„ДПМНЕ го презеде бизнисот со историскиот криминал на Бехтел и Енка – нивни функционер стана дел од фирмата за надзор“, велат од Левица

Левица денеска преку соопштение обвини дека кадар на ВМРО-ДПМНЕ станал дел од фирмата за надзор над проектот на Бехтел и Енка, кој претходно актуелната власт го нарекуваше „историски криминал“.

— реклама —

Според партијата, истражување на 360 степени покажало дека во сопственичката структура на поранешната „Електра Солушнс“, денес преименувана во „Аксион“, влегол Бојан Савески, поранешен советник на ВМРО-ДПМНЕ во Општина Аеродром и претседател на месен комитет на партијата.

Од Левица тврдат дека станува збор за фирмата што доби милионски удел во надзорот над „Бехтел и Енка“, а која претходно во јавноста била позната како компанија за долна облека.

— реклама —

Партијата потсети дека Христијан Мицкоски во 2023 година најавувал дека идната влада на ВМРО-ДПМНЕ ќе го расчистува случајот со надзорот и супервизијата на проектот, додека денес, како што велат од Левица, нема истрага ниту одговорност.

— реклама —

Во соопштението се наведува и дека Обвинителството јавно се пожалило оти МВР не постапува по наредбите поврзани со предметот за надзорот над „Бехтел и Енка“.

Од Левица оценуваат дека проблемот за ВМРО-ДПМНЕ не бил самиот проект, туку тоа што тогаш не биле дел од, како што велат, „шемата со провизии“.

— реклама —

Партијата обвини и дека ВМРО-ДПМНЕ и СДСМ меѓусебно си ги амнестираат, како што наведуваат, „милионските криминали“, додека цената ја плаќаат граѓаните.