците, најчесто со марихуана и амфетамин, додека помалку со екстази и хероин.„Децата најчесто користат халуциногени и стимулативни дроги, како и марихуана“, вели Васка Бајрамовска Мустафа, заменик народниот правобранител.

Македонија | пред 11 месец

Бугарскиот парламент усвои нова декларација за Македонија

Бугарското Собрание денеска усвои нова резолуција за напредокот на земјава во процесот на пристапување кон Европската Унија. Резолуцијата била едногласно поддржана со 194 гласови „за“.Во резолуцијата, поднесена од Тошко Јорданов (ИТН) и група пратеници, се наведува дека Бугарија останува целосно посветена на европскиот консензус од јули 2022 година и ги повикува властите во Република Македонија строго да ги спроведуваат договорите што ги прифатиле, јави БТА. Во резолуцијата се наведува дека се неприфатливи какви било обиди во рамките на форматите и институциите на ЕУ за повторно преговарање, заобиколување или игнорирање на елементи од веќе постигнатите договори.Во документот се истакнува дека европскиот консензус е договор меѓу земјата кандидат за членство во ЕУ, од една страна и Унијата како целина, од друга страна и затоа не претставува билатерално прашање. Меѓу другото, се истакнува дека европскиот консензус се заснова на Заклучоците на Советот на ЕУ од јули 2022 година, преговарачката рамка на Република Македонија и заедничките протоколи меѓу Бугарија и Република Македонија за спроведување на Договорот за пријателство, добрососедство и соработка, потпишан на 1 август 2017 година.

Македонија | пред 11 месец

Не сме Северна Кореја: Независните бараат учество во изборната трка со 50 потписи

Граѓанските организации бараат рамноправно учество во изборите и пополнување на правната празнина по одлуката на уставните судии.Предлагаат со измените во Изборниот закони да се намали цензусот и услов од најмногу 50 собрани потписи за независни листи на кандидати за претстојните локални избори. Ова го побараа седум граѓански организации: „Шанса за Центар“, „Зелен хуман град“, „Независни за Карпош“, „Поинаку“ од Битола, „Зелените“ од Гази Баба, „Подобро за Тетово”.На прес конференцијата во Скопје тие го повикаа Министерството за правда да ги вклучи нивните претставници во процесот на меѓупартиски консултации околу измените во изборната регулатива.„По одлуката на Уставниот суд да ги укине двата члена од Изборниот законик со кои драстично беше подигнат прагот за собирање на потписи на независните кандидати потребно е да се пополни правната празнина. Се виде дека партиите имаат страв од независните листи. Со тоа Македонија покажа дека е на листата на држави кои не покажуваат никакви демократски капацитети. Напротив, сега сме не само како Северна Македонија туку и стануваме како Северна Кореја каде не е дозволен настап на независни кандидати и листи”, изјави Јана Белчева од граѓанската организација „Шанса за Центар“.Тие бараат да се дозволи и собирање на потписи на терен и надвор од канцелариите на ДИК, како во европските земји. Бараат да се зголеми периодот на собирањето на потписите на 30 дена, да се дозволи името на советничките независни листи да биде во целост наведено на гласачкото ливче, да се промени одредбата за пристап до медиумскиот простор и финансирање на изборната кампања.

Македонија | пред 11 месец

СДСМ: Скандалозна одлука за Христовски - Обвинителството како партиски инстриумент на ВМРО-ДПМНЕ

„Со одлуката за отфрлање на кривичната пријава против директорот на АНБ, Бојан Христовски, Јавното обвинителство се претвора во пртиски инструмент на ВМРО-ДПМНЕ“, вели Богданка Кузеска, портпаролка на СДСМ и додава:Наместо целосно независен орган ослободен од прангите на политиката се става во одбрана на незаконското назначување за директорот на АНБ.Селективниот пристап и бројните недоследности фрлаат црна дамка за целата постапка која е контрадикторна со веќе завршени постапки со судска разрешница.Зошто Обвинителството не побарало официјален одговор директно од ETS – Educational Testing Service, институцијата што ги издава ТОЕФЛ сертификатите?Зошто не е постапено исто како со двете директорки на училишта и директорката на болница во Дебар, кои беа гонети и осудени токму за користење лажни ТОЕФЛ сертификати од истото место како Христовски?Има судски пресуди за кои одговорите се обезбедени директно од ETS и тоа за само неколку денови. Сега, кога станува збор за партискиот кадар на ВМРО-ДПМНЕ, оваа постапка е игнорирана.Шест месеци Обвинителството чека одговор од Бугарија, при што признава дека тој одговор е нецелосен. И врз база на нецелосен одговор како се носи одлука?При тоа целосно се игнорираат и јавно достапните истражувања, документи, снимки и изјави кои јасно укажуваат на тоа дека ова јазично студиот не издава ТЕОФЛ сертификати.Дополнително, има и други отворени контрадикторности: Христовски тврди дека полагал во Пловдив, а Обвинителството вели дека полагал од дома. И сè тоа треба да веруваме дека е во ред?Или ако си кадар на ВМРО-ДПМНЕ се може?Ова е селективна правда, ова е политичка одбрана за спас на партиските кадри на ВМРО-ДПМНЕ.Оваа скандалозна одлука не само што ја руши довербата во институциите, туку и потврдува дека сѐ уште живее духот на тефтерчињата од времето на Груевски.Се потврдува дека со ВМРО-ДПМНЕ на власт, нема и не може да има правда.

Македонија | пред 11 месец

Апасиев за Британија: Држава што не го признаваше нашето име и молчеше за геноцидот врз Егејците – не ни е партнер

Лидерот на Левица и пратеник во Собранието, Димитар Апасиев, остро реагираше за склучувањето на договорот за стратешко партнерство помеѓу Македонија и Велика Британија. Преку објава на социјалните мрежи, Апасиев го оцени потегот како „геополитичка слепост“, наведувајќи дека е апсурдно да се гради сојуз со држава која, според него, во минатото нанела сериозни историски неправди на македонскиот народ, па наведува: „како што се геноцидот врз Егејците и непризнавањето на уставното име“.Покрај сите историски неправди кои ни ги има направено Велика Британија (геноцидот на Егејците и непризнавањето под уставното име), да склучиш некаков си договор за "стратешко партнерство" со неа денес - во епоха на цивилизациско назадување на западниот хегемонизам и појава на Нов мултиполарен свет предводен од супериорниот систем на Кина - треба да си геополитички аналфабет. Или да објасниме попластично: тоа ти е исто ко да си некоја мала папет-држава во XV век, кога е извесен падот на Византија - и ти, наместо да се престроиш и склучиш пријателство со ОСМАНЛИИТЕ (кои ќе го владеат овој дел од светот во наредните 500 години), склучуваш пријателство со ВИЗАНТИЈЦИТЕ (кои ќе пропаднат во наредните 50 години)!? Со вакви кусогледи "лидери", ќе ја изгубиме државата во следната генерација, ако не се опаметиме. А немаме многу време, бога ми“, напиша пратеникот и лидер на Левица, Димитар Апасиев.

