Фактот што нема постапка за извршителите на Заеви во судството, говори за тоа колку Коцевски е слуга на СДС и Заев, вели ВМРО-ДПМНЕ

„СДС го брани Љупо Коцевски затоа што не отвори постапки за извршителите на човекот на Зоран Заев, Наќе Георгиев кој постапи по неговите наредби во случајот со Боро Марлборо. Ако Љупчо Коцевски работеше по закон, по признанието на вина од страна на поранешниот член на Судски совет и врховен судија, Наќе Георгиев дека влијаел за пресудување на помала казна за Боро Марлборо, за што се стекнал со имотна корист, ќе отвореше истрага за судиите и обвинителите во тој случај. Ако Наќе Георгиев примил поткуп и влијаел, тогаш судиите во предметот суделе по налог на Наќе Георгиев, а не по закон. Самиот факт што нема постапка за извршителите на Заеви во судството говори колку и самиот Љупчо Коцевски е извршител на СДС и Заев“, вели ВМРО-ДПМНЕ како реакција на соопштението од СДСМ:„Се случува процес на партизација и политички упад во правосудниот систем на државата од страна на власта. Без разлика дали се согласуваме или не со работата на Републичкиот јавен обвинител, јасно е дека делувањето на ВМРО-ДПМНЕ е со единствена цел: да изврши упад во независноста на правосудната власт и да инсталира обвинител кој ќе биде послушник на власта. Ова значи газење на демократијата, газење на уставната поделба на власта и враќање кон мрачните времиња на контролирани судии, обвинители и судски процеси. Не станува збор за изолиран случај туку за политичка намера. Сопруга на градоначалник од ВМРО-ДПМНЕ беше назначена за член на Судскиот совет а сопартиец на Меџити во Советот на јавни обвинители. Ова не се реформи туку класична партизација. Мицкоски ги фрла на буниште реформите во правосудството, презема целосна контрола и партизација на институции кои треба да се независни. Прашање е дали постапката за разрешување е покрената затоа што обвинителот не прифатил да постапува по политички диктирани случаи? Изјавите на извршната власт дека нема да го земе предвид мислењето на Советот на јавни обвинители се спротивни на законот и сите правни стандарди.Во Законот за јавно обвинителство – член 63, став 3, јасно е предвидено дека Советот на јавни обвинители треба да даде мислење по предлог на Владата. Ако ова не се почитува, тогаш власта и де факто и де јуре потврдува дека има намера да го поништи принципот на поделба на власта и да ги контролира правосудните институции. Ги повикуваме сите демократски сили, граѓаните, правните експерти и меѓународните институции да го следат овој процес и да не дозволат да биде уништена независноста на правосудната власт. Функцијата Јавен обвинител на Република Северна Македонија мора да остане независна и да се врши без било какви политички притисоци“.

Македонија | пред 1 година

Русија го пофали Трамп што рече дека НАТО е главната причина за војната во Украина

Рускиот министер за надворешни работи Сергеј Лавров го пофали американскиот претседател Доналд Трамп за изјавата дека претходната американска поддршка за обидот на Украина да се приклучи на воената алијанса на НАТО беше главна причина за војната во Украина.Трамп рече дека не гледа начин Русија да и дозволи на Украина да се приклучи на НАТО и го обвини поранешниот демократски претседател Џо Бајден за наводната промена на позицијата на САД за членството на Украина во НАТО.„Тој е првиот и досега, според мене, единствениот западен лидер кој јавно и гласно кажа дека една од основните причини за ситуацијата во Украина е дрската линија на претходната администрација да ја вовлече Украина во НАТО“, изјави Лавров пред пратениците.„Ниту еден западен лидер никогаш не го кажал ова, а го кажал неколку пати. Ова е веќе сигнал дека ја разбира нашата позиција“, рече Лавров.За време на разговорите со Соединетите Држави во Ријад во вторникот, Русија побара НАТО да се повлече од ветувањето од 2008 година дека еден ден ќе и даде на Украина членство во алијансата предводена од САД и ја отфрли идејата дека силите членки на НАТО би можеле да бидат мировници според некаков договор за прекин на огнот.

Свет | пред 1 година

Еуфорија во Русија, Зеленски во шок поради Трамп: Живее во светот на дезинформациите на Путин...

Претседателот Володимир Зеленски изјави дека ако некој сега сака да го замени како лидер, тоа нема да успее бидејќи има висок рејтинг за неговата работа. Украинскиот лидер повторно се повика на истражување на јавното мислење за кое рече дека 58 отсто од Украинците имаат доверба во него како лидер.Тој наведува и дека Украина забележува „многу дезинформации“ од Русија.„Со сета почит кон претседателот Доналд Трамп како лидер... тој живее во овој простор на дезинформации“, додаде Зеленски, според Би-Би-Си.Неговите коментари доаѓаат откако Трамп тврдеше дека рејтингот на Зеленски - кој освои петгодишен мандат во 2019 година - паднал за четири процентни поени.Скај њуз пишува дека треба да се напомене дека рејтингот на Зеленски е всушност околу 50%, што е слично на Трамп.Зеленски, исто така, одговори на прашањето за отфрлање на предлогот на Трамп, кој ќе им овозможи на САД да земат процент од ретки метали во Украина.-Ја штитам Украина. Не можам да ја продадам нашата земја“, рече Зеленски, додавајќи дека барањата на САД за враќање на 500 милијарди долари како дел од договорот за минерали „не се сериозен разговор“, но тој рече дека ќе работи на „сериозен документ“ доколку содржи безбедносни гаранции.На прашањето што ќе ги обезбеди најдобрите гаранции за Украина, Зеленски вели дека НАТО е најсилната гаранција.

