Одложено судењето за серискиот убиец Трајче Бојковски, адвокатот се повлече од одбраната

Судскиот процес против 25-годишниот Трајче Бојковски од Старо Нагоричане, кој се товари за четири убиства и два обида за убиство на жени, денеска не продолжи, откако дојде до промена во неговата одбрана.

— реклама —

На денешното рочиште обвинетиот не се изјасни за виновен, а неговиот бранител Драган Трајковиќ соопшти дека се повлекува од случајот, образложувајќи дека Бојковски не го прифатил неговиот правен совет.

— реклама —

„Со оглед дека обвинетиот не го прифати мојот совет, како бранител го откажувам моето полномошно согласно член 76 став 7 од Законот за кривична постапка и согласно истиот член став 5 предлагам на судот да му биде определен бранител по службена должност со цел заштита на неговите права и интереси“, изјави адвокатот Трајковиќ.

По неговото повлекување, судот оцени дека на обвинетиот треба да му биде назначен адвокат по службена должност. Воедно, одбраната предложи да бидат сослушани уште двајца сведоци.

— реклама —

Поради овие околности, Основниот суд во Куманово донесе одлука главната расправа да биде одложена до исполнување на процесните услови за нејзино продолжување.

Обвинението во предметот го застапува јавниот обвинител Љубомир Лапе од Основното јавно обвинителство Куманово.