Експлозија во Франција: мобилна куќичка се запали, четири деца меѓу повредените

Пет лица, меѓу кои четири деца, се повредени во експлозија на мобилна куќичка во камп во местото Пенестен, во департманот Морбијан, во западна Франција.

— реклама —

До експлозијата дошло во петок навечер, кога, според првичните информации од истрагата, 62-годишно лице ја отворило вратата од изнајмената мобилна куќичка, при што настанало нагло струење на воздух кое, според истражителите, предизвикало експлозија.

— реклама —

Повредени се четири деца на возраст од осум до 13 години, како и едно возрасно лице. Две деца се здобиле со тешки изгореници и се наоѓаат во животна опасност, додека останатите се полесно повредени. Сите повредени се пренесени на лекување во болници во Нант.

— реклама —

Локалните власти соопштија дека во спасувачката акција учествувале голем број припадници на итните служби, вклучително и четири хеликоптери за медицински транспорт.