Коментари | пред 11 месец

СВЕЧЕНО ОТВОРЕН „ОХРИД МОЛ“

Со пригодна свеченост која се одржа денеска, започна со работа новиот трговски центар „Охрид Мол“. Пред бројните бизнисмени, гости и граѓани, свое обраќање имаше градоначалникот Кирил Пецаков.– Ми претставува особена чест што како охриѓанец и како градоначалник имам можност да бидам дел од овој свечен настан за отворање на првиот современ трговски центар во нашиот град, новиот симбол на урбаното живеење во Охрид.Нашиот град, кој е надалеку познат по своето културно и духовно наследство, од денес добива нова содржина која ја збогатува понудата за охриѓани но и за сите туристи, посетители и гости.Со овој свечен настан не го пуштаме во употреба само овој трговски објект, туку отвораме и нова страница во економската и туристичката приказна на Охрид.„Охрид Мол“ не е само збир на продавници и брендови, тој ќе биде нова енергија во пулсот на градот, нова точка за забава, место каде што секој чекор ќе значи можност за работа, купување, за дружење, за инспирација…Овој простор ќе значи спој меѓу традицијата и модерното живеење и е еден важен доказ дека Охрид може ја чува својата историја, но и храбро да чекори напред кон иднината.Познатиот британски економист и филозоф Адам Смит рекол „Размената е почеток на секој просперитет. Таму каде што луѓето тргуваат, таму има напредок. Трговијата е она што ја носи цивилизацијата напред. Проширувањето на пазарот е секогаш знак на економски напредок“.Искрено верувам дека овој цитат во целост ќе ни го долови значењето оваа инвестиција за економскиот развој на Охрид, отворање на нови работни места и поддршка за локалната економија, а економијата е темелот врз кој се гради квалитетот на животот, сигурноста на семејствата и иднината на младите.Оваа можност ја користам да упатам честитки до инвеститорите кои со својата визија и храброст го препознаа потенцијалот, онаму каде што другите можеби гледаа предизвици. Исто така, упатувам честитки и до сите компании и деловни субјекти кои отворија свои продавници и претставништва во овој мол.Почитувани, Ви благодариме што верувавте во Охрид! Ви благодариме што решивте токму тука, на брегот на охридската убавина, да ја реализирате својата бизнис идеја.Денешниот ден покажува дека ваквите економски проекти го менуваат секојдневието, го збогатуваат животот на една средина и оставаат трајна вредност за генерациите што доаѓаат.Посакувам „Охрид Мол“ да биде жив, динамичен, полн со насмевки и нови почетоци! Нека биде место каде што ќе се вкрстуваат патиштата, идеите и искуствата.Со надеж дека ова е само почеток на ново поглавје во економската иднина на Охрид – посакувам многу успех, раст и одлични резултати!, истакна Пецаков во своето обраќање.Новиот трговски центар има вкупна површина од над 17.000 м2 и сопствен паркинг за над 250 возила. Во „Охрид Мол“ ќе работат фирмите: NewYorker, Sinsay, D Sport, DM drogerie markt, маркети „Жито“, „Meга Фешн“, Office Plus, Duki Daso, Sara Fashion, „Виа Фарм”, „La Familia“, парфимерија Piano, IQOS, Umbrella, игротека „Уно“, Playpark, Nocciolino Lounge Bar” и експозитура на „Хaлк Банка“.Се очекува трговскиот центар да има над 200 нови работни места преку продажните и услужните дејности, како и преку логистиката, услугите и снабдувањето.

ОО | пред 11 месец

СЕ ОДРЖА 57- ТА СЕДНИЦА НА СОВЕТОТ НА ОПШТИНА ОХРИД

Заврши 57- та Седница на Советот на Општина Охрид. Градските избраници го усвоија Записникот од 56-та Седница со 49 точки, а дневниот ред беше проширен со Предлог одлука за измени и дополнување на одлуката за донесување детален урбанистички план во УЗ 12, УБ 12.3- Опфат 2 за период од 2022- 2027 и истата беше усвоена.Советниците ги усвоија и Предлог-одлукит за усвојување на извештајот за работењето на Јавните претпријатија „Водовод“, „Нискоградба Охрид“ , „Градски Пазар“, „Охридски комуналец“, „Градски гробишта“ , „Билјанини извори“ за периодот од 01.01. до 31.03.2025 година.Усвоени беа и Предлог одлуката за давање согласност на Одлуката за изменување на Статутот на ЈП Нискоградба и согласност на пречистен текст на претпријатието. Предлог-одлука за усвојување на извештајот за реализација на програмата за поттикнување на развојот на туризмот на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за подршка на локалниот економски развој на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за финансиските потреби на Територијалната противпожарна единица – Охрид за периодот од 01.01. до 31.03.2025 година. Предлог-одлука за усвојување на извештајот за реализација на развојната програма за изработка на урбанистички планови на територијата на општина Охрид 2025-2027 година за периодот од 01.01. до 31.03.2025 година. Предлог-одлука за усвојување на извештајот за реализација на програмата за заштита на животната средина и природата за 2025 година за периодот од 01.01. до 31.03.2025 година. Се усвоија и Предлог-одлука за усвојување на извештајот за реализација на годишната програма за спорт и рекреација, за млади и невладини организации, за култура, за образование за капитални инвестиции , за детска заштита за периодот од 01. до 31.03.2025 година. Беа усвоени и Предлог-одлука за усвојување на извештајот за реализација на годишната програма на општина Охрид за детска заштита за 2025 година (В1) за периодот од 01.01. до 31.03.2025 година. Предлог-одлука за усвојување на извештајот за реализација на развојната програма за капиталните инвестиции на општина Охрид во областа на детската заштита 2025-2027 (ВА) за периодот од 01.01. до 31.03.2025 година.Предлог-одлука за усвојување на извештајот за реализација на годишната програма за здравствена и социјална заштита за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на Програмата за активностите на општина Охрид од областа на заштитата и спасување, управување со кризи и ревитализација по елиминирање на кризи за 2025 година за периодот од 01.01. до 03.2025 година. Предлог-одлука за усвојување на извештајот за реализација на програмата за безбедност и здравје при работа на општина Охрид за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на годишната програма на општинскиот совет за превенција на малолетничко престапништво на општина Охрид за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на програмата за работа на Советот на општина Охрид за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на програмата други комунални услуги за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на програмата за енергетска ефикасност за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на Програмата за одржување јавна чистота за 2025 година за периодот од 01.01. до 31.03.2025 година. Предлог-одлука за усвојување на извештајот за реализација на Програмата урбана опрема-изградба и одржување за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на Програмата за јавно осветлување за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за одржување и заштита на локални патишта, улици и регулирање режим на сообраќај за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за подигање и одржување на паркови и зеленило за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за изградба на сообраќајна сигнализација за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за уредување на градежно земјиште во 2025 година за период од 01.01. до 31.03.2025 година.Предлог-одлука за усвојување на извештајот за реализација на програмата ЈД изградба и реконструкција на локални патишта и улици за 2025 година подпрограма ЈДЕ реализација на основен проект за реконструкција на линиски инфраструктурен објект за улици во село Пештани.Предлог-одлука за усвојување на извештајот за реализација на програмата ЈД изградба и реконструкција на локални патишта и улици за 2025 година подпрограма ЈДФ реализација на основен проект за реконструкција на линиски инфраструктурен објект за улица во село Подмоље во град Охрид.Предлог-одлука за усвојување на извештајот за остварување на буџетот на Општина Охрид за периодот од 01.01. до 31.03.2025 година.Предлог-програма за измена и дополнување на Развојна програма за капиталните инвестиции на општина Охрид во областа на основното образование 2025-2027 година (НА).Предлог-одлука за измена на распоредот на средствата во буџетот на општина Охрид за 2025 година.Предлог-одлука за проширување на средствата во Буџетот на општина Охрид за 2025 година.Предлог-одлука за изменување и дополнување на Одлуката за општински линиски превоз на патници во општина Охрид.Предлог-одлука за усвојување на социјален план на општина Охрид за период 2025-2028 година.Предлог-одлука за давање согласност на измени на годишниот план за вработување на општина Охрид за 2025 година.Предлог-одлука за именување член во Управниот одбор на ЈОУДГ „Јасна Ристеска“-Охрид.Предлог-одлука за изменување и дополнување на Одлуката за поставување урбана опрема и времени објекти и за утврдување на висината на надоместокот (закупнина) за 2025 година во општина Охрид.Предлог-програма за измени и дополнувања на развојната програма за изработка на урбанистички планови на територијата на општина Охрид 2025 – 2027.Предлог-одлука за утврдување Нацрт Детален урбанистички план за УЗ 2, дел од УБ 4 – опфат 1, КО Охрид 3, Oпштина Oхрид, 2023-2028.

