Енергетските шокови ја чинеле Италија милијарди: потрошувачката паднала за над 30 милијарди евра

Основачката на пропаднатиот стартап Theranos, Елизабет Холмс, во август следната година треба да биде преместена од затвор во центар за ресоцијализација во Тексас, објавува „Гардијан“.

— реклама —

Холмс, која има 42 години, во 2022 година беше осудена на повеќе од 11 години затвор поради измама на инвеститори за стотици милиони долари. Компанијата Theranos тврдела дека со само неколку капки крв може да открие бројни заболувања, меѓу кои и рак.

Федералната управа за затвори ги известила жртвите на измамата дека Холмс треба да биде преместена во транзицискиот центар „Остин“ во Дел Вале, Тексас. Таа моментално ја издржува казната во федерален затвор во Брајан, исто така во Тексас.

— реклама —

Нејзината затворска казна во меѓувреме неколкупати била намалувана. Сепак, судијата Едвард Давила во судските документи навел дека преостанатата казна и понатаму е соодветна на тежината на делото.

— реклама —

Според податоците на затворската управа, целосното ослободување на Холмс е предвидено за февруари 2030 година.

Интересот за нејзиниот случај повторно се зголеми по објавувањето на документарецот „You Can See Everything“ на комичарот Нејтан Филдер. Во него се следат Холмс и нејзиниот партнер Били Еванс во периодот пред нејзиното заминување во затвор и на почетокот од издржувањето на казната.

— реклама —

Дополнително внимание предизвика и информацијата дека Еванс собрал милиони долари за нов стартап поврзан со медицински тестирања. Според американскиот јавен сервис НПР, Холмс по излегувањето од затвор наводно планира да живее во Остин.