„Две години МВР со Тошковски не постапува за криминалот со надзорот на Бехтел и Енка“, велат од Левица

Левица преку соопштение обвини дека две години Министерство за внатрешни работи, предводено од Панче Тошковски, не презема никакви дејствија за, како што велат, криминалот поврзан со фирмата за надзор над проектот Бехтел и Енка.

— реклама —

Според партијата, и покрај сериозните сомнежи за милионски злоупотреби и високи хонорари, предметот со години останува во предистражна постапка, а обвинителството испратило и ургенции до МВР.

— реклама —

Од Левица тврдат дека во меѓувреме се променила сопственичката структура во фирмата Електра Солушнс, каде како нов сопственик се појавил Бојан Савески, за кого велат дека е кадар на ВМРО-ДПМНЕ и поранешен соработник на Коце Трајановски.

Партијата наведува дека токму ВМРО-ДПМНЕ додека било во опозиција јавно прашувало како фирма што јавноста ја поврзувала со продажба на долен веш добила милионски договори за стратешки инфраструктурен проект, а сега, според нив, молчи за истиот случај.

— реклама —

Во соопштението се споменуваат и наводни високи хонорари за експерти ангажирани преку фирмата, меѓу кои по 20.000 евра месечно за надзорни инженери и до 300.000 евра за преговарачи.

— реклама —

Левица оценува дека ветувањата за одговорност за случајот со „Бехтел и Енка“ биле само предизборна реторика и обвинува дека власта не само што не го гони, туку станува дел од, како што велат, „историскиот криминал“.