Свет | пред 1 година

Европа покажува заби ден по преговорите во Ријад, договорен нов „напад“ на Путин

Европската унија во средата одлучи да воведе нови санкции кон Русија, во исто време кога Доналд Трамп се залага за преговори за судбината на Украина, пишува Euronews.Државниот секретар на Трамп, Марко Рубио, сугерираше дека ЕУ, со текот на времето, сепак ќе биде поканета на преговарачка маса за да разговара за намалување или укинување на санкциите.„Има и други страни кои имаат санкции, Европската унија ќе мора да биде на маса во одреден момент бидејќи тие исто така имаат санкции кои се воведени“, рече Рубио во вторникот по средбата со неговиот руски колега Сергеј Лавров во Саудиска Арабија.Рубио нагласи дека сите страни ќе мора да направат отстапки. На прашањето за исклучувањето на Европа од преговорите, тој одговори: „Никој не е изоставен“.ЕУ, барем засега, остана на својата политика на казнување на Русија со санкции.Договорот меѓу амбасадорите во средата беше намерно темпиран пред третата годишнина од инвазијата, која Колеџот на комесари треба да ја одбележи со заедничка посета на Киев. Ова ќе биде 16-ти пакет санкции од февруари 2022 година.Новите санкции се однесуваат на забраната за увоз на руски примарен алуминиум, за што беше дискутирано претходно, но забраната никогаш не беше спроведена бидејќи некои членки беа загрижени за влијанието врз нивните економии.Рускиот примарен алуминиум сочинува околу 6 отсто од увозот на алуминиум во ЕУ, но овој удел се намалува во последниве години бидејќи европските производители се оддалечија од руските добавувачи.ЕУ веќе забрани одредени алуминиумски производи кои доаѓаат од Русија, како што се жица, цевки и цевки. Сега забраната е проширена и на примарниот алуминиум, кој се продава во форма на инготи, плочи и греди, а кој зазема голем дел од вкупниот увезен алуминиум.Покрај примарните метали, најновиот пакет санкции се однесува и на руската „флота во сенка“, со која Кремљ се обиде да ги заобиколи западните ограничувања за трговијата со нафта и да го задржи изворот на приходи клучен за финансирање на војната против Украина.Флотата се состои од стари, неосигурени бродови за кои постои сомневање дека имаат фалсификувани податоци, кои ги исклучуваат нивните транспондери за да станат невидливи и постојано го претоваруваат својот товар за да го прикријат потеклото на резервоарите за нафта.Состојбата на овие пловни објекти е толку лоша што Брисел е загрижен дека нафтата може да се излее и да предизвика еколошка катастрофа.Политичкиот притисок беше на својот врв по неколку инциденти во Балтичкото Море каде „флота во сенка“ беше обвинета за саботажа на подводни кабли.Се проценува дека „флотата во сенка“ се состои од околу 600 бродови, но нивниот точен број не е познат бидејќи Кремљ не ги објавува овие податоци.Кина и Индија денес се главните купувачи на руската нафта, која често се рафинира на нивна територија, а потоа се продава назад на пазарот на ЕУ под друга ознака.Според дипломатите, новата група санкции на ЕУ става на црна листа на 73 бродови за кои постои сомневање дека се дел од „флотата во сенка“. Така, бројот на бродови под санкции, на кои им е забранет пристапот до европските пристаништа и услуги, би се искачил на повеќе од 150.Новите санкции, исто така, ќе овозможат ставање на црната листа на сопственици и оператори на бродови со „флота во сенка“, вклучително и капетани на бродови.Покрај тоа, новите санкции исклучуваат 13 руски банки од електронскиот систем SWIFT и ги суспендираат дозволите за емитување на осум руски медиуми.Новиот пакет санкции се очекува да биде усвоен следниот понеделник по состанокот на министрите за надворешни работи во Брисел.

Свет | пред 1 година

Прегазен пешак кај МТВ, има тешки повреди и е однесен во болница

На 18.02.2025 околу 15.10 часот во СВР Скопје било пријавено дека на бул.„Гоце Делчев“ во Скопје, патничко возило „фолксваген голф“ со скопски регистарски ознаки, управувано од Р.Р.(61) од Скопје, удрило во 17-годишен пешак од с.Страчинци, скопско.Во несреќата со тешки телесни повреди се здобил пешакот, констатирани во Комплексот клиники „Мајка Тереза“.Извршен бил увид од увидна екипа од СВР Скопје.

Скопје | пред 1 година

Лавров: Западот не ги прифаќа промените што се случуваат во светот

Сергеј Лавров одржа говор во Думата. Тој зборуваше за, како што го нарекува, потег кон „мултиполарност“ во светот, каде што се повеќе земји почнуваат да ги отфрлаат притисоците од надворешните сили и да формираат нови сојузи како БРИКС, кој се состои од Бразил, Русија, Индија, Кина и Јужна Африка.Лавров вели дека Западот сè уште не го прифаќа целосно ова и се обидува да ја задржи својата доминација во глобалните работи.Тој, исто така, погледна назад кон Украина. Тој нагласи дека „нема алтернатива за искоренување на основните причини за украинската криза“, додавајќи дека тоа го „нагласил“ претседателот Путин за време на телефонскиот разговор со претседателот Трамп на 12 февруари.Осврнувајќи се на разговорите во Саудиска Арабија што се одржаа во вторникот, Лавров вели: „Посебно внимание посветивме на оваа тема“.„Пред сè, станува збор за отстранување на заканите за руската безбедност што се создаваа многу години со вовлекување на Украина во НАТО“, вели тој. Украина во моментов не е членка на НАТО, но алијансата се согласи во 2008 година земјата еден ден да стане членка.Додека Русија постојано повторува дека членството на Украина би претставувало безбедносна закана, НАТО тврди дека секоја земја има право сама да одлучи во кои сојузи да се приклучи.