ОО | пред 11 месец

55 ГОДИНИ ОД ТВОРЕШТВОТО НА ЈОРДАН МАНАСИЈЕСКИ

ОО | пред 11 месец

ВИСОКА ТУРСКА ДЕЛЕГАЦИЈА ВО ПОСЕТА НА ОПШТИНА ОХРИД

Висока турска делегација предводена од Амбасадорот на Р. Турција во земјава Н. Е. Фатих Улусој и Почесниот конзул во Охрид Абдурахим Бајрактар беа во работна посета на Општина Охрид.На средбата со градоначалникот Кирил Пацеков се разговараше за скапоцените Ракописи, Укази и останати пишувани документи и материјални блага од времето на турската империја кои се сопственост на видна турска фамилија од Охрид. Се разгледуваа можностите за изградба на објект со поставки каде што тие би биле изложени за пошироката јавност како интересна туристичка понуда.Двете страни се сложија дека неопходна е реконструкција на централната зграда од ООУ „ Братство Единство“, проект кој требаше финансиски да биде поддржан од ТИКА , а Локалната власт по налог на градоначалникот веднаш ја среди потребната документација и одобрението за градба. На состанокот се најави и средба меѓу градските власти и претставници од ТИКА со цел да се забрза очекуваната реконструкција за која градоначалникот даде „зелено светло“.https://ohrid.gov.mk/%d0%b2%d0%b8%d1%81%d0%be%d0%ba%d0%b0-%d1%82%d1%83%d1%80%d1%81%d0%ba%d0%b0-%d0%b4%d0%b5%d0%bb%d0%b5%d0%b3%d0%b0%d1%86%d0%b8%d1%98%d0%b0-%d0%b2%d0%be-%d0%bf%d0%be%d1%81%d0%b5%d1%82%d0%b0-%d0%bd%d0%b0/?fbclid=IwY2xjawKmYuhleHRuA2FlbQIxMQBicmlkETFJQm52QjQ5S2Y0cU96NGNnAR5T7fDp5gUf8KT7PkzSue0riIvGBm70pRSk0o7RaMVI5_6YvPlRp4LU3iiadA_aem_-KHb8raKxKuTpWPI4fpjNQ

ОО | пред 11 месец

ЦВЕЌЕ ВО ЧЕСТ НА СВЕТИТЕ КИРИЛ И МЕТОДИЈ

Делегација на Општина Охрид предводена од градоначалникот Кирил Пецаков положи свежо свеќе пред монуенталниот споменик на Светите Кирил и Методиј, а по повод 24 Мај – Денот на Сесловенски просветители Кирил и Методиј.https://ohrid.gov.mk/%d1%86%d0%b2%d0%b5%d1%9c%d0%b5-%d0%b2%d0%be-%d1%87%d0%b5%d1%81%d1%82-%d0%bd%d0%b0-%d1%81%d0%b2%d0%b5%d1%82%d0%b8%d1%82%d0%b5-%d0%ba%d0%b8%d1%80%d0%b8%d0%bb-%d0%b8-%d0%bc%d0%b5%d1%82%d0%be%d0%b4%d0%b8/?fbclid=IwY2xjawKmYudleHRuA2FlbQIxMQBicmlkETFJQm52QjQ5S2Y0cU96NGNnAR7DVtSOVlIy-AARNVJdSp5KUdBv7JDj2j4G31bOcAnVH_ovvuSxSb5-hKevaw_aem_-w7kHKBhgSo5W6VwIWXY3A

ОО | пред 11 месец

СВЕЧЕНО ДОДЕЛЕНИ НАГРАДИТЕ НА НАЈДОБРИТЕ ОСНОВЦИ И СРЕДНОШКОЛЦИ ОД ОХРИД

Како дел од свечената програма за чествување на 24-ти мај, Денот на сесловенските просветители, претпладнево пред споменикот на Кирил и Методиј на Охридскиот кеј се одржа пригоден настан на кој беа доделени награди на охридските ученици, кои оствариле високи резултати на државни и регионални натпревари.Пред бројните ученици, родители, наставници и делегации, свое обраќање имаше градоначалникот Кирил Пецаков.– Поради името што го носам, 24-ти мај секогаш сум го доживувал како мој личен празник, како мој важен дaтум. Но денес, кога стојам тука, пред споменикот на нашите светители, тоа чувството е уште посилно и повозвишено.Денес, тоа чувство се преточува во гордост и чест, затоа што на ваков достоинствен начин го прославуваме празникот на писменоста, словото и љубовта кон знаењето.Почитувани охриѓани, ценети наставници, драги ученици, уважени гостиСветите браќа Кирил и Методиј, апостолите на словенството, ги втемелија корените на писменоста и културата на нашиот народ. Затоa, со длабока благодарност и исконска почит, се поклонуваме пред нивното дело – дело што не е само духовен патоказ, туку и столб на нашиот идентитет.Благодарение на љубовта која ја имале кон нашиот род, ни подариле глас во црквата, име меѓу народите и светлина во душите.„Ги прославувам тие што ни го оставија словото, со кое ја запишавме поуката на Светото Писмо и ја пееме славата Божја на нашиот јазик. Нема поголем дар од оној што ни го дадоа – писменоста, преку која го познавме законот и го запишавме вечниот живот.“Овој цитат на нивниот ученик Свети Климент Охридски нека одекне силно и нека биде наш мотив да продолжиме да чекориме на вистинскиот пат и да го чуваме и вреднуваме името на светите браќа, како најголем аманет.Тоа е особено важно, затоа што се уште се соочуваме со предизвици околу нашето историско право и се уште е актуелна борбата за одбрана на нашиот национален идентитет, на нашата историја, култура и традиција.Мисијата на овие први учители е порта кон нашето спознавање, а нивното дело ни докажува дека не сме случаен народ. Ние сме народ со своја азбука, свој јазик, своја духовност– народ што говори со срце и пишува со душа.Почитувани,Охрид како древен град, скапоцен бисер и тврдина на словенската писменост, со посебно внимание го чува споменот на Светите Кирил и Методиј. Тука нивното дело доби живот, во секој камен, во секоја буква, во секое писание. Тука се создадоа првите училишта, се напишаа првите книги, се изградија храмовите на македонската културна и духовна судбина.Токму затоа, денес, со огромна пофалба, им оддаваме признание на нашите најуспешни ученици – младите охридски надежи, кои со својот труд и талент се вистинска гордост за сите нас.Драги деца, вие се продолжувачи на светата мисла. Вие сте идните чувари на знаењето и на вистината. Учете, истржувајте, сонувајте и продолжете да бидете свои на своето. Вие сте лицето на Охрид и современа Македонија – образована, достоинствена и самобитна.Општина Охрид секогаш ќе стои на страната на образованието. Ќе вложуваме уште повеќе, ќе ги поддржуваме учениците, наставници и институции – затоа што иднината на еден народ се гради врз просветата.Нека живее делото на Кирил и Методиј! Нека е за многу години! Нека е вечен Охрид нека е вечна Македонија! Ви благодарам!На настанот, беа доделени вкупно 357 признанија на ученици од сите основни и средни училишта од Општина Охрид кои освоиле 1-во,2-ро,3-то место на официјални натпревари, по повеќе наставни предмети.Во рамки на чествувањата по повод празникот во ЦК „Кирил и Методиј“ во населба Кошишта се одржа панихида и фолклорен концерт, а на плоштадот Свети Климент Охридски се одржа Фестивалот за поезија за деца „Стихувалки“.

ОО | пред 11 месец

ЧЕСТИТКА НА ГРАДОНАЧАЛНИКОТ ПЕЦАКОВ ЗА МЕЃУНАРОДНИОТ ДЕН НА ВЛАСИТЕ

Градоначалникот Кирил Пецаков упати честитка до Влашката заедница во Македонија по повод меѓународниот ден на Власите.– Почитувани наши сограѓани Власи, нека ви е честит Националниот ден, 23 Мај. Како заедница вие оставате големи треаги во градењето на македонската држава и сте значаен дел од нашето мултикултурно општество со свои карактеристични обичаи и традиции. Вие сте лојални граѓани на својата татковина и секогаш работите и творите за нејзините интереси и сте нераскинлива нишка од македонската нација.Ова е значен ден за Вас. На овој датум со посебен декрет во 1905г. турскиот Султан Абдул Хамид Втори , ве признал како посебен народ, со посебен етнички, јазичен и култрен идентитет. Минете го овој ден во најдобро расположение и семејна хармонија – стои во честитката на градоначалникот Пецаков.

