Експертите велат: Само 30 минути попладневен сон можат да ја подобрат концентрацијата

Само 20 до 30 минути попладневен сон можат значително да ги подобрат концентрацијата, продуктивноста и расположението, велат експертите за спиење.

— реклама —

Истражувачот Џејмс Маас, професор на Универзитетот „Корнел“, објаснува дека кратката попладневна дремка му овозможува на мозокот да се одмори и повторно да ја врати будноста, без да предизвика чувство на замор по будењето. Според него, таа придонесува и за подобро внимание, поголема креативност и подобра работна ефикасност.

— реклама —

Во својата книга „Sleep for Success! Everything You Must Know About Sleep But Are Too Tired to Ask“, Маас наведува дека кај повеќето луѓе природно доаѓа до пад на енергијата меѓу 14 и 16 часот, што е последица на природниот деноноќен ритам на организмот.

Експертите предупредуваат дека дремката не треба да трае предолго. Ако спиењето се продолжи на околу еден час, може да се навлезе во длабока фаза на сон, поради што будењето е потешко и често е проследено со чувство на омалаксаност.

— реклама —

Авторката Сара Медник, која долго време го проучува влијанието на дневниот сон, објаснува дека кратката дремка му овозможува на организмот брзо да се освежи и да ја врати енергијата.

Според стручњаците, попладневната дремка не го нарушува ноќниот сон доколку не се практикува доцна попладне или навечер, а најдобар ефект се постигнува ако трае околу 20 до 30 минути и се практикува секој ден во приближно исто време.