Британка за пожарите во Франција: Се чувствувавме како да сме во воена зона

Британката Рејчел Ханбери, која живее во близина на Бордо, изјави дека пожарите што беснеат во југозападниот дел на Франција создале сцени кои, според неа, потсетувале на воена зона.

— реклама —

Таа за Би-Би-Си раскажа дека нејзиниот дом во крајбрежното место Бискарос Плаж се наоѓа во непосредна близина на центарот каде што биле згрижени евакуираните жители.

— реклама —

„Во четвртокот навечер сите дојдоа тука. Се чувствувавме како да сме во воена зона. Луѓето беа завиткани во итни термоќебиња“, изјави Ханбери за BBC Radio 5 Live.

Таа додаде дека многумина од евакуираните немале каде да заминат, поради што таа и нејзиното семејство им понудиле привремено сместување во својот дом.

— реклама —

„Тоа беа луѓе кои немаа каде да одат. Им понудивме засолниште кај нас“, рече Ханбери.

— реклама —

Пожарите во југозападна Франција и натаму се активни, а високите температури и силниот ветер дополнително ја отежнуваат работата на пожарникарите.