Утрово, на железнички премин на северот на Франција, во близина на Калаиса, брз воз се судрил со воен камион. Според првичните информации, се стравува дека машиновозачот го загубил животот, а неколку патници се повредени, потврди Фабиен Виледију од синдикатот SUD Rail.
Виледију на платформата X објави дека постои стравување дека машиновозачот на TGV-тo починал, додека сударот предизвикал повреди кај неколку патници.
Францускиот министер за сообраќај, Филип Табаро, преку социјалните мрежи исто така потврди дека дошло до несреќата и најави дека се упатува на местото на настанот.
Од државната железничка компанија SNCF соопштија дека сударот се случил на преминот меѓу градовите Бетун и Ленс, и дека сообраќајот на таа линија е прекинат.
