Дали американскиот претседател е способен да ја води државата?

Американскиот претседател Доналд Трамп се соочува со сè поголем број критики и прашања во врска со неговото однесување и ментална стабилност, објавуваат дел од американските медиуми.

— реклама —

„Њујорк тајмс“ во анализа наведува дека неговите последни изјави и настапи често се оценуваат како неповрзани и во раскор со реалноста, при што се поставува прашањето дали станува збор за политичка реторика или нешто посериозно.

Како повод за ваквите реакции се наведуваат негови изјави поврзани со Иран, како и јавни настапи и објави на социјалните мрежи кои предизвикаа бројни реакции во јавноста и меѓу политичките противници.

— реклама —

Дел поранешни соработници и политички сојузници исто така упатија критики, при што се споменуваат повици за активирање на 25-тиот амандман од американскиот Устав, кој овозможува отстранување на претседател од функцијата во случај на неспособност за извршување на должностите.

— реклама —

Во исто време, демократски претставници во Конгресот упатуваат сè поостри оценки, наведувајќи дека неговото однесување е „непредвидливо“ и „надвор од контрола“.

Трамп, од друга страна, ги отфрла ваквите критики и на социјалните мрежи ги нарекува своите противници „проблематични луѓе“ и „луѓе што шират лаги за политичка корист“.

— реклама —

Анализите на дел од американските медиуми посочуваат дека ваквите дебати ја продлабочуваат политичката поларизација во САД, додека официјална независна медицинска проценка за неговата состојба не е објавена.