Свет | пред 1 година

Нема фотографија

Што пишуваат утрово руските медиуми?

Во руските весници утринава доминира една слика: високи руски и американски претставници на преговарачка маса во Ријад, пишува Sky News.Руските медиуми ја поздравуваат можноста за потопли односи со Вашингтон, а истовремено ги исмеваат европските лидери и Киев.„Трамп знае дека ќе мора да попушти [на Русија] бидејќи преговара со победничката страна во Украина“, пишува про-Кремљ таблоидот „Московски Комсомолец“.„Тој ќе направи отстапки. Не на сметка на Америка, туку на сметка на Европа и Украина. Толку долго Европа шеташе надуена, мислејќи за себе како цивилизираниот свет и рајската градина. Не забележа дека и останале без панталони... сега тоа го посочи еден стар пријател од другата страна на Атлантикот...“, додава таблоидот.

Свет | пред 1 година

Американците испратија прашања до европските влади во врска со Украина: Прочитајте што точно ги интересира

Соединетите Држави им испратија на европските влади серија прашања за тоа што им е потребно од САД за да обезбедат безбедносни гаранции за Украина, пишува Ројтерс.Портпаролот на Стејт департментот вели дека Вашингтон јасно соопштил дека очекува неговите европски партнери да преземат водство во воспоставувањето на безбедносна рамка.– Ги очекуваме нивните предлози, велат од Вашингтон.Ројтерс имаше пристап до прашањата што САД ги испратија до европските земји.1. Што сметате дека е безбедносна гаранција или гаранција што Европа ја поддржува, а која би послужила како доволна одвраќање за Русија, истовремено обезбедувајќи дека конфликтот ќе заврши со трајно мировно решение?2. Кои европски или трети земји мислите дека би можеле да учествуваат во таков аранжман? Дали има земји кои би биле незаменливи? Дали вашата земја би била подготвена да распореди свои војници во Украина како дел од мировното решение?3. Ако воените сили од трети земји треба да бидат распоредени во Украина како дел од мировниот договор, колкава би била потребната големина на таквите сили предводени од Европа? Како и каде би биле распоредени овие сили и колку долго?4. Какви активности треба да бидат подготвени да преземат САД, сојузниците и партнерите доколку Русија ги нападне овие сили?5- Кои барања за американска поддршка би ги сметала за неопходни вашата влада за нејзиното учество во овие безбедносни аранжмани? Кои краткорочни и долгорочни ресурси ќе бидат потребни од САД?6. Кои дополнителни способности и опрема е подготвена да и ги обезбеди вашата влада на Украина за да ја подобри својата преговарачка позиција и да го зголеми притисокот врз Русија? Што друго е подготвена да направи вашата влада за да ги зголеми санкциите кон Русија, се некои од тие прашања, пренесува Ројтерс.

Свет | пред 1 година

Од Лотарија платени 400.000 евра за простории кои не биле ниту користени - нова пријава за избеганиот Прпарим Бајрами од ДУИ

Ексдиректорот на Државна лотарија, Прпарим Бајрами од ДУИ, доби нова кривична пријава. Тој се гони за изнајмување на деловни простории по цена за метар квадратен, најмалку два пати повисока од реалната пазарна цена. Во склучениот договор пак, не биле запазени посебните услови од јавниот повик, односно објектот е со поголема површина од бараните услови и не било опфатено дворното место кое претставувало посебен услов во повиокот.„Исто така, деловните простории не биле адаптирани за намената од договорот, односно, објектот – деловните простории требало да бидат реновирани и реконструирани при што за истото пријавениот предвидел и отпочнал Јавна набавка со износ од 1.300.000 евра за реновирање и реконструкција, што би претставувало дополнителен трошок за Државна лотарија. На тој начин, пријавениот П.Б. во својство на директор на АД ДРЖАВНА ЛОТАРИЈА склучил договор за закуп на деловни простории кои не биле адекватни за потребите на Државна лотарија и за цена за м2 која е повисока од пазарните цени. По склучување на договорот за закуп на деловни простории од страна на пријавениот иако истите не биле користени од страна на АД ДРЖАВНА ЛОТАРИЈА согласно намената од договорот за закуп, АД ДРЖАВНА ЛОТАРИЈА на правниот субјект ХЕЈ ДООЕЛ Скопје му исплатила 24.636.045 денари.“, стои во пријавата од Финансиската полиција.Од Обвинителството посочуваат дека постапуваат по пријавата.„Основното јавно обвинителство Скопје ја прими и веќе постапува по пријавата. Со оглед дека осомничениот се уште е недостапен на органите на прогонот и по него се трага со национална и меѓународна потерница, ќе се преземат други дејствија за испитување и прибирање докази“, вели оБВИНИТЕЛСТВОТО..