ОО | пред 11 месец

ОХРИД ДОМАЌИН НА 8.МЕЃУНАРОДЕН ХОРСКИ ФЕСТИВАЛ

Охрид е домаќин на 8. Меѓународен хорски фестивал кој се одржува од 20-ти до 25-ти мај 2025 година во организација на ТSM – TURKISH MUSIC CHOIRS FESTIVAL од Анкара, Турција.Во рамки на фестивалската програма, утре на 23-ти мај 2025 година со почеток во 19:30 часот ќе се одржи голем хорски концерт на сцената на Античкиот театар. Концертот е бесплатен и е дел од програмата за чествување на Денот на Сесловенските просветители  Свети Кирил и Методиј. На концертот ќе настапат седум хорски ансамбли од Турција и охридскиот градски хор Vox Lichnidos.Фестивалот на турски музички хорови за прв пат се одржал во Самсун, Турција во 2016 година. Домаќини на овој хорски фестивал до сега биле Анталија, Мардин, Хатај и Кападокија во Турција, областа Батум од Грузија и туристичкиот центар Шарм Ел Шеик во Египет.Во пресрет на концертот во Охрид, претставниците на хорските ансамбли денеска беа во посета на Општина Охрид и остварија средба со Ана Крстеска, заменик градоначалник. На средбата се разговараше за културниот и туристички развој на Охрид. Беше потенцирана континуираната културна соработка со Република Турција, со надеж дека истата ќе продолжи и во иднина.https://ohrid.gov.mk/%d0%be%d1%85%d1%80%d0%b8%d0%b4-%d0%b4%d0%be%d0%bc%d0%b0%d1%9c%d0%b8%d0%bd-%d0%bd%d0%b0-8-%d0%bc%d0%b5%d1%93%d1%83%d0%bd%d0%b0%d1%80%d0%be%d0%b4%d0%b5%d0%bd-%d1%85%d0%be%d1%80%d1%81%d0%ba%d0%b8-%d1%84/?fbclid=IwY2xjawKmYuJleHRuA2FlbQIxMQBicmlkETFJQm52QjQ5S2Y0cU96NGNnAR7Z_AwV3SiBHRGtaNB0laSF8HJO9KVNwwgKiMpScGCCOAwJ3QwAFgn7akKUhA_aem_8wEpyKspTEL4gFZCXeHrLg

ОО | пред 11 месец

НАУЧНА ТРИБИНА ВО ЧЕСТ НА КИРИЛ И МЕТОДИЈ

Градоначалникот Кирил Пецаков се обрати на научната трибина „ Европската рута на Светите Кирил и Методиј во културното наследство на Охрид и Преспа“ што претпладнево започна во Охрид.Пред присутните во Конгресниот центар градоначалникот Пецаков рече:– Го изразувам задоволството да Ви се обратам на трибината „Кирилoметодиевското културното наследство во регионот на Охрид и Пресна“, во организација на Институтот за македонска литература при Универзитетот „Св. Кирил и Методиј“. Станува збор за значаен дел од Програмата на Генералната асамблеа организирана во Скопје на 20.5. 2025. Значењето на настанот го мериме со податокот дека тој е дел пошироката програма на Културните рути на Советот на Европа, и специјално се јавува како дел од мрежата на Европската рута на Кирил и Методиј.Кирилометодиевското културно наследство има долга и длабока традиција уште од средновековниот период до денес на пошироката територија на Охрид. Традицијата и писанијата на светите Кирил и Методиј во својот изворен вид ја пренесуваат Климент и Наум Охридски во дејствувањето на Охридскиот книжевен и духовен Центар. Она што двајцата просветители го создале и предале станува основен дел во културната меморија и во современите облици на живот во нашиов град. Станува збор за подрачје каде е евидентно присуството и одржувањето на култот на Светите Кирил и Методиј низ вековите. Она што тие го создале и пренеле како свето благо се гледа во нивните најстари фрескоживописи во црквата „Св. Софија“ од 1045 г.. Археолошките и историските факти поврзани со Кирилометодиевската традиција потврдуваат богата материјална култура на теренот на Охрид, согледана во постоење на цркви и манастири, историски монументи, артефакти, фрескоживопис и средновековното ракописно наследство, директно поврзано со светите Кирил и Методиј и со Светите Климент и Наум Охридски. На плоштадите во Охрид во центалното градско подрачје широко ќе ве пречекаат за добредојде спомениците на Светите Кирил и Методиј, на Светите Климент и Наум Охридски. Овие податоци говорат за порзување на рутата на нивното движење и дејствување на пошироко европско подрачје, од подрачјето на Моравија доБи сакал да посочам за гостопримството на охриѓани и нивниот благопријатен дух, а во рамките на Европската рута на светите Кирил и Методиј согледувам идеален простор за сорабока и заеднички истражувања на фонот на унапредување и популаризација на Кирилометодиевското наследство особено во домен на богатата туристичка понуда на Градот Охрид- подвлече ПецаковНа настанот се разговараше и за возобновување на членството на Охрид во културните рути на Советот на Европа и вмрежување во Европската рута „Кирил и Методиј“. Со трибината официјално започнуваат чествувањата за сесловенските просветители „Кирил и Методиј“.https://ohrid.gov.mk/%d0%bd%d0%b0%d1%83%d1%87%d0%bd%d0%b0-%d1%82%d1%80%d0%b8%d0%b1%d0%b8%d0%bd%d0%b0-%d0%b2%d0%be-%d1%87%d0%b5%d1%81%d1%82-%d0%bd%d0%b0-%d0%ba%d0%b8%d1%80%d0%b8%d0%bb-%d0%b8-%d0%bc%d0%b5%d1%82%d0%be%d0%b4/?fbclid=IwY2xjawKmYuJleHRuA2FlbQIxMQBicmlkETFJQm52QjQ5S2Y0cU96NGNnAR4E6n_6_vlrNmbfjz6OE4X6ltcdxBtk4KKHv0DMU9Z8P6novB28EkpIo9kgAw_aem_G3QGHdWkhfNoJFlk6gWLbA

