Доживотен затвор доби серискиот убиец Трајко Бојковски од Старо Нагоричане за четири убиства и два обида

Казна доживотен затвор му изрече судот во Куманово на 25-годишниот Трајко Бојковски од Старо Нагоричане, кој беше обвинет за четири убиства и два обида за убиство на жени во кумановскиот регион.

— реклама —

Обвинението се однесува на шест напади извршени во периодот од јануари 2025 до февруари 2026 година, во повеќе села во Општина Старо Нагоричане. Четири жени ги загубиле животите, додека две преживеале.

— реклама —

Според Обвинителството, жртвите главно биле повозрасни и немоќни жени, кои биле нападнати кога биле сами. Во обвинителниот акт се наведува дека делата биле извршени од ниски побуди, со намера за задоволување на половите нагони врз мртви тела.

За време на судската постапка, Бојковски признал вина за три од четирите убиства и за двата обида за убиство. За едно од убиствата, пак, ја негирал одговорноста.

— реклама —

Психијатриското вештачење покажало дека тој бил пресметлив и можел да го разбере значењето на своите постапки. Вештакот предупредил и на постоење ризик од повторување на делата.

Основното јавно обвинителство Куманово уште при поднесувањето на обвинението посочило дека за кривичното дело за кое се товари Бојковски, законот предвидува затворска казна од најмалку десет години или доживотен затвор.