Македонија | пред 1 година

„Искрено, не знам кога ќе се случи“: Еве што најмногу сака Ѓоковиќ во 2025 година

Новак Ѓоковиќ допрва ќе треба да ја чека 100-та титула во кариерата. Во првото коло на турнирот во Доха загуби од Матео Беретини (7:6, 6:2). Тоа беше негов прв турнир по Отвореното првенство на Австралија и мечот против Саша Зверев, од кој мораше да се повлече во полуфиналето поради повреда. Јасно беше дека не е доволно подготвен за натпреварувањето во Катар.И самиот призна дека не чувствува болка и дека повредата не е проблем, туку дека едноставно не тренирал доволно. Потоа беше прашан за 25. Грен слем трофеј и кога може да го освои.„Искрено, не знам. Најважно ми е да бидам здрав, да се подготвувам добро за турнирите. Тоа можеби не беше случај во Доха. Не чувствував никаква болка, но ги пропуштив тренинзите и сетови на тренинзите“, рече Ѓоковиќ.Неговата желба е да освои трофеј на Ролан Гарос, Вимблдон или УС Опен, но свесен е дека Карлос Алкараз и Јаник Синер се најголемите фаворити на тие натпреварувања.„Овие двајца се убедливо најголемите фаворити за освојување на секој Грен слем на кој играат. Ние останатите ќе се обидеме да ги прикрадеме, да ги изненадиме и да се обидеме да победиме на едно од тие натпреварувања. Тоа се главните турнири, оние кои најмногу ме мотивираат и ќе направам се за да освојам барем еден Грен слем оваа година. Ќе видиме дали ќе успеам“, заклучи Ѓоковиќ.

Спорт | пред 1 година

Абдул Јашари кој е дел од сириската Влада, има македонско државјанство и е следен од АНБ

Абдул Јашари алиас Абу Катада Албани кој доби висока функција во Владата на Сирија има македонско државјанство. Тој во Македонија бил под истрага за неколку предмети, а во МВР се водат и предистражни постапки. Институциите, меѓу кои Агенцијата за национална безбедност, и натаму ги следи сите активности поврзани со него, а по неговото заминување во 2012 година од територијата на Македонија.„Ги следиме активностите на лицето, во рамки на надлежностите на Агенцијата“, велат од АНБ.Предмети за Јашари работи и Министерството за внатрешни работи. Тие посочуваат дека се во предистрага, па не можат да споделат детали.„Ве информираме дека лицето за кое прашувате има македонско државјанство“, велат од МВР.Името на Јашари, кој САД го претставува како терорист и поради ова е на црната листа, се споменуваше и при истрагата за масакрот кај Смилковското Езеро во 2012 година, кога беа ликвидирани четворицата тинејџери и рибарот. Заштитен сведок тврдеше дека го препознал Јашари по карактеристичната фризура. Но тој, не бил пронајден за да сведочи на ниту една адресите кои му биле регистрирани во Скопје. Кратко по ова се утврдува дека тој е дел од радикалните структури на Сирија.Тој последните десет години ја предводел џихадистичката група „Џемати Албан“, која ја сочинуваат претежно Албанци од Косово и Македонија. Има 48 години, а 35 години живеел во Чаир, но и Аеродром. Тој тврди дека бил на боиштата на Блискиот Исток, главно Сирија, во последните 12 години. Единицата „Џамати Албан“, вели тој, е основана во 2012 година и била активна во сите поголеми битки во северозападна Сирија.

Македонија | пред 1 година

Трамп ги враќа тушевите со силен притисок: „Гледај, некој како мене не може правилно да ми ја измие убавата коса без ова“

Откако се врати во Белата куќа, претседателот Доналд Трамп се обиде да ги промени еколошките стандарди за многу апарати за домаќинство, повторувајќи ја познатата изрека: „Порано беше подобро“.„Со ова му упатувам на секретарот Ли Зелдин веднаш да ги поддржи моите наредби за заштита на животната средина, кои беа укинати од нечесниот Џо Бајден, во однос на стандардите за вода и проток, бидејќи тие се однесуваат на мијалници, тушеви, тоалети, тоалети, машини за перење, машини за миење садови итн.“, објави Трамп во вторникот на својата платформа „Truth Social“.Трамп, 78-годишен милијардер, со години тужи модерни туш глави, тврдејќи дека тие го забавуваат протокот на вода.„Вклучете го тушот и ако сте како мене, не можете правилно да ја измиете убавата коса“, рече Трамп во 2020 година.Во неговиот прв мандат, Трамп ги укина федералните регулативи кои го ограничуваа протокот на вода за низа уреди, но демократот Џо Бајден ги врати.За време на предизборната кампања, Трамп ги обвини и демократите дека сакаат да ги забранат шпоретите на гас и автомобилите на гас или дизел, тврдејќи дека тоа е прашање на слобода за Американците.Во објавата на Truth Social во вторникот, Трамп објави дека ќе потпише извршна наредба за враќање на „здравиот разум за светилки, кои беа поставени од администрацијата на Трамп, но укинатите од нечесниот Џо“.Ендрју де Ласки, раководител на Проектот за стандарди за апарати (ASAP), кој се залага за енергетска ефикасност во секојдневните работи, рече дека Трамп е старомоден.„Денес постои огромен асортиман на модерни, ефективни производи кои даваат супериорни резултати“, рече тој.Според ASAP, LED светилките „ги намалуваат трошоците за енергија за домаќинствата и бизнисите и го намалуваат загадувањето“.Слично на тоа, „стандардите за туширање им заштедуваат на потрошувачите пари за сметки за вода и енергија и помагаат да се заштити животната средина“.Но, крстоносната војна прогласена од Трамп, озлогласениот скептик за климатските промени, се чини дека има повеќе врска со носталгијата за минатото отколку со заштитата на животната средина или економијата.Откако влезе во американската политика во 2015 година, Трамп ја користи носталгијата како моќна изборна алатка.„Се чини дека Доналд Трамп ги разбира овие носталгични нагони, а можеби и самиот е склон кон нив“, рече Спенсер Гојдел, професор по политички науки на Универзитетот Обурн во Алабама.Научник кој ја проучувал носталгијата во политиката направил паралела со музичкиот вкус на луѓето.„Повеќето Американци мислат дека најдобрата ера на музика била кога биле млади“, рече тој.Луѓето имаат тенденција да паметат добри песни, а забораваат лоши.„Истото важи и за општеството. Големите мажи и жени низ историјата стануваат бесмртни. Просечните, понекогаш корумпирани или неспособни, се заборавени“, додаде Гојдел.Тогаш не е изненадување што политичарите ја искористуваат носталгијата бидејќи е „тешко да се смислат пораки ориентирани кон иднината“.„Многу е полесно да се расправаме дека треба да се вратиме на тоа како беа работите порано“, рече тој.Слоганот на Трамп „Направи ја Америка повторно голема“ (МАГА) се потпира на истата идеја.Иако носталгијата не е ниту демократска ниту републиканска, „таа е поврзана со расистички и сексистички ставови, авторитарни ставови и гласање за републиканците“.Според истражувањето на Гојдел, „луѓето со поголема носталгија имаат поголема веројатност да поддржат моќен човек кој крши закони и уништува институции“.