ОО | пред 11 месец

СВИКAНА ПЕДЕСЕТ И СЕДМАТА СЕДНИЦА НА СОВЕТОТ НА ОПШТИНА ОХРИД

Врз основа на член 39 од Законот за локалната самоуправа („Сл.весник на РМ“ бр.5/2002) и член 26 од Статутот на општина Охрид („Сл.гласник на општина Охрид“ бр.8/2007, 01/08, 10/10, 05/11, 09/14, 14/14, 10/19 и 15/20), претседателот на Советот донесува:Р Е Ш Е Н И ЕЗА СВИКУВАЊЕ НА ПЕДЕСЕТ И СЕДМАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ педесет и седмата седница на Советот на општина Охрид на ден 28.05.2025 година ( среда ) со почеток во 09:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н Р Е ДУсвојување на Записникот од 56-та седницаПредлог-одлука за усвојување на извештајот за работењето на ЈП „Водовод“ Охрид за периодот од 01.01. до 31.03.2025 година.Предлог-одлука за усвојување на извештајот за работењето на ЈП „Нискоградба Охрид“ – Охрид за периодот од 01.01. до 31.03.2025 година.Предлог-одлука за усвојување на извештајот од работењето и остварените резултати на ЈП Градски Пазар Охрид за периодот од 01.01. до 31.03.2025 годинa.Предлог-одлука за усвојување на извештајот за остварените резултати од работењето на ЈП„Охридски комуналец“ – Охрид за периодот од 01.01. до 31.03.2025 година.Предлог-одлука за усвојување на извештајот од работењето и остварените резултати на ЈП „Градски гробишта“ – Охрид за периодот од 01.01. до 31.03.2025 година.Предлог-одлука за усвојување на извештајот за работaта на ЈП„Билјанини извори“- Охрид за периодот од 01.01. до 31.03.2025 година.Предлог-одлука за давање согласност на Одлуката за изменување на Статутот на ЈП Нискоградба Охрид – Охрид.Предлог-одлука за давање согласност на пречистен текст на Статутот на ЈП Нискоградба Охрид – Охрид.Предлог-одлука за усвојување на извештајот за реализација на програмата за поттикнување на развојот на туризмот на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за подршка на локалниот економски развој на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за финансиските потреби на Територијалната противпожарна единица – Охрид за периодот од 01.01. до 31.03.2025 година.Предлог-одлука за усвојување на извештајот за реализација на развојната програма за изработка на урбанистички планови на територијата на општина Охрид 2025-2027 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за заштита на животната средина и природата за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на годишната програма за спорт и рекреација за 2025 година за периодот од 01. до 31.03.2025 година.Предлог-одлука за усвојување на извештајот за реализација на програмата за млади и невладини организации за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за активностите на општина Охрид во областа на културата за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на годишната програма за активностите на општина Охрид во областа на основното образование за 2025 година (Н1) за периодот од 01.01. до 31.03.2025 година.Предлог-одлука за усвојување на извештајот за реализација на развојната програма за капиталните инвестиции на општина Охрид во областа на основното образование 2025-2027 (НА) за периодот од 01.01. до 31.03.2025 година.Предлог-одлука за усвојување на извештајот за реализација на годишната програма за активностите на општина Охрид во областа на средното образование за 2025 година (Н2) за периодот од 01.01. до 31.03.2025 година.Предлог-одлука за усвојување на извештајот за реализација на развојната програма за капиталните инвестиции на општина Охрид во областа на средното образование 2025-2027 (НБ) за периодот од 01.01. до 31.03.2025 година.Предлог-одлука за усвојување на извештајот за реализација на годишната програма на општина Охрид за детска заштита за 2025 година (В1) за периодот од 01.01. до 31.03.2025 година.Предлог-одлука за усвојување на извештајот за реализација на развојната програма за капиталните инвестиции на општина Охрид во областа на детската заштита 2025-2027 (ВА) за периодот од 01.01. до 31.03.2025 година.Предлог-одлука за усвојување на извештајот за реализација на годишната програма за здравствена и социјална заштита за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на Програмата за активностите на општина Охрид од областа на заштитата и спасување, управување со кризи и ревитализација по елиминирање на кризи за 2025 година за периодот од 01.01. до 03.2025 година.Предлог-одлука за усвојување на извештајот за реализација на програмата за безбедност и здравје при работа на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на годишната програма на општинскиот совет за превенција на малолетничко престапништво на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за работа на Советот на општина Охрид за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата други комунални услуги за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за енергетска ефикасност за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на Програмата за одржување јавна чистота за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на Програмата урбана опрема-изградба и одржување за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на Програмата за јавно осветлување за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за одржување и заштита на локални патишта, улици и регулирање режим на сообраќај за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за подигање и одржување на паркови и зеленило за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за изградба на сообраќајна сигнализација за 2025 година за периодот од 01.01. до 31.03.2025 година.Предлог-одлука за усвојување на извештајот за реализација на програмата за уредување на градежно земјиште во 2025 година за период од 01.01. до 31.03.2025 година.Предлог-одлука за усвојување на извештајот за реализација на програмата ЈД изградба и реконструкција на локални патишта и улици за 2025 година подпрограма ЈДЕ реализација на основен проект за реконструкција на линиски инфраструктурен објект за улици во село Пештани.Предлог-одлука за усвојување на извештајот за реализација на програмата ЈД изградба и реконструкција на локални патишта и улици за 2025 година подпрограма ЈДФ реализација на основен проект за реконструкција на линиски инфраструктурен објект за улица во село Подмоље во град Охрид.Предлог-одлука за усвојување на извештајот за остварување на буџетот на Општина Охрид за периодот од 01.01. до 31.03.2025 година.Предлог-програма за измена и дополнување на Развојна програма за капиталните инвестиции на општина Охрид во областа на основното образование 2025-2027 година (НА).Предлог-одлука за измена на распоредот на средствата во буџетот на општина Охрид за 2025 година.Предлог-одлука за проширување на средствата во Буџетот на општина Охрид за 2025 година.Предлог-одлука за изменување и дополнување на Одлуката за општински линиски превоз на патници во општина Охрид.Предлог-одлука за усвојување на социјален план на општина Охрид за период 2025-2028 година.Предлог-одлука за давање согласност на измени на годишниот план за вработување на општина Охрид за 2025 година.Предлог-одлука за именување член во Управниот одбор на ЈОУДГ „Јасна Ристеска“-Охрид.Предлог-одлука за изменување и дополнување на Одлуката за поставување урбана опрема и времени објекти и за утврдување на висината на надоместокот (закупнина) за 2025 година во општина Охрид.Предлог-програма за измени и дополнувања на развојната програма за изработка на урбанистички планови на територијата на општина Охрид 2025 – 2027.Предлог-одлука за утврдување Нацрт Детален урбанистички план за УЗ 2, дел од УБ 4 – опфат 1, КО Охрид 3, Oпштина Oхрид, 2023-2028.ОПШТИНА ОХРИДЛОКАЛНА САМОУПРАВАБрој 08-7820/121.05.2025 год.О х р и дhttps://ohrid.gov.mk/%d1%81%d0%b2%d0%b8%d0%baa%d0%bd%d0%b0-%d0%bf%d0%b5%d0%b4%d0%b5%d1%81%d0%b5%d1%82-%d0%b8-%d1%81%d0%b5%d0%b4%d0%bc%d0%b0%d1%82%d0%b0-%d1%81%d0%b5%d0%b4%d0%bd%d0%b8%d1%86%d0%b0-%d0%bd%d0%b0-%d1%81-2/?fbclid=IwY2xjawKmYbxleHRuA2FlbQIxMQBicmlkETFJQm52QjQ5S2Y0cU96NGNnAR7hydQfebtMfoGXl-SnCem1_RBphNb9HQCnXjOjjBQzkXJ18Eac1JU66Xxzxg_aem_WytwXDnmmyLuAlD4ih3VmA

ОО | пред 11 месец

ВО ОХРИД ЗА ПРВПАТ СЕ СЛАВЕШЕ СВЕТСКИОТ ДЕН НА КУЛТУРНАТА РАЗНОВИДНОСТ

Со пригодна свеченост денеска во Охрид за првпат се одбележа Светскиот ден за разновидност на културите, за дијалог и развој. Во рамките на проектот „Разликите зближуваат“ преку разни мултикултурни активности децата порачаа дека јазикот и традицијата не смеат да бидат пречка за комуникација и другарување.Различните верувања, обичаи, празници треба да ги зближуваат младите, никако да ги разделуваат. Колку подобро се запознаваат и учат едни за други, толку повеќе ќе се почитуваат, порачаа организаторите.„Целта е децата да научат да ја слават различноста, но и да сфатат дека разликите се богатство и привилегија. Музиката е универзален јазик па затоа токму преку песна и игра ги споивме да станат блиски да умеат да ги почитуваат и слават различностите. Целта е да се промовираат заедничките вредности што сите ние ги имаме, без оглед на социјалните, политичките или етничките и верските разлики. Младите треба да ги почитуваат различните обичаи, традиции и култура, а тоа може да се случи доколку одблизу се запознаат со нив. Да изчезнат меѓуетничките предрасуди и да се гради едно општество за сите“, велат од Здружението за развој и унапредување на културата, екологијата и туризмот „Нова порта“ носител на проектот кој е поддржан од Општина Охрид.Претседателот на Советот на Општина Охрид, Перчо Божиновски вели дека е посебно горд што Општината за првпат слави одбележување на Денот на културната разновидност и најави дека негувањето на мултикултурализмот и промоцијата на различностите ќе прерасне во традиција.„Денеска сум посебно горд што со реализацијата на овој проект Општина Охрид стана водечка општина во земјава која ја слави различноста преку културната разновидност со која најдобро се гради едно општество за сите. Само доколку ја разбереме мултикултурата како национално богатство можеме да кажеме дека сме успеале да создадеме подобар свет за живеење, полн со разбирање и толеранција.“, кажа Божиновски.На денешниот настан децата од основното училиште „Братство Единство“, кое денеска одбележува 75 години од своето постоење, ги презентираа традицијата и обичаите како и народната носија препознатлива за нивната етничка припадност.„Од ова училиште сите ние успеавме да изградиме дом. Дом во кој децата зборуваат различни јазици, но играат и се смеат на ист начин. Дом во кој наставниците се припадници на различни култури, но предаваат со едно исто срце. Дом во кој секоја вера се почитува, секоја традиција се прифаќа, а секоја различност се слави“, кажа директорот Мехмед Џемал.https://ohrid.gov.mk/%d0%b2%d0%be-%d0%be%d1%85%d1%80%d0%b8%d0%b4-%d0%b7%d0%b0-%d0%bf%d1%80%d0%b2%d0%bf%d0%b0%d1%82-%d1%81%d0%b5-%d1%81%d0%bb%d0%b0%d0%b2%d0%b5%d1%88%d0%b5-%d1%81%d0%b2%d0%b5%d1%82%d1%81%d0%ba%d0%b8%d0%be/?fbclid=IwY2xjawKmYbtleHRuA2FlbQIxMQBicmlkETFJQm52QjQ5S2Y0cU96NGNnAR63htacZFLbFIsUxSwiqfd3aSe5B6athr9KgYBCujedJ2Zo4ak1pfnRSV9DyQ_aem_ArUQoGQ5lknUIrEQ9uvExg

ОО | пред 11 месец

МАТУРСКА ПАРАДА 2025

И покрај дождот и лошите временски услови, разиграно и весело охридските матуранти ја одржаа традиционалната манифестација Матурска парада. Точно на пладне на штраусовата опера „Лилјакот“ на плоштадот „Св. Климент Охридски“, матурантите како и секоја година го одиграа танцот Квадрил.Истовремено со нив танцуваа и нивните врсници од Скопје, Струга,Струмица, Гевгелија и Куманово како и од градови во Босна и Херцеговина, Бугарија, Словачка, Словенија, Србија, Турција, Унгарија, Хрватска и Црна Гора.На почетокот на настанот матурантите ги поздрави градоначалникот Кирил Пецаков кој посака пред се да се изградат во добри и одговорни луѓе на кои останува овој Свет.– Денешниов е ден на радоста, младоста и убавината. Светот во мало доаѓа кај нас. Танцот на нашите деца кои на музика од Штраус го играат познатиот Квадрил е всушност симболичен крај на детството и безгрижните денови од една и почеток на младоста која нуди многу интересни можности од друга страна.Вие сте оската на една топка. На која страна ќе се свртите , дали на светлата или мрачна зависи само од вас самите и од никој друг. Всушност на тој начин се одредува колку домашното воспитување, култура и знаење кои несебично ви ги дарувале родителите и професорите допреле до вас.Сонувајте со отворени очи, мечтаете по убави нешта и никогаш не скршнувајте од вистинскиот пат. Бидете добри луѓе со добра мисла и желба да направите добри дела за себе и за луѓето околу вас. Само така ќе бидете задоволни од себе и ќе градите здраво Општество со здрави навики.Вашите години, вашата младост дозволува се. Стив Џобс не случајно рекол „Луѓето што се доволно луди за да мислатдека можат да го променат светот, се оние што го менуваат“. Бидете и вие дел од нив, менувајте ги нештата но на подобро Моментот кога ќе сфатите дека можете да го промените вашиот живот, дека можете да го обликувате, тоа е најважната работа. Да се ослободите од погрешните идеи дека животот е некаде таму и дека тогаш ќе живеете – наспроти прифаќање, промена, однесување… пронајдете го вашето значење во сето тоа“.А секако Светот ќе го менувате само ако сте добро потковани со знаење. Знаењето е моќ, ви ја исправа главата високо горе и ви овозможува цврсто да газите на земја. Затоа драги мои, учете и во иднина не застанувајте тука. Животот ќе ви одржи многу лекции, како ќе ги прифатите предизвиците што ви ги нуди и како ќе се справите со нив зависи од вашата интелектуалната способност и психичка стабилност. Затоа се што ќе правите нека е со љубов. Верувајте, не е битно што ќе бидете во иднина, работник на машина, домаќинка, доктор, професор или судија. Важно е она што ќе го работите да биде сработено со внимание, од срце. Само така задоволството и успехот се неизбежни.„Ништо не ми значи да бидам најбогат мртовец на гробишта.Но кога навечер ќе легнам во кревет знаејќи дека сум направил нешто фантастично , тоа е она што ми е важно“Прочитајте приказни за успешните луѓе и ќе сфатите дека освен материјално, имаат и нешто друго: идеи, талент, вештини, креативност.Денес Имате неограничен број можности, можете да се поврзете со кој било вид социјална мрежа. Може да ја објавите сопствената работа, да ја промовирате сопствената музика, да создавате свои производи и на тој начин да овозможите финансии за себе. Притоа секако не станувајте роботи и робови на сосијалните мрежи користете ги паметно во ваша полза, а не штета.Можете да направите сè што сакате, не мора да чекате некој друг да ги открие вашите таленти. Единствено што ве задржува е вашата волја да се обидете.Пред вас од денес се отвораат нови животни врати, бидете внимателни и одговорни низ која ќе влезете, од тоа зависи вашата иднина. Одговорно и посветено учeте и работете но не заборавајте да уживате во најубавите години што се пред вас. Години на вашата младост која не застанува, минува за час. Другарувајте, шетајте, уживајте во заносот на првата сериозна љубов. Нашето – вашето време се ограничени затоа не го трошете да живеете туѓи животи. Живејте го својот како добри луѓе, со добра мисла. Правете добри дела и создавајте добра иднина за вас и вашите поколенија.Многу брзо ќе дојде време кога вие ќе застанете од оваа страна, можеби, некој од Вас ќе биде градоначалник, Претседател на државава, дипломат во странство. Но пред се бидете луѓе, добри луѓе кои му се потребни на овој Свет.Танцувајте и радувајте се на животот што е пред вас, деца наши. Среќно- подвлече градоначалникот Пецаков.Матурската парада за прв пат се одржа во Љублјана – Словенија во 2001 година.https://ohrid.gov.mk/%d0%bc%d0%b0%d1%82%d1%83%d1%80%d1%81%d0%ba%d0%b0-%d0%bf%d0%b0%d1%80%d0%b0%d0%b4%d0%b0-2025/?fbclid=IwY2xjawKmYbpleHRuA2FlbQIxMQBicmlkETFJQm52QjQ5S2Y0cU96NGNnAR6TRr_AbBWq-xzlZ8cx4afktnLoWr1HT54DTjfituzRWsd2vg3PFa5QbnR2IQ_aem_NH3NamgLPpx9PaiM5iMGEA

ОО | пред 11 месец

ОДБЕЛЕЖАН ЈУБИЛЕЈОТ-150 ГОДИНИ ОД РАЃАЊЕТО НА МЕТОДИ ПАТЧЕ

Со свечена академија и пригодна културна програма денеска во Охрид беше одбележан јубилејот-150 години од раѓањето на охридскиот револуционер Методи Патче.На настанот кој се одржа во спомен куќата на „Христо Узунов“ пред присутните гости се обрати Претседателот на Советот на Општина Охрид, Перчо Божиновски.– Овој меморијален центар е чувар на охридската револуционерна историја и во континуитет не потсетува на сите херои што го поклониле својот живот за слободата на Охрид и Македонија. Денеска, овде, сите заедно ќе имаме можност да ја слушнеме херојската приказна за еден од најистакнатите охридски револуционери, Методи Патче.Неговото име се изговара со посебна гордост, тој е борец чие срце чукало во ритамот на слободарските идеали, кои се уште силно одекнуваат низ камените ѕидини на стариот град.За нас е голема привилегија што како генерација имаме можност да организираме еден ваков настан, со кој се одбележува значаен јубилеј посветен на овој голем револуционер.150 години не се само обична бројка, тие се век и пол сведоштво за раѓањето на искра што не згаснува. Методи Патче не е само историско име – тој беше гласот на неправдата и еден од оние што докажаа дека љубовта кон татковината се покажува со дела, а не со зборови. Тој беше меѓу оние охриѓани кои не ја чекаа слободата како подарок, туку ја извојуваа со вера, со визија и со волја.Важно е да се спомене дека Методи Патче не беше сам во својата борба. Негов најзначаен соработник беше војводата Христо Узунов. Тие двајца заедно ја пишуваа илинденската историја на охридскиот крај со храброст и братска верност, рамо до рамо во тајните собири, комитети, во стратегиите и акциите. Нивната поврзаност е симбол на тоа како вистинската борба се темели врз доверба, пријателство и заедничка жртва за повисока цел.Денес, додека ја одбележуваме оваа значајна годишнина, не славиме само едно херојско име, го славиме Охрид —како град на борбата и на достоинството,Општина Охрид, во својата програма за култура, со особена почит и одговорност се грижи за историската меморија. Наша должност е да ги одбележуваме делата на сите оние што го вградија својот подвиг во темелите на нашата слобода и иднина.Нека споменот за Методи Патче остане живо сведоштво во срцата на идните генерации. Да ги учиме младите дека хероите не исчезнуваат, туку живеат вечно доколку ги споменуваме и чествуваме. Нека е вечна славата на Методи Патче! Нека е вечен Охрид. Нека е вечна борбата за слобода и човечко достоинство. Нека е вечна Македонија! истакна Божиновски во своето обраќање.Свеченоста беше збогатена со културно-уметничка програма. Од страна на учениците од ООУ „Ванчо Николески“ беше изведена драматизација на адаптирани историски факти: „Гласот на револуцијата“ од м-р. Михаил Патчев, а свои настапи имаа женскиот хор „Acordis“ и музички таленти од ОМУ „Методи Патче“.Во рамки на свечената програма на Општина Охрид по повод 150 години од раѓањето на Методи Патче беше положено и свежо цвеќе пред неговиот споменик во градскиот парк. Цвеќе положи делегација на Општина Охрид, ОМУ „Методи Патче“, Сојузот на борци од Охрид и Дебрца, претставници на фамилијата Патчеви, политички партии и здруженија на граѓани.https://ohrid.gov.mk/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd-%d1%98%d1%83%d0%b1%d0%b8%d0%bb%d0%b5%d1%98%d0%be%d1%82-150-%d0%b3%d0%be%d0%b4%d0%b8%d0%bd%d0%b8-%d0%be%d0%b4-%d1%80%d0%b0%d1%93%d0%b0%d1%9a%d0%b5/?fbclid=IwY2xjawKmYaxleHRuA2FlbQIxMQBicmlkETFJQm52QjQ5S2Y0cU96NGNnAR6Q46rCgCVlVWK926wDrhE5RZ6TjjlMUC5Rlssl6Vovn1ccikS3Ovgf9QIG8g_aem_t-yT9AcObWfs3VCDmz7-pQ