Свет | пред 1 година

Приватна компанија ни донира 1 милион евра за имаме почист воздух во болниците, градинките, училиштата

„Чистиот воздух е наше заедничко право, а загадувањето предизвик кој бара обединет одговор од сите нас. Ова е проблем што бара заеднички напори од целата заедница. Ја поздравувам најголемата донација во земјата од страна на македонската компанија ЕКОТИП во вредност од 1 милион евра“, напиша премиерот Христијан Мицкоски и додава:„Оваа значајна донација на напредни прочистувачи од реномираниот германски производител Mann+Hummel ќе обезбеди воздух со највисоки медицински стандарди за најранливите категории: Во градинките, училиштата, болниците и другите јавни установи каде што квалитетот на воздухот е од клучно значење. Оваа иницијатива не само што ќе го подобри квалитетот на воздухот во јавните установи, туку и ќе помогне во креирање на поздраво општество.Воедно продолжуваме дијалог со претставниците на германската Mann+Hummel, кои деновиве со тимот на Владата и Екотип ја анализираат можноста за понатамошна соработка со фокус на долгорочни иницијативи и заеднички развојни перспективи.Ваквите примери нека бидат повик за акција, секој придонес, мал или голем, е чекор кон поздраво општество!“.

Македонија | пред 1 година

Избришаните канали на Бака Прасе на YouTube: Еве кој стои зад тоа – се започна со Сека Алексиќ

Јутјуберот Богдан Илиќ, попознат како Бака Прасе, синоќа на Инстаграм ги извести своите следбеници дека сите негови канали на Јутјуб се избришани.Баба прасе заработува преку 100.000 евра месечно од YouTube.„Само што ми ги избришаа сите канали на Јутјуб... Не знам кој, не знам зошто... Ќе ве известам ако дознаам нешто“, накратко најави Богдан.Набргу по неговата објава, на страницата на Инстаграм andri.bez.cenzure се појави објава во која се објаснува зошто се затворени каналите на Илиќ.„Она што многумина го сметаа за невозможно, конечно се случи.„Јутјуб ги затвори сите канали на Богдан Илиќ, по повеќемесечна борба во која жените ги презедоа работите во свои раце“, се наведува во објавата, во која се споменува и нападот на Сека Алексиќ.„Откако Сека смирено му објасни дека никогаш нема да му забрани на синот да ја гледа содржината на Богдан, туку како одговорен родител ќе му објасни зошто таквото однесување е погрешно, Боган ја искористи приликата да ја прозва дека носи фустан со принт на голо женско тело - неосновано тврдејќи дека Сека се појавила гола на нејзиниот настап и дека го внесувала во сексуален однос со мајка си.„Сека не се двоумеше јавно да се соочи со Богдан и да ја осуди неговата срамна изјава, а со тоа ја подигна свеста кај голем број нејзини фанови кои можеби не биле свесни за развратните постапки на Богдан“, меѓу другото, во објавата во која е споделена и најавата на Богдан за затворање на неговиот канал на Јутјуб, пишува Мондо.

Магазин | пред 1 година

Трамп сака да ги врати старите тушеви и светилки: „Не можам да си ја мијам косата со новите тушеви“