ОО | пред 11 месец

ОДБЕЛЕЖАН ДЕНОТ НА МАКЕДОНСКИТЕ ПОЖАРНИКАРИ

Секретарот на Општина Охрид, Александар Китески присуствуваше на свеченоста со која по традиција во просториите на Територијалната противпожарна единица се одбележа Денот на македонските пожарникари– 20 Мај.Секретарот ја изрази благодарноста до охридските пожарникари за безрезервниот придонес при справување со елементарни непогоди и спасување човечки животи и укажа дека локалната самоуправа работи за постојано осовременување на условите за работа и дообучување на персоналот.https://ohrid.gov.mk/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd-%d0%b4%d0%b5%d0%bd%d0%be%d1%82-%d0%bd%d0%b0-%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b8%d1%82%d0%b5-%d0%bf%d0%be%d0%b6%d0%b0/?fbclid=IwY2xjawKmYatleHRuA2FlbQIxMQBicmlkETFJQm52QjQ5S2Y0cU96NGNnAR63pstQFI9XtohvB-CkcGvcq6O0i6qgjm_ctexslV6LuDgD5tZ0DFyDqhczZw_aem_ktLxTDWs55d9Ar7AHNFDnQ

ОО | пред 11 месец

Кој е одговорен за трагедијата во „Пулс“? Заврши истрагата, испрашани 400 сведоци, 46 се осомничени, следува обвинение

Основното јавно обвинителство Кочани денеска ја заврши истражната постапка во врска со пожарот во клубот „Пулс“ со која се опфатени вкупно 46 осомничени за Тешки дела против општата сигурност од член 292 во врска со член 288 од Кривичниот законик.„Во следниот период течат законските рокови во кои одбраната може да изврши увид во доказите и да предложи свои докази, по што ќе биде донесена јавнообвинителска одлука.Во истражната постапка постапуваа вкупно 13 обвинители од основните јавни обвинителства во Кочани, Скопје, Штип и Куманово кои презедоа голем број дејствија со кои обезбедија докази со цел утврдување на фактичката состојба.По наредба на јавните обвинители, полициски службеници и истражители од истражните центри на обвинителството, на лице место на трагичниот настан и на повеќе други локации, прибраа материјални докази и документација кои беа предмет на вештачење. Обезбедени се детални обдукциски вештачења за причините за смрт на секој од починатите, како и за видот и карактерот на повредите кај повредените лица. Изготвени се градежно и хемиско вештачење, со кои се испитаа околностите во самиот објект, безбедносните стандарди, како и начинот на настанување и ширење на пожарот. Во однос на определен дел од документацијата за клубот се вршеше и графолошко вештачење. Извршени се распити на околу 400 сведоци и оштетени, а испитани се и осомничените. Од бројни електронски уреди (компјутери и мобилни телефони) се вршеше извлекување и анализа на податоци, кои се вкрстуваа со останатите информации добиени во текот на истрагата. Во однос на работата и функционирањето на клубот проверки по насока на јавен обвинител вршеше и Управата за финансиска полиција.Доказите кои се прибрани во текот на оваа истражна постапка, а се однесуваат на постапувањето на полициските службеници, обвинителскиот тим ќе ги достави на Основното јавно обвинителство за гонење на организиран криминал и корупција каде Специјализираното одделение до овој момент спроведува истрага против 14 полициски службеници. Овој дел од истрагата ќе продолжи и во следниот период со цел целосно испитување на сите факти и околности.Јавнообвинителската одлука за секој од осомничените поединечно ќе биде донесена врз основа на целокупниот доказен материјал. Дополнително, доколку од анализата на овие или други докази се утврдат елементи на кривично дело и кај други лица, кои до овој момент не се опфатени со истражната постапка, обвинителството ќе постапува согласно своите надлежности“, велат од Обвинителството.

Македонија | пред 11 месец

ДРЖАВНИТЕ ШАМПИОНИ ВО РАКОМЕТ НА СРЕДБА СО ГРАДОНАЧАЛНИКОТ ПЕЦАКОВ

Градоначалникот Кирил Пецаков претпладнево ги прими ракометните шампиони на ГРК Охрид од пионердската лига кои синоќа во Битола понесоа убедлива победа пред нивните врсници од Еурофарм Пелистер 2.Претходно во полуфиналето, охридските ракометни надежи беа подобри од врсниците од РК „Вардар“.Првиот човек на градов го изрази своето огромно задоволство и гордост за постигнатиот успех. Им се заблагодари на ракометните надежи за прекрасната игра и убедливиот триумф и посочи дека и во иднина локалната самоуправа ќе го поддржува овој ракометен клуб.ГРК Охрид е предводен од Наум Бабачев, формиран е во 2011 година, а од 2013 година е подржуван од охридската локална власт.https://ohrid.gov.mk/%d0%b4%d1%80%d0%b6%d0%b0%d0%b2%d0%bd%d0%b8%d1%82%d0%b5-%d1%88%d0%b0%d0%bc%d0%bf%d0%b8%d0%be%d0%bd%d0%b8-%d0%b2%d0%be-%d1%80%d0%b0%d0%ba%d0%be%d0%bc%d0%b5%d1%82-%d0%bd%d0%b0-%d1%81%d1%80%d0%b5%d0%b4/?fbclid=IwY2xjawKmYRRleHRuA2FlbQIxMQBicmlkETFJQm52QjQ5S2Y0cU96NGNnAR68D5pCj7JyEYb2xZKTUGvTKhWNNi8zpl_DLBHq2z3wzwwnLxoWvRPx4saapw_aem_JFRyfXaRfwTkTTxnAuuEQQ

ОО | пред 11 месец

(Фото) По четири децении – целосно обновен патот од Охрид до Св. Наум

„Завршува во рок рехабилитацијата на патот Охрид-Свети Наум која за прв пат се случува по четири децении. Рехабилитиравме 24,3 км и инвестиравме 11,7 милиони евра, средства обезбедени од буџет на ЈППД“, објави директорот на ЈПДП, Коце Трајановски.Тој додава: „Ја подигнавме безбедноста во сообраќајот, го подигнавме квалитетот на туристичкиот и економскиот потенцијал и развој во охридскиот регион, и обезбедивме квалитетна патна врска од Охрид до манастирскиот комплекс Св. Наум, но и до соседна Република Албанија. Извршивме растоварување на косините од нестабилен карпест материјал и монтиравме заштитна челична мрежа на косините. На овој начин се подобри прегледноста на патот што е најзначаен сегмент за учесниците во сообраќајот.Привршуваме со поставувањето на вертикалната сигнализација, односно сообраќајните знаци, како и со означувањето на хоризонталната сигнализација т.е боење со патарска боја. Привршува и поставувањето на еластичната одбојна ограда. Овој магистрален пат е исклучително значаен не само затоа што е главна туристичка сообраќајна делница, туку и затоа што не поврзува регионално. Реализараме проекти со кој ја подобруваме патната мрежа во охридскиот регион и во нашата убава Македонија!“