Скоро една година по завршувањето на првиот петгодишен мандат на украинскиот претседател Володимир Зеленски, САД и Русија се согласија дека Украинците мора да излезат на гласање.Русија инсистираше на тоа дека нема да потпише мировен договор додека Украина не се согласи да одржи избори, додека американскиот претседател Доналд Трамп вчера сугерираше дека изборите во Украина ќе бидат услов за мир.„Имаме ситуација кога немаше избори во Украина, каде што имаме вонредна состојба, всушност вонредна состојба во Украина, каде што лидерот во Украина, мислам, мразам да го кажам тоа, но тој има само четири отсто доверба“, рече Трамп.„Ако Украина сака место на масата, зарем луѓето не треба да кажат дека поминало долго време откако немале избори? Тоа не е работа на Русија, тоа е нешто што доаѓа од мене и доаѓа од многу други земји“, рече тој.Мандатот на Зеленски требаше да заврши во мај минатата година, а изборите првично беа закажани за април 2024 година. Но, неговите соработници рекоа дека изборите нема да се одржат дури шест месеци по завршувањето на вонредната состојба, во согласност со уставот на Украина, кој забранува одржување избори за време на вонредна состојба.Иако Трамп вели дека Зеленски има само четири отсто поддршка меѓу гласачите, најновите анкети покажуваат дека, и покрај падот, Зеленски сè уште има поддршка од повеќе од половина од населението.Неодамнешната анкета на Меѓународниот институт за социологија во Киев покажува дека во декември минатата година, 52 отсто од Украинците изјавиле дека му веруваат на Зеленски. Истражувањето е спроведено на примерок од 2.000 луѓе, на територија контролирана од украинските власти. На граѓаните им беа поставени две верзии на прашањето.И поранешниот украински претседател Петро Порошенко тврдеше дека украинските власти ќе одржат избори пред крајот на годината. „Запишете го - 26 октомври оваа година“, рече тој во едно неодамнешно интервју.Но, Дејвид Арахамиа, парламентарниот лидер на партијата Слуга на народот на Зеленски, го негираше тврдењето на Порошенко во објава на Телеграм.„За време на вонредна состојба, изборите е невозможно да се одржат [...] Лидерите на сите партии се согласија дека изборите нема да се одржат најмалку шест месеци по завршувањето на вонредната состојба“, рече Арахамиа.Порошенко, украинскиот претседател од 2014 до 2019 година, кој своето богатство го стекна во кондиторски бизнис, ја загуби трката за втор мандат од Зеленски.„Шансите на Зеленски да победи на изборите зависат од точните услови на прекинот на огнот, односно дали тие ќе бидат сфатени од јавноста како „победа“, „чесно реми“ или „пораз““, вели Иван Гомза, професор по јавна политика на Економската школа во Киев. „Прекин на непријателствата веројатно нема да се случи во 2025 година. Освен тоа, изборите бараат подготовка и се малку веројатни барем до 2026 година“, рече тој.Главниот противник на Зеленски се очекува да биде Валери Залужни, генерал со четири ѕвезди и актуелен амбасадор во Обединетото Кралство. Зеленски го смени Залужни од функцијата шеф на вооружените сили минатата година со голем - и политички непопуларен - пресврт. Залужни тврдеше дека војната со Русија дошла во ќор-сокак до крајот на 2023 година.

Свет | пред 1 година

Нема фотографија

Ватикан објави нови информации за здравствената состојба на папата Франциско

Папата Франциско помина мирна ноќ во болница и појадуваше во средата, објави Ватикан во најновиот извештај за кревкото здравје на папата.Франциско има билатерална пневмонија, објави во вторникот Ватикан, што го отежнува лекувањето на 88-годишниот папа кој на 14 февруари беше примен во римската болница Гемели.Билатералната пневмонија е сериозна инфекција која може да предизвика воспаление и лузни во двете бели дробови и да го отежне дишењето.Ватикан во понеделникот соопшти дека лекарите по втор пат го промениле третманот на папата за време на неговиот престој во болница за да одговорат на сложената клиничка слика.Фрањо, кој е папа од 2013 година, неколкупати имал грип и други здравствени проблеми во последните две години.Како млад, тој добил плеврит и морал да му биде отстранет дел од едното белодробно крило, а од неодамна е склон на белодробни инфекции.

Свет | пред 1 година

Маск се согласува со човекот кој вели дека Зеленски не сака мир, тој сака пари и моќ

Елон Маск ја поддржа објавата во која се обвинува украинскиот претседател Володимир Зеленски дека ги става моќта и парите пред постигнување мир, додека Соединетите Држави се обидуваат да преговараат за крај на руската војна.„Зеленски не сака мир, тој сака пари и моќ“, напиша во вторникот корисник на X платформата на Маск, на што Маск одговори со емоџито „100“, кое обично се користи како знак на силна согласност со напишаното или како израз на силна поддршка.Маск претходно ги исмеваше повиците на Зеленски за помош од САД за одбрана на земјата од руска инвазија и ја исмеваше неговата изјава дека Украина е суверена држава која не може да биде принудена да преговара со Русија.На почетокот на војната, Маск донираше илјадници сателитски интернет терминали Starlink на Украина за да ги замени уништените комуникациски мрежи, поради што првично се сметаше за еден од клучните сојузници на Киев.Но, тој наратив се промени откако тој почна да го шири она што Украина го нарекува проруска пропаганда преку платформата Х. Оттогаш ја критикуваше американската воена помош за Украина, нарекувајќи ја „неконтролирана и без јасна цел“ и стана остар критичар на Зеленски.Маск неочекувано се придружи на телефонскиот разговор меѓу Трамп и Зеленски во ноември минатата година. Според тогашниот украински функционер, разговорот бил нормален, а Зеленски му се заблагодарил на Маск за обезбедувањето на терминалот Старлинк.Преговарачите од Русија и САД се состанаа во вторникот во Саудиска Арабија. Сепак, Зеленски тврди дека овие преговори се воделе без знаење и учество на Киев. На средбата не беа вклучени ниту европски претставници.Трамп синоќа изјави дека со Украина владеат луѓе кои ја дозволиле војната, што исто така е јасно порака пред се до Зеленски.

Свет | пред 1 година

(Видео) Богојески вели дека Левица се шалабајзери и делат пари со ДУИ

„Левица си направи коалиција со ДУИ во Град Скопје и си делат тендери“, тврди во „Претрес со Ландов”, лидерот на Македонски Концепт, Петар Богојески.„Од Левица се шалабајзери и делат пари со ДУИ. Левичарите секогаш делат кешарица”, рече Богојески.„Денес мислам дека Мицкоски нема ништо со Каракачанов“, вели Богојески кој пред некоја година го напаѓаше Мицкоски за врски со Каракачанов.

Македонија | пред 1 година

(Видео) Богојески: Албанскиот шовинизам галопира, а Бугарите лечат фрустрации со нас заради Тито

„Што му фали на национализмот“, праша во „Претрес со Ландов“, лидерот на Македонски концепт, Петар Богојески. „Тоа“, рече, „е сакање на државата“.„Ние имаме проблем со шовинизмот. Албанскиот шовинизам галопира на Балканот, барем до паѓање на Бајден”, рече Богојески.„Ние Македонците“, рече, „сме нападнати и оспорени од Бугарите кои лечат фрустрации со нас заради Тито.Ние ја трпиме бугарската наезда. Македонски концепт има задача да не заштити од тоа”, рече Богојески кој рече дека имаат 2,1 процент поддршка. Според него, освен ВМРО-ДПМНЕ и СДСМ и ЗНАМ се на ниво на статистичка грешка.

Македонија | пред 1 година

(Видео) Богојески: Јас не сум лижел партиски га..ви

Богојески во „Претрес со Ландов“ рече дека никогаш не бил клиентелист, иако призна дека работел на партиски вработувања.„Јас сум удорал клоци и не сум лижел партиски га..ви”, рече Богојески.„Од прв момент рече, лично имаме супер односи со Мицкоски, но имаме различни ставови за некои прашања, пример за решавање на бугарското прашање.„Он погреши во 2018, јас во 2020 година со граѓански листи. Сега имаме одлични односи”, рече Богојески. 

Македонија | пред 1 година

(Видео) Богојески: Не се чувствувам како дел од ВМРО-ДПМНЕ, а Бог да чува да бидам како Груевски

Гостин во „Претрес со Ландов” е Петар Богојески, лидер на Македонски концепт, коалициски партнер на ВМРО-ДПМНЕ.Богојески не се чувствува како дел од ВМРО-ДПМНЕ и вели „многу сум далеку од нив“.„Има сериозни идеолошки разлики меѓу ВМРО-ДПМНЕ и Македонски концепт. Јас ја напуштив партијата пред да ја напуштам палатата. Така се роди идеја за Македонски концепт, партија која ќе биде храбра и нема да се плаши да говори за ништо. ВМРО е лидер на нашата коалиција. Бог да чува да бидам како Груевски. Груевски е уценет човек. Срам ми е да се споредувам со Груевски. Тој дојде во мојата партија. Тој како куче побегна. Никогаш па ни тогаш не би го потпишал Пржинскиот договор како Груевски”, рече Богојески.

Македонија | пред 1 година

Владата ја ограничи маржата за 1.000 производи, МВР со нов мултимедијален центар за обука, вели ВМРО-ДПМНЕ

„Владата е фокусирана на остварување на зададените цели и напорно работи за подобрување на иднината во Македонија, а овие се настаните кои го одбележаа денот“, вели ВМРО-ДПМНЕ и додава:Владата донесе одлука за ограничување на маржата за 1.000 производи.МВР со нов мултимедијален центар за обука со цел поефикасна и попрофесионална полиција.Министерот Тошковски со оценка, 80 години Оддел за заштита на определени личности и објекти, заради нив сме посилни и како држава и како општество.Започнa кампањата за информирање на граѓаните за Јавниот повик од ИПАРД програмата 2021-2027.Македонија континуирано се трансформира!

Македонија | пред 1 година

„Доста крадете, за каде ви се парите? Засрамете се без разлика на партијата“ - пациентка на Онкологија за голготата при примање терапија

Вања Андонова, пациентка на Клиниката за онкологија, раскажа за голготата низ која минува кога доаѓа да прима терапија. Објавата ви ја пренесуваме во целост:Еден ден од животот поминат на Онкологија. Да си од Струмица и да патуваш до Скопје за една терапија изгледа вака:1.Станувам у 5ч рано рано. Будам мало дете од 7 години го облекуавм за училиште и викам: спиј мама надвор е уште темно,имаш време за на училиште. А тоа вели: А зошто мама одиш на болница у темното? Јас: Па мама за да завршам и да се вратам порано.Цел ден од темно до темно оставам 2 малолетни деца да се грижат сами за себе. Фала му на Бога што се умни и навикнаа и прифатија дека мора да е така. И демек ќе стигнам порано за да завршам се порано. Ама не е така. На секоја врата се чека баш убаво долго. Затоа што ЦЕЛАААААА Македонија сме у една клиника.2.Докторите и сестрите ни паузи не користат за да постигнат да внимаваат на сите пациенти.3.Една лабораторија за крв.100 пациенти чекаат ред и сите со таа крвна слика одиме на дневна амбуланта,каде чекаме ред.4.Уште еден поголем проблем. Младите мед.сестри кои беа на работа си отидоа без плата и без решенија. Недостаток на персонал.5.Амбулантата која беше само за инекции веќе не работи,така да сега и тие пациенти чекаат заедно со нас кои сме за хемо.6.Недостаток на столици за седење,тесни ходници за зголемениот број на пациенти.Некои си седиме на скалите,зашто така налага процедурата на лечење.7.И кога добиваме бројче може да е 29 или 39 или не знам 55. И се чудиш кога ќе дојдеш на ред. И така редот е баш да си одиш дома у темно,зашто нели веќе и си тргнал на терапија у темно. Само да кажам дека добро би било у оваа наша жална напатена Македонија некој треба да мрдне со прсти и да активира мозок. Доста крадете. За каде ви се парите? Ќе си купувате уште џипови? Ќе градите згради? Ќе го купите пола град? Ќе бидете моќници? Ќе не гледате од високо? Само еден БОГ гледа одозгора. И за вас и за нас е тој. Ние се мачиме од вашата незаинтересираност за НИШТОООО. Аман. Некој нешто да направи добро за овој народ. Се лечиме у странство со донации. А вие уште крадете и крадете Да имавте осет ќе се срамевте сами од себе. Засрамете се сите без разлика на партија Одделете во секој град по една соба од болниците за нас онколошките пациенти. Обучете персонал. Секаде во светот така функционираат работите. Ги бркате младите од своите родни куќи за подобар живот да бегаат у други држави. Никој не остана НИКОЈ. Да надополнам: Еден апарат за Пет скен снимање,од кој зависат многу животи. Само ЕДЕН Е кој понапред да снимат? Бројот на заболени е енормно зголемен и самото тоа по дифолт кажува дека требаат уште апарати. А ако у некоја болница се расипе апарат за снимање,како што се случува често,е чекајте со месеци до пола година да се направи. И ако нема реагенси за снимање,а бема често. Ќе се шетаме од град до град со врски за да се снимиме. Има уште“.?list=PLm6WbTW4gkMm9SA3GYzjLPE0VWu1c-A7d?list=PLm6WbTW4gkMm9SA3GYzjLPE0VWu1c-A7d