Македонија | пред 11 месец

Верници најавуваат протест за изборот на митрополит на Дебарско-кичевската епархија; „МПЦ-ОА има Устав, тој ги исполнува критеруми“, вели Спасеновски

Верници на МПЦ-ОА од неколку епархии ќе организираат протест поради начинот на избор на нов митрополит на Дебарско-кичевската епархија. На социјалните мрежи се организира протест за денеска во 18 часот во Охрид.„Драги мои сограѓани, православни верници ! Според објавите на социјалните мрежи, денес за 18,00 часот е закажан протест во нашиот град за поддршка на Епископот Партениј. Имам обврска како некој кој живее и ќе живее во овој град и во нашата Македонија, но и како православен христијанин и потомок на стара свештеничка лоза да кажам неколку работи пред работите да тргнат во непосакуван правец: Партениј го познавам од раните деведесетти години на минатиот век, од времето кога добар дел од вас кои најавувате протести веројатно не сте биле родени. Го паметам и манастирот од тоа време. Наспроти историјата која се пишува како официјална на веб страната на Бигорски, во име на вистината треба да кажам дека не е тој првиот монах кој по падот на комунизмот се настанил во манастирот. Тоа беше Иларион (Брегалнички) кој колку што паметам беше замонашен една година пред него. Пред тоа неколку години пак, во манастирот живееја две монахињи. Иако комунистите ја одржувале однадвор архитектурата на стариот конак, однатре истиот беше руина. Како и да е, денес манастирот е со обновен живот и економија. Старата „Застава 128“ е заменета со модерен возен парк, манастирската архитектура е велелепно возобновена, ама сменето е и старото искинато монашко расо на Епископот Антаниски со велелепни и скапи одежди, а патот му е послан со ружини латици. Но, сето тоа е неважно во очите Божји и не е наше да судиме никого. Од призма на Вечноста за нас како христијани најважна е само Љубовта и само по неа ќе не препознаат дека сме Христови! Затоа кога ќе протестирате не заборавајте и тоа да го правите со Љубов. И второ, но не помалку важно: Имајте предвид дека не луѓето, ами Духот Свет ја раководи Црквата! Следствено на тоа ниеден човек, роден од мајка не е повикан да поставува и разрешува епископи: членовите на синодот гласаат, ама Светиот Дух одлучува! Да останеме во Љубов! Да останеме Христови!“, напиша охриѓанецот Војо Димоски.Свој осврт даде и Александар Спасеновски, кој вели дека се случува избор, но не и правда.Го познавам владиката Партениј повеќе од дваесет години. Бев средношколец кога првпат отидов во Бигорскиот манастир. Тој веќе беше игумен. Оттогаш поминаа децении. Го гледав постојано. Видов како ја носи голема тежината на своето духовно раководење; како го гради не само Бигорскиот Манастир, туку целиот духовен простор околу себе: обнова на други манастири, изградба на нови светилишта, враќање на младите луѓе во Црквата, дијалог со различните... Видов и како стои цврсто покрај тие што страдаат; како доаѓа ненаметливо, токму таму каде што не доаѓаат другите... Изборот на нов митрополит на Дебарско-кичевската епархија треба да биде момент на заедништвото и на радост. Наместо тоа, добиваме нетранспарентност, молк и една крајно чудна постапка: шест месеци без ниту едно официјално соопштение; без вклучување на верниот народ; и на крај само еден кандидат, предложен во последен можен момент. Еден?! Како да нема други?! Како Црквата да е некаков елитистички тесен круг на самодоволни луѓе, а не тело Христово отворено кон сите?! А каде е владиката Партениј во тој процес? Тој е човек на Црквата што целиот живот ја врши таа служба. Тој е викарен епископ, со важна духовна и административна одговорност токму над епархијата што сега бира нов водач. И покрај тоа, не само што не беше избран, туку не беше ниту предложен. Како да се сака да се избрише постоењето на таа можност. Како некој однапред да решил - било кој, само да не е тој. МПЦ-ОА има Устав. Во член 73 јасно се наведува: Епископ се избира од редот на монаштвото кој не е помлад од 30 и не е постар од 60 години, има богословско образование и го краси добар глас помеѓу верниците и свештенството. Владиката Партениј не само што ги исполнува овие критериуми, тој на свој начин сведочи за нив со години. Ретки се монасите што со толкава посветеност останале на едно место и уште поретки се духовните водачи чие дело се гледа и во Црквата и надвор од неа. Неговото присуство е веќе длабоко впишано во животот на Дебарско-кичевската епархија. Ваков Избор не е избор! Тоа е процедура за легализирање на една малцинска волја. Тоа е одлука што се крие зад формалности. Тоа е одбивање да се валоризира очекувањето на народот. А нашиот народ не молчи. Тој шепоти низ црквите; прашува по социјалните мрежи; потпишува петиции и - најважно од сè - ја покажува емоцијата што ја има кон големината на националното дело на Бигорски. Таа емоција не се создава со декрет. Таа се гради со години: во болниците, во исповедите, во средбите во најтемните периоди од нечие лично страдање...Овој избор нема да помине без последици, не само затоа што се заобиколува Владиката. Туку и затоа што процесот беше затворен, нетранспарентен и, уште полошо, неискрен и злонамерен. Доколку на вистинскиот кандидат не му се дава ниту можност, тогаш што навистина се штити во оваа постапка?Чија удобност? Чиј авторитет? Го пишувам ова не како напад, туку како сведоштво. Сведоштво на еден од оние илјадници млади луѓе што од отец Партениј научија дека смирението не е слабост, туку сила! Дека верата не се проповеда со зборови, туку со дела! Дека вистинскиот пастир не оди пред стадото за да го води од високо, туку е меѓу нив, за да го разбере и да го носи кога ќе падне! Народот го чувствува тоа! Црквата го чувствува тоа! Само, за жал, некои изгледа сè уште не сакаат да го видат!Но еден ден, ќе мораат. И тогаш можеби ќе биде доцна. Не за владиката Партениј. Тој, познавајќи го, верувам дека ќе продолжи да служи. Туку за довербата што ја изгубивте. Ако некогаш сте се прашале зошто младите си заминуваат од Црквата, зошто луѓето се разочаруваат, еве ви еден дел од одговорот: затоа што кога конечно доаѓа можност да се направи вистинскиот избор, вие и' го завртевте грбот на правдата“, напиша Спасеновски.

Македонија | пред 11 месец

Нова сабота, истата болка: мајките на загинатите Стефан и Надица со емотивно обраќање до другите мајки

Нов марш на родителите на загинатите деца е најавен за утре, а мајките јавно ги повикуваат другите мајки да им се приклучат. Истиот ќе се одржи во Кочани, како и секоја сабота, од 16:05 минути.„Ајде мајки, без разлика на вера, нација, припадност, партија, придружете нѐ нас мајките, за нашите ангели и ангелите во иднина што треба да го живеат животот, иднината е во ваши раце, нашите деца веќе ги нема“, напиша мита Тасева, мајка на загинатиот Стефан Тасевски.Габриела Наунова, мајка на загинатата Надица Наунова исто така преку емотивна објава ги повика мајките.Сакам да се обратам до сите мајки кои не излегоа со нас на маршевите за правда - за нашите починати и повредени деца. Дали тие мајки не чувствуваат болка кога ќе слушнат за изгубено младо срце? Дали нивните срца се од камен? Дали тие чуваат деца дома и мислат дека никогаш нема да бидат на нашето место? Ова не е борба само за нашите деца, туку за сите деца. Молам, разбудете се пред да биде доцна за неко ваш! Ние не бараме ништо повеке од правда и безбедна иднина“, напиша Наунова.

Македонија | пред 11 месец

(Фото) Недозволено царство во Идризово: 50 грама марихуана и 37 мобилни зад решетки

Управата за извршување санкции објави дека правеле претрес во КПД Идризово и тоа отвореното одделение.„Во КПД Идризово беше извршен претрес во отвореното одделение и беа пронајдени и одземени поголема количина на недозволени предмети. При оваа акција беа запленети 50 грама марихуана, 48 полначи, 37 мобилни телефони, 3 УСБ стикови, 5 блутут слушалки, 3 батерии за мобилен телефон и апчиња метадон. Продолжуваме со борбата и сузбивањето на криминалот во затворите“, сти во објавата со фотографии.

Македонија | пред 11 месец