Коментари | пред 1 година

Угина и мајмун во Зоолошката градина - сѐ уште не се знае од што

И мајмун од расата патас угинал во Зоолошката градина-Скопје, дознава „Скопје1“. За ова до сега, немаше никакво известување во јавноста. Не се знае ниту кога се случило угинувањето, ниту причините поради кои мајмунот угинал. Од Зоолошката градина прво ни кажаа дека не ни се точни информациите, за при повторно поставување на прашњата - да одговорат дека мајмунот угинал.„Не знаеме конкретно за кој мајмун-патас прашувате, имаме сега брзо еден мајмун-патас угинат, резултатите покажуваат дека немал бактерии, сѐ уште немаме резултати од обдукцијата и немаме причини од кои угинал“ стои во одговорот од ЗОО-Скопје.Зоолошката градина истовремено тврди дека лемурите кои ги вратиле од битолската Зоолошка градина, се живи и се третираат соодветно.„Пред околу две години, сите лемури кои беа позајмени, а со тоа и лемурите од ЗОО Битола, се земени, вратени во нашата зоолошка градина. Лемурите земени, вратени од ЗОО Битола се живи“, велат од ЗОО-Скопје.Пред да добиеме конкретни одговори, до Зоолошката ги поставивме истите прашања, но во првите одговори, тие се обидоа да ја сокријат информацијата за угинатиот мајмун.„Ве покануваме да одберете термин и да ни најавите кога би дошле во зоолошката градина, со цел да направите репортажа и да видите во какви услови и на каков начин се чуваат животните. Воедно, во врска со поставените прашања, Ве известуваме дека информациите кои ги добивате не се точни и вистинити, а при Вашата посета, во директна комуникација, ќе Ви дадеме детални одговори и на овие, и на сите други прашања“, стоеше во одговорот од ЗОО-Скопје.Претходниот вторник, од труење, угинале берберски овци.

Скопје | пред 1 година

„Покрај правна, подлежи и на општествена одговороност“ - Правда ќе достави предлог, Советот ќе даде мислење за разрешувањето на Коцевски

Владата го разгледа мислењето од Министерството за правда, па го задолжи да достави предлог за разрешување на јавниот обвинител кое Владата ќе го достави до Советот на јавните обвинители. Портпаролката Марија Митева информираше за причините.„Како Влада сакаме да ја информираме јавноста дека на денешната седница, беше разгледано мислењето од Министерство за правда по кое владата отвори сериозна дискусија. Постапувајќи по заклучокот кој беше донесен на претходната владина седница со која го задолживме Министерството за правда да преземе активностите во однос на поведување на постапка за разрешување на Јавниот обвинител, Министерство за правда го достави мислење во кое се нотирани следниве состојби:Како прво: нарушениот углед на институцијата со која раководи јавниот обвинител, затоа што чувањето на угледот на институцијата е должност која потекнува од Законот за јавно обвинителство, конкретно член 4 став 1. Понатаму, целокупната јавност во изминатиов период беше сведок на низа скандали, нарушена функционалност на ЈО, незаконски постапувања и корупција, неефикасност и повреда на принципите и самостојноста во вршењето на функциите на обвинителите. Ваквите состојби се комплетно спротивни на обврските кои произлегуваат од законските надлежности.Овде не станува збор само за перцепција само на Владата, ова е констатирано од стручна јавност, констатирано е во извештаи кои имаат конкретни, мерливи и објективни показатели. Во оваа смисла, Владата цени дека придонесот од јавниот обвинител за овие состојби е значителен и е резултат на низа пропусти и повреди во неговото постапување и извршување на функцијата. Овие дејствија со кои се предизвикани тешки последици по функционирањето на јавното обвинителство со што е направено намерно и неоправдана крупна професионална грешка се правните аргументи со кои што ќе побараме разрешување на Јавниот обвинител пред истекот на мандатот. Дополнително како Влада цениме дека јавниот обвинител покрај правна одговорност, подлежи или би требало да подлежи и на поширока општествена одговорност, особено пред органот кој што го избрал, а пред се пред граѓаните чии интереси треба да ги штити. Согласно вака утврденото мислење, Владата го задолжи Министерството за правда да достави предлог за разрешување на јавниот обвинител, кое пак Владата ќе го достави до Советот на јавните обвинители од каде согласно законските одредби потребно е да се добие мислење“, рече Митева.

Македонија | пред 1 година